Quote: يوضح الفيديو ان هذا الجندى ما زال علي قيد الحياة بدلالة حركة أرجله و يظهر الفيديو جنود الحركة الشعبية يمرون بجانبه من غير تقديم العون والإسعاف له كجريح معركة بل لديهم من الزمن ما يجعلهم يدخلون كاميراتهم لتوثيق جرائمهم الصوت فى الشريط يوضح احدهم يقول للآخر "بي جعباتو"
شهدائنا فى الجنة بإذن الله و قتلاهم فى النار
04-27-2012, 08:19 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
و لو أن ما حدث كان قد صدر ـ و هو ما لن يحدث و لن يصدر ـ من أحد جنود الجيش السوداني .. لأمتلأ هذا المنبر صراخا و بكاءا و عويلا من دعاة حقوق الإنسان الكضابين من العملاء و المأجورين ..
04-27-2012, 08:16 AM
خدر خدر
تاريخ التسجيل: 02-07-2005
مجموع المشاركات: 13188
هههههههههههههههههههههههههههههههههههههههههه المنبر ده بقي ماشي امفكو سااااااااي
ما مبرر يا عصام برضو لو قالوها ناس الشعبية او ناس الوطني .. ما مبرر نقرأها غصبا عننا في العنوان دسها جوة متن البوست ياخ .. ست الاسم دي ذاتها ربنا سبحانه و تعالي ختاها في البني ادم تحت و بعد داك عندها ريزمي طويلة في التاريخ لتمرحلات اجتهاد الانسان في تغطيتها و سترها من الأعين ابتدت بي ورقة التوت و انتهت بالسربادوك بتاع ناس فايز ودالقاضي و التاني بتاع الافغان داك :)
_ اوع تكون يا عصام دهب من مؤيدي موضة الاسترنق بتاعت الالفية التالتة البتجتهد في اظهارهم تاني :)
04-27-2012, 08:17 AM
ناصر البطل ناصر البطل
تاريخ التسجيل: 10-14-2005
مجموع المشاركات: 2806
عصام يا صديقي..حبابك العبارة في العنوان..فقط راعي للقصر (الأطفال) الذين و اللائي يقرأون هذا المنبر (نصيحة اخو و بس).. ابو سنينة يا عصام ما ببقدر يضحك على ابو سنتين.. الحرب ما عندها اخلاق..و كلو غـــــلط..
مع كامل تحفظنا على عنوان البوست .. ولكن عندما تندلع الحروب تهرب القيم والفضيلة .. ماذا تنتظر من اناس خرجوا يواجهون الموت من غير قيم روحية تردعهم عن فعل كل ما هو مشين .. هذا فقط ما عكسته الكاميرا وما خفى كان اعظم .. لذلك لا يعرف ماساة الحرب الا من عاشها ولايعرف قيمة السلام الا من خاض الحرب .. ما نستنكره الان لن توقفه كل قوانين الدنيا البشرية ولن توقفه كل دعاوى حقوق الانسان او غيره .. فلنقرأ ما كتبه الكتاب عن الحرب .. والمقطع مهداة لكل دعاة الحرب دعاة الحرب الذين يريدون غيرهم ان يقاتلوا وهم جالسون فى بيوتهم يدينون ويكتبون ويحللون وينتقدون ..
04-28-2012, 08:15 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
أحترم رأيك و لكنه قطعاً غير ملزم لي ، و عنوان البوست مقصود لأجل فضح ما يقوم به عديمي الإنسانية و مناصريهم ..
Quote: ولكن عندما تندلع الحروب تهرب القيم والفضيلة .. ماذا تنتظر من اناس خرجوا يواجهون الموت من غير قيم روحية تردعهم عن فعل كل ما هو مشين .. هذا فقط ما عكسته الكاميرا وما خفى كان اعظم .. لذلك لا يعرف ماساة الحرب الا من عاشها ولايعرف قيمة السلام الا من خاض الحرب .. ما نستنكره الان لن توقفه كل قوانين الدنيا البشرية ولن توقفه كل دعاوى حقوق الانسان او غيره .. فلنقرأ ما كتبه الكتاب عن الحرب .. والمقطع مهداة لكل دعاة الحرب دعاة الحرب الذين يريدون غيرهم ان يقاتلوا وهم جالسون فى بيوتهم يدينون ويكتبون ويحللون وينتقدون ..
