لمحة تعريفية عن موضوع البوست: البوست بعرِفه عنوانه... بس..!
وما بالضرورة عنده صلة بانطلاق حملة السخف الاسفيري في بورد من لا بورد له كل الموضوع أني عايزة مداخلاتي تصل 3000 ... ما معقول الواحد يعيد في سنة تانية دي أكتر من 12 سنة..! لو ما لقيت حاجة أكتبها ح أرفع البوست بــ (.) تعبت خلاص من التمام اليومي هنا في المنبر عايزة أمشي بيتنا ...
للجميع كامل الحرية في المشاركة في البوست بــ whatever
05-14-2012, 05:42 PM
rummana rummana
تاريخ التسجيل: 02-05-2002
مجموع المشاركات: 3537
Thursday, 26 April 2012 بدأ قط في روسيا عمله السياسي ويهدف للحصول على مقعد في المجلس التشريعي في رابع أكبر المدن في روسيا مقتفيا بذلك خطى قط آخر من فرجينيا. وقال إيفان كلوتوفكين، المتحدث الرسمي باسم ببليك البالغ من العمر ثلاثة شهور أنه بالتأكيد سيفوز. "هو ليس يمينيا ولا يساريا ولا ينتمى لاي حزب" كما قال. طموحات القط الشاب اعلنت في فكونتوكتي وشبكة الفيس بوك الاجتماعية. وبين الصفحتين حصل ببليك على حوالي 200 مؤيد حتى مساء الاثنين* لكن مجموع "لايك" في تزايد وقال الناطق الرسمي باسم ببليك أنه سيكون هناك تجمع لمؤيدي ببليك قريبا في ايكاترينبرج، العاصمة غير الرسمية للمنطقة الاورال. --- * الرجاء مراعاة فروق التواريخ
May 10, 2012 قضت محكمة أميركية في ولاية ميتشيغن على ملكة جمال الولايات المتحدة السابقة، اللبنانية الأصل ريما فقيه، بالرقابة الاختبارية عليها طوال 6 أشهر، وبغرامة قيمتها 600 دولار، كما الزامها القيام بخدمات عامة متنوعة مدة 20 ساعة مثل التنظيف والكنس ولملمة النفايات لقيادتها السيارة «تحت تأثير الخمور وتعريض سلامة الآخرين للخطر»، وهو ما عقوبته بالأصل السجن 93 يوماً.
وكانت دورية مرور أوقفت فقيه في 3 ديسمبر الماضي حين رصدها الرادار تقود سيارتها (الجاغوار) بسرعة 100 كيلومتر بالساعة، أي 50 زيادة على المسموح به، وحين بدأ عنصر من الدورية يحقق بأوراقها لمح زجاجتي نبيذ وشمبانيا في مقعد سيارتها الخلفي، فطلب منها النزول .....ألخ ..إلخ..
رغم عدم امتلاكه لأي مؤهلات دراسية، إلا أن عبدالله السوداني الذي يعمل مربيا للماشية ويقيم فى مدينة "ساجر" بمحافظة "الدوادمي" السعودية يتقن بحرفية عالية تصنيع أطراف وأرجل صناعية للمعاقين، مستخدما مواد طبيعية كجلد البقر والغنم وأخشاب العشر. ويقول عبدالله لصحيفة "الوطن" السعودية إنه ورث هذه المهنة عن جده الذي تعلم منه كيفية تصنيع هذه الأطراف أو أي جزء منها من جلد البقر والغنم وأخشاب نبت العشر ، مبينا أن هناك نوعين من نبت العشر "ذكر وأنثى" وأنه يميز بينهما ويصنع الأطراف من ذكر العشر القوي والمتماسك، الذي يتميز أيضا بأنه لين عند إخضاعه لعملية التصنيع والتشكيل، بالإضافة إلى ميزة أن وزنه خفيف رغم صلابته وقدرته على التحمل، فيما يصعب استخدام أخشاب العشر "الأنثى". وأوضح عبدالله أنه يستخدم جلد البقر في تبطين الطرف من الداخل لأنه يكون باردا على الرجل ويمتص العرق ولا يسخن، بينما يغلف الطرف بجلد الغنم من الخارج لأنه أفضل من حيث الشكل. وأشار إلى أن مدة تصنيع الرجل كاملة تصل إلى 10 أيام، وتتكلف "الرجل" بالكامل 5 آلاف ريال، بينما تبلغ تكلفة "نصف الرجل" 4 آلاف ريال، والقدم فقط 3 آلاف ريال مع الضمان الكامل. وبين عبدالله أن أهم مرحلة فى مراحل تصنيع الطرف الصناعى هى مرحلة أخذ المقاسات التي يجب أن تتم بدقة عالية، مؤكدا أنه بدون دقة المقاسات يفسد الأمر كليا، كما أن مراعاة الشكل الخارجي للطرف الصناعي وسهولة تحريكه تنعكس بشكل كبير على نفسية المعاق، فكلما كان الطرف المصنوع أقرب في الشبه للطرف الآخر المقابل له كان ذلك أفضل وانعكس إيجابيا على نفسيته.
