|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: ياسر نجيلة)
|
تحياتي وسلامات ياسر نجيلة
وجزيل الشكر على تعريفنا بهذه الشركة وبذاك المنتج
العرض في تقديري ينقصه أشياء أساسية لم تتواجد هنا أو هناك في الموقع الذي أحلتنا إليه
على سبيل المثال
- تحديد السعر شئ أساسي فهو ما يجعل المشتري يتحرك نحو ( تفحص المباني على أرض الواقع ) أم يصرف النظر .
- تحديد نوعية المواد المستخدمة في التشطيب مثل
الأبواب الخشبية ( نوعية الخشب المستخدم ، أبواب مصمتة أم كبس ، محلية أم صينية أم أخرى ، .... )،
شبابيك الألمونيوم ( نوعية الألمونيوم ، القطاع ، الزجاج المستخدم عادي أم عاكس ، مزدوج أم مفرد، .... )
الأطقم الصحية ( نوعيتها ، بلد المنشأ.... )
خلاطات الأطقم الصحية ( نوعيتها ، بلد المنشأ ، .... )
المعلقات الكهربائية ( نوعيتها، بلد المنشأ، .... )
السيراميك / البلاط / الرخام المستخدم ( نوعيته ، بلد المنشأ، ..... )
- كذلك لم يتم تحديد فترة محددة لضمان الأعمال ( سنة من تاريخ الإستلام ) كما تنص كل إتفاقيات تمليك المطورين العقاريين
في ظني أن بذل ونشر هذه المعلومات من أهم مقومات العرض فـ ( تفحص المباني على أرض الواقع ) لا يفيد كثيراً فليس كل المشترين لهم المعرفة الهندسية أو خبرات التنفيذ الهندسية ليقرروا مدى الجودة . كذلك بذل كل المواصفات الفنية المذكور أمثلة لها أعلاه يمكن المتخصصين من مقارنة السعر المطلوب مع المواصفات المنفذة لتقرير واقعية أو معقولية السعر المطلوب سواء كان ذلك لأنفسهم أو تقديماً لخدمة إستشارية طلبت منهم من مشترى .
والله من وراء القصد
| |
  
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: ياسر نجيلة)
|
يا ياسر الفكرة ككل جميلة
وعشان تكتمل الصورة اسئلة الاخ عاطف عمر مهمة للغاية
ثم مشاهدتها على ارض الواقع
وحيث انى لا امتلك المبلغ ده ولا بقدر افكر فى حكاية التمويل
من بنك لمبلغ قدره ده .... ارجو لو تدونى الملحق ده كفاية علينا
Quote: الطابق الثاني و يشمل : (غرفة بحمام + مخزن + غرفة لغسيل و كي الملابس + سطوح)
مجموع المساحة 116 متر مربع |
وشكرا"
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: عبد الدائم سيد أحمد)
|
كافورى الارض بتاعتها طينية والكل بعرف
يعنى تشترى وتقعد تصين عمرك كلوا مهما اتعمل ليها من موعلاجات للتربة
والحاجة التانية مبلغ زى كده دا بجيب ليك شقة فى قطر واقامة طويلة المدة فى بلد مطور وفيها خدمات متوفرة صحية وتعليمية
والله انا ماعارفة السبب البخلى البيوت فى السودان تكون غالية كده شنو
ياخى دولة فيها الخدمات الصحية و التعليمية والبنية التحتية زى الزفت ومافى استقرار وظيفى وكلها حروب ومشاكل
البرفع الاسعار فيها كده شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: وضاحة)
|
Quote: والله انا ماعارفة السبب البخلى البيوت فى السودان تكون غالية كده شنو
ياخى دولة فيها الخدمات الصحية و التعليمية والبنية التحتية زى الزفت ومافى استقرار وظيفى وكلها حروب ومشاكل
البرفع الاسعار فيها كده شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
الأخت وضاحة
ســـلام
ســؤال يستحق الإجابة من ذوي الإختصاص ،
وفي رأي الشخصي لو إهتمت الدولة أكثر بتوفير السكن للمواطنيين
والرقي بخدماتهم الصحية والتعليمية والبنية التحتية لتدنت الأسعار وتقدمت وتطورت بلدنا،
لكن ترك هذه الأمور مع أهميتها للقطاع الخاص ومجهودات المواطنين الفردية هو سبب المشكلة،
مع تقديري وإحترامي
صلاح حمــد
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: nazar hussien)
|
كل الشكر للأخوان المتداخلين ...
الكل يتحدث عن ارتفاع الاسعار ... وكان السبب مجهول ...
السودان بلد المليون ميل مربع ..
من المفترض تكون الأرض مجانا ...
ويكون بلد منتج ... وبالتالي تكون مواد البناء مجانا ...
اقلها ... الأسمنت ... والطوب ... والرملة ... والحصي ...
ولكن ... تم بتر 40% منه .... الجنوب ...
وباقي الاقاليم ... فرغوها من اهلها ...
عشان انعدام الخدمات والبنية التحتية ...
الكل عاوز يلحق باقي عمرو يعيش ولو بربع الخدمات المتوفرة في العاصمة ...
ويربي اولادو ...
فهجرنا مرغمين الميلون ميل ... وسكنا في 50 كلم مربع ... وهي الخرطوم ...
ويابخت البلقي خرم يعيش فيهو ...
50 مليون عاوزين يعيشو في الخرطوم ... السعر مابطير السما ليه ...
مناطق الانتاج فرغت من الناس ... مجبرين ....
والبلد كلها هاجرت بره السودان ...
والبرجع برضو مرغم ... وخاصة ناس الخليج والدول العربية ... الماعندهم اقامة مدي الحياة
لازم نرجع ... حنعيش وين ...
كلنا من الاقاليم ...
مافي غير الخرطوم ...
يعني المغترب والمهجر من مناطق السودان الاخري ... عشان الخدمات او الحرب
حيتلاقو في العاصمة ...
مرغمين ... مافي خيار .... يا وضاحة
الارض ماتطير ... وتنط السما بغادي كمان ...
الوجع طايلنا كلنا ...
مشتري ومستثمر ...
التاجر الببع اليوم بكره بصحي ... بلقي الاسعار طارت راحت
وما بقدر يشتري بضاعة مرة تانية ....
معادلاتنا كلها الم في الم ....
بالله كلكم قيمو قيمة الارض سعرها فاضية كم ...
وضيفو ليها سعر المواد والرسوم والخدمات ...
شوفو تكلفة بناء فيلا من ثلاثة طوابق كم ...
ختو المواصفات البتريحكم ...
بس وقفوها 3 طوابق زي دي ...
ورونا السعر المناسب كم ...
ونحن معاكم للنقاش ...
جايكم تاني ...
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: ابوحراز)
|
السيد ابو حراز
الله لا جاب احباط ...
حالة الناس في الداخل والخارج بقت واحده ...
والعندو شوية قريشات ... لو كان من ناس الداخل او الخارج ...
اكيد عندو كوووم لحم بجري وراه ....
أولادو ... والفضل بوزعو لأهلو وجيرانو ....
ربنا يكون في عون الجميع ....
بس الفيلل تستاهل ... والتكلفة والسعر معقول جدا .... بالنسبة لحجم البنا والشكل والتنفيذ ...
وكما انت حزمت بان الناس ماعندها ...
انا اجزم لك بان حجز الفلل كل يوم في زيادة ... وسوف ننتقل لمرحلة اخري قريبا جدا ..
وربنا يكون في عون الجميع ... العندو والماعندو ....
ويبعد مننا شبح الاحباط ....
تسلم .....
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: عبدالكريم الامين احمد)
|
الأخ ياسر
تحياتي ـ تقريبا بصورة رئيسية انت تخاطب المغتربين ، و تقريبا أغلبية المغتربين يتركزون في السعودية ، ناخد الأرقام التالية:
قيمة الفيلا = ما يزيد قليلا على مليون ريال سعودي.
اذا اخذنا أصحاب المرتبات من 15 الف ريال و اعلى:
بافتراض أن صاحب راتب 15 الف ريال يمكنه ان يوفر 5 الف ريال شهريا و 60 الف ريال سنويا و بالتالي سيتمكن من توفير مبلغ لشراء هذه الفيلا بعد ما يزيد عن ال 16 سنة (طبعا دا اذا تمنك من توفير هذا المبلغ).
فتأمل!!!
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: الحاج حمد الحاج)
|
..
.
270 الف دولار ..!!
اى زول مستعد للمبلغ دا .. يسلمنى ليهو بالدولار او السودانى ( سعر اليوم ) على دفعتين
الدفعة الاولى يستلم عقد بقطعة ارض فى الازهرى خلال 3 ايام ( مربعات الدرجة الاولى - او جبرا الجديدة ) او حسب رغبه الزبون
وبمساحة تتراوح بين 350 - 500 متر مربع
ويستلم العميل الاعمدة الخرصانية لمنزل من طابقين بمساحة تتراوح بين 200 - 300 متر مربع ( حسب الاتفاق )
وبها سور وحديقة مزروعة وتشجير خارجى وداخلى خلال ثلاثة شهور ..
يسدد العميل الدفعة التانية يستلم الدور الارضى والاول مشطب تشطيب كامل ..
الارضى يشتمل (صالون + هول + حمامين + غرفتين + مطبخ )
الاول : (هول + غرفة نوم رئيسية بحمام + غرفتين + حمام )
الطابق الثانى ( السطوح ) يشمل : غرفة + حمام + صهريج ماء :)
الحوش : كما ذكرنا يشمل : (حديقة + موقف للسيارة + حمام خارجي ووضاية) + مع اتنين باب كبير ( او 3 ابواب لو الارض ناصية )
دا خلال خلال 3 شهور ..
شروط الاتفاق :
فترة سماح شهرين .. للطرفين .. بعقد قانونى
انواع الشبابيك والابواب ( ايطالى - صينى - ماليزى - محلى خشب - محلى المونيوم / حديد ) - تزيد القيمة او تنقص حسب رغبة العميل
التاسيس ( الاثاث ) يتم باتفاق اخر .. ( محلى / مستورد ) حسب الرغبة
هذا العرض قابل للتجزئة مع حفظ النسبة ( بمعنى الارض والاعمدة فقط او التكملة )
هذا العرض قابل للتعديل حسب ازياد الاسعار فى حالة تاخر الطرف الاول من دفع المبلغ فورا ..
مع تسليم المفتاح يتم تسليم مبلغ 10% من القيمة الكلية لصالح مؤسسة تبلدينا للخدمات .. او حسب الاتفاق ايضا
* كما توجد عروضشراء منازل جاهزة ( لودبيرنغ وتتحمل طابق ثانى )
____________
لمزيد من المعلومات وتفاصيل اوفى الاتصال على :
مؤسسة تبلدينا للخدمات
هاتف :
249-999900400+
249-912397336+
الموقع تحت التشيد ..:)
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: Tabaldina)
|
والله العظيم مبالغة يا تبلدينا:)
بكري يسمح للناس بتنزيل ستين بوست في نفس الموضوع في صفحة واحدة
وانت تعمل اعلان لبضاعتك في بوست اعلان لبضاعة غيرك
ياخ البورد ده المساحة الفيه كلها مجانية.. الزحمة في شنو؟..
بكري زمان قال لينا مافي واحد فيكم يجي هنا يروج لبضاعة ولا حتى لمنتدى آخر
هسه بكري ذاتو نسى قوانين بورد يعني شنو..
سلامات يا تبلدينا.. مشتاقين والله
--------
الأخ الكريم ياسر لك التحية
لما قريت البوست قبل كده كنت عاوزة أقول أنه السعر "المعقول" ده خرافي
لقيت غيري قال ليك كده..
قبل عام تقريبا.. بيت لواحد قبطي مساحته 400 متر مربع في الرياض جمبه ميدان.. زي موصفاتكم تقريبا.. "استايل اميريكي"
أستطيع أن أجزم بأنه من أجمل البيوت الشفتها في السنوات الكتيرة الماضية وصدقني أنا وزوجي شفنا كتيــــر
خرطة وتشطبيا..وركز كتير على تشطيبا لانه بعمل الفرق كله.. حاجة راقية جدا وشغل very neat
بملياري جنيه سوداني قابل للتفاوض.. البيت شكله نص قطعة من 800 متر مربع .. أنا اعترضت لانه السعر "خرافي" بالنسبة للمساحة 
على كل حال نتمنى لكم التوفيق
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: nazar hussien)
|
صاحب البوست وضيوفه
تحية طيبة
Quote: ياخى دولة فيها الخدمات الصحية و التعليمية والبنية التحتية زى الزفت ومافى استقرار وظيفى وكلها حروب ومشاكل
البرفع الاسعار فيها كده شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
الأخت وضاحة
سعر أي سلعة في السودان يرتفع أضعاف مضاعفة ليس لقيمتها ولا للخدمة التي تؤديها ولكن لكمية الجبايات المفروضة عليها من الدولة والقطاعات المختلفة التابعة لها من محليات وفئات مختلفة زائدا الأرباح غير المبررة.
السلعة الواحدة تباع عشرات المرات وتمر عبر سلسلة من السماسرة يضيف كل واحد هامشا لتصل للمشتري وهي في قمة التضخم والترهل.
في جوازات المغتربين ندفع للداخلية وللشرطة وللمالية وللزكاة وللفضائية والخدمة الوطنية وخدمات وأخرى ، بل عليك المرور على كل شباك لتسلم لكل فئة ما يخصها !!!
مثال آخر:
في المطار وانت تدفع أمامك سيارة أغراضك يتهافت عليك عشرات العمال ليضع كل واحد يده على العربة ويطلب المقابل لخدمة لم تحتاجها وإنما فرضها عليك هو ، وهكذا !!!!
الأسعار والمدفوعات في السودان تحتاج لمراجعة شاملة .
تحياتي
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: nazar hussien)
|
..
.
أزيك يا رمانه ..
لينا زمن منكم ... بقينا بس بنتابع البزنيس هنا
ياسر نجيلة دا زول صحبي حسي حيجى يقول لى بورت لى تجارتى
رغم انى ما عارف علاقته بالفيلل دى شنو ؟؟
انا عشان قوانين بكرى بحاول اتحاشى اعمل بوست اعلانى بس لقيتها فرصة :)
اخباركم والغربة .. شفتى الزمن دا بجرى كيف ؟؟
اها اشتريتو ولا ترسلو المحامى والوكيل مع المبلغ اعلاه ..
ممكن اسلمك مفتاح خلال 6 شهور .. انت ترسلى الخرطة على مزاجك ..
وتشحنى العفش وتجى زوله نووووووووم ساى .. ( المكيفات ما فى الحسبة ..هههههه )
--------------
انت يا نزار لسه بتحاحى وتشرك .. بالغت
البيوت دى فى الموقع البريحك عموما قبال شهر انا اشتريت لوكيل بيت فى الزهرى
بمبلغ 425 الف لودبيرنغ .. صرفت عليه صيانه ب 25 الف
حسي باعو ب 550 الف .. يعنى فى شهر كسب 100 الف ..( النسبة بتاعتنا ليست للنشر )
اهااااااا جاهز ولا يفتح الله .. سعر اليوم 600 الف تجى تسكن بس .. :)
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: Tabaldina)
|
Quote: انت يا نزار لسه بتحاحى وتشرك .. بالغت
البيوت دى فى الموقع البريحك عموما قبال شهر انا اشتريت لوكيل بيت فى الزهرى
بمبلغ 425 الف لودبيرنغ .. صرفت عليه صيانه ب 25 الف
حسي باعو ب 550 الف .. يعنى فى شهر كسب 100 الف ..( النسبة بتاعتنا ليست للنشر )
اهااااااا جاهز ولا يفتح الله .. سعر اليوم 600 الف تجى تسكن بس .. :) |
ما أحاحي كيف كان دي أسعاركم
واحد يقول ليك 270 ألف دولار
والتاني يقول ليك 600 ألف ...اللي هي 600 مليون البنعرفا قبال ما
تقلبوها آلاف. أها كان كدي...
قلت ليك جيب لي الوابل.....ياهو يا بيت أبوي في الصحافة
مربع 30 ورقمه 117 في أول مربع بعد محطة سبعة بشارع محمد
نجيب...أمش بيعوا.
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: jini)
|
يا جني:
الحال من بعضو: أنا الأرقام الزي القالتا رمانة دي بتشحتف لي روحي,
ومع ذلك:
منزل بالصحافة مربع 30 بناحية شارع محمد نجيب تاني مربوع من الظلط
وتالت شارع من الشارع الفاصل بين الامتداد والصحافة..(شارع محطة سبعة)
فيه تلاتة غرف وتلات برندات (همبريب ساااكت) وصالون كبير وحمامين وحوشين
ومطبخ ومخزن وسايفون ...وبي مكيفاتو وحديقتو يمين الله جوافتا تلقط.
للبيع وفورا...وللجادين...يمكنهم الاتصال بي مباشرة هنا دا...أو علي
هاتف 0097339449402 أو الاتصال بألوالد (سيد البيت) بتلقوه قاعد في
البيت....والبيت جاهز للسكن....بس الزول يجيب شنطتو ويدخل.
والقصد من البيع مع انها عملية حارة جدا علي الحاجة...لانه أصبح
بالنسبة لها Home وليس House ....فالاقتراح إنهم يبنوا رأسيا في
أي منطقة من مناطق الخرطوم إن شاء الله اب عشر.
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: nazar hussien)
|
حبابكم مليون ...
مراحب بالارادب ... للاخوة والاخوات المتداخلين ...
والله نورتو البوست
واثريتو فكر الناس البتزورنا هنا ...
وده المطلوب
العاوز يشتري يكون على بينه ...
