|
|
 مابين دموع ابوهريرة حسين وضحكات تسابيح خاطر سهرة مخستكه
|
(افراح هيجليج ) سهرة تعرض الان على قناة النيل الازرق -- الحلقة من بدت تسابيح بتضحك وبتقرقر من الضحك فى الفاضى والمليان
يعنى ان بسال نفسى واحاول جاهدا ان ادرك سر هذا المرح العبيط الذى ينتاب تسابيح خاطر وخفة الدم الزايده عن اللزوم ولا اجد حل للغز ضحكات تسابيح
سوى انها مستهترة فقد صارت تضحك طوالى حتى فى البرنامج الحوارية الجاده يعنى تسابيح من شدة ما الناس شكروها باتت تثق فى نفسها بطريقة غبية
فيها كثير من الاستخفاف بالمشاهدين وحتى بضيوفها فى الاستديو - تسابيح خاطر باتت مؤهلة للانضمام لفرقة تيراب الكوميديا بعد ان اثبتت جدارة غير مسبوقة فى تحويل
كل البرنامج التلفزيونية مهما كانت الى نكته وفى اغلب الاحيان بتكون باااايخة
ابو هريرة حسين سكرتير اتحاد الناشئين السابق يبكى بحرارة اثناء السهرة وبرضو ماعرفته سر البكاء ده شنو (يعنى وطنى شديد ياربى )
ولا بيبكى لشنو بالتحديد ؟؟ الغريب الاغنية البكا فيها ما كانت بتبكى زاتو -عشان ما اظلمو ساكت يا يكون وطنى شديد او اتذكر فجاة حاج ماجد سوار
ففاضن عيناه بالدموع
غايتو سهرة مخستكه وماعندها اى معنى ولاتعبر عن اى شى وكل الاغانى التى كانت فى الماضى تلهب حماس هذا الشعب
فقدت بريقها بينهم وحرفت بطريقه ما جميله اثناء السهرة يعنى فى داعى يخرفوا اغنية حمد الريح نحن فوق عزنا وحشرة مابتهزنا
لشنو يعنى مايغنوها زى ما اتغنت (قبايل مابتهزنا ) وبطلوا حركات
السهرة ضمت نخبه من الشباب الثائر على حد تعبير مهرجة البرنامج اقصد مقدمة البرمامج تسابيح خاطر وهم -محمود عبد العزيز - جمال فرفور -
عاصم البناء -خالد الصحافة -وليد ذاكى الدين وشريف الفحيل وافراح عصام وبمعيتهم حسين شندى والقلع عبد الحفيظ ديل كلهم غنوا ونططوا وابتهجوا
بهبالة شديده وتناسوا ان هنالك اسر فقدت فلذات اكبادها فى هذه المعارك ومازالت قلوبهم موجوعه واعينهم ممتلئة بالدموع
|
|
 
|
|
|
|
مدثر قرجاج
فيس بوك
تويتر
انستقرام
يوتيوب
بنتيريست