05-14-2012, 08:34 PM
rummana rummana
تاريخ التسجيل: 02-05-2002
مجموع المشاركات: 3537
و فساتينك فساتين النجيتو الفكي زريتو في قعر بيتو ^__^
__________________________
عارفة يا رمانة من المفارقات السخيفة الحصلت لينا .. اتعرف اخوي على شابه عن طريق الانترنت .. المهم اتطورت العلاقة سريع واخدت شكل جدي بي تعرف اخوي على اسرة الشابة .. ودا كلو وهوما شافها فيس تو فيس .. هي مستقرة في السودان .. لما جيت انا واخواتي السودان طلب منها تزورنا عشان تتعرف علينا .. وتساعدني القى وظيفة بحكم وظيفتها في منظمة ما وانوعندها علاقات واسعة .. المهم ، الزولة دي وهي اكيد لو قرأت القصة دي حتتذكرها تماما، طلعت خريجة جامعة الخرطوم /كلية العلوم على ما اذكر .. وبحكم تحيزي لجامعة الخرطوم انبهرت بيها وانبهرت بطريقة كلامها و ثقتها و تجاربها العملية وووو الخ .. وانا يادوب داخله على العالم دا ... طلبت مني امشي شركة (.....) معروفة في الخرطوم بحري واصحابها معروفين جدا .. بعلمهم وثقافتهم قبل البيزنس حقهم .. وادتني رقم التلفون وقالت عندهم معاينات لوظائف عدة وانوصاحب الشركة ومديرها صديق شخصي ليها ومعرفة قديمة وانها كلمتو عني والمفروض اتصل عليهو قبل ماامشي .. كنت متوترة حقيقي زي الموديني المدرسة اول يوم .. الصباح على الساعة 8 ونص اتصلت على السيد المدير .. بعد السلام و التعريف قال لي تعالي الساعة 3 او 3 ونص ضهر .. وين الشركة قال في المنطقة الصناعية .. انا حقيقي استغربت للمواعيد كنت مهيأه نفسي الصباح .. بسذاجة شديدة قلت يمكن لانها شركة كبيرة و الوظائف كتيرة عشان كدا الوقت متأخر .. المهم اخدت تاكسي ونمشي ونسأل لحدي ما وصلت .. الشركة مكانها مقطوع من الحتات المأهولة ..دا اولاً .. ومافي اي خطوط مواصلات هناك ...قلت لسيد التاكسي ينتظرني .. و انا في البوابة لاحظت انها فعلا شركة كبيرة و مسورة بي اشجارة كبيرة و كتيرة و انو المباني لي جوووه يعني مشوار ... لاحظت انو البواب اتفاجأ لما شافني .. سالتو مش دي شركة كدا كدا ..لانومافي اسم او يافطة عليها ..قال لي ايوة ..مش في معاينات الليلة؟ قال لي ايوة لكن المعاينات بتخلص من الساعة 10 ص ... وهوبقول الكلام دا ومندهش فيني .. ماعرفت حقيقة اتصرف كيف .. قلت ليهولكن انا قالوا لي 3 ضهر ..قال لي خشي المدير موجود ..قلت ليهو بس المدير قال لي لا في موظفين و سكرتيرة كمان ..
والله يا رمانة الوقت داك انا كنت بريئة وساذجة ^__^ لكن هسه بقيت متوجسة دايماً ..قصدي تفتيحة .. المهم اتصلت على صاحبتنا .. وحكيت ليها سريع هرشتني كدا زي ابله الناظرة .. قالت لي هو لانوعايزيوظفك انتي عشان انا كلمتو عنك عشان كدا عايزك تجي بعد ما المعاينات تخلص .. و المؤمن صديق ..او البرلوم صديق .. اتشجعت وخشيت .. الشركة فاضية ما لاقني اي موظف .. لكن لما وصلت مكتب المدير ... لقيت مكتب صغير اغلبو قزاز فيهوبتين قاعدات ... اخدت لي نفس كدا و قلت الحمد لله .. وتصدقي يا رمانة .. خوفي الغالب علي اصلوما كان خوف ناس كبار ..كان خوف بنات صغار و شفع .. خوف الاماكن الفاضية ومليانة شجر ..لكن برضو ماكنت مرتاحه و الحاجة دي مرجعها صاحبتنا .. لانها في شكلها و استايلها و العربية الكانت سايقها و شخصيتها و موبايلها البرن كل شوية وكلام كلو ما مريح .... يعني انطباعي عنها كزولة بتصلح للزواج من اي شاب ماكان جميل و لامريح .... المهم ، اتبسطت لما شفت البنات و قالوا لي انتظري .. مشت واحدة للمدير و جاتني راجعة قالت لي المدير منتظرك ....
السخف الباقي في الحلقة الجاية ..يا كملتو يا غيرتا رأيي ... صفيحة جبنة وكدا ^__^
05-15-2012, 00:17 AM
فاروق عثمان فاروق عثمان
تاريخ التسجيل: 10-22-2010
مجموع المشاركات: 2017
سلامات رشا... تعرفي أنا قبل ما أكمل الفقرة الأولي من القصة قلت أحسن أحضر الساطور حقي الخطير داك للطواريء.. والساطور ده عنده قصة سخيفة كده.. اصريت اشتريه قبل أول ضحية لينا في ديار غربة... الساطور ذاته كان وزنه إتنين كيلو وبعدين ضبحنا الخروف .. وكنا عايشين ان دا ميدل أوف نو وير.. لما وصل الخروف (بعد ما كتلوه طبعا في المدينة المجاورة) كانت الدنيا قربت تمغرب.. أنا عاينت للضحية والقصة مااا عجبتني كلو كلو... كل عضمة وعضمة كانت في حد ذاتها قدر حمل صغير.. أنا كان فهمي إنه بساطوري ده حأواسي بس العضمايات لو احتجت عشان يبقى شكلهم مهندم في الحلة...غايتو تأملت بنشات مطبخي الكان عاجبني شديد .. وتأملت أرضيته من السيرامك الما خمج وقررت أقطع اللحمة وأقول وداعا للعضام كلها. ومن الضحية ديك تاني أصله ما ضبحنا خارج السودان ...أما الساطور ففي الخطة إني أعمل ليه برواز وأعلقه لأني ما استعملته إلى اليوم ...
