|
|
 الدولار يزيد تجقلبو ينقص تفرنبو ايه الحكاية ؟؟؟
|
والله حيرتونا معاكم
عوتكم ضاربة حدها السماء
الانقاذ لما استلمت الدولار كان بي كم وهس بقى كم ؟؟ظ
التضخم اكل الاخضر واليابس
الدولار سيقترب من الستة عند الساعة ستة
والدقيقة ستة
فجاة تنبهل رحمة الله من السماء لينزل هذا النزول
الذي جعلكم تفرنبون
ايه الحكاية
|
|
 
|
|
|
|
|
|
|
|
Re: الدولار يزيد تجقلبو ينقص تفرنبو ايه الحكاية ؟؟؟ (Re: ود الباوقة)
|
Quote: فجاة تنبهل رحمة الله من السماء لينزل هذا النزول
الذي جعلكم تفرنبون
ايه الحكاية |
ود الباوقة / سلامات
يا خوي الحكاية حكاية انو نزولوا ده حيجي بعده ارتفاع مضاد للنزول في الاتجاه زائد عليه في السرعة،، لأنو ما هو ناتج عن تنمية حقيقية.. علي العكس النزول ده ح يستهلك كل المنحة او القرض في اشياء كمالية كما هي العادة دائما، هذا القرض لن يستخدم في توفير الادوية والسلع الضرورية لحياة الانسان، ولن يستخدم في التنمية، انما هو لسد العجز في العملة الاجنبية لفترة وجيزة جدا، وبعدين عينك ما ح تشوف الاالنور.. او نبقي دولة تعتمد بالكامل علي المعونات الخارجية،، يعني بي بساطة كده مشروع الانقاذ الحضاري حولنا الي دولة (عالة علي الدول العربية ذات التوجه الاسلامي) يعني لا بقينا ناكل مما نزرع ولا لبسنا مما نصنع.... (صنع في قطر)
ياود الباوقة
كدي عليك الله اخد ليك طلة علي الدين العام للسودان، وشوف خدمة الدين السنوية وبعد داك لو لقيت ليك شيء يدعو للتفاؤل، ورينا ليهو عشان نشاركك الافراح..
| |
|
|
|
|
|
|
|
|
|
Re: الدولار يزيد تجقلبو ينقص تفرنبو ايه الحكاية ؟؟؟ (Re: اسعد صلاح البدري)
|
صديقي X نوي ينزل السودان اجازة ... وضع تكاليف الاجازة بالسودان علي حدود 10000 درهم (يعني 2740 دولار امريكي) يعني فوق ال 16 مليون جنيه -بالقديم - و فجأة كدة و بدون سابق انذار ينخفض سعر الصرف للدولار الي النصف لصالح الجنيه ... و يعرف صديقي بان عليه صرف ما يعادل ال 4 الاف دولار _زيادة ما يقارب 50% ) ... و يفكر ان يلقي اجازته في ربوع الوطن و السفر الي ماليزيا بدلا ...اقل تكلفة!
---------------------------------
اعلاه صورة مبسّطة لسبب الجقلبة الحاصلة.... طبعا مثل هذه الاشياء لا تحصل الا في السودان!!!
| |
|
|
|
|
|
|
|
|
|
Re: الدولار يزيد تجقلبو ينقص تفرنبو ايه الحكاية ؟؟؟ (Re: abuguta)
|
الزميل ود الباوقة ..
ياخ إنت كادر طلابي خطير .. بس ده ما بنفع مع الشارع
والشارع شارع مالي .. وزير المالية صرح بأنه تلقى أموال من دولة
لن يذكر إسمها ! تصريح خطير يدل على تفكير الوزير الفطير ,,
والفطير هو ما ترميه إيادي ست النفر بتاعة اللقيمات ..!
واللقيمات يصنع من دقيق الفينو ,, ولا عزاء لويتا وسيقا وزادنا ..
فست النفر إستقبلت مكالمة هاتفية من سلفاكير .. يحدثها عن ضرورة خج اللقيمات ..! وزيادة الكربونات حتى تفسي أقصد تفشي دولة الشمال أسرارها!
وأسرار دولة الشمال الإسلامية يحملها الدكتور الشعبي حسن الترابي ..
والترابي إتصل به وزير المالية لفك ضائقة البلاد المالية!!
فتبسم وإتصل هاتفيآ بآيات الله على خامنئي ..
وأتصل خامنئي بالرئيس أحمدو نجاتي عن ضرورة مساعدة السودان في ظرفه الحالي ...
والحالي يعني دعوة جورج كلوني للرئيس أوباما لغداء في منزله بضاحية هوليود .. مع مجموعة من الممثلين ونجوم هوليود وأهمها حلقات مسلسل
(كوخ صغير في البراري)....
والبراري هي التي إستضافت الرئيس اليوم إحتفالآ بعودة هجليج !
وفي لقاء البراري أوضح الرئيس في خطابه عن أسرار تخص تنظيم الإسلاميين في الجيش ... والجيش إختار قادته المختارين!
ومختار محمدين إبن البراري والذي شبهه الرئيس بعمود التنظيم هو من البراري .. وكان هو رئيس التنظيم .. ولا كمال إلا بإكتمال التنظيم..
وكمال سلامة هو أحد أبطال إتحاد التاكندو و القوات الخاصة ..
وهو من أبناء البراري والمشترك القاسم ..!!
وأبو القاسم محمد إبراهيم قاسم مشترك مابين البراري والهاشماب!!
والهاشماب ترجع أصولهم لمنطقة المحمية شندي !!
وشندي هي التي تأهل فريقها الأهلي بنصر مستحق على نظيره سيمبا التنزاني
وتنزانيا هي الدولة التي قامت نتيجة لمذابح إرتكبها السفاح عبيد كرومي
بعد إنقلابه على السلطان دارشيد وأقام مذابح ضخمة ضد العنصر العربي في
زنزبار بدعم من الرئيس القس جوليوس نايريري عام 1965 ..
ونايريري هو صاحب فكرة البان أفريكان .. أي محاصرة المركز وإسقاطه بواسطة قوى الهامش ,,!
والهامش حريات لا تتقاطع مع الحرية الشخصية ..ولا الوطنية!
والوطنية تعني أولئك الذين حضروا دعوة السفارة السودانية بواشنظون لنصرة
الجيش وفرحآ بإسترداد هجليج ... و و و
------------------------
إعتذر للغة الإسحاقية لود أحمد فضل الله ... ياود الباوقة
| |
|
|
|
|
|
|
|
|
Re: الدولار يزيد تجقلبو ينقص تفرنبو ايه الحكاية ؟؟؟ (Re: ود الباوقة)
|
| Quote: وناس كمان تسال من السيخ بي كم |
نعمل شنو ياااخ .. ناذر جاب لينا معادلة جديدة
ان شاء الله الجنية السوداني يرجع يساوي 3 دولار ..
والذهب ان شاء الله نلقاهو في الخيران وتحت الكباري
وبلدنا يا رب تبقى أغنى دولة في العالم ..
حد يكره يا عمــر الخير لبلده وناس بلده ..
إرتفاع الدولار كارثة للكل ولا نتمناه ..
| |
|
|
|
|
|
|
| |
جمال المنصوري
اسعد صلاح البدري
abuguta
Mohamed Foto7li
فيس بوك
تويتر
انستقرام
يوتيوب
بنتيريست