|
|
|
 Re: معني اسم امدرمان يا اهلنا النوبين ..... الرجاء التاكيد او التصحيح (Re: حمزاوي)
|
الحبيب حمزاوي .....ياسلام عليك يا جميل علي الاضافه .... يعني الراجل كلامه اقرب للحقيقه نقول والا في راي تاني
اما حكاية سيدنا موسي عليه السلام .... اها دي شويه صعبه علي :)
وفي نفس المحادثه استرسل صديقي ..... وقال بتلك اللكنه المحببه الي ... تعرف انو اول ناس سكنوا امدرمان والخرطوم هم النوبيين .... !!!
اها دي الا يجي زول مؤارخ يشوف لينا الموضوع ده وربما في بوست تاني
يعني ما ناس جيش المهدي والا ناس حي العرب وناس الجموعيه .....
محبتي الاكيده للكل
| |
 
|
|
|
|
|
|
|
|
Re: معني اسم امدرمان يا اهلنا النوبين ..... الرجاء التاكيد او التصحيح (Re: willeim andrea)
|
Quote: اور = راس
ضم = تماسك
امانا = المويه |
أور = راس (صحيح)
ضم = تماسك ( الكلمتين بالعربي ما فهمت المغزى)
الموية بنوبية حلفا محس سكوت = أمن amun
لا استطيع ان افيدك عن المعلومة الواردة
لكن من واقع ترجمة (توت عنخ آمون) والتى ان جزئناها تصبح
تود = ولد
عنخ (اساس الكلمة أنق = ولدي) لكنها تحولت الى كلمة عنخ
آمون = أمن أو موية amun
ليصبح المعنى مع بعضه مفهوما بالنوبية وفاقداً المعني عند ترجمته
| |
|
|
|
|
|
|
|
|
|
Re: معني اسم امدرمان يا اهلنا النوبين ..... الرجاء التاكيد او التصحيح (Re: الفاتح شلبي)
|
سلام ياوليم اندريا ..
الله يرحم وليم اندريه الفنان والرياضي الخلوق
حدثني عنه كتير الاستاذ سمؤل عازف الطرمبه وكان
استاذي في قصر الشباب و الاطفال متعه الله بالعافيه ..
نجي للكلمة انا والله لغتي ضعيفه لكن رغما عن ذلك
بحاول كتير انه اعرف لغة اجدادي ...
اول من سكن منطقة الخرطوم وبالتحديد توتي وحواليها بي امدرمان وبحري
هم المحس احفاد الادريس ود الارباب والله اعلم
اما كلمة ضم اعتقد الاقرب هي دم مع ضم الدال
يعني امسك ..اور هو الراس ..امن مع فتح كل الحروف المويه
لكن ما علاقة الكلامات دي بي امدرمان ؟؟
لك مني كثير الموده
| |
|
|
|
|
|
|
|
|
|
Re: معني اسم امدرمان يا اهلنا النوبين ..... الرجاء التاكيد او التصحيح (Re: تبارك شيخ الدين جبريل)
|
وليم اندريا..حبابك يا صديق
و حباب الأصدقاء هنا..
تعضيدا لمعلومة الصديق المسافر.. في عام 1998 جمعتني ظروف العمل بعمنا محمدين ، من الجموعية ، و كان يعمل قاضيا في المحكمة الشعبية و التي كان مقرها ضمن محكمة جنايات امبدة وسط..فقال عن تسمية امدرمان:
( الأصل انها امرأة من الشلك و كانت تسكن جزيرة توتي..و كان لها ابن يسمى ديرمان..و كانت لها ابقار ترعي مقطاع البحر غربا..و كانت الناس تقول..ديلاك بقر ام دريمان..و بمرور الزمن حذف حرف الياء.زو صارت امدرمان)..
اما تسمية البقعة ، فعمنا محمدين يقول:
( أن الأرض اصلا كانت ديار الجموعية و حينما قدم المهدي طلب منهم قطعة ارض فمنحوه..و قال قبلت بهذه البقعة المبروكة..فصارت تسمية البقعة)..
و اضاف عمنا محمدين يقول:
( ان قبة الشيخ ابوزيد الحالية عمرها ستمائة سنة (طبعا الكلام ده سنة 1998))..
و كما تعلم آفة التأريخ السوداني معظمه شفاهي..
و ايضا من المعلومات التي ذكرها عمنا محمدين ان الجموعية كانت لهم لغة خاصة..و هذه تعضد فكرة وجود النوبيين في المنطقة و هو راي يعضده تاريخ الممالك النوبية القديمة خصوصا مملكة علوة و هي التي كانت تشمل تلك الديار..
و دمت..
كبر
| |
|
|
|
|
|
|
|
|
Re: معني اسم امدرمان يا اهلنا النوبين ..... الرجاء التاكيد او التصحيح (Re: Kabar)
|
الجميل..وليم أندريه يا زول مسكون بحب أم درمان يا مثقف لك التحية.
