|
|
 بـــــــَغُو(لعناية حبيب نورا واخرين)
|
كان الزمان منتصف اغسطس,وتلك الديار تشهد اوج ايامها بهاءً وخضره,الرزاز يعطر جو اغسطس والغيم يحجب اشعة الشمس ورائحة الدعاش تداعب خياشيم الروح قبل انوف الذات,يممنا انا وصاحبي وجهينا شطر الصديق همام الذي الح علي دعوتنامرارا وتكرارا علي زيارته في ثكنته العسكريه,وهي عباره عن غرفه في ذلك السوق المسمي ام دفسو حيث يعج بكل ماهو قابل للشراء من لدن الكول والمرس مرورا بالدامرقه والمرجخيس (والدامرقه عباره عن عصيده للدخن بعد تخميره والمرجخيس هو امعاء الخراف او ما يعرف بالكمونيه والمرين نوع من المحدقات يصنع من عصارة الامعاء مضاف اليها افراز القناه الصفراويه وعصير الليمون وقليل من الشطه,) وانتهاءً بالعطور والملابس وكل ما من شأنه ان يباع,جلسنامع امونه تلك المرأه المكتنزه جسماً وجمال,ربما كانت في نهايه الثلاين من العمر دفعتها تلك الظروف الموضوعيه والذاتيه لتبيع الشاي والقهوه,وتتلقي نظرات الاشتهاء من حثالة وعلية القوم علي السواء,لا ادري ما هو تصنيفي حينها ولكني كنت جالسا قبالتها اتلذذ بشرب قهوتها العتيده وامتع ناظري من ذلك القوام السمهري والارداف الممتلئه والصدر الناهد,والضحك الغنوج,وبعد ان انتهينا من شرب القهوه ذهبنا الي غرفة همام والذي اكرم وفادتنا(بجركانه)من البغو جيد الصناعه والبغو هو معادل مسكر لما يسمي في ثقافة اهل الوسط بالمريسه غير انه يصنع من الدخن خلاف المريسه التي يتم تحضيرها من الذره او ما يعرف بالفتريته والذي عملنا فيه انا وصديقي ابو اليسرشربا حد اللذه,ضاقت العيون واشتعل الراس نشوه ففتح صديقي حوارته المعهوده عن علم الحقيقه وفلسفة التسير والتخير واستدل بان شربنا للببقو جيد الصناعه هذا هو محض تسير صرف,عرجنا بعدها الي هيغل وقوانين جدله المثيره ولم ننسي ان نعطي ديالكيتيك ماركس حظه من النقدكان همام ينظر الينا شذرا ولم يروقه حديثا الا حين عرجنا الي بنية الوعي التناسلي ودورها في بنية التفكير لنا ,لهم وللجميع.بعد انتهاء المؤونه من البغو اصررنا علي الذهاب مجددا الي امونه ونحن نترنح نشوة وبعض رغبه,علت وجهها ابتسامه وضئيه حين رأتنا ولملمت اطراف اوانيها ودعتنا للذهاب الي منزلها,ولم نكن في حاله تسمح لنا بالرفض فذهبنا نحمل رؤسونا وما عبأته من بعض وسن وكثير رغبات.خرجنا من منزل امونه انا وصديقي نجر اذيال النشوه ونترنج من فرط الاشتهاء,ولكن ما عكر صفو ليلتنا تلك هو وقوفنا الدائم والمتكرر لافراغ مثانتينا من فعل ذلك البغو اللعين تشيعنا نظرات استغراب الماره ,وبعض تأنيب للذات لم يدم في تعاريج الذاكره بضع سويعات.
|
|
 
|
|
|
|
|
|
|
|
Re: بـــــــَغُو(لعناية حبيب نورا واخرين) (Re: فاروق عثمان)
|
فاروق
صاحبنا في الربع القديم إزيك ياخ
ياخي من أم دفسو والدخن أكيد دي نيالا
شفت أخوك لماح كيف؟
لكن ياخ خربت الطيبات [المرين ..
المرجخيس .. وأم فت فت .. والدامرقة]
بحكاية البغو دي .. بالله دي يتشرب
وراها بغو؟؟
بعدين الليلة الخميس
ما تمرفنا من جلاليبنا ياخ
وكمان عازم حبيب كل البنا
ومن لفو لفه .. معقولة ياخ
إذا بليتم فاستتروا
.........
تحياتي وإحترامي
| |
|
|
|
|
|
|
|
 Re: بـــــــَغُو(لعناية حبيب نورا واخرين) (Re: حافظ انقابو)
|
يا عمك أنا طبعاً من مشجعي اللعبة الحلوة فااااا كان من الأجدر أن تعنون خيطك المترنّح علي حدِّ سراطه الثمل بأسم أحد الأئمة والزملاء العظام الكرام .
ولعمري هذا مقام رفيع لن أستطيع إليه سبيلا ولو كنت صاحب الإنداية شخصياً . ولكن دعنا نبتدِر ثرثرتنا علي خطيً ثابتة قبل ما تحصل اللولوة التي تقلب السين شيناً في قعر زجاجة الليل :)
حكمة البوست ( السكر ناسات ما كاسات ) وأرجو أن تثبتها عندك في محضر القعدة . أنا شخصياً لو وجدتك تتمتع بالنفس الطويل ورويحتك حوض رملة في سواقة البوست بكون هنا بعد صلاة العشاء
مباشرةً عشان ما يكون في إختشا يفسد للود قضية . عموماً دعنا نصطصحب مقولة صديقي الإمام المقدّم في المجالس والقعدات البريئة وغيرها؛ إذ قال لي :
يا ولدي نحن لمن كنا بنمشي الإنداية بجيبوا لينا عنقريب !!!
وعندما سألته وأنا لا أتصنع الهبل؛ بل كنت زيادةً علي هبلي خلف الله عديل كده :
ولي شنو بجيبوا ليكم عنقريب ؟؟؟
تلفّت صديقي مقدار حيرة تُنبي عن إمتعاض وقرف واضح وقال بعد أن أثني علي جودةِ صنعِ خمرِ حاجة ( منفّلة ) كثيراً وفي نفس الوقت تحسّر كثيراً علي ما مضي من أيام؛ وقال لي :
بجيبوا لينا عنقريب عشان بِنَحَتِل !! يعني أسبوع ما بمرقنا منها !!!!
هيعععععع اللسد النّتر !!! ( كدت أقولها ) لولا أنها أرتبطت بأسودٍ من ورق .
أها ... خلاصة الأمر أنا معاك وبجيك بي رواااااقة كلما أستدعي الأمر .... وكما تقسم تلك المرأة الجميلة حين تحب أن تؤكد لك أمراً ما؛ فتغلظ في القسم قائلة :
وحاة الكاس ده ... يشربوا في بِكاي !!!!
أما بعد !!
بغُو ؟؟؟؟؟
أمشِ يا بيئة أحرجتنا مع السكرجية :)
| |
|
|
|
|
|
|
|
|
|
Re: بـــــــَغُو(لعناية حبيب نورا واخرين) (Re: حبيب نورة)
|
Quote: بعدين الليلة الخميس
ما تمرفنا من جلاليبنا ياخ
وكمان عازم حبيب كل البنا
ومن لفو لفه .. معقولة ياخ
إذا بليتم فاستتروا |
وبعدين تعال هنا يا أنقابو إنت مُش غواصة وخارج عن الشرعية النضالية ؟
وطيييييييييييب الجابك هنا شنو ؟؟؟؟
أمرق برررررررررررة يمرق جلدك :(
| |
|
|
|
|
|
|
|
|
|
Re: بـــــــَغُو(لعناية حبيب نورا واخرين) (Re: فاروق عثمان)
|
غواصة يا غواصة
نحنا بنبني ما بنخرب
والداير يناضل بتحضر
نحنا معاه والداير الحرب
والدمار أنا ضدو
هسة عليك الله في
دمار أكتر من بوست البغو دا؟
.......
فاروق هسة في أشلق منك
في داعي تكشف روحك
وتوري الناس عمايلك السودا دي
تحياتي للاتنين
| |
|
|
|
|
|
|
|
|
|
Re: بـــــــَغُو(لعناية حبيب نورا واخرين) (Re: حافظ انقابو)
|
انقابو
انت اتضايقت ولا شنو ههههههههه
طيب يامان
فنتازيا دي ما نقشتها ولا شنو
بعدين تعال شنو فضحت روحك وكلام الناس الما بتفهم دي
يعني اسي انت لما قلت الليله الخميس وداير تطلع من هدومك سترت عورتك ولا شنو
__________________________________________
يامان البوست ده اسمو كسر احتقان للحاصل في المنبر من مشاحنه وحرب ودم
كونك ما استوعبت غرضو ابقي زي ما قال ليك حبيب نورا ابقي مارق يا شليق 
| |
|
|
|
|
|
|
|
|
|
Re: بـــــــَغُو(لعناية حبيب نورا واخرين) (Re: حبيب نورة)
|
Quote: ,عرجنا بعدها الي هيغل وقوانين جدله المثيره
ولم ننسي ان نعطي ديالكيتيك ماركس حظه من النقدكان
همام ينظر الينا شذرا ولم يروقه حديثا الا حين عرجنا
الي بنية الوعي التناسلي ودورها في بنية التفكير لنا
,لهم وللجميع.بعد انتهاء المؤونه من البغو اصررنا علي
الذهاب مجددا الي امونه ونحن نترنح نشوة وبعض رغبه,علت
وجهها ابتسامه وضئيه حين رأتنا ولملمت اطراف اوانيها
ودعتنا للذهاب الي منزلها,ولم نكن في حاله تسمح لنا
بالرفض فذهبنا نحمل رؤسونا وما عبأته من بعض وسن
وكثير رغبات.خرجنا من منزل امونه انا وصديقي نجر اذيال النشوه
ونترنج من فرط الاشتهاء,ولكن ما عكر صفو ليلتنا تلك
هو وقوفنا الدائم والمتكرر لافراغ مثانتينا من فعل ذلك
البغو اللعين تشيعنا نظرات استغراب الماره ,وبعض تأنيب
للذات لم يدم في تعاريج الذاكره بضع سويعات |
همام دا الوحيد فيكم البيعرف يضرب البغو بتاعكم الفتل البورد
دا ياخ
ماركس وهيغل ديل دايرين عرقي عدييل
فائق الاحترام للجميع اصلو البغو دا مغناطيس دائم
| |
|
|
|
|
|
|
|
|
|
Re: بـــــــَغُو(لعناية حبيب نورا واخرين) (Re: عبداللطيف حسن علي)
|
زمن منك يا جميل بالله أمرقنا شويه من متاهة الواقع
البغو ده يا فاروق وين للمريسه والعسليه
وبالمناسبة (فنتازيا) ده إسم ( صنف ) سيراميك إنتقطع الأيام دي والجماعة معذبين بيهو اخوك
لكن خايفك المرة الجاية لما تكتب موضوع زي ده ترسلو لـ حبيب نورا وآخرين في الخاص
| |
|
|
|
|
|
|
| |
فاروق عثمان
حافظ انقابو
حبيب نورة
عبداللطيف حسن علي
محمد علي شقدي
فيس بوك
تويتر
انستقرام
يوتيوب
بنتيريست