Quote: سبلم يا عمر دفع الله الفلاش دا ما بي يشتغل معانا
خسمتك كان ما نزلتهن واحدة واحدة
والله يا عيدوس ما فهمت منك اي حاجة ياريت لو تشرح . باقى ليك انا فهمى تقيل وكمان مشغول بالكاريكاتيرات في الفوتوشوب .
ما كنت متوقعك انت تجى داخل انا اصلو كنت منتظر الثنائي السلفى ( عماد حسين ومحمد جلال ) ولبست تلاتة بناطلين من النوع ( ابو لبدة )بتاعة الحمار المكادى وجبت ساطور بطول الذراع وقلت الليلة موت موت حيا حيا.
ترا محمد جمال قبض الربح من تجرو واتوسد تقيله ان شاء الله ثابت اجرو
05-17-2012, 12:47 PM
aydaroos aydaroos
تاريخ التسجيل: 06-29-2005
مجموع المشاركات: 2965
Quote: ترا محمد جمال قبض الربح من تجرو واتوسد تقيله ان شاء الله ثابت اجرو
هاهاهاها ... بالعكس يا فنان، أنا شايف البوست ثبت حاجات كويسة و جاب نتيجة بالرغم من محاولات الإغراق بالفيديوهات و المقتبسات و الشتايم.صاح صاحبك في الأول إتزعزع بعنف الهجمة الإرتدادية لكن بعد داك ركز.
ياخي طلبي إنك تنزل الكاركتيرات في شكلimage jpg png أو أي واحدة من حاجات الصور.
05-17-2012, 02:10 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
واحد من الظلاميين انصار السنة راكب البص وجنبه زوجته وفي المقابل في شاب بتاع مزاج كان مستغرب في الغراب الاسود المقابله.. أخونا الشاب ده متعود طوالي بردد عبارة" يا من تراني ولا أراك" ... لما كرر مرتين تلاتة راح أنصار السنة مطلع سكينه ونازل في المسكين: تشاغل في مرتي مالك؟ أنت فاكرني داقس!!... تراني تراني... يراك العمى..........
سلامات حبيبنا الفنان ود دفع الله
05-17-2012, 04:32 PM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
Quote: واحد من الظلاميين انصار السنة راكب البص وجنبه زوجته وفي المقابل في شاب بتاع مزاج كان مستغرب في الغراب الاسود المقابله.. أخونا الشاب ده متعود طوالي بردد عبارة" يا من تراني ولا أراك" ... لما كرر مرتين تلاتة راح أنصار السنة مطلع سكينه ونازل في المسكين: تشاغل في مرتي مالك؟ أنت فاكرني داقس!!... تراني تراني... يراك العمى..........
المستنير شديد Abdlaziz Eisa
ازيك يا أخي
05-17-2012, 04:44 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
الود محفوظ يا عمدة ولا اعتقد اننى اتعمد الاهانة الى احد حتى ازيد من اعدائى فعندى من الاعداء على صفحات هذا الموقع وخارجه ما لا طاقة لى به والحمدلله الذى لا يحمد على مكروه سواه .
هذا الكاريكاتير الذى ابتدرت به البوست كان من باب الطرافة ولم يخرج من دائرة الود بإستخدامى لعبارة نطق بها صديقنا محمد جلال في لحظة غضب .
