كتب الكاتب الفاتح جبرا المتوفرة بمعرض الدوحة
|
|
 تلاته كبارى وشارعين وسد....الاستاذ محجوب شريف
|
تلاتة كباري وشارعين وسد
تلاتة كباري وشارعين وسد
قديتونـــــا قصــادهــــم قــــد
لو جينـا لكشف حساب وجرد
******
أمسك واحد أول بدء :
...سرقتو وطن واسع ممـــــتد
فكفـكتوهــــو
وزعزهتوهو
وأرهقتوهــو
وبشتنتوهــو
وهديـــــــتوهو هــــدا هــــد
******
وهاك التاني أمراً أد :
حكمتو شعب كان زي الورد
أفقـرتوهـــــو
وشردتوهـــو
وجهجهتوهو
وعنصرتوهو
وقطعتو حبل كان واصل ود
******
أُخد التالت لو ترتد:
وجدتو مصانع لقيتو مزارع
وسكـــة حديـــد جد بالجــــد
عطلتوهـــا
وفرتقتوهـا
ووقفتوهــا
وشلعتوهـا
وقطعتو رزق عمـال من حد
******
أحسب رابع وتابع العد :
وين تعليمنا ووين ترنـيمــنا؟
وين آدابنــا ووين كتــابنــــا؟
وين رياضتنا ووين ريادتنا ؟
مرمطوهـا
وأخرتوها
وأفشلتوها
وطيشتوها
وخلفـــتوها جهـــل عن قصد
******
شوف الخامس أخذ ورد:
كيف وحدتنا وكيف دولتـــنا ؟
كيف عيشتنا وكيف حالتــــنا؟
ووين ثرواتنا ووين أموالنا ؟
وين غيرتنا وكيف سمعتـــنا؟
خرمجتوهـا
وبشتنتوهـا
########توهـا
وبـددتوهــا
ولوثـتوهــا
وبي سمعتنا مسحتو الارض
******
هاك السادس ونفسك سد :
رئيساً راقص رقصاً شين
مسئول مزواج ركاب سرجين
وزارة تجارة وبياعين
ناساً عايشة ومبسوطين
جضوم منفوخة ملمعة زين
كروش ممدودة متر مترين
أيادي طرية نعومة ولين
طالعين ماكلين نازلين بالعين
مناشر تنشر مطحونين
بفقه السترة محميين
ومندسين ومدسوسين
بفقه ضرورة وقوة عين
نهابين ومغتصبين
فساد شفناهو راي العين
وشميناهو أبو العفين
وناس بهناك دايشين دايخين
بطونهم خاوية وما لاقين
وجوهم هايمة وفقرانين
وعينهم طالعة وكمان صابرين
وليه ساكتين ؟
ولي متين ساكتين ؟
باسم الدين الخداعين
خلو حياتنا زفت وطين
تجار الدين الأفاكين
ملعونين ملعونين
ملعونين لي يوم الدين
غشيتونـــا
وبشتنتونـا
وعذبتونـــا
وجننتونـــا
وبكيتونا دمع ودم ولطخة خد
******
وتقولي كمان
تلاتة كباري وشارعين وسد !!!
بس يــا ود
حيلك شـــد
ويد علي يد
كلنـــــا ضد
ضد العسكر وحكـــم الفرد
ضد الظلمــة ومــن أفســد
نضال وارثـنو أب عـن جد
أكـتوبر أولى لــنا بتشــــهد
وأبريل التانية أعادت مجد
والتـالتة قريبة وما بتبــعد
خليك واثق واتأكــد
للأحلى حيكون الغد
للأفضل راجنو الغد
للأجمل حنبني الغد
للأحلى حيكون الغد
للأفضل راجنو الغد
للأجمل حنبني الغد
|
|
 
|
|
|
|
|
|
|
|
Re: تلاته كبارى وشارعين وسد....الاستاذ محجوب شريف (Re: Hussein Mallasi)
|
وهاك التاني أمراً أد :
حكمتو شعب كان زي الورد
أفقـرتوهـــــو
وشردتوهـــو
وجهجهتوهو
وعنصرتوهو
وقطعتو حبل كان واصل ود
ــــــــــــــــــــــــــ
شوف يامعاكس التيار انت، بين اي كوتين بالاحمر
من اول القصيدة حتي اخرها
نفس التسلسل والتنظيم والقالب مع تنوع المعني
والمفردة رغم بساطتها...
مثل هذا النوع من الكتابة الشعرية مدرسة خاصة بمحجوب شريف فقط
| |
|
|
|
|
|
|
| |
زينب التجاني
زهير الزناتي
Nasr
عاطف مكاوى
باسط المكي
عادل خياري
منصور عبد الرازق
ibrahim alnimma
Hussein Mallasi
mustafa mudathir
عبداللطيف حسن علي
محمد حيدر المشرف
فيس بوك
تويتر
انستقرام
يوتيوب
بنتيريست