أتفق معك في كثير مما قلت و أختلف معك في محاولة مساواة المعتدي بالمجني عليه حتى و لو ضمناً ..
04-27-2012, 08:45 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
صديقي و أستاذنا / كبر تحية و سلام .. أحمد الله تعالى أن اكرة هذا المنبر حاضرة و لا تموت .. و موقفي من ضرب الأطفال أسرى حركة العدل و المساواة موثق و موجود .. و قد قلت يومها ضمن ما قلت و بكل وضوح ..
Quote: نعم ضرب هؤلاء الأطفال عمل وحشي و مرفوض تماماً و يتناقض مع مزاعم الحكومة بشأن حسن معاملتهم ،،
و الله الذي لا اله سواه يا خضر الطيب كتبت ليك رد موثق بالصور و الروابط و بما من شأنه أن يفحمك و يخرسك .. و حينما هممت بنشره وجدت أنك أحـط من أن أذنب نفسي بسببك .. لذلك أحمد الله أن هداني لصرف النظر عن سفاهتك ، فخير من إجابتك السكوت ..
04-27-2012, 08:33 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
Quote: هههههههههههههههههههههههههههههههههههههههههه المنبر ده بقي ماشي امفكو سااااااااي
ما مبرر يا عصام برضو لو قالوها ناس الشعبية او ناس الوطني .. ما مبرر نقرأها غصبا عننا في العنوان دسها جوة متن البوست ياخ .. ست الاسم دي ذاتها ربنا سبحانه و تعالي ختاها في البني ادم تحت و بعد داك عندها ريزمي طويلة في التاريخ لتمرحلات اجتهاد الانسان في تغطيتها و سترها من الأعين ابتدت بي ورقة التوت و انتهت بالسربادوك بتاع ناس فايز ودالقاضي و التاني بتاع الافغان داك :)
_ اوع تكون يا عصام دهب من مؤيدي موضة الاسترنق بتاعت الالفية التالتة البتجتهد في اظهارهم تاني :)
يعرفني هذا المنبر و لله الحمد إن كنت في كتاباتي فاحشاً أو بذيئا .. و كنت أتوقع تجاوزك لما رايته قلة أدب .. وقطعاً لن أتوقع إدانتك للفعل الإجرامي نفسه ـ يا إنسان يا مناضل يا فنان .. بل توقعت إستنكار مثلك للعنوان .. ليس لأنك من حماة الفضيلة هنا فلا عهدناك منافحا عنها هنا .. فأي يوم سعيد هذا الذي تنزلت عليك فيه الحشمة و الأدب حتى رأيت أن المنبر ماشي أم فكو لمجرد أنك قرات ما قرأت .. و لو أنني رأيت منك إستنكاراً لما كتب من قبل في هذا المنبر من ما هو أسوأ كثيراً مما كتبت أنا لكنت قد أقنعتني بأنك زول يسكنك الحياء ..
عصام دهب مالك يا اخوي نفسك قايم كدي و زعلان ؟؟؟؟؟؟ في رد واحد تطلعني ما منافح عن الفضيلة ولا تنزلت علي الحشمة والأدب و لا حتي الحياء. ؟ يعني انا اسه مفروض يكون ردي ليك " حسب تقاليد المنبر " نبذ فيك و في سنسفيل اسلافك غضبة مني لتلميحاتك الخجولة اعلاه ؟ اها النكلمك يا عصاب دهب انا ما سائل في الترصد و التهم البتسكوا بيها بعض في سودانيزاونلاين و رائيك انت شخصيا فيني ما بهمني كتير و حا اوريك ليه لي قدام في البوست ده .