المهم هسه أنا في معيتي عصاية خفيفة بتأدي الغرض فتعالي كملي القصة... راجينك..
05-15-2012, 09:17 AM
rummana rummana
تاريخ التسجيل: 02-05-2002
مجموع المشاركات: 3537
أنصار السنة ومن لف لفهم "والمتحسسين من كل ما ينشر في البورد" لا يحتاجون لمشاهدة كل الفيديو السخيف.. كفاية عليهم الخبر رقم إتنين عشان قصته حصلت في السعودية!! أما غير "الناطقين بالانجليزية" فنعتذر لهم ونوعدهم بالأسخف في الخبر القادم ..
05-15-2012, 10:24 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: وما بالضرورة عنده صلة بانطلاق حملة السخف الاسفيري في بورد من لا بورد له كل الموضوع أني عايزة مداخلاتي تصل 3000 ... ما معقول الواحد يعيد في سنة تانية دي أكتر من 12 سنة..! لو ما لقيت حاجة أكتبها ح أرفع البوست بــ (.)
تعرفي تغني يا لييييييييييييل ما اطولك (بلكنة خليجية)!؟
--------
نحكي ليك قصة عن امام .. اما بنغالي مرة صلى بالجماعة صلاة رباعية .. (صراحة هو ما اما ولا شيتين! .. فكاها فيهم سااااي) اها دقس .. في ي ي ي ي التلاتة سلم ليهم.. بعد انتبه .. اتلفت على جمهور المصلين وهو يردد: سديق .. معليش!!
05-15-2012, 10:43 AM
aydaroos aydaroos
تاريخ التسجيل: 06-29-2005
مجموع المشاركات: 2965
في يوم النساء و الاطفال في احد الحدائق العامة في قطر ، دخلت القطرية و صديقاتها و أطفالهن و من خلفهن السائق يحمل الطعام و الماء و المفارش، إستوقفه حرس الحديقة " ممنوع للرجال، اليوم للنساء".
صرخت عليه القطرية من داخل الحديقة "دا موب ريال*، دا الدريويل** تبعنا".
Quote: نحكي ليك قصة عن امام .. اما بنغالي مرة صلى بالجماعة صلاة رباعية .. (صراحة هو ما اما ولا شيتين! .. فكاها فيهم سااااي) اها دقس .. في ي ي ي ي التلاتة سلم ليهم.. بعد انتبه .. اتلفت على جمهور المصلين وهو يردد: سديق .. معليش!!
قيقراوي سلام تعرف لو ما دخلت البوست ده كان عملت ليك بوست نداء.. ياخ انت جراح سخافة بدرجة بروفسور "مستر" عديل كده ونكتتك بتاعت البنغالي دي كان ما أخاف المبالغة قمة في سخافة الخليج والسعودية تحديدا.. يعني مافي واحد واعي وصاحي ينبهه على نقص الفرض ؟ مما يدل على إنهم كلهم عايزين يخلصوا من الصلاة :) .... كل واحد عايز يرجع يشوف معايشه..! انت عارف أنا سمعت إنه بنغلاديش بتصدر عمالة غير ماهرة إلا في مجال الجريمة لانها بتصدر الفائض من سجونها عشان ما تضطر إلى إعاشتهم في السجون وهي براها فقرانة وتعبانة... وده ذكرني فيديو سخيف كده أبطاله بنغاليين ، حأقوم أجيبه هنا فيما بعد..
(أنا حأقوم أرد على كل مداخلة كتبتها في مداخلة لحالها ومال الـ 3000 دي أصلها كيف..!! )
05-15-2012, 02:39 PM
rummana rummana
تاريخ التسجيل: 02-05-2002
مجموع المشاركات: 3537
Quote: صرخت عليه القطرية من داخل الحديقة "دا موب ريال*، دا الدريويل** تبعنا".
عيدروس يا هلا ومرحبا.. الناس الما عاشوا في الخليج بيفتكروا كلامك ده نكتة...أنا رغم علمي إنه ما نكتة بل حقيقة لهسه بندهش فيه... مش بس السواق.. أي أجنبي عندهم حتة إنه "راجل" دي ناقصة حبتين ... هل ده من باب الثقة المفرطة في الأجنبي ولا من باب عدم الثقة المفرطة في "روحهم" الله أعلم.. وكلما "صغرت" وظيفة الأجنبي .. كلما صغر إهتمامهم برجولته.. غايتو..
05-15-2012, 02:52 PM
rummana rummana
تاريخ التسجيل: 02-05-2002
مجموع المشاركات: 3537
Quote: ياخ في قصة تانية متعلقة بنظرة الخليجية لـ(الشخصية السودانية) .. رايكم شنو احكيها و بالمرة نخت ورؤيتنا نحنا ذاتو! هذا والا بمش اجوط ليكم بوست د.هيثم بهناك
المافي شنو!؟
أحكي يا قيقراوي أحكي وخلينا نتأمل في الرؤى.. بس كده خلينا في الأول نتكلم عن "رؤية" السوداني لواحدة سودانية في شارع الله والرسول (يعني السوق والمولات) ... البحلقة اللديحة شن لزومها ياخ ... كرهتوا السودانيات عيشتهم..!! ما سمعتوا بغض البصر؟ وبعدين إذا النظرة الأولى ما كفت ، النظرة التانية حتوصلكم وين إنتو فاكرين.. عالم فضولي خلاص ..!
