|
|
 شيرينغ لشراء مركبة فضائية
|
حكومة السودان .... نحن ما عندنا مشكلة مع الشعب الجنوبي مشكلتنا مع (الحشرة الشعبية)
حكومة جنوب السودان ... نحن ما عندنا مشكلة مع الشعب الشمالي مشكلتنا مع (حرامية المؤتمر الوطني)
اها يا شعب شمال وجنوب السودان عايزين نعمل لينا(شيرينغ) ونشتري مركبة فضائية (ندفسها دفس ) بيهم كلهم(ح / ح) ونرسلهم للمريخ ولو في مكان ابعد يكون احسن . ونخليهم يشوف حل للمشاكل بتاعتهم دي هناك بعيد مننا ونصلي ليهم بكل الصلوات انه ربنا يوفقهم في مكانهم الجديد ولو عايزين يرجعو لينا تاني يشترو ليهم مركب بطريقتهم من هناك بالقروش المسروقه من الشمال والجنوب ( بس بعد سنة ضوئية)
يالله يا شباب نشتري المركبة الفضائية دي سريع قبل الـ 3 شهور بتاعة مجلس الامن عشان لو الحرامية والحشرات قعدو معنا للوقت داك ... يا اتلحسنا يا اتشردنا ... وهم ما شاء الله عليهم ... حيكونه قاعدين نايمين ماكلين شاربين (.......)
سريع سريع نلعب الشرينغ
|
|
 
|
|
|
|
سيف اليزل جعفر عبد الرحمن
فيس بوك
تويتر
انستقرام
يوتيوب
بنتيريست