|
Re: هام /الجنوبيون سيعتبرون اجانب بالشمال بنهاية اليوم الاحد 8 ابريل (Re: فدوى الشريف)
|
الله الوطن مش وزعو؟ وخلق البيفصح والرطن ووراهو معنى اصبعو وقيمة وشى حتان نزل دينو الحنيف الشرعو؟؟ الله يقدركم يا عباد الله الصالحين ان تشبعوا ما تبقى منهم مِن بقلها وقثائها وفومها وعدسها وبصلها ما تلهفوه براكم وتتركوهم للمتربة يتمرغون فيها والمسغبة التى اشقتهم و ما زالت تشفيهم لكن ان شاء الله قبل ابريل الجاى نتلم تانى سواء فى عازة خليل ونغنى عازة مع الخليل ،،،
| |
|
|
|
|
|
|
Re: هام /الجنوبيون سيعتبرون اجانب بالشمال بنهاية اليوم الاحد 8 ابريل (Re: فدوى الشريف)
|
Quote: ياود الباوقة اذا كان هذا خيارهم ( فلما التباكى على اللبن المسكوب ) ؟
شكرا على حضورك هنا |
فدوى قلت لى البكاء على البترول المكبوب؟ ببكى اب جنيهاً لحق الصح الدولار قريب 6000 جنيه ما قلتو الترله بعد تنفصل بنرتاح هاكم الجرسة دى!! استغفروا و ارفعوا فراش الجنوب استوا اعتدلوا اصلحكم الله والله مش تستوا حا تنجضوا عديل ولات حين مناص،،،
| |
|
|
|
|
|
|
Re: هام /الجنوبيون سيعتبرون اجانب بالشمال بنهاية اليوم الاحد 8 ابريل (Re: صديق الموج)
|
صديق الموج غايتو بتعرف لى قلبين الكلام
هو البكاه منو الجنوب دا لمن نسوى ليه فراش ونرفعوا من اساسو
فتش على اهل البكا فى المنبر البكوا لمن قشوا مخاخيطهم
ولى يوم الليلة يبكوا
الاتجرس منو .. متجرسين ناس سلفا البحنسوا الحكومة ويترجوا فيها تمد ليهم فترة قعاد الجنوبيين فى الخرطوم .. متجرسين من حال الجنوب ومدنهم المشوا منها ينعق فيعا البوم .لاتتوفر فيها ادنى مقومات الاستقرار المدنى . متجرسين من وضع بترولهم يترجى الوسيط الافريقي بمقابلة البشير فى اى بلد والله النجاض الاتنجضوا الجنوبيين من فراق الخرطوم مافى زول يتنجضوا مابيين المشى كلوا كلوا
| |
|
|
|
|
|
|
Re: هام /الجنوبيون سيعتبرون اجانب بالشمال بنهاية اليوم الاحد 8 ابريل (Re: فدوى الشريف)
|
فدوى يا اختى ...زسلام
الببكوا الله بعلم بيهم هو الخرطوم دى الجنوبيين كانوا ساكنين العمارات واللا المنشيه واللا كافورى طبعاً دى مناطق حكر على الحرامية ناس نافع والبشير واخوانه وعبد الرحيم محمد حسين وعابدين محمد على بتاع الاقطان والمتعافى و مش ياها الرواكيب الفى ارفع سدرك والكرتون ومايو وزندية ما بتغلبهم يعملو ليهم رواكيب ولواك كبيره للبقر لما مدنهم تتصلح، السمك فى والبفرة فى واللبن عندهم والبترول تشموه قدحة ببكى البصدر عشرين جريده تلاتين منها مانشيتاتها عن الجنوب ، مجاعه فى اويل حريقه فى الناصر ، باقان اكل القروش، سلفاكير صرح انتو مالكم ومالهم خلاص ارفعوا الفراش ده ، مالكم ما بتجيبو خبر ارتريا وتشاد ما جيرانا برضو اتحداكم لو بتعرفوا اسماء خمسه مدن فيهن ، هو البكاء ده كيفنو ما تراها الهضربة دى.. كاااااااااااااااااااااااااااااااااااااااااااااااك حاله صعبة بحكى ليك نكتة الشايقى بعد رفع الفراش ،،،
| |
|
|
|
|
|
|
|