|
|
|
 Re: تعالو اسمعو (ياجمة حشى المغبون)كلمات حميد غناء مصطفى ايقاع عبدالمن (Re: بدر الدين الأمير)
|
النص الشعرى :
Quote: ياجمة حشا المغبون
في الزمن الهلاك منجا
تكون حانت مواعيدك
يكون وكت المطر قد جا
شرق ضو البلد عيدك
وطابت نسمتو العرجا
نكون ياطيبة غنينا وبدينا
ولفنا غنينا الغنا الراجا
وبدت كاس المودة تدور
عشق من حلفا لي راجا
الف .. الف حبابك الف
ايه يا عنزنا العرجا
يا لبانة في الزمن المراحو نشف
يا########ا للخوانا
والعوج البدور ويلف
دميرتنا البتروي جرف
بصيرتنا وعرش بيتنا
تميراتنا اللي كانو وقف
اصابعين الرجال رصاص
شعر راس البية سقف
تكون دارة الزمن عمرت
نكون لمينا في الفاتو
وتكون فاقت ملامحنا
تضاريسنا القبيل غمرت
دغش ساقت بوابيرنا
وندت شتلات بعد بعد ضمرت
ضراعيك ياالولد كبرت
مراعيك يابلد كترت
خدار خدرت
غزار غزرت
غزارا زين برغم الصيف وصناتو
برغم البين وأناتو
عصافير الجلد قدرت
تباصر نسمة منتحرة
وتطمن غيمة مندحرة
تضاير الغابة والصحرا
من الغمة وضلاما شين
ومنك يا قريد ننفك
تكون حلت عقدة الدين
عقب سيرة البلد سارت علي النغمة العديل والزين
بعد ها لحال بلا مرسال
يجو العمال يجو الكداح
يجو الناس البخبرو شليل وشقيش راح
وقمريتين جناح يندلي فوق الصاح
من الغفلة ورياح الليل
وللدنيا الجديدة جناح
صباح ينسله شدة حيل
فياخيالا عدو الخيل
وياطيبة البتملا العين مدي ونباه
في حزالقلب فى غنوة وآه
حنان بلدو وحنين منفاه
يابت العز ياست الجاه
ياهسعتينا يابكرانا ياماضينا يابعدين
نكون كنا وبقينا متين
متين نقدح مواعيدك
مواعيدنا نساورك وين |
| |
  
|
|
|
|
|
|
|
|
Re: تعالو اسمعو (ياجمة حشى المغبون)كلمات حميد غناء مصطفى ايقاع عبدالمن (Re: بدر الدين الأمير)
|
Quote: شكراً جميلاً بدر الدين الامير
ورحم الله حميد ومصطفي والتحايا لعبد المنعم الفكي
-------
شكراً لتلك الامسيه الجميله ابان زيارتي الدوحه السنه الماضيه
وشكراً للجميع وخاصه محمد المشرف |
وكانك يصديقى تجسد قول حميد
وقوله : ايه الدنيا غير لمة ناس في خير او ساعة حزن ...
في خالدته عم عبد الرحيم التى تغنى بهامصطفى ...
وناس المؤتمر الوطنى حتى في ساعة حزن يرتعدون من
لقيانا .... لان كل محاولاتهم لتزوير والجدان فشلت
والشواهد كثر واضحو عراه ...
