|
زعــــلانة من إهمـــــــالك!!!!!!!!!
|
- صدقيني ما قصدتا أزعلك؟؟ - بس زعلانة (تقطيبة وقدوم أكتر من اللزوم) .. - كل ما أضرب ليكي ألقي تلفونك مشغول أعمل شنو لكن؟؟ - لا .. بكون بتكلم مع خالاتي وعماتي.. - طيب ألاقيكي كيف بالتلفون وانتي دايماً مشغوله مشغوله.. - ما عارفه .. بس زعلانه من إهمالك .. - إهمالي كيف لكن وتلفونك دايماً مشغول؟ - بس زعلانه.. توقَّفتْ الأمجاد في محطتها الاخيرة ولا يزال الحوار مستمراً علي الهواء بين الطالبتين الجامعيتين .. . . . الحوار بين الزميليتين كان محتشداً بالجيم (المتعطش) و (الحلايف) و ربما (الجدية) .. نزلتُ وفي نفسي أشياء من حتي.
|
|
|
|
|
|
|
|
Re: زعــــلانة من إهمـــــــالك!!!!!!!!! (Re: aydaroos)
|
تحياتى أخى محمد قسم الله.
Quote:
Quote: محتشداً بالجيم (المتعطش)
سلام يا محمد قسم الله ...غايتو عاينت للحوار ما لقيت فيه جيم إلا في كلمة أمجاد و الجامعيتين |
ملاحظة جيدة أخى عيدروس.....كمان أنا مالقيت حلايف.....مودتى .
ممكن تكون فى جديه...
سلام وإحترام.
| |
|
|
|
|
|
|
Re: زعــــلانة من إهمـــــــالك!!!!!!!!! (Re: ismeil abbas)
|
Quote: إلا في كلمة أمجاد و الجامعيتين
|
يا أخي الكلمتين ديل العلمتوهم دليل إثبات وصف مني لمكان الحوار وللمتحاورتين .. أبداً لم أقل (بعضمة لساني) إنّ هذا هو كل الحوار الذي كان مسرحه سيارة امجاد أجرة لمشوار أكثر من نصف ساعة والفتاتين تحتلان المقعد الأخير وتتلاومان مباشرةً أمام خلق الله.. الذي قصدته هو السطحية التي اتخذتها إحداهن في نمطية تفكيرها وزعلها الذي لم يرتبط بأمر جلل علي الأقل من وجهة نظري كما أنّ الأمجاد يا أمة الامجاد ليست مكاناًمناسباً لمثل حديثهن. الأخوان .. إسماعيل وعيدروس .. بالله شوفو لينا أين يختبئ فضولي باين عيكم الشطارة في أصول (البحبته) ..؟؟!! عيني بارده.
| |
|
|
|
|
|
|
Re: زعــــلانة من إهمـــــــالك!!!!!!!!! (Re: محمد قسم الله محمد)
|
Quote: الذي قصدته هو السطحية التي اتخذتها إحداهن في نمطية تفكيرها وزعلها الذي لم يرتبط بأمر جلل علي الأقل من وجهة نظري كما أنّ الأمجاد يا أمة الامجاد ليست مكاناًمناسباً لمثل حديثهن. |
نحنا الإتنين عارفين قصدك بس الواحد لما يلقا مفارقة زي الكورة في خط ستة.. وهو والقون قمنا شتنا طوالي
___________________________ عليك الله ونستن ما قضت ليك زمن الرحلة الطويلة ؟ :)
| |
|
|
|
|
|
|
|