|
|
 منقول من صحيفة الدار
|
تضامنا مع الروح الوطنية التي سادت البلاد عقب تحرير مدينة هجليج من ايدي الخونة والمعتدين في جيش الحركة الشعبية واعوانهم ودفعا لروح جنودنا المقاتلين الذين حرروا المدينة البترولية ، اعلن المواطن حسن محمد ادريس عن تقديم شقيقته الصغرى كعروس لجنودنا البواسل الذين قاموا بتحرير المدينة مع مبلغ مالي 20 مليون جنيه من اجل اكمال مراسم الزواج. وقال ان هذا اقل واجب يمليه عليه حسه الوطني نسبة للتضحيات الكبيرة التي قدمها هؤلاء الجنود المقاتلون لوطنهم الذي دفعوا من اجله ارواحهم ودماءهم رخيصة حتى تنعم بلادنا بالامن والطمأنينة وهي تضحيات لا تقدر بثمن. وقال المواطن حسن في افاداته لـ(الدار) بانه قد اطلع على خبر الطالبة الجامعية (مي) التي ناشدت
السيد رئيس الجمهورية تزويجها باحد المقاتلين الذين حاربوا في الصفوف الامامية مشيدا بشجاعتها وجرأتها ووطنيتها. وقال اذا كان هذا شعور فتاة من فتيات بلادي فما بالنا نحن الرجال. ولماذا لا نحذو حذوها وهي التي ضربت لنا مثالا في الوطنية.
كما اشار الى ان ذلك يصب في جانب دفع الروح المعنوية بهجليج حتى يساعدهم على اكمال نصف دينهم. وتمنى ان يكون هذا العمل خالصا لوجه الله تعالى.
يجدر ذكره ان الفتاة تنحدر اصولها من الولاية الشمالية وتقيم بمدينة الثورة بام درمان وهي في الثلاثين من عمرها. وقد ترك شقيقها صورتها الفوتوغرافية مع كاتب السطور وللتواصل يرجى الاتصال على الرقم 0913168068.
|
|
 
|
|
|
|
|
|
|
 Re: منقول من صحيفة الدار (Re: داليا الكباشى)
|
دلوش كيفك مشتاقين والله
وحمد الله علي سلامة الدكتور زميلك
وانا ذاتي دا الحيرني عشان كدا الخبر عجيب وغريب ، هو لو عاوز يتبرع مفروض يتبرع بالقروش لكن بي اختك دي كتيره
| |
|
|
|
|
|
|
|
|
|
Re: منقول من صحيفة الدار (Re: Hisham Amin)
|
| Quote: اعلن المواطن حسن محمد ادريس عن تقديم شقيقته الصغرى كعروس لجنودنا البواسل الذين قاموا بتحرير المدينة مع مبلغ مالي 20 مليون جنيه من اجل اكمال مراسم الزواج |
هويدا ، سلام
كدي عيدي قراة الخبر وخاصة الجزء المقتبس وفي الجزء المقتبس خاصة الجزء الملون ..
الزول ده بقصد ليهم كوووووولهم
وجه ( مندهش)
| |
|
|
|
|
|
|
|
|
|
Re: منقول من صحيفة الدار (Re: Hisham Amin)
|
Quote: الاخوات داليا وهويدا
لا توجد غرابة فى الموضوع ولا اعتقد ان الاخ قد اقدم على
هذة الخطوة المصيرية دون التشاور مع اختة واهله قبل ان يعلنها ..
|
هو من ناحية انو الموضوع غريب فالموضوع غريب فعلا
ما عارف هسع دا يصنفوه تحت ياتو بند
الأكيدة أنو متفق مع أختو في القرار دا
تحياتي يا هويدا
| |
|
|
|
|
|
|
|
|
Re: منقول من صحيفة الدار (Re: هويدا شرف الدين)
|
...
... ...(الاخ...الوريف) ....هويدا ...
...(ياخ)ما تختف رجلك و تمشي لناس التيار ديل ....و اللاّ اقول ليك حاجه ....انا شايف تليفونم في اخر المقال ... فشدّ ليهم سلك و أسالم ......(قول) ليهم ...ورونا ...الحصل شنو ؟؟؟؟؟ ....الحور العين ....كِمْلوا ؟؟؟؟ و اللا كيف؟؟؟...و اللاّ يكون ياربي الباقي الفضل محجوز؟؟؟...غايتو و في كل الاحوال ...بالله (قول) ليهم ....ورونا نص التلغراف الجاكم من فوق ده ؟؟؟ و بياتو لغه؟؟؟؟ ...
.
