|
|
|
 Re: "عرد" يعني شنو؟ (Re: Ashraf el-Halabi)
|
Quote: (لسان العرب)
وعَرَّدَ الرجل عن قِرْنِه إِذا أَحْجَمَ ونَكَلَ.
والتَّعْرِيدُ: الفِرارُ، وقيل: التَّعْرِيدُ سرعةُ الذهاب في الهزيمة؛ قال الشاعر يذكر هزيمة أَبي نَعَامَة الحَرُورِيِّ: لمَّا اسْتَباحُوا عَبْدَ رَبٍّ، عَرَّدَتْ بأَبي نَعَامَةَ أُمُّ رَأْلٍ خَيْفَقُ وعَرِّدَ الرجلُ تَعْرِيداً أَي فَرَّ.
وعَرِدَ الرجلُ إِذا هَرَبَ؛ وفي قصيد كعب: ضَرْبٌ إِذا عَرَّدَ السُّودُ التَّنابيلُ أَي فَرُّوا وأَعْرَضُوا، ويروى بالغين المعجمة، من التَّغْرِيدِ التَّطْريب.
وعَرَّدَ السهمُ تعريداً إِذا نَفَذَ من الرَّمِية؛ قال ساعدة:فجَالَتْ وخَالَتْ أَنه لم يَقَعْ بها، وقد خَلَّها قِدْحٌ صَويبٌ مُعَرِّدُ مُعَرِّدٌ أَي نافِذٌ.
وخَلَّها أَي دخل فيها.
وصويبٌ: صائبٌ قاصِد.
وعَرَّدَ تَرَك القصدَ وانهزم؛ قال لبيد: فمَضَى وقَدَّمها، وكانت عادةً منه إِذا هي عَرَّدَتْ إِقْدامُها أَنَّثَ الإِقدامَ |
| |
 
|
|
|
|
|
|
|
|
Re: "عرد" يعني شنو؟ (Re: Ashraf el-Halabi)
|
الاخ العزيز اشرف
تحية وسلام
العرد هو اسم من اسماء الحمير
وتستخدم مجازا او دارجا للحمار عندما يعرد(اي يعير) فيرمي صاحبة ويجري بسرعة
او فجأة يعرد ويجري ويصعب الامساك به
وخير دليل على ذلك المثل السوداني (عايرة و ادوها صوت)
فالحمار العاير هو الحمار العرد
والله اعلم
| |
|
|
|
|
|
|
|
|
Re: "عرد" يعني شنو؟ (Re: عبدالله وداعه الامين)
|
فكا البيرك
طعن كتف
فزّ
جرى جري نظيف من الخوف
تولى يوم الزحف
قال عييييييييك لا يلوي على شئ
فر فراراً شديداً
غايتو احتياطي كدا صفة ما حلوة
التعريد أو العريد كلمة دراجية في لهجة البقارة
وتعني أن احدهم خاف من مواجهة العدو
وقام جاري جري شديد
والمعرد لا يفكر لحظتها الا في كيفية مخارجة نفسه
فقط ولا يفكر في شئ آخر
يعني ممكن يقوم جاري وينسى مركوبه سلاحه ..... الخ
باختصار كدا يا اشرف كلمة ما حلوه
والزول البعرد دا
بمشي بوجه تاني ما بجي راجع
يلاحقه العار اينما حل ولا تتزوجه البنات
وعرّد يعرّد فهو معرّد
هذا والله اعلم ..........
| |
|
|
|
|
|
|
|
|
|
Re: "عرد" يعني شنو؟ (Re: عبدالله وداعه الامين)
|
الاخ أشرف
تحية وتقدير
عرد بمعنى فر وهرب
والحمد لله إنك جبتها
من المعجم العربي
فهي كلمة عربية فصحى
تجدها حاضرة عند قبائل
البقارة في غرب السودان
مثلها مثل كلمات أخرى
يراها البعض غريبة
ولكنها من صميم اللغة العربية
وقد أخطا الاخ
عبد الله وداعة
في التفسير
وليقرا الاقتباس اعلاه
تحياتي
وداعة
| |
|
|
|
|
|
|
|
|
|
Re: "عرد" يعني شنو؟ (Re: Ashraf el-Halabi)
|
يعني فز
يعني جرى
مثال :
1. فز جيش سلفا من أمام القوات المسلحة .
