|
Re: مرثية ( حليل زيدان) .. ألحان وأداء الفنان التاج مكي ( فيديو) (Re: جمال السنوسي)
|
مرثية حليل زيدان
كلمات الشاعر تاج السر أبو العائلة
الناس بترحل كل يوم القمرة بتضوي وتغيب كواكب الفن الاصيلة بخبى نورها ولا بغيب تابعت آلاف النجوم وشفت الشمس وقت المغيب وقتين توادع في المسا تتلاشي في الافق البعيد وعرفت إيه سر الخلود من يوم سمعت العندليب الدنيا من بعدك عدم والكون وراك قاسي وصعيب
حليل زيدان كروان الغنا الفنان حليل زيدان فقيد الفن في السودان حليل زيدان أخوي الطيب الانسان
الليل حكى والناي بكى والعود شكى وغنا الدليب القمري ناح خلى الغنى وغلبوا النحيب يظهر كمان عرف الخبر زيدان رحل وحليلو راح العندليب
حليل زيدان كروان الغنا الفنان حليل زيدان فقيد الفن في السودان حليل زيدان أخوي الطيب الانسان
في الليلة ديك لبس السواد هجر الفراش قاشنا ورحل كنوز محبة بدون عتاب والله ما مني الحصل ما هانت الايام عليك وأيامنا من بعدك محل دنيا المحبة أميرة غاب الريدة ما بابها إنقفل
حليل زيدان كروان الغنا الفنان حليل زيدان فقيد الفن في السودان حليل زيدان أخوي الطيب الانسان
العباسية تبكي نسوة ورجال أطفال شباب وعجايزها والناس في ميدان الربيع سدو الدروب ونوافذها والحي لبس توب الحداد في كل بيت صيوان عزا وكل واحد في الفريق كأنه صاحب العزا والعندليب كان أبنها البار الوفي سكن القلوب واستحوذا
حليل زيدان كروان الغنا الفنان حليل زيدان فقيد الفن في السودان حليل زيدان اخوي الطيب الانسان
| |
|
|
|
|