| |
|
|
|
|
|
|
|
|
|
Re: تعالو اسمعو (ياجمة حشى المغبون)كلمات حميد غناء مصطفى ايقاع عبدالمن (Re: بدر الدين الأمير)
|
Quote: يا خوي توبة خليناكـ عشان ما تدس الدرر دي أكتر من كدي
:) |
ضحكتنى وانا غارق في نهر احزانى
صدق او لا تصدق ذهبت قبل اكثر من شهر للصديق عبدالمنعم الفكى عازف الايقاع الماهر
وهو بالمقابل سكرتير وزير الطيران المدنى القطرى وقلت له داير احول هذا التسجيل من كست لسى دى
وهو ماهر في هذا المجال بالاضافة انه عنده استوديو خاص في المنزل لتحويل للفيديو لسى دى
وكذلك العكس الكست لسى دى منعم لمن سمع هذا التسجيل لم يصدق انه كان عازف الايقاع لتلك الاغنيات مع مصطفى
ولعها كانت المرة الاولى التى يعزف فيها ايقاع على انفراد مع مصطفى ومعظم الاغنيات كان منعم لاول مرة يسمعها ويعزف
لها ايقاع لذا في تلك الجلسة كان في حالة تحدى مع نفسه ومع ومصطفى ومن هنا ولد منعم عند مصطفى ... وللحكاية حكاوى اخرى
| |
|
|
|
|
|
|
|
|
|
Re: تعالو اسمعو (ياجمة حشى المغبون)كلمات حميد غناء مصطفى ايقاع عبدالمن (Re: بهاء الدين سليمان)
|
Quote: منذ وفاة مصطفى 96 لم تخرج هكذا اعمال الا عند وفاة حميد فى 2012 ؟؟ هل ترى أن تلك الفترة مرت سريعا ... وموت حميد بعد مصطفى هل هو حساب السنين أم حساب آخر ؟؟؟
مع مودتى |
العزيز الفنان بهاء
من حقك ان تسأل بل وتحاكم شخصيا انا مسؤل ومستعد للاجابة عن اي يوم قضيته مع مصطفى في الدوحة خلال الثلاث سنوات التى قضاها في الدوحة
وكذلك العام ونيف الذى قضاهو معنا حميد في الدوحة بعد رحيل مصطفى بشهور ومجىء حميد للدوحة كان بوصية من مصطفى او لعلها كانت وصيته الاخيرة
وهذه الاغنية من تلك الجلسة وليس كل الجلسة التى دامت لاكثر من ساعتين من الغناء المتواصل .... وحا تصرع لو علمت مصطفى عمل شنو لنوح وهو
ذاهب لود حامد لاقامة مراسيم زواجه حاجة حسب علمى غير مسبوقة على الاطلاق تاريخ الغناء السودانى ونوح دا مجرد مزارع من ود حامد وعسكرى في الجيش
القطرى بس بحب مصطفى الانسان والفنان وبلعب معه الكتشينة ....
| |
|
|
|
|
|
|
|
|
|
Re: تعالو اسمعو (ياجمة حشى المغبون)كلمات حميد غناء مصطفى ايقاع عبدالمن (Re: بدر الدين الأمير)
|
| Quote: يبدو ان النقد والتكنلوجيا هى سمة لابنائنا الغساسنه. اختفى اسمى تماما |
المعز ياعزيز
بيروت تفاحة والقلب لايضحك كما قال درويش
او قد تكون : قنديل مبهوت في اقصى بيت في بيروت كما قال الفيتورى نتمنى له الشفاء
ياسيدى انا غسان هذا داير وباصرار يعلمنى تفاصيل التكنوجيا ودو ما ارد عليه ياخى
قدر البعرف دا يكفينى معرفة عنها ولو عندى زمن ليها اكتر من كدا انا داير اقرا بيهو كتب
يقوم يرد ما الكتب دى زاتها بدل ما تشتريها ممكن تنزلها بى دى اف اقوم ارد عليه ياخى
انت ابوك مغترب وانا ابوى مزارع في اربجى خلينى في حالى يقوم يرد ماقلتو حركة قوى جديد يقصد
حركة حق وهنا انا اهستر واسمعو ليك كمين من الشتايم واقول بعد انهاء المكالة لوربيتو تربية ابوية
تقليدية مش كان اخير من الدمقراطية انت ابو تدى اوامر وخلاص .....
| |
|
|
|
|
|
|
|
|
|
Re: تعالو اسمعو (ياجمة حشى المغبون)كلمات حميد غناء مصطفى ايقاع عبدالمن (Re: بدر الدين الأمير)
|
Quote: فكرة:
ممكن تعمل منهم شريط كاست او CD يتباع وتخصص ريعهم لأي فكرة تاني
|
ابو طالب
هذه الجلسة جاهزة من ناحية سى دى وكست لتسويقها لصالح اي فكرة كما ذكرت
وبالامس كنت في حوار مع الشاعر الكبير هاشم صديق وذكر لى انه تكونت لجنة لعمل
مركز ثقافى باسم حميد وهنا تداخلت الاخت الصديقة عواطف حسين زوجة المخرج عبدالرحمن نجدى
وقالت ياريت تحولو الفكرة من مركز ثقافى الى جمعية خيرية تساند الغلابة لان حميد كان شاعر الغلابة ...
