|
|
|
|
 Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: ahmed haneen)
|
يوم قلبكم مغتى وما معترفين باى انسان فى السودان غير يكون منتمى لهذا الحزب الذى لايرى منسوبيه ابعد
من ارنبات انوفهم وقلتم انكم المسلمين وحدكم ولا مسلم غيركم واحتكرتم الحياة باسم الدين والدجل ونصحناكم
فما سمعتم النصح لا اليوم ولا ضحى غداً، ....
هل تظنون ان الشعب السودانى ساذج الى هذه الدرجة ويمكن ان تزايدوا عليه هذه المرة باسم الوطنية بعد ان سقطت
ورقة توت الدين، وسوف يخرج ليقدم لكم ابنائه كل مرة؟
واهمون لن يخرج معكم احد فى هذا الحرب التى اشعلتموها انتم ، دحين اتدفوا بيها براكم لا احد يمكن ان يلدغ من
جحر ابو الحصين مرة ثانية...
البلد المحن مجبور يلولى صغارا !!!
| |
  
|
|
|
|
|
|
|
|
Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: صديق الموج)
|
| Quote: يوم مشيتو نيفاشا واستبعدتو 90% مننا |
يا صديق أنت هنا و حسب كتاباتك أما مؤيد قوي للحركه الشعبيه.. أو عضو فيها... أذا انت غير مشمول معنا في النون هذه..
حركتك الشعبيه.. و المؤتمر الوطني هم من يتحملون نتائج نيفاشا.. تمت بدون مشاورتنا نحن... و ليس أنتم...
كويس أنك اعترفت بانكم الاثنين (حركه شعبيه + مؤتمر وطني) أقل من 10 في المائه....
| |
|
|
|
|
|
|
|
|
|
Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: Mohamad Shamseldin)
|
محمد سليمان سلام
عين التاريخ لا تنام محمد انا اتحدث باسم الشعب السودانى قاطبة وانا عندى مصالح الوطن مقدمة على مصالح
الحزب محمد انا اتحدث عن الاغلبية الصامته وهى تفوق حتى الـ90% التى ذكرت والذين اكتوا بنيران هذه الحروب
ردحاً والذين يريد حزب المؤتمر الوطنى ان يجيشهم الان باسم الوطنية بعد ان فشل فى ان يجيشهم هذه المرة باسم
الدين ويلقى بهم فى اتون حرب لاتبقى ولا تذر،،،
| |
|
|
|
|
|
|
|
|
|
Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: عبد الحي علي موسى)
|
يا صديق الناس ديل قالوا تعالوا حاربوا؟؟؟
والله اجيبة الاجب
يعني انحنا نمرق من بيوتنا التعبانة ونركب المجروش بتاع الديش ونحارب
عشان واحد زي نافع على نافع ولا الكريه الطيب مصطفى يتحاوم لي بالعربات الفارهة جوا الخرطوم
واحنا نمش نموت في هجليج الاصلو ما شفناه في حياتنا
والله اجية الاجب
امبارح شفت الناس واقفين في صفوف ويكبروا الى الجهاد وصدقوني في ناس منهم حق الفطور ما عندوا
ياخي ناس المؤتمر الوطني ديل ياخي ديل؟؟؟؟؟؟؟ آآآآآآآخ منهم ... ناولني الشومة دي اكسر راسم واحد واحد
| |
|
|
|
|
|
|
|
|
|
Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: Zomrawi Alweli)
|
Quote:
يابه......
إنتو مواطنين أيام الزنقة بس!
عجبك ولًا ما عجبك!
إن ما عجبك تبقى – بل تبقوا – خاينين وعملاء وطابور خامس و.....
في أيا الزنقات الزي دي، البلد بلدنا كلنا.
في أيام البترول وكًدا، الوضع غير.
ساكنين في كافوري والمنشية والسليت و......
وفي حالة زي دي، زول بجاهد مافي اللعبة انكشفت.
