اها يا خالد زى ما بقولوا الخواجات يا ككو For your record كل الشهادات و الأقاويل و الحقائق وا وا وا تقول ان الجيش السودانى قام بما يشبه الانسحاب الى حد ما من هجليج و لم تحدث معارك بالمسمى و انت قلته تلقي خسائر فادحه للمره الاولى كما لم يتلقاها من قبل فى تاريخه يلا اركز انت فاضي من شيشة البرجوازيه في نادى الطائف عشان تقدر تجيب اخبار موثوقه اها البلع كيف ناشف ولا نديك شيشه
04-13-2012, 10:27 PM
ناصر البطل ناصر البطل
تاريخ التسجيل: 10-14-2005
مجموع المشاركات: 2806
ولان اجمل ما فى سودانيزاونلاين أرشيفها فكان ان ذكرنا ان خالد هو من رتب لقاء تراجى للعربيه كنوع من السقوط الأخلاقي و الإيحاء بان هناك تطبيع بين الشعب السودانى و اسرائيل و انكر خالد ثم اعترف لاحقا
يلا اها
تشرب شيشه و تجئ تلتق الاخبار و تبلع ولا تفضي للشغل و تعمل تقارير بمهنيه
ضياء الدين للضمان كده ما غلطان فى حقك
تبلع ولا كيف الدباره؟
04-13-2012, 10:41 PM
حافظ انقابو حافظ انقابو
تاريخ التسجيل: 02-04-2012
مجموع المشاركات: 3552
سقطات ما بين الاولى و الثانيه احدهما عندما ركب خالد موجة الشباب فى حزب الامه و دعا للإصلاح ثم ظهرت له صور و تبدو ملامحه بافراح طفوليه يصافح الصادة المهدى و يعطيه شرف تدشين كتابه الاول فى حين انه كان يتحدث قبلها بأيام عن التحرر من تبعية الأسياد و كاك كاك كاك
و الأخري عندما سرت شائعة اعتقاله فاختفى خالد من نشاطه و خصوصا على الانترنت لفترة يومين ليعطي المتداخلين إحساسا بانه ما زال معتقلا و شجب من شجب و طالب باطلاق سراحه من طالب
ولاحقا تبين انه اقتيد للاستجواب و تم اطلاق سراحه فى الحال و لم يتم اعتقاله ولا يحزنون
الدخله يا انقابو انو صاحبك صباح و مسا ماسك المايك و جاري النفس هناك و للضمان ضياء العواليق ده ما غلطان فى حقو شكلو ناس العربيه زنقوهو فى تقرير قام لتتتق حاجه على السريع و أتخيل انو مجريات الامور حتمشي فى صالحو
04-13-2012, 11:04 PM
خالد خليل محمد بحر خالد خليل محمد بحر
تاريخ التسجيل: 07-19-2006
مجموع المشاركات: 4337
هل اذا تم تحرير هجليج و تمت هزيمة الحركة الشعبيه بعد معارك عنيفة و عنيفة تحتها خطين حسب تقارير رويترز و بي بي سي و الجزيره هل انت من الشجاعة و المهنية فى شئ ان تكتب تقرير و تقول فيه
تمت هزيمة الحركة الشعبين كما لم تهزم فى تاريخها من قبل
ولا السؤال ده ناشف ما بتقدر تبلعو نديك ليهو زيت
ابلع
04-13-2012, 11:08 PM
خالد خليل محمد بحر خالد خليل محمد بحر
تاريخ التسجيل: 07-19-2006
مجموع المشاركات: 4337
واضح جدا انه استاذ خالد عويس وبمهنيته العالية استطاع هزيمة كل متملقي الصحافة وكاتبي الانقاذ لذلك يتسارع الكثيرين هذه الايام للنيل منه شكرا لك ياخالد ..... وشكرا كثيرا
الاخ ناصر اولا ضياء الدين كذب في حق خالد وكتب التالي تعبر للمشاهدين بصوت خالد عويس:(موت الألاف من الجيش السوداني بعدد غير مسبوق في تاريخه،الابيض وكادوقلي وتلودي على حافة السقوط في يد الجيش الشعبي) !! على حائطه بالفيسبوك وجاء رد عويس واضحا ومتحديا ...ان انت ياضياء تكذب ,,,, واتى بالتقرير فلم نجد ما قاله ضياء .....
