هي بالجدما بلدي خيرا يغرقك ويطفح فوق وجنتيك عافية ونعيم لا عقولكم بتدرك مقاما ولا بتعقلوا قيمتا و دي ما جنة لكل الغلابه و وجوه أهلي باسمة ما بتعرف حقد هي ما كلام حنين وضحكة في ضل الضحي بتدي الحياة معني وكم أماسي وليالي ممطرة وبالطرب متجبرة غرقان في كرم الكرام وسيف يقطر حسن سجايا معطر بنبل الكادحين هي ما بلدي وعايز بس فيها قبر وسألتكم بألله ما تفوتوها برأها هي ما بيكم أحلي بلدات يا عزوتا وخيرة شباب فزعته هي ما بتسع كل أحلامنا كان صبرتوا دي ما فضاءات الفرح الشابه من الارض للثريا (وقتين أموت وصيتي ليكم )أملوا خشمي بموية نيلا وجرتقوني بترابا هي ما بلدي بالعشقا وأعشق محروقين شموسا وبموت فيها أنا والرحيم خصها بالاطمئان في العلم والرزق والدين وأنتو ما بتعرفوا بلدي هي ما بلدي البموت فيها أنا ومهما أقول وأوصف غشيم أنا ما عرفت من وين أبدأ. زهير
والله ما بيغيظني إلاّ شوف الناس لفتنة الهوس الديني وتهاونهم مع الأمر وتهوينهم له ... فجأة يقولوا ليك "دي الشريعة" ... كأنو دا منتهى الكلام ... ماشي علينا ضبيح في الشوارع يا ابو الزهراء بعد ما الملاعين سرقوا سماحة اهلنا الطيبين الحنان ... وكل زول بيقول "دي ما بلدي البموت فيها انا" اليفتش ليهو وطن جديد ... بلدك ملاريا من الهوس ... يا تموت بالجمكسين ... يا تموت بالحمّى ام برد ... وفي الآخر البتكتلك دي بلدك الخليتها للمهووسين عشان يقيموا فيها مملكة الله في الأرض ... التقول الله دا كائن فضائي ما عندو اهل في الأرض غير المهووسين ... وكنيسة الجريف مجرد ضربة بداية ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة