*** والله عيب كبير يا جماعة !!!***

Quote: ما تجوا تسمعوا موال الوطنية والوطن ، ولا يجي التاني يسمع موال الإنفصال ودولة قائمة بي زاتها وتعدي وما شابه ذلك المشكلة ليه ما تحل من الجذور؟؟ وليه طوالي نشمر سواعدنا للشينة ؟؟؟

Quote: سلآمات يا بت الجنيد. غايتو بس نقول الله يلزمنا الصبر. بيني وبينك، الوطنية دي زاااااتا إحترنا في تعريفها!!! البشير، وسلفاكير، وعلي عثمان، وعبد الرحيم حسين. أها، ديل وطنيين. تصدقي ؟؟؟!!!

Quote: بت الجنيد ..........سلام اهلنا الكبار بقولو: البلد المحن مجبور يلولى صغارها المؤتمر الوطنى ظن انه يكتب الصفحة الاخيرة فى كتاب التاريخ ، ذهب الى نيفاشا لوحده غيب كل القوى السياسية ومنظمات المجتمع المدنى وفاوض بما يرضى طموحات الحزب الواحد، وما يولفق هواهـ. وكأنه اباذر الغفارى ولكن اباذر قيل سيموت وحده فليموتو وحدهم طالما اختاروا هذا الطريق. ذهبوا الى نيفاشا وعقدوا الاتفاقية التى كانوا يظنون بانهم ان اعطوا الجنوب البترول والخيرات سيأمنوا شره وهم قادرين على قهر شمال السودان والتنكيل بافراده وفرض الوصايا عليهم وانتظار ما يأتيهم من خراج البترول ليتنعموا ويتركو الشعب تذله الحاجه وتقهرة المسغبة ويتمرق فى المتربة... ذهبوا وعادوا تاركين قضية الجنسية والحدود المشتركة و قضية الديون، زكثير من القضايا العالقة.. جلسوا ست سنوات وهم يعملون للانتخابات للفوز بها دون ان يدرسوا تبعات الانفصال ان حدث. وان اردتى الحل فهو فى تطبيق القوانين الدولية فقد اصبحنا الان حكومتان ولم يعد الجنوب هو جنوب السودان او حديقته الخلفية التى يبحث فيها الفطايس كما اسموهم عن بنات الحور ، وبنفس القدر على حكومة جنوب السودان ان لا تتحدث عن حكومة الخرطوم انها حكومة الجلابة او المندكورو ويجب تحكيم صوت العقل ووقف العدائيات حتى يهىء لنا من امرنا رشدا.. وعلى المعارضة الراشدة ان تسقط هذا النظام وتقيم حكومة توفر لشعبها الامن والطمانينة والرخاء فقد هرمنا هرمنا هرمنا ولا زلنا نكابد هذه المنافى ومثلنا يحتاج له فى المشورة والعقد و الحنوط لو كان السودان هو السودان ،،،

Quote: العزيزة/ سوما الجنيد حملوا الراية وحملوا الوصية على الأذية عشان بلدنا شقية ربنا يصلح الحال ويخلصنا من الهوس المزمن تحياتي

Quote: التحيه ليك يابت الجنيد حاسين حسسك ياوطن وفاقدنك اليومين دى البال توك مولع اخر معركه كانت بينى وابوعتيك وابو اسلام كبدتهم خسائر فى الارواح والممتلكات وجلدتهم جلدا مبرحا حتى استعانو بكائنات اسفيريه للدعم اللوجستى

Quote: والشيء المؤسف حقا تحميس الطار للحرب مع جنوب السودان!!! ونفس الناس البتحمس في الطار ده ، عاملين اضان الحامل طرشا في إحتلال حلايب والفشقة !!! دي اراضي من دهب يا ربي والبي غادي من صفيح ؟؟؟

Quote: يا بت الجنيد هي الحرب أصلاً بدأت و معروف منو اللي بدأ الحرب و حكاية حلايب و الفشقة دي يعني نحن نقعد نتفرج و كل ما دولة تشيل ليها حته نقول خلوها بعد ما نحرر حلايب و الفشقة ...؟؟؟ يا بت الناس الجنوب هو اللي بدأ الحرب و هو اللي دخل الأراضي السودانية و سلفا كير بي لسانو قال ما طالع تحياتي و إحترامي

Quote: حكاية حلايب و الفشقة دي يعني نحن نقعد نتفرج و كل ما دولة تشيل ليها حته نقول خلوها بعد ما نحرر حلايب و الفشقة ...؟؟؟يا بت الناس الجنوب هو اللي بدأ الحرب و هو اللي دخل الأراضي السودانية و سلفا كير بي لسانو قال ما طالع