1. جرى متمردي الحركة الشعبية جرياً شديداً
عرد ، يعرد
أ. عرد سفاكير كما لم يعرد من قبل
الجيش الصميم لا عرد ولا خواف
العرد هو العدو المابعرف الاعراف
| |
|
|
|
|
|
|
|
|
|
Re: "عرد" يعني شنو؟ (Re: Ashraf el-Halabi)
|
Quote: عرد بمعنى فر وهرب
والحمد لله إنك جبتها
من المعجم العربي
فهي كلمة عربية فصحى
تجدها حاضرة عند قبائل
البقارة في غرب السودان |
بريمة لو سمعك يا أنقابو إلا نخلي المنبر
| |
|
|
|
|
|
|
|
|
|
Re: "عرد" يعني شنو؟ (Re: Ashraf el-Halabi)
|
عارف يا اشرف الحلبي دا كلام بقارة وهو لغة فصيحة والكلام دا كلام الناس الاقحاح الفي الخلا
ودا دليل على عروبتهم عشان كدة عبد الله الطيب قال لغة أهل السودان هي الاقرب للفصحة
والله عرد جنس عرديب لوووول
| |
|
|
|
|
|
|
|
|
|
Re: "عرد" يعني شنو؟ (Re: القلب النابض)
|
اغلب الكلمات العربية الفصحى لها أصول سودانية ...
قليل من الكلمات العربية الفصحى تعود لأصل فارسي أو روماني مثل "أستاذ" وما شابه ...
العرب يتشرّفوا يا اشرف ... (وكذلك الحلب! ) ...
... المهم ....
| |
|
|
|
|
|
|
|
|
|
Re: "عرد" يعني شنو؟ (Re: تبارك شيخ الدين جبريل)
|
| Quote: دا كلام بقارة وهو لغة فصيحة والكلام دا كلام الناس الاقحاح الفي الخلا دا كلام بقارة وهو لغة فصيحة والكلام دا كلام الناس الاقحاح الفي الخلا |
ما هو كدا إنتي بتأكدي حكاية (العردة) شمال يا القلب النابض!
تهمة العردة شمال يقال إنها جات من واحد بقاري من المسيرية قال "جيش الحكومة عرد"، فتلقف الشمار ناس (المعاردة) ههههه
| |
|
|
|
|
|
|
|
|
|
Re: "عرد" يعني شنو؟ (Re: Ashraf el-Halabi)
|
الاخ أشرف
تحية و ألسلام
و اللة كلمة عرد دى عندنا فى كردفان كلمة شينة خلاص
لكن أصلا ما ليها علاقة بى الحمير كما ذكر أحد المتداخلين
كلمة مربوطة أساسا بى الرجالة و بى الشجاعة) لالالالا مكان لى الحمير هنا
| |
|
|
|
|
|
|
|
|
|
Re: "عرد" يعني شنو؟ (Re: صديق الموج)
|
الأخ الأمين البشاري
تحياتيQuote: التعريد أو العريد كلمة دراجية في لهجة البقارة
وتعني أن احدهم خاف من مواجهة العدو
|
بل هي كلمة عربية فصيحة كما وردت في معلقة لبيد بن ربيعة
فمضى وقدمها وكانت عادة إذا هي عردت اقدامها
| |
|
|
|
|
|
|
|
|
|
Re: "عرد" يعني شنو؟ (Re: القلب النابض)
|
سلآمات يا أشرف.
في السيّرة أنّ كعب بن زهير عندما بلغه خبر الرسول عليه أفضل الصلآة
وأتمّ التسليم أنكر، وقال قصيدة هجا فيها النبي، فأهدر النبي صلي الله عليه
وسلّم دمه. أسلم بعد ذلك كعب بين يدي الرسول، وقال قصيدته المشهورة:
بانت سعاد فقلبي اليوم متبول
متيمٌ إثرها لم يفد مكبول.
وقيّل أنّ رجل من الأنصار تهجم عليه، وطلب من النبي أن يدعه يضرب
عنقه، فقال كعب في هذه القصيدة مادحاً المهاجرين و معرضاً بالأنصار.
يَمْشونَ مَشْيَ الجِمالِ الزُّهْرِ يَعْصِمُهُمْ
ضَـرْبٌ إذا عَـرَّدَ الـسُّودُ التَّنابِيلُ.
Quote: التَّعْرِيدُ: الفِرارُ، وقيل: التَّعْرِيدُ سرعةُ الذهاب في الهزيمة؛ قال
الشاعر يذكر هزيمة أَبي نَعَامَة الحَرُورِيِّ: لمَّا اسْتَباحُوا عَبْدَ رَبٍّ، عَرَّدَتْ
بأَبي نَعَامَةَ أُمُّ رَأْلٍ خَيْفَقُ وعَرِّدَ الرجلُ تَعْرِيداً أَي فَرَّ.
وعَرِدَ الرجلُ إِذا هَرَبَ؛ وفي قصيد كعب: ضَرْبٌ إِذا عَرَّدَ السُّودُ التَّنابيلُ
أَي فَرُّوا وأَعْرَضُوا، ويروى بالغين المعجمة، من التَّغْرِيدِ التَّطْريب. |
عرّد السود التنابيل قصد بها كعب الأنصار لمحاولة الإعتداء عليه من أحدهم،
وعدم إنكارهم لذلك، وقيّل أن المهاجرين لاموا كعب وقالوا له ما مدحتنا إن
لم تمدحهم، فقال يمدح الأنصار في قصيدة طويلة:
من سره كرم الحياة فلا يزل
في مقنب من صالحي الأنصار
ورثوا المكارم كابراً عن كابر
إن الخيار هم بنو الأخيار
الباذلين نفوسهم لنبيهم
يوم الهياج وفتية الأحبار
والذائدين الناس عن أديانهم
بالمشرفي وبالقنا الخطار
المكرهين السمهري بأدرع
كسوالف الهندي غير قصار
والناظرين بأعين محمرة
كالجمر غير كليلة الإبصار
والبائعين نفوسهم لنبيهم
للموت يوم تعانق وكرار.
العرد في العامية هو نبات يُستعمل في دباغة الجلود، وفي المثل
(الصبي جلد عرد) يعني بيسفسف سفسفة صح. أكال بطنو حد
ما تديها بتشيل كأنها جلد مدبوغ بالعرد.
أقرب للفصيح من عاميتنا كلمة عرور، والعرور والعُرّة الزول
العبيط الأهوج، وخير مثال له كلكم تعرفونه، وأنا برررررره...
تحياتي يا حلبي...
| |
|
|
|
|
|
|
|
|
|
Re: "عرد" يعني شنو؟ (Re: معاوية المدير)
|
عرّد في عاميتنا يا ود المدير ... وقد قالت الحكّامة في رثاء (عيسى اسماعيل):
عيال العيين (العوين) العرّدوا
عيسى ما چلّوا ..
الدوسة البالليل الحايمة الطير
ولد ام غنية ديل ..
فأقرب كلمة لكلمة "عرّد" في العامية السودانية ...
هي كلمة "عرّد" نفسها ...
... المهم ....
| |
|
|
|
|
|
|
|
|
|
Re: "عرد" يعني شنو؟ (Re: تبارك شيخ الدين جبريل)
|
هلا يا ابو الشوش
عرد التي وردت في امر الجيش السوداني هي فعلا ما شرحوها ليك الشباب الفوق
وتعني كسح-شتت-فكي البيرق
ولكن التشكيل مهم لانو(عرد) ايضا اسم لنوع من انواع الاشجار
(شجرة العرد) ويقال له ايضا العرد
----
ومابين حكاية الجيش الذي (عرد)
وشوقنا لشوفة(شجرة عرد) في الصحاري والرمال دي انا المتيم الولهان
| |
|
|
|
|
|
|
|
|
|
Re: "عرد" يعني شنو؟ (Re: عبدالكريم الامين احمد)
|
يا أشرف الحلبي
يعني انت جيش الحكومه العرد ده معقوله بس تكون ساكيه لليوم بالكلمه دي؟!
و القلب النابض قال ايه جايه تتفليف سلفاكير عرد(ههههههههههههههههههههه)
وحاتك جبناها مسجله بلسان القائد فضل الله المسيري
قال جيش الحكومه عرد!!
يا بنت الحلال ده في جنس فضائح ار تكبوها وليداتكم ديل بس خليها ساي!!
وللتعتر ليهم كله تم في ديار البقاره....وبقوا شهود عليكم
عاد اشعارهم سيجري بها الركبان عن تعريدة ابناء الجلابه(ههههههههههههه)!
| |
|
|
|
|
|
|
|
|
|
Re: "عرد" يعني شنو؟ (Re: Ashraf el-Halabi)
|
Quote: في السيّرة أنّ كعب بن زهير عندما بلغه خبر الرسول عليه أفضل الصلآة
وأتمّ التسليم أنكر، وقال قصيدة هجا فيها النبي، فأهدر النبي صلي الله عليه
وسلّم دمه. أسلم بعد ذلك كعب بين يدي الرسول، وقال قصيدته المشهورة:
بانت سعاد فقلبي اليوم متبول
متيمٌ إثرها لم يفد مكبول.
وقيّل أنّ رجل من الأنصار تهجم عليه، وطلب من النبي أن يدعه يضرب
عنقه، فقال كعب في هذه القصيدة مادحاً المهاجرين و معرضاً بالأنصار.
يَمْشونَ مَشْيَ الجِمالِ الزُّهْرِ يَعْصِمُهُمْ
ضَـرْبٌ إذا عَـرَّدَ الـسُّودُ التَّنابِيلُ. |
الشغلة طلعت مأصلة يا ود المدير!
إذن عيناك رئيس لجنة التأصيل بالبوست يا شيخنا ..لووول
| |
|
|
|
|
|
|
|
|
|
Re: "عرد" يعني شنو؟ (Re: Ashraf el-Halabi)
|
المتيم الولهان ع. أ. كي. كي
شايفكم إنتا ومعاوية متفقين في حكاية الشجر والنبات دي
لقيت في لسان العرب:
Quote: والعَرادةُ: شجرة صُلْبَةُ العُود، وجمعها عَرادٌ.
وعَرادٌ: نبتٌ صُلْبٌ منتصب. |
| |
|
|
|
|
|
|
|
|
|
Re: "عرد" يعني شنو؟ (Re: Ashraf el-Halabi)
|
| Quote: يعني انت جيش الحكومه العرد ده معقوله بس تكون ساكيه لليوم بالكلمه دي؟! |
والله أسكو لامن يعرد. ههههه
يا تراجي كيف الحكومة تعرد وتخلي رعاياها!؟
ما ننوم تاني؟
يبدو إنو القلب النابض أخدت معلوماتها من ميديا النظام اللي صورت الحكاية كأنه جيش الجنوب عرد
لكن الواضح إنه جيش الجنوب انسحب بعد تدخل رب الزيت المقدس
أمريكا والصين أكيد استخدموا حق العين الحمرا وقالوا للبشير وسلفا "إن شاء الله تاكلوا بعض، ما عندنا شغلة بيكم، بس أبعدو لينا من زيتنا دا"
عشان كدا ما في تخريب حصل لمنطقة الآبار دي
وشكلهم أمروا سلفا بالانسحاب الفوري عشان ما يحصل دامج هناك
| |
|
|
|
|
|
|
|
|
|
Re: "عرد" يعني شنو؟ (Re: Ashraf el-Halabi)
|
(نحن عرّدنا ؛ يا خليفة المهدي
نبي الله الخدر معرّد ورانا فوق شنو؟)
احد الانصار مخاطبا الخليفة عبد الله بعد كرري حيث امرهم الخليفة باللحاق به في ام دبيكرات
وفي انتظارهم نبي الله الخضر
ــ
سلامي وتحياتي
| |
|
|
|
|
|
|
|
|
|
Re: "عرد" يعني شنو؟ (Re: ود الخليفه)
|
Quote: (نحن عرّدنا ؛ يا خليفة المهدي
نبي الله الخدر معرّد ورانا فوق شنو؟)
احد الانصار مخاطبا الخليفة عبد الله بعد كرري حيث امرهم الخليفة باللحاق به في ام دبيكرات
وفي انتظارهم نبي الله الخضر |
لوووول
لو فتشت الوثائق بتاعت الفترة ديك كويس يا ود الخليفة أكيد بتلقى رد الخليفة للأنصاري "إنك لن تستطيع معي صبرا"
دا فيما يخص عرادة الحكومات، أما عرادتكم إنتا وقيقا من البورد في الفترة المنصرمة ما عرفنا لزوما شنو!!
شايفكم بقيتو تدخلوا البورد مناسبات بس!
إنتا بسببك، إيقاع السامبا ما بنفع معاك
البرازيلي داك "معرد وراك فوق شنو؟"
ـــــــــــــــــ
يا شيخنا: كلام الأنصاري للخليفة دا موثق؟
| |
|
|
|
|
|
|
|
|
|
Re: "عرد" يعني شنو؟ (Re: Ashraf el-Halabi)
|
شكراً منتصر على الرابط
بوست شيق فعلاً
وتأكيد لكلامك يا منتصر عمنا المسيري دا في الثواني الإتكلم فيها دي لقطت كلمة تانية استعملها مرادف ل"عرد" وهي "انهزم" وهي أيضاً فصيحة
| |
|
|
|
|
|
|
|
|
|
Re: "عرد" يعني شنو؟ (Re: Ashraf el-Halabi)
|
بوست مفيد جداً
وشكراً يا أبو حليب على هذه المعلومة، والكلمة دي
بسمعها عند أهلنا البقارة كتير في المنبر دا وما
كنت فاهم معناها، وسعدت بأنها طلعت عربية فصحى
وفي إنتظار بريمة أو عبد الله الحبيب يجوا يورونا
معناها عند البقارة شنو؟ هل هو نفسه كما في الفصحى؟
تحياتي
| |
|
|
|
|
|
|
|
|
 Re: "عرد" يعني شنو؟ (Re: النذير حجازي)
|
Quote:
عرّد في عاميتنا يا ود المدير ... وقد قالت الحكّامة في رثاء (عيسى اسماعيل):
عيال العيين (العوين) العرّدوا
عيسى ما چلّوا ..
الدوسة البالليل الحايمة الطير
ولد ام غنية ديل ..
فأقرب كلمة لكلمة "عرّد" في العامية السودانية ...
هي كلمة "عرّد" نفسها ...
... المهم .... |
يا سلآم عليك يا تبارك يا اخي.
أنا والله بشكرك علي الإفادة والمعلومة.
كتّر خيرك كتيّر يا تبارك.
المهم،
لك مودتي...
| |
|
|
|
|
|
|
|
|
|
Re: "عرد" يعني شنو؟ (Re: معاوية المدير)
|
تعرف يا مدير ...
عون الشريف قاسم قام بمجهود جبّار في رصد تغيّر اللفظ العامّي في معناه من منطقة لأخرى في السودان ... وأغلبنا يجهل دلالات الألفاظ عند اغلبنا ... (م فلهمة ابونقة ... البخلّي خشما .. بأضّي بى أنقرتا) .... وما قام به عون الشريف قاسم (العالم الذي يتجاوز أي لقب يمكن أن يضاف لإسمه) ... هو قطرة من بحر من البحث العلمي الذي تحتاجه اللهجات واللغات المحلية في السودان ... نحن هنا نتثاقف ونأخذ أكثر مما نعطي ...