.
.
.
...لو التليفون مكلف خالص....عندي اصحابي هناك ؟؟؟ بخليهم يسدوا الفرقه !!!! ...و الجاتّك في تليفونك سامحتك ...
..
.. ....
..
..
| |
|
|
|
|
|
|
|
|
|
Re: منقول من صحيفة الدار (Re: هويدا شرف الدين)
|
| Quote: اقدر موقف الرجل الوطنى اخ الفتاة لكن ما بالطريقة دى يعرض اخته للزواج |
يا ريت لو كان (عرضها) .... حتى لو في بترينة في السوق ....
الخبر بيقول إنو ((قدّم)) شقيقتو ... وكمان لمنو .... ((لجنودنا البواسل))
(السلعة) المعروضة ... ممكن تلقى واحد يشتريها .. وممكن تبور ويرجع بيها صاحبها للبيت.
لكن دي قدّموها ... يعني (هدية) مش شئ معروض. ياخ مش هدية وبس ..... وفوق ليهم قروش تجيب عروس تانية لو دي ما نفعت.
أقول للمواطن ده شئ واحد:
========== الله يخيّبك ==========
| |
|
|
|
|
|
|
|
|
|
Re: منقول من صحيفة الدار (Re: محمد أبوالعزائم أبوالريش)
|
هويدا بت شرف الدين .........سلام
يحول للاخ زهير عثمان وفى حالة لابد ان يكون العريس من الذين ذهبوا الى هجليج
فمافى انسب من ود الباوقة فى هذا المكان لانه نوى ان يمشى هجليج بس الله يقطع
الاراضى وتسجيلاتها فقد اقعدته عن فرض الكفاية ، لكن نشهد انه يبلى بلاءاً حسناً
هنا، فان فاتته النفرة لم تفته النقرة..
ووا نارى الما بقت مجاهد ان مت عرس شهيد وان عشت عرس السنة الواحد
الليييييييييييييل الليله واا نارى ..الليييييييييييل الليله وانارى
هى لله هى لله،،،
| |
|
|
|
|
|
|
|
|
|
Re: منقول من صحيفة الدار (Re: صديق الموج)
|
| Quote: واحلي حاجه انو عروس مجانيه والمبلغ ذي ما قلت بجيب عروس تانيه |
أكيد (بجيب عروس) .... كيف يعني (20 مليون) دي شوية؟
طبعاً حكاية (بجيب) دي بتعتمد على الموديل والماركة .... وإذا كانت من الوكالة والاّ سكند هاند. بالنسبة للسكند هاند، في إصابات ممكن إصلاحها بشوية طلاء أو تلميع (بوليش) ... وفي إصابات تانية يلزمها سمكرة .. وإصابات غيرها لا تصلح بعدها (السلعة) وتصبح (خردة).
| |
|
|
|
|
|
|
|
|
|
Re: منقول من صحيفة الدار (Re: فدوى الشريف)
|
تحية طيبة للجميع
يا جماعة الخير
العروس راضية
و اهلها راضيين
باقى العريس بس
يعنى اكيد لما يجيهم العريس ده ح يسألو عنو و ح يسأل عنهم
اكيد ما ح يدق الباب و يناولهو البت و يقولو ليهم شتتو سوا !
فما تتحمقو ساكت
من حق اى انسان انو يطلب مواصفات معينة و الاسرة دى لقت طلبها فى
زول مشى هجيليج كـ مبدئى ، بعد داك ح يقعدو و يكملو الباقى
و لو فى نصيب ان شاء الله الحكاية تتم على خير
اهم سؤال ، كان سؤال الاخت داليا و اللى هو نفس السؤال الـ ح يسألو الماذون
" انت يا بنتى رآيك شنو ؟ "
غايتو ما اظن ح يكون فى زول من بوردينا ده مرشح الا اذا كان
بيقبلو بالجهاد الالكترونى 
و اخونا ود الباوقة متزوج و ابو عيال و اعتقد ما بيفكر فى التعدد و كده
ربنا يوفق الجميع لما فيه الخير
| |
|
|
|
|
|
|
| |
هويدا شرف الدين
داليا الكباشى
خالد المحرب
Ahmed musa
محمد عبد الماجد الصايم
نصر الدين عثمان
Hisham Amin
مبارك محمد عثمان
البشير دفع الله
العوض المسلمي
عبدالرحمن الحلاوي
Hololy
فدوى الشريف
محمد أبوالعزائم أبوالريش
صديق الموج
محمد الامين احمد
فيس بوك
تويتر
انستقرام
يوتيوب
بنتيريست