ثم ثانيا ..... خالد كتب تقريره بحرفية ومهنية عالية فاستند على مصادر من الجانبين .. smc على لسان الحاج ادم ...ومصادر فضلت حجب اسمها من الجانب الاخر ....واورد عنهم بالحرف .... فهل هناك مهنية أكثر من ذلك
اعداء النجاح كثيرين ... ويبدو انك ياناصر واحد منهم انظر للبورد الان ...به ما لا يقل عن ستة بوستات كلها تتحدث عن تحرير هجليج.... في حين ان اي شخص يعلم ان هجليج لازالت في قبضت جيش الجنوب فأين المهنية في ذلك ... الا تستحق ان تقول رأيك فيها
خبر سقوط هجليج اورده في هذا المنبر العضو هجو الاقرع (الكوز) وكتب التالي
Quote: نعم سقطت هجليج لان وزير دفاعنا سجمان ، و ان قواتنا المسلحة و خاصة الجنود فقدوا العقيدة القتالية فى ظل الفساد ، و ضعف رواتب الجنود التى قد لا تصل اليهم
هذا الاعتراف بالهزيمة في هجليج ثبته اعضاء المؤتمر الوطني ووضحوا اسبابه قبل تقرير خالد ...فما الجديد الجديد انكم تريدون من خالد ان يحول قناة العربية لبوق لنظامكم الفاشل وحكومتكم التي تقتل ابناءها يوما بعد يوم ...وهذا ما لن تجدوه
ثم مالك وما خالد ومكان التقاء اصدقائه ...هل هذا الامر يعنيك في شئ .... تتحدث عن ترتيب خالد للقاء تراجي في قناة العربية ..... ما العيب في ذلك سودانية تزور اسرائيل فتثير استغراب الجميع وتسعى القناة لمعرفة هذه الزيارة ....خالد صحفي محترف ويعرف طرقا توصلهم لهذه السودانية فرتب لها اللقاء هل قال خالد ان زيارة تراجي تعبر عنه هل قال خالد ان هذه الزيارة جزء من اشواق السودانيين ورغبة في التطبيع .. ام هي سياسة التخويف والتخوين التي تمارسها الانقاذ في حق خصومها منذ اليوم الاول فلم تورثهم الا الدمار والخراب ....حتى استباح ارضنا وبلادنا الجميع
04-13-2012, 11:10 PM
ناصر البطل ناصر البطل
تاريخ التسجيل: 10-14-2005
مجموع المشاركات: 2806
افتح ألبي بي سي حاليا يا خالد و أنا عارف انك بتقرا فى كلامى ده لانو نحنا العربيه الانت بتكضب فيها دى و تقرير بتكتبوا سعادتك نحنا زاتنا خليناها اها سوزان رايس من مجلس الأمن أدانت جوبا و دعت الى وقف دعم المرتزقه من الطرفين المرتزقه بالحرف شفته كيف؟ المرتزقه هنا يعنى تحالف كاودا يعنى يا داقس السياسة مصالح مشتركه و وقف النفط يعنى وقف مصالح امريكا اها تقدر تقول بشجاعه كلام زى سوزان رايس كده؟
04-13-2012, 11:29 PM
خالد حاكم خالد حاكم
تاريخ التسجيل: 08-25-2007
مجموع المشاركات: 3434
كلام ناس سوزان رايس لما يكون فى صالحنا كلام مقدس وبنستشهد بيه بمناسبة وبدون مناسبة كانو كلام منزل لكن لما يكون ضدنا يكون كلام كفرة وفجرة وغير عادل ومحامل ومنحاز ووووووووو!!!!!
