كتب الكاتب الفاتح جبرا المتوفرة بمعرض الدوحة
|
Re: مطلوب دراسة جدوي من اهل الصحافة والاقتصاد لاصدار صحيفة رياضية بالس (Re: khaleel)
|
يا فردة صناعة الجريدة في السودان مكلفة جداً جدا.. الموضوع ما عايز أي دراسة جدوى.. إصدار الجريدة الناجحة في السودان يعتمد على الآتي: أول حاجة يكون عندك سيولة كافية.. عشان تتحمل الخسارة شهر شهرين.. بعدها إما تقيف على رجلينك أو تقفل الجريدة بالضبة والمفتاح يكون عندك تلاتة أربعة من نجوم الصحافة وأسماء معروفة وعندها جمهور زي خالد عز الدين مثلاً، مزمل أبو القاسم، شجرابي.. تاني حاجة يكون عندك طاقم فني ممتاز.. عشان التصميم برضو عندو أثر كبير في القبول.. وتهتم بمسألة الصور الطازجة ومواكبة الأخبار.. يكون عندك علاقات ممتازة جداً عشان تجيب إعلانات من الشركات والمؤسسات.. لأنو الجريدة الناجحة والكسبانة مفروض تغطي تكلفة الطباعة من الإعلان فقط.. وعائد التوزيع يكون مصاريف تشغيل ورواتب وايجارات.. وتكلفة الطباعة ممكن تصل في اليوم الواحد خمسة ستة مليون.. يعني في الشهر قريب 200 مليون ده للطباعة بس.. وناخد الاعتبار ارتفاع أسعار الورق والأحبار في الفترة الأخيرة.. الجرايد الرياضية عندها مواسم ممتازة للشغل.. في المباريات الافريقية وفي جزء من مباريات وتوقيت الدوري الممتاز.. يعني عادي ممكن الهلال يفوز على المريخ تاني يوم من الساعة عشرة ما تلقى جريدة في السوق.. وممكن المريخ يدخل دوري الأربعة في الأبطال برضو السوق تاني يوم بكون مسخن والجرايد مطلوبة.. في مواسم بتاعت ركود شديد.. وفي الحالة دي ممكن تقلل الكمية المطبوعة.. أغلب الصحفيين بقت عندهم جرايد خاصة.. بدل الواحد يشتغل موظف وبالراتب أحسن يكون مالك وصاحب حق..
| |
|
|
|
|
|
|
Re: مطلوب دراسة جدوي من اهل الصحافة والاقتصاد لاصدار صحيفة رياضية بالس (Re: صالح عبده)
|
Quote: خليل إتوكل علي الله وجازف يا صابت ياخابت فلا جدوى من دراسة الجدوى البلد دي ماشة بي (طرة كتابة) ... |
منتصر جابا ليك من الآخر يا هندسة.. دراسة جدوى بتاعت قلبك؟ زمااااااان ناس الحكومة في بداية التسعينات عملوا حاجة اسمها مؤتمر الاستراتيجية القومية الشاملة.. وحياتك يا هندسة الملفات والتوصيات لحدي يوم الليلة مافي زول فتحا ولا شاف فيها شنو.. لو عندك قروش وعايز تستثمر اشتري ليك بيت بس.. واستأجروا حتى لو بخمسمائة جنيه.. ستة مليون مضمونة في السنة ولا خمسين مجهجهة..