05-15-2012, 03:03 PM
rummana rummana
تاريخ التسجيل: 02-05-2002
مجموع المشاركات: 3537
Quote: حلاتم الكيلوبايتس بتاعينك يا قيقابايت عقبال ما يكبروا و يبقو تيرابايتس
عيدروس.. لاحظت إنه أخفى البنات..؟! :) مع أنه قال ساكن جده حيث جدة غيـــر.. لو كان في مكة كان عمل شنو؟ وبمناسبة الحلويين الـ في الصورة والشابة القاعدة وسطهم وبما أنه فادي يميني ... بالله شوف العسلينة الفي الفيديو ده..! (فاصل ونواصل السخافة العامة)
05-15-2012, 03:35 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: ونكتتك بتاعت البنغالي دي كان ما أخاف المبالغة قمة في سخافة الخليج والسعودية تحديدا.. يعني مافي واحد واعي وصاحي ينبهه على نقص الفرض ؟ مما يدل على إنهم كلهم عايزين يخلصوا من الصلاة :) .... كل واحد عايز يرجع يشوف معايشه..!
المصري عملا خمسة .. لمن نبهوهو قال: دا ربنا يستاهل اكتر .. ومال ايه!؟
مرة مصري صلى بالبنايين، في السودان .. صاحب العمارة جاهم لاول مرة، ما شاء الله زول عاتي .. صحابي بس .. والسكين في الضراع اها شحذ سكينو من ضراعو، وقال ليهم داير لي واحد مسلم .. الجماعة دفروا ليهم بنغالي .. ساقو برة، اتاريهو جايب خروف معاو، قال ليو اضبح .. طبعاً اصلو البنغالي ما بختا الغتاتة .. قال ليو انا بضبح لكن ما بسلخ! المهم شال منو السكين تنقط دم و دخل على الجماعة: داير لي واحد مسلم تاني؟ الجماعة بهناك بقوا يزحوا لا ورا .. بنغالي غتيت رشح المصري الامام: هذا اما كتييييييييير مسلم! عاين ليو كداااااا: ايه يا قدع .. الواحد يصليلو ركعتين خلاس تحسبوهو مسلم!؟
-------
جدة غييييييير بحاول القى صور في الويب لحبيبة ألبي (وعد) .. وجن وشها اذاعي
05-15-2012, 03:41 PM
قاسم المهداوى قاسم المهداوى
تاريخ التسجيل: 11-26-2004
مجموع المشاركات: 8640
Quote: أحكي يا قيقراوي أحكي وخلينا نتأمل في الرؤى.. بس كده خلينا في الأول نتكلم عن "رؤية" السوداني لواحدة سودانية في شارع الله والرسول (يعني السوق والمولات) ... البحلقة اللديحة شن لزومها ياخ
لووووووووب
انا في جدة يا قريبتك .. الحجاز ؤ كدي ما عندنا رجال بمشوا السوق ذاتو! دا هناااااااا في الضهاري .. حيث المولات و الصحراء مكان للترفيه!!
فاااااا شنو:
على مواطنينا في الضهاري مراعاة فروق الوقت ..
--------
في نهاية التسعينات كنت في الرياض .. وفيفاي نجد
مرة كفيلنا عزمنا فطور في رمضان .. اكيد عاداتهم و تقاليدهم مختلفة خالصة عننا .. خصوصاص برتوكول الافطار بعد الآذان مباشرة بجيبو ليك بلح وشوية كيك و شنو شنو .. (غايتو حاجة بتتلهط فيها مافي كلو كلو) وقهوة عربي .. مرررررررة كدا! المهم تتسممي بالكلام دا .. وتمش الصلاة في الجامع ترجعي تقعي التلفزيون دا بس!! اها كل العالم مهيص ما شاء الله ماعدا (الطاهرة) .. مستحمية عديييل كدا القصة ما وضوء بس!! الراجل كل مرة يشوف اننا الاغلبية يقلب (الطاهرة) يا مديح يا واحد بتكلم في الدين بما نعلمه اكتر منو!! تاني يمش دبي و art ول mbc لمن قلبا للمرة المليون لقى الحال في ي ي ي حالو .. زهج سألنا: انتم ما تمزحون!؟
اها ما نقدر نقول ليو لاسباب (دينية) وهم بلد المنشأ .. قطعنا في حنانا بس! عين بي قطرة و عين بي مس!!
ياهو دا بني كجة كدا .. صارم القسمات .. حي الشعووووووووووور
نسوي شنو عاد!؟
05-15-2012, 09:15 PM
rummana rummana
تاريخ التسجيل: 02-05-2002
مجموع المشاركات: 3537
قاسم المهداوي حبابك عشرة وحباب جيتك ونحن حابين تجينا تاني وتالت ورابع... شكرا على السلام ورفع البوست إن شاء الله ما نكون كترنا السخافة عليكم.. (مع إنه ده ذاته المقصود)
05-15-2012, 09:23 PM
rummana rummana
تاريخ التسجيل: 02-05-2002
مجموع المشاركات: 3537
أشبع مواطن زوجته ووالدها وشقيقيها ضربا جراء خلاف حصل بينه وبينهم بسبب وجبة عشاء ورفضه التدخل في حياته الخاصة. ما حصل ان الزوجة كانت هاتفت زوجها وطلبت اليه احضار عشاء معه لانها لم تستطع تجهيز الطعام فأبدى موافقته وعندما عاد إلى المسكن فوجئت بأنه أحضر الطعام لنفسه وأولاده فقط فسألته عن سبب اغفالها لم يجب، فارتدت ملابسها وخرجت لشراء وجبة، وعندما عادت أخذ الزوج العشاء والقاه في القمامة وانهال عليها ضربا فما كان منها إلا أن استنجدت بوالدها والذي حضر إلى مسكن ابنته برفقة ابنيه. وحصلت بينهم وبين نسيبهم مشادة تطورت إلى الضرب، وتمكن نسيبهم من الاعتداء عليهم محدثا بهم اصابات بليغة واستطاعوا الهرب من قبضته وتوجهوا إلى مخفر منطقة الرميثية وسجلوا ضده قضية اعتداء بالضرب. وذكر مصد أمني ان «رجال الأمن استدعوا المتهم فأبلغهم بأنه لا يقبل ان يتدخل احد في حياته الخاصة وتقرر احتجازه على ذمة التحقيق في القضية المسجلة بحقه"
