|
|
 لطشته من زهير عثمان حمد
|
Quote: رجلان يبرّران تعاطيهما للخمور لمكافحة البعوض ..!!
05-15-2012 06:54 AM
اقر اثنان من متعاطي الخمور البلدية ، امام محكمة الخرطوم شمال بحيازتهما لـ (العرقي) وبررا ذلك بأنهم يتعاطيانه ليلا حتى يخفف عنهما وطأة البعوض .
وكانت المباحث قد ألقت القبض عليهما وبحوزتهما اربعة (كريستالات) خمور بلدية وبعد اقرارهما اصدرت المحكمة عقوبة الجلد (40) جلدة لكم منهما .
المجهر السياسي
0 | 0 | 101
|
نقل الخبر مهنه الاخ. زهير عثمان حمد والخبر فيه بعوض والبعوض
بنقل الملاريا ، والملاريا بعالجوها الدكاترة
لكن ما بالطريقة دى ( وجه ضاحك)
|
|
 
|
|
|
|
|
|
|
|
Re: لطشته من زهير عثمان حمد (Re: ندى صالح الطيب)
|
| Quote: اقر اثنان من متعاطي الخمور البلدية ، امام محكمة الخرطوم شمال بحيازتهما لـ (العرقي) وبررا ذلك بأنهم يتعاطيانه ليلا حتى يخفف عنهما وطأة البعوض |
الأخت ندي صالح الطيب
تحياتي - الحيثيات دي ذكرتني قصة حدثت في بلدنا ذات مرة الجزاريين ضبحوا ليهم جمل مصاب بمرض ما وأول حاجة عملوها شالوا جزء من الكبدة ورسلوها مع صاحبات الكأس يتاع العرقي ليذهبوا بعد بيع اللحمة للمزاج . وبالفعل معظم ناس البلد شالوا لحمتهم وبعضهم كبدة وذهبوا بعد الفراغ من السوق وتناولوا الإفطار وبالطبع الكبدة كانت طبق اساسي وبعدها شربوا العرقي وعادوا في إتجاة السوق وكان الطريق يأتي بالمستشفى فوجدوا أعداد كبيرة من الناس في حالة تسمم فسألوا الحاصل شنو ؟؟ فرد عليهم الناس بأن الكبدة هي سبب التسمم . وقالوا ليهم طيب نحن الآن فطرنا كبدة لكن أديناها عرقي بعد داك!! بالله العظيم غالبية الناس من محلها داك وطوالي إتجهوا ناحية ستات العرقي . يعني بالدس بتاخد ليك كاسين وبتبقى مارق .
بحيراوي
| |
|
|
|
|
|
|
|
|
|
Re: لطشته من زهير عثمان حمد (Re: عبدالمجيد الكونت)
|
يا دكتورة والله كلام صاحبنا فيكن صاح
قال لى والله الحريم ديل جنهن نقة فى الشربه
لكن على اليمين يجربنها تانى ما يخلنها..
يازوله البتاع ده علاج لحاجات كتيييييييييرة
صحى الما بعرفك بجهلك ، والما بعرف الصقر بشويه
لووووووووووووووووووول،،،
| |
|
|
|
|
|
|
|
|
Re: لطشته من زهير عثمان حمد (Re: صديق الموج)
|
عمك راجل عجوز وكل يوم مقبوض سكران ويجلدو فيه ... القاضي ارسل احد العساكر وقال ليه شوفو لينا اي واحد من اولاد الراجل دا ... على التعترهم جابو ليه ولدو بسكر اكتر من ابوه ... القاضي قال ليه بدل ابوك دا يتجلد كل يوم جيبو ليه السم دا في البيت وما تخلوه يحوم في الشوارع .... اتبسط جدا الولد وقال للقاضي شكرا جزيلا بس لو سمحت ادينا تصديق بحمل العرقي علانية عشان لما اجيبو لابوي ما يقبضوني .............. !!!
| |
|
|
|
|
|
|
|
|
|
Re: لطشته من زهير عثمان حمد (Re: علاء الدين حيموره)
|
الأخوة بحيراوى
عزان سعيد
الكونت
ود الموج
ود حيمورة
شكرًا على المرور والإضافات القوية
لكن أنا حاحكى ليكم دى كنت اعمل فى مستشفى فى الطائف السعودية
وكان معانا طبيب وهو د. على ادم إلهادى اخصائى جهاز هضمى
ومناظير فجانا ليك مريض سعودى رجل كبير فى السن باستفراغ دموى
و بعد الفحص تأكد ان نزيف من دوالى المرئ و كان العلاج المتوفر
فقط حقن فى مكان النزف وهى كحول فقام د. على كلمه بيه
طبعا صاحبنا اول عرف انه كحول رفض رفضا باتا وقال يموت
ما يدوه ليه فعلا وقع على كده ورقة وربنا لطف وستر انه ما نزف تانى
حتى غادر المستشفى
لانه فى ناس زعلانه ان البوستات بقت ما هادفة أنا حاضيف
البعرفوه عن فوايد الكحول لو ناقص حد يتم
اولا فى علاقة بين تناول الكحول و مرض تصلب شرايين القلب
تعرف بال. J shape تناوله بكمية معينة تقلل الإصابة لكن بيصل حد
تصبح طردية كلما ذادت كلما ذاد احتمال الإصابة بيها
تانى علاج للدوالى زى قصة صاحبنا الفوق
و التعقيم المسحات الطبية وغيره
مضاد لتسمم الميثانول
شففتوا كيف مش طلعت من الخبر بوست هادف
عشان نستفيد اكثر لو حد كلم لينا
زميل البورد عماد موسى نشوف رائ الدين
فى الاستعمالات دى لنفيد القراء
و الأرجح جائز وننتظره هنا مافى مشكلة
| |
|
|
|
|
|
|
|
|
|
Re: لطشته من زهير عثمان حمد (Re: ندى صالح الطيب)
|
سلام لصاحبة البوست والضيوف
يا أخوانا مسألة فيهو فوائد دي ما فيها غلاط
وهو مصنف مواد غذائية
وناس الفود تكنلوجي كلهم درسوا طريقة صناعته
وعارفين إنه من الأغذية
يعني هو مادة غذائية
ثانياً ونقطة هامة جداً
ما عاوز أدخل في سرد فلسفي طويل
لكن لحم الخنزير حرام والمشروبات الكحولية حرام
بس في الجنة هنالك خمرة لذة للشاربين
ولكن يظل لحم الخنزير حتى في الجنة حرام
شفتوا الحتة دي عاوزة ليها تقعيد كويس
أنا ما حأخوض فيها
لأن المجال لا يسمح
لكن كلمة الخمر معرفة بالألف واللام تفرق عن كلمة خمرة أو خمر أو خمراً
من غير ألف ولام
ودي فيها فتاوي كتيرة دسوها الناس الما عاوزين غيرهم يطلعوا عليها
في تفاسير مختفية وموجودة لدى قلة من الناس وكثير منهم عملوا على إخفائها وعدم إظهارها
الموضوع كبير بس في البورد دا ما حينفع التقاش فيهو
__________________
نتمنى لكم خمراً لذة للشاربين
| |
|
|
|
|
|
|
|
|
|
Re: لطشته من زهير عثمان حمد (Re: Asim Fageary)
|
| Quote: يا أخوانا مسألة فيهو فوائد دي ما فيها غلاط |
الاخ عاصم شكرًا للمرور
فيه فوائد دى ما فيها غلاط لكن انت رائك شنو فى الشباب ديل
السودان مصنف من المناطق الموبوءة بالملاريا. لو الاستعمال ده
صحيح يعنى فى الجو بتاعنا الحار ده بدل يختوا جك موية بالليل جنبهم
يبقى جك الما. يتسمى .
| |
|
|
|
|
|
|
|
|
|
Re: لطشته من زهير عثمان حمد (Re: ندى صالح الطيب)
|
| Quote: يبقى جك الما. يتسمى . |
يا ندى
وليه يعني "الما يتسمى"
ما ياهو داك إسمه مذكور في القرآن
وأمال لذة للشاربين دي أنا جيبتها من وين؟
بعدين يا دكتورة وإنتي ست العارفين
صنفي الأدوية الفيها كحول
من شراب السعال بتاع الأطفال وإنتي ماشة فوق
عشان كدا قلنا هنالك فرق بين "خمر" و "الخمر"
دي هنا ما بفصلها ليك
تسلمي يا دكتورة
| |
|
|
|
|
|
|
| |
ندى صالح الطيب
البحيراوي
عزان سعيد
صديق الموج
علاء الدين حيموره
Asim Fageary
بخاري عثمان الامين
فيس بوك
تويتر
انستقرام
يوتيوب
بنتيريست