تحياتي ود الموج |
عبد الحى ازييك
يعنى مواطنين عند اللزوم او قول مواطنين بندول
او CITIZEN ON CALL ايهم اقرب للتقوى،،،
| |
|
|
|
|
|
|
|
|
|
Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: ismeil abbas)
|
صديق الموج تحياتى
تعرف مصطفى سيد احمد لما كان بيغنى (شيخ تلب) ؟؟؟
اهو كان قاصد جنس المحن دى ...
وطن شردونا منو ؟؟
وطن عذبونا فيه؟؟
وطن سرقوه ؟؟
وطن قتلوا واغتصبوا وعذبوا فيه الشرفاء ؟؟؟
اليوم يريدوننا شركاء معهم فى وطن اغتصبوه سنينا عددا
يريدوننا شركاء ما سلفت ايديهم
يريدوننا شركاء لسياساتهم الغبية التى اوردت الوطن الهلاك ...
ان كانت وطنية فعلا ... نريد حلايب اولا
| |
|
|
|
|
|
|
|
|
|
Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: Mohamad Shamseldin)
|
Quote: يا صديق أنت هنا و حسب كتاباتك أما مؤيد قوي للحركه الشعبيه.. أو عضو فيها... أذا انت غير مشمول معنا في النون هذه..
حركتك الشعبيه.. و المؤتمر الوطني هم من يتحملون نتائج نيفاشا.. تمت بدون مشاورتنا نحن... و ليس أنتم...
كويس أنك اعترفت بانكم الاثنين (حركه شعبيه + مؤتمر وطني) أقل من 10 في المائه.... |
والله ياصديق الموج ياخوي أنا شرحو
أنا فاكرك قاصد ناس سلفاكير النزلوكم في نص الطريق ..
| |
|
|
|
|
|
|
|
|
|
Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: كمال علي الزين)
|
Quote: واهمون لن يخرج معكم احد فى هذا الحرب التى اشعلتموها انتم ، دحين اتدفوا بيها براكم لا احد يمكن ان يلدغ من
جحر ابو الحصين مرة ثانية |
ابو العفين وإنت الصادق ...
ود الموج حبابك ,, المشكلة الما عندهم حق الفطور ديل وتعبانين وروحهم طالعة ، لما إحتلوا حلايب والفشقة ما قالوا بغم
وعاااااارفين الدايراه الحكومة بتسويه ، وهسسسسه لو الحرب دي وقفت ورجعت حياتهم التعيسة القديمة مافيهم زول بقول لأباطرة السلطان ديل
إنتو ظلمتونا وشردتونا وقتلتوا الفضل مننا جوع ومرض!!!
بالجد بقينا محتارين الناس ديل سقوا الشعب ده شنو ؟ خلوا مسير وما مخير !!!!
غايتو نسأل الله السلامة للوطن والمواطنين , وان يفك كربة البلد ويبعد عنه الجبابرة سارقي قوته
يمهل ولا يهمل
| |
|
|
|
|
|
|
|
|
|
Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: abdelrahim abayazid)
|
.Quote:
والله ياصديق الموج ياخوي أنا شرحو
أنا فاكرك قاصد ناس سلفاكير النزلوكم في نص الطريق .. |
كمال على الزين .......حبابك
يا الحبيب مانى قايل الكلام ده بترددوا انت برضو افتكرت ديل ناس المؤتمر الوطنى بهزموا به السذج
يا اخوى نحن ما سلفاكير ده ادرج حق تقرير المصير فى الاتفاقية وقد تكون واقعاَ يوماً ما تم تقسيم
الحركة الشعبيه الى قطاعين قطاع الشمال وقطاع الجنوب والاثنين نؤمن ان السودان لايمكن ان
تحكمه اثنية واحده ولادين واحد ولاعرق واحد ولا يمكن ان يحكم الا بمثل تباين السنة واديان
واعراق وسحنات اهله....
فعرفت اننا لم ننزل فى منتصف الطريق وكنا نعى يمكن ان نواصل لوحدنا متى ما قرر الرفاق
ان ينزلو فى محطتهم و ساعد على نزولهم اوباش المؤتمر الوثنى هذا الذين لايرون ابعد من
ارنبات انوفهم، اما نحن فماضون بالحركه الشعبيه المبادى والاهداف الى غاياتها الكبرى ..
| |
|
|
|
|
|
|
|
|
|
Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: صديق الموج)
|
يا محمد شمس الدين
Quote: يا صديق أنت هنا و حسب كتاباتك أما مؤيد قوي للحركه الشعبيه.. أو عضو فيها... أذا انت غير مشمول معنا في النون هذه..
حركتك الشعبيه.. و المؤتمر الوطني هم من يتحملون نتائج نيفاشا.. تمت بدون مشاورتنا نحن... و ليس أنتم...
كويس أنك اعترفت بانكم الاثنين (حركه شعبيه + مؤتمر وطني) أقل من 10 في المائه....
|
عملت في المنطق عملية عجيبة
إفترضت (بناءا علي فهمك الخاص لما يكتبه صديق الموج)
أنه حركة شعبية
ثم بنيت كل باقي حجتك علي هذا الإفتراض غير المثبت
ما علينا
إنتماء أي فرد هنا لأي حزب دا ما الموضوع هنا
(ما تفتش ضماير الناس)
طيب جاوب علي السؤال دا
رأيك شنو في حكومة إستبعدت 90 في المية من أبناء الوطن حين فاوضت بإسم الوطن
وقسمت البلد بإسم الوطن ########ت تلت الأرض وأكثر من ثلاثة أرباع المياه والبترول
التسعين في المية ديل ممكن يكونوا حزب أمة أنصار إتحاديين ختمية قادرية شيوعيين أخوان مسلمين
ناس غير منتمين لأي حزب
هل من العدل أن تستصرخ هؤلاء المغيبين في عرس بيع الوطن
لمأتم إحتلال جزء منه
وبإسم الوطن والوطنية؟؟؟؟؟؟؟
حكومة فرطت حتي في قطعة الأرض التي تنتج لها أكثر من نصف بترولها
(هذا غير حلايب والفشقة والجنوب بذات نفسه)
هل لها أن تستمر في حكم مواطني بلد إسمه السودان؟؟؟؟؟
| |
|
|
|
|
|
|
|
|
|
Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: Nasr)
|
الأخ الموج
لك التحية
إستلموا السودان بقرة حلوب ظلوا يحلبونها طوال عقدين من الزمان ويضعوا عائد ما تجود به فى حساباتهم الخاصة
ونحن علينا أن نقتطع من قوتنا لنعلفها ونسقيها وننظفها ولا ينوبنا منها نائب بل علينا الإمساك بقرونها عندما
يشتد هيجانها ولا يهمهم ما ينالنا من أذى جراء ذلك المهم أن يواصلوا فى عمليات الحلب .
| |
|
|
|
|
|
|
|
|
|
Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: جمال خضر)
|
Quote: عملت في المنطق عملية عجيبة
إفترضت (بناءا علي فهمك الخاص لما يكتبه صديق الموج)
أنه حركة شعبية
ثم بنيت كل باقي حجتك علي هذا الإفتراض غير المثبت |
الاخ نصر
أتفق معك أنه لا يمكن الدخول لقلوب الناس و معرفه أهوائها و لكن الله ما شافوه بالعين... صديق قال أنه من المغيبين في نيفاشا.. و نحن أصحاب الوجعه الجد.. كتبنا ضد نيفاشا.. و ساندنا من كتب ضدها.. و قلنا أن الشعب السوداني لم يشرك فيها.. الان صديق بعد سنين يقول نفس القول و بيقول أنه لم يشرك فيها.. طيب نحنا نقول شنو..لكنه نسي أن الحركه الشعبيه شريكه أصيله في نيفاشا.. و صديق من كتابته الفوق يعترف بأنه من ناس الحركه الشعبيه... يبقي لو داير يسب و يلعن نيفاشا.. و من وقع عليها عليه إعلان ذلك صراحه.. اما لبس طاقيتين فغير مقبول.. نفس الكلام حا نقوله لاي كوز ... لا فرق بينهم يا نصر أبدا..... يعني بالعربي كلام صديق ده بقبلو من أي زول ما كوز أو حركه شعبيه.. أما لو قاله واحد حركه شعبيه سابحث عن الدوافع و الغرض المحتمل.. لان الحركه الشعبيه في صراع مع المؤتمر الوطني (أيضا أنا لست طرفا في هذه الصراع.. و مناي الاتنين يطقطقو).. لكن عندما تدخل في الموضوع دوله أجنبيه.. و هذه الدوله الاجنبيه هي من ترعي الحركه الشعبيه.. لا يمكن أن اخد أي كلام بطيبه
____________
صديق
سيبك من كلام وطنيه بحري و بانت....خطتكم شنو لو إستلمتو بكره. حا ترجعو لينا هجليج كيف من يد دوله الجنوب.. حا تحنسوها... و لو حا تقول لي حا نتوحد من جديد
و عذرا علي الحده.. لكني والله بقيت شايف مصايب السودان كلها في الكيزان و الحركه الشعبيه
| |
|
|
|
|
|
|
|
|
|
Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: Mohamad Shamseldin)
|
Quote: صديق
سيبك من كلام وطنيه بحري و بانت....خطتكم شنو لو إستلمتو بكره. حا ترجعو لينا هجليج كيف من يد دوله الجنوب.. حا تحنسوها... و لو حا تقول لي حا نتوحد من جديد
و عذرا علي الحده.. لكني والله بقيت شايف مصايب السودان كلها في الكيزان و الحركه الشعبيه |
محمد شمس الدين .....سلام
والله انا اعرف انك مكتوى مثلى تماماً انا صديق الموج الحركة الشعبية ولا انكر ذلك بل افتخر اننى حركة شعبية
ولكن كما قلت لك ان الوطن عندى مقدم على الحزب يا حبيب، استصحب معاك كلام اخوى نصار ده واقول ليك
لو بتفتكر انا مع الحزب ان اخطأ وان اصاب تكون غلطان..وايضاً لاتحسب ان الحركة الشعبية كلها خير..
قلت لك ظللنا فى الحركة الشعبية نجاهد من اجل ان يبقى السودان موحداً نختلف ونتفق فيه و بداخله لا ان نختلف
عليه وما ساعدنا الشريك المؤتمر الوطنى فى ذلك وبعد الاتفاقية وقطعاً ليس هنالك اتفاق يمكن ان يغطى ويلبى طموحات
المتفقين ولو انه يلبى ويغطى كل شىء لما اختلفوا اصلاً ليبحثوا عن اتفاق، ولكن مع ذلك جاهدنا من اجل المبادىء ومن اجل
الحرية والديمقراطية وحقوق الانسان والمواطنه ولكن لم نجد من الشريك الا كل تعنت ، فذهب اخواننا فى الجنوب بعد
ان ادماهم المضى فى السير فى الطريق فهم اكثر تضرراً من غيرهم لان الحرب فى مناطقهم وانت تعرف اكثر المتضررين
من الحرب هم المدنيين وكان عندهم خيار يريحهم من الحرب وهو حق تقرير المصير فركنوا اليه وبقينا نحن نتمنى ان يتضافر
الناس معنا لنخلص من اعداء الحرية والديمقراطية والانسانية فعودة الجنوب اطمنك مرهونة بزوال المسبب ولم يكن
بيننا وبين الجنوب اكثر مما كان بين الالمانتين ولا اليمنيين فسيعودوا الى حظيرة الوطن متى ما انقشعت تلك الظلمة..
والله لا اخفيك سر بعد ان ذهب الجنوب ان الجنوبيين كانوا اكثر حرصاً من الشماليين على الوحده بما فيهم باقان
الذى ترونه انفصالى هذا اشهد له انه كان اكثر الجنوبيين وحدويتاً اذا ما ضمن ان الشمال كان سيعامله مواطن ولكن ليس
درجة ثانية لاسباب كثيرة انت والكل يعلمونها..
