|
|
 عبيد في نظر الخليجيينّ! جعليين ، شايقية، بطاحين و شكرية
|
كلمة سوداني
تعني أسود
و أسود مرادفة لكلمة "عبد" بمعناها مسترق
خال
هم عبيد و ليسو من الموالي و الموالي هم العبيد غير السود
ورونا فهمكم.
خمسة عشر قرن من الاسلام لم تغير من نظرة العرب في آسيا او افريقيا
للسودانيين
أعرف أنك "عبيد" لكن أيش اسم ابوك؟
رد رجل شرطة سعودي لواحد سوداني اسمه مين كدا عبيد
طه جعفر
طه جعفر
|
|
  
|
|
|
|
|
|
|
 Re: عبيد في نظر الخليجيينّ! جعليين ، شايقية، بطاحين و شكرية (Re: طه جعفر)
|
Author: طه جعفر
الأخ كان في الخليج قبلاً فهل أسمعوهو كلمة طاها الدلاها ؟؟!
Quote: هم عبيد و ليسو من الموالي و الموالي هم العبيد غير السود
ورونا فهمكم. |
الفهم عندك وانت يدو ومكملوا دايــر برأي العبيــد شنو كمان يا طه مولى بني قابوس
ــــ
قلت لى الموالى هم شنو؟؟! وحالتك يا الشار قالوا مهنتك الكتاة والحجا والاهازيج...
غايتو اله غالب في حكمه ..
| |
|
|
|
|
|
|
|
|
 Re: عبيد في نظر الخليجيينّ! جعليين ، شايقية، بطاحين و شكرية (Re: HAIDER ALZAIN)
|
| Quote: قلت لى الموالى هم شنو؟؟! وحالتك يا الشار قالوا مهنتك الكتابة والحجا والاهازيج... |
يا ود الزين
بالله انت لو ما متابع حركة اديبنا الكبير دا
ما تجي تضايقنا ساي ... أديبنا الكبير الآن في كندا
وغادر السلطنة ليهو زمن ... دا شنو الما متابع دا
______
والله بالجد يا حيدر طه دا من ألذ الأعضاء هنا
من النادر جدا ألمح اسمو ككاتب بوست أو كآخر متداخل في بوستات الغير وما اقرا كتابتو
وما بخيب ظني أبدا دائما بلقى ما يضحكني في مداخلته او بوسته
بس اعمل حسابك مرات بكون عنيف جدا .. لكن لو قدرت اتجاوزت الحتة بتاعة العنف دي ما بتجيك عوجة
والعنف بتاعو ذاتو لذيذ أقصى حاجة بصفك بالضبانة ولمن يزعل اكتر بسويك ضبانة خضراء
انا غايتو حتى الآن ضبان بقر هههههههههه
| |
|
|
|
|
|
|
|
|
 Re: عبيد في نظر الخليجيينّ! جعليين ، شايقية، بطاحين و شكرية (Re: عبدالوهاب علي الحاج)
|
Quote: والعنف بتاعو ذاتو لذيذ أقصى حاجة بصفك بالضبانة ولمن يزعل اكتر بسويك ضبانة خضراء
انا غايتو حتى الآن ضبان بقر هههههههههه |
ــــــ
انت قايلني انا ما متابع الحركة الثقافيـة والا شنو يا عبد الرب ادريس ههههههه
بالعكس خاصة الأخ الكان مولى بني قابوس دا تابعت ليك حكحكته في الأديب الشاعر عصام الخواض
وشابكوا ليك نقد واستقراء واصتعلاج لمن النص استغلق عليكم انت ونوتة ومن لف لفكم وهو الوحيد الفكفك رموزه
ساعتها بالجد حنيت عليهو من الحكحكة الاتحكحكها في الاديب الخواض وشبكوا ليك الاديب والكاتب ومرة صديقي ومرة عزيزي وأخري ياود العم... أنا لو ماكنت معلن إضرابي من المنبر لتردي الحالة الثقافيــة في البورد ..كنت جيت وقلت ليهو يا مولى بني قابوس ارحم نفسك وبطل حكحكة في الاديب فالراجل طنشك وصهينك وبقول الخلايجة ( سفهك ) فاحفض ماء ويهك يا رجال وهادي نصيحة اقبلها مني وانا اخوك من عبـيــد بني جزعان القحطاني..
بس الحمد لله الخير باقي في امة محمد ووجدك يا الذئب جيت اتوسطت ليهو لدي الخواض فتنازل وحي اخونا الحجاى بكلمة الاديب طه جعفر .. فذهب متبسماً لدرجة انه في بوست آخر قد قال انه رأي المرحوم حميد في ذات ليلة القاء شعري يجلس على منصة ويلقي شعراً فعرف انه حميد.. ثم من يومها اصبح يقول صديقي حميد هكذا برفع الكلفة تخيل ؟؟!
غايتو اهو جات المناسبة يا عبد الوهاب عشان اشكرك وبفتش ليك من يومها وربنا جابك
العملتو اليوم داك في وساطتك مع الخواض للاخ طه جعفر فعلة ولاد اصول ليس موالى وعـبيــد
فشكراً لك بالإنابة عن كل المتابعين
دمت
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: HAIDER ALZAIN)
|
Quote: الأخ كان في الخليج قبلاً فهل أسمعوهو كلمة طاها الدلاها ؟؟!
Quote: هم عبيد و ليسو من الموالي و الموالي هم العبيد غير السود
ورونا فهمكم.
الفهم عندك وانت يدو ومكملوا دايــر برأي العبيــد شنو كمان يا طه مولى بني قابوس
ــــ
قلت لى الموالى هم شنو؟؟! وحالتك يا الشار قالوا مهنتك الكتاة والحجا والاهازيج...
غايتو اله غالب في حكمه .. |
يا بكري نوعية حيدر الزين مفروض تكون غير موجودة هنافي المنبر
يا حيدر
كلامك غير متزن و خارج عن موضوع البوست يا "عبد" علي الطريقة السعودية
و كلامك لن يغير من الواقع شيء
انت يا حيدر الزين عبد ابن عبد ابن أمة و أخ شقيق لاماء و مجموعة عبيد
و تنتمي لقبيلة من العبيد الانجاس المناكيدعلي حسب رأي المتنبي
علي حسب فهم اي لبناني او خليجي او تونسي او عراقي فانت مجرد "عبد"
انت يا حيدر الزين في تظر هؤلاء "عبد" و هذا الواقع المعجز لعقلك الصغير لن يغيره الاسلام و لم يغيره
و الله لو صليت مليون ركعة في الساعة فانت يا حيدر الزين عبارة عن "عبد" ابن أمة عند اي خليجي.
هذا النقاش عام يا حيدر يجب عليك ان تبتعد عن الشخصنة لانو ممكن اشتمك برضو يا من تشتمه فعائله و اقواله و افكاره. ما معني كلمة "حيدر" سؤال كدا ينشط عقلك الخامل دا موش شايف رقبتك عربي
لقيتا حارة
حيدر الزين بالله ورينا نسبك العربي عشان نكلم ليك ناس الخليج يطلعوك من اللستة دي.
طه جعفر
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: طه جعفر)
|
Quote: انت يا حيدر الزين عبد ابن عبد ابن أمة و أخ شقيق لاماء و مجموعة عبيد
و تنتمي لقبيلة من العبيد الانجاس المناكيدعلي حسب رأي المتنبي |
غايتو يا عبد اوهاب طلعت احسن منكم يا ضبابين اهو انا عبد احمد سيدي
ــــــــ
طه جعفر
نقاش شنو يا الكاتب الاريب ؟!
كدي اقرأ عنوانك فوق وباقي كلامك وتعال اتفاصح
انت يا ابني ما بتكتب وما بتعرف تقرأ والا ايه؟
هسع لو سمعت كلام وهبة في ضرورة القراءة مش كنت ريحتنا من كلامك الفتران دا
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: HAIDER ALZAIN)
|
الرئيس السوداني المتهم بجرائم الحرب و المتهم بالابادة الجماعية
عمر حسن احمد البشير ( الجعلي العوير)
يصف الحركة الشعبية بالحشرة الشعبية و هذا الكلام عنصري و محط لقدر الجنوبيين
لذلك احببنا ان نذكره و نذكر امثالهم بانهم " عبيد" و ابناء " عبيد" و اماتهم إماء و كذلك الشقيقات
و اخوانهم " عبيد" و قبائلهم ليست اكثر من قبائل سودانية "عبيد" عند معظم العرب هذا اذا ليس كلهم
فعمر البشير الجعلي العوير "عبد" في نظر اي سعودي او لبناني او سوري او جليجي آخر
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: طه جعفر)
|
الهزيمة الماحقة التي الحقها جيش كتشنر بجيوش الخليفة عبد الله
تولد عنها رد فعل نفسي عميق نتييجة لمرارة الهزيمة و عبر عن نفسه في الخطاب الشعري بالقصائد الفصحي
في بداية القرن الماضي حيث انتشرت فكرة ان يتحدث المتعلمون باللغة العربية و كان ذلك بحث عن هوية زائفة تحدث توازنا في نفسية مهزومة بجيوش بيضاء مسيحية
لا اجد مبررا في الوقت الحالي لهذه الدعاوي بالطهر العرقي و الديني
هل ادعي مسلموا الهند، باكستان ، اندونيسيا او الفلبين او الصومال انهم عرب؟؟
السودانيون افارقة بحكم المكان و الثقافة ويتكلمون اللغة العربية حالهم حال الامريكان ، الاستراليين و الجنوب افريقيين و جامايكا ما فيهم واحد بيقول انو انكليزي من انكلترا
استعلاء زائف و استعراب مذل
كيف تقبلون بالالتحاق بثقافة لا تري فيكم اكثر من عبيد و كمان تحاكوهم فياللبس و الاكل
و الله انتو مواهيم
اتكلموا عربي و اعتزوا بانكم سودانيون الي ان يتم تغيير اسم البلد الي اسم غير هذا الاسم الوصفي
الذي اطلقه عليك العرب و الرومان من قبلهم.
المواهيم من نوعية الطيب مصطفي شايفيين اي لبناني اقرب ليهم من نوبي او نوباوي بالله موش محن
طه جعفر
| |
|
|
|
|
|
|
|
|
 Re: عبيد في نظر الخليجيينّ! جعليين ، شايقية، بطاحين و شكرية (Re: طه جعفر)
|
والله الواحد ما لقي موضوع في البورد..
كدي النتونس بالأديب الأريب النحرير طه جعفر لمن نشوف عبد الرحيم وصحبه عملوا شنو؟
كتبت يا طه جعفر:
Quote: هم عبيد و ليسو من الموالي و الموالي هم العبيد غير السود
ورونا فهمكم. |
ورونا فهمك تُقرأ مع الأشخاص الوجهت ليهم سؤالك في عنوان البوست:
| Quote: عبيد في نظر الخليجيينّ! جعليين ، شايقية، بطاحين و شكرية |
أها جيناك وريناك فهمنا يا اللخو بتقعد تجوط وتحمبك وتنفخ جضومك مالك؟
ما ياهو سؤالك وردينا ليك عليهو واحترمنا في ردنا؟
والا كنت عاوزنا نسفلك كسفلة الشاعر اسامة الخواض لك؟!
الواحد يفتح عنوان بوست مشخصة لجهة عينة وشاتم وسابي وناعل سنسفيل جدود اي زول
اول من تجي تقول ليهو انتا ذاتك كنت عبــد ومولى لبني قابوس في سلطنتهم المجيدة مدّ الله في ايامها
يحنبك ويزعل ويقول ليك :
| Quote: هذا النقاش عام يا حيدر يجب عليك ان تبتعد عن الشخصنة |
شفتو كيف؟
نقاش عام حسب كلام الاديب
طيب يا الآري الذي تجري في عروقه النبيلة دماء ملكية محاورك شنو؟ ياها قصتك البايتة ونكتة البايخة دي
والا عندك محاور اخري متعلقة بالجعليين وانهم عبيد ؟
اقيف قبلك ما تلف هسع جايك راجع تاني اتابع
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: HAIDER ALZAIN)
|
Quote: لا اجد مبررا في الوقت الحالي لهذه الدعاوي بالطهر العرقي و الديني
هل ادعي مسلموا الهند، باكستان ، اندونيسيا او الفلبين او الصومال انهم عرب؟؟
السودانيون افارقة بحكم المكان و الثقافة ويتكلمون اللغة العربية حالهم حال الامريكان ، الاستراليين و الجنوب افريقيين و جامايكا ما فيهم واحد بيقول انو انكليزي من انكلترا |
اسود
بوركت اخي طه جعفر
الناس ديل ورموا فشافيشنا بانهم اولاد عرب اولاد عرب
ولما نشوف سحنتو بكون اسود سواد مبالغ فيه فقط يميزه عن غير نعومة الشعر احيانا
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: Zomrawi Alweli)
|
Quote: اسود
بوركت اخي طه جعفر
الناس ديل ورموا فشافيشنا بانهم اولاد عرب اولاد عرب
ولما نشوف سحنتو بكون اسود سواد مبالغ فيه فقط يميزه عن غير نعومة الشعر احيانا |
شكرا استاذ
Zomrawi Alweli
هو نوع من الهروب من الافريقانية للفرار من مواجهة العنصريون علي مستويات سياسية و ثقافية و فكرية
لذلك اختار ضعاف النفوس هوية مستعارة ليتوهموا الرفعة و العلو العرقي و الديني علي مواطنيهم
من قوميات السودان غير العربية. هذه الايهام يوفر نصرا زائفا علي بؤس الحياة. العنصريون السودانيون يستحقون الشفقة لانهم ضحايا لدعاية و فكر ملفوظ اختزلهم في لون بشرتهم وحط من قدرهم كبشر حتي تمسحهم بلبوس الدين او لسانهم العربي لم يمكنهم من تجاوز حاجز لون البشرة فهم سودانيون و السودان عكس البيضان و الادب العربي مليئ بالاسفاف العنصري علي شاكلة كلام الجاحظ فضل السودان علي البيضان او كلام ابن خلدون حول خفة عقل السود و انهماكهك في الفسق و الرذائل. المؤسف ان السودانيون المستعربون انهم يلحقون انفسهم باقوام لا يرون فيهم غير عبيد و انجاس مناكيد علي حسب كلام الشاعر العربي المتنبي
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: طه جعفر)
|
نواصل مع الاديب الاريب النحرير المؤدب طه جعفر
Quote: يا بكري نوعية حيدر الزين مفروض تكون غير موجودة هنافي المنبر
|
يا طه والله المنبر تقيل والتحميل بياخد زمن .. لكن ياريت يكرمنا واحد من الاخوة عبد الوهاب او اساسي بسلسلة فضائحك وشتائمك وضبابينك للأخوات هن الوصفتهم بكـلاـب وضبان واوصاف اعفّ عن ذكرها
لانها صراحة بتورى انك مش مفروض ماتكون هنا بالمنبر بل حتى إنداية فاتحة في حي سوهو ما تدخلها
لانه الزيك دا مفروض ما تدخل اي مكان مُحترم وانداية في سوهو او شندي فوق مكان مُحترم جداً مقارنة بيك وبالفاظك وسلوكك
بالله شوف محن الزمن طه ضبابين بيقول انه منو مفروض يكون هنا ومنو ما مفروض يكون هنا..
قادر الله في حكمه.!!!
Quote: انت يا حيدر الزين في تظر هؤلاء "عبد" و هذا الواقع المعجز لعقلك الصغير لن يغيره الاسلام و لم يغيره
و الله لو صليت مليون ركعة في الساعة فانت يا حيدر الزين عبارة عن "عبد" ابن أمة عند اي خليجي.
|
هسع يا ابو عقل كبيــر انت هل كنت تفتكر انه الاسلام بيجُب العبوديـة والا كيف ؟!
وهل في مسلم قبل كدة جاء قال ليك انه الاسلام او الدين والصلاة بتخلى الناس كلها ما عبيد
أمال عتق رقبة مؤمنة القالها (ربي ) في كتابه وعتقت ( أمثالنا ) ديل وخلتنا نتفوصح جات من وين؟
بالله شفوت المسخوت دا ؟؟ يعني انت يا اللو يا مولى بني قابوس مشيت كنجل كنجل لغاية مسقط وقعت صلاة وصيام وصدقة وربيت دقن وعملت فيها مسلم عشان تنعتق؟
دقست يا فارة والله الاسلام مافيهو كدة لو من يومك اقتنعت وكفرت كفرك والحدت الحادك كنت كسبت زمنك خاصة وانه عمان مفتوحة يعني كان مافي داعي تضاير قزازات الشري والبيرة .. تجغم جغوميتك وتجي تقولهم:
انا عبدٌ وليس العبد للضرب والطعن ولكن العبد للحرب والصرّ
وتاخد ليك تبسمة كدة وتضحك وتقول ليهم اين عبلة فالمولى طاها، الدلاها ، يهواها ..
وكربج كربج كربج .. تركب خيالك..تجر مرتبتك وتنوم في ضل الحيطة
ما تلف لسع جاييك في حتة بس تاني
| |
|
|
|
|
|
|
|
|
 Re: عبيد في نظر الخليجيينّ! جعليين ، شايقية، بطاحين و شكرية (Re: طه جعفر)
|
| Quote: يا بكري نوعية حيدر الزين مفروض تكون غير موجودة هنافي المنبر |
والله يا طه ضبان أتفق معاكـ تماماً في الحتة دي .
اولاً لأنو ما متابع حركتكـ الثقافية ولا عارف انت مقيم وين ؟
وثانياً لأنو بتاع مجازفات ... يعني أنا أقعد أقرا وأقدد عيوني بالقراية وأفتش في البيض وين لمن ألقى البيضة يجي يقول ليك "البيضة مشاع لكل حامل طوة" ناس حيدر ديل دايرين الجاهز بس ... اصلو الواحد فيهم ما داير يشغل مخو ولا يتعب رقبتو .. عليك الله يا ضبان كان ما طلعت ليهو البف الباف واديتو بخة خلي يغور من هنا .
| |
|
|
|
|
|
|
|
|
 Re: عبيد في نظر الخليجيينّ! جعليين ، شايقية، بطاحين و شكرية (Re: عبدالوهاب علي الحاج)
|
| Quote: عليك الله يا ضبان كان ما طلعت ليهو البف الباف واديتو بخة خلي يغور من هنا . |
كان ليـك والله .. تاني لو ركب ديباجة ( بييست كنترولر ) ما بغور..
بعدين يا مفترئ اكتر من انه اعرف انه عندو رواية بتاعت عرقي* كتبها في قعدة وجاملوهو في حتة الجائزة البتتوزع زي ختت الصندوق ديك اتابع ليهو شنو من حركتو الثقافية ؟
هو مدينا فرقة مع بف بافو وضبابينو دي؟؟
زول لسانو ارزل من حميدو الطباخ وفلقة اكتر من حسينة السلك عريان بتاعت زقاق وراء يتابعو ليهو شنو ويخلوا شنو
هسع الله يكرم افيدنا بالصورة المقتبسة لضرورة وجوده بالمنبر بشتائمه البيعف الكيبورد عن كتابتها وهو بالمناسبة وجوده ضروري هنا عشان الناس تعرف احترام الانثي لدعاةمناصرة المراة ممكن تصل وين.. خلى وجودك عندو فائدة يا وهبة يآخي بعد ما طفشت مني هباني هههههههههههههه ( غايتو بتاعت هباني اغفرها لي ياوهبة)
ــــــــ
* هي الرواية كان اسمها شنو بالمناسبة دي يمين بالله لي هسع ما عارف
| |
|
|
|
|
|
|
|
|
 Re: عبيد في نظر الخليجيينّ! جعليين ، شايقية، بطاحين و شكرية (Re: طه جعفر)
|
نواصل مع مولى بني قابوس الاديب الاريب ناصر السوداناوية طه بن جعفر السوداني
Quote: انت يا حيدر الزين عبد ابن عبد ابن أمة و أخ شقيق لاماء و مجموعة عبيد
و تنتمي لقبيلة من العبيد الانجاس المناكيدعلي حسب رأي المتنبي
علي حسب فهم اي لبناني او خليجي او تونسي او عراقي فانت مجرد "عبد" |
يا اديب شفتك فوق بتقول انه ..( اسود يعني عبد ) مشت شوية وفرزت قلت العبيــد هم العبيـد السود
أما العبيــد من غير السود فديل الموالي ؟؟!!
انا شخصياً استوقفتني ( ببوستك الحواري النقاشي العم دا ) الحتة دي
قلت الأخ الكاتب يعلم ما لا يعلم غيره في تفسير الموالى ومعناها فحبيت اتساءل قمت شفتك طوالى شبكتني انت عبد وود عبدك ومك عبدة واخواتك اماء واخوانك عبـيــد.. ( غايتو الليلة يا طه جعفر جننت الجذر التكعيبي والصرفي والنحوي واللغوي ل ع.ب.د) المهم
شوف انا لو كان في زول بيفهم حتة اللون الاسود دي بعينة فهمك دا ويلصق لأي اسود يقابلو ياعبد طوالي
صدقني ولا بزعل ولا بلوموا واقول ليهو آآآي آآآآآي انا عبد وتحت خدمتك.. البيزعلني شنو بالله مش دي حقيقة حسب فهمك يا طه جعفر ؟ وانت اديب كاتب فيلسوف متبحر؟
يعني انت هسع لو جيت قلت لي ياعبد وجيت قلت دا رأي المتنبي بزعل؟
ولو قلت دا راي خليجي او لبناني او عراقي بزعل؟
ابداً بتزعلني بس في حالة واحدة - وبتزعلني من نفسي بالمناسبة مش من الزول القالها لي - بزعل لو انا تصرفت تصرفات عبيــد بدناوة وحقارة واحتقار ذات وحسيت بنقص قدام الزول الامامي وقمت اتزليت ليهو
سواء كان لوني ابيض او اصفر او ازرق او اسود او احمر واتصرفت كدة فدي بتبقي هنا عبودية
وهو لو فهمها كدة واتصرف معاي بموجبها يبقي ياني العبد وانا جبتو لي نفسي
والظاهر انت قعدت في الخليج ودا كان سلوكك واحتقرت نفسك وحسيت بنقص وقلة قيمة وتدنيت للبنانيين والعراقيين والتونسيين لمن سمعوها ليك في اضانك وطقشت نفسك الدنيئة دي فاتعقدت وجيت جاري من هناك وخاتي في نفسك اي سوداني في الخليج بيسمعوها ليهو
لكن لا..!!
ابشرك يا طه جعفر السوداني انا لوني اسود من الفحمة لمن تحت الشمس مرات بيضرب على الون البنفسجي وفي الشتاء بكون خاتف من التركوازي حبة كدة لكن عمري ما اتدنيت ولا هنت نفسي ولا تضاءلت قدام زول تاني الا ابوي وفقط
عشان كة سمعتها
وقابلت كتير جداً من الاخوة السودانيين بالخليج فيهم البيض والصفر والسود السمر اصلوا ما صاحبت او قابلت سوداني وصفوهو او قالوا عنه كدة ومنهم بورداب ومنهم زوار .. دحين انت يا اللخو قالها ليك منو
وسويت شنو؟ وكنت بتتصرف كيف ؟؟ ومباري منو؟
الله يخيبك ذليت نفسك لي منو لمن بعت روحك واشتراها منك لبناني والا عراقي خلاك مهجس بقصة عبودية السودانيين دي كدة..؟؟!
يا وزارة الخارجية اطالبكم تاني البيمرق برة لازم يخضع لفحص اهليـة وعزة نفس عشان ما يسئ لسمعة السودانيين
يمكن اجي راجع الحكي كتير يا طه جعفر
لكن بسمح ليك في المسافة دي تاخد ليك لفة لفتين كدة
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: Balla Musa)
|
| Quote: ماهو اﻹسم الآخر الذى عرفت به بلاد العراق؟ |
في قوقل مافي.. هسسع الأديب الأيب يجيك جاري بتعريف من بلاد مابين انهرين.. آشور.. مملكة أكاد..أرض كنعان
وعيييك ،،،، لمن بشاشا يلبسو التوب
الله في
ــ
المهم يابة موسي يا كتورنا الله جابك
دايرك راس وفي موضوع* ايميلي [email protected]
ضروري بس بعاود ارجع بعد بكرة لاني من بكرة على سفر ( اخذت اذن تنقلي من - سيدي جازع القحطاني - وقال لي سك غنيماياتي معاك في الطريق ) بعد اشرف ديار بني مهلبة التميمي واتصل حا ارد ليك اذا خلت ايديىّ من ودك صفرة بنت المهلب الاوزعية لاننا ذاهبون باذن الله في عُرسها كُراس وعبيـد وموالى
* كنت عاوز اغلط وافتح بوست باسمك لكن قلت اتريث
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: HAIDER ALZAIN)
|
| Quote: انا لوني اسود من الفحمة لمن تحت الشمس مرات بيضرب على اللون البنفسجي وفي الشتاء بكون خاتف من التركوازي حبة كدة |
بالمناسبة ياحيدر
أنا قلت ليك انت خالي الذهن تماما عن اي معلومة عن الاديب دا
الاديب فوق لي انو كاتب وموسيقي وشنو شنو برضو كيميائي وبيفهم في الالوان فبدل الانشاء الكتيرة الكبيتها فوق دي
كان تقول ليهو انا عندي هيبر برمنجنات بوتاسيوم هو براهو بيفهم حالتك
وبقدر يتخيل الـ تلوين بتاعك دا حسب الكونسنتريشن والديكونسنتريشن بتاعك حسب كمية الموية البتشربها فالحفاظ على زمن الاديب مهم
صورة لبرمنجنات البوتسيوم مخففة بالماء في تدريج لوني بهي
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: عبدالوهاب علي الحاج)
|
Quote: كان تقول ليهو انا عندي هيبر برمنجنات بوتاسيوم هو براهو بيفهم حالتك
وبقدر يتخيل الـ تلوين بتاعك دا حسب الكونسنتريشن والديكونسنتريشن بتاعك حسب كمية الموية البتشربها فالحفاظ على زمن الاديب مهم
|
يعني انتا بتفهم احسن من الأديب الفلكي طه جعفر؟
هسسع يكون من كلامي دا ضرب حساباتو وعرف - انه تعامد الجدي مع العذراء حين تقاطع اورانوس - بيعطي نتيجة كونسنتريشينية
وتعامد السرطان مع التور مع فيحيطة الجدى في حين قبول العذراء للرومانسية وتأفف العقرب حايخلى الدلو حبلو قصير والديكونسنتريشن بتاعو كأقرب ما يكون لحافة البئر الواردها الجدي ودا بيعني تمدد ظل الميزان لعلاقات الأسد مع العذراء..
انا عارفو ما داقس يا وهبة؟؟
عشان كدة قلت احل نفسي ولو عصر على اكتر من كدة ممكن اوريهو جدنا كان لبيس الملك عبد العزيز بن سعود الؤسس رحمه الل
لكن قلت انتظر شوية لمن يفرز لينا باقى العبيـد
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: طه جعفر)
|
من الجوانب الايجابية للهجرة انها فتحت عيون الجعليين و الشايقية وامثالهم من القبايل
علي فكرة انهم "عبيد" في نظر العرب.
و عند الاوربيين السوداني عبارة عن افريقي ليس اكثر و الاوهام بتاعت العروبة دي ما مقسمة معاهم
المؤسف انه هنالك بعض ناقصي العقول امثال الطيب مصطفي الاهبل و الرئيس الجعلي العوير دا
لسع الدرس ما وقع ليهم.
مزيدا من الهجرة سيجلب مزيدا من الوعي بفداحة الخطاب العنصري المستبطن منه و المعلن
لقد ظل ادعياء العروبة في خمرة اوهامهم يستعلون علي اخوتهم من السودانيين الي ان وقع الفاس في الراس.
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: Bashasha)
|
عيييييييييييييك
بشاشا وصل
دحين براحة عليهو اللخو اول ملف بيقول كسحت قبال تعرف منه صرف لا عدل
غادي ولا صاعد !!
ـــ
بشاشا سؤال بالله ارجو انك تجابو بكل صراحة لفائدة اخونا الكاتب الأديب طه جعفر - يمكن يستفيد منه في رواية او كتاب قادم -
ودا سؤال مهم جداً لفائدة البحث :عبيــدكم في زربتكم في الشماليــة كانوا ( موالي والا عبيد ساي ) ؟؟
ولونهم كان شنو؟
اسود والا غيرو!!
عشان تفك يا بشاشا ( وبصفتك خبرة وكدة في الحاجات دي ) الإرتباط هل الموالي كلهم بيض والا كان عندكم موالي سود
ــــــــ
مرحب بيك بشاشا وحلو القول من خشم سيدو يا طه جعفر واهو جاك واحد من اسيادنا و ( نخاسيننا )
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: Bashasha)
|
Quote: سلام ياطه،
هبشت في ناس جعلي "حر" عرق، حي!
عشان كده قبلو عليك!
الكديس لما تحشرو في زاوية ضيقة، بيعمل كده!
العمر ده كلو ناس حيدر الزين، احفاد مولي العباس، مش العباس، عاملين فيها عرب، طالعين فوق رقاب الناس زي ما قال ديمابور، واذا بهم حتة "فروخ" بدورم في عيون اسيادم، المواهيم، كارهي ذواتم!
|
و قسما بنهر النيل
يا بشاشا انا ما كنت قايل الوسواس القهري بتاع المستعربين ديل
حصل مراحل بعيدة
لكن يبدو انها اعراض جرب هجليج علي وزن اعراض حرب الخليج
نحنا قلنا الناس ديل مرقوا من السودان شوي يشموا العافية
لكن يبدو ان الواسواس القهري العروبي المستفحل اعماهم و منعهم من أن يكتشفوا انهم عبيد زيهم وزي باقي السودانيين و ننتهي من الحكاية بتاعت
نحنا اولا بلد نقعد نقوم علي كيفنا دي
طبع زمان كانت نحنا اولا عرب
فصارو كالبهائم العجماء كما وصفهم القرآن
علي حسب الاية " لسان الذي يلحدون اليه أعجمي" هسي ما عارف الاية دي مع مسلمي الفلبين ديل كيف
انا غايتو يا بشاشا
من جانبي بقول انو الاية لا تقصد الاعاجم ( بمعني غير العرب) لكن المعني مستبطن علي حسب النص المقدس
و ربما تقصد شيء آخر لا عارفو و لا عاوز اعرفوا حتي
لكن جماعتك ديل ما كفاهم الاسلام بس، قصة عرب دايرين بيها شنو؟
بركة النيل و الهته المقدسة تفكنا من الاوهام
هسي بالله الشايقي عربي و اللبناني عربي
و لا فقط الاتنين بتكلموا نفس اللغة؟؟
ما كفاية اللغة؟ اللغة لانو الثقافة ذاتها مختلفة
قصة جدنا العباس بالغوا فيها
انا غايتو جدي افريقي و شايقي فهل هذا يعني انو السيد العباس عم النبي (ص) جدي انا الشايقي دا افريقي
ابن سوداء زيو زي سيدنا بلال الحبشي ( الحبشة هي السمرة الكدرة زي حقتنا دي) يعني اسود و دشن
جنس لخبطة
دا عقل و لا كمونية
طه جعفر
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: ABUHUSSEIN)
|
| Quote: عبيد في نظر الخليجيينّ! جعليين ، شايقية، بطاحين و شكرية |
الأخ طه ... سلامات ...
بداية قد مللنا هذه الأسطوانة المشروخة والتى لاجديد فيها غير محاولة لفت الإنتباه .
ولكن دعنى أوضح لك شيئا :
أنا قد عملت وقتا مقدرا فى إحدى دول الخليج ..
لقد كان السودانيون دوما محل كل الإحترام والتقدير فى كل دول الخليج - وما يزالون -
وبجانب علاقات العمل تداخلنا معهم إجتماعيا ودعينا الى بيوتهم ومناسباتهم الإجتماعية وكنا نجد
كل الترحيب و الإمتنان وطيب المعشر والمعاملة ...
والى الآن وبعد أكثر من عشرة سنوات من المغادرة لا تزال بعض العلاقات مستمرة ...
ولم يحدث على الإطلاق أن تعرض لى أحد بما يمس كرامتى - وإن حدث فإن فى كل المجتمعات هناك
العنصريين و الجهلاء وذوى الأفق المحدود ... وأن تصرف أحدهم بما لا يليق فذلك ينتقص منه هو وليس منى ..
ولا أحس أبدا بأننى أقل من أى أحد بتاتا ... ولا يهمنى ولا يشغل بالى كيف يفكر بعض الناس أو كيف ينظر الىّ ...
ونصيحة لوجه الله - ولعلنى أكبر منك عمرا -
جوّد عملك ... واحترم نفسك ... وإحترم الآخرين ... وعامل الناس بخلق حسن ... وقلب وعقل مفتوحين ..
وكن صاحب مروءة ..تصبح سيدا ويحترمك الناس ويتشرفون بك ويفخرون بمعرفتك ..
والعزة والكرامة شىء ينبع من الداخل ولا يستجدى من الآخرين ... ولك تحياتى
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: أمير عثمان)
|
Quote: ونصيحة لوجه الله - ولعلنى أكبر منك عمرا -
جوّد عملك ... واحترم نفسك ... وإحترم الآخرين ... وعامل الناس بخلق حسن ... وقلب وعقل مفتوحين ..
وكن صاحب مروءة ..تصبح سيدا ويحترمك الناس ويتشرفون بك ويفخرون بمعرفتك ..
والعزة والكرامة شىء ينبع من الداخل ولا يستجدى من الآخرين ... ولك تحياتى |
الاستاذ امير عثمان
لقد كنت في مسقط و عملت فيها لمدة احد عشر عام ثم استقلت من العمل لاعود الي السودان و اعمل في مدرسة الاتحاد العليا في شارع القصر. بمسقط كنت اعمل في مدرسة مسقط الدولية و يمكنك ان تبحث عن هذه المدارس في الانترنت و تعرف عنها. كنت مدرسا للعلوم ، الكيمياء، الفيزياء لممتحني الشهادة الدولية
IGCSE . و يمكنك ان تسأل عني في مسقط لتعرف أي الرجال نحن! فلست من الكائنات التي تتحدد ملامحها هنا في منبر سودانيزاونلاين. هنا امارس السياسة و قليل جدا من الثقافة و بعض الاجتماعيات المحدودة باختياري.
كونك مميز في العمل او مميز جدا في اخلاقك هذا لن يغير في واقع العنصرية شيء. لان العنصرية كممارسة فعل موضوعي و ليس ذاتي. اي ان السوداني يتعرض للتمييز علي اساس اللون حتي في العمل. مثلا في موضوع الاجور في معظم الخليج لنفس المهنة و نفس المهام تكون المرتبات غير متساوية و اليك الترتيب السائد في عمان. من الاعلي للادني
الانسان الابيض و الاسود اذا توفرت المؤهلات ( امريكا، استراليا، كندا، بريطانيا)
ثم مواطني جنوب افريقيا
ثم اللبنانيون
ثم الفلسطينيون بجوازات اردنية( هذه سياسة لتخفيف الضغط علي اسرائيل)
ثم المصريون، توانسة ، مغاربةالخ
ثم السودانيون
ثم الاسيويون
هذا الترتيب نافذ و ساري المفعول الي الان و يمكنك ان تسأل اي واحد في الخليج عن هذا التمييز
اجتماعيا لقد عملت مع الاسرة المالكة في سلطنة عمان و انا معروف لديهم خاصة الشركاء بمدرسة مسقط الخاصة سابقا و الدولية حاليا و اقصد نفر كريم من الاسرة المالكة و لقد دخلت بيوتهم و زاروا بيتي ايضا و كانت بيني و بينهم علاقات ملؤها الاحترام المتبادل و التقدير
لم اكن اتعامل مع عوام الخليجيين كنت اتعامل مع الصفوة بينهم الوزراءو كبار رجال الاعمال و المتعلمون . هذا امر معروف لدي معظم مغتربي مسقط و يمكنك ان تسأل
لكنني في هذا البوست اتكلم عن عقلية سائدة علي المستوي الشعبي لا تخطئها الا عين من لم يرد مواجهة الحقيقة. يتعرض السودانيون في الخليج لتمييز عنصري و اهانات و مناداة من الاسوي و الما يسوي
يا زووول .............يا زوول و يا سوداني. و يتم استقبالهم بالضحكات الساخرة في المحال التجارية و تنتشر في الانترنت العديد من النكات الحاطة من قدر السودانيين التي يضحك فيها الخليجون حتي يتدفق الارز الاسيوي من اشداقهم المنتنة.
واقع التمييز ضد السودانيين في الخليج يعرفه الجميع و يتأذي منه التلاميذ بصورة مفجعة.
