|
|
 ذات الخجة(2) والسؤال المشروع
|
تفاجأت بتصريح طبيب الاسنان مستشار الرئيس لحاجات كتيرة بان المؤتمر الوطني مستعد لخوض انتخابات مبكرة
وسبب استغرابي انو ما في معارضة زانقاهم فالحزبين الكبيرين مجرد اسم يتداوله الناس احيان حين يتحدثون عن السياسة في واقع معاشهم اليومي اما المؤتمر الشعبي فمتنازع بين الجهاد المعلن عليه والجهاد الذي يعلنه هو والحزب الشيوعي مشغول في من يخلف الراحل نقد
طيب مالهم ناس المؤتمر .. ما اهم قاعدين ينفذون الاجندة بتاعتهم وزي ما قال صلاح دولار .. اسف اتلخبطت في الكلام صلاح كرار على ما اظن او عبد الرحيم حمضي اظن واحد فيهم قال
(نحن مستعدين نضحي بتلتين الشعب السوداني عشان يعيش تلت مرفه) .. اها في تلت راح مع الجنوب .. والتلت الباقي حيجيشوه في الجهاد المعلن اليومين ديل من ابناء الغلابة والمطحونين ويبقى الثلث المرفه وهم الالف وزير ووالي واعضاء المجالس التشريعية وابناء الصين
فانا عن شخصي ما عايزكم تمشو لانو احسن من البشير ما حتلقو رئيس
واحسن من علي عثمان طه ما حتلقو نائب اول للرئيس
واحسن من المطلوب القبض عليه ما حتلقو نائب رئيس
بالاضافة لسبب رئيس تاني
خليكم قاعديييين عشان خاطر عضوية المنبر العندنا دي تمارس سذاجتها المفرطة في لي حقائق هم ادرى الناس بها
فما في زول سالكم
من غير انتخابات انتو فايزين بدورة خماسية جديدة
الف مبروك ليكم دورة من غير خج
|
|
 
|
|
|
|
د.محمد حسن
فيس بوك
تويتر
انستقرام
يوتيوب
بنتيريست