|
|
 صالح أب صلعة ... للفول المدنكل حضرة
|
وأنا ألتهم طبق الفول (المدمس) بتلذذ من محل عبده الفوال ، جار لنا في مكان سكني بالدقي ..
تذكرت العم صالح صاحب محل الفول المشهور في أم درمان ..
ففي أيام الصبا عندما نأتي لأم درمان تلكم المدينة المحببة لكل سوداني
كنا نرتاد مطعماً صغيراً يقع في زقاق يتفرع من شارع الرباطاب غرباً
لصاحبه صالح الشهير ب(أب صلعة)
يتميز فوله بنكهته الشهية المميزة وبخلطته السحرية التي لا يعرف كنهها أحد...
وعندما يتم تجهيزه لطبق الفول يخاطبك بعبارته الشهيرة
(عايزو بالزيت وللا بالسمنة)
فقد كان للرجل أسلوبين (لتظبيط الفول)
احدهما بالسمن والآخر بزيت السمسم(زيت الولد)..
لذا كانت عبارته التي صار يرددها الناس
وعرف بها صالح أب صلعة..
.............. نواصل ..................
صلاح غريبة - اعلامي وكاتب صحفي مقيم بالقاهرة
|
|
  
|
|
|
|
|
|
|
 Re: صالح أب صلعة ... للفول المدنكل حضرة (Re: فيصل نوبي)
|
دي شنو الأسئلة التعسفية دي يا روميو ..
صالح اب صلعة سؤالو تعسفي .. إنت برضو تطلع زيو 
غريبة بيكون إختيارو الأتنين .. سمنة بي جمبة وزيت بي التانية
كيفك يا غريبة .. الجو في القاهرة كيف اليومين ديل ؟ داير اجي لكن والله خايف من السخانة ..!!
| |
|
|
|
|
|
|
|
|
|
Re: صالح أب صلعة ... للفول المدنكل حضرة (Re: ناذر محمد الخليفة)
|
قبل مدة ذكر لي أحد الأخوة أن صالح أب صلعة لازال يمارس مهنته بذات الكيفية
التي عرف بها منذ الخمسينات..
والمطعم الشعبي المبني بالجالوص لازال يقاوم تغيرات الزمن رغم
الغابات الأسمنتية التي قامت حوله...
فالرجل يملك دكاناً صغيراً توجد به قدرة الفول الضخمة وصحون السلطات
وطاولات الرغيف ولديه فناء (حوش) صغير سقف بمظلة مجاور للدكان
يجلس الزبائن على دكاته لتناول افطارهم...
قمة البساطة والروعة في آن واحد...
الروعة تكمن في جودة صنعة الرجل والمحافظة على تقاليده فيها
مع تقدم العمر والسنين...
لازال العم صالح يمارس مهنته في جد
وقد أورث أبناءه من بعده سر الصنعة فصاروا يعاونوه فيها...
في مصر نعرف نماذج مشابهة
ككشري طارق
وكشري التحرير
وفول آخر ساعة
ومطعم ابو شقرة
مطعم العمدة
مطعم قدورة للاسماك
ومطاعم فلفلة
وكبابجي أبووليد في السيدة زينب...
ومطاعم جاد
وحلويات العبد
وفرغلي بتاع العصير
والدمياطي بتاع الفول
وغيرهم
أصحاب المطاعم الشعبية هنا في القاهرة نالوا الشهرة بعد أن حفروا أسمائهم
باحرف من ذهب بعصامية نادرة فخلدهم المجتمع المصري
لذا نجد الأديب والفنان والسياسي يرتاد تلك المطاعم والأمكنة
ونجد أن الصحف والقنوات الفضائية دوماً تحتفي بهم...
أين صالح أب صلعة من ذلك والرجل أفنى زهرة شبابه خلف
قدر ساخن من الفول يرفد به بطون قوم جائعة فترتد من بعد جوعها شبعاً ...
صالح أب صلعة رجل من الزمن الجميل يستحق التكريم والوفاء والاحتفاء به ...
هل يا ترى لازال الرجل عائشاً؟ ناس أم درمان خبرونا..
.................. نواصل ........................
صلاح غريبة - اعلامي وكاتب صحفي مقيم بالقاهرة
| |
|
|
|
|
|
|
|
|
|
Re: صالح أب صلعة ... للفول المدنكل حضرة (Re: ناذر محمد الخليفة)
|
Quote: دي شنو الأسئلة التعسفية دي يا روميو ..
صالح اب صلعة سؤالو تعسفي .. إنت برضو تطلع زيو
غريبة بيكون إختيارو الأتنين .. سمنة بي جمبة وزيت بي التانية
كيفك يا غريبة .. الجو في القاهرة كيف اليومين ديل ؟ داير اجي لكن والله خايف من السخانة ..!! |
ياناذر ...
وينك ياراجل
يعني اجي القاهرة وما القاك
كل ما امشى وسط البلد اتلفت اقول ياربي دة ناذر ولا يشبه
بقيت اعاين لاي سوداني
لمن عترت على قاسم مهداوي
وحبيب نوره
وصلاح المليح
والمحسى
واليماني بتاع عكس الريح
وطبعا انا الايام دي عامل تحركات شديدة
عاوز اكون حاجة اسمها بورداب المواقع والمنتديات الالكترونية
وخلاص الموضوع ماشى كويس
تعال بسرعة احضر الاجتماع التمهيدي الاول
وعندي راي في مجلس الجالية الا اذا دخلوني المجلس
اما بورداب القاهرة فعاوز احركهم شوية والا ... سانقلب عليهم بعمل بورداب سودانيس اون لاين بالقاهرة - مجموعة الاصلاح والتصحيح
ومشاريع كتيرة بس انت تعال
وبالمناسبة انا عنواني واضح
ادخل قوقل واكتب
اين اجد صلاح غريبة الان ؟ وتلقى الاجابة
ولو سالت زهرة بتاعت المطعم في الدقي عارفة شقتنا
| |
|
|
|
|
|
|
|
|
|
Re: صالح أب صلعة ... للفول المدنكل حضرة (Re: فيصل نوبي)
|
Quote: يا سلام !
و إنت كنت بتختار ياتو فيهم ! |
انا زي ما قال ليك ناذر
كنت بختار الاتنين
هسع من عم عبدو قاعد اديهو 10 جنيه واغمض عيني واشيل منه الكيس واطلع
والقى ليك بلاوي
فول
طعمية
بطاطس
باذنجان
مسقعة
طحينة
حاجة كدة ما عارف اسمها بس فيها بطاطس وباذنجان
وزي ماقالت في مسرحية المتزوجين
هو الفول من الطعمية والطعمية من الفول
والباذنجان من الاسود والاسود من الباذنجان
وتشكر فيصل
| |
|
|
|
|
|
|
|
|
|
Re: صالح أب صلعة ... للفول المدنكل حضرة (Re: صلاح غريبة)
|
سلام غريبة ..
Quote: هل يا ترى لازال الرجل عائشاً؟ ناس أم درمان خبرونا..
|
أنا ما من ناس أمدرمان لكن يا ريت لو واحد منهم أدانا خبر ..
ويا ريت يا صلاح لو وصفت محلو وصف دقيق لأني ناوي أعزم فيهو صحبي روميو دا ..!!
بس من غير ما يسأل أسئلة تعسفية زي ديك لأنو روميو زول بيخاف من الاسئلة الزي دي وما بيجاوبا لو سألوهو وبيعمل فيها مجنون وما سامع السؤال ..!..
لكن لو مصر يسأل بقول ليهو في أضانو : يا مان خليك حريف واستعمل زيت .. سمن .. ليمونة .. زيتونة اي حاجة ..!!
| |
|
|
|
|
|
|
|
|
|
Re: صالح أب صلعة ... للفول المدنكل حضرة (Re: محمد عبد الماجد الصايم)
|
Quote: نسأل الله السلامة!
وناذر دا بفضّل ياتو فيهن!! |
مالك ياود الصايم
دا فول اصلو وللا قنبلة ذرية..
بعدين ناذر قال ماعندو مشكلة المشكلة في روميو
وهو اتكفل بمعالجة الامر كما ذكر في نهاية مداخلته..
نسأل الله السلامة من الناس الدايرة تأول الكلام
وبالمناسبة مرحب بيك في القاهرة في اي وقت
طبعا انا عينت نفسي عمدة للسودانيين بالقاهرة وخاصة البورداب
| |
|
|
|
|
|
|
|
|
|
Re: صالح أب صلعة ... للفول المدنكل حضرة (Re: قمر الانبياء عبد الحي)
|
Quote: يا عمدة البورداب في القاهرة
سلاااام
وبالهناء والشفاء
عاوزين نجي القاهرة اجازة مع العائلة .. الوضع كيف
والزول يدبر حالوا كيف قبل ما يجي
تحيات يا عمدة |
مرحب بيك اخوي قمر الانبياء
والله الوضع مستتب ومافي اي عوجة
الاجواء المناخية الايام دي شوية حارة في النهار ( 30-35 ) درجة بالقاهرة
واليوم كان الجو ممطر وغيوم وعموما مش زي حر السودان وليلا بارد
الاجواء السياسية : هادئة
شوية تراشقات بين المرشحين لرئاسة الدولة
والانتخابات ومي 23-24 مايو
ومرحب بيك والاسرة
وانصحكم بالحضور ولا تسمع تأهويل الاعلام
وانا كل يوم جمعة بركب المترو من الدقي وبمشى التحرير عادي وبتفرج في المسيرات
طبعا من بعيد
قريب من فتحة المترو .. علشان لو حصل حاجة اقوم جاري اركب المترو
وايام العباسية والله كنت لافي في ميدان العباسية وبتفرج
مرحب بيك
صلاح غريبة - اعلامي وكاتب صحفي مقيم بالقاهرة
عمدة بورداب سودانيس اون لاين ومسئول العلاقات العامة والاستقبال
| |
|
|
|
|
|
|
|
|
|
Re: صالح أب صلعة ... للفول المدنكل حضرة (Re: ناذر محمد الخليفة)
|
بقع في الزقاق المتفرع من شارع الرباطاب
شمال غرب عمارة الجزلي عديل
بفتح جنوب اي زول جنب عمارة الجزلي بوريك ليهو
حي السوق
حوش برمبل وكدا
وبعدين دي ما مشكلة
ادخل قوقل ايرث وكتب
صالح ابو صلعة
ويطلع ليك الوصف
لو عصلح معاك
قول ليهو انا تبع صلاح غريبة
| |
|
|
|
|
|
|
|
|
|
Re: صالح أب صلعة ... للفول المدنكل حضرة (Re: عبدالله شمس الدين مصطفى)
|
| Quote: للفول المدنكل حضرة |
في الدويم أشهر فول في الشرق الأوسط وأفريقيا المدارية ..