و السائد بين المغتربين هو عدم الرغبة في معالجة هذا الامر و لقد حاولته مع النادي الاجتماعي للجالية السودانية في مسقط فقط لتعليم الطلاب كيف يدرؤون مترتبات التمييز العنصري الواقع عليهم. مثل هذه المعالجات لم تجد التشجيع و اجمالا لم يرغب فيها الناس لحاجة في النفوس كنت اعرفها. لان الامور عندما تأتي للابناء يتحسس منها الجميع.
اخترت هذا العنوان الصادم بهدف هز القناعات الراسخة و استفزاز العقول للاتيان بالافكار لكنها السياسة و سوء التثقيف هو ما تجده هنا في منبر سودانيزاونلاين الذي اصبح يرتاده جمهرة من ناقصي العقول و عندك في هذه البوست امثلة حية و اذا أردتاسماء سأعطيك و ستطول القائمة حتي تخجل منكم المنابر الاسفيرية
كلامك كلو جمييل يا ستاذ أمير عثمان لكنه لن ينفي واقع العنصرية في الخليج
سعيد جدا بمناقشتك يا استاذ أمير عثمان و متشرف بك كأخ اكبر
اخوك
طه جعفر الخليفة طه
خريج كلية العلوم جامعة الخرطوم
العضو باتحاد الكتاب السودانيين
ككاتب روائي
عملت مدرسا في المدارس التالية
الخرطوم القديمة الثانويةبنين
مدرسة الراهبات الكاثوليك بالخرطوم
كلية ابن سينا التحضيرية
القضارف الجديدة الثانوية بنين
مدرسة مسقط الدولية
مدرسة الاتحاد العليا بالخرطوم
و ارتب احوالي لاعمل مدرسا هنا في تورنتو في كندا و سيكون
هذا التعريف مهم ربما لمعظم من يزورون البوست
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: ABUHUSSEIN)
|
مصداقا لكلام اخونا بشاشا
خلال اليومين الفاتو فتحت بوستين
واحد عن الصلة بين كلمتي هللا و هللة و اسم الجلالة ( الله)
و بوست غن المغالطة الفكرية التي يعيشها من يعتبرون هتلر مجرما
و يجدون في الهر عمر حسن احمدالبشير ( الهر كقولك مستر بالانكليزية لمن فاتته المعلومة)
الرئيس السوداني المتهم من قبل محكمة الجنايات الدولية بجرائم الحرب و الابادة
يجدون فيه مدافعا عن الوطن و هو ليس اكثر من لص فاسد لا مروءة له.
لم تقم المجموعة التي ملأت البوست بالاسفاف بالاقتراب حتي من تلك البوستات
لكن يبدو ان هذا البوست قد ذكرهم باوضاعهم المتناقضة التي يعيشونها كعرب غير معترف بعروبتهم
وسط اخوتهم من عرب اسيا و ارفريقيا و يعود ذلك لسواد بشرتهم
بالسمرة الكدرة و هي الحبشة بضم الحاء و تسكين الباء و فتح السين
و هذه السمرة الكدرة و الكدرة معناها غير الرائقة او الصافية
وصف بها العرب السيد بلال الحبشي مؤذن الرسول محمد ( ص)
وجود سيدنا بلال تاريخيا و وصفه بتلك الالفاظ التي كرهها الرسول ( ص) و هي لفظة
يابن السوداء و العياذ بالله
يطرح مغالطة تاريخية حةول الدعاوي بالانتساب للسيد العباس عم الرسول محمد (ص)
المهم الحقيقة الاجتماعية المرة بالنسبة لامثالهم انهم حتي و لو صلوا مليون ركعة في الحرم
و مليون أخري في الروضة الشريفة و قرضوا الشعر الجاهلي و تكلموا باللسان العربي الفصيح المبين
الموش زي اللسان الاعجمي الخمجان
فهم عند الغالبية العظمي من العرب ليسو اكثر من "عبيد" لأنهم سود او سودان
طه جعفر
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: طه جعفر)
|
و أنا ذاتي جيت !!
الطريفي سابقا ( سابقا ) اللي هي معناها حاليا ... يعني من يوم الليلة إنت اسمك (حاليا) و لمن أكون مبسوط منك بقول ليك حاليا يا عبد السوء !!
------------------
و يا بشاشا ... إنت حاليا ده ما بتعرفو و ما قابلتو ... أنا مما شفتو قلت الزول ده في السعودية قطع شك بكون مصنف من عبيد بني اميه ... و اديك سر : قادين ليه أضانو و معلقين ليه فيها بتاعة بتاعت قصدير كده و فيها رقم ...
مارق لي مشوار الله يكسركم ما تمشو تنومو ... دير أجي أتم ليكم الوصف بتاع حاليا ده !!
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: أمين محمد سليمان)
|
في احد مناطق المملكةالسعودية حينما كنت اعمل هناك كان معنا استاذ رياضايات من سنار ابى كثير استغراب عندما عرف بان اهل تلك المنطقة يسمون الكمون ( الحبة السمراء) وكان ذلك بالنسبة له مفاجـاة كبيرة اذ انه كان يعتقد بان اللون الاسمر ابيض شوية من اللون الاسود ، تلك الصدمة يعيد تفكيره في هويته مقارنة بنظرة الاعراب له والتي لم تتغير من كونه ( سوداني اسمر ) .
التحية لطه جعفر والاستاذ امين محمد سليمان نحو بوست هادف لو ربنا اراد.
مودتي للجميع
اسامة
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: Osama Mohammed)
|
Quote: في احد مناطق المملكةالسعودية حينما كنت اعمل هناك كان معنا استاذ رياضايات من سنار ابى كثير استغراب عندما عرف بان اهل تلك المنطقة يسمون الكمون ( الحبة السمراء) وكان ذلك بالنسبة له مفاجـاة كبيرة اذ انه كان يعتقد بان اللون الاسمر ابيض شوية من اللون الاسود ، تلك الصدمة يعيد تفكيره في هويته مقارنة بنظرة الاعراب له والتي لم تتغير من كونه ( سوداني اسمر ) .
التحية لطه جعفر والاستاذ امين محمد سليمان نحو بوست هادف لو ربنا اراد.
مودتي للجميع
اسامة |
شكرا جزيلا علي مثال الحبة السمراء، شوارعية مصر ينادون الفتاة السودانية في الطريق بلفظة
بدنقانة و تعني حبة الباذنجان
و يقولون السمار نص الجمال
و البياض الجمال كلو
استاذ Osama Mohammed
انت و الاساتذة
بشاشا
امين محمد سليمان و كثيرون غيرنا
لا نصنع بوست هادف فقط بل يمكننا ان نبني الوطن الذي هدم اركانه
غول الاسلامي السياسي و جمهرة الجهلاء من حول خطابهم الفاسد
فلنفعل البوست جدي اكثر مما يتخيل مما يتخيل امثال عبد الوهاب علي الحاج
او حيدر الزين او من يضحكون معهم باحسان
لكن عندي منك طلب
احصر مودتك فقط فيمن يستحقونها
طه جعفر
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: ABUHUSSEIN)
|
نفسي اعرف حاجة واحدة بس منو القال انو نظرة الخليجيين ولا غيرهم هي الاساس في في تعريف السوداني لنفسو؟
منو الادا الخليجيين الحق الحصري في اعطاء صكوك العروبة ونقاءها العرقي او خلافه او تقسيم الناس
لا اعتقد ان هناك سودانيين كثيرين يهمهم راي الخليجيين فيهم
والقليلين البهمهم راي الخلجييين في هويتهم ما عندهم موضوع
لسبب بسيط لانو الهوية ما بحددها الاخرون
لو بحددها الاخرون كان هتلر بقى نبى اخر الزمان لانو اتى بالقول الفصل و طبقو و حارب من اجلو و قتل عشرات الملايين من اجل تصنيفه
___________
دا مجرد راي و تحياتي للجميع
ولو سمحتو خلو الداير يبقى عربي يبقى و الداير يبقى زنجي ولا فارسي ولا تركي ولا صيني ولا اوربي يبقا
بس احفظو حقوق الاخر
واوقفو جلد الذات
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: Nazik Eltayeb)
|
Quote: نفسي اعرف حاجة واحدة بس منو القال انو نظرة الخليجيين ولا غيرهم هي الاساس في في تعريف السوداني لنفسو؟
منو الادا الخليجيين الحق الحصري في اعطاء صكوك العروبة ونقاءها العرقي او خلافه او تقسيم الناس
لا اعتقد ان هناك سودانيين كثيرين يهمهم راي الخليجيين فيهم
والقليلين البهمهم راي الخلجييين في هويتهم ما عندهم موضوع
لسبب بسيط لانو الهوية ما بحددها الاخرون
لو بحددها الاخرون كان هتلر بقى نبى اخر الزمان لانو اتى بالقول الفصل و طبقو و حارب من اجلو و قتل عشرات الملايين من اجل تصنيفه
|
الاستاذة نازك الطيب
شكرا علي التعليق
و ابداء الرأي الذي يجد عنديكثير الاحترام
الغريب في امر السودانيون انهم سود عموما و يزعمون انهم عرب لانهم يتكلمون العربية و بالعالم امثلة كثيرة لشعوب تستخدم لغات غير لغاتها و لا تدعي النسبة للبلد الام التي جاءت منه تلك اللغة هذا باختصار لان اللغات الاصلية تموت امام سطوة لغة غازية. الاستراليون، النيوزلنديون، الجنوب افريقيون، الامريكان و الجامايكيون. لم يزعم احد هؤلاء انهم انكليز من انجلترا. حتي الايرلنديون لهم لغة اسمها "الغيلك" لكنهم يستخدمون الانكليزية و لا يزعمون انهم انكليز. ادعاء العروبة في السودان و ادعاء النسب لبيت النبي (ص) و ادعاء الانتساب لبيوتات العرب و قبائلهم كان مبررا ابان الفونج لاسترقاق المسلمين من اهل هوامش ممكلة سنار من قبل حكام المملكة و تجارهااستخدم هذه الزريعة كان فقط من اجل تبرير قنص المسلمين من غير العرب كرقيق.
معلوم لدي ان الهوية دينامية و جدلية و لا يحددها طرف واحد. لكن في الحالة السودانية لعب الدين و العرق و اللغة ادوارا مدمرة في تاريخنا السياسي. لذلك وجب التذكير لعموم الشايقية و الجعلية و البجا و البطاحين و الشكرية و امثالهم انهم عبارة عن "عبيد " في نظر العرب الخليجيين و العرب الاخرين. كدليل علي عنصرية العربضد السودانيين تقف عبارات نانسي عجرم و راغب علامة علي الهواء و في التلفزيون كامثلة علي تلك العقلية. و لقد قالت نانسي عجرم في تعليقها علي نساء دارفور انهن لا يشبهن النساء حتي.
لماذا يدعي السودانيون العروبة و عندهم من الهويات ماهو اقدم من العرب انفسهم و هي مدعاة لالف شرف و شرف و عندهم من الديانات ما هو اقدم من الديانات السماوية جمعاء لا بل لقد اعتاشت الديانات السماوية علي رصيدنا من اللاهوت و الايمان و هذا امر مثبت و لا مراء فيه تدل عليه الاثار و الحجارة.
لا يهمنا ما يعتقده الخليجون او العرب ما يهمنا هو كيف نفكر حول انفسنها.
فهل عرب السودان فعلا عرب ام متكلمون للعربية و يدينون بالاسلام؟ هذا هو السؤال
لهذه المغالطة الفكرية الكثير من الاسقاطات التي يجب علينا تناولها بالنقد و التقييم
طه جعفر
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: أمين محمد سليمان)
|
غايتو الشئ المريحني يا امين انه بشاشا- الوحيد بالمنبر - مصنفني افضل منك
ووعيي بحقيقة كوني عبد سوء اسود كبير مقارنة بحالك الانت داسيهو
الحتة دي مريحاني شديد انه القى زول ساي - ساي شنو لا والله زول إله ورسول وبريسنت وكمان مالك زريـبة في عبـيــد وموالى وإماء وخدم يعني عارف نفسيات العبيــد البيتزاوغو زيك ديل - اها القى زيه يديني افضلية عليك .. فبصاحبه واقيف بجنابه
ويا بشاشا شوف ان جيت ترش لينا البروف نوتة دا .. انا حا اقيف معاكـ جداً بس بالله ركز ليهو في حتة اصله وعبوديته دي واني افضل من رغم لوني الكالح السواد دا واضاني المقدودة قدر ما تكتر منها انا بجي هنا ارش معاكـ وبتكون حققت الكتير ..
ـــــ
طه جعفر والله لكن سيرتك الذاتية شحمانة قلت لي وهبة حافظك حفظ وعارفك كيميائي يعني ان شاء الله فهمت بس حتة لوني البنفسجي كويس :)
غيتو اثبت منها حاجة واحدة بس انك فعلاً كنت مولى لبني قابوس ولم اتجن عليك شكلهم الناس ديل غسلوك حوش المدرسة لمن زعلان من اهل الخليج اقدر كدة
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: طلحة عبدالله)
|
سلام يا طه و لعلك بخير ...
و شكرا علي التطرق لهذا الموضوع الهام و إن كنت اختلف معاك في الطرح ...
خليني أجمل ليك اختلافي معاك في شكل نقط عشان نسهل النقاش فيها :
- تحديد قبائل معينة في العنوان فيهو تنميط للقبائل دي ... أعلم تماما إنو ده ما غرضك و لا قصدك لكن التنميط الزي ده بساعد علي خلق وعي جمعي زائف يوحي بعنصرية هذه القبائل ... بمعني انتو يا الاكتر عنصرية ... بعنصريتكم دي العرب شايفنكم عبيد ساي !!
و اضرب ليك مثل عن كيف الكلام الزي ده بساعد علي تنميط قبائل بعينها و وصفها بالعنصرية... هسي كل ما عنصري من مدعي التهميش يحاول ينفخ في كير العنصرية أول حاجة يقول ليك الجعليين و الشوايقة و كانما العنصرية اقتصرت علي هاتين القبيلتين ... القصة دي نتجت من التنميط المتكرر لهذه القبائل حتي سلم الناس بها كحقيقة مثبته .
- الفهمتو إنو البوست بيناقش حاجتين :
واحد : نظرة العرب لينا نظرة دونية ( عبيد و كده ) ...
اتنين : إدعاء بعض السودانيين انهم من أصول عربية ...
- بالنسبة للنظرة الدونيه : who cares يا طه ؟! المشكلة شنو لو في زول لا يهمك في شئ ناظر ليك نظرة دونية طالما لازم أدبو و لم يتعد عليك ؟! و خليك من العرب ... الرجل الأبيض الأنا شغال معاه ده قد يكون شايفني عبد بن عبد بن امه ناصيتي بيده ... لكن طالما بعاملني باحترام و لا يغمطني حقي الذي كفله لي القانون.. مشكلتي شنو معاه تاني ؟ ... بالعكس ... كونو اشغل نفسي بنظرتو لي دي أنا بعتبرها دونية ...
- بالنسبة لإدعاء بعض السودانيين انهم من أصول عربية ... فالمشكلة شنو ؟ كونو في قبائل و أفراد عرب جو السودان لنشر الأسلام و تزاوجو مع السكان المحليين فدي معلومة مثبته تاريخيا و منطقيا ... تبقي المشكلة ما في الأنتماء أو إدعاء الأنتماء للعرب أو غيرهم من الجهات ... المشكلة لمن زول أو جهة تعتقد انها عندها حظوة نتيجة انتمائها لجهة ما ... و دي مسالة محتاجة وعي و قوانين تكفل معاملة الناس سواسية دون النظر لقبايلها أو خلفياتها الأثنية ...و لو إنت شايف إنو مافي سوداني أو قبيلة سودانية من أصول عربية فده ببقي تشكيك في نسب الناس و إستعلاء عليها أربأ بك منه ..
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: أمين محمد سليمان)
|
- البلد يا طه فيها عنصرية لا تخفي علي أحد و الكلام ده ما في السودان بس ... في العالم كلو... و خليني أحكي ليك الحكويه دي : في التسعينات لمن جيت أمريكا ... كان معاي زميل في الجامعه أمريكي من أصل بولندي ... يوم في الأخبار سمع عن الحرب في السودان و جاء تاني يوم زرزرني عنها ... حكيت ليه إنو سبب الحرب الرئيسي إنو الجنوبيين مظلومين و بيعاملو علي انهم مواطنين درجة الف و إنو بلدنا فيها عنصرية أججت من نيران الحرب و ساعدت علي إستمرارها ... فوجئت جدا لمن بقي يحكي لي عن العنصرية في بولندا و انها لا تقتصر علي السود و الأجانب بل تتعداه الي داخل البولنديين أنفسهم ... و تكاد لا تخلو بلد من العنصرية ... يبقي المحك في تطبيق القوانيين سواسية علي الجميع غض النظر عن عرقهم و دينهم و جهتهم .... في تعامل الدولة مع مواطنيها... و في خلق سياسات لا تفرق بينهم لاسباب عنصرية أو جهوية ... في توزيع عادل للسلطة و الثرورة ... ده الطريق الوحيد لانو الناس تعيش مع بعض في سلام ... عشان كده طريقة معالجتك للموضوع ده و مفهوم ( انتو عاملين فيها عرب و العرب شايفنكم عبيد ) غير إنو ما بخدم قضية ... ما بخلي في أرضية صالحة و جادة لمناقشة الموضوع و الوصول لحلول حقيقية ...
- المسالة التانية يا طه ... هل العنصرية في السودان مرتبطة فقط بالقبائل العربية ؟ أنا من قبيلة ما فيها قطرة دم عربية واحدة ... هل ده بيعني انو عنصريتنا أقل فقط لاننا ما عرب ؟
- الأنقاذ تمثل أكبر تجلي لفشل الساسة السودانيين و أسوأ نظام حكم عرفته البلاد و هي من اوردتنا المهالك ... هل كان تكوينها عنصري ؟ هل الأنقاذ عبارة عن تحالف القبائل العربية لنفش البلد ؟ ما الأنقاذ مليانه من راسها لساسها بكل الأثنيات السودانية و كلهم شاركو في الدمار الطال البلد ..
- الأوردنا المهالك و قسم البلد و بسببو مات الملايين في السودان الشقيق هو تفاهة الساسة و الفشل اللي لازم النخبة السودانية من ميلاد البلاد حتي يوم الناس هذا ... العنصرية استخدمت كاداة لكنها لم تكن السبب فيما نحن فيه ... علي الأقل حتي الأن ....