04-13-2012, 11:17 PM
ناصر البطل ناصر البطل
تاريخ التسجيل: 10-14-2005
مجموع المشاركات: 2806
ارجع للأرشيف يا عمك و اقرأ اول بوست انت فتحتو و شوف البوستات الفتحتها ليك أنا و نوبي حينها كرد على انحرافك الاخلاقي نسيت ولا شنو انت اسه جاي تكاكى هنا
ياخ قلنا ليكم المنبر ده عندو ارشيييييييييف أرشيف ياخ
عموما هنا بنتكلم عن موضوع تانى بنرجع ليك مره تانيه فى بوست تانى لكن الحقائق الانا قلتها فوق دي لا انت لا خالد واحد فيكم بيقدر يقول أنا كضاب ماف الا ياهو تجو تكتبوا كلام من عينة السفيه نبذ الباشا و كاك كاك
04-13-2012, 11:28 PM
خالد خليل محمد بحر خالد خليل محمد بحر
تاريخ التسجيل: 07-19-2006
مجموع المشاركات: 4337
Quote: ارجع للأرشيف يا عمك و اقرأ اول بوست انت فتحتو و شوف البوستات الفتحتها ليك أنا و نوبي حينها كرد على انحرافك الاخلاقي
إنحراف أخلاقي مرة واحدة كده،وبدون رتوش يا مان، إذا هي كذبة أبريل على تخوم شهر مايو أخر من يتحدث عن الاخلاق يا ناصر هو أنت، وتعرف هذا جيدآ، وعشان تكون صادق ومتصالح مع ذاتك وعشان تؤكد على صدق وصحة كلام طوالي أمشي الارشيف(هو الارشيف ده بركبو ليهو موصلات كمان) وتنكش تنكش تنكش تعال جيب عينات من فسادي الاخلاقي ده، مايبقى كلام إنشائي ساكت، ولو ما عملتا كده عزيزي القارئ حيعرف من هو المنحرف أخلاقيآ تاني حاجة ما قلتا لي هو إنحرافي ده بدرجة كم عشان الواحد يكون على(بينة من إنحرافه)....
Quote: ياخ قلنا ليكم المنبر ده عندو ارشيييييييييف أرشيف ياخ
وعشان المنبر ده عندو إرشيف ياخ أردمني بيهو ياخ،أنتا مالك مابي لي الردم طوالي خش الارشيف،بقروش قالوا ليك الارشيف ده...؟
04-13-2012, 11:48 PM
ناصر البطل ناصر البطل
تاريخ التسجيل: 10-14-2005
مجموع المشاركات: 2806
ناصر ال###طل قلت لي ده دليلك على إنحرافي الأخلاقي...طيب الترابة دي في خشمك يا خفيف... طيب لوكان أنت افقك ضيق ومقارباتك للحاجات بتم وفق(الذاكرة الفحولية عندك) وشايل ليك سرير دبل في رأسك الفاضي ده وحايم بيهو، ياخ أنا ذنبي شنو....؟ ها...؟ يا زول أخجل على دمك واعتذر لي خالد عويس من الهذيانات بتاعتك والأكاذيب دي سرعة. اها طيب بعد الادلة دي ممكن سؤال/ إنحرافي بدرجة كم ....ّ ما وريتيي...؟
04-13-2012, 11:54 PM
ناصر البطل ناصر البطل
تاريخ التسجيل: 10-14-2005
مجموع المشاركات: 2806
مع العلم بان الصوارمي فى اخر بيان ذكر بالحرف ان هجليج لم تتحرر بعد و لكن الجيش يزحف نحوها
اسه التعب ده فى ليهو داعى :) تخلوا الواحد يبطل البكتب فيهو و يمشي يفتش الأرشيف و ينقل هنا قلنا ليكم ارشييييف لما نقول ليكم قتلوا قولوا ايوا و لموا خشومكم نرجع لموضوعنا :)
04-14-2012, 00:28 AM
محمد عادل محمد عادل
تاريخ التسجيل: 07-19-2006
مجموع المشاركات: 14734
خالد عويس مستواهو مابنزل لامثالك ولا امثال ضياء الدين انت ماعندك موضوع عاوز تسلق وتطلع على اكتاف الاستاذ خالد عويس وبصفتى عضو فى شيشة نادى الطائف نادى الطائف مالامى العطاله المثلك امشى شولف شغلتك بعيد قال عامل فيها محلل وكاتب