نرجع لي موضوعنا .. انا" لو انت بتقرأ بي عقلك " كتبت في المنبر ده اكتر من مره اني ضد الحرب و ضد دخول الشعبية هجليج و قطعا " زي ما عارف " انا ضد مؤتمرا الوطني " حزبك البتحبو :) " يعني ضد الحرب دي "لكل ذي بصيرة" بتشمل جواها الاسري و التخريب و الاسر المرشدة و قتل الاطفال الخ الخ - يبقي موقفي واضح وانا و انت متفقين في نقطة الحرب دي Full stop
موضوع اعتراضي هو تضمينك لكلمة " جعباتوو" في عنوان البوست و اقتراحي ليك كان انك تضمنها متن البوست لا عنوانه .. و سقت دفوعاتي لكلامي ده .انت زعلت ليه ؟ دي موش مناصحة عادية و مافيها شي ؟ البخليك تنفعل قدر ده و تشتمني شنو ؟ كونو انو اسرد ليك نذر يسير عن تمرحل " جعباتو " تاريخيا و كيف انو الدين و حتي رواد صناعة الملابس الداخلية اجتهدوا في إخفاءها ، ده بزعلك؟ ازعجك اني نبهتك ؟ ليه ما انت عارف و واصل اضنينك بهناك اني اشطر و اذكي منك و انو قدرتي علي ابتداع أفكار جديدة او اجتراح بوستات تفوقك بفراسخ للدرجة البتنفي وجودك حتي في مضمار منافسة نزيهة كانت ام غير نزيهة . لعلمك انا ما قريت بوستك لحدي اسه و ما حا اقراهو لحدي ما نحسم انا وانت صحة او عدم صحة استخدام كلمة " جعباتو" في عنوان البوست ، عشان نشوف حد زعلك ده!!
04-27-2012, 10:12 AM
Abdulrahman Eldaw Abdulrahman Eldaw
تاريخ التسجيل: 12-27-2007
مجموع المشاركات: 655
Quote: عصام دهب مالك يا اخوي نفسك قايم كدي و زعلان ؟؟؟؟؟؟ في رد واحد تطلعني ما منافح عن الفضيلة ولا تنزلت علي الحشمة والأدب و لا حتي الحياء. ؟ يعني انا اسه مفروض يكون ردي ليك " حسب تقاليد المنبر " نبذ فيك و في سنسفيل اسلافك غضبة مني لتلميحاتك الخجولة اعلاه ؟ اها النكلمك يا عصاب دهب انا ما سائل في الترصد و التهم البتسكوا بيها بعض في سودانيزاونلاين و رائيك انت شخصيا فيني ما بهمني كتير و حا اوريك ليه لي قدام في البوست ده .
نرجع لي موضوعنا .. انا" لو انت بتقرأ بي عقلك " كتبت في المنبر ده اكتر من مره اني ضد الحرب و ضد دخول الشعبية هجليج و قطعا " زي ما عارف " انا ضد مؤتمرا الوطني " حزبك البتحبو :) " يعني ضد الحرب دي "لكل ذي بصيرة" بتشمل جواها الاسري و التخريب و الاسر المرشدة و قتل الاطفال الخ الخ - يبقي موقفي واضح وانا و انت متفقين في نقطة الحرب دي Full stop
موضوع اعتراضي هو تضمينك لكلمة " جعباتوو" في عنوان البوست و اقتراحي ليك كان انك تضمنها متن البوست لا عنوانه .. و سقت دفوعاتي لكلامي ده .انت زعلت ليه ؟ دي موش مناصحة عادية و مافيها شي ؟ البخليك تنفعل قدر ده و تشتمني شنو ؟ كونو انو اسرد ليك نذر يسير عن تمرحل " جعباتو " تاريخيا و كيف انو الدين و حتي رواد صناعة الملابس الداخلية اجتهدوا في إخفاءها ، ده بزعلك؟ ازعجك اني نبهتك ؟ ليه ما انت عارف و واصل اضنينك بهناك اني اشطر و اذكي منك و انو قدرتي علي ابتداع أفكار جديدة او اجتراح بوستات تفوقك بفراسخ للدرجة البتنفي وجودك حتي في مضمار منافسة نزيهة كانت ام غير نزيهة . لعلمك انا ما قريت بوستك لحدي اسه و ما حا اقراهو لحدي ما نحسم انا وانت صحة او عدم صحة استخدام كلمة " جعباتو" في عنوان البوست ، عشان نشوف حد زعلك ده!!
خلاص يا خدر عشان ما ترهق روحك و تحرق رزك ساكت .. الكلمة الما عجبتك دي إعتبر نفسك ـ زيي كدة ـ فريتها زمان في مجلة الصبيان .. اللي كانت بتصدر من دار النشر التربوي .. إنت كنت بتقرأ مجلة الصبيان ؟؟ لو كنت بتقراها ما تؤاخذني .. و لو ما كنت بتقراها معناها إنتا ما عارف ( زي ما أنا عارف ) .. زمان في مجلة الصبيان قرينا ( عمك تنقو من حركاتو .. لز القطر بي جعباتو ) .. المخارجة دي كيف لحسم الموضوع دة معاك .. انا شايفها كافية جداً لإقناعك بعيداً عن التمحور و من ناحية حوار موضوعي و كدة .. كافية جداً مش إنتا زول شاطر و ذكي .. و تيب !! خلاص ناني ما حأزيدك وكت أكتر من دة ..
