سينما الجيش ببانت ... خاص لعشاق امدرمان " صورة "

Quote: التذكرة دي مزورة أنصاصها كل فردة من بلد أوع دي تكون كضبة مايو الجاي ^__^

Quote: ووين الحاجة فتحية صاحبة المطعم الشهير ببانت ووين العجلاتي الكان بفتح في ميدان بانت وين عمك الشايقي بتاع المغلق ووين عمك العربي البربط حصانه وراء العراضة الجنوبية لميدان بانت وين طابونة حجوج وين مصحة بانت وين عمك خليل بريمة بتاع اللحمة وين أولاد أبارو الترزية (عمر + آدم) وين فريق النجم الأحمر ووين شرحبيل عثمان حميدة لاعب الموردة الخطير الذي زرع ميدان بانت فناً وإبداعاً وين عمك (بدرة) الحلاق شقيق الراحل جعفر إبراهيم ووين زريبة الفحم والحطب وووين وووين وووين ذكريات حلوة يا صديق ويا خالد تحياتي وشكري وتقديري وامتناني ياالله يا أم درماااااااان

Quote: التذكرة دي مزورة أنصاصها كل فردة من بلد أوع دي تكون كضبة مايو الجاي ^__^

Quote: نص ونص يساوي قزازة !!

Quote: بانت وما ادراك ما بانت... ذلك الحي الاليق الانيق والذي يسكنه الجمال من اركانه الاربعة بانت ذلك الحي الذي ولدت به وعشت فيه اجمل ايام ايام حياتي , لم ابرحه الا لمنافي باردة لا يعيني علي صقيعها الي دفي ذكريات تدثرني بها بانت الحبيبة وهي تطوف بحنو عظيم علي ما تبقى من ذاكرة...... بانت حي متفرد ثمين معطاء ودود.... عدت اليه بعد سنين طويلة ولم اجده... ضاعت مني ازقته ونوادية وشوراعه اصبحت مليئة بوجوه لم تالفني ولا اخالني الفتها اين عمنا صابر الذي لم يذكر صديقنا ود الموج عنه انه كان صاحب ( اكيف ) حقة تمباك في نواحي امدرمان اين عمنا كباشي سيد الطاحونة وسيد الدكان واين عمنا التلب وعمنا حلق بي وين طابونة حجوج وين دكان اليماني الكان فاتح في ميدان البترول وقبالة بيت ناس كلانة وما ادراك ما بيت ناس كلانة البيت الذي خرج افذاذ كرويين حسن تمسا وعامر كلانة وبابكر الحلو موسي ( باكمبا). اين باكمبا واين برعي محمد دفع الله وابنه صديق ايام الطفولة والصبا زرياب برعي محمد دفع الله وين عمنا الزبير وين صلاح ود الشول وين حسن كباشي وين اعمامنا اولاد شمت واين ابناءهم واين فريق البترول ووالاخوة والاصدقاء واين فريق ليما وحاج شيكو..............واين واين واين ذهبت ولم اجد احد ذهبت ولم اجد احد

Quote: انت اجيال وراء اجيال ولازالت تتزداد بهاء واصبحت حيه 24 ساعة تقريبا ربما للموقع المتميز ..