|
|
|
 Re: اهلي شندي يعبر سمبا ويفعل ما عجز عنه فريقا القمة (Re: امال حسين)
|
مبروك لاهلي شندي
وعقبال لاهلي بابنوسة
والتحرير البحراوي وقد لازمه سؤ الحظ كثيرا
نحن نفرح لاهلي شندي وآن الاوان لنكون رقم في الامم الافريقية
وكأس العالم عديييل نحن زينا وزي الكاميرون وغانا ونيجريا
نحن مالنا بنغيب عن المحافل الدولية
تحياتي
ليك وللحجياب من المسيكتاب لقريش يلوا افرحو كلكم
| |
  
|
|
|
|
|
|
|
|
Re: اهلي شندي يعبر سمبا ويفعل ما عجز عنه فريقا القمة (Re: امال حسين)
|
| Quote: كل جماهير شندي تحتفل الان |
من حق شندي أن تحتفل حتي الصباح..
ومن حقنا أن نفرح لفرح شندي وأهل شندي وأهلي شندي..
مليار مبروك التأهل المستحق..
.......................................................................................................................
أكثر ما أعجبني في المباراة ضربات الترجيح..
واكثر ما اعجبني في ضربات الترجيح مهارة لاعبي أهلي شندي وثباتهم وقوة الثقة لحظة التسديد.
تقول لي سيف مأساوي.
غايتو نستلف كل حبنا للهلال ونهديه لأهلي شندي.
| |
|
|
|
|
|
|
|
|
|
Re: اهلي شندي يعبر سمبا ويفعل ما عجز عنه فريقا القمة (Re: Osama Mohammed)
|
مبرووووووووووك لاهلى شندى
هذا الاداء الرجولى والتاهل عن جدارة
واستحقاق
التحية للادارة وللاعبين والجهاز الفنى
ولمشجعى الازرق الانيق
كان لى شرف تسجيل موقع شندينابمدينة
تورنتو الكندية
وهو الموقع الخاص بفرق الاهلى شندى البطل
نتمنى تفعيلة لاظهار هذا الانجاز التاريخى
يعنى كراعنا عليكم باردة يااهل شندى
المشوار طويل
واصلوا بمثل هذه القوة والثبات
حتى بلوغ الغايات
| |
|
|
|
|
|
|
|
|
|
Re: اهلي شندي يعبر سمبا ويفعل ما عجز عنه فريقا القمة (Re: عادل الباهي عبدالرازق)
|
اهلي شندي تعيش انت ويدوم خيرك
تمشي لقدام وتجيب الكاس
ولو الناقصة قروش نبيع ليك اي حاجة من سلطة الاسود في المحطة وفردالنقاده المشغولة والمغزولة في شندي
لو انتصاراتك دي مابتعجب الحكومة لتتبرع لمسيرتك الظافرة ناس شندي ماببخلوا عليك ونحن من منازلنا هناك بندعمك
انت من الامس بقيت فريق قومي ودعمك واجب وطني
يله ياهل شندي انتو ابدوا
وعلينا نحنا الدفرة
واهلي شندي يمضي
الي العلي....الي العلي
| |
|
|
|
|
|
|
|
|
|
Re: اهلي شندي يعبر سمبا ويفعل ما عجز عنه فريقا القمة (Re: MOHAMMED ELSHEIKH)
|
مبروك لاهلى شندى الفات الكبار والقدرو
لما شفته نتيجة المباراة فى موقع
كورة حكيت عينى 3 مرات ..وأعدت النظر كرتين
ما بين مصدق ومكذب..وحقيقة كنت مستبعد النتيجة
تماما ..ففريق سيبما فريق ما ساهل إستطاع ان
يهزم المريخ بى حضريهو العام الماضى ..
أولاد شندى قهروا المستحيل وأثبتوا لنا بأنهم فريق
لا يستهان ..والتحية لللعيبة والجهاز الفنى وإدارة النادى
والتهنئة نزفها لكل اهل شندى
| |
|
|
|
|
|
|
|
|
|
Re: اهلي شندي يعبر سمبا ويفعل ما عجز عنه فريقا القمة (Re: معتصم مصطفي الجبلابي)
|
التهنئة لكل الأهل في شندي من التناقرة لي معليش (لو لسه جغرافياً كذلك)
ولي أهلنا القرداب و الحجياب والصبيراب وأهل الحجازة(الديمة بي جازا)
و الجاز هذه المرة في ابن الحجازة صلاح أحمد ادريس.... الجاز المحرك للماكينةالأهلاوية
وكل أهل شندي....
وللخال العزيز هاشم أحمدونا الذي نذر حياته للأهلي شندي
و لروح الوالد كرئيس أسبق للنادي
| |
|
|
|
|
|
|
|
|
|
Re: اهلي شندي يعبر سمبا ويفعل ما عجز عنه فريقا القمة (Re: عادل الباهي عبدالرازق)
|
الاستاذه/ امال
فعلا اهلي شندي عمل المستحييل وجلب الفرح لكل اهل شندي
وللسودان عامه وفعل ما عجز عنه فريقا القمه،،،، وهو الاهلي
الذي سبق ان كتب عنه الاستاذ/ عبد المنعم محمد احمد شعرا
Quote: يا سلام يا اهلي شندي
انقياء وصافين سريرة
يا سلام ياذكرياتنا
البتفرح والمريرة
باقية عظمة ابو السعود
خالدة ضحكة ابو شعيرة
ياسلام احمدتي اسرع
ادرك الركعة الاخيرة
لسه هيبة ود جبور
تسند النفس الكسيرة
(و)
يا سلام يا اهلي شندى
كير وشمس الدين وماجد
المرؤة الفي الدخيري
الشهامة الفي مجاهد
حرة الكوتش ورفاقتو
البسد الفرقة عابد
مين بيشبه احمدونا
براهو شايل الشيلة صامد
اهلي شندي براهو دنيا
وبملى عينك اي واحد
|
| |
|
|
|
|
|
|
| |
امال حسين
مطر قادم
محمد قسم الله محمد
معاوية عبيد الصائم
Osama Mohammed
عبد المنعم سيد احمد
حاتم محمد حاج المهدي
خالد العبيد
عادل الباهي عبدالرازق
MOHAMMED ELSHEIKH
معتصم مصطفي الجبلابي
ALGARADABI
Nasr
أحمد محيي الدين جمال
ismeil abbas
أسامة البلال
كمبورة
فيس بوك
تويتر
انستقرام
يوتيوب
بنتيريست