هذه من الاخطاء الشائعة في السفر عدم وجود استكر بالاسم والهاتف ومحطة الوصول كعلامة فارقة وحمدا لله على السلامة قبل شهر وصل ابن اخي على طيران ناس ، واحد الركاب بالخطأ سحب شنطة ليست له للتشابه واكتشف ذلك في اليوم التالي ولكنه اتصل على هاتفيا وسلمني الشنطة مشكورا واعتذر للخطأ وهكذا السودانيون دائما ،وواضح ان تشابه الشنط مشكلة في الفرز .
الغريبة الشنطة برضو كان فيها جبنة !!!! هناك ليبل على الشنطة به باركود يقرأ معلومات الراكب الكترونيا صاحب الشنطة عن طريق شركة الطيران
Quote: هذه من الاخطاء الشائعة في السفر عدم وجود استكر بالاسم والهاتف ومحطة الوصول كعلامة فارقة وحمدا لله على السلامة قبل شهر وصل ابن اخي على طيران ناس ، واحد الركاب بالخطأ سحب شنطة ليست له للتشابه واكتشف ذلك في اليوم التالي ولكنه اتصل على هاتفيا وسلمني الشنطة مشكورا واعتذر للخطأ وهكذا السودانيون دائما ،وواضح ان تشابه الشنط مشكلة في الفرز .
الغريبة الشنطة برضو كان فيها جبنة !!!! هناك ليبل على الشنطة به باركود يقرأ معلومات الراكب الكترونيا صاحب الشنطة عن طريق شركة الطيران
مع الود
تيجانى
يا جامع يا رقيب
للأسف اجراءات المطارات في هذه الناحية تعتمد على الأمانة فلاتوجد اي رقابة لكل من أخذ شنطة وخرج بها بعيدا عن صالة المطار يفترض ان تتم مراجعة كل الحقائب الخارجة بالكود المعروف ولو كان هذا يحدث لما اخذنا هذه الحقيبة معنا
في مطار الخرطوم انتظرت حقيبة بالسير 00 بها رسالة ماجستير وموبايلات وذواكر واشياء ثمينة اخرى لم تظهر بالسير نهائيا في حين ان كل حقائبي وشنطي المغلقة وصلت وهذه للأسف كانت بسستة ولم تكن مغلقة بالطبلة وحينما لم تصل سالت المسئول وقلت له ربما أخذها شخص آخر فرد رد غير منطقي وغير علمي بأن لا أحد يأخذ شنطة أحد
المهم قمت بتعبئة بيانات وانتظرت ثلاثة ايام واتصلوا بي ان الشنطة بلحمها وشحمها موجودة والله موجودة فعلا لكن لم اجد بها الموبايلات ولا العطور وكل الأشياء المهمة لكن رسالة الماجستير كاملة لم ينقص منها اي شيء
04-03-2012, 12:22 PM
شهاب الفاتح عثمان شهاب الفاتح عثمان
تاريخ التسجيل: 08-28-2006
مجموع المشاركات: 11937
كيفك اخي .. سبق وان مررت بنفس المشكلة ،، وانا قادم من الخرطوم.... ومن خلال الاستيكر وبعد الرجوع لمكتب الحجز تحصلت على تلفون صاحبها وكان مسجلا رقم السودان طبعا لان السفرية بدايتها هنالك .. المهم اتصلت واعطوني رقم من حمل حقيبتي هنا وتركت حقيبتهم وهي مشابهه لحقيبتي لدي الخطوط في المطار .. وفي اليوم الثاني عرفت ان الشخص ارجعها للمطار واستلمتها من هناك ..يعني دايرة شوية اجتهاد منك .. وعن طريق الاستيكر الفي الشنطة ..
04-07-2012, 06:38 AM
ابوحراز ابوحراز
تاريخ التسجيل: 06-27-2002
مجموع المشاركات: 5515
الأخ أحمد محمد عتيق شكرا للمشاركة ولازالت حتى اللحظة اتصالاتنا جارية مع المطار وكذلك شركة ناس لتسليمهم الشنطة علماً بأنه ثبت من كل المعلومات التي اعطيناها لهم ان الشنطة ربما يكون قد تم شحنها بالخطأ اي ان وجهتها ليست مطار الملك عبد العزيز بجدة علماً بانه في نفس تلك اللحظة كانت هناك ثلاث رحلات مغادرة من الخرطوم الشارقة والقاهرة وجدة
أحب أن انوه بانه وصلتني اتصالات كثيرة جدا من الرياض وجدة ومختلف مناطق المملكة العربية السعودية واتصالات أخرى من دبي والشارقة ذهلت لحجم وعدد الشنط الذي ضاع فكل هؤلاء يشكون من ضياع شنطهم
04-04-2012, 09:50 AM
ابوحراز ابوحراز
تاريخ التسجيل: 06-27-2002
مجموع المشاركات: 5515
وضع الموبايل في الشنطة خطر لان الاجهزة التفتيشية تكشفة , ويستهدف !,
اما في السودان فالشنط في حالة استهداف دائم , ولا حماية ..