04-27-2012, 10:42 AM
هجو الأقرع هجو الأقرع
تاريخ التسجيل: 07-19-2006
مجموع المشاركات: 9056
Quote: خلاص يا خدر عشان ما ترهق روحك و تحرق رزك ساكت .. الكلمة الما عجبتك دي إعتبر نفسك ـ زيي كدة ـ فريتها زمان في مجلة الصبيان .. اللي كانت بتصدر من دار النشر التربوي .. إنت كنت بتقرأ مجلة الصبيان ؟؟ لو كنت بتقراها ما تؤاخذني .. و لو ما كنت بتقراها معناها إنتا ما عارف ( زي ما أنا عارف ) .. زمان في مجلة الصبيان قرينا ( عمك تنقو من حركاتو .. لز القطر بي جعباتو ) .. المخارجة دي كيف لحسم الموضوع دة معاك .. انا شايفها كافية جداً لإقناعك بعيداً عن التمحور و من ناحية حوار موضوعي و كدة .. كافية جداً مش إنتا زول شاطر و ذكي .. و تيب !! خلاص ناني ما حأزيدك وكت أكتر من دة ..
تمام يا عصام ، مافي عوجة مخارجتك عندي فيها كلام لكن سميتها رضينا و شكرًا ليك للتوضيح
Quote: يعرفني هذا المنبر و لله الحمد إن كنت في كتاباتي فاحشاً أو بذيئا .. و كنت أتوقع تجاوزك لما رايته قلة أدب .. وقطعاً لن أتوقع إدانتك للفعل الإجرامي نفسه ـ يا إنسان يا مناضل يا فنان .. بل توقعت إستنكار مثلك للعنوان .. ليس لأنك من حماة الفضيلة هنا فلا عهدناك منافحا عنها هنا .. فأي يوم سعيد هذا الذي تنزلت عليك فيه الحشمة و الأدب حتى رأيت أن المنبر ماشي أم فكو لمجرد أنك قرات ما قرأت .. و لو أنني رأيت منك إستنكاراً لما كتب من قبل في هذا المنبر من ما هو أسوأ كثيراً مما كتبت أنا لكنت قد أقنعتني بأنك زول يسكنك الحياء ..
و النبذ ده مخارجتك ليهو شنو يا عصام دهب ؟ لسه مصر عليهو ولا حا تعتذر لي عنو ؟
_ لاحظ اني ما وصفتك بي قلة الادب " الانت قلتها " انا اعترضت علي الكلمة في العنوان بدون ما أوصفها و بالمناسبة انا مصر علي عدم توصيفها بقلة الادب و ياريت تسجل لي حقي في الاعتراض.
04-27-2012, 11:23 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
البطش في الطرفين موجود دون مراعاة لإنسانية الإنسان ، فالحركة الشعبية إقصائية ودكتاتورية في ممارستها وكذا المؤتمر ...أدين وأستنكر وأشجب قتل الأسرى أو تعذيبهم
Quote: المادة 13
يجب معاملة أسرى الحرب معاملة إنسانية في جميع الأوقات. ويحظر أن تقترف الدولة الحاجزة أي فعل أو إهمال غير مشروع يسبب موت أسير في عهدتها، ويعتبر انتهاكا جسيما لهذه الاتفاقية. وعلى الأخص، لا يجوز تعريض أي أسير حرب للتشويه البدني أو التجارب الطبية أو العلمية من أي نوع كان مما لا تبرره المعالجة الطبية للأسير المعني أو لا يكون في مصلحته.
وبالمثل، يحب حماية أسرى الحرب في جميع الأوقات، وعلى الأخص ضد جميع أعمال العنف أو التهديد، وضد السباب وفضول الجماهير.
وتحظر تدابير الاقتصاص من أسرى الحرب.
04-28-2012, 01:58 PM
عصام دهب عصام دهب
تاريخ التسجيل: 06-18-2004
مجموع المشاركات: 10401
Quote: البطش في الطرفين موجود دون مراعاة لإنسانية الإنسان ، فالحركة الشعبية إقصائية ودكتاتورية في ممارستها وكذا المؤتمر ...أدين وأستنكر وأشجب قتل الأسرى أو تعذيبهم
أثمن لك شجبك و إدانتك لقتل أو تعذيب الأسرى ، و آمل أن لا يتساوى عندك المعتدي بالمجني عليه ..
