|
التحية لبكري ابوبكر - في المحكات يبين معدن الرجال
|
فخور جدا بالكتابة في هذا المنبر الذي يقوده بحنكة ادارية عالية الاخ بكري ابوبكر , والذي اظهر لنا خلال الايام الفائتة وما يزال يفعل وطنيتة و جودة معدنه , بكري الذي وبوضوح كامل كان مثالا للسوداني الاصيل صاحب القلب الحار الذي لا يرضي الضيم ولا الهوان لوطنه وشعبه , حينما غلب وطنيته علي مواقفه السياسية , امثال الاخ بكري هم الذين يعول عليهم السودان لحسن فطرتهم في التفريق بجلاء تام ما بين ما هو وطني ويمس السودان وشعبه وبين ما هو سياسي زائل , ورغم ذلك لم يفقد ولو للحظة حياده الصحفي كصاحب منبر عام في انه كان متوازنا جدا مع جميع الاصوات والتيارات ومنح الفرصة للجميع ليقولوا قولهم وترك الامر للقارئي ليفرز الغث من الجيد . بكري الذي وضح انه ضد الحرب ولكنه لا يرضي ان يمس شبرا من وطنه , لك التحية اخ بكري وانت تضرب مثالا في الوطنية الحقة
حيوا معي الاخ بكري الذي اثلج صدورنا ابان ازمة هجليج باخباره النوعية ووضع بصماته في البوستات التي تدعم الخط الوطني
|
|
|
|
|
|
|
|
Re: التحية لبكري ابوبكر - في المحكات يبين معدن الرجال (Re: اساسي)
|
شوف يا حيدر الزين , لغة منحطة و########ة وسقيمة ما بتمشي معاي لي قدام , افضل انه الناس تحترم بعض وتختلف في اي حاجة بس بتهذيب , ولو حتي من باب المزاح ما بقبل منك كلمة نابية , آمل انك حتعدل مداخلتك اعلاه وحتي لو مختلف معاي في ما كتبت اختلف بلغة مهذبة
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: Sidig Rahama Elnour)
|
Quote: الأخ أساسي سلام عليكم ومشتاقين نحي معك الاخ الباشمهندس بكري أبو بكر فيما قصدته ولم تقصده ... وأجدعنا بالروابط (رابط رابطين كدة) عشان نحن ناس ما متابعين زيكم أنت وود الصائم !!! |
صديق النور سلام
تسلم علي التحايا , وهناك الكثير كما اشرت من الاخبار النوعية والمداخلات التي رفد بها بكري المنبر في الفترة السابقة التي تؤكد وطنيته الحقة
من جانب اخر لو ما اخاف الكضب بكرة ان شاء الله او بعده مفروض نسجل الزيارة التي دخلتنا في اضافرنا .
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: عبداللطيف خليل محمد على)
|
فخور جدا بالكتابة في هذا المنبر الذي يقوده بحنكة ادارية عالية الاخ بكري ابوبكر , والذي اظهر لنا خلال الايام الفائتة وما يزال يفعل وطنيتة و جودة معدنه , بكري الذي وبوضوح كامل كان مثالا للسوداني الاصيل صاحب القلب الحار الذي لا يرضي الضيم ولا الهوان لوطنه وشعبه , حينما غلب وطنيته علي مواقفه السياسية , امثال الاخ بكري هم الذين يعول عليهم السودان لحسن فطرتهم في التفريق بجلاء تام ما بين ما هو وطني ويمس السودان وشعبه وبين ما هو سياسي زائل , ورغم ذلك لم يفقد ولو للحظة حياده الصحفي كصاحب منبر عام في انه كان متوازنا جدا مع جميع الاصوات والتيارات ومنح الفرصة للجميع ليقولوا قولهم وترك الامر للقارئي ليفرز الغث من الجيد . بكري الذي وضح انه ضد الحرب ولكنه لا يرضي ان يمس شبرا من وطنه , لك التحية اخ بكري وانت تضرب مثالا في الوطنية الحقة
حيوا معي الاخ بكري الذي اثلج صدورنا ابان ازمة هجليج باخباره النوعية ووضع بصماته في البوستات التي تدعم الخط الوطني
التحية لصاحب الحوش إبن البلد الأصيل بكري أبوبكر تحياتي يا أساسي وليك وحشة
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: ابو جهينة)
|
لا ارى من حاجة لتحيوا بكري ابوبكر , وبكري عندما قرر خوض غمار الاسافير ليس ليبرز لنا صورته المعتدلة ولكن لنشر الحقائق ثم بعد ذلك يااساسي بوستك مفخخ ويحمل داخله كثير من التوريط , وبعدين تعال ورينا ما هو وطني وما هو سياسي والفرق بينهم ياعالم حقوق السياسة الدولي ؟؟؟ نحن في وطن متورط الى اذنيه الاعتداء ولا يستطيع النظام القائم العيش دونما تفجير مشكلة ليقتات تجار الحرب ويمتد عمر النظام قليلاً ,,, لا فرق بين هجليج والفشقة وحلايب وطوكر ووووووووووووكل الحدود المحتلة من قبل دولة جارة يااحلى جارة . اساسي بطل حركات واكتب بشكل وااااضح ؟؟؟
......................................................................................حجر.
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: الرفاعي عبدالعاطي حجر)
|
Quote: لا ارى من حاجة لتحيوا بكري ابوبكر , وبكري عندما قرر خوض غمار الاسافير ليس ليبرز لنا صورته المعتدلة ولكن لنشر الحقائق ثم بعد ذلك يااساسي بوستك مفخخ ويحمل داخله كثير من التوريط , وبعدين تعال ورينا ما هو وطني وما هو سياسي والفرق بينهم ياعالم حقوق السياسة الدولي ؟؟؟ نحن في وطن متورط الى اذنيه الاعتداء ولا يستطيع النظام القائم العيش دونما تفجير مشكلة ليقتات تجار الحرب ويمتد عمر النظام قليلاً ,,, لا فرق بين هجليج والفشقة وحلايب وطوكر ووووووووووووكل الحدود المحتلة من قبل دولة جارة يااحلى جارة . اساسي بطل حركات واكتب بشكل وااااضح ؟؟؟
|
الرفاعي حجر صباح الخير
هدي من روعك يا رجل ولا تحمل امر البوست اكثر مما لا يحتمل , وجهة نظرك في عدم رؤياك حاجة لتحية بكري تظل وجهة نظر مقدرة ولكنها تخصك , وبكرى لم يطلب منا شكرا ولكنا راينا احقيته بالتحية والتقدير وهو امر لا اظنه يغضب احدا , انت بالذات لا يحق لك السؤال عن ما هو وطني او سياسي لاني علي يقين ان هذه النقطة جليا تماما لديك ولكنها مكابرة السياسة التي تدفعك دفعا لتعترض متسائلا وهو اعتراض ليس في محله , يظل رايك عن تفجير النظام للمشاكل امر سياسي اخر , هنا الحديث عن وطن وليس عن نظام الفشقة وحلايب وغيرها من الحدود المحتلة نطالب معك وبقوة استردادها فهي ارض سودانية خالصة , ولكن تظل هجليج مورد مهم للسودان لا يحتمل التاجيل
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: ابو جهينة)
|
اساسي ..سلامات ...
وجهة نظر برضو ..
Quote: حيدر الزين أنا بسلم عليكـ وود القاضي بسلم عليكـ وقال ليك يا أخ أعقل عليك الله |
صديق رحمة عايز تقول للراجل اعقل قول ليهو من غير ماتستخدمني عشان ماارشك زي رشة اساسي لحيدر . صراحة ريحني كلام اساسي لحيدر فاساسي قال كلام مقتنع بيهو في البوست وحتى لو اختلف معاه مفروض يُحترم كرأى . ومن حق اساسي يكسر تلج اذا حيدر شايف ده كسير تلج او تنعيم ليه ..
حيدر الزين لقيت اتصال منك فمعذرة مابقدر اقيف معاك في الموقف ده فعندي سوالف مع اساسي وشايف من حقه يرد عليك. تعال وانت صاغر ومذولول ورجلك فوق رقبتك وصلح مداخلتك ...
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: فايزودالقاضي)
|
Quote: صديق رحمة عايز تقول للراجل اعقل قول ليهو من غير ماتستخدمني عشان ماارشك زي رشة اساسي لحيدر . صراحة ريحني كلام اساسي لحيدر فاساسي قال كلام مقتنع بيهو في البوست وحتى لو اختلف معاه مفروض يُحترم كرأى . ومن حق اساسي يكسر تلج اذا حيدر شايف ده كسير تلج او تنعيم ليه ..
حيدر الزين لقيت اتصال منك فمعذرة مابقدر اقيف معاك في الموقف ده فعندي سوالف مع اساسي وشايف من حقه يرد عليك. تعال وانت صاغر ومذولول ورجلك فوق رقبتك وصلح مداخلتك ...
|
واعي يا ود القاضي , اضحكتني مداخلتك جدا , وعليه تم رفع العصا وفتح الجزرة
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: العوض المسلمي)
|
و الله حيرتونا !!
الواحد يشكر ليه زول يقولو عليه بتاع ثلج ... يختلف مع واحد يقولو عليه مصنف .. ينبذ واحد يقولو عليه فاقد منطق .. يسكت و ما يعلق يقولو عليه طابور خامس ..
انتو عارفين .. المنبر دا بقى اشبه بالمرأة فى " سن اليأس " .. زعيلة .. شكاكه .. غيورة .. ما عندها اى موضوع !!
اساسى
بكرى ولدنا و مستضيفنا فى حوشو .. شكرو لحد ما صلعتو يقوم فيها شعر .. و كمان شيل معاك شوية من " تفة " ناذر خليفه و لصق ليه .. ان شاء الله يبقى " بوب مارلى " زااااتو !!
تحياتى لك و للاسرة
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: يوسف محمد يوسف)
|
Quote: اساسى
بكرى ولدنا و مستضيفنا فى حوشو .. شكرو لحد ما صلعتو يقوم فيها شعر .. و كمان شيل معاك شوية من " تفة " ناذر خليفه و لصق ليه .. ان شاء الله يبقى " بوب مارلى " زااااتو !!
|
عمدتنا يوسف تحية واشواق وان شاء الله كل الامور تمام مداخلة لطيفة , تعرف كل ما اشوف صورة ناذر الخليفة دي بتذكر اغنية الراحل الخالدي " خصل شعرك " هههههههههه قبل كم يوم علي وشك افتح ليهو بوست اهديهو الاغنية دي تصدق كن بخير دائما
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: العوض المسلمي)
|
Quote: فعلا بكري شكلا رقما مهما في السياسة كما انه شكل قاعدة كبيرة من المتابعين لهذا المنبر وشكل بالنسبة لي مجتمعا من الاهل والاصدقاء سيظلون محل فخري ابد الدهر بكري لو شكرته للصباح بكون ما كفيته حقه .. شكرا اساسي فمن لا يشكر الناس لا يشكر الله |
كل التدقير اخي العوض , وقد قلت خيرا فانه من لا يشكر الناس لا يشكر الله وبكري محل شكرنا لما قام به وما ظل ولمواقفه المشرفة ونسال الله ان تعود الينا قريبا يا ريس
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: ناصر البطل)
|
بالفعل بكري أبوبكر ومنبره الذي استطاع أن يديره بإقتدار يجعل منه مصدراً أول للخبر بكري أبوبكر يحمد له في أزمة هجليج تحكيم ميزان العدل حتى في رفع المانشيتات شخصياً قام برفع بوست لي في ضربة هجليج الأولى وقام كذلك برفع بيان الجيش فيديو
فهذا يجعل منه شخصاً في الضفة المحايدة رغم تكالب البعض عليه واستخدام سلاح الصحبة وغيره إلا أن الرجل نجح بإقتدار في إدارة دفة المنبر
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: تيسير عووضة)
|
Quote: يوم واحد شفت ليك بوست بتاع كوز معلق فوق في صدر البنبر ده |
يادكتور بشير ماكفاية معلقين في صدر الوطن 23 سنة ...عدم القناعة لزومها شنو ؟!!
Quote: هشك بشك = وصف مصري يطلق على الراقصات !! |
ياتسير كلام ود الباوقه بمس البشير اكتر من المعارضة مادام الهش بشك دي تطلق على الراقصات والراقصين الرؤساء منهم والعاديين ..
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: فايزودالقاضي)
|
Quote: ود الباوقة خليك محترم شوية ! |
يا تيسير انت كمان خليك موضوعية وتفتيحة شوية
يجيب من ووووووووووووين ؟؟؟ زول مرة طلع من بيتو
ماشي يقدم للعيال للجامعات قال اذا ما خفوا الرسوم
الله قال بقول المعارضة واذا العكس فالله قال بقولة الحكومة
ومضى تم اعفاء كبير للرسوم لم يك يتوقعه الفاروق ودالباوقة
فعاد ادراجه ملتحف ثوب النفاق لا يلوي على فكرة واحدة بل شطط
الانتهازية والتعلق باستار النظام من قومي عروبوي الى اسلامي انتهازي
وها انتي تشاهدين مواقفه النص نص والتي في كثير من الحيان يسبغها
بعنجهية العنصرة ,,,,, ي=فيا تيسير فاقد الشيئ لا يعطيه ,,,شكراً,
,.....................................................حجر.
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: فايزودالقاضي)
|
التحية للجميع...
غايتو أنا قريت كلام أساسي من الشمال لليمين وأتفق بتحفظ "من الشمال لليمين" ولا أشكر بكري ولا ألومه على شيء فيما يخص الموضوع.. أشكره على المساحة المجانية وعلى الصبر وطول البال.. إن شاء الله يوم شكرك ما يجي... هذا من ناحية.. ومن ناحية أخرى...
Quote: انتو عارفين .. المنبر دا بقى اشبه بالمرأة فى " سن اليأس " .. زعيلة .. شكاكه .. غيورة .. ما عندها اى موضوع !! |
هي دي مالها يا ربي؟ الدخلها في الموضوع شنو في صمة خشمها؟ وعلاقتها شنو ببكري ومعدن الرجال..! بعدين مش كان زمان في بوست حدادي مدادي بخصوص الكلام ده ولا زالت آثاره تعلك هنا... هسه تلاقيه كاتب المقتبس من أعجز عواجيز البورد وبتكلم عن نفسه ومتداري ورا إنه راجل ما عنده تصنيف مشهور وفي احتمال كمان يكون ما عارف يعني شنو سن يأس (ده على اعتبار إنه شاب صغير السن) مع أنه الرجال عندهم سن يأس أخطر بكتير وهوالسبب البخلي زوجاتهم حايمات من بلد لبلد بادعاء الشوق للأبناء "وتولد" بنتها وماشة أتعالج وما أدراك ما تلك الحجج .... غايتو أنا وصلني زمان إيميل عن سن يأس الرجال، ... وعد مني أفتشه وأجيبه - للفائدة العامة وكدا-
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: فايزودالقاضي)
|
والله مع أنو تعليقات ومداخلات ود الباوقة دا مكلمة الرواشة وفايتاها بهناك لكن كلامو الفوق دا أكتر من عادي مقارنة بالقرف القاعد إتقال هنا عن المعارضة والحكومة على حد السواء.. ود الباوقة عاشق الهتافية تكلم عن معارضة هشك بشك فمن كان من المعارضين يأنس في نفسو الكفاءة في هشك بشك فصدق ود الباوقة ولا داعي للاحتجاج ومن لم يكن كذلك فأصلا الجرسة في شنو ؟؟؟؟ من جهة أخري والله أنا مستغرب كيف أن ود الباوقة ما زال يسرح ويمرح وسط ناس المؤتمر الوطني وهو بكل هذه التفلتات والرواشة في الكلام .
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: طلحة عبدالله)
|
نشكر اساسي لشكره بكري ونشكر بكري لقبوله المحتمل لشكر اساسي
ونرحب بصديق رحمة في المنبر العام بعد غيبة وأيضا نرحب بالسيد ود الباوقه بعد رجوعه ظافر ومنتصر وايضا بعد صقرية كاربه تعجب الصديق وتغيظ العدو وانا شخصيا محايد ولكن معجب الصقرية
ونشكر كل من وقف خلف قواتنا المسلحة
وقبل كل ذلك نشكر شهدائنا اللذين وهبوا أرواحهم فداء الوطن العزيز ونشكر جرحانا الذين بذلوا الدماء رخيصة من اجل الوطن العزيز ونتمنى لهم عاجل الشفاء وكل الشكر والعرفان لجنودنا البواسل وهم يزودون عن الأرض والعرض
.................. ود القاضي ارعوي
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: ismeil abbas)
|
اساسس الرومانسي اتفق معك 100 في المية
ولا تنسي كمان السهام الطائش منها و الموجه دااايركت كدة الي اصابت بكري في خلال مسيرة ال 10 سنوات هذه.. و النعوت التي نعت بها ... ومنهم انت زاااتكك(: من علي شاكلت ابوصلعة و كبير الجلابة و ,,,,, و نحترم للرجل صبره علينا و رحابة صدره
لك التحية بكري ابو بكر .....
-------- manubia
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: مازن فيصل هلال)
|
Quote: ود الباوقة عاشق الهتافية تكلم عن معارضة هشك بشك فمن كان من المعارضين يأنس في نفسو الكفاءة في هشك بشك فصدق ود الباوقة ولا داعي للاحتجاج ومن لم يكن كذلك فأصلا الجرسة في شنو ؟؟؟؟ |
طلحة عبدالله ..
ما عندك أي صفة أو حق عشان تحدد للناس يحتجوا متين ويتجرسوا متين ولا الحكاية تنظير أجوف وخلاص؟
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: تيسير عووضة)
|
اللخت والله دي حاجة عجيبة يعني الاداك الحق تخاطبيني بصفة شخصية وتكتبي إسمي بالبنط العريض رغم انو لا خاطبتك ولا حصل اتداخلت معاك وما أداني الحق أنا شنو ؟؟ غايتو إختصارا كدا لدخلتك السلاخي دي ولأنو ما عندي وقت ليك فاعتبري كلامي الفوق دا تنظير أجوف واللا بيض نعامة واللا أية حاجة في رويسك دا .
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: مازن فيصل هلال)
|
التحية لـ كل وطني غيور >>>>> أنا مثلاً و بدون أي دليل مادي أو بالأصح بصمة في سودانيز اون لاين
و بالنيابة عن بكري يا اساسي ..... شكراً وطن و ربنا يعينك على هذه الحرية المطلقة في ابداء رأيكـ
______________________________________
* لكي تتجنب النقد لا تفعل شيئاً .. و لا تقل شيئاً .. لا تكن شيئاً *
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: ismeil abbas)
|
الأخ اساسي السلام عليكم رأيك محترم، وإن كنت أختلف معك أنا أرى أن بكري غير عادل في مسألة "العناوين" التي يرفعها ويختارها.. هناك "تطفيف" واضح.. -بكري ماتزعل-مابقدر أجاملك- يجب أن يعلم بكري أن القضية ليست ليبرالية أو ديمقراطية أو معارضة من أجل المعارضة..هل بالضرورة العناوين كلها سياسية أو لإتجاه معيّن؟ عموما.. العناوين ينبغي أن يكون فيها عدل.. سواءاتفق بكري مع محتواها أم لم يتفق ..والسلام وهناك ملاحظة اخرى: بكري يسمح بتمرير أشياء غريبة جدا في منبره.. مما يشوه رصانة المنبر وحرصه على القيم الجميلة-مثلا- تمرير صور لنساء عاريات من بعض مدّعي الليبرالية أقول: بكري يمرر هذه الأشرطة العارية لنساء إلا من "شريط" يستر السوءة والنهدين... بكري يعلم تماما أن المنبر هذا يقرؤه مراهقون وراشدون وكهول ومن بلغوا من الكبر عتيّا..أليس من حق هؤلاء وأولئك جميعا أن يستمتعوا بمعلومة مفيدة بعيدا عن سخف وسفه و"سوء أدب" بعضهم..أقول بعضهم-إنصافا- ثم هناك "دكتاتورية" غريبة من الإدارة..كذا مرة أنشئ شريطا في هذا الموضوع -موضوع الصور العارية-يتم سحبه في لحظات معدودات..بينمايتم رفع شريط لعضو يبرز نساء عاريات تماما-إلا من قطعتين-لزوم اظهار الحياء.. المهم نشكر بكري على موقفه الوطني..وإن كنت أرى أن هذا واجبه وهذه كلها خطوات في الطريق الصحيح..نرجو ان تتبعها خطوات في طريق إصلاح هذا المنبر شكرا بكري.. شكرا أساسي
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: محمد يوسف الزين)
|
التحية لبكري ابو بكر فهو سوداني في الاول والاخير وما قدمه بكري ابو بكر يبقى صورة من صور التدافع والمساندة اللي قدمها الشعب السوداني يوم الجمعة الفائت لما جاء خبر تحرير هجليج
وبكري ابو بكري بي كدا اثبت لينا انو ممكن نختلف سياسيا لكن يجمعنا الوطن في الاول والاخير
ـــــــــــــــ يا معاوية حسين ولا علاء الدين يوسف ياخي نزلوا لينا احدي الاغاني الوطنية هذه : - حلاة بلدي - ديلي اهلي - سوداني جد هدية كده لكل من يمر من هنا
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: mayada kamal)
|
يستحق بكرى أبوبكر التقريظ و الاشاده و هو بيفتح موقعه لكل الآراء و الأقلام ... ده اختياره و موقفه , مبدئي و مطبق بالممارسه مع كل التحفظات و المآخذ و الملاحظات الممكن تكون عند كل زول , أى شغل بكون فيهو عيوب و حقو هو ينتبه لآراء الناس أهااا ... القصه ما موقع و بس ... ناس الشيزوفرينيا و الانفصام .. وقت أصلو حرية التعبير و الكتابه الرأى و تعدد الأصوات ده سمح و كويس كده و عاجبكم ما تقولو الكلام ده لحكومتكم و أجبروها انها تنفذه , تلفزيون و راديو و جرايد كلها صوت و صوره واحده و البخالفها يتصادر و يسجن و يعذب ة يمنع ... و عاملين ليها قوانين و مفرغين ليها أمن .... يلا نشوف المحك ده و معادن الرجال ... و النسوان برضو يدكم و معادنكم معانا نلغي كل القوانين المقيده لحرية التعبير و النشر ... و نشوف حد النفاق و الدجل و الانفصام ممنوعين من الكتابه بأمر جهاز الأمن ...
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: اساسي)
|
عن اذنكم يا شباب انا حابدأ من الاخر خالص وحابدأ من مداخلة بشاشا دي
Quote: قرقرقرقرقر!
يعني بتعترف انو بكري بيدعم الخط الجلابي!
