|
يا لهوووووي!! .. الدنيا دي فيها جنس مصايب!!
|
توأمتان تشتركان في زوج واحد ... يعني أختين تومتين متزوجات راجل واحد ... معقولة دي!!
ومش كدة وبس أختهن بت عمهن متزوجة نفس الرجل ... يعني الراجل دا عنده ثلاثة نسوان وكلهن أخوات .... لا حولا ولا قوة إلا بالله العظيم ..
وجايب من النسوان ديل البنين والبنات اللي في الصورة اللي قدامكم دي ... لو ما الصورة قدامكم تقولوا ود هارون أكبر كضاب في الدنيا ...
هذا الخبر ورد في صحيفة الميترو الصادرة بتاريخ الخميس 3 مايو 2012. ______________________
الراجل اللي لقى الخبر دا وجاء وسلمني له هو صديقي العزيز الفنان التشكيلي العظيم معتز بدوي ... الشكر موصول له.
غداً ساحكي لكم القصة كاملة ...
تحياتي
|
|
|
|
|
|
|
|
Re: يا لهوووووي!! .. الدنيا دي فيها جنس مصايب!! (Re: rummana)
|
ما كنت كويس يا ود هارون رجعت للمترو تاني ليه الجرائد المجانية دي ما تجيب لينا أخبارها بتصفحها فى طريقي للشغل وبرميها بعد ما أعاين للإعلان بتاع شيخنا عمدة لندن ( the newspaper u r reading is rubbish )
غايتو الأوضة بتاعتك المليانة جرائد دى كنت بقيت مليونير كان نفسي أصورها وأجيب الصورة وأوريهم فى سودانيز إنت بتتعب كيف تنقل ليهم شمارات الإنجليز
| |
|
|
|
|
|
|
Re: يا لهوووووي!! .. الدنيا دي فيها جنس مصايب!! (Re: Mohammed Haroun)
|
Quote: ما كنت كويس يا ود هارون رجعت للمترو تاني ليه الجرائد المجانية دي ما تجيب لينا أخبارها |
معقولة يا مها إنت فاكرة فعلاً إنها مجانية ... ديل بكسبو دهب من الإعلانات ...
صدقيني مرات الواحد بيلقى أخبار عجيبة في صحيفة (الميترو) ... بعدين لغتها ساهلة لأنها مصصمة ليفهمها كل ركاب قطارات الأنفاق ...
Quote: غايتو الأوضة بتاعتك المليانة جرائد دى كنت بقيت مليونير كان نفسي أصورها وأجيب الصورة وأوريهم فى سودانيز إنت بتتعب كيف تنقل ليهم شمارات الإنجليز |
الحالة يا مها إنت شفت الديوان بس ... لو شفت غرفتي تدي الدنيا عجب ... عادة بأجر سارة وحامد عشان يرتبوا لي الغرفة شهرياً ..
تحياتي
| |
|
|
|
|
|
|
Re: يا لهوووووي!! .. الدنيا دي فيها جنس مصايب!! (Re: Mohammed Haroun)
|
Quote: هنا بدأ ضابط التحقيق بالضغط النفسي على سنغ، حتى أحس بأنه لا مجال للمراوغة، عندها بدأ يتكلم، حيث قال: تزوجت زوجتي التي معي ولأن ديانتنا ومعتقداتنا تبيح للأخ أن يشارك أخيه في زوجته فقد بدأ أخي الصغير يمارس هذا الحق مع زوجتي، لكن ديانتنا تعطيني الحق بأن يكون الأولاد لي أنا، وإذا أراد الأخ الآخر إنجاب أطفال فمن حقه أن يتزوج بامرأة أخرى.
وأضاف أنا وأخي كنا نشترك في المرأة نفسها التي أنجبت تم تسجيلها باسمي، ثم أنجبت طفلة أخرى تم تسجيلها باسمي أيضاً. وقال بدأت ألاحظ بأن زوجتي عندما كانت تذهب للنوم مع أخي كانت تضع المساحيق على وجهها وعطوراً على جسدها وتتزين له وكأنها عروساً، فعرفت من خلال تصرفاتها بأنها تحبه أكثر مني، وعندما سألتها عن تصرفاتها هذه أجابت بكل صراحة بأنها تحبه أكثر مني فعلاً، هنا بدأت أشعر بالغيرة وقمت بالاتصال بالكاهن الذي أخبرني أن غيرتي من أخي تعتبر حراما فالشريعة تبيح له أن ينام مع زوجتي.