لقد سبق لى وان هاجمت الفكر السلفى في اكثر من عمل كاريكاتورى وكان رأى واضحا في تلك الاعمال ولا زلت عند موقفى من ان الفكر السلفى خطر على بلادنا ويجب التصدى له قبل ان يقوى عوده ويقترب من السلطة مثلما فعلت الجبهة القومية الاسلامية سابقا وتمكنت لاحقا من كل شئ , من ارزاق الناس الى مزاجهم في المأكل والملبس والمشرب واقامت نظاما عضوضا و بإسم الحق الالهى في الحكم. كما لاتنسى يا عمدة ان هنالك طائفة منكم تشارك الآن في الحكم مع هذه الفئة الظالمة فإذا كان السكوت عن الظلم نراه ظلما فكيف وانتم قد صرتم جزءا من هذه العصابة الظالمة ؟
اننى لا احجر عليك رأيك فأنت حر فيما تقول وانا حر في رسوماتى وسأتحمل تبعاتها حتى ولو كان ثمن ذلك حياتى . وبينى وبينك يا عمدة حياتنا زاتا بقا ما عندها معنى مع الخراب الحاصل دا يعنى حيحصل تانى اكتر من كدا فينا ايه! nothing.
05-17-2012, 04:55 PM
Abdlaziz Eisa Abdlaziz Eisa
تاريخ التسجيل: 02-03-2007
مجموع المشاركات: 22291
والله يا عمر دفع الله ما عارف أقول ليك شنو!!! غايتو بالجد بالغت شديد في الكلام ده واتلوممممممت أول شي أنا عارف نفسي كويس وقاعد أتلمس خطواتي كويس في المنبر ده يمكنني أن أؤكد التالي:
1- ليس بيني وبينك أي عداء شخصي 2- لم يحدث أنا أن تداخلت معك في أي بوست يخصك أو أي بوست آخر كل التداخل الذي يحدث تبدأه أنت وأرد عليه أنا. 3- أي حوار تم بيننا كان ملؤه الاحترام والود ولم يسبق أن تعديت علي أو تعديت عليك وأتمنى أن يدوم ذلك 4- في حوار محمد جمال سألتني أسئلة ووجهت لي الخطاب ويعلم الله قعدت قريب نص ساعة ظبطت مداخلة وراجعتها عدة مرات وعدلت فيها عشان أقول كلام موزون وما أذكر معلومة مغلوطة، ونشرتها وانتظرت ردك لكني فوجئت بأنك بترد عليك بكاريكاتير وصورة ثعبان هديتها لي صاحبك وقام هداها لي، ومن يومها وما رديت عليك تاني لأني عرفت ما بتواصل في النقاش الكتابي وبتتغلب عليك روح الكاريكاتير، وأنا ما عندي قدرة على الرد كاريكاتيريا ولذلك تركت التداخل معك.
أما بخصوص البوست الافترعته ده فأنا أقول لك أولا اتق الله تعالى ولا تقولني ما لم أقل!! هذه العبارة التي أنزلتها على لساني وأكدت ذلك في ردك أعلاه، أنا لم أقلها!! لم أقل أحي من سلفيا ولا تغزلت في جمال سلفيا، كل الذي قلته عبارة في لحظة غضب : ( احي يا بتاع سلفيا ) ويعلم الله أنني لم أكن واعيا وقتها لأنو كنت غضبان منو غضب شديد، ولما وعيت لما قلت اعتذرت عنها وسحبتها واعتذرت عن الشدة والمخاشنة، إذن فلماذا تريد أن تمسكها علي ذلة؟ ولماذا بعد أن سحبتها وتراجعت عنها تأتي لتلصقها بي؟؟ والمشكلة أنك يا عمر تقولني مالم أقل وانتبه أن هذا الذي تثبته تاريخ يؤرخ، وانتبه إنو بيني وبينك يوم القيامة ووقوف أمام يدي الخالق تعالى، وانتبه انك حتموت ويبقى رسمك ويبقى ذنبك وما من كاتب إلا سيفنى ويبقي الدهر ما كتبت يداه ** فلا تكتب بكفك غير شيء يسرك في القيامة أن تراه
الأمر الأخير أقول لك: هذا الخيط الذي افترعته باب فتنة بعد أن أغلقت الفتنة في موضوع محمد جمال ونحا الناس إلى الحوار الموضوعي، هاأنت تعيد انتاجها من جديد سواء قصدت أو لم تقصد، وهاهي بوادرها قد لاحت وأنت مخير، لا أحد يجبرك على شيء، لكن أنت وضميرك.