كل الحتعملو انك حتجيب ليهو الكفوة! ما معني ان يقرظ دباب سابق خط بكري؟ |
كلامك طبعا يا بشاشا يحسب ابتزازا لبكري زاتو , كيف يعني حاجيب ليهو الكفوة ؟ هل بكري بخدم جهة معينة عندها علاقة بالماجلابة ؟ , عموما يا بشاشا داير اقول ليك هوسك بفكرة انه الكون كله عبارة عن جلابة مستعليين وما جلابة مساكين هوس فارغ تمشي تجامل بيهو تراجي ولا محمد سليمان , بعدين ياخ الما جلابة ديل في زول سافر ليهم في جوبا هبشهم ولا جو براهم يهبشوا ؟ كونه بكري ربنا خلقه ما جلابي وجعل زمرته وسحنته وقبيلته ما جلابة دي ما حاجة كان عنده فيها خيار اصلا عشان تقعد تحاسب الناس بالوانهم وليس بافكارهم , يعني انت عايش حياتك الان مثلا في امريكا كما هو معلوم , هل لو اتقدمت ليك لوظيفة وجدت في واحد اسود بحسب الامريكان او ما جلابي بلغتك متقدم لنفس الوظيفة بتقوم تخليها ليهو علي اعتبار انك احسن منه وافضل ؟ خليك من امريكا فرمالتكم دي لو انت في بيتك في السودان ونط عليك حرامي ما جلابي وسرق ما سرق من بيتك وخرب ما خرب , هل بتقول انه دا زول ما جلابي عشان كدا بتخليهو يسرح ويمرح في بيتك ولا بتدافع عن بيتك ؟ اخوي بشاشا قوم لف انت وفكرتك المهترئة القديتنا بيها من يوم جيت المنبر دا
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: اساسي)
|
Quote: آآي ضونط سنك سو .. بط آآي هوب سو!! |
>>>>>>>>>>>>>>>>>>>>>>>>>>>>
اولا يا ود الصائم الكلام ده عربي ولا انجليزي؟ ثانيا: نؤيد كلام اساسي لصاحب الحوش بكري تاييدا كاملا لاننا يجب ان نفرق بين ماهو سياسي وما هو وطني.. والسياسة ان نعارض هذه الحكومة في كل توجهاتها الخطأ وسياساتها التي تقود إلى الهاوية في بعض الأحيان ولكن الوطنية ان نقف صفا واحدا في كل ما يمس سيادة الوطن بصرف النظر عن من الذي يحكم لأن الحاكم دائما زائل في يوما ما ولكن الوطن باق والشعب باق.. وبعدين وينو كلام حيدر ده.. ما شايفين حاجة هنا كتبها حيدر ,, ولا انتو بتهاجمو باعتبار ما سيكتبه؟
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: عبدالمجيد الكونت)
|
التحايا جزلي لأساسي و بكري ثم شخص آخر لمحته متداخلاً في هذا البوست وهو من أصفي الناس قلباً في البورد بل ربما في السودان حيوه معي أخونا صديق رحمةالنور !!!!!! لا فرق أبداً ياأساسي بين ما هو سياسي وما هو وطني لكن هنالك فروق في الزوايا التي ننظر عبرها الأشياء سأعود بالتفصيل للكتابة عن علاقةالسياسي والوطني الإسبوع بعد القادم وأتمني أن تشارك أخي السماني في إثراء ذلك النقاش
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: Sinnary)
|
Quote: التحايا جزلي لأساسي و بكري ثم شخص آخر لمحته متداخلاً في هذا البوست وهو من أصفي الناس قلباً في البورد بل ربما في السودان حيوه معي أخونا صديق رحمةالنور !!!!!! |
الصديق العزيز سناري تحية طيبة يا اخي أشكركـ على هذا التقريظ الذي لا أستحقه والله ، بل أنت من اجمل الناس الذين التقيتهم في هذا المنبر خلقاً وعلماً ونفساً وسماحةً ... وصدقني لم ألمح هذه المداخلة لعدم تمكني من متابعة البورد بصفة منتظمة ولطالما تذكرت شخصكم الغالي على نفسي رغم مرور السنوات الطوال بيننا دون أن نلتقي أو نتحادث .... تحياتي لك يا سناري وجد سعيد بهذا البوست الذي أعادك وأعادني الى رحابة المنبر العام وما خلقه لنا وبيننا من علاقات جميلة ورائعة ستظل عالقة بالنفس ما حيينا حتى لو تباعدت المسافات
أرجو إرسال إيميلك على أيميلي Siddike(at)yahoo.com
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: Elawad)
|
بختلف مع اساسي في طنبرته وما سماهو وطني وليس هذا هو المهم فمعروف للعالم اين يقف اساسي واين اقف انا(فكريا)على الاقل!