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: أمين محمد سليمان)
|
Quote: العمر ده كلو ناس حيدر الزين، احفاد مولي العباس، مش العباس، عاملين فيها عرب، طالعين فوق رقاب الناس زي ما قال ديمابور، واذا بهم حتة "فروخ" بدورم في عيون اسيادم، المواهيم، كارهي ذواتم!
|
تصدق يا كمال ... حاليا ده ليه قريب السنتين ما لبس بنطلون و قميص ... بلبس الجلاليب السعودية العندها لياقة ديك و معاها عقال ... و عمل ليه خيمة في كنور بنزل فيها لمن يجي السودان ... الغريبه.. القصديرة الفيها الرقم لليلة معلقة في أضانو !!
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: أمين محمد سليمان)
|
Quote: يبقي المحك في تطبيق القوانيين سواسية علي الجميع غض النظر عن عرقهم و دينهم و جهتهم .... في تعامل الدولة مع مواطنيها... و في خلق سياسات لا تفرق بينهم لاسباب عنصرية أو جهوية ... في توزيع عادل للسلطة و الثرورة ... ده الطريق الوحيد لانو الناس تعيش مع بعض في سلام ... عشان كده طريقة معالجتك للموضوع ده و مفهوم ( انتو عاملين فيها عرب و العرب شايفنكم عبيد ) غير إنو ما بخدم قضية ... ما بخلي في أرضية صالحة و جادة لمناقشة الموضوع و الوصول لحلول حقيقية ...
|
الاستاذ
أمين
البنية القانونية التي تتكلم عنها لا يمكن توافرها الا في ظل نظام علماني و ديمقراطي حر و هذا افق نحن عنه بعيدون كما تعلم.لكنني اتفق معك حول ان الحل في سيادة القانون في ظل الدولة العلمانية بديمقراطيتها الحرة و تنميتها المتوازنة التي لن تبقي هامشا
و اختلف معك حول لا جدوي مثل هذا البوست
الهدف من البوست هو فتح دروب العقل مشرعة تجاه الفكر الجديد الفكرة الاساسية ببساطة هي " كما تزعمون حو انفسكم الاباطيل يا عرب السودان من طهر عرق و نسب و استعلاء بالايمان فانتم ايضا عند الاخرين "عبيد" من وجهة نظر عنصرية أخري في جغرافيا و تاريخ غير جغرافيا و تاريخ السودان لكنها بالجوار الثقافي القريب. كما يروي في النكتة المشهورة بين الاكاديميين ( جنوبي و شمالي) ابتعثا الي الغرب بريطانيا او امريكاربما من جامعة الخرطوم و في مشوارهم باتجاه الجامعة بالغرب قال الجنوبي لزميله الشمالي now we are equal we both are blacks هنا في الغرب.
المقصود من البوست ان من يمارسون الاستعلاء العرقي و الديني في السودان هم نفسهم يروحون ضحايا استعلاء عرقي آخر عسي ان يدركوا ما فاتهم من درس.
و لقد اود الدكتور فرانسيس دينق مثل هذه الفكرة في كتابه عن الهوية و التنمية في السودان
طه جعفر
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: أمين محمد سليمان)
|
الاستاذ امين محمد سليمان شكرا علي طرح هذه النقاط المهمة
اولا اتقف معك حول مثالب التنميط ( العنوان بمنطق ذكر البعض و اراد الكل)
ثانيا بالنسبة للنظرة الدونية عند عرب الخليج و غيرهم من عرب الجامعة العربية اختلف معك بالعكس I do care لان توجيه هذه النظرة لعرب السودان اجمع مهم جدا حتي يحسوا بمرارة الشعور الممض الذي فرضته ثقافتهم و سلطتهم في السودان علي اخوتهم من غيرالعرب لابل انني اعتقد لولا هذه الهجرة و قليل الوعي الذي سهر علي ايقاد جذوته المستنيرون لما حصل هذا الرفض العميق عند المتعلمينالسودانيين للعنصرية و سوءاتها.
ثالثا الادعاء غير المسنود بالادلة بالاصل العربي و النسبة للسيد العباس هو ادعاء و كان لهذا الادعاء خلال دولة الفونج هدفا سياسيا عليحسب ما اورد الدكتور يوسف فضل في كتابه المهم ( تاريخ ممالك السودان الشرقي الاسلامية) أصل هذا الادعاء ان الحكام و التجار و رجال الدين اطلقوا تلك الدعاوي لتبرير قنص الرقيق من المسلمين في جبال النوبا ( مملكة تقلي) و اطراف مملكة المسبعات بدعوي انهم ليسو من الاشراف او من اهل الاصول العربية. ربما في مساهمة لاحقة سأدلك علي الصفحات في هذا الكتاب المهم و الطبعة و خلافة. اختلافي مع هذه الدعاوي الجوفاء بالنسب للبيت النبوي و للسيد العباس و غيرهم من القبائل العربية كان فعلا ثقافيا لخدمة هدف سياسي للحصول علي منفعة اقتصادية محددة. و هي حملات قنص الرقيق و الاتجار في البشر. لذلك لا مانع عنديمن ان يقول احدهم عن نفسه ما يريد و لكن ليسمح بأن اعتقد أن ما يقوله ليس أكثر من وهم.
ربما في بوست لاحق سأناقش كيف كان الدين الاسلامي علي الدوام مطية للحكام يستغلونه من أجل ترسيخ سلطانهم و تبرير مصالحهم.
و اكرر يا استاذ امين محمد سليمان علي المبادرة الكريمة و الكتابة الصبورة المليئة بالاشراق
طه جعفر
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: طه جعفر)
|
| Quote: ثانيا بالنسبة للنظرة الدونية عند عرب الخليج و غيرهم من عرب الجامعة العربية اختلف معك بالعكس I do care لان توجيه هذه النظرة لعرب السودان اجمع مهم جدا حتي يحسوا بمرارة الشعور الممض الذي فرضته ثقافتهم و سلطتهم في السودان علي اخوتهم من غيرالعرب لابل انني اعتقد لولا هذه الهجرة و قليل الوعي الذي سهر علي ايقاد جذوته المستنيرون لما حصل هذا الرفض العميق عند المتعلمينالسودانيين للعنصرية و سوءاتها. |
This is very good point !!
| Quote: الادعاء غير المسنود بالادلة بالاصل العربي و النسبة للسيد العباس هو ادعاء و كان لهذا الادعاء خلال دولة الفونج هدفا سياسيا عليحسب ما اورد الدكتور يوسف فضل في كتابه المهم ( تاريخ ممالك السودان الشرقي الاسلامية) |
يبقي النقاش في النقطة دي لازم يكون علمي و تاريخي بحت ... لانو قبائل كاملة تدعي انو أصولها عربية و تدعي إنو عندها ما يثبت ... و كان جيت للمنطق ... الأسلام ما إنتشر بالانترنت في السودان ... العرب جو بنفسهم لنشر الأسلام كان في السودان ...كان في البلاد التانية... و طبيعي جدا انهم يتزاوجو مع سكان البلاد ...
نقطتي هنا يا طه إنو التشكيك في أصول الناس خاصة لمن يكون ما بطريقة علمية و ما مستند لوثائق و أدلة بكون ما عندو فرق من لمن أقول ليك انك ما ود أبوك أو انك ما من أسرة الخليفة مثلا ... و بدل ما الناس تسعي لايجاد حلول ح نبقي لافين و دايرين نشتم في الناس زينا و زي بشاشا !!
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: أمين محمد سليمان)
|
Quote: يبقي النقاش في النقطة دي لازم يكون علمي و تاريخي بحت ... لانو قبائل كاملة تدعي انو أصولها عربية و تدعي إنو عندها ما يثبت ... و كان جيت للمنطق ... الأسلام ما إنتشر بالانترنت في السودان ... العرب جو بنفسهم لنشر الأسلام كان في السودان ...كان في البلاد التانية... و طبيعي جدا انهم يتزاوجو مع سكان البلاد ...
نقطتي هنا يا طه إنو التشكيك في أصول الناس خاصة لمن يكون ما بطريقة علمية و ما مستند لوثائق و أدلة بكون ما عندو فرق من لمن أقول ليك انك ما ود أبوك أو انك ما من أسرة الخليفة مثلا ... و بدل ما الناس تسعي لايجاد حلول ح نبقي لافين و دايرين نشتم في الناس زينا و زي بشاشا !! |
الاستاذ امين جد سعيد بمحاورتك
كنت قد كتبت هنا و انا في السودان يعني قبل حوالي العام من الان
جربت منهج تعلمته من الدكتور كمال الصليبي ( كتبه متوفرة في الانترت) في كتابه خفايا التوراة. و كتبت تعريفات مهمة للاسطورة و التاريخ و الخرافة و جعلت الفوارق بينها بينة و شديدة الجلاء. المؤسف ان الكتاب ليس معي هنا في تورنتو باونتاريو في كندا. تركته في بيت الاسرة بالخرطوم بحري.
المهم يعتقد الدكتور كمال الصليبي ان القبيلة بافخاذها المتعددة لا يمكن ان تنحدر من صلب سلف واحد و هذا يمكن اثباته بعلم الجينات genetics . و قال ان الاسلاف الاسطوريين للقبائل هم عادة ما يكونون امكنة او شعوب بائدة. جربت هذا المنهج في معالجة القصص الشعبي المتعلق بالشكرية بالضبط قصة (كرانق اب الدوف العنجاوي و عمارة و حسان و اختهما عنيبة الموز) هذه الاسطورة مسجلة في شعر عظيم البناء و يرويها اهلنا الشكرية بكثير من الفجر. المسافة التاريخية بين العنج و عنيبة الموز تزيد علي الثلاثمائة عام بالتالي لا يمكن ان تكون الحكاية اكثر من قصص شعبي و اشعار و الشعراء في كل واد يهيمون و يقولون ما يختلقون من خيال جميل و وثاب.
البطانة تسمي في ادب الشكرية الشعبي دار حسان و عمارة و يعتقد علي مستوي واسع ان حسان و عمارة هم اسلاف عائلة اب السن زائعة الصيت و الحائزة علي مقام النظارة في قيادة قبيلة الشكرية. و استدللت علي فكرة وجود قري عديدة في السودان اسمها العمارة و امثال ابي عليهم الرحمة من مثقفي القرن الفائت ينطقونها ( ammarah ) و الكلمة نفسها ذات صلة بابنية الحجر النوبية. المهم اقترحت ان تكون اخوة حسان و عمار هي تعبير اسطوري عن حلف سياسي بين شعبين احدهما من سكال الجبال و بناة الحجر( نوبيون) يحيل اليهم الاسم عمارة و حسان اشارة الي شعب آخر. و كرانق اب دوف اسم مكان او امارة كان يديرها العنج ( النوبا المسيحيون) حاولت تجريب المنهج. الجدير بالذكر ان الشكرية يعترفون بتلك الارتباطات التاريخية بالبجا من ناحية و بالعرب من ناحية اخري و بالركابية الذي يحتفظون باسرار حفائر العنج في سهل البطانة الواسع المليء بالاسرار
و هنالك طرفة و هي انني تكلمت مع وكيل ناظر الشكرية الذي كان غاضبا جدا من البوست و كنت قد طلبت منه نص الاسطورة( القصيدة او مجموعة الاشعار) لم يرفض الرجل و لكني غادرت السودان قبل استلام النص منه و لاسرتي علاقات مودة و احترام كبيرة مع اسرة اب سن بحكم ميلاد ابي في القضارف. السيد وكيل الناظر قال لي ان الكلام في هذه الامور لن يرضي الكثيرين. فتوقفت عن البوست و غادرت الفكرة علي الاقل الي حين.
لو راجعت انساب الشايقية و الحعليين تجد انها تعود لرجال كانوا من سكان كرفان و كردفان نفسها كاقليم تنسب الي رجل واحد اسمه "كردم فار" kordom farr و بالمناسبة عندي قصة قصيرة عنوانها "كرادم الغربة او المنوفش" لتذكير الناس بهذا السلف الكردفاني الاسطوري للمجموعة الجعلية.
حين الكلام عن القبائل نحن نتكلم عن شعوب بائدة و اماكن مجهولة بلغة الاساطير. لذلك سيكون الكلام تحليلات و استنباطات لكنها عندي تستحق العناءو جديرة بالبحث و المراجعة.
ليعلم الجميع الامر ليس شخصي يا "امين " فانا جعلي فاضلابي و شايقي ايضا. لكننا هنا نعالج قضايا الثقافة الشائكة و اسقاطاتها السياسية المدمرة.
سعيد بالحاور معك يا امين و ربنا يخدر قلمك وما يحرمناش منك
طه جعفر
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: طه جعفر)
|
العنصرية مرتبطة بمعدل الذكاء المنخقض.
تذكر العنصريين في محيطك!
ستجدهم من الاغبياء!
لان العنصرية في الاساس غباء اجتماعي!
اسباب غباوة الكيزان و السلفيين إجمالا هي
*التزمت الديني
*العنصرية
*المصلحة الضيقة
الثالوث اعلاه يتسبب في اختلال ميزان الاخلاق
لذلك تجد الكوز غير آبه عندما يسرق المال العام
او يمارس الشذوذ الجنسي.
اويمارس العنف البدني ضد عزل غير قادرين علي الدفاع عن انفسهم.
يقتل.
بغتصب النساء.
او علي الاقل يشمت من ضحايا تلك الجرائم.
و في البورد امثلة كثيرة ( تذكر ردود فعلهم حول اغتصاب الناشطات او نساء دارفور)
لان ميزان الاخلاق مختل.
يقول البعض:
الاسلاميون يعانون من الاحباط الجنسي
ويسعون لمعاقبة السماء
طه جعفر
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: طه جعفر)
|
وهبة انت حردت لي البوست والا شنو؟؟ تعال ما بضايقك..
تعال يآخي انت ما شايف امين عمل صلعتو دي طفش لينا بشاشا..
بشاشا بقي قدر ما يشوف بروف امين والا الصادق اسماعيل في حتة ياكل الملف ويعمل فيها مغمض..
بشبش اطمنك لسع عند عهدي نوتة لو فتح خشمو معاك طوالى اشبكه الوصفة القلتها ليك وانا بساعد فيهو مهما اتنعصروا معاهو..
شايف الاديب طه جعفر كاتب كلام فوق عن غزاة ولغة وبجا وشنو ما عارف
كدي نشوف خبر هجليج ونمسي عليهو :)
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: HAIDER ALZAIN)
|
كدي النشوف منطق الأديب
كتب الأديب طه جعفر في رده فوق للاخت نازك:
| Quote: الغريب في امر السودانيون انهم سود عموما و يزعمون انهم عرب لانهم يتكلمون العربية و بالعالم امثلة كثيرة لشعوب تستخدم لغات غير لغاتها و لا تدعي النسبة للبلد الام التي جاءت منه تلك اللغة هذا باختصار لان اللغات الاصلية تموت امام سطوة لغة غازية. الاستراليون، النيوزلنديون، الجنوب افريقيون، الامريكان و الجامايكيون. لم يزعم احد هؤلاء انهم انكليز من انجلترا. حتي الايرلنديون لهم لغة اسمها "الغيلك" لكنهم يستخدمون الانكليزية و لا يزعمون انهم انكليز. ادعاء العروبة في السودان و ادعاء النسب لبيت النبي (ص) و ادعاء الانتساب لبيوتات العرب و قبائلهم كان مبررا ابان الفونج لاسترقاق المسلمين من اهل هوامش ممكلة سنار من قبل حكام المملكة و تجارهااستخدم هذه الزريعة كان فقط من اجل تبرير قنص المسلمين من غير العرب كرقيق. |
اولاً بتفق معاك جدا وبتفق مع بشاشا همسلف اذا استدعى الامر طالما بتقول انه لغة الشعوب الأصلية تبقي لديهم كلغة ثانية بجانب هيمنة لغة الغزاة ..
وبزيد كمان ملاحظة انه لغتهم انفسهم تحتفظ بكينونتها اللغوية ولاتموت امام لغة المهزومين الماتت طبعا اصلاً وانهم حت لو استوطنوا في أرض من غزوهم وممكن ناخد المثال نفسه ونضيف عليهو الاتراك والاسرائليين والانجليز والفرنسيين في امريكا..
بدين انت معقولة تذكر استراليين ونيوزلنديين وغيرهم وتناسي مثال ماثل ف موضع البوست وهي القبائل الموجودة في ارض السودان ولها لغاتها الخاصة ويتكلمون بالعربية شوف عندك كم قبيلة؟
اللي هي باختصار اغلب قبائل السودان ماعدا المغضوب عليهم جعليين وشوايقة وبطاحين وشكرية..
انا طعبا بضيف عليها برضو بعض قبائل قرب السودان لكن جليهم شكلك ما شغال بالبقية
المهم
يبقي اغلبية قبائل السودان صمدت في وجه موات لغتها واحتفظت به وان تعاملت باللغة العربية كلغة الغازي التي فرضت سطوتها ..!!
القبائل دي في نظرك انت - كدة لوجه الله - قلت انهم سود يدعوا العربية لانهم تحدثوا بها وهي لغة الغازي الخ الخ الخ
القبائل دي في نظرك شعوب تحدثت العربية لانه تم غزوهم وعندهم لغة اخري كانوا يتحدثونها وبالتالي ماتت بفعل لغة الغزاة .. يبقي من هسع القبائل ديجعليين وشوايقة وشكرية وبطاحين يقوموا بعملية إحياء للغتهم وتحديثها - بعد ما تتكرم تلمنا فيها ..أو تكلمنا عنها ساي ..-
ونعرف بالمرة القبائل دي اللي اتعرضت للغزوة لماا تنازلت عن لغتها رغم انه بقية القبائل احتفظوا بيها عندك مثال بسيط ليهم النوبيين في الشمال والبجة في الشرق وهم اكتر قبيلتين سكنت القبائل دي وسطهم وبينها تمازج وهم من القبائل القديمة جداً والموجودة في المنطقة دي عندا تم الغزو فرض اللغة العربية كلغة غزاة ..
الفترة دي ما صعب الرجوع ليها من مختصين وباحثين امثالك والعالم بشاشا وتاريخها قريب يعني مقارنة بما قام به بشاشا من ابحاث وصلت لغاية امون رع ..