| |
|
|
|
|
|
|
Re: مطلوب دراسة جدوي من اهل الصحافة والاقتصاد لاصدار صحيفة رياضية بالس (Re: أيمن دياب)
|
العمل الاعلامي عموما صناعة مكلفة , لذا تجد الكثير من الصحف طريقا للارتباط بالممولين من اصحاب رؤس الاموال , لضمان التشغيل فترة كافية حتي تقف الاصدارة علي ارجلها , غير ذلك تصبح مغامرة ذات نسب عالية من الخسارة , شوفوا زول حنفولي يتعهد الاصدارة كم شهر وبعد داك اسالنا , ما حنراهن انها تقف علي ارجلها فقط بل تقوم جارية عديل من اسع عمودي بالاخيرة اسمه "وهمات " عمود عمر الفاروغ ما عنده طريقة غير صفحات الوسط الميتة
| |
|
|
|
|
|
|
Re: مطلوب دراسة جدوي من اهل الصحافة والاقتصاد لاصدار صحيفة رياضية بالس (Re: محمد المسلمي)
|
سلام يا خليل وضيوفو يا زول مالك ؟ جنيت ؟ جريدة شنو الداير تسويها؟ مشروع الجرايد في البلد دي أفضل مشروع يدخلك السجن لو ما عندك كاتب مرموق زي مزمل او الرشيد علي عمر ديل - للأسف - نجوم الشباك اليومين دي لو جبت معاهم ود عبدالماجد او بابكر سلك لمزيد من تجهيل القاريء واستغفالو، يكون تمام ما في جريدة بتمشي من غير ديل ... وما تسمع الاسماء الكبيرة زي ناس المشاهد والزعيم رغم عراقتهم لكن بطبعوا حوالي 5000 نسخة وبيوزعوا زي 3000 - 3500 نسخة والباقي مرتجع يباع بالكيلو.. يازول الجرايد ناس صلاح ادريس ما قدروا يمشوها ... لامتناع الكتاب الكبار عن الكتابة في جرائدهم وكل كاتب عمل ليهو جريدة .. زمان المشاهد كانت بتوزع حوالي 40000 لما كان فيها مزمل وياسر عائس هسي توزيعها زي ما قلت ليك فوق .... انا عمري دا كلو قضيتو في تصميم الجرائد نادر جدا تلقى جريدة بتدي محرريها وموظفيها مرتباتهم في مواعيدها ...ومرات بنقعد 5و6 شهور من غير ما نقبض ولا فلس ودا غير آفة جديدة ظهرت وهي تأجير الجرائد ... يقوم صاحب الكشك بتشغيل (سرّيحة) لتأجير الجرايد بمبلغ 20 قرش للمواطنين وانت المسكين صاحب الجريدة تجيك مرتجع وتبيعها بالكيلو .. لمحلات الطعمية وفنيي البوهية يازول ما اطول عليك شيل الفكرة من دماغك فوراً واستغفر ربك .
| |
|
|
|
|
|
|
Re: مطلوب دراسة جدوي من اهل الصحافة والاقتصاد لاصدار صحيفة رياضية بالس (Re: عبدالوهاب علي الحاج)
|
Quote: سلام يا خليل وضيوفو يا زول مالك ؟ جنيت ؟ جريدة شنو الداير تسويها؟ مشروع الجرايد في البلد دي أفضل مشروع يدخلك السجن لو ما عندك كاتب مرموق زي مزمل او الرشيد علي عمر ديل - للأسف - نجوم الشباك اليومين دي لو جبت معاهم ود عبدالماجد او بابكر سلك لمزيد من تجهيل القاريء واستغفالو، يكون تمام ما في جريدة بتمشي من غير ديل ... وما تسمع الاسماء الكبيرة زي ناس المشاهد والزعيم رغم عراقتهم لكن بطبعوا حوالي 5000 نسخة وبيوزعوا زي 3000 - 3500 نسخة والباقي مرتجع يباع بالكيلو.. يازول الجرايد ناس صلاح ادريس ما قدروا يمشوها ... لامتناع الكتاب الكبار عن الكتابة في جرائدهم وكل كاتب عمل ليهو جريدة .. زمان المشاهد كانت بتوزع حوالي 40000 لما كان فيها مزمل وياسر عائس هسي توزيعها زي ما قلت ليك فوق .... انا عمري دا كلو قضيتو في تصميم الجرائد نادر جدا تلقى جريدة بتدي محرريها وموظفيها مرتباتهم في مواعيدها ...ومرات بنقعد 5و6 شهور من غير ما نقبض ولا فلس ودا غير آفة جديدة ظهرت وهي تأجير الجرائد ... يقوم صاحب الكشك بتشغيل (سرّيحة) لتأجير الجرايد بمبلغ 20 قرش للمواطنين وانت المسكين صاحب الجريدة تجيك مرتجع وتبيعها بالكيلو .. لمحلات الطعمية وفنيي البوهية يازول ما اطول عليك شيل الفكرة من دماغك فوراً واستغفر ربك . |
خلي ياهندسة سلام ...
امسك في كلام عمك وهبة دي قوي ده كلام زول خبير عديل كده
لكن عندي ليك فكرة تانية حول الجريدة الى جريدة إلكترونية
ارخص واقل مخاطر ويكون معاها خدمة sms و APPS على الايفون والجلاكسي ... الخ
| |
|
|
|
|
|
|
Re: مطلوب دراسة جدوي من اهل الصحافة والاقتصاد لاصدار صحيفة رياضية بالس (Re: عبدالوهاب علي الحاج)
|
Quote: سلام يا خليل وضيوفو يا زول مالك ؟ جنيت ؟ جريدة شنو الداير تسويها؟ مشروع الجرايد في البلد دي أفضل مشروع يدخلك السجن لو ما عندك كاتب مرموق زي مزمل او الرشيد علي عمر ديل - للأسف - نجوم الشباك اليومين دي لو جبت معاهم ود عبدالماجد او بابكر سلك لمزيد من تجهيل القاريء واستغفالو، يكون تمام ما في جريدة بتمشي من غير ديل ... وما تسمع الاسماء الكبيرة زي ناس المشاهد والزعيم رغم عراقتهم لكن بطبعوا حوالي 5000 نسخة وبيوزعوا زي 3000 - 3500 نسخة والباقي مرتجع يباع بالكيلو.. يازول الجرايد ناس صلاح ادريس ما قدروا يمشوها ... لامتناع الكتاب الكبار عن الكتابة في جرائدهم وكل كاتب عمل ليهو جريدة .. زمان المشاهد كانت بتوزع حوالي 40000 لما كان فيها مزمل وياسر عائس هسي توزيعها زي ما قلت ليك فوق .... انا عمري دا كلو قضيتو في تصميم الجرائد نادر جدا تلقى جريدة بتدي محرريها وموظفيها مرتباتهم في مواعيدها ...ومرات بنقعد 5و6 شهور من غير ما نقبض ولا فلس ودا غير آفة جديدة ظهرت وهي تأجير الجرائد ... يقوم صاحب الكشك بتشغيل (سرّيحة) لتأجير الجرايد بمبلغ 20 قرش للمواطنين وانت المسكين صاحب الجريدة تجيك مرتجع وتبيعها بالكيلو .. لمحلات الطعمية وفنيي البوهية يازول ما اطول عليك شيل الفكرة من دماغك فوراً واستغفر ربك . |
وهبة يا معلم
جهز حالك
حا تقبض مرتبين
راتب من ارباح الجريدة وراتب من التصميم
اختار المكتب البعجبك
وجهز الشيرنق بتاعك
| |
|
|
|
|
|
|
Re: مطلوب دراسة جدوي من اهل الصحافة والاقتصاد لاصدار صحيفة رياضية بالس (Re: اساسي)
|
Quote: العمل الاعلامي عموما صناعة مكلفة , لذا تجد الكثير من الصحف طريقا للارتباط بالممولين من اصحاب رؤس الاموال , لضمان التشغيل فترة كافية حتي تقف الاصدارة علي ارجلها , غير ذلك تصبح مغامرة ذات نسب عالية من الخسارة , شوفوا زول حنفولي يتعهد الاصدارة كم شهر وبعد داك اسالنا , ما حنراهن انها تقف علي ارجلها فقط بل تقوم جارية عديل من اسع عمودي بالاخيرة اسمه "وهمات " عمود عمر الفاروغ ما عنده طريقة غير صفحات الوسط الميتة |
اساسي
جهز الشيرنق بتاعك انت واحمد التجاني سريع
الوقت للعمل
| |
|
|
|
|
|
|
Re: مطلوب دراسة جدوي من اهل الصحافة والاقتصاد لاصدار صحيفة رياضية بالس (Re: أيمن دياب)
|
Quote: بعدها إما تقيف على رجلينك أو تقفل الجريدة بالضبة والمفتاح يكون عندك تلاتة أربعة من نجوم الصحافة وأسماء معروفة وعندها جمهور زي خالد عز الدين مثلاً، مزمل أبو القاسم، شجرابي.. |
هلا ايمن قريبي
هولاء هم بائعي الوهم للشعب السوداني ومن اسباب تدهور الرياضة في السودان
نحاول ان نقدم نموذجا افضل للصحافة الرياضية النظيفة بدون تعصب وخلق بطولات زائفة
| |
|
|
|
|
|
|
Re: مطلوب دراسة جدوي من اهل الصحافة والاقتصاد لاصدار صحيفة رياضية بالس (Re: جمال السنوسي)
|
الاخ الباشمهندس خليل
تحياتي
ومع تاميني علي ماكتبه الاخوة ايمن دياب ووهبة
الا انني اضيف
بان صناعة الصحف في السودان لاتخضع لمعايير دراسات الجدوي
واقول هذا لان هنالك صحف توفرت لها كل مقومات النجاح ولكنها لم تستمر
والعكس صحيح
ولان نجاح الصحف لايرتبط بمتغيرات موضوعية بل بعوامل شخصية
فان كنت تود التجريب
فلك مني الشركة التي تصدر الصحيفة والتصديقات والاثاث والاجهزة الفنية
وبس شوف الباقي وانا مستعد
مع خالص شكري
| |
|
|
|
|
|
|
Re: مطلوب دراسة جدوي من اهل الصحافة والاقتصاد لاصدار صحيفة رياضية بالس (Re: عمر صديق)
|
يا ابو الخل،
يازول ما تعتر ليك قشة، الفكرة جيدة جداً، كثرة الصحف الرياضية لا تعني بي المرة فشل هذا المشروع مادام هذة الصحفية جادة وموضوعية في الطرح من غير تسويق لعقل القاري، الجودة دوما الفائزة ،
أنا مستعد للمساعدة لجميع آلات التصميم و ال design ذات الجودة العالية الالمانية بحكم موقعي كمدير عام لهذة الشركة لمنطقة الشرق الاوسط وافريقيا، وحياتك تغطية الانتخابات الفرنسية كلها كانت مستمدة من منتجات الشركة دي، شي جريدة الليموند وفرانس نيوز وغيرهم، وأخوه علاقتة مع ناس adobe حديد، بس أنتو اكتبو بس وخلو الباقي علينا، تصمم في المانيا وتطبع الفجر في الخرطوم، تقولي لي مزمل..
| |
|
|
|
|
|
|
Re: مطلوب دراسة جدوي من اهل الصحافة والاقتصاد لاصدار صحيفة رياضية بالس (Re: Abdulrahman Gorashi)
|
Quote: يا ابو الخل،
يازول ما تعتر ليك قشة، الفكرة جيدة جداً، كثرة الصحف الرياضية لا تعني بي المرة فشل هذا المشروع مادام هذة الصحفية جادة وموضوعية في الطرح من غير تسويق لعقل القاري، الجودة دوما الفائزة ،
أنا مستعد للمساعدة لجميع آلات التصميم و ال design ذات الجودة العالية الالمانية بحكم موقعي كمدير عام لهذة الشركة لمنطقة الشرق الاوسط وافريقيا، وحياتك تغطية الانتخابات الفرنسية كلها كانت مستمدة من منتجات الشركة دي، شي جريدة الليموند وفرانس نيوز وغيرهم، وأخوه علاقتة مع ناس adobe حديد، بس أنتو اكتبو بس وخلو الباقي علينا، تصمم في المانيا وتطبع الفجر في الخرطوم، تقولي لي مزمل.. |
عبدالرحمن
تشكرات افندينا واحب التكنلوجيا زاااتا
| |
|
|
|
|
|
|
Re: مطلوب دراسة جدوي من اهل الصحافة والاقتصاد لاصدار صحيفة رياضية بالس (Re: ايهاب الطيب بله)
|
Quote: الان تلعب الصحف في الزمن الضائع واذا استمر الحال كماهو عليه الان اتوقع توقف كل الصحف عن الصدور لان مدخلات الانتاج الصحفي ليس ضمن الضروريات ( راجع منشورات بنك السودان ) من ورق والذي يشكل 75 % من التكلفة الكليه بالاضافة الي مصروفات التحرير الصحفي من مرتبات واجور ( تحرير وتجهيز طباعي ) بالاضافة اي اخري غير منظور |
شكرا ايهاب
وفي انتظار سياسات جديدة من الحكومة حتي لا يفقد موظفي الصحافة
اكتساب سبل العيش
| |
|
|
|
|
|
|
Re: مطلوب دراسة جدوي من اهل الصحافة والاقتصاد لاصدار صحيفة رياضية بالس (Re: khaleel)
|
Quote: شكرا عمر صديق
ما عندك اسعار تقريبية للايجار ومرتبات الموظفين وتكاليف الطباعة والورق
شايف ناس اقتصاد زاغو من دراسة الجدوي |
سلامات
ياهندسة والاسعار متفاوتة
وهي للايجار من 3 الي 6 مليون بالقديم في الشهر
والمرتبات من 15 الي 25 مليون شهريا
وتكايف الطباعة ل8 صفحات في اليوم من 30 الي 35 قرش بالجديد اذا كانت الكمية عشرة الف في اليوم
وهذا السعر ينقص او يزيد بصورة طردية مع العدد المطبوع علما بان تكاليف التوزيع للنسخة حوالي 20 قرش
ونسبة التوزيع المتوقعة للصحيفة تتراوح بين 50 الي 80 % وفقا لنجاح الجريدة
ممكن تخت مصروفات غير منظورة من 5 الي 10 مليون في الشهر
| |
|
|
|
|
|
|
Re: مطلوب دراسة جدوي من اهل الصحافة والاقتصاد لاصدار صحيفة رياضية بالس (Re: عمر صديق)
|
Quote: وهي للايجار من 3 الي 6 مليون بالقديم في الشهر
والمرتبات من 15 الي 25 مليون شهريا
وتكايف الطباعة ل8 صفحات في اليوم من 30 الي 35 قرش بالجديد اذا كانت الكمية عشرة الف في اليوم
وهذا السعر ينقص او يزيد بصورة طردية مع العدد المطبوع علما بان تكاليف التوزيع للنسخة حوالي 20 قرش
ونسبة التوزيع المتوقعة للصحيفة تتراوح بين 50 الي 80 % وفقا لنجاح الجريدة
ممكن تخت مصروفات غير منظورة من 5 الي 10 مليون في الشهر |
شكرا عمر صديق
يلا يا شباب
محتاجين لمبلغ خمسون مليون جنيه شهريا لحين ان تقف الصحيفة علي رجليها
| |
|
|
|
|
|
|
|