Quote: إن طرتوا بي أجنحة ما بتحصوا ولا بتحصلوا الكاسات الحصدها في السنة الفاتت القريييبة دي
سوماااا .. سومااااا .. طار .. طار .. طار .. طار!!
ما ياهو كلامكـ دا مربط الفرص السنة الفاتت القريييبة دي! ياخ سنة شنو .. هو فريقكم دا ظهر متين زاتو؟ ما ياهو في الكم سنة الفاتت والقرييييبة دي!!
يا سوما خليكـ من المعاينة في التلفزيون وتشجيع فريق الزول الواحد دا .. شوفي الإحصائيات الرسمية والمقارنات ح تلاقي برشلونة دا ما عندو التكتح .. فتحت معاو ساي!
04-25-2012, 08:39 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
يا بتاع البروفايل انت مجربني فرحتكم دي ستدوم باذن الله اقل من تلاتة وعشرين ساعة فقط ابو حسين ماتفهمني غلط هاردلك دي للاصبع المكسور ما لي هزيمة البرشا سلامي للاولاد والمدام
04-24-2012, 10:56 PM
Elmuiz Haggaz Elmuiz Haggaz
تاريخ التسجيل: 11-04-2009
مجموع المشاركات: 630
ود الصائم لو ما غالبين برشلونة قبل يومين كان عملتوا شنو يعنى؟ بعدين ما تستعجل امرق من يوم بكرة كدي قبل ما تفكر في الكاس. (دي شلاقة ناس برشلونة الطيرتهم ذاتا).
لكن بي الجد برشلونة عنده اربعة ربط قش وراء! دا دفاع شنو دا؟ في المباريتين شيلسى شاتو اربعة كور في القون دخلوا منهم تلاتة!
04-24-2012, 11:17 PM
Faris Mohamed Faris Mohamed
تاريخ التسجيل: 11-16-2009
مجموع المشاركات: 380
غايتو يا قريبي لحد هنا معاك عشان خاطرك وخاطر ولدي .. بس باكر إذا بير طلع الكفر إلا يفكك مني منتقمري .. لكن بيني وبينك برشلونة قمة متعة الأداء.. اوعك باكر تجي رافع سبابتك مع ريال .. ياخي النذير دا ذاتو بقينا ما عارفين نكتب شنو معاهو.
04-25-2012, 00:18 AM
Abd Alla Elhabib Abd Alla Elhabib
تاريخ التسجيل: 12-09-2005
مجموع المشاركات: 3806
Quote: محمد عمر الفكي دا قايل روحو طلحة تنظير وتنبؤات ولا شنو
يا فارس طلحة تنظيرات شنو الانا بعترف ليك بيهو؟ انا في الاخطبوط بول الله يرحمو عندى راي هزيمة برشلونة دي اتنبات بيها من الضهر وخروج الريال اتنبات بيهو بعد مباراة برشلونة مباشرة والموية تكضب الغطاس
04-25-2012, 06:26 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
ياخ ماشفت روحك وانتي بتكلمني: عايز تموت عديل ، كويس ماكنت قاعد تشفط ولا كان عييييييييييك!!
=
عايزك بالرواقة كدا أرجع لي كوميديا الهدف من الثانية 3 إلى الثانية 6 بس: أعلى طراز والله:
مرة : تحس إنو الحكم مطارد بوسكيتس ،، مرة : تشوف والله الحكم دا لو ركب طيارة مايحصل بوسكيتس،، مرة : وفجأة يظهر حرامي جاري قدامهم بنصل ميل ، والاتنين ساكنو،، مرة : تسأل نفسك : بوسكيتس دا بتلفت مالو؟؟؟ يعني متخيل بيول يفزعو ولا يجيهم أوسين بولت ؟؟ مرة : وتاني تشوف بوستكيتس بتلفت كأنو بيقول للحكم صفر الأخلاق دي !! مرة : تشوف بنظرة غلوبال نص ملعب فيه تلاتة أنفار بس جارين بينهم مسافات متساوية يظهر الرابع يحبي على أربعة ولا منو فائدة!!
أكثر ثلاثة ثواني مليئة بالأحداث ، المطاردة ، التشويق ، ورصاصة الرحمة!!
====
سؤال للمهتمين بالشأن الكروي: - إيه فايدة اللعب بتلاتة مدافعين وانت متقدم بهدفين ومتأهل؟؟
= قوارديولا كما قال عنه الكساندر هليب لاعب البارشا الحالي : مدرب صغير جداً وعنصري!!
= برشلونة لحسن حظ الريــال إنتهت فورتهم والريـال متقدم عليهم تاريخياً ب 87 فوز مقابل 86 ،، يعني كل الهيجة دي ولسة وصافة،، برشلونة ودعت التشامبيونز وتوقفت عند 4 بطولات من الله خلقها : والريـال مؤهل للعاشرة : يعني حدث ولا حرج!!
=
سلام للعزيز عمران : شهد معي معركة السبت : وكنا نتنقل بين تلفزيون السودان ، تلفزيون الجنوب ، والجزيرة 2 بلس!! =
نبارك للزميل صبري طه الزواج ،،
04-25-2012, 10:26 AM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
عليك الله شوف الدكتورة دي بتفهم كيف، الخبر الجاني انها شغالة جوة الشغلانية بتاعة الفرز وعملت كوبي للناس الفائزة وقالت دايرة البشارة ، لكن نحن ناس بكرة ببلاش دي المناظر بس الفيلم بيبدأ يوم 1 مايو "احب نميري ذاتو" بيني وبينك خفت افتح الخطاب المرفق عشان ما يبقى فيني البقى في وحيد بن القرموطي
قلنا ليكم برشلونة دا ظل وسيظل فريق الرجل الواحد وأنو ميسي دا لو جاهو مغس واللا طعنتو شوكة واللا ختوهو في كماشة خلال أي مباراة فرماد البارشا كال أي برشلوني يحلم بعالم سعيد فجاء صبري طه قال أقعوا البحر ونط لينا مين كدا ما عارف قال شنو كدا ما عارف، ثم جاء حالم برشلونابي آخر، وجاء غير هولاء كثر من الذين يفكرون بعيونهم وقلوبهم فنقوا نقة من لا يخشي كملان بصاقو حتى عطشوا عطشا شديدا ثم ذهبوا إلى البحر فشرب الجميع ولم يرتوي أحد بعد. أذهبوا يا برشلوناب مع رجلكم الواحد فشوفوا ليكم شغلة أقضوها كدا واللا كدا فأنتم الطلقاء. ..................... يا فارس الحبيب محمد عمر الفكي دا عايز ليهو شغل كتير خالص ربماإستمر سنوات ضوئية عشان يبدأ في التفكير (لاحظ مجرد التفكير) في مقارنة نفسو بطلحة الاخطبوط العظيم طال عمرو.
04-25-2012, 10:48 AM
عماد الشبلي عماد الشبلي
تاريخ التسجيل: 06-08-2008
مجموع المشاركات: 8645
عبد اللطيف بكري ,, تخيل مورينهو بإذن الله رافع كاس الدوري بيجاي والشامبيونز بيجاي ,, حقيقة مقدرات تدريبية متفردة لا يعلى عليها ومدرب ليس له مثيل عبى مستوى العالم
ود الصايم ,, محمد عمر الفكي دا ودوه الضل
04-25-2012, 11:59 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: يا فارس الحبيب محمد عمر الفكي دا عايز ليهو شغل كتير خالص ربماإستمر سنوات ضوئية عشان يبدأ في التفكير (لاحظ مجرد التفكير) في مقارنة نفسو بطلحة الاخطبوط العظيم طال عمرو.
طلحة العزيز طال عمرك ممكن توقعاتك لكورة الليلة؟
Quote: تخيل مورينهو بإذن الله رافع كاس الدوري بيجاي والشامبيونز بيجاي
وحاة خوتك اللافها باربعة كروت ما بقدر يتخيلها
Quote: ود الصايم ,, محمد عمر الفكي دا ودوه الضل
شفت الضل دا انت وود الصائم ومعاكم طلحة الاخطبوط الله اعلم الليلة تلقوهو، باكر اجازة يعني الواحد ممكن يساهر معاكم لحدي الصباح لكن المشكلة الوحيدة انكم ما حتتلقو عليك الله شفت عمران حسن صالح دا محترم كيف؟ طوالى مشى اتلم
04-25-2012, 01:02 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
Quote: عليك الله شفت عمران حسن صالح دا محترم كيف؟ طوالى مشى اتلم
يلموكـ مع (المرحلين ) إن شاء الله ، قول آمين إنت ما دام شغلكـ مع يابانيين معرفتم للعربي زي معرفتي للبولندي ، تكون فاتح الصفحة الخلفيته برتقالية دي وبتكتب اليوم كلو يفتكرك بتكتب في بحث وعامل ليكـ خلفية لونه هادي مريخابي وبرشلونابي وساكن جنب البيكـ أسباب أساسية أكجنكـ بيها هاكـ متِع روحكـ بالملاكـ ده :
__________________________ تعليق مسحتو ، لو عاوزو اتصل بالسلكـ
04-25-2012, 01:15 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
عمرانو انت البوديك تكتب وتمسح شنو؟ خليني اصل البيت بعد شوية بتصل عليك
يا طلحة والله ما بعرفو وما حصل لي الشرف الا يكون قابلني وما عرفتو ، زي المداحين ديلك البياكلو في العصيدة باللبن بعد ما انتهو منها واحد مسك الصحن وقعد يشفط في اللبن اخوه قالوا له خلي لي " الحترب" صاحبنا سلمو الصحن فاضي وقال له (ما لاقاني) اسمع تحدي انت الريال طار تعتذر عن دا
Quote: يا فارس الحبيب محمد عمر الفكي دا عايز ليهو شغل كتير خالص ربماإستمر سنوات ضوئية عشان يبدأ في التفكير (لاحظ مجرد التفكير) في مقارنة نفسو بطلحة الاخطبوط العظيم طال عمرو.
ان ما طار وصدقت توقعاتك ان كنت قاعد في السودان شوف لك طريقة مع ناس محمد عبد الكريم ان في السعودية بحرش فيك ناس الهئية ان في الامارات المقعدك معانا شنو؟ عليك بالبورصة وميدان سبق الخيل ان في مصر، انا لو محلك تربيزة الشيراتون دي احتمال اقول لهم اعملوا لي حمام جنبها وبرضو الريال طائر زيو زي الريال السعودي
04-25-2012, 02:37 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
ود الصايم .. انت شكلك بتاع اشتراكات ما تابعت الكور دي ألا بعد ما شفروها .. رؤوف خليفة دا نحن بنتابعو من اياام .. هنا تونس في الرادي .. اسمها .. و يوزززززززززززع .. و دي الكلمة الوحيدة الما بتتقال في كورة برشلونة .. كونهم اقزام كلهم و يوزززززع دا حدها الدايات عندهم .. غايتو آن للرابطة كوستي ان تطلب لقاء ودي مع برشلونة .. بس فوز امبارح للهلال الانجليزي كان بتوفيق من رب العالمين .. او كما قال مدرب ناس عمر الفاروق و هو يشرح لهم خطة اللعب .. ( و يمكروا و يمكر الله .. و الله خير الماكرين ) ..
04-25-2012, 02:51 PM
humida humida
تاريخ التسجيل: 11-06-2003
مجموع المشاركات: 9806
انتهت المباراة .. و ذهبت الجماهير الي منازلها .. و طار تشيسلي الي لندن .. و قفل بتاع المقهى .. و المطرة صبت .. و ما زال اكزافي بلعب باص لإنيستا .. و إنيستا بلعب لميسي .. و ميسي يديها لإكزافي .. و اكزافي بلعب باص لإنيستا .. و إنيستا بلعب لميسي .. و ميسي يديها لإكزافي .. و اكزافي بلعب باص لإنيستا .. و إنيستا بلعب لميسي .. و ميسي بدها لإ اكزافي بلعب باص لإنيستا .. و إنيستا بلعب لميسي .. و ميسي بدها لإكزافي .. كزافي .. الخ الخ الخ ..
04-25-2012, 06:34 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
الأوضاع تغلي في برشلونة وعلى كل الأصعدة، فالفريق فَقَد خلال أربعة أيام فقد لقبين كانا مسجلين باسمه في الموسم الماضي، الأولى كانت بخسارة الحفاظ على لقب الدوري والتنازل عنه لصالح الغريم التقليدي ريال مدريد بالخسارة أمامه بهدفين مقابل هدف على ملعب الكامب نو، فيما كانت القاصمة فقدان لقب أبطال أوروبا رُغم التعادل الإيجابي أمام تشيلسي الإنجليزي، عطفا على الخسارة ذهابا بهدف نظيف. الأوضاع طرحت العديد من الأسئلة، أقواها: كيف يفشل فريق استحوذ على 72 في المائة من المباراة ويقوده ليونيل ميسي يفشل في تخطيّ تشيلسي الذي انتهج أسلوباً دفاعيا بحتا؟ أما أبسط الإجابات فهي أن برشلونة وصل إلى حدّ الهوس بتحضير الكرات والاستعراض على أرض الملعب طوله وعرضه، فيما يكون الاعتماد في النهايات على الداهية ميسي، والأخير فشل في فكّ شفرة مرمى تشيلسي خلال ثماني مباريات بين الفريقين. وأكاد أجزم لو أن برشلونة اعتمد على السهل الممتنع لكان الأن يستعد لخوض نهائي ميونيخ بغض النظر عن الفريق المقابل. الغريب في الأمر أن بيب جوارديولا مدرب برشلونة أكد بعد نهاية المباراة أنه سيستمرّ في انتهاج الأسلوب ذاته خلال فترة توليه المهام الفنية للفريق الكاتالوني، فهل سيتمكن من استعادة السيطرة على أرض الملعب وإعادة برشلونة إلى قواعده سالماً أم تُكتب النهاية لأسطورة أفضل فريق في العالم، وهي العبارة التي راجت على ألسن الكثيرين بعد الخسارتين القاسيتين وضياع اللقبين؟
04-25-2012, 11:09 PM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
عليك الله يا ود الصائم في لفتك الحاتخدها دي لو لقيت المدعو حميدة دا عضي لي في اضانو الشمال وكنكش فيها تايسون بس ولو اتيني بشحمة الاذنين معا فربما اجزلت لك العطاء ووصلتك
04-26-2012, 01:13 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عبد الماجد الصايم
بشير أحمد
ABUHUSSEIN
)
الفاتح علي التوم
اسماء الجنيد
حافظ انقابو
محمد عمر الفكي
عمران حسن صالح
طارق جبريل
احمد محمد بشير
Elmuiz Haggaz
Faris Mohamed
محمد على طه الملك
Abd Alla Elhabib
أبوعبيدة محمد الأمين
طلحة عبدالله
عماد الشبلي
محمد البشرى الخضر
صلاح أبودية
هيثم التوم
humida
Ahmed al Qurashi
على محمد على بشير
فيس بوك
تويتر
انستقرام
يوتيوب
بنتيريست