ولعلى اضيف هنا ياريت تكون جمعية مجتمع مدنى متخصصة في الايتام او الارامل او المعاقين ووالخ
باسم مصطفى سيد احمد وحميد فالاول فنان الغلابة والتانى شاعرهم .... ودخل اغنياتهم جديرة بان ترعاهم
| |
|
|
|
|
|
|
|
|
|
Re: تعالو اسمعو (ياجمة حشى المغبون)كلمات حميد غناء مصطفى ايقاع عبدالمن (Re: بدر الدين الأمير)
|
| Quote: الأمير لو عندك تسجيلات نضيفة زي دي غسّل بيها حزن الناس دي . لحن بعد الحزن و لحن قبل الحزن. الشهر ده تقيل عليك مطالب ستة تسجيلات نضيفة |
متوكل ياتوم
معظم التسجيلات العندى لجلسات مصطفى بالدوحة نضيفة ومسجلة بمسجل اتى به مصطفى من روسيا
وكان حريص عليه كحرصة على العود وبنظر له بحميمية في مقابل تكنولجيا اجهزة التسجيل المتجددة
كان يضحك ثم يقول دا من اخر منتجات قوى الطبقة العاملة ...
| |
|
|
|
|
|
|
|
|
|
Re: تعالو اسمعو (ياجمة حشى المغبون)كلمات حميد غناء مصطفى ايقاع عبدالمن (Re: بدر الدين الأمير)
|
بعد رحيل مصطفى لم تبارحنا اغنياته فى غربة الوطن والروح ,,, ووجود حميد على الساحه
كان يبقى فينا بعضا الامل الذى انحسر بفعل ( الغمه وظلاما شين ) ,,, ثم يرحل حميد فى
واضعا قشه اخرى على ظهر بعيرنا ومجهضا الحلم وموصدا ترابيس الامل ,,,,,, ياللله !!
مازال الوجع اكبر من الكلمات اخى بدر الدين ,,,,, يرحمهما الله
| |
|
|
|
|
|
|
|
|
|
Re: تعالو اسمعو (ياجمة حشى المغبون)كلمات حميد غناء مصطفى ايقاع عبدالمن (Re: أيمن التوم حسن)
|
Quote: بعد رحيل مصطفى لم تبارحنا اغنياته فى غربة الوطن والروح ,,, ووجود حميد على الساحه
كان يبقى فينا بعضا الامل الذى انحسر بفعل ( الغمه وظلاما شين ) ,,, ثم يرحل حميد فى
واضعا قشه اخرى على ظهر بعيرنا ومجهضا الحلم وموصدا ترابيس الامل ,,,,,, ياللله !!
مازال الوجع اكبر من الكلمات اخى بدر الدين ,,,,, يرحمهما الله
|
أيمن التوم
برحليهم المفجع وماكانو ياندون به غرسو في دواخلنا بزرة التغير
ولابد ان يكون ......
| |
|
|
|
|
|
|
| |
بدر الدين الأمير
محمد إبراهيم علي
عمران حسن صالح
Osman Musa
عفاف أبو حريرة
بهاء الدين سليمان
سلمى تاور
Elmoiz Abunura
عبدالرحيم أبراهيم العبيد
محمد حيدر المشرف
SAIF MUstafa
مريم الطيب
أيمن التوم حسن
محمد عبد الماجد الصايم
Imad Khalifa
سلمى الشيخ سلامة
عبدالكريم أحمد الامين
زياد جعفر عبدالله
فيس بوك
تويتر
انستقرام
يوتيوب
بنتيريست