|
رئيس النيجر توقف في مطار الخرطوم فاستقبله وزير الثروة الحيوانية
|
عاد ده كلام ياخواننا؟
لا بروتوكول لا فهم لا ذوق؟؟؟
قبل أسبوعين تقريبا توقف رئيس النيجر بمطار الخرطوم
والمفروض حسب البروتوكول يستقبله رئيس الدولة
قام استقبله وزير الثروة الحيوانية
والله دي حقارة شديدة ياخ عشان الراجل مفلس يعني وللا شنو؟
وزير الثروة الحيوانية عديييل كدي؟
أقلاها نايب الرئيس وللا حتى وزير الخارجية
وبالعدم وزير البيئة والسياحة!!
لاكين شينة منكم والله!!!
هسي ده لو كان زول مغندل أو أحد حكام الخليج
ما كان عزفوا ليهو السلام الجمهوري ولموا ليهو طاقم الوزراء والمدراء والخفراء؟
الموضوع ده كان قبل أسبوعين وكان حارقني شديد وكنت داير أنزلو لكن نسيت
وهسي تذكرتو عشان قعدت أحضر النشرة في تلفزيون السودان ^____^
|
|
|
|
|
|
|
|
Re: رئيس النيجر توقف في مطار الخرطوم فاستقبله وزير الثروة الحيوانية (Re: ismeil abbas)
|
قبل فترة سفير الصومال كان راكب عجلة في القاهرة يبدو لي ان السغفارة لديها سيارة واحدة وسرقوها
اها بالله عليكم كان السفير دا حرد الشغل ورجع مقديشو هل كان المصريين سيطالبون به كما طالبوا حد البكاء بالسفير السعودي ؟؟
قنصل نيجيريا قبل عامين قبضوه مهرب ناس عمرة !!!! والمشكلة بسيارة السفارة تدفع 100 ريال الراجل يدخلك لحد الحجر الأسود !!!
الاستقبال برضو درجات ياجماعة ياريت لو توقف أوباما بالمطار !!!
غايتو عجبني تعليق العمبلوك 00 يعني ياربي يكون ما أدوه خروف أخذوا معاه بالطيارة يعني الضيف لو ما ضبحت ليه فمن باب أولى أن ياخذ ذبيحته معه بالطيارة
قال بروتوكولات قال !!!!
| |
|
|
|
|
|
|
Re: رئيس النيجر توقف في مطار الخرطوم فاستقبله وزير الثروة الحيوانية (Re: ابوحراز)
|
Quote: توقف يا أخى محمد جلال ما زيارة معلنة من قبل...مافيها بروتوكول دى..ممكن رئيس الدولة يكون عنده إلتزامات أخرى.
حسب فهمى البسيط فى البروتوكولات.
ماتزعل نفسك يا أخ..تقديرى وإحترامى. |
الأخ الكريم اسماعيل عباس والله أنا لا علم لي بهذه الأمور لكن أحد العاملين بالسلك الدبلوماسي قال لي هذا الكلام وبناء عليه فقد قلت ما قلت لكن بيني وبينك شايف كلامك أوجه لكن في كل الأحوال وزير الثروة الحيوانية دي صعبة الهضم ^_*
شاكر لمرورك الكريم
| |
|
|
|
|
|
|
Re: رئيس النيجر توقف في مطار الخرطوم فاستقبله وزير الثروة الحيوانية (Re: Tragie Mustafa)
|
Quote: يكونوا بردوا ليه الصاع صاعين عشان ما قبل يرسل عدد كبير من المرتزقه للمشاركه في قتال هجليج! |
مرتزقة مين يا طـَنـْط؟ الشعب السوداني ده محتاج مرتزقة؟؟؟ العالم الطلعت يوم تحرير هجليج دي بالله دايرة مرتزقة معليش مقدر حالتك النفسية هجليج دي كانت حارة عليكم ^_^
أها ماقلتي لي أخبار المرتزقة الأريتريين الماتوا 1000 في هجليج شنو؟؟ ويا كافي البلاء 1000 مرتزق أريتري ماتو ما تأسر دويلة الجنوب منهم واحد؟ واااااااحد بس كان يأسروهو مع الأسرى السودانيين!!
| |
|
|
|
|
|
|
|