05-17-2012, 05:16 PM
أحمد ابن عوف أحمد ابن عوف
تاريخ التسجيل: 04-26-2010
مجموع المشاركات: 7610
Quote: لكني فوجئت بأنك بترد عليك بكاريكاتير وصورة ثعبان هديتها لي صاحبك وقام هداها لي
قول بسم الله يا محمد جلال . ياخى موضوع الثعبان دا كان موضوع هزار لانو محمد جمال زهج منى واهدانى ثعبان وبنفس روح الدعابة قمت انا اهديتك الثعبان وهسى البشوف كلامك دا يقول فعلا في ثعبان حقيقى او فيهو رمزية تضمر الشر لشخصكم الكريم ...دى بالغت فيها والله ...
الكلام التحت دا مش كلامك :
Quote: أها صديقك السلفاوي محمد جمال ده ما بخيل زي مادر لكنه يشبهه في تعكير الموية صاحبك افترع البوست وكبا ليك الكيزان والسلفية والأخوان والتبليغ والصوفية وعامة المسلمين كباهم ليك في خور واحد وجاب عصايتو وقعد يصوط ويجوط لمن القصة اتعكرت تمام رمى سنارتو وقعد يصطاد
الكلام عجبنى ولمست فيهو طرافة وقمت رسمتو في الكاريكاتير التحت دا وكان شغل بتاع مشاغلة منى لمحمد جمال ولو تمعنت في الجماعة الاتنين في الكاريكاتير ما فيهم ولا واحد سلفى . واحد منهم يقول للتانى ما معناهو انو محمد جمال فشل في تعريف السلفيين . يعنى الرسمة كلها عبارة عن ترجمة لكلامك بدون زيادة او نقصان .
اما موضوع الفتنة دى فدا كلام ما عندو علاقة بالسياسة . يا محمد جلال نحنا الآن نمارس في فعل اختلاف سياسى وحقيقى . فأنتم اصحاب رؤية محددة لما ينبغى ان تكون عليه الدولة والمجتمع وانا صاحب رؤية اخرى كما للآخرين رؤاهم المختلفة ولكل منا وسائله للوصول لاهدافه .
السلفيون الآن , كجماعة دينية سياسية تتمدد بكثافة في المنطقة وقد تصل الى السلطة في بعض الدول ونحنا يا ابوحميد زى ما قالوا البضوق قرصة الدبيب بخاف من جر الحبل .
اها نحنا الترابى قرصنا قرصة لى الليلة ما برت وحيرانوا حتى اللحظة دى راكبين البلد. بعد دا كلو تقوموا تجونا انتوا كمان ؟ والله ما عندنا طريقة غير نتصدى ليكم من هسى قبل ما الرماد يكيلنا للمرة التانية .
05-17-2012, 06:21 PM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: أما بخصوص البوست الافترعته ده فأنا أقول لك أولا اتق الله تعالى ولا تقولني ما لم أقل!! هذه العبارة التي أنزلتها على لساني وأكدت ذلك في ردك أعلاه، أنا لم أقلها!! لم أقل أحي من سلفيا ولا تغزلت في جمال سلفيا، كل الذي قلته عبارة في لحظة غضب : ( احي يا بتاع سلفيا ) ويعلم الله أنني لم أكن واعيا وقتها لأنو كنت غضبان منو غضب شديد، ولما وعيت لما قلت اعتذرت عنها وسحبتها واعتذرت عن الشدة والمخاشنة، إذن فلماذا تريد أن تمسكها علي ذلة؟ ولماذا بعد أن سحبتها وتراجعت عنها تأتي لتلصقها بي؟؟ والمشكلة أنك يا عمر تقولني مالم أقل وانتبه أن هذا الذي تثبته تاريخ يؤرخ، وانتبه إنو بيني وبينك يوم القيامة ووقوف أمام يدي الخالق تعالى، وانتبه انك حتموت ويبقى رسمك ويبقى ذنبك وما من كاتب إلا سيفنى ويبقي الدهر ما كتبت يداه ** فلا تكتب بكفك غير شيء يسرك في القيامة أن تراه
05-17-2012, 08:14 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: وانى لهذا الوشيظ المنـحـط أن يرفع خـسيـسته بالتظارف
سلامات يا عمدا
اخونا عبدالعزيز درس معى بكلية الفنون . عندما كنت بالسنة الرابعة كان عبدالعزيز بالسنة الاولى او الثانية لا اذكر على وجه التحديد . اذكر انه كان دفعة خالد كودى وهو شخص طيب وعاقل .
