|
|
 البيت السوداني الامريكي باريزونا يدعوكم لافتتاح داره
|
البيت السوداني الامريكي
The Sudanese American House
عزيزاً انت ياوطني برغم قساوة المحن
تسر اللجنه التنفذية للبيت السوداني الامريكي ان تزف لكم بشري اكتمال ايجارمقر جديد للبيت
وان تدعوكم لحضور حفل افتتاح الدار في يوم السبت الموافق 05-05-2012 الساعه 7 مساء . نرجو ونامل من كافة السودانيين بدون استثناء المشاركه في هذا الحفل الكبير
ويشمل هذا الحفل غناء ورقص شعبي
وسوف تكون هناك فقرات ترفيهيه
المكان :- دار البيت السوداني الامريكي
address: 4725 N 43 Ave
Phoenix, AZ 85031
|
|
 
|
|
|
|
|
|
|
|
Re: البيت السوداني الامريكي باريزونا يدعوكم لافتتاح داره (Re: البيت السوداني الامريكي بAZ)
|
صور و فيديوهات من حفلة تابين وردى بالبيت السودانى باريزونا
شكرآ للمكتب التنفيذي الجديد وهو يتقدم بخطوة كبرى مستجيبآ لرغبة الكثيرين من أعضاء البيت السوداني بإستئجار هذا المبنى الكبير بديلآ عن المبنى الصغير الذي إستأجرته اللجنة التمهيدية السابقة والذي كان صغيرآ جدآ وإجاره المرتفع الأمر الذي لم يمكن عضوية البيت الكبيرة والمتسعة من إجراء إية مناشط عامة فيه.
المبنى الجديد توجد به قاعتان, الكبرى وتسع لمئتي وخمسين شخصآ والصغرى تسع مائة شخص وبسعر يقل كثيرآ عن المبنى السابق الأمر الذي سيمكن من إقامة كل المناسبات القادمة بداخله دون الحاجة لإستئجار مبنآ جديدآ .. كما إيضآ يمكن أفراد الجالية السودانية بمنطقة فينيكس الكبرى من إقامة مناسباتهم الإجتماعية فيه بكل رحب وسعة .. كما يوجد بالمبنى ثلاث دورات مياه. ألف مبروك لأسرة البيت السوداني هذا الإنجاز الكبير.
| |
|
|
|
|
|
|
|
|
Re: البيت السوداني الامريكي باريزونا يدعوكم لافتتاح داره (Re: محمد عبدالرحمن محمد)
|
تقصد أعضاء البيت السوداني بأنهم مصابون بداء السكري!!
يا أخي ديل شباب وشابات زي الورد .. أصحاء بدن وعقول .. شوف الأنشطة
العملوا فيها دي كيف .. ولسه ياما تشوفوا .. لكن ممكن ملاحظاتك دي
تتحول لدار العجزة و الأطفال .. بالمناسبة إمكن يكون عندهم 4 دورات مياه!
ويادوب سنة أولى عمل عام .. التحية للمكتب التنفيذي الجديد للبيت السوداني
بأريزونا والمزيد من التقدم .. إلى الأمام يا شباب الولاية معكم والناس مبسوطة منكم.
| |
|
|
|
|
|
|
|
|
|
Re: البيت السوداني الامريكي باريزونا يدعوكم لافتتاح داره (Re: محمد عبدالرحمن محمد)
|
| Quote: مداخلتي دي إن قبلتها، عازمك قراية براق الخميس الفي وشينا.. منعم عليهو الفتّه |
تفتفت يابا صحة وعافية، وبراق ينتظر لحدت الخميس داك
أخير منو فرس اليانكي( وِيلد).. أو (المثل البيقول الخيل تجقلب زي الشرا في حماد)..
أها المثل بي تريكيبو الجديد تقراه زي ما يعجبك .
سلامات يالمطرطش.
ياعادل سلامات.. ومبارك الدار الجديد ... الوسيع الماهل ..
وإن شاء الله تتملي بالتفاعل والحركة والإنسجام ..
وللحقيقة الدار فيهو قاعة واحدة تتسع لعدد أكبر من الذي ذكرت
لو صفت القلوب .. لك التحية .
| |
|
|
|
|
|
|
|
|
|
Re: البيت السوداني الامريكي باريزونا يدعوكم لافتتاح داره (Re: عبد المنعم ابراهيم الحاج)
|
Quote: تفتفت يابا صحة وعافية، وبراق ينتظر لحدت الخميس داك
أخير منو فرس اليانكي( وِيلد).. أو (المثل البيقول الخيل تجقلب زي الشرا في حماد)..
أها المثل بي تريكيبو الجديد تقراه زي ما يعجبك .
سلامات يالمطرطش.
ياعادل سلامات.. ومبارك الدار الجديد ... الوسيع الماهل ..
وإن شاء الله تتملي بالتفاعل والحركة والإنسجام ..
وللحقيقة الدار فيهو قاعة واحدة تتسع لعدد أكبر من الذي ذكرت
لو صفت القلوب .. لك التحية . |
العزيز مناعم ,,
مبروك الدار الجديدة لنا جميعآ .. الزميل محمد إقترح حضرة
والفتة منك .. تحياتي للعيال وأمهم والجيتار .. رجائى أن يكونوا جميعآ
بخير.
البرنامج اليوم سيكون حافلآ إنشاء الله رغم إحتفال ال Sinco De mayo
| |
|
|
|
|
|
|
|
|
|
Re: البيت السوداني الامريكي باريزونا يدعوكم لافتتاح داره (Re: محمد عبدالرحمن محمد)
|
Quote: عادل قول بسم الله..
مالك جاي تقصّدني من راسك ساي؟
ياخي السكري مرضانبو انا..
مداخلتي في اللساس هظار ومحاولة رفع معنويات البوست..
-
مداخلتي دي إن قبلتها، عازمك قراية براق الخميس الفي وشينا.. منعم عليهو الفتّه |
إنت وين يا أستاذ محمد .. يادوب وقعت لي ..
يا سلام على البراق وروحه .. طولنا ما شفناك ..
الفتة خليها على والحضرة كمان ..
أها قبلت الإجابة يلي عليك بالباقي .. تحياتي
| |
|
|
|
|
|
|
|
|
 Re: البيت السوداني الامريكي باريزونا يدعوكم لافتتاح داره (Re: عادل نجيلة)
|
Quote: تفتفت يابا صحة وعافية، وبراق ينتظر لحدت الخميس داك
أخير منو فرس اليانكي( وِيلد).. أو (المثل البيقول الخيل تجقلب زي الشرا في حماد)..
أها المثل بي تريكيبو الجديد تقراه زي ما يعجبك |
زمن آمِنعم ما طريت:
هِي الجاي ترجا الخميس مِني
-
مثلك اب تركيبتن جديدي ده، قريتو بالآسيوي، من فوق لا تِحِتْ!
| |
|
|
|
|
|
|
| |
البيت السوداني الامريكي بAZ
محمد عبدالرحمن محمد
Nasr
معاوية المدير
فيس بوك
تويتر
انستقرام
يوتيوب
بنتيريست