فقد ثبت أن هذا المدرب عملاق.....وظف كل الامكانيات الموجودة للاعبين وتفادي النقص الواضح...وقبل ذلك عالج مشكلة الهلال الازلية المتمثلة في ضعف الدفاع......حقق المطلوب...وسع الفارق بينه و بين نده المريخ لاربع نقاط من وقت مبكر...وهو فارق مريح جدا.....شكرا غارزيتو ويبدو أن الهلال موعود بالكثير مع هذا المدرب
04-12-2012, 08:27 PM
د. ياسر عبد القادر د. ياسر عبد القادر
تاريخ التسجيل: 05-31-2015
مجموع المشاركات: 62
Quote: مبروك يا هلالي يا اصيل ورغم الانتصار الا اني اشعر بظلم الحكم واعتقد اننا لولاه لانتصرنا باكثر من هدف
مبروك لكل أنصار الازرق الوهاج.....هذا الانتصار له أكثر من مدلول هو إثبات أن الهلال نادي كبير ولا يتأثر بأي فقد...وهو مصنع النجوم بحق و حقيقة...فكلما نفقد نجما...يصنع نادي الهلال نجما اخر
أما عن التحكيم ....فتلك معضلة أزلية في السودان
تحياتي يا أصيل
04-12-2012, 10:07 PM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
تخيل أمضيت وقتا طويلا أتأمل في تلك الجملة التكتيكية الرهيبة التي إنتهت كأروع ما يكون....فالهلال مصنع النجوم والابطال.....تأمل الود بشة دا...أتي للهلال دونما ضجيج ...وأنظر ماذا يفعل هذا المجنون...نعم إنه الجنون بعينه......تخيل
شكرا ألف
04-12-2012, 11:26 PM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
دكتور ياسر متوشحا بالازرق مبررررررررررروك هذا الانتصار مازاده حلاوة انه قد جاء عن طريق غزال الهلال بشة الان فقط عرف اهل المريخ قيمته الفنية هل تصدق انه كان بين ايديهم ليفلت الى حيث الجمال ليزداد اناقة على اناقته انه والمجد صنوان له التحية بقدرما زرع الفرح فى قلوب الملايين
04-12-2012, 11:26 PM
د. ياسر عبد القادر د. ياسر عبد القادر
تاريخ التسجيل: 05-31-2015
مجموع المشاركات: 62
Quote: مازاده حلاوة انه قد جاء عن طريق غزال الهلال بشة الان فقط عرف اهل المريخ قيمته الفنية هل تصدق انه كان بين ايديهم ليفلت الى حيث الجمال
لم يحدث في العصر الحديث أن إكتشف المريخ نجما ...السائد الان أن يطارد المريخ كل نجوم الهلال...المسجلين القدامي أو من كانوا في غرفة تسجيلات الهلال...لسبب واضح...لضعف شخصية إدارته و عدم ثقتها في نفسها....كل من يبدع في الهلال هو ولدهم بالتبني ...وكل من يشير له الهلال هو ولدهم الشرعي...لذا سيظلون توابع ونجوم تدور في فلك الهلال...وتستظل بظله....ونحن سعيدون بهذا
04-12-2012, 11:56 PM
اسعد صلاح البدري اسعد صلاح البدري
تاريخ التسجيل: 08-12-2009
مجموع المشاركات: 530
بشة لاعب ذكي جدا ويعرف يقرأ الهجمة بدقة. هذا الهدف تحرك فيهو بشة و قطع ثلاث أرباع الملعب في أقل من 20 ثانية و تخطى معظم لاعبي المرخرخ و هم يتفرجون ليسجل الهدف.
شاهدوا هذا المقطع وهو من إعداد الهلالابي الكبير إبراهيم إشكا في منتدى الهلال:
04-13-2012, 11:24 AM
د. ياسر عبد القادر د. ياسر عبد القادر
تاريخ التسجيل: 05-31-2015
مجموع المشاركات: 62
يعني حكم ..تغاضب عن ضربة جزاء واضحة من باسكال مع سادومبا...وتغاضي عن طرد لاعبين علي الاقل من المريخ(تحديدا باسكال و اكرم)...وقام بطرد كاريكا دون وجه حق.../فروض يعمل شنو أكثر من كدا
04-13-2012, 02:51 PM
عمار يس النور عمار يس النور
تاريخ التسجيل: 07-14-2006
مجموع المشاركات: 1858
بشة برضو عندو هدف مشابه في الإتحاد الليبي بالرغم من إنو ما قطع فيهو مسافة كبيرة إلا إنو يوضح مدى ذكائه و قرأته للكورة. شاهد هنا كيف إخترق الدفاع الليبي من غير كورة و بسرعة من غير أن يحسوا به و سجل هدف جميل.الغريبة أنو سادومبا هو أيضا من مرر الباص :
04-13-2012, 03:15 PM
Gaafar Ismail Gaafar Ismail
تاريخ التسجيل: 08-27-2005
مجموع المشاركات: 4911
تعرف ياعمار هدف بشة في مرمي الاتحاد دا كشف إنو بشة دا من زمان عندو موهبة يندر وجودها في السودان...ويشتهر بعا لاعبو شمال إفريقيا...وهي التحرك في الموقع السليم المتوقع للكرة في المكان الخالي والهروب من الرقابة...ودي موهبة لا يمتلكها أحد الان في السودان تقريبا غير بشة...لانو معظم مهاجمينا ينتظرون الكرة..,لا يبذلون وراءها مجهود...ولا يجيدون الهروب من الرقابة...ويبدو أن سادومبا بذكائه الخارق إكتشف هذه الموهبة...يبقي إذا وجدنا صانع العاب اخر بكفاءة هيثم....لن يقف أحد في طريق الهلال...
شكرا مرة تانية وتحياتي
04-13-2012, 04:36 PM
د. ياسر عبد القادر د. ياسر عبد القادر
تاريخ التسجيل: 05-31-2015
مجموع المشاركات: 62
نعم نتمني للهلال التقدم و بقوة للامام...وذلك ممكن بوجود لاعبين أفذاذ و مدرب محنك...نسأل الله أن يهدي إدارة الهلال ويوفقها في توفير كل أسباب التفوق لهذا الفريق
Quote: سكت اهل الوصيفاب والذين كانوا يعولون على التحكيم كثيرا و ما دروا ان الفارس الازرق كان يعلم يقينا تامر المتآمرين فأعد عدته لذلك جيدآ
مع أني لا أحبذ لغة التامر و المؤامرات...لكن لفت نظري فعلا أن لاعبي المريخ كأنما يتعمدون إصابة لاعبي الهلال وأيديهم مليانة من الحكم...بل الادهي والامر أن الحكم يعاقب لاعبي الهلال في أخطاء بسيطة جدا..ويتغاضي عن أخطاء كانت واضحة وأشار إليها فيصل سيحة مريخي الميول والذي إإعترف بوجود ضربة جزاء للهلال...علي العموم الناس ديل ناسين إنو التوفيق من عند الله وسارحين ساكت...تحياتي
04-13-2012, 08:10 PM
Abd Alla Elhabib Abd Alla Elhabib
تاريخ التسجيل: 12-09-2005
مجموع المشاركات: 3806
هلالاب إزيكم ، بنحبكم ومبروك عليكم ! ----------------- ( الليبي من غير كورة و بسرعة من غير أن يحسوا به و سجل هدف جميل.الغريبة أنو سادومبا هو أيضا من مرر الباص : ) --------------------- بشـة مبدع والله .. يا ريت إدارة الهلال تنصف اللاعب الوطني ... معقول تدفع في أتوبونق الذي لم يقدم حتي الآن ما يقنع مليون دولار بينما لا يلقي صنّاع الإنتصارات سـوي الفتات ?!! .. * أثناء متابعة مباراة المريخ أزعجني جـداً أن : - يرجع الهلال بكلياته للدفاع وهو المتقدم ، كان ممكناًَ أن ننهزم جراء التكتل الدفاعي غير المبرر .. أين النزعة الهجومية لغارزيتو ? - اللعب الطويل أغلب الوقت .. قرأت أنّ غارزيتو نفسه غير راضٍ عن هذا ، إذن من أين أتي اللاعبون بهذه الإستراتيجية ? أعرف إنها كانت طريقة ميشو للإستفادة من سرعة سادومبا وكاريكا لكنها غير مجدية كل الوقت .. وقتية ; كما فعل الدعيع مرة ضد المريخ ليحرز كاريكا فيما أذكر .. أتمني أن يلتفت الجهاز الفني لتفادي ذاك القصور مع تمنياتنا للموج الأزرق بإنتصاراتٍ داوية جـوة وبرة ! -------- تحياتي د. ياسـر يا ناس .. أين أحمد الرّيح وأين معاوية حســين ? التهاني لهما
04-14-2012, 06:13 AM
د. ياسر عبد القادر د. ياسر عبد القادر
تاريخ التسجيل: 05-31-2015
مجموع المشاركات: 62
أجمل تحايا الانتصارات المبهره دائماً لهلالنا الجميل المنتصر أبدأً بمشيئة الله ثم بعزيمة هؤلاء الأشاوس من أبطاله ....
بشه لاعب جميل .. ودائماً أتوقع من خلاله المفاجآت المفرحة ... التحية الخاصة لهذا الثعلب القتّال ...
بصراحة الحكم كانت شخصيته مهزوزة للغاية وفلتت المباراة من يده .. ألم تر كيف يحتج عليه الللاعبون كل مره ...
* حقيقة لابد أن أعترف بها إحقاقاً للحق رأيت المبارة بعد إنقضاء العشرين دقيقة الأولى أي بعد إنقضاء صلاة العشاء في الرياض .. حقيقة طوال هذه الفترة كان المريخ هو الأفضل أداءً وانحصر لعب الهلال في التكتل الدفاعي وتشتيت الكره ... وكان وسط الهلال ضائعاً طوال تلك الفترة ... هذه كلمة حق يجب أن تقال .. وعلى الأهلة الحريصين على تقدم الفريق في المواجهات القوية القادمة أن يتدارسوا هذا جيداً ويبحثوا عن مكامن الخلل في الفريق حتى يمكن تلافيها مبكراً .... وأرى ضرورة عودة الكابتن هيثم مصطفى الحتمية في الفترة المقبلة وإزالة كافة المعوقات أمام ذلك ....
ألف مبروك مرة أخرى .... وهاردلك للأخوة المريخاب .. قدمتم مستوى وأحرزنا نتيجة .. وهي الأهم في مباريات الدوري ... البتغلب بو ... العب بو ...
مع خالص تحياتي وحبي وللجميع ؛؛؛؛
04-14-2012, 07:20 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: أعرف إنها كانت طريقة ميشو للإستفادة من سرعة سادومبا وكاريكا لكنها غير مجدية كل الوقت
هذه طبيعة اللاعب السوداني..لايستوعب التكتيك بسرعة...لذا لا زالت لمسة ميشو وكذلك ستظل لمسات غارزيتو الي ما بعد ذهابه...بس والله استبشر خيرا بغارزيتو واتمني شيئا مختلفا معه
ألف مبروك يا دكتور. وبصراحة وبدون تهريج أولادكم يستاهلوا... صحي الحظ خدمكم شوية... لكن بصراحة العملوهوا ما شوية خاصة وإنو المريخ الآن مدجج بالنجوم الاجانب.
قلت:
Quote: شكرا بشة,,,,فقد بصمت للمرة الثالثة في شباك المريخ...,و هذا لا يفعله الا العمالقة
وبالانابة عن الصفوة بقوليك شكراً للاطراء. بس بعدين ما تجي تنكر الكلام ده.
غير كده أرجو ألا يصيب البطر الهلال بسبب الفوز. كما أرجو أن تكون الهزيمة دافعاً لمزيد من اليقظة والتركيز للمريخ في مشواره الافريقي ...
أتمنى من كل قلبي للفرق السودانية التقدم في البطولات الافريقية.
وبالله التوفيق...
.
04-14-2012, 09:48 PM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
الهلالابى المطبوع كيف لعادل الوسيلة ان يظهر وقد اكتمل الهلال بدرا ساطعا هدف بشة اخفى كل النجوم اليوم سالتقيه ذاهب الان لدار الجالية فاليوم تدشين كتاب الصديق الشاعر عبد العظيم جالية طبعا صاحبك حايعمل ملخوم باستضافة الضيوف ولكن حتما بشة سيكون حاضرا
04-15-2012, 05:58 AM
عمار يس النور عمار يس النور
تاريخ التسجيل: 07-14-2006
مجموع المشاركات: 1858
جنازة البحر عملت فيكم كدا..مازمبي كيف؟ • كل مرة يثبت ليّ ان مشكلة المريخ الحقيقية في (اعلامه)...وهو حقا كما
اطلق عليه رئيس المريخ (اعلام سالب).
• خلوا فريقهم (المهزوم)..وقعدوا يتحدثوا عن الفريق (المنتصر). • اتخيلوا دي. • فريق منتصر (جنازة بحر)...طيب الفريق المهزوم يكون شنو؟. • يا ربي الناس ديل حضروا ليهم مباراة تانية. • قالوا في القناة (البنغالية) كانت في مباراة منقولة بين (الكماشة والشولغ). • الكماشة يعني في البنغالية الناس الصعبين. • اها ناس مزمل ابوالقاسم الظاهر شاهدوا هذه المباراة وقام حصل ليهم (حول). • زي ما قلت ليكم. • سخن (العجب)...ودخلوا (ضفر). • قلنا ليهم انتوا ليه عملتوا كدا ...قالوا لينا (ضفر) حالف قسم ..ما بسخن. • بسخن (البارد ساخن) دا.. واشاروا لينا لي (فيصل العجب). • غايتو نحن من محن الزمن..بنشوف لينا في حاجات غريبة. • اعلام المريخ بعد أي مباراة قمة يخسر فيها فريقهم وينتصر الهلال يخرج بعلل واهية مبررة للخسارة ..وبخففوا لاوجاعهم باقراص ومسكنات ...تسكت الوجع ...ولا تزيله. • بغشوا في الناس. • وبقنعوا في (الكشافات). • الاخ الحبيب مامون ابوشيبة الي الان مازال خصمه ومنافسه الاول هو (حكام المباراة). • ابوشيبة لا يرى في (الحكم) شيئا جميلا. • ابوشيبة في أي مباراة قمة بخلى أي حاجة وبقبل على (الحكم). • مشكلتو في الدنيا دي (الحكم). • أي مباراة خسر فيها المريخ من الهلال بحث ابوشيبة عن (ضربة جزاء) وهمية وقال ان الحكم لم يحستب للمريخ (ضربة جزاء). • هكذا تكون ضربة الجزاء التى يتحدث عنها ابوشيبة ...ضربة واضحة وما فيها أي كلام اذا كانت للمريخ. • اما اذا كانت هناك ضربة جزاء للهلال ولم تحتسب ...ابوشيبة بشوف ليها (مقدمات ومبررات)...موسي الزومة ما بتقنع بيها. • انظروا ماذا قال ابوشيبة عن (ضربة الجزاء) التى ارتبكبها باسكال مع سادومبا ولم يحتسبها الحكم. • قال ابوشيبة ( صحيح ان احتكاك باسكال مع سادومبا في بدايات المباراة كان يمكن للمعز ان يحتسب فيه مخالفة جزاء ولكن قبل هذا الاحتكاك تغاضي المعز عن ثلاث مخالفات متتالية ارتكبها لاعبو الهلال قبل ان تصل الكرة لسادومبا ..وربما خجل الحكم اذا احتسب احتكاك باسكال بالمقارنة مع المخالفات الثلاث المتتالية من لاعبي الهلال التى تجاهلها وسبقت حالة باسكال بلحظات). • ابوشيبة دا بعتقد براهو كدا...وبصنف براه ...وبركب الحكاية مع بعض وفي النهاية بكتب (الروشتة) للمريخاب. • دعوني اعلق على كلام ابوشيبة هذا تفصيلا ..او نقطة ..نقطة. • ابوشيبة سمى مخالفة باسكال مع سادومبا (احتكاك). • احتكاك يا فندم. • ادينا يا ابوشيبة من (الاحتكاك) دا كيلو ونص. • سادومبا وباسكال ديل لو اتلاقو ..نار عديلة ...ما في أي (احتكاك). • خلاص يا ابوشيبة بي نفس منطقك يمكن ان نقول ان لمسة علاءالدين للكورة داخل منطقة الهلال التى حسبتها انت (ضربة جزاء)..يمكن ان نقول عن هذه اللمسة انها (لمسة حنان). • قول هبشة ....(لمحة)..حاجة كدا والسلام. • معروف ان لمس اللاعب للكورة امر تحت تقدير حكم المباراة ..هو وحده يمكنه ان يحدد هذه اللمسة متعمدة ام غير متعمدة ...لكن (الاحتكاك) الذي اعترفت به انت وقلت يمكن ان يكون ضربة جزاء ما فيه (تقدير). • ضربة جزاء ...ضربة جزاء. • احتكاك وإلا زكي جمعة. • اول مرة اشوف لي (احتكاك) حنين كدا. • ابوشيبة ما فاضل ليه إلا يقول عن (سادومبا) بين الزهور متصور. • مرة كنا قاعدين بنحضر لينا في (مطرة). • في زول بحضر ليه مطرة ...نحن (الشفوت) بنحضرها. • المطرة عندنا زي الفيلم الاجنبي. • فجأة كدا جات (ضربة جزاء) ماشي فينا. • في واحد مننا ...قال انا ضربة الجزاء دي شفتها وين؟. • نط واحد تاني قال ليه تكون شفتها في مباراة المريخ والزهرة في الدوري المحلي سنة 1973. • الشيء الطريف ان ابوشيبة برر عدم احتساب (احتكاك) باسكال مع سادومبا بان الحكم (فوت) ثلاث مخالفات لصالح المريخ ..عشان كدا الحكم (خجل). • كويس معاكم يا ابوشيبة ..جات معاكم باسطة تلات مخالفات بي (ضربة جزاء). • نحن لو لقينا النظرية دي نغلبكم عشر. • بعدين تعال هنا ..شنو قصة (الخجل) الظهرت لينا من الحكم دا. • اول مرة اشوف لي حكم عندو (صلعة)..وبخجل كمان. • جابت ليها (خجل) كمان. • يا ابوشيبة بنفس المنطق ...ممكن نقول ليك المعز خجل يحسب (ضربة جزاء) وهمية للمريخ ...عشان (فوت) ضربة جزاء اوضح من (الشمس) للهلال. • وإلا الحكم دا (بخجل) بس من ناس المريخ. • صدق يا ابوشيبة ...نحن الحكم معانا عينو قوية ...ما بخجل. • بطرد من طرف. • يا ربي انا قلت حاجة غلط. • ابوشيبة يوم ما يلقى ليه (حالة) يتشبث بيها ويقول ان الحكم لم يحتسب ضربة جزاء للمريخ برجع للتاريخ (16) سنة ..وبقول عندنا ضربة جزاء ما احتسبها لينا الحكم سنة 1996 م ..يوم ان ارتكب احمد النور مخالفة مع عبدالمجيد جعفر. • طبعا لو جبت عبدالمجيد هسه بنكر الكلام دا. • يا ابوشيبة تصدق نحن عندنا (كورة رايحة). • رايحة عديل كدا. • عندنا ضربة جزاء ما نفذناها. • احتسبها لينا الحكم. • لكن ما نفذت. • عارف ليه؟. • عشان (زيكو) شال الكورة وطلع. • انتوا ليه بتنسوا الحاجات دي. • لكن ما مشكلة. • اقترح على حكم مباراة القمة القادمة اول حاجة يعملها شنو؟. • اول حاجة يعملها يصفر ضربة جزاء لصالح المريخ. • في شنو؟. • في المخالفة التى ارتكبها احمد النور مع عبدالمجيد جعفر. • عشان نحن نرتاح في الدنيا دي. • ناس المريخ ديل ...ما بعرفوا (يهاجموا) زول غير الحكم. • مزمل ابوالقاسم هو ذاتو بقى زي ابوشيبة. • عارفين مزمل قال شنو؟. • مزمل قال الحكم دا مرة ظلمنا قدام الموردة قبل اربع سنوات. • شوفوا الهواجس دي. • الدخل الموردة هنا شنو؟. • والله يا مزمل لو احتجبتوا امس (لظروف فنية)...كان احسن ليكم من الكلام البتكتبوا فيه دا. • ناس اكرم ديل بصدقو. • وما بعيد يطلبوا حافز المباراة من جمال الوالي. • ممكن دا يحصل ما دام في اعلام بقول ليهم نحن عندنا كورتين ضربت في القايم. • لو بقن تلات كور ضربن في القايم ..بنحسب ليكم التلات ضربات ..(هدف). • يلا ان شاءالله حد ما حوش. • انتوا حكاية (ضربت في القايم) دي مفروض ما تجيبوها. • عارفين ليه؟. • عشان وقت الكورة ضربت في القايم ...المعز جدع الكورة لي مهند ...ومهند جدع الكورة لي سادومبا ...وسادومبا لي بشة ..وبشة جابها في الشبكة. • هدف يدرس عديل. • بكرة عندنا حصة عن الهدف دا. • القون بدخل عديل بي تلات لمسات ...تقولوا لي (القايم). • خلاص هاجموا (القايم). • ما بعيد مباراة القمة القادمة زي (مرجان احمد مرجان) يمشوا يحفزوا (القايم). • كلتشي يواجه المرمى ..ويشوت في (الكشافات)..ويهاجموا ليك في (الحكم). • الحكم ذنبو شنو؟. • الحكم قال ليه (شوت) في الكشافات. • كلتشي دا بقى يشوت في (الكشافات)...الظاهر كدا شايف ليه (شوفة). • يكون وقع مع هلال بورتسودان. • عشان كدا بقى يشوت في (الكشافات). • كلتشي دا اسألونا منو نحن ..بنعرفو كويس. • من يشوت في (الكشافات) معناتو ماشي فريق تاني. • وسكواها. • سكواها المرمى قدامو فاضي ...شات في القايم. • الحكم يعمل ليك شنو؟. • ضربة جزاء اوضح من الشمس للهلال ما احتسبها. • كاريكا بدون سبب منحه الكرت الاحمر. • واكرم والشغيل تقول في (هجليج). • شغالين (فرم) ...ما في زول قال ليهم حاجة. • وبعد دا كلو كمان بتشكوا. • حاسبوا (بلة جابر) قبض حافز التأهل لدور الـ (16) فى البطولة الافريقية 3 الف دولار ..وعمل فيها مصاب. • ساعة (الحافز) كان زي الطلقة. • وقت جينا لي مباراة الهلال ...بلة جابر طلع (مصاب). • بلة جابر دا زي نجم الدين ...عاوز يتخارج ساكت. • يقبضوا في (الدولارات) وبتغلبوا عادي في الميدان. • ومن جنازة البحر كمان. • 16 انتصار للهلال في الممتاز مقابل 4 انتصارات للمريخ. • وبرضو بهاجموا في (التحكيم). • باسكال مطبق ايدهو تقول سايق ليه (ركشة)...زول قال ليه حاجة مافي. • ريكاردو ذاتو لعب باسلوب غريب ...ساعد الهلال على الانتصار ...وسهل من مهمة الازرق. • ريكاردو دا وقت كان في الهلال ما كان كدا. • كان عندو فكر. • ريكاردو وقت كان في الهلال ..المباراة كلها بكون واقف على الخط. • هسع الموضوع بقى ما شغال بيه كتير. • يكون اكتفى بحافز التأهل الافريقي. • قالوا الهلال (جنازة بحر). • المريخ يكون شنو؟. • لا احسب ان هناك (جنازة بحر) يمكن ان تنتصر على فريق كبير ...حتى لو كان جنازة البحر دي معاها (105) حكم. • نحن خلونا. • جنازة بحر وانتصرنا على (الزعيم). • مازمبي كيف؟. • اذا كان جنازة البحر بتعمل فيكم كدا ...ورونا (مازمبي) بعمل فيكم شنو؟. • والله بفريقكم الما (جنازة بحر) دا تاخدو تسعة من مازمبي. • كان يمكن ان يستفيد المريخ من الخسارة من الهلال ويراجع حساباته قبل مباراة مازمبي. • لكن الواضح ان المريخ سوف يزيد سوءا. • نعم المريخ سوف يكون اسوأ في مباراة مازمبي ..لأن اعلام المريخ حاول وعمل على اخفاء عيوب المريخ ومشاكله. • اعتبر ان انتصار الهلال كان بسبب (الحكام) وان ريكاردو وباسكال وموسي الزومة ما عندهم أي مشكلة. • المشكلة في (القوايم والحكام). • ناس اكرم ما عندهم أي مشكلة. • عشان كدا من الان انا بتوقع هزيمة كبيرة للمريخ من مازمبي. • بس بعدين اوعكم تجوا وتقولوا لينا مازمبي (جنازة بحر). • اصلو نحن حفظناكم حفظ. • كورتكم بقت زي (كسرة الفتريتة). • وبرضو عاملين لينا بيها (سافوتة). • يا مزمل اقول ليك حاجة. • الايامات دي اعصر على اهلي شندي..(المريخ) خليه لي ناس ابوشيبة. • مالك ومال (جنازة البحر). • ناس ابوشيبة بتصرفو. • بشوفوا ليهم (ضربة جزاء) سنة 1981 يكتبوا عنها. • اها يا مزمل قصرت معاك. • الاهلي لاعب مع منو المباراة القادمة؟. • يا زول درب السلامة للحول قريب. • اخير ليك اتخارج من بدري زي (نجم الدين). • ولو الامور اتصلحت تعال راجع للمريخ سنة 2019م. • يمكن وقتها المريخ يتصلح ..ويقدر ينتصر على (جنازة بحر). • ملحوظة : الاهلي والله كورتو ما كعبة. هوامش • عاوز اسأل سؤال محرج شوية. • انتوا فيصل موسي وين؟. • في مباراة القمة لما فيصل العجب قام يسخن ..اتوقعت يدخل (ضفر). • اكرم قالوا نجيلة الهلال (طعمها) اتغير. • يا اكرم نجيلة الهلال هينة. • قالوا ليك ناس مازمبي ديل عندهم جنس (نجيلة). • نجيلتهم زي (الشعيرية). • باسكال في مباراة القمة واضح انو ما صبغ شعرو كويس. • الكلام دا كان واضح في كورتو. • يا باسكال والله انت مفروض تجي تقعد مع ناس كمال حامد في الاستديو. • عشان تحلل على راحتك. • المباراة كلها تتكلم. • انا ما عارف ناس موسى الزومة ديل بستحملوك كيف؟. • غارزيتو لعب مباراة القمة بتكتيك عالي. • غارزيتو عارف نفسو بعمل في شنو؟. • الهلال مباراة القادمة مع فريق الخرطوم ..والمباراة بالتأكيد ما ساهلة. • خاصة في ظل غياب كاريكا وبشة. • لكن عودة اتوبونج وتوريه يمكن ان تعوض الفرق. • الهلال مازال يفتقد لقائده هيثم مصطفى حفظه الله ورعاه. • البرنس لو كان لاعب ...المباراة كان بتكون بطعم اخر. • الفرق بقى 4 نقاط. • والظاهر كدا ...الموسم دا الفرق ان شاءالله ح يكون 18 نقطة. • الهلال وقت يتقدم تاني ما برجع. • المريخ لعب شوط كامل غلبو يدرك التعادل. • بل ان الهلال لعب ناقص لاعب ...والمريخ برضو غلبو يعادل. • نعمل ليكم شنو تاني. • بالمناسبة في مباراة القمة لعب في المريخ 5 محترفين ..مقابل محترفين في الهلال. • وبرضو يقولوا ليك (بطيخة مقفولة). • هسع البطيخة المقفولة الدخلها هنا شنو؟. • جماهير الهلال في التلفزيون اتفألت بالاستاذ كمال حامد. • كمال حامد مع الهلالاب مية المية. • باسكال قالوا قال عاوز ليه (اذن). • قال عاوز يسافر. • عارفين ليه؟. • عشان مازمبي. • الموضوع واضح. • نجم الدين في مباراة القمة كانت معنوياتو فوق ...حتى عندما خرج سادومبا سلم عليه. • عارفين ليه؟. • عشان ما لاعب مباراة مازمبي. • الهم شايلو الباشا. • انت يا نجم الدين وقت زول اخلاقك عالية كدا ..وبتسلم على سادومبا ...مالك كفت لاعب بلانيتيوم (بونية). • جمال الوالي قالوا ح يحفز لاعبي المريخ بنص القيمة. • عشان المريخ اتغلب واحد بس. • مفروض تكرموا. • يا جماعة تعالوا هنا. • ناس المريخ ديل بدأوا في الاستعداد لي سيكافا وإلا لسع. • مفروض جمال الوالي يكون بدأ اتصالاته بالاندية المشاركة. • غارزيتو شكلو بالحسابات الدقيقة التي يلعب بها ...ح يجيب لينا بطولة. • لأن الاسلوب الذي يلعب به غارزيتو اسلوب بطولات. • صالح الامين كان حقا النجم الاول في المباراة. • وتألق ايضا عبداللطيف بويا. • وعاد مساوي الي قمة مستواه. • وكانت كل الكرات العكسية في حيازة دفاع الهلال. • دفاع الهلال احسن التعامل مع الكورات العكسية. • يا ديمبا شكرا ليك. • كتر خيرك ...تاني (كنبة) ما عندنا ليك. • لا والله. • بنحتاج لي ديمبا امام الشلف ..عشان ميساوي ح يكون غايب. • كما ان ديمبا بعرف الاسلوب الجزائري. • نقيف هنا. • عشان الايام القادمة عندنا ان شاءالله تغطية خاصة لمباراة القمة. • ح نمشى خطوة ...خطوة. • بس اصبروا لينا انتوا ما تضيقوا. • نحن أي حاجة عندنا بي نظام. • عاجل : يا حليل حسام البدري.
04-15-2012, 07:10 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
سلامات يا سعادتو....ووين أراضيك بالله....وأخبار الاولاد شنو؟؟؟
Quote: وبصراحة وبدون تهريج أولادكم يستاهلوا... صحي الحظ خدمكم شوية... لكن بصراحة العملوهوا ما شوية خاصة وإنو المريخ الآن مدجج بالنجوم الاجانب.
أول حاجة شكرا جزيلا , لأنو طلوع كلمة حق من صفوة دي حاجة ماساهلة...ثانيا الحظ و التحكيم ديل طول عمرهم ضدنا...يعني مايقيف واحد منهم معانا شوية؟؟؟
أما المريخ و إنو مدجج بالنجوم الاجانب....هو يوم متين المريخ دا ما كان مدجج بالنجوم الاجانب؟؟؟المريخ الان يتفوق علي الهلال بعدد النجوم الاجانب...بسبب تساهلات الاتحاد العام للابن المدلل...دا غير إنو الحضري كان فوق البيعة وللان هو ما معروف كان مسجل أجنبي ولا محلي...,كذلك طيب الذكر الحارس الفلسطيني (ضحية بشة)....
Quote: غير كده أرجو ألا يصيب البطر الهلال بسبب الفوز. كما أرجو أن تكون الهزيمة دافعاً لمزيد من اليقظة والتركيز للمريخ في مشواره الافريقي ...
أتمنى من كل قلبي للفرق السودانية التقدم في البطولات الافريقية.
أهو دا شغل الدبلوماسية ولا بلاش.....تعيش وزارة الخارجية ذاتو
شكرا يا سعادتك...و خلينا نشوفك بعد مازيمبي....(اللهم أنصر الهلال علي الشلف و المريخ علي مازيمبي)
خارج الخط: ياخي عندك فقرة كاملة في (ذكريات مدينة...بروكسل) لكن البوست طش...بحاول مع بكري أرجعه لانو فيهو توثيق جميل لفترة رائعة...قضيناها في ربوع بلجيكا.....أخر ما أتذكر كانت فقرة دناقلة إكسل...الباقي مكتوب جاهز بس نلم في البوست الاول......تحياتي
04-15-2012, 10:59 AM
د. ياسر عبد القادر د. ياسر عبد القادر
تاريخ التسجيل: 05-31-2015
مجموع المشاركات: 62
أجمل تحايا الانتصارات المبهره دائماً لهلالنا الجميل المنتصر أبدأً بمشيئة الله ثم بعزيمة هؤلاء الأشاوس من أبطاله ....
بشه لاعب جميل .. ودائماً أتوقع من خلاله المفاجآت المفرحة ... التحية الخاصة لهذا الثعلب القتّال ...
بصراحة الحكم كانت شخصيته مهزوزة للغاية وفلتت المباراة من يده .. ألم تر كيف يحتج عليه الللاعبون كل مره ...
* حقيقة لابد أن أعترف بها إحقاقاً للحق رأيت المبارة بعد إنقضاء العشرين دقيقة الأولى أي بعد إنقضاء صلاة العشاء في الرياض .. حقيقة طوال هذه الفترة كان المريخ هو الأفضل أداءً وانحصر لعب الهلال في التكتل الدفاعي وتشتيت الكره ... وكان وسط الهلال ضائعاً طوال تلك الفترة ... هذه كلمة حق يجب أن تقال .. وعلى الأهلة الحريصين على تقدم الفريق في المواجهات القوية القادمة أن يتدارسوا هذا جيداً ويبحثوا عن مكامن الخلل في الفريق حتى يمكن تلافيها مبكراً .... وأرى ضرورة عودة الكابتن هيثم مصطفى الحتمية في الفترة المقبلة وإزالة كافة المعوقات أمام ذلك ....
ألف مبروك مرة أخرى .... وهاردلك للأخوة المريخاب .. قدمتم مستوى وأحرزنا نتيجة .. وهي الأهم في مباريات الدوري ... البتغلب بو ... العب بو ...
مع خالص تحياتي وحبي وللجميع
شكرا للمشاركة الدسمة وأعتقد أن ماقلته هو الواقع...وشكرا للقصيدة الجميلة...ونتمي أن نري الهلال علي المنصات الافريقية هذا العام....تحياتي
04-15-2012, 11:01 AM
د. ياسر عبد القادر د. ياسر عبد القادر
تاريخ التسجيل: 05-31-2015
مجموع المشاركات: 62
لا حولااااااااااااا...مبالغة لكن ياعمار....والجماعة ديل بعد دا كلو بيقولوا إنو التحكيم ضدهم...
الدناقلة جابوا فيهم قونين وقربوا يتعادلوا معاهم في كأس السودان...ناس المريخ قبلوا علي الحكم لحدي ما طردوا العجب ذاتو.....دا هلال دنقلا كدا..مازيمبي حيكون كيف؟؟؟؟
فتوحلي حبابك....وين مختفي....
أخر خبر إنو البرير إعتقلوهو علي خلفية هزيمتهم المرة من الهلال....يعني تغلبونا بنوريكم...حكومة وكدا يعني....طيب لو عندكم عضلات ما تمشوا تستعرضوها هناك.....
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د. ياسر عبد القادر
waleed dawash
عبد المنعم سيد احمد
اسعد صلاح البدري
عمار يس النور
Gaafar Ismail
Abd Alla Elhabib
إدريس محمد إبراهيم
الفاتح خليل الفكي
محمد عبد الماجد الصايم
الصادق صديق سلمان
Mohamed Foto7li
فيس بوك
تويتر
انستقرام
يوتيوب
بنتيريست