04-27-2012, 11:40 AM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
السلام عليكم والله يا خدر وبصراحة كدا أول مرة أعرفك متلقي حجج كدا .. ومن أنصار الكديس القال للفار ما تكتح وهم في عرض البحر...... هسع يعني مزعلاك مفردة جعباتو دي ؟؟ طيب خلاص يا عصام دهب إستبدلا بى مؤخرتو أو أشير ليها أية إشارة أخري تدل عليها وخلي عملية الشرح لعزيزك القارىء لفطنتو العميقة أو لخدر دا ذاتو. من متين كلمة جعباتو دي الناس اعتبرتا فاحشة وخادشة؟ الناس دي بقت تذاكر من ورانا واللا كيف ؟؟ لو مفردة جعباتو خادشة يا خدر فما رأيك في صور البنات العريانة المالية المنبر دا، ومنها صورة البت الجبتهاإتا هنا دا ؟؟ جليتا ثابتة والله يا خدر أخوي .
04-29-2012, 06:06 PM
عصام دهب عصام دهب
تاريخ التسجيل: 06-18-2004
مجموع المشاركات: 10401
أخي الفاضل / طلحة .. السلام عليكم و رحمة الله و بركاته ..
Quote: طيب خلاص يا عصام دهب إستبدلا بى مؤخرتو أو أشير ليها أية إشارة أخري تدل عليها وخلي عملية الشرح لعزيزك القارىء لفطنتو العميقة أو لخدر دا ذاتو.
كثيرون من المتداخلين يا طلحة هاجموا هذا البوست و هاجموني لمجرد إيرادي لهذه المفردة .. مع أنني لم آآتي بها من عندياتي .. و ما أوردته عبارة قالها أحد كـلاب جيش العدو الجنوبي .. قالها و هم يهمون لتصفية أحد الجرحى من شهداء الجيش السوداني كما يبين الفيديو المرفق .. أنا لم أورد العبارة للدلالة على تحرش جنسي أو ما شابه لأني لست متأكداً من أن ذلك حدث .. لكني أوردتها للتأكيد على أن كـلاب العدو الجنوبي لم يراعوا أبسط القواعد الإنسانية في التعامل مع الجرحى و الأسرة .. أعلم أن المفردة خادشة لكنها في السياق الذي وردت فيه لا أراها مجرد خادشة بل هي دليل إدانة دامغ .. و لا أعتقد أن القارئ الحصيف سيقف عند هذه المفردة و لا أتوقع منه ذلك .. ـ أشكرك على المداخلة الواعية ..
04-27-2012, 11:57 AM
مجاهد عيسى ادم مجاهد عيسى ادم
تاريخ التسجيل: 06-08-2008
مجموع المشاركات: 747
الاخ عصام دهب بالجدانا سعيد بانك تدين مثل هذا الفعل ومثلك انا ضد هذ السلوك ان ادركت ان الجعاب او الجعبة او الجعبات ليست فقط بالدلالة التي تختزنها مخيلتك عن العبارة نفسها .. اعطيك بعض الامثال وهي جزء من الثقافة السودانية :هذا المثل واقدمه لك وانت تدافع ضمنا عن المؤتمر الوطني(الفي جعابو عويش ولا بتنتي نار) والجعاب هنا مقصود به الظهر فقط ..العويش معروفة تقريبا وهو نوع من القش سريع انتشار النار عليه ..بنتي يعني بينط النار والمقصود هنا من وصف في مشروعه السياسي بالشذوذ الجنسي او على الاقل انتشار هذه الظاهرة في وطننا السودان بفعل الخلل السياسي الذي اوجده المؤتمر الوطني (تغيير سلم التعليم وما افرزه من ظواهر شذوذ جنسي) :في وصف الرجل الناعم :فلان دا املس تكين جعاب خراجي) والخراجي هو بائع الماء ..ويكنى الاملس بانه دائم الابتلال والجعاب هنا معنى بيها مؤخرته..