Quote: يعني ما ناس جيش المهدي والا ناس حي العرب وناس الجموعيه .....
|
حى العرب يسكنه كثير من القبائل ومن ضمنهم الجموعية وأما جيش المهدية عندما تجمع لفتح الخرطوم كان اهلنا الجموعية موجودين وإستأذنوهم عل أن يقيموا بالجهة الغربية للنيل من جهة الفتيحاب حتى يستطيعوا أن ينتصروا على ألأنجليز من هذا الموقع ألأستراتيجى.
ألأخ/كبر....هل تقصد ألمرحوم /محمدين العوض؟
____________________________________________________________________________
لم أسمع بأن النوبيين كانوا يسكنون هذه المنطقة..بل حسب علمى بأن كلام ألأخ/المسافر سمعته قبل ذلك وهو أقرب للحقيقة...تقديرى وإحترامى للجميع.
| |
|
|
|
|
|
|
|
|
|
Re: معني اسم امدرمان يا اهلنا النوبين ..... الرجاء التاكيد او التصحيح (Re: ismeil abbas)
|
اسماعيل..حبابك يا صديق
اعذرني ياخي السنين و الكبر الإتنين حصلوا..و حاولت اتذكر الإسم بالكامل لكن ربك غالب..
كل ما اذكره انه كان شرطي سابق..و رجل بشوش..و سلسل الحديث..و يعرف كثيرا عن ثقافات العرف السودانية..و لو الإسم المذكور من تلك النواحي اكيد يكون ياهو ذاتو.. التحية لعمنا محمدين اينما كان و كيفما كان..ففيه صورة السوداني المعلم البسيط..
كبر
| |
|
|
|
|
|
|
|
|
|
Re: معني اسم امدرمان يا اهلنا النوبين ..... الرجاء التاكيد او التصحيح (Re: Kabar)
|
كثير من مناطق ام درمان تسمي بأسماء مؤنثه مثل ام مرحي وصالحه
لا يختلف اثنان ان اول من سكن ام درمان في شكل قبيله كامله هم الجموعيه وهم فرع اصيل من الجعليين
كل اراضي ام درمان سكن وزراعه ملكهم في السابق وحتي الان الاكبر منها ملكهم
ويمتد الجموعيه الي توتي وبري والجريف جنبا الي جنب مع النوبيين المحس
عندما نزل والد الامام المهدي ام درمان نزل في منطقة خور عمر بوادي سيدنا بالقرب من الجرافه
حيث كان يعمل في صناعة المراكب وقد ارسل الامام المهدي صغيرا ليدرس ويتعلم بمنطقة ام مرحي ( الشيخ الطيب ) شمال ام درمان
والد الامام المهدي مدفون بمنطقة النوفلاب شمال ام درمان - حوالي 20 دقيقه بالسياره من الشهداء - وهي منطقة اثريه قديمه
لا ادري ان كان كل احفاد الامام المهدي والانصار يعرفون هذه المعلومه ام لا .. لكن الامام الصادق المهدي يعلمها وكان يزور قبر جده حسبما علمت
ما اود قوله ان المحس والنوبيين عموما كان لهم وجود قديم في ام درمان وتوتي والخرطوم عموما وهناك مصاهره ونسب بينهم وبين الجموعيه
حتي اصبحوا شي واحد .. واغلب حبوبات الجموعيه من المحس .. اما عن الاسم فلا اعلم له روايه سوي المشهوره وهو نسبته الي امرأه مثله مثل ام مرحي وغيره
ومع ذلك لا استبعد الروايه الحاليه وللنتظر ونري من يؤكد او ينفي
تحياتي للجميع
| |
|
|
|
|
|
|
|
|
|
Re: معني اسم امدرمان يا اهلنا النوبين ..... الرجاء التاكيد او التصحيح (Re: ismeil abbas)
|
Quote: اول من سكن منطقة الخرطوم وبالتحديد توتي وحواليها بي امدرمان وبحري
هم المحس احفاد الادريس ود الارباب والله اعلم |
ود اختي شمت
مسكاقمي
النوبيون كانوا يسكنون المنطقة قبل ملايين السنين
وادي النيل من اعالي النيل ( السوباط ) حتى الشلال الثاني كانت مملكة كوش النوبية
وتقسمت إلى ثلاث ممالك قبل الميلاد وعند ظهور الديانة المسيحية اعتنقوا المسيحية
فكانت تعرف بممالك النوبية المسيحية ... الاولى نوباتيا وكانت عاصمتها سمنة والثانية المغرة وعاصمتها دنقلا العجوز
والثالثة علوة وكانت عاصمتها سوبا وكانت هي اقوى الممالك واستمرت حتى قيام مملكة سنار ( الفونج ) وسقطت على ايديهم ( عبدالله جماع )