ولنا الله . كفارة و مبروك الرسالة ..
اعرف ذلك جيداً واعمل له الف حساب الحقيبة التي بها الرسالة كانت صغيرة وكنت احملها صحبة راكب ولكن الموظف رفض رفضاً قاطعا الا ان تذهب عن طريق الشحن ولم يكن هناك وقت مع الزحمة لإخراج الأشياء الهامة بها الطريف أن صناديق الموبايلات كانت متواجدة وكذلك الصناديق التي بها العطور توجد صناديق فارغة فقط والمدهش أنها موضوعة في مكانها بعناية ويشهد الله أن الموظف حينما طلب مني كتابة محتويات هذه الشنط احترت كثيرا قلت لو كتبت ليهم فيها موبايلات خلاص الرماد كال حماد ولو الواحد اتغاتت وما وجد مقتنايته حايقولوا ليك انت ماكاتب انو عندك جوالات في النهاية توكلت على الحي الدائم وكتبت عدد الموبايلات وماركاتها والعطور مما الوظف قال لي بي نهرة 00 ما قلنا ليكم ماتختوا الموبايلات دي هنا خلاص طلعت برة وقريت الفاتحة على كل الأغراض
بعد استلمنا الشنطة المنهوبة راجعت الوصايا ومشيت اشتريت موبايل كان وصية من أحد الأخوان نفس اللون والشكل لكن رغم ذلك فإن صاحب الموبايل رفض يستلمه وقال الموبايل غير اصلي لكن الرجل صاحب الوصية كان عاقل وقال ليهو ياهو الموبايل الأنا ارسلته ليك حتى زعل مني وقال ليه انا اشتري الموبايل مرة أخرى عموما انا لو عندي وصية مع اي احد لا أخبر اهلي بها نهائيا وكثيراً ما تصلهم الوصايا فجأة دون اي انذار مسبق وذلك تحسباً لمثل هذه الظروف
04-04-2012, 10:22 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
ألأخ/ابو حراز الحمدالله على سلامة ألأولاد...وربنا يجمع بصاحب الشنطة.
ألأولاد مره سافروا لوحدهم وما متوعدين..أمهم معاهم..فى مطار الخرطوم طلعوا العربات كلها وكم شنطة..إتصلت عليهم قالو وصلنا بالسلامة الحمدالله لكن أحمد ولدى ومعاهو خالو رجعوا المطار لقو شنطة نسوها بره المطار و إتصلوا بيهم ناس المطار لقو التلفون أنا كاتبو لهم على جنب والحمدالله جمعت وما مقطوعة نصيب..أوصى دائماً بكتابة العنوان واكثر من تلفون بداخل وخارج الشنطة.
أصيل فى كونك ما تورى ناس البيت بالحاجات المرسلة وهذا فعلاً تصرف حكيم حتى لا يحصل حرج إذا ضاع شىء أو تأخر.
وأحياناً لما كنت أرسل فلوس مع شخص وأطلب منه تحويلها وتسلم للأولاد أترك هامش فرق العملة أحياناً حتى لانقع فى مثل هذا الحرج. لك التحية والتقدير.
04-04-2012, 07:18 PM
ندى صالح الطيب ندى صالح الطيب
تاريخ التسجيل: 04-29-2010
مجموع المشاركات: 602
Quote: يعني تخلوا شهاداتي الموجودة في ظرف صغير وتشيلوا ليكم شنطة قدر الضربة ياخ وبعدين الشنطة دي ما تقع الا في (الخرمة) بتاعت الابرة دي .. ..
__ حمد لله على سلامة الاولاد ياخ وربنا يجمع اصحاب الشنطة بشنطتهم وربنا يجزيك خير على هذا العمل طبعا دا مرور للتحية والسلام
ان شاء الله الظرف يكون وصل واحد من الجماعة في السعودية زمن الجوابات ليها شنة ورنة ارسل خطاب مع أحد الأصدقاء وكان زعلان ويزبد من الزعل الخطاب للمدام بتاعتو لكن الزول نسى الوصية وما ارسل الخطاب لمدة شهرين يوم فجأة لقى ليك الظرف وسط الملابس واتحسر وقال اول شيء اتصل على صاحبي واعتذر ليه وفعلا اتصل وهو متحسر جدا على تاخير الجواب الراجل رد عليه وقال ليهو ياخي جزاك الله خير انك ما وصلت الخطاب للمدام عشان الرسالة دي كان فيها طلالالالالالالالالالالالالالاق عديل !!!
السنة الفاتت زوجتي نست شنطة الذهب بالباخرة وجابت معاها شنطة الويكة والبهارات شوف بالله الصور المقلوبة دي كيف ؟؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ابوحراز
شهاب الفاتح عثمان
الامين موسى البشاري
ismeil abbas
ندى صالح الطيب
فيس بوك
تويتر
انستقرام
يوتيوب
بنتيريست