... المهم ....
| |
|
|
|
|
|
|
|
|
|
Re: "عرد" يعني شنو؟ (Re: تبارك شيخ الدين جبريل)
|
| Quote: كلام الأنصاري للخليفة دا موثق؟ |
توثيق شنو يا اخوي ؟
المتداول شفاهة اكثر بكثير من المكتوب
وانت تعرف افة الحديث رواته فقد يروى الخبر الواحد بعدة طرق غير مضبوطة
والذاكرة الخربة وعاميتنا لم تعرف طرق العنعنة واتصال السند فاصبحت مراسيلا يرويها مجاهيل
غايتو الكلام دا سمعتو زمان لكن من وين ما عارف ولا متذكر كيف
الا لقيت لي رواية في البورد دا من 2006
Quote: يحكى و العهدة على الراوى
انه و بعد انكسار جيش الخليفة امام جيش كتشنر ان الخليفة و بعض ال######## و بقية من جيشه قد فروا في اتجاه الجنوب الغربي و مدافع الانجليز تعوي من خلفهم.. ادرك الخليفة ود تور شين ان مدافع الانجليز تطلق نيرانها على مستوى مرتفع نسبيا فنزل من جواده و اصبح يجري على قدميه.. فمر به اد ال######## و اظنه عثمان دقنة - و العهدة على ذاكرتي - فقال له: آخليفة ما تركب فوق حصانك.. فرد عليه الحليفة قائلا: اركب كيفن و انا شايف النبي الخضر جاري قدامي! فقال له عثمان دقنة: نحنا معردين النبي الخضر معرد فوق شنو?
________ |
Re: صورة الشهيد الخليفة عبدالله (ود تور شين) وصحبه الكرام..!!
بالله شوف حافظ بشير احترز كيف في البداية وجعل العهدة على الراوي المجهول
اما تعريدنا والقيقراوي فلا اظنه الا من حالة زهج وملل
لكن تراهو قاعدين
| |
|
|
|
|
|
|
|
|
|
Re: "عرد" يعني شنو؟ (Re: ود الخليفه)
|
شجرة العرد (بفتح الراء)
شجرة ظليلة غير شائكة
تمتاز بإعتدال وطول ومتانة
(المطارق) اي الفروع
الأمر الذي يجعل منها سياط
جيدة لإقتياد الحمير والابل
والعصاة (بضم العين) من
الناس لا قدر الله
لذلك يا أشرف الحلبي
نحن نطالب بتجهيز
سياط عرد في هذا البورد
لكل من يعصى
ولا كيف يا تراجي؟
شفت كيف يا ود الخليفة
تحياتي وإحترامي للجميع
| |
|
|
|
|
|
|
|
|
|
Re: "عرد" يعني شنو؟ (Re: حافظ انقابو)
|
ود المدير وتبارك: شايفكم دخلتوا على أغاني الحماسة!
الشي المحير إنو السودان في الكم سنة الأخيرة دي أغاني الحماسة ماخدة الجزء الأكبر من مساحة الأغاني عموماً
تفتح التلفزيون تلقى حماسة
تفتح الراديو AM على FM حماسة
نغمات الموبايل حماسة
المدائح إيقاعها سيرة
وبعد الحماسة دي كلها نعرد!؟
الظاهر من غير ما نعلم مارسنا الاستمناء الحماسي.. والله صحي
الخواجات ديل مش كانوا بقولوا لينا حصل ليهم برود جنسي عشان شبعوا شوف في بناتهم الحايمات عرايا؟
أها احنا غالباً حصل لينا برود حماسي من دلوكتنا الحايمة امفكو الليل والنهار دي!
| |
|
|
|
|
|
|
|
|
|
Re: "عرد" يعني شنو؟ (Re: Ashraf el-Halabi)
|
| Quote: توثيق شنو يا اخوي ؟ |
أفو يا شيخي!
