عيدروس وقرشي المدعو عاليه آخر فترة بوستاتو كانت بوستات مودع (-; ناس جدة: البمشي فيكم حلقة الخمرة يفقد لينا الراعي الرسمي دا المهم يكون بخير وربح كويس من بهايمو الموسم دا، البورد طاير
04-24-2012, 12:42 PM
aydaroos
aydaroos
تاريخ التسجيل: 06-29-2005
مجموع المشاركات: 2965
Quote: الراعي الرسمي دا المهم يكون بخير وربح كويس من بهايمو الموسم دا،
هوي يا أشرف يا حلبي ... الرعاة ديل مشتركين في الحرفة تاريخيا" مع الأنبياء دحين أبعد من دربو قيقاولي ده ... إنتا شكلك ما عارفو دا البطفي انوارهم و يغشي أبصارهم ... و ان دور كلامو بي يحير أفكارم
شئ لله شئ لله يا قيقاولي
04-24-2012, 12:43 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
Quote: تعرف ديجانقو دا بي يكون دقش ( بار) الطرطشة و هو قايلو (بار) المعرفة إتملي بي مريسة الطرطشة لي هنا(و أشار بأصبعه الي أنفه)
دقيقة يا عيدروس دا الأنا كنت خايف منه "حلقة الخمرة" الذكرتها أنا فوق ديك ما ليها أي علاقة بالمرايس أنا بكتب بالماوس، المفروض تكون الخمرة (بضم الخاء) الخوف أكون حليت قيقا من حكاية المنكر دي تلصق فوقو علاقة بالخمرة التانية (أم خاء مضمومة) يا خوانا (حلقة الخومرة) دي سوق بهايم كبير في جدة يقصده قيقا للرزق كبقية الرعاة (راجع بوستات الراعي الأخيرة)
لكن يا عيدروس دا ما بينفي شكي الخفيف إنو زولنا دا لوه في المرايس
04-24-2012, 05:54 PM
مها عبد الله
مها عبد الله
تاريخ التسجيل: 07-13-2008
مجموع المشاركات: 2271
عارف قيقا دا عندو أحوال و مقامات مثلا" قيقاغالاط و دي حالة خادعة إنتا تكون متوهم إنو الزول دا متلحك لكن و بذكاء خاص بقيقا يخليك تظهر أقوي حججك في موضوع الغلاط.
قيقاحساس و دي حالة صعيبة خلاص بالذات لما زول يفهمو غلط وفي اللحظة دي قيقا ببكي و يبكي كل الشافو
قيقاظريف
.......... ..........
قيقاراوي ودي حالة بي يكون فيها إتجلي و إتكمل و ممكن برضو نسميها قيقاكامل
04-25-2012, 08:12 AM
محمد قرشي عباس
محمد قرشي عباس
تاريخ التسجيل: 03-19-2010
مجموع المشاركات: 3195
سلامات عيدروس وجميع السائلين المتسائلين غايتو ود الصايم وأنا سألنا عليه ولم نجد ردا.. نتمنى أن يكون الغياب كله خير.. هدية صغيرة ليه فيها شيء من ملامحه وشيء من ملامح نكاته العجيبة ديك :)
04-25-2012, 09:31 AM
aydaroos
aydaroos
تاريخ التسجيل: 06-29-2005
مجموع المشاركات: 2965
.... ...الحمله دي مفروض تكون جاده و يتقدمها الريس ذاااتو و بشعار كبييييير...
المنبــــر يريــــــد .......
... ........يتوسط كامل الصلعه.. وياريت لو رافقو في المقدمه البروف الياسمين ....و نفس الشعارعلي الصلعه . . . . . . . . . . __________________________________________________ ...... ...عيدروس يا عزيز ....كيفك و المعاك ....و حمدِلاّ ع السلامه ... ... ... ...ياخ و الله اتابع البوستات الهادفه و الجميله خاصتك.... احاول التداخل فيها....يتغلب علي ذلك القرف ...يا صديق ... مع ضجيج الضجه العاليه الحايمه في المنبر ده ...المحشرجه باصوات القتل و الرصاص وتمزيق الارض و اجساد اولئك الابرياء ...من لم يكن لهم الخيار حتي ...في ان يكونوا سودانيين؟؟؟....وما يبدو انه سيكون شئ طبيعي و سمه من سمات الذين ولدو في تلك الارض المسماه السودان ....و كاننا لانتعلم من التجارب خاصتنا ...وامام اعيننا ماثله الان ...ناهيك عن تلك التي بين ظهرانينا او البعيده عنا ...تجربة وطن لعلع الرصاص وانتشر الموت المجاني ...بين ربوعه و ابنائه ...رغم تقاسمهم استنشاق و تنفس هوائه ...و لقمة العيش فيه بيــــــ سجمو و رمادو ده ...قرابة نصف قرن من الزمان ..... حملوا همهم و حزنهم وهمومه وهم الارتقاء به عزيزا يعزهم بعزته لاعتزازهم به كما كانوا ..و ليعتزوا به بين مصاف دول العالم ...يوما ما...و للاسف كان بلوته ...هؤلاء الحكام اللقيط ...من لا ينتمون له...ومن يتبوأ قيادته في الظلام ..و بالظلام ...ليحولوه الي ضيعة لهم و لاهلهم .... ... ... ..المشكله العويصه يا صديق..