|
Re: 77 قتيـــــــــــــــــــــــــل من جهاز امن النظام فى كادقلــــــ (Re: معاوية عبيد الصائم)
|
والله يا معاوية فترنا، لمتين الاستنزاف دا؟ دارفور موت، جبال النوبة موت، هجليج موت، النيل الازرق موت، الناس دي مابتتعب؟ تعرف يا معاوية قريت خبر جني بتاع الصباح عن مقتل اكثر من تلاتة الف وتسعمية في هجليج من الجانبين وزميل تاني قال عدد ضحايا الجيش السوداني الفين ونص وديل هسي سبعة وسبعين، والله يامعاوية بطني طمت، ملك الموت دق خيمته وقعد في بلدنا اول ما اقرا خبار الموت دي طوالي بفكر في اسر الناس دي، ياربي البموت دا عنده اطفال او ابوين كبار في السن وهو العائل الوحيد ليهم؟ لعن الله الحرب في السودان ومن دعا لها ومن اججها ورحم الله ضحاياها وصبر اهلهم من كل اصقاع السودان في ظل حكم حزب الحرب المسمي المؤتمر الوطني الذي لم يستوعب بعد تنوع هذا البلد مارايته من احتفالات بتحرير هجليج واقولها بكل صراحة من غلبة اثنية سودانية معينة على المحتفلين قطع كل امل بسودان تنوعي متعدد في ما يبدو انه نجاح ساحق للطيب مصطفى وانتباهته في تكريس نظام للفصل العنصري ساعده في ذلك المواقف المؤيدة ضمنيا من احزاب المعارضة وكذلك التعنصر الموجود في تجمع كاودا حتي ضاع صوت العقلاء في الجانبين ولاعتقد جازما ان ذهاب الانقاذ سيزيل ما حقن في الصدور لان الكثيرين اصبحوا يعتقدون ان مقاتل كاودا لن يعطيهم الفرصة لسماع وجهة نظهرهم وان سمعها فلن يصدقها الله في يا معاوية
| |
|
|
|
|
|
|
Re: 77 قتيـــــــــــــــــــــــــل من جهاز امن النظام فى كادقلــــــ (Re: معاوية عبيد الصائم)
|
Quote: عارف انه الطالب عبد الحكيم كان الوحيد الاعند اهله الفضل حي!!وقتلته الانقاذ!! |
الله يرحمه ويحسن اليه يا تراجي ويصبر اهله. يجب فتح تحقيق في ظروف اختفائه ومقتله والقبض على الفاعلين وتقديمهم لمحاكمة علنية عادلة، دا طبعاً بعد ما يحققو في مقتل عوضية عجبنا . والله من ضخامة اعداد الموتى في السودان الواحد جاهو احساس انه الروح البشرية في السودان دا بقت ما عندها اي قيمة
| |
|
|
|
|
|
|
|