عندما بدأ عزيز في الهجوم على الاخ عماد قلت في سرى ربما بينهم تاريخ من الشتائم والمصادمات لهذا لم اعر الامر اهتماما لكننى فهمت الآن من المداخلات اللاحقة انو الكلام دا ما حاصل . عشان كدا يا عزيز بالله اعتذر للاخ عماد .
واقول للاخ عماد للاسف فطريقتك في التعامل مع خصومك اشبه بل ومطابقة لطريقة الكيزان التى عهدناها . فأنت ترد الاساءة يا عمدا بأسوأ منها . فهل كان السلف الصالح يفعل ذلك حتى مع اعداء الاسلام نفسه ناهيك عن الخصوم الساسيين او المذهبيين؟
05-17-2012, 08:32 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: للاسف فطريقتك في التعامل مع خصومك اشبه بل ومطابقة لطريقة الكيزان التى عهدناها . فأنت ترد الاساءة يا عمدا بأسوأ منها . فهل كان السلف الصالح يفعل ذلك حتى مع اعداء الاسلام نفسه ناهيك عن الخصوم الساسيين او المذهبيين؟
بالله يا عمر.. كدة ارجع وشوف دخلة الزول ده كيف؟!!
وصف بالظلامية.. وده استهداف مباشر لي وللأخ محمد
وشوف باقي الكلام في الرد الـعفـن الذي يشبه ظاهره وباطنه النتن
النوع الزي ده البيجي داخل شمال على طول ما بيصلح معه غير كدة، لأنو أصلاً ما جاي لحوار ده جاي عشان الإساءات
عشان كدة جبتا ليهو حاجة من ارشيفو عشان نوري أخلاق ومنهج الزول القاعد يشتم غيره بانهم ظلاميين
وشوف معاك باقي الشتيمة... ففيها رمي وتلميح قبيح
وهذا دأب الناقصين،،، دائماً يمارسون الرجالة من وراء الكيبورد
لما زول يصف مخالفيه أن أمهاتهم (قحاب // داعرات) أكيد زي ده بيكون زول منحط وإنسان رخيص
ده ربوهو وين؟!! أشك أنه لقي أدنى قدر من التربية
النوع ديل جايين من وين؟!!
05-17-2012, 09:43 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5342
ولا الجماعة كتلو قلبك : )... وعملت "وإن جنحو للسلم فأجنح لها". يا حنين. أفوو دي ما المحرية فيك (Fire back" هههههه
أنا غايتو بهناك وقيادات المليشيات المدججة بالرؤى كلنا في حالة إستنفار وهجوم حتى يطل فجر جديد، نقع ونقوم... والحرب كر وفر... حتى حرب الرؤى هي كذلك "طبعآ".