04-14-2012, 09:05 AM
ناصر البطل ناصر البطل
تاريخ التسجيل: 10-14-2005
مجموع المشاركات: 2806
يا محمد عادل ياخ إنت آخر زول تتكلم إنت جكسويه أدتك شاكوش خلتك جاي تستفرغ لينا هنا فى المنبر ده لما قلته الروب نسيت ولا نذكرك الأرشيف قاعد يا وهم برجوازى طفيلي
04-14-2012, 00:09 AM
ناصر البطل ناصر البطل
تاريخ التسجيل: 10-14-2005
مجموع المشاركات: 2806
على الرغم ضياء زول عواليق و برضو متسلق الا انو ما كتبه حقيقه و اكثر ما يعجبنى فى كتاباته انو ماسك الدفتر لجميع زملاؤه فى التسلق و يرد الصاع صاعين مرورا بكتابي المفضل سابقا زهير السراج هذا بعد رفع الكلفه و حذف كلمة دكتور
04-14-2012, 01:03 AM
سارة علي سارة علي
تاريخ التسجيل: 07-08-2008
مجموع المشاركات: 4413
أنتو بتعرفو طريقة اعداد التقرير التلفزيوني ولا مقياسكم بس اعلام الحكومة المضلل دا؟ ما سمعتو نهاااااائي "وقال شهود عيان" "وذكر مسئول رفض الكشف عن أسمه" "وقالت مصادر لل..."في اي تقرير؟؟ أنتو قايلين انو مصدر الخبر بس بيجي من رويترز وغيرها من الوكالات؟؟ الوكالات دي ذااااتا من تشيل من تقرير العربية الكتبو خالد دا .. خالد لو اتصل على اي مصدر محل ثقة ليهو خلاص بيكون اضافة معلومة للتقرير ولو ما عندو مصداقية عند العربية ما بيسمحو ليه بتنزيل الخبر..يعني حتفهمو اكتر من منتجي الاخبار في العربية؟! مهنية خالد عويس اصلا ما بيناقشو فيها ولا بيهاترو بيها.. وكان لي الشرف اني اشتغلت معاه في وقت من الأوقات.. الاعلامي البيعرف كتابة التقارير يجي يورينا إنجازاته ..مع العلم انو كتابة الصحف بتفرق من التلفزيون فبلاي شغل "قبضتتتتك..مسكتتتتك..كفششششتك" دا اعملو مع المبتدئين
قومو البسو ليكم كاكي ولا صاقعة رجعو حقكم هداكم الله خالد عويس دا قاااااااااعد وموضوعو ملحوق
04-14-2012, 04:58 AM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
سارة علي ... أنا حضرت التقرير وتابعت وشاركت في النقاشات في الموضوع في صفحة ضياء للاسف التقرير فيه معلومات مغلوطة ومسنودة لمصدر موثوق ما معروف وفعلا ما ضروري يكون معروف طالما هو موثوق للقناة او معد التقرير لكن كان مفروض لما معد التقرير يعرف بانه في معلومات مغلوطة يسعى لتصحيحها عشان المهنية يسألني بعضكم المعلومات المغلوطة شنو ..أقول .... التقرير اتكلم عن انو في معارك دائرة (لحظة التقرير) في دارفور وجنوب كردفان وإنو الجبهة الثورية على مشارف كادقلي (على بعد 10 كيلو) وحينها لا في دارفور ولا جنوب كردفان كان في معركة دائرة والجبهة الثورية لم تكن على مشارف كادقلي اها مصدر خالد ده جاب الكلام ده من وين ..؟؟! ولمن خالد والقناة إتأكدوا إنو المعلومة مغلوطة ليه ما إهتموا بتصحيح الخبر .؟؟! سارة القنوات مفروض يكون عندها مصداقية ومفروض يكون عندها اكتر من طريقة لفحص الخبر والتاكد منه ولا شنو ...؟؟؟!!!