عشان اي مبلغ بندفع اليومين ديل في شراء بيت حتي لو في سقط لقط ..
مبلغ ماساهل
اكرر مبلغ ماساهل ..
وانا اشكر الكل وعلى رأسهم ولدنا صالح تبلدينا ...
لان كل الداخلات بما فيهم مداخلتك ... لم تبور بضاعتي
بل زادت المشترين والمستفسرين عن الفلل ..
وزادت الطلبات على الفلل ...
ياشباب تبادل الافكار وطرح البدايل ... مش غلط
الناس بتتنور اكتر ...
الحبيب تبلدينا ورينا صورة صورتين من الفلل البتنفذ فيها دي ...
بالرغم من انك طالب نفس سعر كافوري ...
تبقي الاحترافية ... والخبرة ... والرفاهية في التنفيذ ...
فيلل كافوري ... اعمدتها قامت ...
التشطيبات ماشة على قدم وساق ...
زيارة منكم لتعرفو الفرق ... لاتكلف شيئا ...
ولا تنسي اخي الزائر ...
هناك الاتوس ... و الهوندا ... والهايونداي ... والمرسيدس ... والفراري ...
ادفع واختر مايناسبك ...
شكرا لكم جميعا
مع كامل تقديري واحترامي ...
| |
|
|
|
|
|
|
|
|
 Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: نجاة محمد بابكر)
|
Quote: رمانة
يا مفترية المليارين ديل يجو كاااام!
المشكلة يعنى المساحة صغيرة ما فى المليارين! |
جني
الحالة أنا فضلت أنق في راسها (السمسارة) طول الوقت أقول ليها انه سعر البيت عبارة عن قطعة أرض بس ووصفت ليها مكانها وذكرتها اننا عندنا مسؤليات تعليم الأولاد وهي أهم حاجة في حياتنا وغيرها البيت يطير وتطير عيشته... لكنها أصرت تفرجني على بيوت يحتوى سعرها على حرف الراء الخطير مع التذكير انه المبلغ قابل للتفاوض.. وبيني وبينك أنا بحب أتفرج، لو كان أبو العيال معاي كان قال ليها مع السلامة ..طبعا برضو أنا ما قصرت وكل شوية أقول ليها زي كلام وضاحة ده | Quote: والله انا ماعارفة السبب البخلى البيوت فى السودان تكون غالية كده شنو ياخى دولة فيها الخدمات الصحية و التعليمية والبنية التحتية زى الزفت ومافى استقرار وظيفى وكلها حروب ومشاكل البرفع الاسعار فيها كده شنو ؟ |
قامت أشرت لي على بيت من تلاتة طوابق لونه بمبي غامق مافيه أي حاجة تلفت النظر من الخارج وقالت لي البيت داك أنا بعته "لدكتور فلان" بتلاتة مليار .. قلت ليها المناسبة شنو؟ قالت لي "دكتور فلان، ما بتعرفيه!!!" قلت ليها سوري ثقافتي في المجتمع المخملي ضعيفة جدا لكن هو كان حاسس بشنو لما دفع في البيت تلاتة مليار.. ردت بانه بحب "يغير" بس، يعني بشتري ويبيع!! قلت في عقل بالي يا حليل الدكاترة الشيبوا في بلاد الناس وفاتهم المولد المبحبح ده...
فشنو.. أعمل زينا واتفرج ساكت
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: rummana)
|
منزل بالصحافة مربع 30 بناحية شارع محمد نجيب تاني مربوع من الظلط
وتالت شارع من الشارع الفاصل بين الامتداد والصحافة..(شارع محطة سبعة)
فيه تلاتة غرف وتلات برندات (همبريب ساااكت) وصالون كبير وحمامين وحوشين
ومطبخ ومخزن وسايفون ...وبي مكيفاتو وحديقتو يمين الله جوافتا تلقط.
للبيع وفورا...وللجادين...يمكنهم الاتصال بي مباشرة هنا دا...أو علي
هاتف 0097339449402 أو الاتصال بألوالد (سيد البيت) بتلقوه قاعد في
البيت....والبيت جاهز للسكن....بس الزول يجيب شنطتو ويدخل.
يعني دا ما شفتوه؟
زول ساكت هببو لي مافي
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: rummana)
|
Quote: هي الصحافة دي وين بالنسبة لجبرا؟ :)
السؤال: لاني ما حصل مشيت الصحافة قبل كده أبدا
أما جبرا فمشيت ومشيت ومشيت ومشيت ومشيت ومشيت .....إلخ
حتى وصلت - بعربية والله
البداية كانت من قلب الخرطوم.. |
دى شكلة جاهزة يا نزار
يا رمانة هو انتى راكبة عربية ولا باص سيرة
مشيتى و مشينا و مشينا .... غير عذابو يا ناس مالقينا ......
قال ما بتعرف الصحافة .....
اصلو ناس نزار ما عايزين يبيعو زاتو ...
غيرو رايم .... امهم ابت ...
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: عبد الدائم سيد أحمد)
|
Quote: نزار.. طيب خت صورة على الأقل..!!
هي الصحافة دي وين بالنسبة لجبرا؟ :)
السؤال: لاني ما حصل مشيت الصحافة قبل كده أبدا
أما جبرا فمشيت ومشيت ومشيت ومشيت ومشيت ومشيت .....إلخ
حتى وصلت - بعربية والله
البداية كانت من قلب الخرطوم.. |
`
مصدقة من غير حليفة...
طيب نوصف ليك من قلب الخرطوم...
تمشي لامن قلب عربيتك ينقطع..