وونطلع لغة قبائل جعلي شايقي بحطاني شكري.. وتُعرف اختصاراً عبيـد قبائل ( ج ش ب ش ) وبعد مرور قرن او زي من الزمن تلقاها بقت (بشبش ) تحورت الكلمة فقُلبت الجيمُ باءاً لتخفيف حركتها وسلاستها على اللسان ووزنها الموسيقي ..وفي نفس الوقت ممكن برض تكون اختصار لنظرية لصاحبها (العلاّمة) بشاشا ( بشبش ) وهي نظرية الفها في اوائل القرن الواحد وعشرين وهي خاصة تتكون من سطرين فقط:
انت زنجي كاره ذاتك معلوف بامباز غزاتك
انت جلابي استعلائي كنت بتستبعد الناس
مع ملاحظة انه المقصود في الحالتين هو تصوصيف حالة لشخص واحد وفي موقف واحد وهي نظرية قال بها الرسول بشاشا بتثبت انه العـبدُ مستبعدٌ وسيدٌ مُستعبِد في آن واحد ودي ممكن الزول يصل ليها بعد ما صواميل مخه (تهجلج ) بفعل الصدمة كما حصل لمخترعها العظيـم الخلاهو يخترعها اساسا صدمة ..أنا ماعاوز استعجل واقول انت وصلتها لكن...
مخير الله في حكمه
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: HAIDER ALZAIN)
|
| Quote: . لذلك وجب التذكير لعموم الشايقية و الجعلية و البجا و البطاحين و الشكرية و امثالهم انهم عبارة عن "عبيد " في نظر العرب الخليجيين و العرب الاخرين |
سجمم البجا كمان مالم بتحذرهم.. غايتو فايز ود القاضي راح فيها
شايفك يا عمك عامل فيها حريف زقيتها هنا في النص عاوز تجوط النظرية من هسع مالك؟؟
مخمخها كويس يا يالأديب طه ضبابينو شوفها بتظبط؟
البجا قدمهم في الارض دي قدم النوبة وارجع لكتاب التاريخ او مرجع بشاشا في انساب وقبائل مملكة بشكوش من سلالة عرش كوش ..
ولعلمك يا الاديب عالم اللغة واللسانيات وعلم الكلام ليهم لغتهم الخاصة بل لغاتهم الخاصة وبرضو يتكلموا عربي وبعض مفرداتهم اتاثرت باللغة العربية..واصوا ما قابلني زول فيهم بيقول انا عربي زي النوبيين واحد.. اها مالك عليم تزرهم وسط ناس جشبش..
كدي نظر لينا حول لغة جشبش ونجيك للباقي بعدين
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: HAIDER ALZAIN)
|
التعبير العنصري اجوف و ينطوي علي ادعاءات
مثلا كلمة "عب" التي يستخدمها بعض السودانيين لوصف سودانيين آخرين
كلمة جوفاء لا تدل علي واقع موضوعي فالموصوف بالكلمة " عب" هو في الحقيقة انسان
حر لم يسترقه احد. و بالمقابل تشير الكلمة الي حالة تأزم يعيشها الشخص
الذي يطلق هذه الكلمة و هذا التأزم اساسه اما استعلاء لا يستند علي اي بينة
موضوعية او احساس بالفشل و نقصان الحيلة امام واقع قاهر و حقائق متحدية مثل الفقر او الجهل
او الغربة عن دوائر الفعل الاجتماعي و نطاقات التأثير.
لذلك سيكون مصير العنصرية هو الزوال و ذلك رهين بارتفاع معدلات الوعي و شيوع
مبدأ سيادة القانون الذي يستند علي حقوق الانسان ( مرأة ، طفل و رجل) علي حسب
المواثيق و العهود الدولية.
طه جعفر
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: تبارك شيخ الدين جبريل)
|
Quote: انا في اتنين لو هاجموهم بأيد طوالي ... (ولو حضرت زمن الرسول كان جاهدت معاهو فيهم!)
الطاغوت باسم الدين ...
|
ماجيت فاتح ليك بوست بهناك تحلف بالتجز الراستا بتاعتك وقعدت تتحرش ..
اول من جبنا سيرة ( سيدنا ) عمر بن الخطاب رضي الله عنه فزعلت منه..
اعمل حسابك ربنا تاني بيسختك
هسع بيمد ليك في حبال الرجوع اليه ودخول الجنة بتاعنا عن طريقي وانت بتكابر..
لكن عشان انا بحبك وخايفك تنجدع زي العجل الحنيذ في نار جهنم لن اتخلى عنك لآخر الطريق
مهما قلت ..؛)
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: HAIDER ALZAIN)
|
يا حاليا ... إنت ما ادعيت ... أنا الادعيت و قلت إنو بالمنطق في قبائل عربية استوطنت لمن جات تنشر الأسلام ... و لاني حصيلتي التاريخية أضعف من السيد المسلمي في رمضان ... استعنت بيك كصديق ...
و بالمناسبة الكلام ده ما عندو علاقة بالعنصرية ... لانو لو طلعت في قبائل عربية ولا مافي فده ما مبرر لاستعلاء من أي نوع ...
قبل كده كان في نقاش زي ده حمور كان مشارك فيهو ... و حمور في حتة تاريخ القبائل دي ضليع جدا ... كان جاء أفتي لينا في موضوع القبائل العربية في السودان يكون ما قصر ... أو لو جاء زول من القراء أو الأعضاء عشان نستفيد
-----------
ياخي عليك الله إنت و طه إتناقشو بالتي هي أحسن ... خلونا نستعدل البوست ده ...
----------
جاييك تاني يا طه في حتة تذكير الناس بعنصرية العرب علينا
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: HAIDER ALZAIN)
|
| Quote: يبقي النقاش في النقطة دي لازم يكون علمي و تاريخي بحت ... |
اول مرة اشوف بروف ساقط تاريخ ؟
لا بعرف للاسلام راية او رمز قبل ارباب العقائد .... وهو ينتمي للمحس الرطانة جوار موقف السجانة!!!!!!
وسقوط آخر دولة مسحية في السودان كان حوالي 1550 ميلادية .... اهه يابروف العباس او احفاده او احفاد اجفاد احفاده
تركوا جزيرة العرب حيث الاولوية لقريش اولا وثم عموم الاعراب ويليهم الموالي الي حيث المغامرة ؟ الزمن داك كان في discovery؟
يابروف ما تستعرض لينا بعلف نعوم شقير ، الانتساب للعرب حالة مستحدثة نتبجة لصراعات السلطة ابان السلطنة الزرقاء والتماهي مع فذلكة الفقهاء
ان يكون الحاكم عربي قرشي ...... وين هيثم طه ؟ تعال يااخي ودي البروف الظل ......
سلام ياطه
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: MAHJOOP ALI)
|
محجوب المعلوف بامباز العلم و المعرفة Quote: اول مرة اشوف بروف ساقط تاريخ ؟
لا بعرف للاسلام راية او رمز قبل ارباب العقائد .... وهو ينتمي للمحس الرطانة جوار موقف السجانة!!!!!!
وسقوط آخر دولة مسحية في السودان كان حوالي 1550 ميلادية .... اهه يابروف العباس او احفاده او احفاد اجفاد احفاده
تركوا جزيرة العرب حيث الاولوية لقريش اولا وثم عموم الاعراب ويليهم الموالي الي حيث المغامرة ؟ الزمن داك كان في discovery؟
يابروف ما تستعرض لينا بعلف نعوم شقير ، الانتساب للعرب حالة مستحدثة نتبجة لصراعات السلطة ابان السلطنة الزرقاء والتماهي مع فذلكة الفقهاء
ان يكون الحاكم عربي قرشي ...... وين هيثم طه ؟ تعال يااخي ودي البروف الظل ......
سلام ياطه |
جيب لينا مراجعك ما تكتب لينا كلام ساي ... إنت سنة 1550 و ناس السلطنة الزرقاء ديل كنت حاضرهم ؟!
بعدين يا محجوب ياخي أنا ما ساقط تاريخ ...لكن ثقافتي فيهو المانية ..
-----------
هيثم ما يقدر يوديني الضل لانو الدكتوراة حقتو دي فضلة خيري
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: هيثم طه)
|
الهوية -عندي- بتتحدد من داخل الثقافة - و اذا اتجاهلنا ادعاءات الدولة بعروبة السودان (constructed identity) , و مشينا نشوف هوية البطحاني الفرد , في ظني الزول دا من داخل ثقافتو بحس انو عربي وفي ظني ما ممكن يحس باي حاجة غير انو عربي !! يعني هو بيتمثل و بتحرك داخل القيم الثقافية العربية الخالصة تماما ! مثل الشهامة و الكرم و الهمبتة و الفروسة و النظرة الدونية للمرأة و اكرام الضيف والجار - قصدي دي الحاجات البتحدد نظرتو للكون و الحياة ! زول زي دا ما عندو اي طريقة غير انو يحس انو عربي حتي لو لونو افحم من الفحم !!
انا اقوم اقول ليهو انت ما عربي ! كيف يعني ! الا يموت بس ! يعني اقول ليهو انت كوشي ولة افريقي ! و يعني شنو افريقي ! وهل في ثقافة افريقية محددة بتحدد نظرة الزول للكون و الحياة ! ما اظن
و لواستخدمنا العلاج بالصدمة بتاع بشاشا عشان نقنع انو هوما عربي ! الا يجن بس
عموما في فرق بين اقتناع الزول بفعل دعاية الدولة والاعلام بانو هوعربي (زي ما حاصل ) -وبين احساس الزول من داخل ثقافتو زي البطحاني !
-
و في تقديري حكاية السودانيين كلهم كوشيين اوافريقيين دي احلام نخبة لحل مشكلة السودان و ما عندها علاقة بالفرد علي مستوي الواقع !
طيب المشكلة وين في الحاصل كلو !
في تقديري (مشكلتنا) مع العرب حديثة حداثة الدولة السودانية ما بعد الاستعمار ! قصدي المجموعات الثقافية العربية و النيلية الشمالية بمساعدة الاستعمار امتلكوا ادوات السلطة -( العلم -الاقتصاد -التنمية ) و لوالاستعمار كعادتو في اختيار مجموعة ثقافية معينة في اي بلد مثلا كان اختار المجموعات الثقافية الشرقية البجاوية بالافضلية -حسع كنا بنكون بنصارع القبائل دي !
والحل في نظري تفكيك بنية الدولة السودانية الما بعد الاستعمار - و المؤسسات الاقصائية زي بخت الرضا و باقي ادوات السلطة التاريخية
لكن حكاية نقعد نغالط في ديل عرب ولة ما عرب وزنوج و ما زنوج - غايتو شايفها مضيعة وكت ومعركة في غير معترك !
لانو الغلاط دا بفترض انو لو المجموعات الثقافية المسيطرة والعربية في السودان اقنعناهم بانهم ما عرب - خلاص حلينا مشكلة الدولة والسلطة !
ابدا ابدا ! دي مصالح و سلطات مستحوذة تاريخية بفعل الاستعمار - واصلا الدول السودانية في مدار التاريخ و اقربها الدولة المهدية -حسب ظني -الناس ما كانت بتعاني من سيطرة العرب ! لانو اصلا ادوات السلطة كالمال و المعرفة ما كانوا عندهم زي ما حصل بعد الاستعمار !
اما حكاية الثقافة العربية في محمولها عندها نظرة دونية لباقي الناس -دي مشكلة عويصة و طويلة في نظري و ما عندنا شغلة بيها حسع (شغل بشاشا دا بعدين !!) -علينا حسع توزيع فرص السلطة و القانون للناس جميعا - ودا صراع طويل و حسع ماشي في السودان برغم وعورة الطريق وشطط الخطابات !
وحتي لو في زول قال هو عربي - يعني شنو ! ما يكون عربي - حتي لو قال جدو العباس - نحن مالنا و مالو ان شاء جدو يكون سيدنا نوح !
حتي لو دي وهمة - بتخصو هو - بس ما عشان جدو العباس يبقي رئيس الدولة او يكون عندو حظوة
لكن نقعد نغالطو في روحو ! ليه و الفايدة شنو اصلا - ياخي لوموهوم يموت بوهمو ! هو حر
ختاما داير اقول انو العربي دا ما سيطر علي مفاصل السلطة في السودان لانو هو حاسي بانو هو الافضل او لانو جدو العباس ! لا لا - بل سيطر بفعل ظروف تاريخية حديثة مع الاستعمار و علينا دراسة الاسباب التاريخية في تاريخ السودان الحديث وتفكيكها و ليس الصراع مع تاريخ الثقافة العربية وبلال بن رباح !
الحاصل دا في نظري ما عندو اي علاقة ببلال ولة المتنبي و عصايتو ! عندو علاقة بالتعليم والاقتصاد بتاع مؤتمر الخريجين و مشروع سنار و السكة حديد و جامعة الخرطوم و بخت الرضا ومشروع الجزيرة !
تحياتي لك وللاخ طه و البروف في ضلو !
يا وهبة ما تنسي انو نحن اتصاحبنا !!
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: هيثم طه)
|
يا بروف امين.. قصدك وقع لي
لكن انا الآن بسال لو في زول قال انا ابوي فلان جدي فلان وابوهو قال بنتسب لفلان بفلان وجدو قالها وهكذا..
انت بتجي تقول ليهو كضاب انت ما بتنتسب للناس ديل واثبت نسبك؟!
تقول ليهو دا ابوي قدامك وداك ابوهو وجدو .. يقول اساطير اولين ودي معلومة منجورة ولا اصل لها
عبْ الادلة هنا خاصة في النسب بيبقي على الزول الانكر الصلة دي والا على الزول القدامو ابوهو وجدة؟
فوق قلت ليك انا من هسع تبع الاديب عالم الانسانيات واللسانيات واللغة والفاهم اي شئ طه جعفر
اليثبت عدم صحة نسب الشعوب دي يا قوله
مش يبقي منطقه :
| Quote: حين الكلام عن القبائل نحن نتكلم عن شعوب بائدة و اماكن مجهولة بلغة الاساطير. لذلك سيكون الكلام تحليلات و استنباطات لكنها عندي تستحق العناءو جديرة بالبحث و المراجعة. |
شفت كيف؟
اساطير واماكن مجهولة والبيتحدث عنها البطانة البي جاي دي؟!
وتاريخ عاصر عهد التدوين والروايات المنقولة شفوياً وليس بالكتابة المسمارية او في قصيدة الألياذة..
حوار شنو يمشي لقدام وطه شغال يبخ بف بفاه على ضبابين الفكر والتاريخ بلغة مبتورة ساي وشابكنا الراجل مفكر وبيعاني كمان ..؛)
يا الباحث طه جعفر .. عاني معاي والله انا من الصباح مضيع ولاعة سجائري وما لاقيها وماجنبي زول بيسجر اولع سيجارة الصباح كيف؟! ممكن بصفتك خبير بحث تبحث معاي في المعاناة دي..
اسأل الله ان تجزيك آلهة النيل خيراً
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: HAIDER ALZAIN)
|
Quote: عنصرية العربضد السودانيين تقف عبارات نانسي عجرم و راغب علامة علي الهواء و في التلفزيون كامثلة علي تلك العقلية. و لقد قالت نانسي عجرم في تعليقها علي نساء دارفور انهن لا يشبهن النساء حتي.
لماذا يدعي السودانيون العروبة و عندهم من الهويات ماهو اقدم من العرب انفسهم و هي مدعاة لالف شرف و شرف و عندهم من الديانات ما هو اقدم من الديانات السماوية جمعاء لا بل لقد اعتاشت الديانات السماوية علي رصيدنا من اللاهوت و الايمان و هذا امر مثبت و لا مراء فيه تدل عليه الاثار و الحجارة. |
الاغرب من دا كله انه الاديب المؤرخ طه جعفر يبتدئ بحثه ومراجعته في تحليل واستباط واثبات اصول الشعوب البائدة والاساطير اللغة المجهولة يبتدئ اثباتاته بأقوال نانسي عجرم وراغب علامة.. ويؤرخ للديانات السماوية بالحجارة ...
والله لكن طلعت موسيقي صحي صحي..وبترقص على سلم عشرة.. قلت لى هوية الجعليين والشكرية وبقية مجموعة (جشبش) بقت متوقفة على (بُق ) نانسي عجرم وراغب علامة
الله يرحمك يا ام كلثوم والله
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: HAIDER ALZAIN)
|
| Quote: الهدف من البوست هو فتح دروب العقل مشرعة تجاه الفكر الجديد |
خلى بالك عزيزي قارئ الاديب طه جعفر.. الفكر الجديد الذي سيفتح عقلنا له الموسيقى طه جعفر يمر عبر بوابة عرب ايدول واقوال نانسي عجرم وراغب علامة..
ودا في حد ذاته تحديث بالمناسبة بلاش مؤرخين بلاش كتب بلاش اقوال بشاشا رحمه الله ( منك لله يا بروف طفشت بشاشا)..
Quote: كما يروي في النكتة المشهورة بين الاكاديميين ( جنوبي و شمالي) ابتعثا الي الغرب بريطانيا او امريكاربما من جامعة الخرطوم و في مشوارهم باتجاه الجامعة بالغرب قال الجنوبي لزميله الشمالي now we are equal we both are blacks هنا في الغرب.
|
برضو بالنكات يطه يآخي .. هسع انت بنيت نظريتك على نكتة وماشي تستدل فيها برضو بنكات واقوال الرقاصات والمغنواتية ..؟!
يىخي رغم انها نكتة وأي حاجة لكن ماعندك تنظيرة في حتة ليه انه الجنوبي هو البادر وقالها طوالي كدة وهم في سلم الطيارة.. يعني هل الشمالي هو نازل في الغرب قال هيييع دار غرب نقعد نقوم فيها على كيفنا فوق روؤس الكفار مجرق سيفنا.. قام الجنوبي لصق ليهو حتة الـNiga دي والا هو براهو كدة بادر بدون سبب غير شعوري داخلى كان بيمتلكه طوال زمن الرحلة وبيفكر انه والله يا الجلابي لقيت فيك يوم بس خلنا نصل ارض الخواجات ان ما وريتك هويتك..؟؟!
هسع بالله زولك الفي النكتة دي لو قرأ كلام البروف امين محمد سليمان كان قال جنس كلامه دا؟
| Quote: بالنسبة للنظرة الدونيه : who cares يا طه ؟! المشكلة شنو لو في زول لا يهمك في شئ ناظر ليك نظرة دونية طالما لازم أدبو و لم يتعد عليك ؟! و خليك من العرب ... الرجل الأبيض الأنا شغال معاه ده قد يكون شايفني عبد بن عبد بن امه ناصيتي بيده ... لكن طالما بعاملني باحترام و لا يغمطني حقي الذي كفله لي القانون.. مشكلتي شنو معاه تاني ؟ ... بالعكس ... كونو اشغل نفسي بنظرتو لي دي أنا بعتبرها دونية ... |
هسع بالله انت خليت اخونا الجنوبي دا في النكتة شغل نفسو بحتة نظرة الشمالي ليهو او احساسه هو تجاه نفسو بوجود الشمالي بجانبه وقياس ذلك بنظرة الغربي او الامريكي ليهو لي شنو؟؟
ما كان وهم في بعثة ونازلين من سلم الطيارة يقول ليهو.. يا اللخو نحن جايين بعثة خلينا نرفع راس السودان فوق ونكر الدفعة دي.. ما كان انجع ليهم في الحتة ديك بدل تخليهو يمشي يجتر حاجاته هناك ؟؟!
الياخدبروف نوتة كمثال يآخ ..!!
هسع امين دا ورغم انه بيغالط في بشاشا ساكت لكن واعي بحتة انه زنجي قح ومُستعبد من جهة الرجل الابيض وخاتيها ليهو في حنانو لكن رغم كدة ما شاكل الرجل الابيض ولا قلب ليهو العدة في المطبخ يعلف في المكرونة ويجي يخش خشمو .. وكمان في جواهو ما غير موقفو الاستعلائي العروبي المزيف القاعد يجي يمارسه هنا على سكان البلاد الاصليين ناس بشاشا، وقاعد ينفخهم ليك زي الترتيب وما يفضل الا يقول ليهو يا بقايا زريبتنا..
ـــــــــــــــــــــ
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: nazar hussien)
|
| Quote: الغريب في امر السودانيون انهم سود عموما و يزعمون انهم عرب لانهم يتكلمون العربية و بالعالم امثلة كثيرة لشعوب تستخدم لغات غير لغاتها و لا تدعي النسبة للبلد الام |
مصر, لبنان, سوريا, الاردن, فلسطين, السعودية, قطر ,عمان ,اليمن ,الكويت, البحرين
الامارات...
الامهات ديل كترن خلاص يا طه...ياتا فيهن البلد الأم...
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: nazar hussien)
|
سلامات طه الخليفة
اعتقد ان العنصرية مشكلة في نفس البشرية وحتي الاسلام حذر منها
(لا فضل لابيض علي اسود حتي بالتقوي )
وحتي سيدنا بلال بن رباح تعرض للعنصرية في بدايات الاسلام
وحتي اهل الخليج يحسون بعقدة اللون عند مقابلة اهل الشام
ولاعبي الكرة الافارقة في اوربا يعانون (صمويل ايتو مثالا
وعيسي حياتو تعرض للعنصرية في تونس وقلد له الجمهور التونسي صوت القرد
وايضا اهل الخليج من البشرة السمرة يعانون
وعموما لم يتجرا الخليجي مباشرة بعنصريته امام السوداني
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: khaleel)
|
سلامى للجميع
متابع البوست منذ البداية لإستهلاله بمدينة أقطن فيها لمدة (14) سنة ....
بس أنا أول مرّة أعرف مقياس العروبة والزنوجة الصلاة فى الحرمين المكى والمدنى:
Quote:
المهم الحقيقة الاجتماعية المرة بالنسبة لامثالهم انهم حتي و لو صلوا مليون ركعة في الحرم
و مليون أخري في الروضة الشريفة و قرضوا الشعر الجاهلي و تكلموا باللسان العربي الفصيح المبين
الموش زي اللسان الاعجمي الخمجان
فهم عند الغالبية العظمي من العرب ليسو اكثر من "عبيد" لأنهم سود او سودان
|
يعنى كل نُسكنا وصلاتنا ومحيانامن أجل العروبة ؟ سبحانك ربى!!!
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: طه جعفر)
|
في معظم الخليج لنفس المهنة و نفس المهام تكون المرتبات غير متساوية و اليك الترتيب السائد في عمان. من الاعلي للادني
الانسان الابيض و الاسود اذا توفرت المؤهلات ( امريكا، استراليا، كندا، بريطانيا)
ثم مواطني جنوب افريقيا
ثم اللبنانيون
ثم الفلسطينيون بجوازات اردنية( هذه سياسة لتخفيف الضغط علي اسرائيل)
ثم المصريون، توانسة ، مغاربةالخ
ثم السودانيون
ثم الاسيويون
هذا الترتيب نافذ و ساري المفعول الي الان و يمكنك ان تسأل اي واحد في الخليج عن هذا التمييز
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: طه جعفر)
|
تحياتي يا خال وشكراً للاستدعاء اللطيف ..
والتحية للزميل طه وبقيه الزملاء و الاصدقاء في البوست ..
الموضوع شائك ولعل مدخل الزميل طه له مشكل في حد ذاته. لكني سأتجاوز عن ما أعتبره مقدمات – ربما كانت خاطئة – فقادت الى نتائج غير دقيقة لأتكلم في ما سألت عنه يا خال.
فقط يعز عليّ جداً أن لا أنبه إلى نقطة أثارها الزميل طه جعفر وفيها خطأ شائع .. وهي عند قوله :
الهزيمة الماحقة التي الحقها جيش كتشنر بجيوش الخليفة عبد الله
تولد عنها رد فعل نفسي عميق نتييجة لمرارة الهزيمة و عبر عن نفسه في الخطاب الشعري بالقصائد الفصحي
في بداية القرن الماضي حيث انتشرت فكرة ان يتحدث المتعلمون باللغة العربية و كان ذلك بحث عن هوية زائفة تحدث توازنا في نفسية مهزومة بجيوش بيضاء مسيحية
في هذا القول أن الجيوش الغازية كانت بيضاء و أن الهزيمة تسبب في مرارة حاول الناس الهروب منها إلى إدعاء العروبة كنوع من التعويض.
أما الثانية فهي مغالطة لما هو معلوم و مشهور لا يحتاج إلى زيادة توثيق هنا من أن دعاوي العروبة في السودان – صحت أو كذبت – هي أقدم من كسرة كرري. كما أن اللغة العربية كلغة منتشرة جداً أقدم من هذه الهزيمة. أبسط مثال لذلك أن خطابات الإمام المهدي كانت كلها بالعربية. حتى خطاباته لقبائل جنوب السودان. فاللغة العربية منتشرة وواسعة الانتشار في ذلك الزمن. بل ترجع الى عهد طبقات ود ضيف الله. بل لعلها ترجع الى بدايات تملك الفونج أو أقدم. فقد درّس الشيخ إبراهيم البولاد القادم من مصر الفقة المالكي ومختصر خليل و متن الرسالة في النصف الأول من القرن العاشر. قال ود ضيف الله " وانتشر علم الفقة في الجزيرة ". ولا يُعلم أن الفقه دُرّس بغير العربية. ولعل العربية ذاتها كانت أوسع انتشاراً من تعاليم الإسلام. حيث ذكر ود ضيف الله في مقدمة طبقاته " ولم يشتهر في تلك البلاد مدرسة علم ولا قرآن. ويقال ان الرجل كان يطلق المرآة ويتزوجها غيره في نهارها من غير عدة. حتى قدم الشيخ محمود العركي من مصر وعلم الناس العدة وسكن البحر الأبيض ". ولعل العربية أخدت تنتشر أكثر فأكثر مع مركزية الدولة .. حيث أن وثائق تمليك الفونج كلها مكتوبة بالعربية .. و قد نشرها د. أبوسليم في كتاب " الفونج والأرض" .. ثم جاء الغزو المصري/التركي فأكمل المركزية والعربية كلغة مركزية للدولة جعلت من هم قرب المركز يتخلون تماماً عن كل لغة مغايرة كانت تعيش جنباً إلى جنب مع لغة الدين و الدولة.
أما الأولى – وهي الخطأ الشائع – عن الجيش الأبيض الغازي فهي غير دقيقة. وتوصيبها ليس فقط للزميل طه – فلا يُظن أن هذا تصيد أخطاء – أنما هو خطأ شائع رأيت أنه من المستحسن تصويبه للفائدة.
فالجيش الغازي لم يكن جيشاً أبيضاً. بل لعل السواد فيه كان يبلغ النصف. يتكون اللواء الأول في الجيش الغازي ( بقيادة الكولونيل ماكدونالد ) من كتيبة مصرية وثلاث كتائب سودانية. ويتكون اللواء الثاني ( بقيادة الكولونيل ماكسويل ) من كتيبة مصرية وثلاث كتائب سودانية. ويتكون اللواء الثالث من أربعة كتائب مصرية. ويتكون اللواء الرابع من كتيبة مصرية و ثلاث كتائب مختلطة مصرية – سودانية. مع أربعة سرايا راكبة ( بريطانية ) و ثمانية سرايا هجانة سودانية وتسعة سرايا فرسان مصرية.
فمن جملة 16 كتيبة هناك 6 كتائب سودانية. و3 كتائب مختلطة بين سودانيين و مصريين. و 7 كتائب مصرية. ومن جملة 21 سرية راكبة هناك 8 سرايا سودانية.
ناهيك طبعاً أن الجند المصريين يصعب أن يوصفوا بأنهم " بيض " شأنهم شأن الإنجليز المسيحيين.
هذا ما أردت قوله عن هذه النقطة. ثم أقول ما يسر الله عن سؤالك عن القبائل العربية.
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: حمور زيادة)
|
إن نسبة قبائل بأكملها إلى أصل عربي أو نفيه.. ونسبة بيوت معينة في القبائل الى ذات الأصل .. أمر عسير ولا يكاد يكون فيه جزم إلا عند أهل القبائل أنفسهم .. فمن ذلك مثلاً أن الشايقية يقال عنهم أنهم عرب .. وهم مذكورون في هذا البوست كأحد القبائل مدعية العروبة .. ولهم عند أنفسهم نسب عربي .. و الباحثون في جامعة الخرطوم في الستينيات حين سجلوا أنساب الجعليين ( أظنه محمد سعيد معروف و آخر .. ضاع عني أسماء الطلاب الأن ) ذكروا في الأنساب التي أخذوها عن أهل المتمة إلتقاء الشايقية معهم في النسب في الجد الأكبر. ويرد في بعض الكتب أن إبراهيم جعل هو جد لمجموعة الجعليين الكبرى التي فيها قبيلة الجعليين و الشايقية ابناء شايق و البديرية ابناء بدير. وهذه كلها أقوال تقال. لكن – و الكلام مازال عن الشايقية – ذلك مثلاً ألان مورهد في كتابه " النيل الأزرق " يقول : " فالشايقية – شأنهم في ذلك شأن الفونج – قوم غامضون، لا هم بالنوبيين ولا هم بالعرب، وما من أحد يعلم من أين أتوا".
وفي وصف بركهارت الذي زار السودان في القرن الثامن عشر لثقافتهم يقول :
" وسروجهم تشبه الصور التي رأيتها من قبل لسروج الخيول في أثيوبيا. وهم مثل الأثيوبيين من الفرسان لا يضعون في الركاب إلا الأصبع الكبيرة وحدها من كل قدم .... وهم جميعاً يتكلمون العربية دون غيرها من اللهجات والكثيرون منهم يعرفون القراءة و الكتابة بها، ولرجال العلم عندهم احترام كبير ... وقد رأيت في مروى كتباً منسوخة، مكتوبة بخط يضارع في جماله خط الكتاب في القاهرة. وكلما جاءهم شبان من المناطق المتاخمة التماساً للتعليم قام شيخ العلماء بتوزعيهم بين معارفه، حيث يجدون في بيوتهم المأوى والطعام عدداً من السنين غير محدود".
ولعل في كلام بركهارت الأخير عن ضيافة طلاب العلم القادمين من " المناطق المتاخمة " ما يكون متفاحاً لانتشار اللغة العربية في هذه المناطق ان لم تكن تتحدثها. وربما كان مفتاحاً لإدعاء بعض العائدين بالعلم و اللغة نسباً في بعض مناطق أخرى. هذا مجرد ظن. لكنه قد يكون مقبولاً. فالانتماء الثقافي فعل غير شاذ حتى وإن رفضناه أو أدناه.
الشاهد من كلام ألان مورهد وما نقلته عن ثقافة الشايقية هو : هل هم عرب ؟
إنهم يقولون. وليدهم في ذلك أنساب. واشتهروا في زماننا هذا كأحد أقوى الفروع العربية. لكن هل هم كذلك ؟ النفي والإثبات يحتاج إلى تمحيص دقيق.
فإن سلمنا أن دعاوي المدعين لا تثبت نسباً وإنكار المنكرين لا يسقطه ، فهل ليس هناك عرب معلومي العروبة في السودان ؟ ليس عن الرشايدة أتحدث.
من الثابت أن هناك هجرات عربية ضخمة حدثت إلى أرض السودان في أزمنة متفاوتة.
مثلاً ذكر اليعقوبي في تاريخه أن ابني مروان بن محمد ( اخر ملوك الأمويين ) عبد الله و عبيد الله دخلا بلاد النوبة من مصر هرباً من بطش العباسيين. وكان معيتهما ما بين الألفين الى أربعة الاف من أتباعهما. واستضافهما ملك النوبة لمدة ثم هددهما و أمرهما بالخروج عن بلاده. فعبرا ببلاد البجا و قطعا البحر الأحمر الى بلاد العرب ومعهما حوالي أربعين من الأتباع. فأين ذهبت البقية ؟ هل هلكت كلها ؟ أم تسرب بعضهم الى النسيج الإجتماعي فتزاوج واستقر. أو استقر دون تزاوج ؟
ومثال لذلك أيضاً ما حكاه المقريزي في الخطط نقلاً عن ابن سليم الأسواني الرحالة الفاطمي أنه لما زار النوبة عام 969 وجد بها قبائل عربية اختلطت بالنوبة و "تنوبت" حتى نسوا اللسان العربي.
وفي القرن الثامن الميلادي عقد عبيد الله بن الحباب عامل الخراج على مصر معهادة مع البجا أعطتهم حق التجول في مصر وسمحت بعبور الحجيج الى الحجاز عن طريق بلاد البجا.
ويذكر المقريزي في الخطط أن قبائل العرب و جندهم في مصر بعد سقوط الأمويين واستعانة العباسيين بالاعاجم الخرسانيين ثارت أكثر من مرة. وظل الحكام الجدد يضيقون عليهم فينزحون جنوباً الى بلاد النوبة مغادرين مصر.
ثم جاء عهد الهجرات الكبرى حين أكتشف الزمرد والذهب في السودان. وذلك في اوائل القرن التاسع الميلادي. يقول اليعقوبي في "كتاب البلدان" : " فجاءت قبائل من مضر وربيعة بن حنيفة من نجد ". واستقرت هذه القبائل بالسودان. ويذكر المسعودي في "مروج الذهب " ان بشر بن مروان بن اسحق صاحب المعدن في عام 943م كان " يركب في ثلاثة آلاف رجل من ربيعة وأحلافها "
ومن أمثلة الهجرات أيضاً ما حكاه المقريزي في "التاريخ الكبير" عن سيرة العمري. المغامر المنقب عن المعادن. فقد اكتشف العمري المعدن في بلاد المقرة. في منطقة هي بين أبوحمد و بربر. حين استقر العمري – بعد مغامرات وحروب بمن معه من العرب- كان يستقدم جهازهم من مصر في ألف بعير. و العدد إن كان مبالغاً فيه إلا انه يوحي بعدد من مع الرجل. ويذكر المقريزي في سيرة العمري أن قبائل ربيعة و حلفائها من بني حنيفة و قبائل جهينة سيطرت على مناطق واسعة من أرض المعدن . وذلك عام 255 هـ ( 869 م )
هذه كلها بعض أمثلة للهجرات العربية الى المنطقة. فيها من عبر ومن استقر. فيها من ذاب بين أهل البلاد وفيها من سيطر على مناطق حتى انك لتعجب حين تقرأ عن قبيلة ربيعة في شمال السودان.
أين ذهب هؤلاء ؟ هل أعتنقوا نسباً عباسياً شريفاً بالتوالي ؟ كعادة العرب أن مولى القوم منهم.
هل الحكاية الشعبية عن إبراهيم جعل العباسي الذي دخل السودان فصارت القبائل تأتيه فتقول نحن منكم فيقول جعلناكم. وقيل في تسميته أنه كان أسوداً كالجعل وقيل لأنه كان يقول جعلناكم. هل هذه الحكاية صحيحة ؟
هل أتته تلك القبائل و البيوت العربية فادعت لنفسها نسباً عباسياً ؟ هل أتت قبائل أخرى عربية الأصول لكنها تنوبت فادعت قرابة به فجعلها ؟ هل أتت قبائل من النوبة فجعلها ؟
لماذا أصلاً أرادوا أن " يُجعلوا" ؟
هذه أسئلة لا أزعم أني أستطيع الإجابة عليها.
فماذا عن عرب غرب السودان ؟ هؤلاء سؤال آخر. ومبحث أطول.
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: عبدالرحمن الحلاوي)
|
Quote: خلونا نستعدل البوست ده
|
هههههههههههه والله شر البلية ما يحنبك بالزول ويورم فشفاشو عديل كدا
يا بروف وينو هو البوست ؟؟؟؟؟؟
دي نقة مكررة وممجوجة مضغوها الجماعة هنا لأمن بقت مسيخة وليها ريحة ذاتو
اللهم إلا إذا كان عندك عشق خاص بصقع الجرة* والبايت ..
الجملة الوحيدة المفيدة وممكن تتناقش هنا هي زيادة الوعي القال عليها المتأدب سيد البوست
بيد أنو هو ذات نفسو محتاج لحصص وكورسات بلا نهاية لزيادة وعي التناقش والتفاعل المنبري عندو
لأنو غير بف بافو وجمكسينو الحايم بيهم البورد دا ما شايف ليهو أي وعي هنا..
من جهة تانية لو في طريقة يا بروف ممكن تخجل لينا للمتأدب طه جعفر دا لأنو جائي بكل قوة
عين ( ما عايز أقول وقاحة وبجاحة) عشان يتكلم في العنصرية وهو الذي افترع بوست كامل عشان
يقول فيهو فلان شين وعلان قرنتية، فبالله في عنصرية وتعالي على خلق الله أكتر من كدا..