الاخوة المتداخلون والله كلكم عائد اليكم فمداخلة اخونا محمد كانت ملحة ولذا اعتذر غير ناسياً مساهماتكم التى اثرت
البوست كثيراً ويبقى الود،،،
| |
|
|
|
|
|
|
|
|
|
Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: صديق الموج)
|
هههههههههههههههههاي
يخدر ضراعك يا محمد شمس الدين ويبارك فيك بالجد أنت راجل محترم وذكي
الكوم ريد عمكم الموج قبضوه بدلس بالثابته
برز الثعلب يوما في ثياب المواطنينا ههههههها
خجلان يدين الحركة الشعبية البنتمي ليها ومن افعال الجنوبيين البواليهم ومايقدر يقول حاجه في احتلالهم لهجليج وأعتداءهم علينا الليله جانا لابس لبس المواطنين وقال يتكلم بي اسمهم قال شنو
Quote: عين التاريخ لا تنام محمد انا اتحدث باسم الشعب السودانى قاطبة وانا عندى مصالح الوطن مقدمة على مصالح
الحزب محمد انا اتحدث عن الاغلبية الصامته وهى تفوق حتى الـ90% التى ذكرت والذين اكتوا بنيران هذه الحروب |
يازول انت حركة شعبية ومكتوبه في بروفايلك القال ليك أنو ال 90% من الشعب السوداني حركة شعبية منو ؟
الأداك تفويض تتكلم بي أسمهم منو ؟
عن نفسي وأسرتي لا يشرفني أن يتحدث بأسمي حشرة شعبية وحتى لو رضيت ما بكون أنت لأنك منافق وكذاب
إذا كنت خجلان من انتماءك للحركة وشايف منظرك بايخ بعد الأعتداء تعال أدين الاعتداء وأعلن تبروءك منها
Quote: يا الحبيب مانى قايل الكلام ده بترددوا انت برضو افتكرت ديل ناس المؤتمر الوطنى بهزموا به السذج
يا اخوى نحن ما سلفاكير ده ادرج حق تقرير المصير فى الاتفاقية وقد تكون واقعاَ يوماً ما تم تقسيم
الحركة الشعبيه الى قطاعين قطاع الشمال وقطاع الجنوب والاثنين نؤمن ان السودان لايمكن ان
تحكمه اثنية واحده ولادين واحد ولاعرق واحد ولا يمكن ان يحكم الا بمثل تباين السنة واديان
واعراق وسحنات اهله.... |
أنتو زاتكم ما قريتو الاتفاقية جريتو أتلصقتو في الحركة الشعبية قايلين الجنوبيين ديل ما بفهموا ومفتكرين الحركة الشعبية حا توصل للحكم ترجع السودان وزير من غير تعب بس تعلن إنتماءك اللحركة الشعبية خلاص
ماشفتو الاتفاقية وجريتو ورى الحركة الشعبية سير سير سلفاكير وقديتونا بي صور عرمان وما عارفين نوايا الجنوبيين الدقسوكم وركبوكم مطيه ووصلوا لمبتغاهم
Quote: فعرفت اننا لم ننزل فى منتصف الطريق وكنا نعى يمكن ان نواصل لوحدنا متى ما قرر الرفاق
ان ينزلو فى محطتهم و ساعد على نزولهم اوباش المؤتمر الوثنى هذا الذين لايرون ابعد من
ارنبات انوفهم، اما نحن فماضون بالحركه الشعبيه المبادى والاهداف الى غاياتها الكبرى .. |
ههههههاي ما مصدق أنك أتدقستو فوق يا عمك وفوق معاك عرمان وما تغش نفسك الطشاش راح والكيمان انفرزن
عرمان عارفنه ساكران لكن انت مالك (كان وريتك بتزعل وأنت غالي ماديرين نزعلك هسع)
الحركة الشعبية أستغلت عدم وطنيتكم وطمعكم
| Quote: انا صديق الموج الحركة الشعبية ولا انكر ذلك بل افتخر اننى حركة شعبية |
كدي هسع امشي الخرطوم قول لي أي مواطن ساي من البتتكلم بي أسمهم كلامك الفي الاقتباس دا شوفوا يسوي فيك شنو
الشعب كله يكرهكم ويبغضكم لأنكم من سبب رئيسي من أسباب معاناته
خليك من الشماليين امشي هسع بره جوبا شويه وقابل ليك مواطنين شوفهم حا ينتظروك لمن تقول ليهم أنك حركة شعبية
كان ما عندكم حاجة تقولوها وخجلانين من عمالتكم نقطونا بي سكاتكم وما تتكلموا بي أسم الشعب
| |
|
|
|
|
|
|
|
|
|
Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: عبدالعزيز حسين عبدالرحيم)
|
العزيز صديق الموج
من تشابه عليهم البقر فى حيرة من
أمرهم فهم يعلمون واجب التضحية ولكن
كما فعل القوم ألحوا حتى طلب منهم ذبح
" بقرتهم المقدسة " .. نعم حلايب = هجليج =الفشقة
وطالما غض " الوطنيون" النظر عن تحرير حلايب والفشة
خوفا من أثيوبيا ومصر فعليهم وقف شق الجيوب ولطم الخدود
وازالة الفساد والاستبداد واقامة دولة المواطنة ليروا كيف
ستحرر حلايب ، الفشقة وهجليج . لقد نفذ رصيد تجار الحرب والدين .