تعبري من ناحية شارع المطار
(ما تقولي دا ما بتعرفيه!!!) إسمه شارع أفريقيا
وتمشي وتمشي...وتعبري نفق عفراء...بتلقي عربية
معطلة تسيبيها...وطلعتك من النفق...تأخدي يمين الشارع
المسار اليسار بوديك جياد....وتمشي وتمشي...بلاقيك
مبني الحج والعمرة...(لو فتحتي تلفزيون فلسطين بتلقيه
شعار التلفزيون) عشان كمان ما تقولي...التلفزيونات
ما بتشوفيها...أها هنا تأخدي الشارع العرضي البوديك
في إتجاه جبره دي زاتا...وتباري الرقشات...حا تلقي
رقشة مقلوبة في الشارع تسيبيها...أول اشارة قدامك
تعبريها وتأخدي يسارك خالص...بتدخلي شارع محمد نجيب
يبقي دي ياها الصحافة المقصودة زاااااتا...
وهي بادية معاك من ما لفيتي محل المبني الفلسطيني
القبيل داك...علي يدك اليسار دي الصحافة مربع اربعين
وقدامك حا تلقي باقي الصحافات.
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: nazar hussien)
|
الشكر للشباب المتداخلة ...
ونخص أولاد الصحافة
ولدنا عبدالدائم النضيف
والاخ نزار حسين .... ربنا يفك اسر البيت الذي يسوق له
ويلقي ليهو بيعة كاربة ....
================================
الاخت رمانة ....
شكرا لرفع البوست ..
واول مانشطب الفلل ...
وسوف نقدم لك دعوة ...
للتفتيش والمعاينة ...
ومن هنا نصبناك ملكة ... التفتيش ... في البحث عن المسكن اللطيف ...
وان شاء الله تكون فللنا باردة عليكم
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: ياسر نجيلة)
|
غايتو والله حزين علي المغتربين الاغلبيتهم رجال والاقلية نساء
ومن الابتزاز وغلاء الاسعار والمتاجرة بعمر الفرد منهم منهن
اوضتين خلف خلاف تربي فيها الكثير من اهلنا
هسي السودان ده جوع ومذلة وغلاء اسعار
لا تعليم ولا صحة ولا زراعة ولا صناعة
شوارع وخدمات متدهورة
لا مستقبل من قبل العصابة الحاكمة
فيلا لو اربعة طوابق والبقدر اطلع ل فووووق منو في عدم وجود المصاعد الجيدة والامنة
مش اهلنا ديل عايزين
بوستة ومدرسة اوسطي
رحمة لحمييييد
وديل دايرين مكان الطلقه عصفورة تحلق حول نافورة
وديل عايزين لمبه في شارع وان تختفي الجمرة الخبيثه
بيت ب 270 الف دولار
انا لله وانا اليه راجعون
المغترب واسرته متوسط الحياة في المهاجر 20 سنة ل 30 سنة
يقوم يدفق ليييه مال في واطه بسعر قدر ده ؟؟؟
وايه كافوري او الرياض ؟؟
والله امر يحير
اعرف صديقي بني بيت في المنشية وهي قشرة لا اول ولا اخر لها
ينتظر فترة بس عشان يلقي ناس يؤجر لهم البيت عشان يستطع
ان يوفر ليييه مبلغ
تقوم تجي شركات متعددة الجنسيات لاخذ المبلغ
غايتو انا داير لي بيت خلف خلاف
لو رجعنا للاجازة التي لا تتعدي من هنا ورايح اكثر من شهرين
لو سكنت في الفنادق بقضيها
بلد فعلا تخبر بما وصلت اليه ؟؟
الاخ ياسر هذا الحديث لا علاقة له بك اطلاقا
لك الحب والسلام وانما المغصه في النفس مما ال اليه الواقع
طيب بالله لمن يعرف
الاسعار الغير معقوله دي تكون كم؟؟؟ وبيتها ده وين جوار الملائكة ؟؟؟؟
حي سيدنا جبريل السياحي ؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: nazar hussien)
|
الاخ صبري الشريف ...
كل ماذكرت هو امتداد لما كتبناه اعلاه ..
حسرة على وطني مليون ميل اختصرت في خمسين ميل ...
ولا تنسي ايضا هناك مناطق حتي الآن تتملك
الاراضي بنظام الجدعة ...
وتبني بيوتها بنظام النفير ...
والخدمات والبنية التحتية ... حدث ولا حرج ...
موضوع يطول ...
================================
الاخت نجاة محمد بابكر
اكيد انت تعلمين الكنز الذي تملكونه
عموما قطة الارض لا تقل من 600 مليون واكثر
حسب موقها ناصية واحدة ولا ناصيتين
اها عندك نص سعر الفيلا ...
تعالي طوالي ...
=================
ابن الصحافة العزيز نزار حسين ..
البوست بوستك اعلن كما تحب انت وغيرك
ونتمني ان تكون خدمة للجميع
ويا حبذا لو نزلت صورة للبيت
والسعر المطلوب فيه ..
واهو كلو بحسابو ...
اقصد بثوابو ....
تحياتي للجميع ...
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: ياسر نجيلة)
|
ياسر نجيلة يا صاحبي الغالاط
بالله دا عندك سعر معقول ؟
عليك الطلاق إتا زول متواضع شديد كونك قاعد معانا هنا ونحن نغالط فيك حول
المريخ والكورة السودانية ..
كان كدا أنا كتا ظالمك بغلاطي ليك
وحاة الخوة تاني أي كلام تقولو لي عن المريخ هو صاح وإن ثبت العكس
إن شاءالله تقول لي المريخ ح يجيب كأس العالم ذاتو .
معقول زول يعتبر متين وسبعين الف دورار سعر معقول يقول كلام غلط ؟
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: طلحة عبدالله)
|
الاخ ياسر لك التحية على فتح هذا البوست المفيد والشكر ايضا للاخوه والاخوات الزملاء المتداخلين وعندي سؤال او استفسار اتمنى ان اجد له إجابة عندكم وهو :
1. يا اخ ياسر لو الواحد عندو قطعة ارض في مكان غير كافوري دي ، هل يمكن ان تتولى شركتكم الموقرة عملية البناء والتشييد والتشطيب حتى تسليم المفتاح وهل يتم الدفع عن طريق اقساط او كاش وكم من الزمن تستقرق عملية البناء وما هي الضمانات المطلوبة لذلك ؟؟؟
اتمنى ان اجد اجابة منك او من احد المتداخلين او من عنده اي معلومة عن هذا الموضوع ..