05-15-2012, 09:39 PM
rummana rummana
تاريخ التسجيل: 02-05-2002
مجموع المشاركات: 3537
ونرجع لي سخافتنا القديمة .. السخيف فاروق النجدة حرق لي الورق المحروق اصلا .. غايتو الواحد ما يعمل فيها عايز يفض فض اصلو في بلد بكري دي ^__^
المدير ومكتبو استاد المريخ .. كبير و مبهرج .. وهو زاتو نفسو ..كتييير ومبهرج ^__^ .. البعرفو انو السخافة زي اكل العنب و العافية حبة حبة .. صاحبنا بب دلق سخافتو وانا فايلي في يدي حتى ما شافو .. كان يوم غريب ...ومقرف ... سخافة غبية من النوع المندثر داك .. الأسخف من كدا كانت ردة فعل صاحبتنا .. الاتهمتني بي اني ما بعرف اتصرف وبدت تلكشر فيني امور الحندكة .. وانو الناجحين في الدنيا دي بتنازلوا ظاهرياً لا فعلياً .. ولازم اكون حريفة زيها البتسافر كل يومين لي بلد شكل ورصيدها في البنك بخليها مستقلة ذاتياً و وو كلام و نقة كتيرة .. ومحاولة اقناع غير مجدية ... اي نعم ممكن اكون عبيطة بس ما للدرجة دي .. و أكيد الكتير من المحاذير ما بتخليني افصل الكلام بي ضبانتو لماي برظر ... لكن طفشت منو بت الذين آمنو ....تماماً و نهائياً الى غير رجعة.. و لليلة بطني طامة من سخافء اللوز.
^___^ انتهى برجع ليك في سخافة تانية ما تقلقي ^___^
Quote: شبع مواطن زوجته ووالدها وشقيقيها ضربا جراء خلاف حصل بينه وبينهم بسبب وجبة عشاء ورفضه التدخل في حياته الخاصة.
قبل ما اعلق على السخف دا ... احجزي لي فستان البيض المفقوع دا بالله ^___^
طبعا التعوسية دي بها سخف لا يخطر على بال احد ..
اتنين ع السريع كدا :
جارتنا بتحكي لينا انهم حيرانين الايام دي لانهم اكتشفوا انو قريبهم فلان الفلانd طلع متزوج من اختو بالرضاعة فلانه الفلانية وعندومنها اتنين .. يممممممه!! كيف الكلام دا ؟ قالت حتى هم مندهشين و الحقيقة دي نكتتا ليهم واحدة من حبوباتهم القدماء .. و انهم في العادة لما يكونوا في نسوان والدات حديثاً و يجتمعوا في المناسبات ممكن اي واحدة ترضع شافع التانية بدون حتى مالتانية تعرف و لا غضاضة لديهم ..شفتي المحن؟! و قالت ايوة حتى انا واخواتي وبنات خالتي وبنات اعمامي نسوي نفس الشئ.. اجي ياكوستي!! بلييف ات يا رمانه .. بلييف ات :-))
التانية .. سودانيين ليهم اكتر من 10 سنين مستأجرين من سعوديين وساكنين معاهم في نفس العمارة وعلاقتهم اكتر من سمن على عسل ... في يوم جات السعودية لي صاحبتنا و هي خجلانة ومستحية وحزينة و قالت ليها ابو عبد الله يبيكم تطلعون من البيت .. طيب ليه ؟ وانتو عيالكم لسه صغار مافيهم واحد عايز يتزوج عشان تكونوا محتاجين للشقة .. ردت عليها السعودية: والله شقولك بس يا سارة ابوهم عيا يخلي العيال مع البنات في شقة واحده .. يقول خلص كبروا موصح يعيشون في شقة واحدة قدام اخواتهم البنات .... قر قر قر
05-16-2012, 08:28 AM
rummana rummana
تاريخ التسجيل: 02-05-2002
مجموع المشاركات: 3537
والله نفسي فعلا ألبعك ... لبعة حسادة عديل كده إنت يا حافظ مش إنضميت للبورد امبارح القريبة دي؟ متين فاتت مداخلاتك الألف.. وأنا لسه بزحف في الألفينين ديل..؟! لا ...لازم أخلص كلامي في مداخلة تانية (مع أنه ما عندي أي كلام أقوله)
05-16-2012, 08:32 AM
rummana rummana
تاريخ التسجيل: 02-05-2002
مجموع المشاركات: 3537
شكرا على اتاحة الفرصة لنا للمشاركة وهاك الخبر ادناه مصحوب بتعليق من احد الاخوة
الخبر وزير الدفاع الفريق اول عبدالرحيم محمد حسين، : هناك تواجد كبير لاساطيل في مياه البحر الاحمر ،،لدينا محاولات للتعامل مع تلك الاساطيل،، التعليق 1 أنا كمواطن سودانى وبناءً على حقوقى الدستورية أطالب السيد وزير الدفاع أن يأمر بأرجاع المدمرات المتواجدة فى الأطلنطى وحاملة الطائرات المتواجدة فى البحر الأبيض المتوسط قبالة ميناء إيلات الأسرائيلية والآسطول السودانى العاشر المرابط فى بحر البلطيق وذلك للتهديد المتوقع من قوات حلف الناتو فى ضرب المفاعل النووى فى الكاملين والعزة للسودان والترابة الكالتنا ! التعليق 2 وزير الدفاع : هناك تواجد كبير لاساطيل في مياه البحر الاحمر
بل هناك تواجد كبير ( لمساطيل ) في الحكومة السودانية .. الديك اقتنع وهم مش عايزين يقتنعوا ؟؟؟
05-16-2012, 02:30 PM
rummana rummana
تاريخ التسجيل: 02-05-2002
مجموع المشاركات: 3537
الأعزاء: محمد الطيب يوسف، SILVER MOON لكم التحايا غير السخيفة .. نورتوا البوست... رشا أحمد جيدا جيتي...