ما لأنو الرواية جات منك عشان كدا طمعت في التوثيق
لأنو حسب علمي إنك شغال في جهة تابعة لجامعة الخرطوم وليها دخل بالتوثيق أو النشر أو البحوث
طبعاً لو كان جات من ناس الكلام المرسل كان حدي معاها باب المداخلة وبس
أو كان تقول زي ما بقولوا السياسين للصحفيين لما يكونوا عاوزين ينشروا ليهم خبر بسرعة "ليس للنشر"
بيني وبينك يا ود الخليفة أنا إتكيفت من الأنصاري الممسوخ دا، لدرجة طمعت إنو حكايتو دي جات في واحدة من الوثائق
لاحظ سؤال الزول دا إيحائي أكتر من إنو استفساري
سؤال فيهو ريحة ملاحدة ملاحدة كدا
عمك دا غالباً شيوعي مندس.. لووول
| |
|
|
|
|
|
|
|
|
|
Re: "عرد" يعني شنو؟ (Re: khaleel)
|
سلام لصاحب البوست وضيوفه
بالنسبة لمعنى كلمة عرد
بعضهم قال أن ليس لها علاقة بالحمير
وأنا أقول لها علاقة بالحمير وكا جاء في معلقة لبيد بن ربيعة العامري
فمضى وقدمها وكانت عادة منه إذا هي عردت إقدامها
وبيت الشعر يعني أن حمار الوحش كان معتاداً أن يقدم حمارة الوحش أمامه في السير في حال كونها عردت - ليدز فيرست
فما هو المقصود بحال كون الحمارة عردت
عردت هنا تعني أنها كانت تريد المعاشرة الجنسية أو أنها جاهزة للمارسة
ففي هذه الحالة كان يقدمها أمامه حتى يصلا إلى مكان أو كما قال الشاعر:
فتوسطا عرض الثري وصدعا مسجورة متاجوراً قلامها
يعني دخلوا في مكان فيهو قصب كتير ورويان وحتة رطبة وباردة تصلح للمعاشرة
ومن هنا يبدو المعنى أكثر وضوحاً
يعني بالبلدي كدا عردت يعني حايلة
مع خالص تقديري لكم
| |
|
|
|
|
|
|
|
|
|
Re: "عرد" يعني شنو؟ (Re: khaleel)
|
هلا خلي
روايتك اتفقت مع رواية ود المدير، مع اختلاف حرف غالبا بسب اختلاف اللسان من منطقة لأخرى
يا بو الخل انسحاب جيراننا (ناس العردة جنوب) من كاس السودان عمنول، ديك ما عردة... ههههه
| |
|
|
|
|
|
|
|
|
|
Re: "عرد" يعني شنو؟ (Re: ود الخليفه)
|
| Quote: توضيح صغير انا شغال في جامعة الخرطوم موظف في قسم الفيزياء |
والله لو بقيت شغال في قسم الإشاعات ذاتو بعشم في روايتك تكون موثقة.. ههههههه
يا شيخي بعد الميتافيزكس حقتك دي كلها تطلع شغال في قسم الفيزيا!!!
يعني "تدي الحلة وصاة والنقارة عصا"! (-;
ما عارف حكاية علاقتك بجهات البحث والتوثيق دي جاتني من وين!
غالباً من خطك العام في المنبر يا ود الخليقة
| |
|
|
|
|
|
|
|
|
|
Re: "عرد" يعني شنو؟ (Re: Ashraf el-Halabi)
|
سلامات عاصم
لاقاني في لسان العرب تفسير جنسي لكلمة "عرد"
Quote: لسان العرب
والعَرْدُ ذَكَر الإِنسان، وقيل: هو الذكر الصُّلْبُ الشديد، وجمعه أَعْراد، وقيل: العَرْدُ الذكر إِذا انتشر واتْمَهَلَّ |
وبرضو طلعنا بـ "حايلة" دي، ما كنت عارف معناها، وفي المعجم "حائل"
| |
|
|
|
|
|
|
| |
Ashraf el-Halabi
الامين موسى البشاري
حافظ انقابو
القلب النابض
محمد البشرى الخضر
تبارك شيخ الدين جبريل
Adam Omer
صديق الموج
عادل عبدالرحمن إبراهيم
معاوية المدير
عبدالكريم الامين احمد
Tragie Mustafa
ود الخليفه
منتصر عبد الباسط
النذير حجازي
khaleel
Asim Fageary
فيس بوك
تويتر
انستقرام
يوتيوب
بنتيريست