:احد الاغنيات السودانية :الوليد دا وليدنا - هي وليد جعباتنا ..وهي اغنية تغنيها النساء احتفالا بحضور مولود والجعاب هنا مقصود بيهو (فرج الام)
انا معك وضد ما يخصني في الظاهرة لا فهمك الجزئي لها ..وتلك الظاهرة من المعلوم انها لا تنتشر في جنوب السودان بحكم طبيعة الحياة هناك بل قد تجدها في السوداني الشمالي اكثر .. مايهمني هنا هل للجيش السوداني اسرى من الحركة الشعبية ؟ووفقا لادبيات السلطة الحاكمة (لا اريد اسيرا ولا جريح) وما اظنو رئيس الدولة كذاب ولا لما صدقه من ينتمون اليه الان على الاقل.. معك ايضا ان تدين ما يحدث من تحرش وسلوك في فترات ما دون الحرب فهي طبعا اسواء باعتبار ان هناك حرب معلنا والحرب قذرة
..اشكر لك ادانتك فقط ان تتمدد لادانة لمسببات هذا الفعل في صيغة ادارة دولة السودان الشمالي الان التي ستفرز اسواء من ذلك
Quote: خلاص يا خدر عشان ما ترهق روحك و تحرق رزك ساكت .. الكلمة الما عجبتك دي إعتبر نفسك ـ زيي كدة ـ فريتها زمان في مجلة الصبيان .. اللي كانت بتصدر من دار النشر التربوي .. إنت كنت بتقرأ مجلة الصبيان ؟؟ لو كنت بتقراها ما تؤاخذني .. و لو ما كنت بتقراها معناها إنتا ما عارف ( زي ما أنا عارف ) .. زمان في مجلة الصبيان قرينا ( عمك تنقو من حركاتو .. لز القطر بي جعباتو ) .. المخارجة دي كيف لحسم الموضوع دة معاك ..
طيب مادام هى كلمة عادية كما أوضحت وأسهبت .. أمال لزوم البوست دا شنو طيب ؟!
..............
بعدين جيش المؤتمر الوطنى جرائمه أفظع من مجرد تحرش لفظى ...فبلاش استهبال معاكم .
04-27-2012, 03:03 PM
Salahaldeen Nadir Salahaldeen Nadir
تاريخ التسجيل: 08-03-2006
مجموع المشاركات: 987
مرة قرأت طرفة ـ أو جزء منها ـ في هذا المنبر .. واحد زي حمش كدة .. جووهو جماعة من أهل الحلة قالوا ليهو ( شفنا مرتك بتخونك مع فلان في الغابة ..) الراجل خت يدينو في راسو و قعد يتشهود لا الله الا الله .. و قال مخاطباً من جاءوه بالشمار ( ياخي إنتو ناس بتاعين مبالغات و هوايل بشكل .. هي كلها شدرتين عملتوها غابة طوالي ؟؟ )..
04-27-2012, 04:04 PM
عصام دهب عصام دهب
تاريخ التسجيل: 06-18-2004
مجموع المشاركات: 10401
Quote: طيب مادام هى كلمة عادية كما أوضحت وأسهبت .. أمال لزوم البوست دا شنو طيب ؟!
أقدر أنك لم تفهمي مغزى هذا البوست .. و لأجل ذلك أوردت الطرفة أعلاه .. فالموضوع يا آمنة ليس موضوع مفردة خادشة للحياء .. و أنا أعتذر مجدداً لإيرادي تلك المفردة .. في الشكلة العادية بين زولين ممكن نسمع أقبح منها من عبارات بذيئة جداً .. عشان كدة موضوع المفردة دة جليهو و ركزي في المهم .. و المهم أن هذه المفردت قيلت على هامش أمر بغيض .. و هو قتل وتصفية الأسرى و الجرحى السودانيين من قبل كـلاب الجيش الشعبي .. و ذاك موضوع هذا البوست ..
كويس ؟؟
04-27-2012, 04:19 PM
عصام دهب عصام دهب
تاريخ التسجيل: 06-18-2004
مجموع المشاركات: 10401
Quote: و النبذ ده مخارجتك ليهو شنو يا عصام دهب ؟ لسه مصر عليهو ولا حا تعتذر لي عنو ؟
ربما أنت قرأته و فهمته ( نبذاً ) في حين أنني كنت كتبته و عنيت به التعجب من أمرك .. عنيت أنني لم أرى منك إعتراضاً على عبارات أبشع كثيرا من المفردة التي أستخدمتها .. و لا أظنك يا خدر لم تقرأ شيئا و أشياء كثيرة هنا هنا أقلها عن ( (.........) ) وما شابه.. فإن إنت فهمت مما كتبته انا ما لم أقصده .. فلك إعتذاري و العتبى .. و ليس بيني و بينك ما يدعوني لأن أنبذك ..