Quote: بحاول القى صور في الويب لحبيبة ألبي (وعد) .. وجن وشها اذاعي
قيقراوي... هسه ده كلام شنو؟؟ بالواضح كده بتفرِق بين البنتين وفي أكثر الأماكن العامة عمومية؟... البورد ده زي ما عارف حصلت فيها خطوبات وعلاقات نسب وكده.. والمفروض سعادتك تسرف في مدح جمال وأخلاق البنات عشان ممكن يكون في مشروع نسب بذرته تبذر اليوم هنا... ما تنسى الناس في السودان بقولوا البنات عشر بضم العين .. يعني تغمض تفتح تلقى حبيبة ألبك اختفت وحلت محلها واحدة تانية ما بتشبها ولاك بتعرفها... الحمد لله إنك ما أبوي ... ووين أم فادي ما قاعدة تقرا الكلام ده ولا شنو؟
05-16-2012, 04:15 PM
rummana rummana
تاريخ التسجيل: 02-05-2002
مجموع المشاركات: 3537
People need bathing. Hospital patients need bathing too and to speed up this process, may we suggest the Human Car Wash? The HCW eliminates slipping and falling because the washees are strapped into a hanging harness and merely need to stand or dangle in a fixed position while the conveyor belt moves them from station to station. First the wetting station, then the soapy spray station, next the rinsing station and at the end, no towels are needed because there's a blow drying station! Developed in 1969 during the cold war, the inventor suggests the Human Car Wash can be built into a mobile trailer "to cope with the mass bathing requirements after an atomic bomb".
غسيل سيارات بشري براءة اختراع صدرت في الولايات المتحدة عام 1969
الناس بحاجة للاستحمام. المرضى في المستشفيات بحاجة إلى الاستحمام أيضا ولتسريع هذه العملية،هل لنا أن نقترح غسيل السيارات البشري HCW؟ HCW يمنع الانزلاق والسقوط لأن المغتسلين يكونون مربوطين إلى لجام معلق وكل ما يحتاجونه هو الوقوف أو التعلق في وضع ثابت بينما يقوم الحزام الناقل بتحريكهم من محطة إلى أخرى. أولا هناك محطة البل ، ثم محطة رذاذ الصابون، يليها محطة الشطف، ثم في النهاية لا حوجة إلى مناشف لان هناك محطة تجفيف بالهواء.
بعد أن تم تطويره في عام 1969 خلال الحرب الباردة، اقترح المخترع أنه يمكن بناء مركز غسيل السيارات البشري في مقطورة متنقلة "للتعامل مع متطلبات الاستحمام الجماعي بعد قنبلة ذرية".
05-16-2012, 04:28 PM
rummana rummana
تاريخ التسجيل: 02-05-2002
مجموع المشاركات: 3537
Quote: جارتنا بتحكي لينا انهم حيرانين الايام دي لانهم اكتشفوا انو قريبهم فلان الفلانd طلع متزوج من اختو بالرضاعة فلانه الفلانية وعندومنها اتنين .. يممممممه!! كيف الكلام دا ؟ قالت حتى هم مندهشين و الحقيقة دي نكتتا ليهم واحدة من حبوباتهم القدماء .. و انهم في العادة لما يكونوا في نسوان والدات حديثاً و يجتمعوا في المناسبات ممكن اي واحدة ترضع شافع التانية بدون حتى مالتانية تعرف و لا غضاضة لديهم ..شفتي المحن؟! و قالت ايوة حتى انا واخواتي وبنات خالتي وبنات اعمامي نسوي نفس الشئ.. اجي ياكوستي!! بلييف ات يا رمانه .. بلييف ات :-))
رشا يوم كده في السودان مشينا مكتب عقارات بنية الفرجة على بيوت (مش شراء يعني .. بالصح ولا بالكضب ..؟! اساسا كنا مفلسين).. طلع معانا السمسار (وكيل عقارات صفة أحلى نسبة لشكله الوجيه وقيافته الزائدة) وأثناء ما نحن لافين والونسة مستمرة بين الراجل وسي السيد فاذا بنا نكتشف إنه الراجل ده ود عمي (أو إمكن كان ود عمتي والله نسيت) .. بالرضاعة طبعا... القصة إنه حبوبته وحبوبتي كانوا جيران وحبايب ونسبة لمرض حبوبتي الشديد ووالدي لسه صغير تولت حبوبته مهمة الرضاعة ... وبقينا روح واحدة في جسدين .. شفتي كيف..! بس الموضوع كان ضرورة.. ما زي جيرانكم ديل..