يا زول يا حنين ولا يهمك... معليش على الثعبان بهناك (طبعآ ما كنت قاصدك بيه "المعنى الذي فهمت" حاشا لله يا حبيب إنت فهمت غلط!) وعليه أهديك هذه الأغنية الجميلة "يا حنين" والفنانة بالمناسبة من جبل أولياء (بقت سلفية هسه وسابت الغنى بإعتباره من المحرمات والموبغات بس بتمدح مرات مرات) وهي عافية حسن ... وأغنية "يا حنين":
05-17-2012, 10:09 PM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: والفنانة بالمناسبة من جبل أولياء (بقت سلفية هسه وسابت الغنى بإعتباره من المحرمات والموبغات بس بتمدح مرات مرات) وهي عافية حسن ... وأغنية "يا حنين":
يا محمد جمال
خلينا نحنا تقبل جزء من الهدية (وهي البشارة السمحة دي)
الحمدلله.. والله لو تركت الغناء حتى بدون ما تقول حرام لكان خيراً لها
05-17-2012, 10:30 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: شنو وين بقية الكراكتيرات "النارية" كالعادة؟.
ولا الجماعة كتلو قلبك : )...
اها يا محمد جمال دا ياهو زاتو الاصطياد في المياه العكرة .
الكاريكاتير الاول دا كان مجرج هظار ودعابة لكن برضو عيب منك تساوى بين الشربوت والهينكان .
محمد جلال من ناحيته قال ما عندو علاقة بجماعة وزير السياحة و ( الاصنام النوبية ) اما عماد حسين دا لسع ما عرفنا وضعو كيف وفي النهاية انا شايت ضفارى شايت وزى ما تجى تجي .
ويا محمد فأنت تعرف بأننى اكن احتراما خاصا لمؤسس هذه الجماعة الشيخ الهديه رحمه الله ولنجليه الاعزاء الدكتور عبدالملك واسامه وهما دائما موضع تقديرنا واحترامنا . ومنذ رحيل الشيخ الهدية والفراغ الضخم الذى تركه رأينا كيف صعد الانتهازيون الى قمة الهرم وعلى رأسهم وزير السياحة و ( الاصنام النوبية ) بتدبير من عصابة الكيزان ومكرهم فكانوا بذلك اشبه ب(المنبطحين ) الذين بايعوا معاوية ودم الامام على وبنيه لم يجف بعد .
تصبح على خير .....
05-18-2012, 10:56 AM
عماد حسين عماد حسين
تاريخ التسجيل: 06-11-2011
مجموع المشاركات: 7066
إختيار جميل .. الأغاني والكريكاتورات... أشكركم عليها وفي هذه الجمعة الجامعة أذكركم ونفسي بقول الرسول عليه الصلاة والسلام : ليس المؤمن بالطعان ولا اللعان ولا الفاحش ولا البذيء إنتو عافية حسن دي مش قبل فترة قصيرة استاذ الموصلي منزل ليها عمل جديد مع فنان آخر؟ ولا تشابهت علي العافية؟ تحياتي..
05-18-2012, 12:10 PM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: محمد جلال من ناحيته قال ما عندو علاقة بجماعة وزير السياحة و ( الاصنام النوبية ) اما عماد حسين دا لسع ما عرفنا وضعو كيف وفي النهاية انا شايت ضفارى شايت وزى ما تجى تجي
تحياتي يا عمر
بخصوص وضعك للناس في مقام الاستجواب
أول حاجة: محمد ده زول ملتزم في نفسه ومنهجه سلفي، وأنا أشهد أن علاقته مع جميع التيارات الإسلامية جيدة، وهو لا يلزم نفسه بدخول تنظيم أو الانتماء لفرقة محددة.
بخصوصي أنا... بالله خلينا نسألك أول حاجة
انت زاتك الشايت ده
اتجاهك شنو؟
عقيدتك التي تؤمن بها، هل هي سلفية أم صوفية أم ماذا؟
خلينا نعرفك قبل ما تعرفنا
يعني طالما قنطرتا نفسك، خلينا ناخد فرصة للشوت يا عمر
05-18-2012, 02:37 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: عقيدتك التي تؤمن بها، هل هي سلفية أم صوفية أم ماذا؟
يا عمدا انا للامن سألت عن وضعك كان قصدى واضح . وكان سؤالى مرتبط برد الاخ محمد جلال الذى نأى فية بنفسه من اى مسؤولية سياسية تخص المجموعة المنتمية لوزير السياحة و( الاصنام النوبية ) ومن هنا زاد احترامى له .