04-27-2012, 04:28 PM
محمد قسم الله محمد محمد قسم الله محمد
تاريخ التسجيل: 06-13-2011
مجموع المشاركات: 2784
شوف .. كلو شي ولا العنوان والمنبر مطروق ومقروء لاخواتنا من النساء.. والكلمة التي استخدمتها انت خادشة للذوق العام وما عندك فيها مبرر .. عندي واحد صاحبي دايماً بيقول المنبر العام فيهو خروج عن النص وألفاظ خارجة عن الذوق العام فما تدي الناس فينا فرقة. ....................................................... بالواضح لقبح العنوان أطالب الأخ بكري بالحذف السريع للبوست.
04-27-2012, 10:53 PM
اساسي اساسي
تاريخ التسجيل: 07-20-2002
مجموع المشاركات: 16468
أنتو دا ما خدر النزل صور البنات العريانات chl ولما دقينا جرس قالوا متزمتين وارهابيين سبحان الله البقي خدر حارس الفضيلة وممثل الله في الارض او مثلما تم ترهيبنا وقتها
04-27-2012, 10:57 PM
صلاح جادات صلاح جادات
تاريخ التسجيل: 10-15-2010
مجموع المشاركات: 23447
عصام دهب يقول عنوان صادم وخادش ثم يدافع عنه ويبرر له اذن فلما الاعتذار ومن عجب الاعتذار في اول مداخلة ! ده يسمو شنو ؟ ( لم يسبقك عليها احد ولكنها ابخرة المستنقع الاسن ) عيل لا يقع في مثل هذا جنس لخبطة ده كلو عشان ينافق بقوة ولاءه للكيزان ينتقض مواقف لتنظيم يدعمه بكل ما يملك فكيف يكون هذا ؟ وهل هناك من هو اخس وانذل من الكيزان ؟ قتل الجرحي والاسري عندكم ثابت فلماذا لا تنتقده بنفس الالفاظ الجارحة ؟ وهل تجرؤ علي ذلك ؟
Quote: إعتذر بدءاً لكل من يقرأ هذا العنوان الصادم .. فما تعودت قطعاً أن أستخدم مثل هذه الكلمات الخادشة في أي من مداخلاتي هنا ..
لكني أفعل ذلك مضطراً لتبيان خساسة و نذالة كــلاب الجيش الشعبي في تعاملهم مع أسرى و جرحى الجيش السوداني في هجليج ..
04-28-2012, 06:10 AM
عبدالله شمس الدين مصطفى عبدالله شمس الدين مصطفى
تاريخ التسجيل: 09-14-2006
مجموع المشاركات: 3253
الحرب لا دين ولا أخلاق لها, وكل ما يجرى فيها إستثنائى, وكل ما يتم فيها إنما هو منافٍ للطبيعة الإنسانية.
لا استغرب ما يتم فى الحرب, بقدر ما استغرب ما تم/ يتم فى السِلم, من تجاوزات وجرائم فى حق المواطنين العزل, والتى ترتكبها أجهزة النظام المختلفة, وبشتى الدعاوى, وبدون دعاوى حتى. الإدانة هى للحرب أولاً وأخيراً, لأن فيها يحدث ما يحدث من جرائم متنوعة.
كل الود
04-28-2012, 07:34 AM
محمد عبدالرحمن محمد محمد عبدالرحمن محمد
تاريخ التسجيل: 10-13-2010
مجموع المشاركات: 1556
السؤال الذي يطرح نفسه هنا والمحيرني بشدة يا عصام دهب هو:
ماذا يريد المناضلون من الحكومة أن تفعل للمحافظة على الوطن واحدا؟؟؟ وهل يريد المناضلون ان تصمت الحكومة وترى هجليج في ايدي الجنوبيون؟؟؟
الحكومة ما قصرت مع ناس سلفاكير ادتهم السلام ودولة فيها بترول جاهز (دا منو هوالعوير البدي دولة فيها بترول الزمن دا) وادتهم قروش كميات وعربات وبيوت واراضي وكل حاجة
المفروض ما يفتحوا ملف الحرب هسي وتصفية الحسابات المفروض اول شيء يعملوهو يحاولوا ينهضوا ببلدهم
غايتو يا عمر البشير لو عملت اي حاجة دفاعاً عن السودان انا شخصياً معاك
الصادق
04-28-2012, 09:14 AM
ismeil abbas ismeil abbas
تاريخ التسجيل: 02-17-2007
مجموع المشاركات: 10789
Quote: عشان كدة موضوع المفردة دة جليهو و ركزي في المهم ..