04-14-2012, 05:23 AM
عبد الصمد محمد عبد الصمد محمد
تاريخ التسجيل: 12-12-2004
مجموع المشاركات: 1402
Quote: أنتو بتعرفو طريقة اعداد التقرير التلفزيوني ولا مقياسكم بس اعلام الحكومة المضلل دا؟ ما سمعتو نهاااااائي "وقال شهود عيان" "وذكر مسئول رفض الكشف عن أسمه" "وقالت مصادر لل..."في اي تقرير؟؟ أنتو قايلين انو مصدر الخبر بس بيجي من رويترز وغيرها من الوكالات؟؟ الوكالات دي ذااااتا من تشيل من تقرير العربية الكتبو خالد دا .. خالد لو اتصل على اي مصدر محل ثقة ليهو خلاص بيكون اضافة معلومة للتقرير ولو ما عندو مصداقية عند العربية ما بيسمحو ليه بتنزيل الخبر..يعني حتفهمو اكتر من منتجي الاخبار في العربية؟! مهنية خالد عويس اصلا ما بيناقشو فيها ولا بيهاترو بيها.. وكان لي الشرف اني اشتغلت معاه في وقت من الأوقات.. الاعلامي البيعرف كتابة التقارير يجي يورينا إنجازاته ..مع العلم انو كتابة الصحف بتفرق من التلفزيون فبلاي شغل "قبضتتتتك..مسكتتتتك..كفششششتك" دا اعملو مع المبتدئين
قومو البسو ليكم كاكي ولا صاقعة رجعو حقكم هداكم الله خالد عويس دا قاااااااااعد وموضوعو ملحوق
سلااااااام عليك يا سارة
04-14-2012, 07:31 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10144
حقيقة عنوان البوست عنوان تهكمى ويعطى انطباع للقارئ بانك لم تأتى لحوار موضوعى ومهنى وحتى مداخلاتك تعضد ما اشرت اليه من ابتزال واضح
قناة العربيه الاخباريه تختار موظفيها بعنايه فائقه ووجود الاستاذ خالد عويس على دسك الاخبار فى هذه القناه يدل دلاله قاطعه على تميزه شئنا ام ابينا
هذه هى الحقيقه الراسخه التى يجب ان ننطلق منها لحوار عقلانى بعيدا عن التهاتر فى موضوع مهنى , فالمهنيه تتطلب الامانه فى نقاش تقرير خالد
المشاهد العادى ربما يعجبه التقرير او لايعجبه وفى الاخيره يمكنه وصف التقرير بانه ساذج او خلافه فهو مشاهد وليس اعلامى فمن حقه ان يقول مايحلو له
اما المهنيين يجب ان تسمو نقاشاتهم .
شاهدت التقرير ثلاثه مرات ولاكون منصفا فهو تقرير متميز جدا لاتشوبه شائبه , جاء فى التقرير بان هنالك معارك فى مناطق محدده داخل السودان وهنالك خسائر تكبدها جيش النظام ,
وجاء هذا على لسان مصدر تعتمد عليه القناه عالية المهنيه , اما ان كون الاخوه الذي ذكروا بأن الحقائق التى فى التقرير مجافيه لحقيقة الوضع على الارض ,
فذلك يعود لاعتمادهم على اعلام النظام والذى هو اعلام ضال ومضل وهو كما اصفه فى هذه الجزئيه ( اعطنى اعلاما بلا ضمير اعطيك شعبا بلاوعى)
هذا للاسف هو اعلام النظام والذى تعودنا منه لى عنق الحقيقه .
كان التناقض واضح فى مداخلة الاخ ضياء البلال وسنعود لهذه النقطه فى حينها .
لنترك الاخوه المشاركين مشاهدة التقرير هنا حتى يكون النقاش موضوعيا
04-14-2012, 08:56 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
ياخ الزول ده قال بالحرف كلا محدد و قال الكلام ده عن ثقه و بعدين إتضح إنو أساسا معركه زاتو ما حصلت و الجيش قام بإنسحاب هذا حسب رأى حكومة الجنوب زاااااااته
ما تشبكينا كاك كاك كاك أها ورونا الخسائر دى كان كم جرحي و كم موتي و كم دبابه
و الصور الصور
لو سمحتو
أو يطلع كضاااااااااااااااااااااااااااااااااااااااااااااااااااااااااااااااااااااب
04-14-2012, 11:20 AM
محمد عادل محمد عادل
تاريخ التسجيل: 07-19-2006
مجموع المشاركات: 14734
Quote: هذه المصادر اكدت متحدثة عن خسائر كبيرة في هجليج و غير مسبوقة في تاريخ الحرب السودانية لكن لم يصدر ما يؤكد اوينفي الخرطوم
هذه هي قمة المهنية -في نظري - و هي ايراد وجهات النظر لكل طرف باعتبار المراسل غير موجود في ساحة المعركة لمعرفة الحقيقة ! و اعني اذا قالت الخرطوم انها لم تخسر او انها كبدت (العدو) خسائر فادحة -لذكرها عويس ! ولو ذكرت مثلا مصادر كاودا او اي جهة انها دخلت كادوقلي (حتي لو هذا غير الحاصل ) - من الطبيعي ان يذكر المراسل ان الجهة فلانية ذكرت انها دخلت المدينة المعينة ! اما كيف يؤثر هذا الخبر علي المستمعين فهذه ليست مشكلة المراسل ! وهذه هي الطريقة المهنية و المعمول بها في كل انحاء العالم -حسب علمي - بل حتي مهنية خالد -في ظني -ليس لبراعته او وطنيته انما هذه هي شروط العمل الواضحة للمراسل و ان فعل غير ذلك ربما يقال من وظيفته !حسب الجهة المخدمة ! وحتي لو اتضحت لاحقا عدم صحة المعلومات التي اوردها مراسل -هذا لا يسمي كذبا !! وانما ما كان عليه قول الا ما قاله في لحظة المعلومات التي وردت اليه في تلك اللحظة وليس عليه اي (بلع ) ! بغض النظر عن المتضررين ! بالطبع قد يضع المراسل احيانا بعضا من آرائه في طبيعة و اعداد التقرير لكن المآخذ التي يتحدث بها ضياء وآخرين هي من صلب المهنية التي التي مارسها الاستاذ خالد بجدارة مستحقة وواجبة و ليست صعبة !