وانا للامن قلت حأشوت ضفارى كنت اقصد بالتحديد ذاك الوزير وحاشيته ولم اقصد الجماعات السلفية على وجه الاطلاق و البعيدة عن العصابة الحاكمة .
اما اذا كانت في نيتك جرى للمكان الذى اخذتم اليه هشام آدم ووليد التلب فما اظنكم تطلعوا بى فايدة من ذلك , غير الكاريكاتور المطلوق في اسافير الله اكبر الواسعة دى .
وبالله لحدى هنا كفايه ياعمدا وخلينا نشوف شغلنا ....
لكن في سؤال صغير لو تسمح :
Quote: الوشيظ المنـحـط
كلمة منحط دى بعرفها بس كلمة وشيظ دى معناها شنو! لانها كلمة حروفها متنافرة ووقعها تقيل على الاذن ونطقها اتقل كمان على اللسان ....
05-18-2012, 02:52 PM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
"وبالله لحدى هنا كفايه ياعمدا وخلينا نشوف شغلنا ...."
شوف شغلك دا كلام صاح ازيك يا زول ياسمح ياعمر يا دفع الله اتمنى انك دايما بخير وحات الله مافى حاجة بتخلينى اضحك فى الدنيا دى غير حاجتين حفيدتى ربنا يحفظها وكاريكاتيراتك
05-18-2012, 04:46 PM
عماد حسين عماد حسين
تاريخ التسجيل: 06-11-2011
مجموع المشاركات: 7066
Quote: شتيمة في الكيزان.. لكن مبروك وقت لقيت المقاس قدرك
أستغفر الله وأتوب إليه .. يا زول انت ما نصيح؟ انت ما عارف إنو الكلام ده قذف؟ وقذف لمحصنات غافلات مؤمنات؟ ما عارف إنو الكلام ده بعاقب عليهو الشرع والقانون في كل بلاد العالم؟! ما ذنب الأسر الآمنة بما يقترفه أربابها؟ حتى الكيزان لا يجوز لك شتمهم بهذه الشتيمة لأنو لو زروك وجابوك في أي محكمة وقالوا ليك أثبت القذف ده ما حتقدر!!!
وتعريض سخيف منك ( وقت لقيت المقاس قدرك ) ولو أخدنا الكلام بنفس منطقك العقيم ده ممكن جدا نقول: أصلا الكلام ما بطلع إلا من المقاس القدرو!!! لكن نرفض الأسلوب جملة وتفصيلا
وفي النهاية: كل إناء بما فيه ينضح
05-18-2012, 05:53 PM
محمد جلال عبدالله محمد جلال عبدالله
تاريخ التسجيل: 06-24-2011
مجموع المشاركات: 4552
Quote: تحياتي يا عمر بخصوص وضعك للناس في مقام الاستجواب
أي والله أنا ذاتي مستغرب في شغلة عمر دفع الله دي البقى لينا زي المحقق كونان يسأل في ده ويستجوب في ده!! والمشكلة إنو الواحد كان بيتعامل معاهو ببراءة شديدة وأريحية وبجاوب كل أسئلته بعفوية بحسبانها نقاش جاد أتاريهو الراجل كان بدردق فينا عشان في النهاية يجي يرسمنا!!
05-18-2012, 05:57 PM
عماد حسين عماد حسين
تاريخ التسجيل: 06-11-2011
مجموع المشاركات: 7066
تتواصل إعتداءات جماعة التكفير والهجرة للمتصوفة حيث اعتدى شاب يبلغ من العمر«32» عاماً على الشيخ موسى الشيخ أحمد الصابونابي «88» عاماً محاولاً اغتياله بآلة حادة بالقرب من قلبه عصر أمس الأول نقل على إثرها الشيخ إلى مستشفى سنجة، وذلك بمنزل الشيخ موسى بمنطقة الصابونابي بمحلية أبو حجار بولاية سنار.