تحياتي : ياسر العيلفون
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: ياسر السر)
|
Quote:
ياسر السر
الاخ ياسر لك التحية على فتح هذا البوست المفيد والشكر ايضا للاخوه والاخوات الزملاء المتداخلين وعندي سؤال او استفسار اتمنى ان اجد له إجابة عندكم وهو :
1. يا اخ ياسر لو الواحد عندو قطعة ارض في مكان غير كافوري دي ، هل يمكن ان تتولى شركتكم الموقرة عملية البناء والتشييد والتشطيب حتى تسليم المفتاح وهل يتم الدفع عن طريق اقساط او كاش وكم من الزمن تستقرق عملية البناء وما هي الضمانات المطلوبة لذلك ؟؟؟
اتمنى ان اجد اجابة منك او من احد المتداخلين او من عنده اي معلومة عن هذا الموضوع ..
تحياتي : ياسر العيلفون |
ما بنصحك ما بنصحك
والله ياكلوك لما تقتنع ظاااااتوا 
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: طلحة عبدالله)
|
مرااااحب صاحبنا طلحة بن عبد الله ...
انا فعلا غالاط ... وما بتعظ ...
وبس شوف يا حبيب
منو القال مبلغ 270 ألف دولار مبلغ معقول ...
والله العظيم مبلغ مهوووووو ل عديل كده ... (اها شفت بحليفتا كمان )
يمكن ناس ماتحلم بيهو حلم ...
لكن كلامي يا مستر غلوطـــــــــية .... (من كثرة الغلاط) ......
المبلغ معقول بالنسبة لسعر فلل بهذة المواصفات والدقة والرفاهية .... واهما الحرفية العالية ....
ولا تنسي سعر الارض في هذه المنطقة ....
يعني بمعني اوضح من خروج كل الفرق السودانية من المنافسات الخارجية ...
فيلا بهذه المواصفات ودقة التنفيذ والجودة وحجم البنا ... كون القادر ... اكر المستطيع ... أكررر للمرة المليون .... العندو
فهو مبلغ معقول جدا جدا جدا ...
ياخي بكلام السوق الواضح
والله في ناس بدفع مليارات .... في خرابات وعمل غير احترافي
وكل من شال مسطرينة واجر ليهو كم طلبة من السوق ... عمل فيها مقاول ...
شوف الناس البانية في السودان والحيط واقفة كتافي ...
ياخي شركتنا دي عاملة العمل ده نموذج جديد ودعاية لأعمال احترافية في السودان ...
وسعر البيع لايتناسب من الجودة وتكلفة البنا الفعلية .... اها النزيدك دهشة.......
البكذبنا ... الموقع امامكم ...
====================================
ياخي شوف مريجنا ده ... حيطو مايلة من بداية الدورة... ......
حقة نلحقو ليك بمقاول ألماني سوداني من عندنا.... ...
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: صلاح حمد)
|
Quote: الأخت وضاحة
ســـلام
ســؤال يستحق الإجابة من ذوي الإختصاص ،
وفي رأي الشخصي لو إهتمت الدولة أكثر بتوفير السكن للمواطنيين
والرقي بخدماتهم الصحية والتعليمية والبنية التحتية لتدنت الأسعار وتقدمت وتطورت بلدنا،
لكن ترك هذه الأمور مع أهميتها للقطاع الخاص ومجهودات المواطنين الفردية هو سبب المشكلة،
مع تقديري وإحترامي
صلاح حمــد |
الاخ صلاح
اى دولة واى خرابيط الله يهداك
هم فاضيين علشان يفكروا فى تطوير البلد
ياخى من المطار الواحد يحبط
وجوه بائسة عابسة حزينة ملابس بالية للموظفيين
معاملة ما زينة خدمات تكرهك تسافر السودان زاتوا
غايتوا انا بحزن كتير جدا لما اسافر وبكون شايلة هم
علشان كده ما بحب السفر للسودان
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: وضاحة)
|
Quote: قال ما بتعرف الصحافة .....
اصلو ناس نزار ما عايزين يبيعو زاتو ...
غيرو رايم .... امهم ابت ... |
عبد الدائم
هسه انت بتعرف دار السلام؟ ولا مشيت الواحة؟ أو الثورة وأم بدة الحارة الخرشمية؟
ولا حصلت مريت على الدشوشاب ولا حلفاية الديوك والشيخ جوزيف أو الجريف شرقاب؟ :)
ياخ القصة أصلو ما بتجيب زعل وحردان.. أنا المفروض أزعل من نفسي لأسباب جهلى بمدينة واحدة في بلدي فما بالك بباقي مدن السودان..!
| Quote: قصرنا معاكم يا رمانه |
نزار
أبدا ما قصرت.. لكن بيتكم بعيد خلاص.. ما عندكم واحد في الملازمين عايزين تبيعوا..؟ :)
عموما سجلت التلفونات والوصف، لو بيتكم بينتظر كمان شهر ولو ربنا مد في العمر للوقت داك، يوم كده بجهز الزوادة وأطلع من الفجرية وأمشي أشوفه.. أهو منها الواحد ياخد كباية شاي مع ست الكل..
Quote: واول مانشطب الفلل ...
وسوف نقدم لك دعوة ...
للتفتيش والمعاينة ...
ومن هنا نصبناك ملكة ... التفتيش ... في البحث عن المسكن اللطيف ... |
ياسر نجيلة
لو للتفتيش والمعاينة والفرجة تجدونا بطرفكم إن شاء الله
لو فيها دفع قروش.. انت بس كتر لينا الدعاء بانبهال الرزق :)
تحياتي للجميع
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: khaleel)
|
شوف يا مشاهد:
بيتنا من جامعة المغتربين 3 دقائق مشي
ومن جهاز شئون العاملين بالخارج 4 دقائق
ومن السوق المركزي محل السمك والخضار 7 دقائق مشي
ومن المطار 10 دقائق بالتاكسي أو الامجاد و15 دقيقة بالرقشة\
ومن مجمع الحج والعمرة 5 دقائق مشي ...