لكن بصراحة بغض النظر عن نوايا الاستاذ ضياء في هجومه - لكن اتفهم عدم امكانية فهم ضياء لطريقة اعداد التقرير التلفزيوني باعتباره نتاج للكتابة الصحفية الشمولية التي لا تكترث للرأي الاخر !
عموما اجد العذر بل قل المبرر للاستاذ لضياء لانه قد يحتاج لسنين ضوئية لفهم طبيعة وسبب مهنية خالد عويس ! او لمعرفة ابجديات واساسيات التقرير التلفزيوني المهني ! وكل ميسر لما خلق له ! وختاما يبدو لي ان خالد ليس هو من يستحق الدفاع عنه فهو يمارس عمله بمهنية عالمية معروفة ! وبل حتي قبل توجيه اي تهمة لضياء وراء اسباب هجومه يبدو لي علي الاخرين شرح طريقة اعداد التقارير له عله يفهم عن الاعلام شيئا و قد يتراجع عن هجومه ! وهكذا يمكننا ان ننصف او نكسب كل الاطراف !
وبالمرة يا ليت لوانسحبت قوات الجنوب من هجليج دون حرب !!!! ا
سلامات البطل وعساك طيب
(عدل بواسطة هيثم طه on 04-14-2012, 02:25 PM) (عدل بواسطة هيثم طه on 04-14-2012, 02:41 PM)
04-26-2012, 03:25 PM
هيثم طه هيثم طه
تاريخ التسجيل: 08-30-2011
مجموع المشاركات: 1153
البطل سلامات عساك طيب غايتو بعد الفيديو دا اقتنعت انو كلام المراسل خالد عويس فيهو جزء كبير من الصحة في خسائر غير مسبوقة-وحكاية (المصادر الموثوقة) البتريق عليها ملاسي -شكلها فعلا طلعت موثوقة !( بغض النظر عن الانسحاب او الخسائر في من لم ينسحب ! غايتو شايف خالد عويس اتخون و(اتبل ) في صمة مصادرو! وضياء الدين طلع (بلاّل )ساكت !!
معذرة للمشاهد الدموية - و الرحمة لضحايا الحرب --- واعتذاري لعويس لتسبب مشاركتي في رفع البوست (نسبة للعنوان و ما به من ضرر ادبي -في نظري) ويبدو لي من اجل مصالح ايدلوجية مرات الناس بتفتح بوست بعنوان صارخ لا يخلو من عدم امانة او عجلة او غرض لحسم المعركة بدري بدري من العنوان ! بعد داك الـ يحصل يحصل داخل البوست - وبغض النظر عن نوايا الاخ البطل في صيغة العنوان لكن في تقديري العنوان بقع تحت الكاتيقوري دا !
التعديل لرفع الابنص قليلا واستبدالات !!
(عدل بواسطة هيثم طه on 04-26-2012, 03:54 PM) (عدل بواسطة هيثم طه on 04-26-2012, 04:55 PM)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ناصر البطل
حافظ انقابو
Abdulrahman Eldaw
خالد خليل محمد بحر
خالد حاكم
محمد عادل
سارة علي
Ahmed musa
خضر الطيب
محمد عبد الماجد الصايم
هيثم طه
فيس بوك
تويتر
انستقرام
يوتيوب
بنتيريست