عنصرية شنو البناقشا طه جعفر يا بروف ياخ .. إتا الله ما ليك واللا شنو ؟؟؟؟
* صقع الجرة دا كما قال شاعر من أهل العوض هو ما تلوكه البهيمة بعد أن تسترجعه من أحشائها
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: طلحة عبدالله)
|
غلا
| Quote: صقع الجرة دا كما قال شاعر من أهل العوض هو ما تلوكه البهيمة بعد أن تسترجعه من أحشائها |
وأهل العوض قوم غرر لا يفطنون لدقيق الحيل كما يرى كثير من نشأوا في مدن المستعمر إلا أنهم سليمو الفطرة والحس والنبل الذي أصبح من المعجزات هذه الأيام ! بحيث يأتي أية شخص ويرمي أنساب الآخرين بما يرى السوقة والدهماء ويمجد تلك التخاريف كأنها من المسلمات وقد أوردت رابطا في مداخلة سابقة لأبين أن نسبة العروبة في السودان أعلى من دول عربية ، وقد وردت الدراسة بواسطة خليجيين في الكويت والسعودية عن عرب السودان وهذه الحواضر في الجزيرة وسنار وشرق الجزيرة ةفي كردفان ودارفور والقضارف والشمال والنيل الأبيض قبائل كثيرة ومتنوعة رعوية في الأصل منها المستعرب ومنها المتنوب واللغة تقف شاهد ثقافة ورابط دم مع فوارق عظيمة اللغة كلسان مكتسب وكلسان ملقن اضعفها الوحدة النفسية والقدرة غلى الاشتقاق والتجذير ...إلخ والناس مصدقون في أنسابهم ومن اطلع على ما كتبه ماكمايكل وبوركهارت وتشرشل وابن خلدون والمقريزي وغيرهم من المؤرخين الذين مروا بهذه الهجرات العربية التي نزحت لأرض السودان عبر الخمس قرون الماضية لما اطلق هذه الأوصاف المعلبة .
جاء في لسان العرب :
وقَصْعُ الجِرّةِ: شِدَّةُ المَضْغ وضمُّ الأَسنان بعضها على بعض.
وقَصَعَ البعيرُ بِجِرّته والناقة بِجرّتها يَقْصَعُ قَصْعاً: مَضَغَها، وقيل: هو بعد الدَّسْعِ وقبْلَ المَضْغِ، والدَّسْعُ: أَن تَنْزِعَ الجِرّة من كَرِشِها ثم القَصْعُ بعد ذلك والمضْغُ والإِفاضةُ، وقيل: هو أَن يردّها إِلى جوفه، وقيل: هو أَن يخرجها ويملأَ بها فاه.
وفي الحديث: أَنه خطبهم على راحلته وإِنها لتَقْصَعُ بجرّتها؛ قال أَبو عبيد: قَصْعُ الجِرّة شدّة المضْغِ وضمُّ بعض الأَسنان على بعض. أَبو سعيد الضرير: قَصْعُ الناقة الجِرّةَ استِقامة خُروجِها من الجوف إِلى الشِّدقِ غير متقطِّعة ولا نَزْرةٍ، ومتابَعةُ بعضِها بعضاً، وإِنما تفعل الناقةُ ذلك إِذا كانت مطمئنة ساكنة لا تسير، فإِذا خافت شيئا قطعت الجِرة ولم تخرجها، قال: وأَصل هذا من تقصيع اليَرْبُوعِ، وهو إِخراجه تراب حجره وقاصِعائِه، فجعل هذه الجرة إِذا دَسَعَتْ بها الناقة بمنزلة التراب الذي يخرجه اليربوع من قاصعائه، قال أَبو عبيد: القَصْعُ ضمك الشيء على الشيء حتى تقتله أَو تَهْشِمَه، قال: ومنه قصعُ القملة. ابن الأَنباري: دسع البعيرُ (* قوله «دسع البعير إلخ» بهامش الأصل: الظاهر أن في العبارة سقطاً.) بِجرّته وقصع بجرته وكَظَمَ بجرته إِذا لم يَجْتَرَّ.
وفي حديث عائشة، رضي الله عنها: ما كان لإِحدانا إِلا ثوب واحد تَحِيضُ فيه فإِذا أَصابه شيء من دم قالت بريقها فَقَصَعَتْه؛ قال ابن الأَثير أَي مَصَعَتْه ودلكته بظفرها، ويروى مصعته، بالميم.
وقَصَّعَ الجُرْحُ (* قوله« وقصع الجرح» عبارة القاموس مع شرحه: وقصع الجرح بالدم قصعاً: شرق به، عن ابن دريد، ولكنه شدّد قصع): شَرِقَ بالدّم.
وتَقَصَّعَ الدُّمَّلُ بالصَّدِيدِ إِذا امتَلأَ منه، وقَصَّعَ مثله.
ويقال: قَصَعْتُه قَصْعاً وقَمَعْتُه قَمْعاً بمعنى واحد.
وقَصَّعَ الرجلُ بيته إِذا لزمه ولم يبرحه؛ قال ابن الرُّقَيّاتِ: إِنِّي لأُخْلي لَها الفِراشَ، إِذا قَصَّعَ في حِضْن عِرْسِه الفَرِقُ والقُصَعةُ والقُصَعاءُ والقاصِعاءُ: جُحْر يَحْفِره اليَرْبُوعُ، فإِذا فرغ ودخل فيه سدّ فمه لئلا يدخل عليه حية أَو دابة، وقيل: هي باب جُحْرِه يَنْقُبُه بعد الدامّاءِ في مواضع أُخر، وقيل: القاصِعاء والقُصَعةُ فم جحر اليربوع أَوّل ما يبتدئ في حفره، ومأْخذه من القَصْع وهو ضم الشيء على الشيء، وقيل: قاصِعاؤه تراب يسدّ به باب الجحر، والجمع قَواصِعُ، شبَّهوا فاعِلاءَ بفاعِلةٍ وجعلوا أَلفي التأْنيث بمنزلة الهاء.
وقَصَّعَ الضبُّ: سدّ باب جحره، وقيل: كل سادٍّ مُقَصِّع.
وقَصَّعَ الضبُّ أَيضاً: دخل في قاصعائه؛ واستعاره بعضهم للشيطان فقال: إِذا الشَّيْطانُ قَصَّع في قَفاها، تَنَفَّقْناه بالحبْلِ التُّؤامِ قوله تنفقناه أي استخرجناه كاستخراج الضبِّ من نافِقائه. ابن الأَعرابي: قُصَعةُ اليَرْبُوعِ وقاصِعاؤه أَن يَحْفِرَ حَفِيرةً ثم يسد بابها؛ قال الفرزدق يهجو جريراً: وإِذا أَخَذْتُ بقاصِعائِكَ، لم تَجِدْ أَحَداً يُعِينُكَ غيرَ مَنْ يَتَقَصَّعُ يقول: إِنما أَنت في ضعفك إِذا قَصَدْتُ لكَ كبني يربوع لا يعينك إِلا ضعيف مثلك، وإِنما شبههم بهذا لأَنه عنى جريراً وهو من بني يربوع.
وقَصَّعَ الزرْعُ تَقْصيعاً أَي خرج من الأَرض، قال: وإِذا صار له شُعَبٌ قيل: قد شعَّبَ.
وقَصَّعَ أَوَّلُ القوم من نَقب الجبل إِذا طلَعوا.
وقَصَعْتُ الرجلَ قَصْعاً: صَغَّرْتُه وحَقَّرْتُه.
وفي حديث مجاهد: كان نَفَسُ آدمَ، عليه السلام، قد آذى أَهلَ السماء فَقَصَعَه اللهُ قَصْعةً فاطمأَن أَي دفعه وكسره.
وفي حديث الزبرقان: أَبغض صبياننا إِلينا الأُقَيْصِعُ الكَمرَةِ، وهو تصغير الأَقْصعِ، وهو القصير القُلْفةِ فيكون طرف كمرته بادياً، وروى الأُقَيْعِسُ الذكَرِ.
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: عبدالرحمن الحلاوي)
|
الاستاذ طه جعفر...اطيب تحياتي
ولك وافر الشكر علي الاقتراب من هذه المنطقة الشائكة..
من المسائل المدهشه ان موضوع الاستعلاء بالعنصر بات و لحقب
طويلة يشغل اهتمام الراي العام العالمي في الكثير من دول العالم ولكنه
في السودان لا يلقي اهتماما مماثلا رغم تداعياته الماساويه علي
الازمة السودانية.كثيرون في هذا البلد المحزون , لا تعنيهم حقيقة اننا
نعيش في عالم متغير ومتجدد المفاهيم و سنحيا غرباء في رحاب هذا
العالم ان لم نستطع التماهي مع القيم الانسانية التي تحكمه, وسنظل
نخطئ في حق انفسنا وحق اهلنا وحق بلادنا و ستظل تاخذنا العزة
بالاثم , تلك العزة لم تحل بين رئيس اكبر دولة في العالم , بيل
كلينتون و بين الذهاب الي السنغال ليعتذر لاهل افريقيا عن جرائم
الرق التي ما رسها اسلافه.كما لم يمنع البابا يوحنا بولس بعد مضى
سبعة قرون علي محاكم التفتيش من اعتذار تاريخي عن جرائم تلك
المحاكم.دولة مثل الولايات المتحدة مازالت تعاني من رواسب ثقافة
زمن الاسترقاق لم تقف الحكومات والمثقفين و صناع الراي العام موقف
المتفرج , فمنذ عهد كنيدي احتل موضوع رد الاعتبار لابناء الارقاء
مكانا بارزا في سياسات الدولة و تشريعاتها و فوق ذلك هو الاهتمام
المتواتر للمؤسسات التعليمية و الفكرية, الجامعات و مراكز البحوث,
بدراسة ظاهرة العنصرية و التنقيب عن المسكوت عنه تاريخيا وابراز
الثقافات الافريقية كاحد الروافد التي غذت الثقافة الامريكية.هذا هو
شان الامم الراشدة التي ادركت بحسها الواعي قيمة التصالح مع النفس
وفهمت ان التصالح مع النفس يستوجب الصراحة و الوضوح و يستلزم الامانة الفكرية والسماحة نحو الاخر.
تكمن فداحة ثقافة الاستعلاء بنسب ظنين و مضروب , في انها تحتل
مكانا بارزا في الخطابين السياسي والاجتماعي ورغم ذلك يخرج علي الناس
من يتكذب علي الواقع و ينكر المشهود..
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: Hisham Osman)
|
حمور و الحلاوي ... ياخي كتر خيركم علي الاضافات المشرقة دي ...
-------------
يا حاليا ... نقطة طه فيما أثرتو إنت و استشهدت بكلامي ... إنو ذكر نظرة العرب الدونية لينا مهمة عشان نعرف كم هي مؤلمة نظرتنا الدونية لمن نظن أنهم أقل نقاء عرقي ... يعني طه قال الكلام ده ما عشان يقول إنو نظرة العرب لينا دليل علي عدم عروبة بعض القبائل في السودان.... انما لنعرف كم هي مؤلمة العنصرية عندما تمارس ضد من يمارسها !! و إن كان هو يظن انو مافي عرب أو قبائل عربية في السودان و لكن بدلايل و مبررات تانية مختلفة تماما ...
و زي ما قلت يا حاليا ... المشكلة ما في وجود قبائل عربية في السودان من عدمها ... ده مبحث تاريخي و شغل بتاع انثروبولوجي يجو ناس حمور و الحلاوي و كل من لديه علم و قدرة بحثية علي تقديم ما لديهم من معلومات ... المشكلة في القبائل و الأفراد اللي بيفتكرو انهم أكثر نقاء و أعلي مكانة لانهم منتمين لقبائل معينة ... و في العشرين سنة الأخيرة تم تنميط قبائل معينة بانها عنصرية و انو افرادها بتستندو علي أصلهم العربي في استعلائهم العرقي و ده ما صحيح ... دمغ القبائل البتدعي العروبة بالاستعلاء العرقي فيه من الظلم الكتير لهذه القبائل ... بكل أسف : العنصرية في السودان الشقيق لا تكاد تخلو منها قبيلة و ما عندها علاقة باصول هذه القبائل عربية أم لا ...
--------------
طلحة يا حبنا ... سلام ياخي ...
و عشان كلامك ده يا طلحة أنا قلت نستعدل البوست ... أعلم إنو بينكم و بين طه ما صنع الحداد ... لكن ده ما بيمنع إنو الناس ممكن تتلاقي في نقاش بعيدا عن الضبان و المبيدات الحشرية ...
--------------
أخونا هشام عثمان ... ياخي مداخلتك في الصميم ... العالم كلو بقي حساس جدا في مسالة العنصرية و الاستعلاء العرقي دي إلا في السودان الشقيق .... غايتو أخير من مورتانيا ... قبل حوالي شهر كده حضرت لي documentary في ال CNN عن الرق في مورتانيا ... رق ... Slavery عديل ليوم الليلة ...
--------------
يا طه ياخي اعفي لينا ... الواحد اتعامل مع بوستك ده كانو حقو ...لكن الموضوع مهم و فيهو جوانب كتيرة ... أرجو انو الناس تواصل النقاش .......
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: أمين محمد سليمان)
|
Quote: حمور و الحلاوي ... ياخي كتر خيركم علي الاضافات المشرقة دي ...
-------------
يا حاليا ... نقطة طه فيما أثرتو إنت و استشهدت بكلامي ... إنو ذكر نظرة العرب الدونية لينا مهمة عشان نعرف كم هي مؤلمة نظرتنا الدونية لمن نظن أنهم أقل نقاء عرقي ... يعني طه قال الكلام ده ما عشان يقول إنو نظرة العرب لينا دليل علي عدم عروبة بعض القبائل في السودان.... انما لنعرف كم هي مؤلمة العنصرية عندما تمارس ضد من يمارسها !! و إن كان هو يظن انو مافي عرب أو قبائل عربية في السودان و لكن بدلايل و مبررات تانية مختلفة تماما ...
و زي ما قلت يا حاليا ... المشكلة ما في وجود قبائل عربية في السودان من عدمها ... ده مبحث تاريخي و شغل بتاع انثروبولوجي يجو ناس حمور و الحلاوي و كل من لديه علم و قدرة بحثية علي تقديم ما لديهم من معلومات ... المشكلة في القبائل و الأفراد اللي بيفتكرو انهم أكثر نقاء و أعلي مكانة لانهم منتمين لقبائل معينة ... و في العشرين سنة الأخيرة تم تنميط قبائل معينة بانها عنصرية و انو افرادها بتستندو علي أصلهم العربي في استعلائهم العرقي و ده ما صحيح ... دمغ القبائل البتدعي العروبة بالاستعلاء العرقي فيه من الظلم الكتير لهذه القبائل ... بكل أسف : العنصرية في السودان الشقيق لا تكاد تخلو منها قبيلة و ما عندها علاقة باصول هذه القبائل عربية أم لا ...
--------------
|
الأخ/ أمين
احية واحتراما
أراك قد خلطت بين العسل والخل في المسألة ومسار البوست هو قبول تنميط العامة في الخليج لمسألة زنجية السودانين وهذا موضوع البوست وأهل الخليج لا يعرفون السودانيين إلا من خلال النظرة الإنطباعية والتي أسهمت فيها ظروف متنوعة منها ما يتعلق بزهد الشخصية السودانية والبحث عن البرتسيتج وحب الظهور رغم أنهم أول من حمل مشاعل التنوير لهؤلاء الذين نعرفهم عن قرب ولعقدين من الزمان نعرفهم جذورهم وخلفياتهم الثقافية والإثنية وهم أناس طيبو المعشر لم نر منهم إلا كل خير ، مع وجود استثناء لا يمكن القياس عليه بأية حال .
أما مسألة الاستعلاء العرقي في السودان باعتزاز بعض القبائل بأصلها العربي لدرجة هضم حقوق الآخرين وتهميشهم في حقوقهم فهذا ما لا يقبله ذي بصيرة ، فدولة المؤسسات القائمة على نظام ديموقراطي وفصل بين السلطات ودستورها واضح يلبي حاجات المجتمع والحقوق المدنية لجميع المواطنين بغض النظر عن اللون أو الجنس أو الديانة وهذا ما ظللنا ننادي به إلى أن نلقى الله ، فالبشر هم خلق الله لم يكن لأحد منهم خيار في لونه أو أصله وهذا أمر مسلم به ولا يحتاج لإعمال عقل أو تنظير فطير.
على الأحزاب بمختلف توجهاتها ومعتقداتها أن تضع في الحسبان أن التنوع الإثني عامل ثراء ونماء ولو نظرنا للعالم حولنا فسنجد نماذج يحتذى بها في التعايش والمساواة في الحقوق ويتقدم للوظيفة الأكفأ سواء كان موال لحزب أو غيره لأن الوظيفة خدمة للمجتمع نظير أجر يسندها القانون وليس الحزب ..ولكن في بلد لا زال يفكر قادته في الآخر بأنه ######## وعب وما عنده أصل وحلبي وبقايا حملات ولصيق وطفيق وهذه التصنيفات الرديئة لن تقم للأمة قائمة حتى قيام القيامة .
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: عبدالرحمن الحلاوي)
|
يا طه جعفر الخليفة الريفي...
نجيك من الآخر خالص:
عيب لي العبيد: كان بنظرة الخليجيين أم غيرهم او من وجهة نظرك انت؟؟؟
فالواضح من بوستك هذا أو هكذا فهمت أن القبائل التي
ذكرت أنها تتبجح بالعروبة ما هم الا عبيد في نظر الخليجيين؟
يعني الخليجيين وانت المتبني وجهة نظرهم هذي وفاتح بها بوستا
للنقاش...عندكم القدرة علي فرز الناس... ديل عبيد وديل عرب وديل
لاتينيين.