وأضاف سنغ مما زاد الأمور تعقيداً أن زوجتي ولدت مولوداً ذكراً، وهنا طالب أخي بأن يتم تسجيل المولود باسمه لأنه متأكد بأنه ابنه هو لكني رفضت ذلك، وحاولت أن أفهم أخي بان المرأة هي زوجتي في الأصل وكونه ينام معها فهذا لا يعطيه الحق في أن يسجل أحداً من المواليد باسمه، ولكن عندما رأيت إصرار أخي على أخذ المولود الذكر قلت له يمكنك أن تسجل إحدى البنات باسمك أما هذا الطفل فسيسجل باسمي.
وأضاف لقد وقفت زوجتي مع أخي وقالت لي بأنها متأكدة بأنه هذا الطفل هو أبن الأخ الأصغر وليس ابني، من هنا قررت أن أقتل أخي لأتخلص منه وتبقى زوجتي لي وحدي دون أن يشاركني فيها أحد، لكني أخيراً قررت أن أتخلص من زوجتي أيضاً وأن أقتلها في القرية عندما نعود إلى بلادنا. |
أخي عاطف سلام
يا أخي والله تشكر على ايراد هذا الرابط ... والله أنا قريت القصة كلها ... قصة كتبت بأسلوب شيق ... الحكايات البوليسية دي عندها طعم خاص ... شوف اللخبطة دي بالله!!!
الراجل قتل أخوهو وحرموا من الدنيا ... وزين لحيته ليحرمه من الجنة ... يا أخي دا حقد رهيب جداً ...
تحياتي يا عاطف وخليك متابع
| |
|
|
|
|
|
|
Re: يا لهوووووي!! .. الدنيا دي فيها جنس مصايب!! (Re: Mohammed Haroun)
|
الراجل اسمه (جو دارقار) وعمره 43 عاماً والأختين التومات واحدة اسمها (فيكي) والثانية اسمها (فاليري) وعمرهن 42 سنة والزوجة الثالثة اسمها (آلينا) وعمرها 43 سنة ... الصحيفة تقول هؤلاء النفر (مورمون) متعصبون و(المورمونية) ديانة إخترعها واحد اسمه (جوزيف سميث) سنة 1820م وهي تحلل تعدد الزوجات بدون قيود كما يبدو من الحالة هذه ...
الأسرة مكونة من الزوج وزوجاته الثلاث وعدد (24) من العيال ... وهم يسكنون الآن في حتة اسمها (سولت ليك سيتي) في أمريكا ...
تقول الصحيفة الراجل (جو) هذا حينما بلغ الثامنة عشر من العمر بدأ يواعد التومة (فيكي) وبنت عمها (آلينا) في وقت واحد وتزوجهما الإثنين في يوم واحد ومناسبة عرس واحدة ... يعني عصفورين بحجر ...
يا أخي دي قصة حيرت ودهارون حيرة عجيبة ...
خليكم متابعين
تحياتي
| |
|
|
|
|
|
|
Re: يا لهوووووي!! .. الدنيا دي فيها جنس مصايب!! (Re: ست البنات)
|
Quote: غايتو نحن مرة جونا بنتين أخوات من الجيران باتوا فى بيتنا , الصباح امى ادت واحدة فرشة اسنان جديدة , وعاوزة تدى التانية , البت قالت ليها : لا خلاص نحنا قاعدين نتسوك دائما بفرشة واحدة!!! |
أختنا ست البنات سلام
الدنيا دي فيها عجائب وغرائب تحير العقول ... يعني معقولة نفرين يتسوكوا بقرشة واحدة!! غايتو نحن نقول الحمد لله ..
تحياتي وتشكري على المداخلة ...
| |
|
|
|
|
|
|
|