انو نحنا كبشرننتمي اليه و نسكن في هذه الارض و من مواقعنا البعيده جدا من مواقع الحكام و الحاكمين ....ما قادرين نتوحّد حوله !!!!...ما قادرين نبحث عن البيوحدنا حوله و حول تماسكه !!!!....عشان يكون هناك امكانيه للاختلاف فيه ....ما قادرين نتعلم انو الخلاف ملحوق !!!!....الما ملحوق ....تلاشيه ... ...ما قادرين نتعلم ان الظلم والرصاص و الموت ده ....ما حيكون عندو اي نتائج ايجابيه .... .... ...لا الان .... .... ...و لا علي مستقبل الاجيال القادمه .... ... ...اليست تجربة الجنوب ببداياتها و ماّلاتها بكافيه علينا؟؟؟؟؟ .. .. ..يا قيقا يني ...... ..ياخ اظهر و بان ... ...فعليك وعلينا .....الحب ...و.السلام.. .....و للقادمين ....المستقبل ... ...حينما يكون للوطن ...الطمأنينه ... ..و الامن .. ..و الامان .... .. ...فخلينا رغم القرف نعافر ...و ندافر ...ومن وسطه يمكن الناس مع الناس تقدر تعمل حاجه ...فيها خير للمستقبل ...و القادمين ... ... ...و يقيني ان ذلك كذلك ...يا عزيز ... ....لانو القتل و الخراب و الدمار..عمرو ما كان هو الاصل في هذه الدنيا؟؟؟ ...ولابد ان يكون هناك بصيص ضياء في اخر النفق ... .. ... . ......وحب مقيم للجميع ...... ...
04-25-2012, 09:20 AM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
حلولي يا قريبي تعرف قيقا دا لو عرفو سره، كان زمان أدوه ديوان و برندتين ومزيره و حوش في سودانيز دي و مسكوه خرتوش المحبة يملا المزيره و يرش الحوش و ما بي يغلت علي زول إي زول يجي داخل يطايبو و يرحب بيه
شكرا" علي الإشاده و في إنتظار رايك في مواضعه
و يا وليدات أتبره يافقرا يا كحيانين و اي زول ترمو ليه المحبه
و الماعندو محبه ما عندو الحبه
04-25-2012, 09:46 AM
aydaroos
aydaroos
تاريخ التسجيل: 06-29-2005
مجموع المشاركات: 2965
مارشال حلف شمال الضهرة دا يا عيدروس كان كاتب مخستك في أمان الله لموا فيه أعداء النجاح وزينوا له التحول من كاتب مخستك مجيد لكاتب مثقف (طبعاً تصدينا للمحاولة العميلة دي) لكن يبدو إنو سعادتو رضخ لإغراءاتهم وناوي ينقل كفالته لذلك احتمال كبير أسي يكون في حالة تغيير جلد المهم، "مصيرو العيش يجي الطاحونة" وفي رواية أخري أضيفت لها "ويتدقق"
ـــــــــــــــــــــــــــــ بالمناسبة يا عيدروس: خستكتك بتاعت العجلات مع بكور في بوست خدر أدتني الحق أضيفك لقائمة الكتاب المخستكين المفضلين لدي جني وجن الكتاب الجادين
04-29-2012, 08:38 AM
aydaroos
aydaroos
تاريخ التسجيل: 06-29-2005
مجموع المشاركات: 2965
انا الولد البدور الشكرة لو عارف الغيبة بتجيب الكلام الحلو دا كلو، كنت زمااااااااان استثمرت في النفسيات البتاور زي الضرس دي
ازيكم يا حلوين حولااااااااااا!! جنس شوق هو .. بما لا قبل لكم به كلو كلو!!
تحياتي للجميع .. ومحبة تزيد وتفيض
----------
انا بخير يا شباب وفي ي ي ي ي جدة ام جداد دي ذاااااتا بس مأزوم .. خالص خالص محبط من كل شيء تقريباً فترت من حلب التور سئمت من النفخ في شوال الخيش .. مش بس قربة مقدودة .. دي بتتباصر .. ممكن واحد فينا يضع يدو على مكان الخرم .. او بي القالو حمد ودا احباط تاني عارفين انو المقولة الشائعة "بي القالو حمد" دي غارقة في البذاءة!؟ واقع بذئ جداً .. محبط!!!!
خبرين: واحد كويس و التاني كعب .. ح ابدأ بالكويس
- قلنا نجرب الباسوورد .. والحمد لله طلع شغال - الما كويس اني لسة شايف انو الواقع وما نحن غارقين فيه اكثر بذاءة من قدرة الاحتمال.
05-01-2012, 08:34 AM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
ما دام حالته متعسرة جدا كما قال وتلفونه مغلق فيا إما باع الموبايل أو صادروه منه..!!! ما تجوا نجمع تبرعات... --- يا أبو فادي "لو أنكم تتوكلون على الله حق توكله لرزقكم كما يرزق الطير تغدو خماصا وتروح بطانا".. أعقلها وتوكل ياخ وأدعو ربك بزيادة حبتين: "لا يرد القدر إلا الدعاء ، ولا يزيد في العمر إلا البر ، وإن الرجل ليحرم الرزق بالذنب يصيبه" إنتوا يوم الجمعة ما بدوكم إجازة؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة