|
|
 هجليج ارض سودانية .. هكذا تقول الخُرط .. فعلاما ولماذا تفرحون !!!!
|
شي عجيب !!!
الذين يهللون لسقوطها .. ما هو رائيكم ان تنازل عنها المؤتمر الوطني لصالح دولة جنوب السودان ؟!
وكفى نفسه شر القتال ..
هذا سيرضي المؤتمر الوطني ويريح اذنه ... فهل يرضيكم هذا ؟!
المؤتمر الوطني كحزب واشخاص يكفية ان يحكم دولة ليست فيها هجليج .. و لهم في السودان مصادر اخرى يمكنهم سرقتها واختلاس اموالها ..
هم ليسوا في حاجة لهجليج ...
وقد يتنازلون عنها في اي لحظة ... وانتم تساعدوهم ..
فهم ليسوا مهتمين ببعض الكيلومترات .. سيفاوضون كما فاوضوا من قبل ويتنازلوا ليكسبوا اعواما جديدة في الحكم .. وانت تساعدونهم
وحينما تخرجونهم لن تجدوا ما تحكمون
|
|
  
|
|
|
|
|
|
|
|
Re: هجليج ارض سودانية .. هكذا تقول الخُرط .. فعلاما ولماذا تفرحون !!!! (Re: وليد محمد المبارك)
|
أولا: هجليج أرض سودانية
ثانيا: لا نرضي بإحتلال أي أرض سودانية
ثالثا: إنها الحرب يا وليد
لم تبدأ بإحتلال هجليج
بدأت حين إحتل الجيش السوداني أبيي
وليه؟؟؟
لأنه الشمال رضي بأن يذهب للمحكمة الدولية
بل ورضي بحكم المحكمة الدولية
ثم عاد وأنقلب وأحتل المنطقة التي صدر فيها حكم
نسكت حين إحتلال أبيي
ونملأ الدنيا صياحا حين إحتلال هجليج؟؟؟؟؟
إنها الحرب
سعي لها صقور المؤتمر الوطني وعنصرييه
بلدنا بندافع عنها
حروب العنصريين ما بنخضوها بإسم الوطن
لا للحرب في كل الأحوال
يسلمونا بلدنا زي ما سرقوها في ليل كالح
وببني جيشها وبندافع عنها
| |
|
|
|
|
|
|
|
|
|
Re: هجليج ارض سودانية .. هكذا تقول الخُرط .. فعلاما ولماذا تفرحون !!!! (Re: احمد العمار)
|
شئ مؤسف يا احمد
شئ مؤسف حقيقي
لكن صدقني ليس مقصود من ذكرتهم بهذا البوست
قصود المغيب عليهم من يعتقدون في المضللين الذين ذكرتهم .. من صدقوا طقبا للتزوير الممارس في هذا المنبر
ان هجليج منطقة تابعة لجنوب السودان
الان ان تهور المؤتمر الوطني وضررب ولاية الوحدة البترولية واحتلاها لن يساله احد
حتى الامم المتحدة لا تستطيع .. لانه لديها قرار واضح في ان هجليج خارج المناطق المتنازع عليها .. وما حدث من دولة جنوب السودان هو احتلال
الكيزان لعبوها صاح
مشوا واشتكوا وثبتو حقهم في الاول
الان ردهم لن يكون هجوما حتى لو كان في العمق الجنوبي
بل سيكون رد عدوان
الناس الهنا دي فرحانة ودايشة ساكت
| |
|
|
|
|
|
|
|
|
|
Re: هجليج ارض سودانية .. هكذا تقول الخُرط .. فعلاما ولماذا تفرحون !!!! (Re: وليد محمد المبارك)
|
أنتو هجليج دي احتلوها المان ولا انقليز ، احتلت من سودانيين برضو وأي سوداني عندو قضية يحتل زي ما عايز مادام عندو القوة يعمل كدا،
ناس الانقاذ بين ليله وضحاها احتلو دوله كاملة تقول لي هجليج، بطلو عواطف ولا فرق بين الحلو والبشير.
وكان احتلوها ناس سلفاكير برضو كانو سودانيين بمعني السودنة الشمالية، ما أنتو كنتو محتلين الجنوب دا لمليون سنة في حدي سالكم.
هجليج ساهلة كدي حرروا حلايب وبطلو جقلبة. اسد علي وفي الحروب نعامة.
| |
|
|
|
|
|
|
|
|
|
Re: هجليج ارض سودانية .. هكذا تقول الخُرط .. فعلاما ولماذا تفرحون !!!! (Re: وليد محمد المبارك)
|
ياود المبارك، لك السلام والسلام لكل السودان شماله وجنوبه،
أنا ماعارف الناس دي هائجة كدا في شنو ؟ الجماعة في المعارضة جبروا علي حمل السلاح من قبل حكومة البشير وقامو ليقو ليهم حلة مطرفه واحتلوها، شو المشكلة؟ بكرة بتراضو وحيكون واحد منهم نائب الرئيس،
ياحبييب الحرب كر وفر، لا عقار داير يحتل بلد ولا الحلو عايز يحكم دولة، ناس بكل بساطة عايزين عدل واحترام ودا مع جماعتك ديل مابحصل ،
الانقاذ دوما بستعمل اله إعلامية كانو البلد احتلت من النازية، يا رجل الشغل دا كلو سياسة وحاتك بكرة دي يجيك بتاع ساحة الفداء ويركبك شغل جهاد راسو عديل ويخش ليك في العقيدة والدين وهلما جرا،
كلو كدب ساكت.
| |
|
|
|
|
|
|
|
|
|
Re: هجليج ارض سودانية .. هكذا تقول الخُرط .. فعلاما ولماذا تفرحون !!!! (Re: Abdulrahman Gorashi)
|
يالقرشي
عن نفسي مقتنع ان للحلو ولعرمان ولعقار كل الحق في حكم السودان .. واعلم تماما ان هذه الحكومة بتاعة لخبته وختاية
لكن لا ارى اي حق لسلفاكير او اي جنوبي في احتلال هجليج خصوصا انها خارج المناطق المتنازع عليها
ده ختا من دولة الجنوب
الان من يصرح باحتلال هجيج هم دولة الجنوب ، لم اقراء او اسمع تصريح واحد يقول بغير ذلك
بل دولة الجنوب قالت ان هجيج منطقة تابعة لجنوب السودان وليس لشمال السودان عكس ما تقول الخرط وقرار التحكيم
| |
|
|
|
|
|
|
|
|
|
Re: هجليج ارض سودانية .. هكذا تقول الخُرط .. فعلاما ولماذا تفرحون !!!! (Re: وليد محمد المبارك)
|
سلامات يا وليد
في ظل ظروف طبيعية ماف سوداني بيرضى يحتلو شبر من أرض البلد،
لكن البلد مغتصبة من عصابة تنهب خيراتها وتخرب اقتصادها وتقتل وتشرد وتاريخ ظلامات ما محتاج اسردو ليك هنا لانك سيد العارفين
بالتالي أي زول عندو ادنى احساس بحقوقو المغتصبة ويسكت بفرية الوطنية والعرض والشرف البتعزفو الحكومة فماشي ليهو مع حنك عاضي ساي،
أنا شخصياً مع احتلال هجليج وكوستي وانت جاي لغاية الخرطوم طالما يخصلني ذلك من حكم البشير وعصابته، بل أكثرمن ذلك بدعو اي سوداني حر للدفاع عن حقوقه المستلبة بوسطة عصابة المؤتمر الوطني،
البلد دي ما بلدهم براهم، كل زول عندو حق يشارك في الحياة السياسية والاجتماعية والثقافية على حد سواء، ليه البشير يتفرض علينا عمرنا كلو؟؟ ليه نفس الوزراء خرطمية سنة؟ ليه الثروة والموارد حكر على حرامية يفسدو طول وعرض والناس تعاني ضيق وفقر؟؟
بعدين حلاييب محتلة والفشقة محتلة من دول أجنبية شنو يعني لما هجليج تحتل؟
لو فهم وممارسة الوطنية بتلمني مع الكيزان، ده طرفي منها،
الوطنية يا حبيب تضحية وفداء وإيثار، وريني ياتو من ديل بيعرفوهو الكيزان غير اللغف وحب الثروة والشهوات!
| |
|
|
|
|
|
|
|
|
|
Re: هجليج ارض سودانية .. هكذا تقول الخُرط .. فعلاما ولماذا تفرحون !!!! (Re: نادر)
|
مرحب نادر
سلامات ياخ
Quote:
أنا شخصياً مع احتلال هجليج وكوستي وانت جاي لغاية الخرطوم طالما يخصلني ذلك من حكم البشير وعصابته، |
وبعد ان تتخلص من الخرطوم وعصابته .. وتضم هجليج وبقيت المناطق المحتلة مستقبلا
كيف يمكنك اعادتها ...