عمك الطيب ريد ..
وفول كشا وهو رجل هلالابي علي السكين يفوز الهلال تجد عنده الفول مستباح حتي الصباح ..
لا قرش ولا تعريفة.
ومنطقة النيل الأبيض عموماً تمتاز بالفول العجيب خصوصاً الدويم وكوستي وخت في بالك جبنة الدويم الممتازة وجبنة أم تكّال.
يا أستاذ صلاح ..
يا اخي جوعتنا.
| |
|
|
|
|
|
|
|
|
|
Re: صالح أب صلعة ... للفول المدنكل حضرة (Re: محمد قسم الله محمد)
|
احسن مدينة تجيد تقديم الفول والسمك فى العالم كلو
هى مدينة الحصاحيصا ...فول ممكن تاكلو بالملعقة بدون
رغيف ...والسمك كلامو براهو ...والكلام دا فى كم مطعم ..
ما مطعم واحد ....فول امدرمان والخرطوم بنعرفو ..
وسمك الموردة ضقناهو ...لكن زى الحصاحيصا مافى تب
| |
|
|
|
|
|
|
|
|
|
Re: صالح أب صلعة ... للفول المدنكل حضرة (Re: صلاح غريبة)
|
Quote:
بعض من شجن
منتديات عكس الريح قائمة المنتديات -> أرشيف المنتدى العام الأول
-------------------------------
اشترك في: 22 يناير 2005
مشاركات: 386
المكان: السعودية
ارسل: الثلاثاء فبراير 20, 2007 9:42 am موضوع الرسالة:
الزولة الحديقة .. نبتة
...........
التحية ليك سيدتي وانتي تقودينا بنعومة الى
أيام جميلات ... نجتر فيها زكريات حبيبة
رحم الله من مضى الى رحاب ربه بنفس راضية مرضية
ومتع الله بالصحة من لايزال على قيد الحياة ...
أم درمان ياسيدتي...
مدينة الجمال والنور كل شئ فيها مباح ... الحب ... الشعر
والابداع ..
لا زلت أتذكر ايامي الخوالي فيها ... متنقلا بين احيائها القديمة
حاملا معي بعض من شقاوتي ... فعند عم صالح بتاع الفول
بحي البوستة كنا نتجمع صبية الحي... لتناول أشهى وجبة
فول مصلح على الاطلاق في العالم ...
وفي بانت شرق كان ملعب الربطة لكرة القدم ...
وفي حي العرب .. كانت لنا فيها بعض من آثار مراهقة جميلة
صبيات نقيات خجولات نكتفي بالفرجة فقط عليهن .. وبابتسامة مجاملة منهن
نظن انفسنا قد ملكنا الدنيا وما فيها..
نبتة اختي العزيزة ...
شكرا لك اذ اتحت لنفسي أن تعاود الاحلام من جديد
-------------------------------
محمد المشرف
عضو نشط
اشترك في: 27 اكتوبر 2006
مشاركات: 755
المكان: الدوحة
ارسل: الاربعاء مارس 21, 2007 7:57 pm موضوع الرسالة:
ده شنو ....
اراكم تتحدثون عن فول عم صالح ...
(يقابل تماما حوش الهبابيش )
فى المدعو زقاق الصابرين ...
لم تذكروا المهل سيد اللبن ولكنى
قرأته مخبأ بين الحنين ...
تري اين تلك العمرابيه التى لا تطال
قاتلها الحب
فقد اهدتنى سهدا مقيم ...