بتفق مع العوض في صعوبة ادارة منبر وبقدر جهد بكري وبختلف مع العوض اكيد فيما يزعله من بكري لانه لكل منا زعلاته بس بتختبف اكيد زي اتفاقي مع عماد(انصاري السنه) واختلافي في المضمون:
Quote: والله بصراحة رغم إنه بكري مرات بزعل الزول لكن إدارة هذا المنبر ليست بالشئ السهل و الضغوط فيه كثيرة جدا . |
وبقية ثلج العوض ده ما بتفق فيه معاهو حكاية الموضوعيه دي(هههههههههههههههههههه)
Quote: و بكري يقوم بهذه المسألة بكثير من الحنكة و الموضوعية في أغلب الأحيان له التحية و الشكر على تحملنا. |
برضو بشكره على تحملنا.
اها بتفق مع عصام جبر الله لما انتو يا كيزان شايفين انه الديمقراطيه سمحه ايه رايكم.....تجيبهوا يا كذابين.....!
واستغربته من وعي ابوجهينه فقد اذهلني!! بالله يا ابو جيهنه خمج الكيزان ده بقى وطنيه عندك؟! حقيقي كنت مخمومه كما يبدو في مستوى وعيك السياسي وما قايلاك عاطفي بخموك بكملتني كلهم كذب!
المهم نحن بنوثق جيدا للنوبين تحديدا عشان بكره ما نلقاهم في لفة السدود عاملين وطنين وفي قضايا الآخرين بيفتركوا ممكن يخرمجوا وخرمجتهم تفوت علينا!
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: Tragie Mustafa)
|
اما يا اميره السيد لو تأملتي في مداخلة رمانه كان عرفتي جزء من مداخلة حيدر الزين الاتكتب و ادونها كثيرين ويبدو بكري سحبها:
Quote: انتو عارفين .. المنبر دا بقى اشبه بالمرأة فى " سن اليأس " .. زعيلة .. شكاكه .. غيورة .. ما عندها اى موضوع !! |
الاساءه الواضحه للنساء بالاشاره للاعمار.... وراجعي مداخله رمانه فقد ردت رد محترم عليه.
وشكرا يا رمانه......ما قصرتي مع النساء بانتظار مداخلتك بتاعت سن اليأس للرجال (ههههههههههههههههههه)عشان يعرفوا بنقدر نرد قدر شنو؟!
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: Tragie Mustafa)
|
جيت حسب الميعاد يا أساسى.
فكرة البوست أكبر بكثير من العنوان وده ذكاء منك.
ألأن البوست ممحور لمدح ونصائح وإرشادات فى كيفية إدارة المنبر.
من حق بكرى إدارة الموقع كما يريد.. وأن يتخير أعضاءه..هناك كم من غير قيمة.
أعتقد فى بكرى الحيادية متوفرة وهذا يدل على نجاح الموقع.
فى الفترة ألأخيرة فقد الموقع جزء لايستهان به من القراءة بسبب ألأخبار الكاذبة.
سودانيز أون لاين أتاح لى معرفة شخصيات أعتز بها وهذا من الصعيد الشخصى.
رغم ألأختلاف فى وجهات النظر أحس كل عضوة أو عضو قريبى.
تقديرى الكبير ليك يا أساسى ولصاحب الموقع الباسمهندس بكرى ولكل ألأعضاء وتحية خاصة للقراء.
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: Mohamed Suleiman)
|
Quote: بوست أساسي هذا القصد منه أولا محاولة تدجين بكري بإسم كذبة الوطنية الزائفة |
ابوحميد،
الدباب اساسي دخل في الشغلة رجالة عديل كده الذكوري، شغل حرق بخور!
هذا الفضاء او سيدو يظل جلابي صرف!
والذي جعل منه ماهو عليه اليوم، علي العكس تماما، هم او هن اصوات مهمشي الجلابة تحديدا، للمرة الاولي منذ 56م.
في دي بنحي الجلابي بكري، او هو عارف، احنا ما بتاعين تطبيل اجوف كما يفعل الدباب.
مرة اخري عماد هذا الفضاء او مصدر النقرات هم مهمشي الجلابة تحديدا وليس امثال الدباب اساسي قط!!
والا كان مصير الموقع ده ما افضل من روضة ناس ابلة نجاة محمد علي والناظر بولا، جماعة عصام جبر الله!
عصام اغلف لي روحو او بعد ده شايل موسو يطهر!