بالقصة المشهورة ( عجوبة الخربت سوبا ) فاذن كان النوبيون يسكنون هذه المنطقة ويحكمونها وكانت اللغة النوبية ( المحسية )
هي المستخدمة
أما الشيخ العارف بالله ادريس ود الارباب فهو من منطقة كرمة وهو حفيد عشكان فقد جاء للمنطقة في اواخر القرن السابع الميلادي
وقد ساعده معرفته للغة النوبية في نشر الدين الاسلامي والتفاف الناس حوله
| |
|
|
|
|
|
|
|
|
|
Re: معني اسم امدرمان يا اهلنا النوبين ..... الرجاء التاكيد او التصحيح (Re: حمزاوي)
|
| Quote: لم أسمع بأن النوبيين كانوا يسكنون هذه المنطقة..بل حسب علمى بأن كلام ألأخ/المسافر سمعته قبل ذلك وهو أقرب للحقيقة...تقديرى وإحترامى للجميع. |
اخوي اسماعيل
مسكاقمي
كيف الكلام دا
طيب العرب جوا مع الاسلام
طيب قبل ما يجوا العرب والاسلام الكانو ساكنين في المنطقة منو
هناك مناطق او قرى كثيرة تجد اسمائها نوبية مثل الجزيرة اسلانج وتوتي وواسي
وتجد بعض احياء ام درمان نفسها تحمل اسماء نوبية
تعرف يا سمعة اخوي
ام درمان دورها في التاريخ كمدينة تعتبر حديثة فهي دخلت التاريخ وصار لها دور مع المهدية
هي كانت مقطونة ولكن يبدو انهم كانوا قليلين وذلك لجغرافية المدينة فهي ارض صخرية
فالامام محمد احمد المهدي اولاً استقر في ابوسعد ومنها حرر الخرطوم وقتل غردون ونقل العاصمة لام درمان
فكل مجموعة سكنت حول مقر الحكم ( حالياً تعرف بميدان الخليفة وقصر التعايشي ) فسموا احياءهم باسماء قبائلهم
فالكلام يطول في هذا المجال
| |
|
|
|
|
|
|
|
|
|
Re: معني اسم امدرمان يا اهلنا النوبين ..... الرجاء التاكيد او التصحيح (Re: willeim andrea)
|
معي موظف سعودي اسمه ابو درمان
سالته و بم تنادي زوجتك؟
قال اناديها ام درمان.
احيانا تشابه الاسماء و ان بعدت المسافة ينبي عن علاقة ما.
بالرجوع الى اكثر من قاموس عربي، و جدت ان كلمة درماء تهني المراة التي لا تبين كعوبها و مرافقها بسبب بدانتها، او الصبي في مرحلة تبديل اسنان اللبن.
و اذا وصعنا في الاعتبار ان معظم القرى عند نشاتها في السودان تؤخذ اسماؤها من اللغة العامية او الدارجة، اذ نحن نقول فلانة عمياء و فلان عميان (بالفصحى أعمى). و نقول قناة ملئى و اناء مليان. و على هذا المنوال نقول امراة درماء و رجل درمان او (ورمان).
يعني قد تكون تمت تسمية المدينة على امراة لها ابن اسمه درمان مثل ما تمت تسمية ام دبيكرات، ام مغد، ام سناام دقرسي، ام مرحي .....الخ
هذا مجرد اجتهاد.
| |
|
|
|
|
|
|
|
|
|
Re: معني اسم امدرمان يا اهلنا النوبين ..... الرجاء التاكيد او التصحيح (Re: عبدالله محمد أحمد)
|
يا عبدالله كلامك معتبر لو وضعنا الحقيقة التاريخية وهي أن اللغة النوبية المحلية في السودان هي الأصل الذي تفرعت منه اللغة العربية الفصحي (وعميان وملآن فصيحتان بالمناسبة وليس التواء لسان عامي سوداني) ...
الدرم هو الورم والبروز والبدانة والإنتفاخ ... وقد حدثني والدي - رحمه الله - أن أصل الاسم من المرتفعين المحيطين بخور ابو عنجة كانا يعرفان بالدرمان (وقد أوّل ذلك تأويلك وأضاف إليه تأويل أن الكلمة قد تكون مثنى "درمة" وتعني الهضبة والمرتفع) .. فصارت المنطقة أم درمان ... وقيل أم درمين أيضاً ... أمّا عن التقاء النهرين فاعتقد أن هذا متعلق باس "توتي" (وأصلها بالتشديد "توتّي" وتعني الفرع أو النسل والله أعلم) وليس "امدرمان" ...
... المهم ....
| |
|
|
|
|
|
|
| |
willeim andrea
الفاتح شلبي
عماد شمت
المسافر
تبارك شيخ الدين جبريل
Kabar
ismeil abbas
نوفل عبد الرحيم حسن
فيس بوك
تويتر
انستقرام
يوتيوب
بنتيريست