ومن الميناء البري محل ما الزول ممكن يسافر اي منطقة في
السودان عدا الجنوب 5 دقائق...بي أمجاد...
ومن مطعم جاد بشارع المطار 10 دقائق
ومن مدينة الطفل 7 دقائق
ومن القصر الجمهوري 20 دقيقة
ومن شارع النيل برضو 20 دقيقة
لأنو بالجد يا رمانة حرقتني حكاية بعيد دي
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: nazar hussien)
|
العزيز خليل ...
كلام منطقي وفي الصميم ...
كل من تداخل هنا ...
نظر الى المبلغ 270 ألف دولار WOW
ولكن لم يحسب حسبة العقل التي قمت بها ...
الرجاء النظر الى المساحة المبنية في الفلل ..
واضربها في سعر البنا للمتر المربع اليوم ....
واضف لها سعر الارض والخدمات ...
يجد ما قلته يا اخي خليل ...
سعر معقول ومناسب جدا جدا ...
وهذا ماطرحته الشركة ...
فقط للدعاية لأعمالها ... مع 4 الفلل ديل ....
تسلم يا حبيب .....
وائما اكرر ...
270 ألف دولار سعر كبير ... ويمكن جميعنا لا نملكه ..
ولكنه اكيد سعر مناسب للفلل ... بل ورخيص ....
تسلمو ....
ونواصل ....
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: ياسر نجيلة)
|
اخي نزار ...
والله يا ها بيوت الصحافة زاتا ...
بس اوع يكون ازيار السبيل فيها علبة .... مخرومة من تحت ...
تشرب والمويه .... تدفق في هدومك .... ...
باقي الصور ...
الصور غير واضحة ...
ويا حبذا لو ذكرت السعر المطلوب ...
في هذا البوست نرضي كل الازواق ....
تسويق لفلل آخر طراز عالمي ....
وبيوت من زمن السياج والهمبريب .... ورقاد العناقريب ....
.........
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: ياسر نجيلة)
|
Quote: حد يسكن فى الصحافة و يمشى يختار البعاد ..... حكمة و الله و حكاية تشغل أذهان العباد
ناس بتحلم بكافورى .... وناس بترضى بالامتداد ...... |
الامتداد مالو يا عبدالدائم؟
نحن ما زيك بنهرب جنوب الصحافة ههههههههه
ماشى جنوب لما تلقى نفسك فى جوبا
ناس نزار ماعندهم انتماء للصحافة .... بياعيييييين
الامتداد الدرجة الثالثة .... الحى المتفرد ... على قول طارق جبريل
تحياتى للاسرة
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: ياسر نجيلة)
|
Quote: اخي نزار ...
والله يا ها بيوت الصحافة زاتا ...
بس اوع يكون ازيار السبيل فيها علبة .... مخرومة من تحت ...
تشرب والمويه .... تدفق في هدومك .... ...
باقي الصور ...
الصور غير واضحة ...
ويا حبذا لو ذكرت السعر المطلوب ...
|
يا ياسر...
لا ياخ السبيل موصل من تلاجة...والكبابي فايبر قلاس
أما السعر المطلوب...فبعد المعاينة...عشان كمان
ما يجو يحاجوني هنا دا...وانا الحجه ما عندي ليها
كي بورد.
وبعدين نحن عندنا إنتماء للصحافة...لكن نعمل شنو
مع الرقابة القبلية...
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: nazar hussien)
|
تحياتي صاحب البوست
تحياتي nazar hussien
غايتو بيتكم الظاهر عليه { مؤتمر وطني } !!!!
ناس الجامع برضو مقلبونا وقالوا عاوزين مساعدة عشان يضربوا الجامع جير
وقلت يا ابوحراز أحسن تعمل ليك حاجة للآخرة
مشينا لقيناهم ضربوه مؤتمر وطني !!!!
ابن أختي لديه وكالة عقارية هي { وكالة حي الجامعة العقارية }
جوار جامعة أم درمان الاسلامية وهي في مربع 24 حي الجامعة
دائما بوصيه على المغتربين انو يقيف معاهم ويساعدهم
لأنني تذوقت المرارة كثيرا
وان شاء الله بكري ما يقرا البوست دا نهائي
قبل فترة قال لي زارتني بوردابية من كندا
وباع ليها ارضها
والتي غشوها فيها السماسرة كتير جدا
وقالوا ليها سعرها 140 مليون
لكن هو باعها ليها بـ 175 مليون
ربنا يزيدها ان شاء الله
ويزيد الجميع
ويساعد كل البورداب في سودانيز أون لاين يكون عندهم اراضي وبيوت بعد التعب والمعاناة
ان شاء الله حتى في الوادي الأخضر
المهم بامكانك ان تتصل عليه فقد سبق ان باع له بيت بجوار حلويات سعد أظنه مربع 36
كثير ياتيه ناس عاوزين في مواقع محددة
اما هو فهو يعمل في مربعات الفتيحاب
واحياء البستان والمهندسين والمنصورة
تلفونه 0024991299427 اسمه ايمن وقول ليهو جاييك من طرف خالك
واحتراماً للعلاقة التي بيينا في سودانيز أون لاين انا متنازل من حقي في السمسرة
اها قصرنا معاك !!!
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: ابوحراز)
|
تحياتي ابو حراز ...
مرحب بيك انت وابن اختك السمسار ...
قنبو طولا .... البوست بوستكم ...
=====================
هسع البوردابية المن كندا البعاع ليها قريبك الارض ...
بــ 175 ألف دولار...
ياربي الناس دي جابت الفلوس ومن وين ....
ولا تنسي اخي ابوحراز قبل الاجابة ... ترجع
لمداخلتك الفوووق دييييييك .............
الاخوة الزوار مع ملاحظة ...
ارض فاضية ... يعني صقيعة ساي بــ 175 ألف دولار ...