| |
|
|
|
|
|
|
|
|
 Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: نزار يوسف محمد)
|
غايتو يا ودالموج ..
الوطنية بقت شيكات وصكوك يدوها للمواطن المسكين دا على كيف كيفهم ..
لكن في توزيع الثروة والسلطة والعمارات والعربات الفارهة يدوك بستين ( جزمة ) على راسك ..
إستبعاد كل القوى الوطنية عن نيفاشا يدفع ثمنه الآن الوطن والمواطنين في البلدين ..
مثل هذه القضايا المصيرية يجب أن يشارك فيها الجميع ..
لذلك ثمن كل هذا حرب ومصير مجهول على حساب الوطن والمواطن الفضل ..
| |
|
|
|
|
|
|
|
|
|
Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: المر)
|
المواطن قبل الوطن
ليس هنالك شيء غاية في ذاته، إلَا الانسان. فكل شيء وسيله إليه.
أو كما قال الأستاذ محمود محمد طه.
فيا أخ صديق: يجب ألَا يرهبوننا بالوطنية المزيفة. فالوطن يقنجر إذا ما أُهين انسانه. ويتفق معنا – هؤلاء الإرهابيون – أن الانسان السوداني قد أُهين أشد الإهانة في هذا الوقت الذي ظل هؤلاء يحكموننا. فنحن نعمل مع كل الشرفاء وبكل الوسائل المتاحة لاقتلاعهم.
ودمت بخير.
| |
|
|
|
|
|
|
|
|
|
Re: يا ناس حلاوة وطنية: يوم مشيتو نيفاشا واستبعدتو 90% مننا ماكنا مواط (Re: عبد الحي علي موسى)
|
كتب عبدالعزيز حسين عبدالرحيم
Quote: Quote: انا صديق الموج الحركة الشعبية ولا انكر ذلك بل افتخر اننى حركة شعبية
كدي هسع امشي الخرطوم قول لي أي مواطن ساي من البتتكلم بي أسمهم كلامك الفي الاقتباس دا شوفوا يسوي فيك شنو
الشعب كله يكرهكم ويبغضكم لأنكم من سبب رئيسي من أسباب معاناته |
| Quote: الشعب كله يكرهكم ويبغضكم لأنكم من سبب رئيسي من أسباب معاناته |
الأخيره بالغت فيها .. سبب رئيسى من أسباب معاناته ؟؟؟؟؟؟؟؟؟؟؟؟
وكأننا لا نعرف السبب الرئيسى والوحيد
| |
|
|
|
|
|
|
|
| |
صديق الموج
ادريس خليفة علم الهدي
باسط المكي
ahmed haneen
Mohamad Shamseldin
عبد الحي علي موسى
Zomrawi Alweli
ismeil abbas
ibrahim alnimma
هشام عباس
Abdlaziz Eisa
كمال علي الزين
اسماء الجنيد
أسامه الكرور
abdelrahim abayazid
Nasr
جمال خضر
نزار يوسف محمد
معتصم دفع الله
عاطف مكاوى
فيس بوك
تويتر
انستقرام
يوتيوب
بنتيريست