فرق منبر بولا الشيوعي من جمهورية الجبهة شنو؟
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: إدريس محمد إبراهيم)
|
Quote: بوستك ده اخي ابومحمد مدح بما يشبه الذم؛شوف البوستات المعلقة فوق دي اغلبها للحزب الشيوعي
البوست ده كشف حال لاخونا ماجد سوار:
حاج ماجد سوار ينفي انه ضرب عميد القانون ويتهم الشيوعيين بالتلفيق اخونا بكري جاب ورفع البوست ماعشان حنان ونفي ماجد سوار لشئ في نفس الشيوعيين. |
بشير احمد هل لديك ما يثبت ان صاحب البوست عضو في الحزب الشيوعي ؟ او ان الحزب الشيوعي كلفني بكتابة هذا البوست ؟ او انه ينفذ في مؤامرة لكشف حال اخوكم ماجد سوار ؟
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: محمد إبراهيم علي)
|
Quote: بشير احمد هل لديك ما يثبت ان صاحب البوست عضو في الحزب الشيوعي ؟ او ان الحزب الشيوعي كلفني بكتابة هذا البوست ؟ او انه ينفذ في مؤامرة لكشف حال اخوكم ماجد سوار ؟ |
محمد ابراهيم علي
ليس لدي مايثبت انك حزب شيوعي ولم اقل ذلك ؛ وكونك كاتب البوست ليس دليل علي شيوعتك
ليك اجر الكوبي اندبيست في جلب نفي سوار؛
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: Bashasha)
|
الأخ العزيز بشاشا لك التحية و الإحترام
Quote:
الدباب اساسي دخل في الشغلة رجالة عديل كده الذكوري، شغل حرق بخور!
هذا الفضاء او سيدو يظل جلابي صرف!
والذي جعل منه ماهو عليه اليوم، علي العكس تماما، هم او هن اصوات مهمشي الجلابة تحديدا، للمرة الاولي منذ 56م.
في دي بنحي الجلابي بكري، او هو عارف، احنا ما بتاعين تطبيل اجوف كما يفعل الدباب.
مرة اخري عماد هذا الفضاء او مصدر النقرات هم مهمشي الجلابة تحديدا وليس امثال الدباب اساسي قط!!
والا كان مصير الموقع ده ما افضل من روضة ناس ابلة نجاة محمد علي والناظر بولا، جماعة عصام جبر الله!
|
لا جدال أن الهامش الذي وضع السودان كله في بؤرة الأضواء الكاشفة العالمية ... ليس إحتفاءا بالسودان كدولة راقية في تعاملها مع مواطنيها .. بل لجرائم الإبادة و جرائم ضد الإنسانية و جرائم حرب و تعذيب و ديكتاتورية وووو ... هذا الإهتمام الطاغي جعل منابر حرّة .. مثل منبر سودانيزأونلاين ... يدخل مكتبة الكونغرس الأمريكي و مرجع لكثير من الباحثين و وكلات الأخبار العالمية و الغقليمية (حتي إسرائيل) . و لخاصية حرية التعبير و النشر في زمن الخبر الحظي في العالم الذي أصبح قرية إلكترونية .... وجد النظام و كتبية الجهاد الإلكتروني أن وسائل الكذب القديمة باتت أسلحة صدئة في وجه الحقائق المدعومة بالصور و الوثائق. لذلك لجأ أنصار النظام ... مثل الدباب أساسي .. لهذا الأسلوب الناعم .... في محاولة للتأثير علي صاحب المنبر ... (نفس العقلية الفاسدة القديمة لكن ملفوفة بقطيفة حرير ) .... هذا التطبيل الفاضح لحد الإبتذال....
| |
|
|
|
|
|
|
Re: التحية لبكري ابوبكر - في المحكات يبين معدن الرجال (Re: بدر الدين اسحاق احمد)
|
يا بدر اصطفاف شنو الله يهديك ياخي انت قلت ستيتمنت خطير جدا و عكس ما نقرأه و نسمعه كل يوم عن جرائد أوقت وصودرت من المطبعة بتعليمات جهاز الأمن بل و صحفيين اوقفوا من الكتابة اظو اقيلوا من مناصبهم بتعليمات الأمن ايضا ما دام مالي يدك من ان الأمن لا ولم ولن يمنع اي مواطن من ممارسة حقه الدستوري كان عليك ان تنفي وتقارع كل ما كتب هنا وفي غير مكان بالحجة و البراهين زاتو نطمئن نحنا القاعدين برة ديل انو حقوقنا و حقوق اهلنا الدستورية محفوظة ولا يتم انتهاكها
بالمرة شوف لينا قصة الإعتقالات بدون محاكمة هل هي دستورية برضك بشرى قمر اوشك يكمل العام وهو معتقل
| |
|
|
|
|
|
|
|