وقال مدير الذكر والذاكرين بولاية سنار الشيخ محمد الشيخ الهادي ابن أخ الشيخ موسى لـ«الإنتباهة» إن المتهم ليس بغريب عن الشيخ موسى وهو من ضمن المريدين وكان مواصلاً للمسيد لكنه اختفى لفترة تزيد عن «4» أشهر.وكشف أن المتهم وعند زيارته بعد غيبته للمسيد قابل الخليفة الشيخ مصطفى وفي أثناء طريقه للشيخ موسى التقى ابنه السر الذي طلب منه أداء صلاة العصر في المسيد ومن ثم مقابلة والده لكن ونتيجةً لسبق الإصرار والترصد لم يذهب المتهم إلى تأدية الصلاة ولكنه دخل إلى غرفة الشيخ موسى حيث كان يجلس لوحده وقام بطعنه بمطواة جهة القلب ولكنها لم تصل إليه حيث جرح جرحاً سطحياً نقل على إثره الشيخ إلى مستشفى سنجة لتلقي العلاج. وأضاف أن المتهم وعقب الحادثة لاذ بالفرار لكن الشرطة والمواطنين قاموا بملاحقته ليتم القبض عليه بمنطقة بانت ــ 8 كلم من الصابونابي ــ في طريقه إلى سنجة حيث يسكن، وأفاد الشيخ محمد الشيخ الهادي أن الجاني يتهم بأنه يتبع لجماعة الهجرة والتكفير ويقال إنه كان خلال فترة اختفائه بمركز خاص بهذه الجماعة.
وتصاعدت موجة التطرف الدينى مع مجئ سلطة الانقاذ ، وتحالفها ودعمها المادي والسياسي والاعلامي والتربوي لجماعات الهوس الديني . فتم تكفير والاعتداء على مساجد انصار السنة في التسعينات ، وفتحت النار على المصلين في المساجد ، بما في ذلك الاطفال ! وبرر قائد المجزرة قتل الاطفال مزوراً ومنتحلاً القول الكريم ( لن يلدوا إلا فاجراً كفاراً) كما تم الاعتداء على المصلين في عدة مساجد أخرى مثل مسجد (ابوقوته) وتم حرق عدد من الأضرحة والمساجد لشيوخ الطرق الصوفية بالبلاد.
Quote: للمعومية فقط فالشيخ الصابونابي من أكبر الداعمين للحركة الشعبية في فترة نيفاشا.. وتمت محاربته بشكل شرس للغاية خصوصاً بعد أن زاره باقان أموم الذي هو صديق شخصي للشيخ.. وحكاية أن المتهم من جماعة الهجرة والتكفير لا تعدو عن كونها ذر للرماد على العيون للتمويه على مخططات جهاز الأمن ومنبر الخال الرئاسي تحديداً للقضاء على أي مكان يُشتبه بوجود مناصرة فيه للحركة الشعبية.. والجدير بالذكر أن الشيخ الصابونابي لم تصيبه هستريا هجليج المفتعلة أخيراً حيث سارع العديد من الشيوخ للظهور في التلفزيون لإظهار الغضب والتنديد وتجديد الولاء للبشير، منجاة لأنفسهم
واخيرا من اللعب بالدين الى اللعب بالمتدينين .......
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر دفع الله
aydaroos
عماد حسين
Abdlaziz Eisa
حبيب نورة
محمد جلال عبدالله
أحمد ابن عوف
محمد جمال الدين
rummana
سلمى الشيخ سلامة
فيس بوك
تويتر
انستقرام
يوتيوب
بنتيريست