يلا ممكن تورينا...من وجهة نظر الخليجيين ديل أو انت شايف علي العبيد شنو؟
أو بصورة أوضح ما هل هي منقصة أم فضل ومحمدة أن يطلق عليك عبدا؟؟؟
لو كان في خليجي فتح بوست بهذا المعني لسألناه نفس السؤال؟
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: أمين محمد سليمان)
|
| Quote: خونا هشام عثمان ... ياخي مداخلتك في الصميم ... العالم كلو بقي حساس جدا في مسالة العنصرية و الاستعلاء العرقي دي إلا في السودان الشقيق .... |
عزيزنا البروف امين...طابت اوقاتك
الشعوب التي ذاق بعض اهلها مرارة الاستعلاء و الزراية الاجتماعية كانت
اكثر وعيا منا و احساسا عندما تناولت ظاهرة المخايلة بالعرق, ليس فقط في القوانين و انما ايضا في السلوك العام, بينما تعاملنا نحن مع
الموضوع اما با نكاره او بالتهوين من امره, بل بلغ ببعضنا عدم
الاحساس بمشاعر الاخر محاولة تحريف التاريخ بصورة مزرية للعقول
لدرجة ان حاول البعض تنقية سيرة الزبير باشا وفق نظرة ذاتية منغلقة
تري فيه بطلا قوميا بدل ان يكون نخاسا.لا نسعي بالطبع لمحاكمة
التاريخ بقدر ما نسعي لازالة الموروثات الثقافية و الوجدانية الشائهة لان المطلوب الان و بصورة اكثر الحاحا هو تطهير النفس كشرط لازم
نحو ضمد الجروح و رتق الفتوق و قبلها ازاحة الفصام المنهجي
والاوهام الجماعية المسيطرة علي مستعربة السودان..
| |
|
|
|
|
|
|
|
|
|
Re: عبيد في نظر الخليجيينّ! جعليين ، شايقية، بطاحين و شكرية (Re: Hisham Osman)
|
الاساتذة المبجلين
هشام عثمان
أمين محمد سليمان
شكرا عليالمساهمات التي كفتني عناء الكتابة. الهدف من البوست هو انجاز التوازن المطلوب في ذهنية يعصف بها انعدام المنطق و هيالذهنية الاستعلائية التي يري حاملها ان السودانيين من اهل اللغات غير العربية و الاصوول غير العربية "عبيدا" و يزعم حول نفسه الاباطيل مثل النسبة للبيت النبوي المشرف او علي الاقل عمومة النبي (ص). الهدف هو ايصال هذه الفكرة البسيطة زي ما انت شايف ناس "عبيد" علي اساس اعراقهم و ثقافتهم يوجد اناس كثيرون في الدولة العربية يرونك "عبدا" و انا اقصد عرب السودان مهما كانت نسبتهم للبيت النبوي و مهما كان ورعهم و صلواتهم فهم في نظر عرب الخليج و لبنان مجرد "عبيد"
لم اقصد في هذا البوست مناقشة قضية الهوية او قضية اثبات عروبة السودانيين و الاخيرة لا تعنيني ابدا فالناس سودانيين و بس نوبا ، بجا و عرب و زنوج كلنا سودانيين و بس الشايف نفسي من نسل العباس او النبي هو من يدعي و عليه ايراد البينة.
و ادعوكم لقراءة مقال الدكتور حيدر ابراهيم المهم ادناه
حيدر ابراهيم علي
يشعر السوداني بكثير من الحرج والضيق حين يجد نفسه ينتمي الي وطن واحد، ويحمل نفس الجنسية المشتركة مع هؤلاء العنصريين والدمويين الذي يملأون أجهزة الإعلام ضجيجا وجهلا.ويخشي العاقلون انتشار هذه الروح والمزاج بسبب شحن الاعلام والتعبئة المجنونة.فقد علمنا التاريخ كيف حولت النازية والفاشية، الشعوب الواعية الي كتل جماهيرية تردد الهتافات العنصرية ثم تساق كالقطعان الي الحروب.وتعمل هذه النظم علي تعطيل العقل وإثارة اسوأ في الانسان من غرائز حيوانية تتلذذ بالدم وعذابات الآخرين.وهذا ما يفعله النظام السوداني هذه الأيام.فهو يعود بالشعب السوداني الي العنصرية والي تاريخ تجارة الرقيق التي مازلنا نعمل علي محو عارها ولو شكليا وظاهريا.فقد الغيت تجارة الرقيق في عشرينيات القرن الماضي علي يد الإدارة البريطانية،ولم يقم بذلك السودانيون من رجال دين أو زعماء قبائل أو أفندية.
وهذا سبب الغاء المؤسسة مع استمرار ثقافة الرق إذ مازالت كلمات"عبد" و "عبيد" متداولة بين الشماليين، وللمفارقة حتي بين الشباب والجيل الجديد. ويعمل الحاكمون وابواقهم علي ايقاظ هذه الروح العنصرية التي لم تمت تماما، وتحت شعارات قومية ووطنية تدعي الدفاع عن البلاد. وهي تعمل علي تمزبق ما تبقي من وحدة ونسيج اجتماعي،وكأنها تنفذ المخططات التي تقول أنها تستهدف البلاد بسبب الجهل والشبق للسلطة والكنكشة لحماية الامتيازات.
رغم التظاهر وإدعاء التسامح بين السودانيين، إلا أنه في الحقيقة هناك عنصرية نائمة ومتمكنة – لعن الله من ايقظها والآن ينشط الإسلامويون لايقاظها بشتي السبل. وكرست العنصرية ثقافيا في اللغة والعلاقات الاجتماعية فما زالت الفاظ العبودية حيّة في مخاطبة النساء والرجال من غير العرب.كما أن التجاور والمصاهرة والتفاعل لم تسقط حدودها الفاصلة.احتفظ بحالة قضائية مفزعة تخص قضية زواج،ورغم أن الاستئناف رفضها الا أن قرار المحكمة الابتدائية يعكس بعض اتجاهات التفكير السائدة.ونقرأ:-"
أصدرت محكمة الخرطوم بحري الجزئية دائرة الأحوال الشخصية حكمها في القضية800/1972 في يوم7/8/1972 حضوريا،برفض طلب المطعون ضدها بالإذن بزواجها من مرغوبها(...)وعرضت الدعوى علي محامي والد طالبة الزواج فاجاب أنه يؤسفه أن تتورط بنت من بناتهم في أمر لا يقبله الشرع ولايجيزه ولا يستند علي قانون،إذ أنها تريد أن تتزوج بشخص بعيد كل البعد عن وسطها وعائلتها ومستواها لأنّ في أصله رقا، وهو معروف به كما أنّ له الولاء علي أصوله معروفون به." وأنكرت طالبة الزواج بأن هناك رقا في أصل خطيبها،وأنه علي فرض أنّ في أصله رقا فإنها رأت المساواة بين الأحرار والعبيد.وهنا اثيرت مسألة الكفاءة في الاسلام والتي حصرها المحامي في الدين والحرية والنسب.ثم شهد الشهود الاربع وخلاصة الشهادات:أن الخاطب هو من موالي....بجريف نوري،وإن والده وجده وجميع أصوله موالي أسرة....(كتب الاستاذ/أبوبكر سليمان الشيخ،دراسة رصينة وافية عن قرار نقض القضية).
وهذا دليل دامغ علي أن كثيرين لم يغادروا محطة الرق التاريخية ومن بينهم قضاة شرعيون ومحامون وأسر من الطبقات الوسطي تتعلم بناتها في الجامعات.تساءلت في كتابي:(ـأزمة الأسلام السياسي)عن نسبة التزاوج في عضوية الجبهة الإسلامية بين الجعليين والشايقية وأبناء الجزيرة مقابل "أولاد الغرب" والجنوبيين والمنبتين.لم تغفر لهؤلاء الإسلاميين إسلاميتهم الملتزمة لأن العادات والعرف أقوى من الدين.
جعل الله كيد الإسلامويين في نحرهم بعد المفاصلة،وقاموا بفضح بعضهم البعض.ففي زيارة (الشيخ حسن الترابي)الأخيرة للقاهرة،فتح باب تبادل الاتهامات بين البشير والترابي واحاديثهم عن "الفروخ" الاسلاميين.وقال الترابي:" البشير ديكتاتور، وهو الذى كان طوال الوقت يفضل فصل الجنوب ليتفرغ لقمع أبناء شمال السودان المطالبين بالحريات، كما أنه عنصرى، يطلق على الجنوبيين لفظ العبيد، بل إن وزيره لعدة سنوات على الحاج، وهو طبيب من أقصى غرب السودان، كان البشير يطلق عليه الفريخ، ومعناها العبدالصغير وهى كلمة للتحقير."(ندوة صحيفة:الشروق المصرية 13/8/2011)
وبالطبع لم يسكت سدنة( البشير) عن ضرب شيخهم اللدود لرئيسهم تحت الحِزام - فكشفوا عن عُنصريته أيضاً حين قال أحد رموزهم وبالنص: :
"ما بين الرئيس البشير وعلي الحاج ما صنع الحداد والاتهامات والاساءات بينهم معروف مُسبباتها وأهدافها - أما عُنصرية حسن الترابي فهي حتى على المُخلصين له من أبناء الغرب فقد قال عندما رفض مصطفى إسماعيل الاستقاله فور المُفاصله
الشهيره:"شوفوا بالله دناءة مصطفى إسماعيل وعدم وفائه - الفرخ محمد الامين خليفه إستقال وهو أبى." (عن عزت السنهوري،في: الراكوبة،1/9/2011)
انطلقت العنصرية هذه الايام من عقالها تحت دعاوى الوطنية والدفاع عن الأرض والعرض.رغم أن الاسلامويين فرطوا في اجزاء عزيزة بل عن ثلث الوطن.والطائرات الصهيونية تعربد علي شواطئ البحر الأحمر،وقبلها ضرب مصنع الشفاء في قلب العاصمة ولم يقطع النظام علاقاته رغم أنه في تلك الآونة كان قد دنا عذابها. واللغة المستخدمة ضد الجنوبين هذه الأيام تدعو للخجل وتثير الاشمئزاز.وأنظر إلي الأدب الرئاسي:-" تعهد رئيس الجمهورية المشير عمر البشير بتحرير الجنوب تماماً من الحركة الشعبية التي وصفها بـ(الحشرة الشعبية لتدمير السودان)، واعتبر تحرير شعب الجنوب من الحركة مسؤولية إخلاقية لحزبه لأنه مكنها "الحركة الشعبية" وساهم في تكوينها وقال:(لذلك علينا تصحيح هذا الخطأ وتحريرشعبنا في الجنوب من هذه الآفة). وأضاف: (نحن قلنا فهموا الدرس وبقوا يعرفوا ولكن طبع الحشرات الغدر والخيانة ) إذ إنهم سرعان ما (انقلبوا) 180درجة ، و(إذا أكرمت اللئيم تمردا).وشدد الرئيس على أن العين بالعين و السن بالسن (والدقة بالدقة) والبادئ أظلم.كما فطن كثير من المتابعين لرمزية العصا وقصيدة المتنبي في كافور.
كالعادة سارعت جوقات المطبلاتية للتأسي بأدب الرئيس عوضا عن نصحه.وكانت المزايدة علي لغته العنصرية،فأضاف أحدهم:الحشرة السامة.وعنون المستشار السابق مقاله بجريدة(الصحافة 21/4/2012):شر الدواب...الحركة الشعبية.وختم أحد منظري النظام اسفيريا مقاله بقصيدة مدح لصدام وهذا سوء تقدير فكأنه يتمني لرئيسه نفس المصير،والمهم هو العنصرية المباشرة:-
وللشعر مساحة ( للشهيد صدام حسين)
لا تأسـفن على غـدر الزمـان لطالما رقصت على جثث الأسود كلابا
ولا تحسبن برقصها تعلو على أسيادها، تبقى الأسود أسودٌ والكلاب كلابا
تبقـى الأسـود مخيـفة في أســرها حتى ولو نبحـت عليـها كلابا
وعـبد قـد ينــام على حريـــر ..... وذو نسب مفارشه التــرابا
(سودانايل 22/4/2012) أما الوجه الآخر للعنصرية،فتظهر في تأكيد أننا شعب الله المختار.وهذه نفس أسس الفكرة النوردية التي تبناها الألمان في عشرينيات القرن الماضي وقامت عليها الايديولوجية النازية.نقرأ:_" أكد د. نافع علي نافع مساعد رئيس الجمهورية، نائب رئيس المؤتمر الوطني استمرار مسيرة الإنقاذ لحين انصلاح الأمر وظهوره كفلق الصبح والشمس في رابعة النهار. وقال لدى مخاطبته حفل تكريم أسر الكوادر الطبية بتنظيم من منظمة الشهيد وجمعية المهن الطبية: نحمد الله أن اختار السودان أرضاً واختار أهل السودان شعباً ليفضلهم على سائر الأمم بأن ترفع فيها راية الجهاد التي هي من مُستلزمات نصر الله ومن مُستلزمات التوبة والأوبة، وزاد: إذا كانت هذه البلد مُصطفاة ومفضلة عند الله بهذا الاختيار، وإذا كان شعب السودان كذلك، فإنّ الشهداء في طليعة هذا التكريم وهُم أفضل من اصطفوا من هذه الأمة، وطالب برعاية أُسرهم.".
لا تكتمل عنصرية الاسلامويين إلا بإضفاء الدين أو قدسنة العنصرية لكسب تأييد البسطاء وتهييجهم.وتحولت الحملة العنصرية سريعا لحرب صليبية جديدة استهلت بحرق الكنائس.وبادرت قوى الحرب الصليبية بالتحرك، حيث طالبت جبهة الدستور الاسلامي بمحو نيفاشا وما ترتب عليها من اتفاقيات بين السودان وجنوب السودان، مؤكدة أن السودان مستهدف من قبل الصهيونية العالمية وامريكا والدوائر الاستعمارية الاروبية.وشددت جبهة الدستور الإسلامي في بيان تحصلت عليه (smc) على مطاردة فلول التمرد واستكمال النصر بإسقاط نظام الحركة الشعبية مؤكدة أن السودان أصبح على أبواب مرحلة وطنية جديدة.وطالبت الجبهة حسب البيان بالغاء اتفاق نيفاشا وما ترتب عليه من آثار وتطهير البلاد من العملاء واشباههم مهنئة القوات المسلحة الباسلة والمجاهدين بالنصر الذي تحقق بتحرير منطقة هجليج، مطالبة بإقامة الدستورالإسلامي وتحكيم شرع الله وإعلاء راية الجهاد
(22/4/2012)
إمام وخطيب مسجد الدوحة،رئيس الجمهورية لمواصلة دعاا لشيخ عبد الحي يوسف حملات التعبئة والاستنفار والاستمرار في إعلان الجهاد في سبيل الله؛ حتى بعد تحرير ، هجليج. إن المعركة ليست "هجليجاً"فقط لكنها معركة مع أعداء الله تعالى في الداخل والخارج، مشددا على ضرورة إجلاء الجنوبيين بالسودان الشمالي كافة. وقال إن دعوة البعض لحفظ الود مع الجنوبيين فيه خيانة للدين والوطن، مطالباً بتوقيع عقوبات رادعة ضد الجنوبيين العملاء والجواسيس(21/4/2012)
و يروي أحد الصحفيين هذه الحكاية الموحية:-"
فقد كنتُ في طريقي لأداء صلاة الجمعة يوم الأول من أمس بمسجد في الحاج يوسف (الرَّدميّة) مربع (2))فوجمتُ ثم تأكدتُ من أنّ الكلمة (الصّادمة !!) هذه صادرة عن المسجد الذي كنتُ على بُعد خطوات منه فوقفتُ قليلاً ريثما أعي ما يعنيه إمام المسجد المذكور من كلمة (العبيد) هذه عبر مكبرات الصّوت وأدركتُ بعد هنيهة أن الإمام يقصد قادة حكومة دولة جنوب السّودان ويصفهم بأنّهم (عبيد العبيد !!) وليسوا (عبيداً !!) وحسب(صلاح عووضة:الجريدة 22/4/2012)
وفي نفس اليوم تم الاعتداء علي الكنيسة الانجيلية بالجريف غرب ونشرت مقاطع فيديو توضح انصار محمد عبد الكريم وهم يهتفون ( لا كنيسة بعد اليوم ، لا مسيحية بعد اليوم ) – راجع حريات،يوم 22 ابريل.ويروي (القس مطر) الاحداث قائلا:" انه بحسب نداء محمد عبد الكريم تجمع ما بين 600 الي 700 شخص في المسجد وتحركوا نحو الكنيسة ، وكانت بينهم جماعات متطرفة."واضاف:" ما حدث لا يصدق ، في المجمع ثلاث كنائس ، تم تدمير اثاثاتها وحرقها ، وهناك مخزن للكتاب المقدس ، اخرجوا منه نسخ الكتاب المقدس ، واضاف بحسرة : تم حرق الكتاب المقدس . وحرقت مدرسة الكتاب المقدس عن بكرة ابيها ، وحرقت الداخليات ، وحرقت الاشجار ، واحضرت جرافات لجرف الاشجار ، وهدم الحائط الشرقي للمبني تماما ، كما هدم جزء كبير من الحائط الجنوبي ."
************
يقول(فولتير) في كتاب بعنوان"مقبرة التعصب"(1767):"إن التعصب هوس ديني فظيع،مرض معد يصيب العقل كالجدري.وهؤلاء المتعصبون قضاة ذوو اعصاب باردة يحكمون بالإعدام علي الإبرياء الذين لم يفكروا بنفس طريقتهم(...)وهم فوق القوانين وليس من قانون إلا من حماسهم وتهورهم.فما الذي يمكن قوله لشخص هو علي يقين من دخول الجنة حين يقتلني أو يقتلك".
ان السودانيين مهددون هذه الأيام بالإصابة بهذا المرض المعدي والهوس
الديني.هذا واجب علي الوطنيين والديمقراطيين والاحزاب السياسية ومنظمات المجتمع المدني وكل القوى الحية؛ مقاومة ومواجهة حملة العودة الي العنصرية والحرب الصليبية التي يقودها النظام الإسلاموي للقفز علي أزماته المستحكمة وترحيلها الي حرب في الجنوب والغرب والنيل الأزرق.معركة السودانيين الحقيقية في الخرطوم ضد العنصرية والفتنة الدينية.المطلوب حملات التوعية والاستنارة وليس الاستنفار والتعبئة العسكرية.يجب الا ينفرد هؤلاء المرضي والمهوسون بعقول شبابنا.هذه مهام اللحظة:لا للظلامية والعنصرية المقيتة.
[email protected]
| |
|
|
|
|
|
|
| |
طه جعفر
Haju Muktar
HAIDER ALZAIN
عبدالوهاب علي الحاج
معاوية عوض الكريم
Zomrawi Alweli
Balla Musa
طلحة عبدالله
Bashasha
وضاحة
ABUHUSSEIN
أمير عثمان
أمين محمد سليمان
Osama Mohammed
Nazik Eltayeb
تبارك شيخ الدين جبريل
MAHJOOP ALI
هيثم طه
khaleel
أبوبكر أبوالقاسم
حمور زيادة
عبدالرحمن الحلاوي
Amin Salim
عماد حسين
Hisham Osman
فيس بوك
تويتر
انستقرام
يوتيوب
بنتيريست