05-16-2012, 04:33 PM
rummana rummana
تاريخ التسجيل: 02-05-2002
مجموع المشاركات: 3537
Quote: غايتو لو بكري ده عمل اينا اللايك حقت الفيس دي كان ريحنافي حنانا ست البوست سلام واسف علي السخافة ^ــ^
محمد الطيب سلامات ويا هلا.. ياخ أعفي لي فضولي في البوست التاني.. قريت اسم بعرفه واسم ما بعرفه وحبيت أتساخف :) طيب تعال نعارف (بتاعتي أنا مش بتاعت القال عليهم قيقراوي) أنا زي ما شايف كده قديمة هنا وأبحث عن زيادة المداخلات .. أفضل القراءة على الكتابة وده ما ح يساعد في حملة زيادة المداخلات..! قريت موضوعين سخيفين وشفت فستان قبيح قررت أعمل بوست للسخافة العامة بديت بيه الحملة... ومن هذا يمكنك التخمين إني ما ذكية كمان...!! يعني حأمشي أفتش الموضوعات السخيفة عشان أعمل بيها مداخلات .. ده كلام/ذكاء!!! في الوقت الممكن أكتب فيه أي كلمة في أي حتة وأزيد المداخلات.. وبعدين كترت الكلام بصراحة في المداخلة دي ولو زدتها شوية ح أقرر أقسمها على مداخلتين...هسه ده كله لزومه شنو؟ شكرا ليك على الجية وتعال تاني وأكتب العايزه، سخيف أو ما سخيف ... تحياتي
05-17-2012, 09:14 AM
rummana rummana
تاريخ التسجيل: 02-05-2002
مجموع المشاركات: 3537
Quote: وزير الدفاع الفريق اول عبدالرحيم محمد حسين، : هناك تواجد كبير لاساطيل في مياه البحر الاحمر ،،لدينا محاولات للتعامل مع تلك الاساطيل،، التعليق 1 أنا كمواطن سودانى وبناءً على حقوقى الدستورية أطالب السيد وزير الدفاع أن يأمر بأرجاع المدمرات المتواجدة فى الأطلنطى وحاملة الطائرات المتواجدة فى البحر الأبيض المتوسط قبالة ميناء إيلات الأسرائيلية والآسطول السودانى العاشر المرابط فى بحر البلطيق وذلك للتهديد المتوقع من قوات حلف الناتو فى ضرب المفاعل النووى فى الكاملين والعزة للسودان والترابة الكالتنا ! التعليق 2 وزير الدفاع : هناك تواجد كبير لاساطيل في مياه البحر الاحمر
بل هناك تواجد كبير ( لمساطيل ) في الحكومة السودانية .. الديك اقتنع وهم مش عايزين يقتنعوا ؟؟؟
Siver Moon السلام والاحترام وشكرا ليك على المشاركة.. تعرف المسؤلين عندناالمفروض يغيروا تسمية وظائفهم ... سعادة سخيف الجمهورية.. سعادة سخيف وزارة الدفاع .. الأمين العام لسخافة مش عارفة وين وهكذا .. السخافة العامة هم مصادرها ومنابعها.. اللهم أغفر لنا في الاعتراض ...
05-17-2012, 09:19 AM
rummana rummana
تاريخ التسجيل: 02-05-2002
مجموع المشاركات: 3537
Quote: مساء الخير رمانة والشباب المتداخلين... جميل جدا هذا البوست... وفعلا اخر مداخلة بتعمل وجع روح... انا كمان عايزة ازيد عداد مداخلاتى...اشمعنا يعنى..
رنــدا أحمـد شخصيا مساء النور صباح الورد والياسمين .. عطرت البوست.. مبالغة شديد مداخلاتك شوية خلاص ..إنت كده تعتبري عايدة في سنة أولى السنوات دي كلها.. من حقك تزيدي مداخلاتك ..
ساعدينا ونفسك بالـ (.) والسخافة العامة وبالعدم ...العطر ما بناباه
05-18-2012, 10:17 AM
rummana rummana
تاريخ التسجيل: 02-05-2002
مجموع المشاركات: 3537
الواضح أن المصوَر في الفيديو تم عرضه في قناة السعودية.. لم يجدوا أي حرج في تصوير الخادمة وسط الرجال ومن غير حجاب.. ولم يجدوا أي حرج في عرضها أمام ملايين المشاهدين للتفرج عليها وسماع اقراراتها.. هل تعرضت للمحاكمة والعقاب بعد كل هذا؟؟ أم فقط ابعدت إلى بلدها؟
(ده هوا الفيديو يا قيقراوي بتاع البنغالي)
05-18-2012, 11:23 PM
rummana rummana
تاريخ التسجيل: 02-05-2002
مجموع المشاركات: 3537
ومن الأشياء الملفتة في البورد أن يدخل شخص في بوست ما ويقوم بالتسخيف العام للكم ألف البتصفحوا البورد كل يوم: أنه رمانة دي هي نرجس بنت الحاج فلة .. وإنها بتحب الفسيخ بالبصل .. وإنها درست في مدرسة أسماك الزينة للبنات وجامعة المياه الاقليمية.. وحضرت ماجسير ودكتورة في جزيرة كريت وإنها هسة بتدرِس في جامعة المياه العذبة... طيب، مش يمكن رمانة ما عايزة تكتب سيرتها الذاتية في البورد...؟ مش من حقها تعمل خياراتها في الحتة دي بنفسها؟ ماحيغلبها الموضوع خاصة وإنه في صفحة حدادي مدادي بكري أبو بكر عاملها للتعريف بالنفس السخافة العامة دي مش مفروض يكون عندها حدود .. ولا لا؟
05-21-2012, 06:26 PM
rummana rummana
تاريخ التسجيل: 02-05-2002
مجموع المشاركات: 3537
Quote: قيقراوي... هسه ده كلام شنو؟؟ بالواضح كده بتفرِق بين البنتين وفي أكثر الأماكن العامة عمومية؟... البورد ده زي ما عارف حصلت فيها خطوبات وعلاقات نسب وكده.. والمفروض سعادتك تسرف في مدح جمال وأخلاق البنات عشان ممكن يكون في مشروع نسب بذرته تبذر اليوم هنا... ما تنسى الناس في السودان بقولوا البنات عشر بضم العين .. يعني تغمض تفتح تلقى حبيبة ألبك اختفت وحلت محلها واحدة تانية ما بتشبها ولاك بتعرفها... الحمد لله إنك ما أبوي ... ووين أم فادي ما قاعدة تقرا الكلام ده ولا شنو؟
لا حول ولا قوة الا بالله!