مع احترامي لي وجهة نظرك يا نادر
لكن كلامك ده ياهو الحنك العاضي
استلمت قبل اليوم الكرمك وقيسان وتلودي
لم يعترض احد لانها كانت حسب المصرح به من قبل تحالف كاوا
وانا وانت نعلم ان استلام تلكم المدن كان ايضا بمساعدة من دولة الجنوب .. لن لم نسمع ابدا تصريح من دولة الجنوب يفيد بانها احتلت تلكم المدن
الا في حالة هجليج هذه
الم تسال نفسك لماذا اختلف الوضع الان وصرحت حكومة الجنوب علانية باحتلالها لهجليج .. مع انها كانت تنكر اشتراها في امر المدن الاخرى سابقا
Quote:
بعدين حلاييب محتلة والفشقة محتلة من دول أجنبية شنو يعني لما هجليج تحتل؟ |
ولا اي حاجة
لكن بعدين لمن النظام الحاكم يتعامل بنظريتك دي .. ويترك هجليج وابي لجنوب السودان .. قصاد رفع يده عن تحالف كاودي
ما تجي تغير كلامك ويصبح احتلال هجليج والتفريط فيه تعني شي
متوقع جدا انو الحكومة تتنازل عن هجلجيج عشان تريح بالها وما حا يهما بل بالعس سيعطيها اعواما قادمات في الحكم
والجنوبيين الواقفين معاكم ديل حينها حا يقلبوا عليكم هم والحكومة
عن نفسي يعني احتلال هجليج وحلايب والفقشة
| |
|
|
|
|
|
|
|
|
|
Re: هجليج ارض سودانية .. هكذا تقول الخُرط .. فعلاما ولماذا تفرحون !!!! (Re: وليد محمد المبارك)
|
Quote: الب مجلس الأمن الدولي دولة جنوب السودان بالإنسحاب من منطقة هجليج. ودعت سوزان رايس سفيرة الولايات المتحدة في مجلس الأمن رئيسة الدورة الحالية للمجلس, دعت دولة جنوب السودان للتوقف عن إعتداءاتها على الأراضي السودانية, وقالت أن الإعتداء على منطقة هجليج يعد إنتهاكاً خطيراً ومتكرراً على أراضي وسيادة السودان.
وأبانت أن مجلس الأمن يرفض الإعتداءات المستمرة من دولة جنوب السودان على الأراضي السودانية, وطالبت بانسحاب الجيش الشعبي التابع لدولة جنوب السودان من منطقة هجليج, داعية الدولتين إلى وقف الأعمال العدائية والتوصل إلى حل القضايا بينهما عن طريق الحوار السلمي. |
اها كده كويس 
| |
|
|
|
|
|
|
|
|
|
Re: هجليج ارض سودانية .. هكذا تقول الخُرط .. فعلاما ولماذا تفرحون !!!! (Re: وليد محمد المبارك)
|
الاخ/وليد المبارك .. خالص التحايا
وشكرا ع البوست القيم ولمدعم بالخرط..
كل المستنات والوثائق التاريخية تثبت حق الشمال في هجليج ومنطقة ابيي عموما
لان المسيرية عاشو ا واستوطنوا في ابيي قبل الدينكا بنحو مائة سنة..1765
وبشهادة كبار المؤرخين الغربيين امثالهاول وهندرسون ..
وان الدينكا جاءوا الى ابيي من بحر الزراف بعد ان تم طردهم من قبل النوير ..
كما ان دينكا نوك انفسهم يعترفون ان ابيي ليس موطنهم الاول وانهم اجبرو للهجرة اليها بسبب الفيضانات التي اجتاحت موطنهم حسب ما يرونه في قصص تراثهم وانهم لم ياتو الي ابيي
الا عبر مراحل بعد ان اطمئنوا الى المسيرية وحسن ضيافتهم..
كما ان ابيي لم تكن في باديء الامر في جدول المفاوضات بحكم انها تتبع للشمال في حدود 1956 ..بأعتراف جون قرنق وشهادة غازي صلاح في لقاء معه بالتلفزيون.
بكل اسف يجهل الكثير من السودانيين في الشمال هذه الحقائق عن قضية ابيي وحق المسيرية
الاصيل في ارض ابيي ..بل انحاز الكثير منهم مع اعلام الحركة الشعبية بدوافع متعددة كمعارضة الانقاذ ..متناسين حقيقة انتماءهم للسودان خاصة بعد انفصال دولةالجنوب ..وهواعلام
مضلل ومزيف للتاريخ ويحاول قلب الحقائق ..والظهور في ثوب الضعيف المظلوم..وهو
الظالم. فأ نطلت عليهم اكذوبة ان ابيي جنوبية . . بينما هي في والحقيقة .. شمالية مية المية.
| |
|
|
|
|
|
|
| |
وليد محمد المبارك
Nasr
محمد المسلمي
جمال محمود
هاشم نوريت
حسن محمود
فيس بوك
تويتر
انستقرام
يوتيوب
بنتيريست