|
|
 يا طيّوبه
|
مرقت أفتِّشك جواي
أصبِّر بي لقاك ضيقي
ندهت و ما سمعتي نداي
ندهت و ما نشف ريقي
مسكت الغربه أترجَّي
كفاك يا كربه ما تعيقي
مِعَكِّم في عشم يشرق
صباحو يبدد العتمه
و لا فتر اليقين في اليد
و لا هاب الحنين كتمه
أطيِّب بالدعاش الغد
يطول الفال يفوت الحد
إذا خاطرك دوام مشغول
متين يا طيبه بتفيقي ؟
و لقيتك في هدير الدم
في الشاشاي و طاعم النم
إنتي البلد الكيف والكم
كم بتمني و كم
يكشح مطرك ..
ويطفي حريقي
يوم لاقيتك ..
ضلَّل بيتك ..
غيم أفراح و بدرك تم
كم راكوبه تلاوي هبوبه
شان يرتاح بال حبوبه
يوم ناديتك يا طيوبه
رد حنينك أيوا نعم.
كنتي الوطن
الكايسو زمن
و كنتي طريقي.
|
|
  
|
|
|
|
فاروق أبوحوه
فيس بوك
تويتر
انستقرام
يوتيوب
بنتيريست