يعني اسي انا افهم انو البورض دا (ام الخير) الخطابة* ام هو [أكثر الأماكن العامة عمومية] ثم منو هو القال انو لي الزمن داك -الله يحضرنا ليو- قصة (الزواج) دي ح تكون بالطريقة البلدي خالص اوي دي!؟ مش ممكن البشرية دي تبطل الكسل الذهني بتاعة دا و تخترع شكل ونظام جديد!؟ هوو نووز!؟
سم سانين( وكان في نقطته التالتة، و التالتة واقعة): اطفالنا فلذات اكبادنا .. ليسوا ملكاً لنا لكن زمان نساء و رجال .. وهم ادرى بشئون زمانهم نحن ح نعيش زمنا و زمن غيرنا
ثم اخيراً حصلت جربتي تكوني الابن/ـة (الوسطى)!؟ ما اظن تكوني بتعرفي شنو شعور الرقم 11 من 13 او 6 من 8 كلو كلو! انت قايلة الارقام دي ما عندها شعور هي ول شنو!؟
-------
الحاجة (ام الخير) connects people زي ي ي ي (نوكيا) بالضبط
اها يلا قلنا نحظي بشرف الرد في المداخلة رقم 3000 او بالميت كدا رقم 2999 وفي كلٍ خير
05-28-2012, 12:26 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: انت قايلة الارقام دي ما عندها شعور هي ول شنو!؟
اسي شوفي نفسك شنو غير (رغم)
تاريخ الميلاد (رغم) التسجيل في المدرسة رقم .. الجلوس للامتحان رقم .. البتطلعي بيو من المدرسة مجرد رقم! الخدمة الالزامية .. والما إلزامية* .. رقم تاريخ التخرج من الدنيا دي ذاااتو .. رقم!
-------
الكتابة ام فلاكة في مطعم الباشا دي ذاتو رقم واسي جريك -بتاع الوحوش الاسفيرية- دا كلو وراء رقم (3000)
حياتنا بقت ديغتال ذاتو كلو ارقام في ارقام
05-28-2012, 12:28 PM
rummana rummana
تاريخ التسجيل: 02-05-2002
مجموع المشاركات: 3537
Quote: اها الموضوع دا وصل وين ؟؟؟؟ انا خليتكم فى المحطة القبل فساتين النيتو ،، جوا والثوار ارضا ضد الكتاب (الاخضر ) ولا كــــــــــــــيف ؟؟؟
قاسم ازيك انت من زمن فساتين النيتو الغريبة ديك؟؟ النيتو فجأتن جاتا حالة صحوة .. وقالت الجوازة دي مش ممكن تتم إلا بفستان زفاف ما أقل من بتاع kate middleton فاقتنع جمهور المتابعين تأكيدا للمثل تبعكم بتاع "لبس البوصة تبقى عروسة" وبسبب موقفها الصارم الجديد كان نصيبها هذا الفستان الخطير
وفي النهاية الما بقدر يشوف الجمال في خلق ربنا دي مشكلته هو... ولا شنو؟
أما القذافي وكتابه الأخضر .. بعد السلاح الحايم من طرابلس لبورتسودان ..أنا حاسة بأنه أهله قربوا يقولوا ضيعناك وضعنا وراك
Quote: ثم منو هو القال انو لي الزمن داك -الله يحضرنا ليو- قصة (الزواج) دي ح تكون بالطريقة البلدي خالص اوي دي!؟
قيقراوي إزيك أول حاجة الزواج بالنت ده زواج حديس بدأ في أواخر القرن العشرين وحيستمر لدهر من الزمان.. لانه الناس بقت تلجأ للنت في كل شي بما في ذلك تفتيش الزوجات...أو السؤال على العرسان... حتى بالامارة شوف...
وبالحيييييل جربت أكون "الفينُس" بس مش وسط 14 ولو إنه بصراحة كان حيكون أظرف ياخ العايلة الكبيرة دي متعة... .. .. .
وأنا من هذا المنبر وبهذه المداخلة المبروكة أحتفل معك بحصولي على الرقم 3000 هوررريييييي . . . . !
05-28-2012, 12:53 PM
rummana rummana
تاريخ التسجيل: 02-05-2002
مجموع المشاركات: 3537
والله الـ 3001 ذاتها ما كتيرة عليك.. إنت ليه يا قيقراوي صورة البروفايل بتاعتي ما ظاهرة عندك؟ ياخ صورة البروفايل دي أهم من مداخلة عضو البورد ذات نفسه/ها...لازم تشوف طريقة تظهِرها..
05-28-2012, 01:07 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: والله الـ 3001 ذاتها ما كتيرة عليك.. إنت ليه يا قيقراوي صورة البروفايل بتاعتي ما ظاهرة عندك؟ ياخ صورة البروفايل دي أهم من مداخلة عضو البورد ذات نفسه/ها...لازم تشوف طريقة تظهِرها..
وماذا نعمل مع الـITـياب الما بختوا الخراب!؟
------
بروك الكيلو التالت من مداخلات البورض ذنوب سااااااااي غايتو!! اسي في ذمتك دي بنكتب في شنو غير غثاء وذنوب بس (بكسر الباء)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
rummana
رشا احمد
فاروق عثمان
قيقراوي
aydaroos
قاسم المهداوى
حبيب نورة
حافظ انقابو
SILVER MOON
Randa Ahmed
فيس بوك
تويتر
انستقرام
يوتيوب
بنتيريست