|
|
 كلام ! بابكر سلك قبل مباراة الهلال والمريخ . اها بعد المباراة قال شنو
|
بسم الله الرحمن الرحيم
في السلك
بابكر سلك
مبروك يا أحلي شفوت
* جمهور المريخ انشاء الله لايفوت لا يموت
* شفووووووووووووووو
وووووووووت
* حضروا قبل الميعاد
* انتصروا للمريخ من العصر
* هتفوا
* عنوا
* وانشدوا
* كل شئ عملوهوا عشره علي عشره
* واكمل اللوحه العلم الكبير الجميل الحايم في المدرجات
* علم ماشاء الله تقول فيهو بلي
* ماشي منساب بين ايدي الجماهير
* كل شفت وضع بصمتو علي العلم
* الشفوت اعلنوا النصر
* وكان النصر
* تحيه من اللاعبين عند نزولهم الملعب
* كان لها اثرها الكبير
* وهدايا من اللاعبين للجماهير
* كان لها اثرها الكبير
* ولكن في نهاية المباراه ما احتفلوا معانا
* ولا ودعونا
* ولا اعتبرونا
* ناس بلاتينيوم ودعونا
* صفقنا ليهم
* لي اعتبارهم لينا
* ودعونا وهنونا
* لانهم دهشوا لجمهور مثل هذا
* يعشق فريقه لدرجة الجنون
* يساند فريقه طوال اربعه ساعات متواصله
* لا يكل ولا يمل
* المهم
* بين الشوطين جمبي شفت لذيذ جدا
* الاذاعه الداخليه بثت نشيد العجب العجب
* الجمهور كلو شارك بالغناء
* الشفت الجمبي قال لي النشيد ده بعجب المريخاب شديد
* قلت ليهو بعجبهم لانو لما يشغلوهوا بجهجه ناس كده
* وحالتهم بتبقي زي الشيطان لما تشغل ليهو القرآن
* ايها الناس
* احييكم واحبكم واحترمكم جدا
* لانكم شفوت تملوا العين وترفعوا الراس
* المهم
* هناك بعض الهنات بدرت من بعض اللاعبين
* المهم الانتصار
* نجم الدين بدأ متوترا
* وحكاية الطرد دي الشفوت فهموها
* وقالوا لنجم الدين
* عمليتك ما جميله وحرتك ########ه
* تحيه خاصه للبطل اكرم
* طالما اكرم حاضر
* يبقي مافي داعي نحضر زول تاني
* واتحضري
* والتحيه لكل من شارك في الملحمه
* المهم
* نرجع لي كورة اول امس
* يا روشا
* انتو الجبتوهوا ده فريق ولا فرقة جاز زي ماقال عبدالحميد !!!!!
* ناس ياروشا بي سجم رمادهم ده ينفردوا بالمعز حداشر مره ؟؟؟
* المعلم عمر بخيت قال ليهم انتوا بتنفردوا وتضيعوها قايلين المعز ده عندو حاجه ؟؟؟
* ماعندو حاجه
* اها عاينو
* درديقه ساي بتجي قون
* ودردقت
* دردقها
* الكوره جاريه والمعز جاري وراها
* لي اسي
* ايها الناس
* امس في الصفحه الاخيره لقون جايبين صره كبيره
* فيها كاريكا وسادومبا واقفين جمب صورة البرنس
* البرنس حفظه الله ورعاه واطال عمره وامد في يامه وحلحل مشاكله مع الرئيس والمدرب
* وكاريكا وسادومبا رافعين يدينهم نص
* اتخيلت الرائع صلاح التوم من الله يجيب الصوره في صفحته المقروءه
* ويخت عليها تعليق كعادته
* لكن من الله لو جاب الصوره وغلط وقال هات اجمل تعليق
* شخصيا برسل ليهو تعليقين
* الاول لن ننساك
* والتاني كاريكا يقول لي سادومبا انت شايل الفاتحه حافظه ولا ساااااااي !!!!!!!
* نرجع لكورة الشفوت
* ياسلام عليك يا جمهور المريخ يا راقي احساسك وتشجيعك
* ايها الناس
* كده التشجيع ماشي صاااااح
* وتحية اللاعبين قبل المباراه للجماهير تمام التمام
* لكن حكاية مرقت اللاعبين بعد الكوره
* لا احم لا دستور دي مادايرنها تاني
* يحتفلوا معانا بعد الكوره
* وده واجبهم تجاهنا
* ومن حقنا عليهم
* ايها الناس
* التحيه للمجلس وللجهاز الفني
* ولكل من وضع بصمه في جبين هذا الانتصار الجميل
* ايها الناس
* وتاني ايها الناس
* الكوره الجايه هي المهمه
* اخوتنا في الاتفاقيه
* لازم يعرفوا انو الدبلوماسي ماسوره
* وما كل انفراد بضيع
* من يقفون ضد هيثم
* يريدون نصرا علينا باي ثمن ليقووا من موقفهم
* ونحن واجبنا ان ننتصر لهيثم
* عشان يعرفوا اهمية هيثم
* وعشان يرجع هيثم
* ويذهب الماهيثم
* هيثم حفظه الله ورعاه نحنا البنحدد مصيرو
* وعشان هذا اللاعب النان ما يضيع
* يجب ان ننتصر له
* ايها الشفوت
* المباراه الدوريه القادمه مباراتكم انتم
* وتستطيعوا ان تنتصروا فيها للمريخ من العصر
* كلنا
* من عصرا بدري
* بالكمامات
* معليش مافيها طابق تاني
* وعارفكم ما متعودين علي الكسبره
* لكن من اجل الزعيم كلو يهون
* اها
* كورتنا امس لا فيها كهربا كملت ولا شئ
* وكورتنا الجايه احتمال الكهربا تكمل هناك
* اصلوا الجماعه ديك بملوها بجنيه جنيه
* لما تقطع ينزلوا ورقه
* عشان ككده الكهربا لو كملت ما مشكله
* برغم الضلام ما في ام بعلو
* اها
* نجي لشمارات والي الخرتوم
* كان شفت يا والينا المضاد الحيوي بقي ما بشتغل فينا
* يكون ما لقي فينا حياه يضاضيها يا والينا ؟؟؟؟
* مضاد حيوي تلاته حبات
* كل يوم حبه يا والينا
* لو دايرين نجيبوا الا ندخل صرفه ويدونا الاولي
* لكن باقي ناس الصرفه البضمنهم شنو سيد الصرفه الاولي يعيش ويسدد ؟؟؟
* في ناس قالوا لو مات نحتسبها
* وفي ناس قالوا يا والينا معقوله نحتسب الحياه كلها يا نااااااااااااااااااس
سلك كهربا
ننساك كيف وامس انت كنت حاضر !!!!
والي لقاء
سلك
|
|
 
|
|
|
|
|
|
|
|
Re: كلام ! بابكر سلك قبل مباراة الهلال والمريخ . اها بعد المباراة قال (Re: عبد العظيم احمد)
|
رفض مسئولي مجلس المريخ اي اتجاه لتأجيل مباراة الخميس امام الهلال في ديربي الممتاز حيث خص السيد جمال احمد عمر عبدالسلام (الكيماوي) نائب امين خزينة نادي المريخ بتصريحا من مقر اقامته بالقاهرة اعلن من خلالها رفضهم لاي اتجاه لتاجيل مباراة الخميس في ديربي الممتاز امام الهلال مؤكدا جاهزية فريقه لمباراة الخميس وتحقيق الانتصار فيما حاصرت اعداد كبيرة من جماهير المريخ رئيس نادي المريخ الاستاذ جمال الوالي بدار النادي امس من خلال مشاركته في احتفائية تكريم قريش رافضا بشدة ماتردد حول مساعي اللجنة المشتركة لاتفاقية الجنتلمان مع غريمهم الهلال لتأجيل لقاء الخميس.
| |
|
|
|
|
|
|
|
|
|
Re: كلام ! بابكر سلك قبل مباراة الهلال والمريخ . اها بعد المباراة قال (Re: عبد العظيم احمد)
|
اليوم نكون
* باذن الله نكون
* مافي حاجه اسمها او لا نكون
* نكون وبس
* والماعاجبو يبكي علي الخمسه وسبعين الف دولار
* نكون لاننا الافضل
* والاقوي
* لان جمهورنا شفت
* وواعي
* ويبدأ النصر من المدرجات
* النصر لنا
* بالايمان والشفته
* شفتنه في المدرجات
* شفتنه في الملعب
* شفوت بفهم
* شفوت نتهذب بشفتنه
* ونقوم نقلبا اذا كانت هناك اي تصرفات تخدش اي زول من ناسنا
* الذين اعتادوا ان يفعلوا الشينه
* ثم لا يستحملوا ردة فعلنا
* ويجوا يعقدوا الحلقات في الاذاعات
* ليستنكروا علينا ردة الفعل
* ولا ينتقدوا الفعل الاساسي
* عليهم ان يعلموا جيدا
* نحن لا نعتدي
* ولانخرج عن السلوك القويم
* ولكنا لن نقف مكتوفي الايدي لنتفرج علي هتاف يخرج عن النص يقصد به لاعب منا او رمز من رموزنا
* ايها الناس
* الناس المسؤلين
* يجب ان تعدوا العده جيدا
* حتي لايكلفكم الامر عقد لجان لتقصي الحقائق
* نعلم ان هناك من يعمل سرا علي ادخال مكبرات الصوت لداخل الاستاد ليستخدمها ضدنا
* ومن اعد لافتات القصد منها ايذائنا
* ومن اعد هتافات يقصد من ورائها تحطيمنا
* نحن شفوت
* نعرف كيف نتصرف وبسرعه شديده
* ليس فقط للرد علي ساقط الافعال
* ولكن لنشغل من يتفلت
* ونفتح له ابواب تلجمه
* ايها الناس
* واثقون من النصر
* والسيره مارقه عصر
* الساعه تلاته ونص
* من بيت ناس العريس
* سايرين بالارجل
* بيت العرس قريب
* والاولتراس يدعوكم للحضور والمشاركه في السيره
* وتجوا بالبدل
* فول سوت
* باقي ناس العروس شنافين
* وبعد داك في اوفر نايت في بيت ناس العريس
* اتوقع في هذه المره ان يحترمنا ناس العروس
* ويجيبوا الكهربا من بدري وكتيره
* عشان ماتقطع
* ونقول الطفي النور منو
* ايها الشفوت
* اي حداشر من ناسنا يستطيعون ان يحققوا النصر
* اية مفاجآت في التشكيله لاتعني انخفاض مستوي التشجيع عندنا
* اخوتنا في الاتفاقيه دفاعهم القندران بي ترلتو بستعدل فيهو ويمشي
* ما تستعجلوا هدفا النصر
* فانهما يأتيان
* انشاء الله
* ايها الناس اي محاولة لايقاف اللعب والغاء المباراه ما تفوت عليكم
* ايها الناس
* نرجوا من الاخ جمال ان يقدم حافز النصر خمسه وسبعين الف دولار اخري
* نشوف ناس روشا حايقولوا شنو
* الهتاف يجب ان يكون موحدا
* دق الكفر يا مريخ يا كفر
* فوق فوق مريخنا فوق
* ايدكو ووو ووو ايدكو وووو
* وطق طرق طقطق ساكواها
* اما الهتاف الخاص بكليتشي
* خلوهوا يكون وليد اللحظه
* ايها الناس
* الطياره الماشه فرنسا يوم الجمعه قايمه الساعه كم ؟؟؟
* عارف ياروشا ؟؟؟؟
* كان ماعارف بيت في المطار من الخميس
* ماتقوم تفوتك كمان
* صدقوني انه يومنا
* بالقرآن مريخنا مصان يا حسن حمد
* ايها الناس
* خليكم شفوت
* وراقبوا الحكم كويس
* الشغيل وسعيد والباشا
* كرت اصفر ما بنقص الحافز
* لكن مشاركة موتيابا بالتأكيد حاتنقص الناس ديل يا مساوي يا علولو
* لكن ياراجي بختك
* مع عيد الحب ده تسرح ساااااااااي
* ايها الناس
* مسؤلية هزيمة الهلال تضامنيه
* مافي زول يقعد في بيتهم ويجينا يحتفل معانا بعد الكوره
* اي زول جاي بعد الكوره لو ما ورانا نص التذكره ما يحضر معانا الاوفر نايت
* ايها الناس
* النصر قريب
* فقط نبقي شفوت جوه وبره والنصر بجي برا
* اها نجي لشمارات والي الخرتوم
* مافي شمار يا والينا
* لانو الوطن عيونو حزينه
* نخلي الشمار ونشمر السواعد وتعود هجليج لينا
* بعد داك جنس شمار يا والينا
سلك كهربا
ننساك كيف والليله الحفله فايتاك
والي لقاء
سلك
| |
|
|
|
|
|
|
|
|
|
Re: كلام ! بابكر سلك قبل مباراة الهلال والمريخ . اها بعد المباراة قال (Re: عبد العظيم احمد)
|
سلام للجميع
ماذا قدم للكرة السودانية ماذا قدمت للمريخ كتابات هذا المهرج والذي يعرف بالساخر,,
بالعكس نجده يسخر من نفسه ومن المريخ
هي في الاخر تهدم المريخ وتلوث جماهير المريخ
لا نجد في منطق هذا المهرج ان الروح الرياضية هي القيم النبيلة وان كرة القدم منتصر ومهزوم مثل هذا المهرج يريد بورسعيد ثانية في السودان
،، لم اجد عنده حديث عن خطة يدعم بها فريق المريخ ....
. اوقفوا هذا الشيطان من العبث
الرياضة اسمي مما تكتب
| |
|
|
|
|
|
|
|
|
|
Re: كلام ! بابكر سلك قبل مباراة الهلال والمريخ . اها بعد المباراة قال (Re: عبد العظيم احمد)
|
بعد الكورة
في السلك : جائزة سوداني يستحقها القائم
أمس 05:41 PM
بسم الله الرحمن الرحيم
في السلك
بابكر سلك
جائزة سوداني يستحقها القائم
• نسبة امتلاكنا للكره تسعين في الميه
• والمواسير عشره في الميه
• ولا نفوز
• القائم السنه دي حيرنا
• كان نجما يوم لقاء شندي
• وكان نجما يوم النسور
• وهاهو بالامس ينقذ هدفان
• معقوله بدون مبرر تدق في الماسوره ؟؟؟؟
• كل مره تدق في الماسوره ونقول حظ
• ده ماحظ
• ده شغل عديل كده
• النفاثات في العقد
• والعقد في الحديده
• والحديده تشيل وتمرق في الكوره
• لكن
• ان الله لا يصلح عمل المفسدين
• والموسم طويل لسه
• المهم
• اولادنا تسيدوا الملعب طيلة زمن المباراه
• ولانلومهم ابدا
• قدموا مباراه رائعه
• وضاعت من تحت اقدامهم الفرص بالكوم
• وضربت في الماسوره
• فانقذت الماسوره
• ايها الناس
• نفس سيناريو مباراة الامل عطبره
• ناس الامل واخوتنا في الاتفاقيه دايرين البمرقهم باقل الخسائر
• خندقوا لما اتكندكوا
• وطلعوا غالبين
• هم زاتهم مامصدقين
• الغريبه كل الفرق الضعيفه تلعب ضدنا بنفس الطريقه
• غير الهدف الصدفه وروني تسديده داخل الخشبات في الشوط الاول لصالح الجماعه ؟؟؟
• مع العلم بانها قبل الهدف الصدفه دقت في الحديده مرتين
• رأسية ساكواها في الحديده
• تابعها
• لعبها بالقدم
• تاني دقت في الحديده
• وبعد ده وقع فيها زول بايدو وشديدو
• لكن كان الحكم كعادته ماشايف كويس
• ايها الناس
• لاتلوموا اولادنا
• ماقصروا
• وان كان عامل قلة الخبره في بعض الاحيان حرمنا من اقوان
• يعني كورة كرنقو في الشوط التاني
• مشي كويس وهدف من بعيد
• وكان ساكواها وايدكو في وضع افضل منه
• ولكن قلة الخبره جعلته يهدف
• ايها الناس
• في بعض الاحيان يمكن للظروف ان تخلق انتصارا للفرق الصغيره علي الكبيره
• وهذا ما حدث بالامس
• ولكن نسألأ الله الذي لايصلح عمل المفسدين ان يكون لها كاشفا
• ويجازي السحره ومن يتعامل مع السحره والمفسدين
• الكلام ده ما طبيعي
• المهم
• استبشرنا خيرا بمجلسنا الجديد
• وبعصام الحاج علي وجه الخصوص
• فانجرف ود الحاج مع تيار الاتفاقيه
• ونسي التحكيم ونظامه في دورينا
• وكانت طامة الامس
• ايها الناس
• هذا الحكم هو نفسه حكم مباراتنا ضد الاهلي الخرطوم في نهاية الدوره الاولي السنه الفاتت
• وهو نفسه من صرف ثلاثه ضربات جزاء واضحه للعيان لصالحنا
• وهو نفسه من عطل بصافرته فرصا كثيره كانت كفيله بادراك التعادل يومها والفوز
• لذا لانستغرب عليه صرفه لضربة الجزاء عندما لامست الكره يد علولو
• وصرفه لضربة الجزاء في الشوط الاول عندما تمرمقت يد لاعبهم في الكوره وهو علي الارض وهي عائده من القائم بعد لعبة ساكواها
• ولا نستغرب من ايقافه للهجمه الخطيره التي قادها العجب بداعي المخالفه
• فاهدر الصالح
• اهدر صالحنا
• وقتل الهجمه
• ولن نستغرب منه عندما مشي اعتداء صالح الامين علي كليتشي
• ولن نستغرب منه اي تصرف حتي ولو كان قد ركل الكوره داخل شباكنا
• لن نستغرب
• لاننا نستغرب فقط من مجلس يهادن ويتهاون في امر التحكيم ويسعي لعقد اتفاقيات لا تسمن ولا تغني من جوع
• ونستغرب في اعضاء معينين كنا نقسم علي استطاعتهم ايقاف تلك الحقاره التحكيميه
• فهللنا لدخولهم مجلس الاداره
• والحال ياهو نفس الحال
• ايها الناس
• في البلد دي الكوره عندها شغل في الميدان
• ولكنه لا يكفي
• لابد من الشغل البره الميدان
• وفي شغل بره الولايه ذاتها
• وفي بعض الاحيان بكون بره السودان
• ختوا لينا كل زول في محل الشغل البعرف ليهو
• المهم
• فرحة ناس روشا بالامس كانت تشبه تماما فرحة ناس الامل
• الاتنين جايين يتغلبوا
• غلبونا
• الاتنين مامصدقين
• ولا نحنا مصدقين
• لكن
• ان الله سيبطله
• وعنده حاتمرق فضائح بالجمله
• لان الله لا يصلح عمل المفسدين
• مسكين يا هيثم
• بالقون الصدفه ده
• كملت المعدوده
• سكاكينك حاتكتر
• اها نجي لشمارات والي الخرتوم• كان شفت يا والينا ده الحصل
• وما تسأل عن السبب
سلك كهربا
ننساك كيف والبت هجليج اول امس بايته بره البيت
والي لقاء
سلك
| |
|
|
|
|
|
|
| |
عبد العظيم احمد
فيس بوك
تويتر
انستقرام
يوتيوب
بنتيريست