وناس مستكثرة 270 ألف دولار على فيلا 3 طوابق وتتحمل الطابق الرابع ...
حكمة والله وحكاية ... تشغل افكار العباد ...
السودان بلد المليون ..... عجيبة .......
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: nazar hussien)
|
أخي ياسر
ماعندنا في مناطقنا هذه صالحة والقيعة والمنصورة والبستان اي دولار حايم
واكاد أجزم أن 99% من الناس الساكنين أو العاملين في مجال العقار لم يرو الدولار نهائيا
الأرض بيعت بـ 175 مليون
والذي اشتراها ماكان اصلاً ليدفع فيها هذا السعر
لولا أن الأرض بجواره تماما
ويريد ان يضمها لروضة اطفال تخصه
عشان كده 175 مليون بالقديم !!!
وهي بعملية حسابية قد تكون في حدود 40 الف دولار
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: ياسر نجيلة)
|
السعر المذكور مبالغ فيه واعتقد ان السعر المناسب هو :
سعر الارض =235 متر مربع =150000 جنيه سوداني
الطابق الارضي= 108 * 1,200 =120000جنيه سوداني
الطابق الاول = 116 * 1,000 =116000 جنيه سوداني
الطابق الثاني = 116 * 1000 =116000 جنيه سوداني
المجموع =502000 جنيه سوداني = 100000 دولار تقريبا
وهذه اسعار ديلوكس وفيها ارباح حوالي 30% للمقاول
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: Abbas Mohamed)
|
Quote: Abbas Mohamed
المجموع =502000 جنيه سوداني = 100000 دولار تقريبا
وهذه اسعار ديلوكس وفيها ارباح حوالي 30% للمقاول |
يا سلام عليك يا عباس ياخى
انا احترمتك جدا لانك زول نصيحة
الجماعة ديل كل زول بسوق لى نفسوا ومافى زول نصيحة
ومافى مراعاة للمغتربين الكملوا عمرهم وسنين حياتن برة السودان علشان يحسنوا اوضاعن
ويقدروا يصرفوا على عوائلهم داخل بلاد الاغتراب وفى السودان
وحلم المغترب فيهم يعمل ليه بيت فى السودان يرجع يكمل باقى عمروا فيه
ياخى ديل سبب دمار اقتصاد السودان زاتوا كلوا زول بجيب سعر على حسب هواء
يلمها النمل ويطاها الفيل ظااااتا
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: Abbas Mohamed)
|
المجموع =502000 جنيه سوداني = 100000 دولار تقريبا
بي سعرك دا عليك الله فتش لي معاك
عشرة فلل في المنطقة دي وسمسرتك في كل فيلا مية
مليون جنيه (بالقديم) كاش...وشريكي حا يكون بنك السودان شخصيا
هو يمول وأنا أشتري وأبيع...يمين الله ربحي
علا يأسس ليه بنك وأسميه بنك كافوري...وأديك ربح في
مليارك حق السمسرة دا كل شهر 10 مليون (برضو بالقديم)
قصرت معاك (جادي خالص خالص)
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: nazar hussien)
|
Quote: انت يا ود نجيلة
راس المال جبتوا من وين ولا دا راس مال اماراتى بستثمر في السودان ؟؟؟؟؟؟؟؟؟ |
يا وضاحة ياختي ...
الزول ده فك قنبلة ومشي ..
500 مليون اي مايعادل 100 ألف دولار
تمتلكي فيلا من ثلاث طوابق ... وفي كافوري وفي المربعات المعمورة ...
تأكدي لو عباس محمد ده جادي
حتلقي مليون واحد ... حيشتري ...
حتي اتناشر فيلا شوية ..
زي ماقاليك نزار ... مستعد يشتري كل البعرضو
وفي اقل من سنة ... ومن الأرباح ... حيفتح بنك عديل كده ...
يا خي حقو مانستخف بعقول البشر ....
عالم العقارات ... في كل العالم .... كتاب مفتوح للجميع ...
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: ياسر نجيلة)
|
Quote: يانزار ياخي ماتبالغ ...
نحنا عندنا حاجة ... بتنزل ... او بترخص ...
|
يا ياسر يسعل منك الخير...
نعم قروشنا عمال ماشة ترخص لامن يوم تلقي الخمسمية مليون جنيه
سوداني بي 50 الف دولار بدل المية الف الذكرتها انت فوق...
وحاليا ال100 الف دولار زادت 70 مليون علي الخمسمية...
يعني يكون معاك 100 الف دولار حا تشتري فيلا من صاحبنا
الفوق دا ومعاها 140 خروف كرامة وتضبح كل جمعة خروف
لمدة سنتين وتمانية شهور
| |
|
|
|
|
|
|
|
|
|
Re: اُرشح هذه الفلل للباحثين عن منزل حضاري ... بسعر معقول وموقع ممتاز (Re: ياسر نجيلة)
|
Quote: الاخ ياسر،،،
هل الجدول الزمني لانجاز الفلل ... كما هو
ام طرأ عليه تغيير
مع العلم بان اجازتي سوف تكون في شهر مايو القادم
ودمت ..... |
حتي الآن وبرغم الاحداث الجارية بالسودان
الجدول الزمني للتنفيذ ... كما هو ... لم يحدث به تغيير
وان شاء الله في شهر يونيو 2012 يكتمل العمل
ويمكنك متابعة الانجاز من خلال ارسال شخص للموقع بالسودان
او من خلال الصور التي يتم تحديثها كل شهر بموقع الشركة على الانترنت
مع عاطر شكري وتقديري
| |
|
|
|
|
|
|
| |
ياسر نجيلة
قلقو
عاطف عمر
محمد الأمين موسى
عبد الدائم سيد أحمد
وضاحة
صلاح حمد
nazar hussien
ابوحراز
عبدالكريم الامين احمد
الحاج حمد الحاج
rummana
jini
نجاة محمد بابكر
ياسر السر
khaleel
عصام علي أحمد
Abbas Mohamed
فيس بوك
تويتر
انستقرام
يوتيوب
بنتيريست