وحمى لم تخرج بأمر بخور التيمان
وادعية حسن ابوسبيب
وحبوب الكلوروكوين
اربعا ثم اثنتين اثنتين
ما زال طعم مرارتهما ( العمرابيه والكلوروكوين ) عالقا بانف قلبى
الحمدلله ان شفانى منهن ...
بعد نصيحه جدى الذي يبدو انهن اصبن منه هوى قبلى
ان ابقى فى فريق الجعليين ...
|
| |
|
|
|
|
|
|
|
|
|
Re: صالح أب صلعة ... للفول المدنكل حضرة (Re: Frankly)
|
ود الصائم ..
Quote: نسأل الله السلامة!
وناذر دا بفضّل ياتو فيهن!! |
أنا ولله الحمد ما باكل فول نهائي لأنو بيعمل لي حيرقان ..!!
يا غريبة ويا فرانكلي بالرغم من الحيرقان شهيتونا فول صالح دا .. غايتو يوم كدا بسوق روميو وود الصائم دا ناكل عندو .. الحيرقان بيروح قبل تروح الروح..
ود الصائم وروميو أختارو البيعجبكم ماشاء لكم من زيت أو سمن .. أنا غايتو سادة ساي .. !!
| |
|
|
|
|
|
|
|
|
 Re: صالح أب صلعة ... للفول المدنكل حضرة (Re: فيصل نوبي)
|
غايتو دي أول مرة تحصل
بورداب القاهرو في صحن فول؟؟؟
وصلاح غريبة عمدة للسودانيين بالقاهرة
بقرار منه شخصيا
جدادة الخلا الطردت جدادة البيت ^_^
يا عمنا إنت مش قلت جاي صادي وداير الكاكي
وشي رفع تمام؟؟؟؟
وما أدراك ما كاودا !!¡¡
...........
يا صلاح غريبة عذبتنا ^_^
تحياتي يا زول يا ظريف
| |
|
|
|
|
|
|
|
|
|
Re: صالح أب صلعة ... للفول المدنكل حضرة (Re: حافظ انقابو)
|
روميو (نسأل الله السلامة أول حاجة) !!...
| Quote: قلت لي دايرو ( سادة ) ولا ( ناشف ) ؟ |
الإجابة بي طرف الأخ زهير (مقاربة بمداخلتك في البوست الـ بي هناك)...
لكن اول مرة إنتبه لي موضوع القدرتين !!...
وبهذا أتوقع السؤال الجاي حايكون : دايرو من القدرة دي ولا من القدرة دي ..!!
دا السؤال المنو طوالي سؤال السمن والعسل ..!!
لا حظ هو بيأشر على القدرتين بي طرف الكمشة ..!!
ولا أقول ليك حاجة .. أعمل فيها ما ملاحظ إنشالله يديك من القدرة الفاضية ..!!
| |
|
|
|
|
|
|
|
|
|
Re: صالح أب صلعة ... للفول المدنكل حضرة (Re: ناذر محمد الخليفة)
|
يا صلاح غريبة
ما تعمل فيها رايح وكدا ؟؟؟
المداخلة دى مكررة وحتتكرر طوالى الا ان اجد الرد
| Quote: لمن عترت على قاسم مهداوي |
ضبط المفردات واجب وطنى
يا راجل انت قابلتنى فى مركز نبته للفنون ( جلسه الكتيابى حول المفاهيم الثقافية )
ولا كـــــــــــيف ؟؟؟
| Quote: اما بورداب القاهرة فعاوز احركهم شوية والا |
انا رحلت الاسكندرية بعد بكرة ،، يعنى برة الموضوع دا نهائى
وربنا يوفقكم يا بورداب القاهرة جاكم الشديد القوى وكما يقال ( محمد معانا ما تغشانا فى الاسكندرية )
ايضا انا فى عزلة من المجتمع خاشى خلوة ( يعنى مفروض ما اقابل بشر كلو كلو ) لا بالزيت ولا بالهريسه
جد جد علشان الاوراد تسير كما ينبغى لها ان تستقر وتاتى بمفعول سريع الزوبان كامل الدسم ! (علم )
قاسم المهداوى
هامش
الموضوع : فول بالزيت + بالسمنه شنو الدخل البورداب فى صحن الفول ؟؟؟ آمنت بالله العلى القدير
| |
|
|
|
|
|
|
| |
صلاح غريبة
فيصل نوبي
ناذر محمد الخليفة
قاسم المهداوى
محمد عبد الماجد الصايم
محمد عبدالرحمن محمد
قمر الانبياء عبد الحي
عبدالله شمس الدين مصطفى
محمد قسم الله محمد
محمد عبدالرحمن
Fadl Karrar
Frankly
baha eassa
حافظ انقابو
فيس بوك
تويتر
انستقرام
يوتيوب
بنتيريست