عصام سلام المعروف انو الناس بتختار اهم ما في الموضوع كعنوان للبوستات !! انت بتناقض نفسك يا عصام تخلي المهم ( علي رايك ) و تسمي البوست بالمفردة دي و تجي تطلب من المتداخلين ان يجلوها ! انت لو عايز الناس تجلي المفردة دي ليه اخترتها كعنوان للبوست ؟ و حكاية الغابة و الشجرتين بتنطبق عليك في النقطة دي
ندين اي تجاوزات من الطرفين و خاصة التجاوزات التي تاتي من القيادات مثل تصريحات هارون الاخيرة المطالبة بتصفية الاسري
04-28-2012, 10:37 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: أنتو دا ما خدر النزل صور البنات العريانات chl ولما دقينا جرس قالوا متزمتين وارهابيين سبحان الله البقي خدر حارس الفضيلة وممثل الله في الارض او مثلما تم ترهيبنا وقتها
.. والله مبالغـة لكن .. هههه : والله الزنقـة الاتزنقه خدر الشهير بي طارق ابوعبيدة .. الاتزنقـة زنقـة زنقـة هنا دا .. القافي صاحب هشام هباني ظاطوووو ما اتزنقـة، اضف لذلك .. إنو خـدر قايل الناس نست الناس .. وعادي جدا يجي يلعب لعب ضاغط مع مولانا عصام دهــب .. لكن .. فرش المتاع الاتعمل ليهو دا .. سنتين لي قدام مفروض .. ما يجي داخل البورد دا ويعمل فيها رااااايح .. واعتقد انو مفروض من دربو دا يمشي يزرع مزرعتـو .. يحش ليهو شوية قرنبيط ، ويزرع برسيم .. ويجيب ليهو طاحونـة ويسأل الأخوان العون في تسميد مزرعتـه السعيدة .. يعني بي صورة أوضح : الزنقـة الاتزنقـة خدر دي .. والله بتاعين الحركـة الشعبية ما اتزنقوهـا في هجليج .. المشكلة انو ديلاك قامو جاريين .. وجدعوا اسلحتم وملصوا الكاكي .. اهـا خدر دا .. يعمل شنـو..؟ المزرعـة بس .. ما عندو حل غير يمشي المزرعــة
04-28-2012, 11:43 AM
الطيب رحمه قريمان الطيب رحمه قريمان
تاريخ التسجيل: 03-21-2008
مجموع المشاركات: 12377
Quote: و لا أظنك يا خدر لم تقرأ شيئا و أشياء كثيرة هنا هنا أقلها عن ( (.........) ) وما شابه.. فإن إنت فهمت مما كتبته انا ما لم أقصده .. فلك إعتذاري و العتبى .. و ليس بيني و بينك ما يدعوني لأن أنبذك ..
دية الكرام الاعتذار كما قالت العرب .. اعتذارك مقبول يا عصام دهب
______ اساسي .. ما بتخلي كضبك ده اصلك لمن جيتنا بهناك قلنا ليك في الاول " شكرا علي المرور" و بعد داك ضقلنا بيك لمن انت ذاتك اتكيفت راجع الارشيف لو نسيت يا معلم
04-28-2012, 12:49 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عصام دهب
خدر
ناصر البطل
Kabar
خضر الطيب
Al-Shaygi
اسامه خليفه
Abdulrahman Eldaw
خالد العبيد
معاوية عوض الكريم
هجو الأقرع
الامين موسى البشاري
عبدالرحمن الحلاوي
العوض المسلمي
طلحة عبدالله
مجاهد عيسى ادم
Salahaldeen Nadir
محمد قسم الله محمد
صلاح جادات
عبدالله شمس الدين مصطفى
محمد عبدالرحمن محمد
الصادق صديق سلمان
ismeil abbas
nabielo
tmbis
الطيب رحمه قريمان
فيس بوك
تويتر
انستقرام
يوتيوب
بنتيريست