هلا يا ابو الشوش وشكرا يا النتبيه اولا لسيرة 0النياكاما او الناكاما وهي من جوووه جك عربي جوبا الملان بما لذا وطاب ومن اللغة الممتعة والسلسة والفصيحة وزي ما قلت ليك بهناك هي تعني (الخمش والقلع والمكابسة وايضا ممكن يكون الهبنتة) ولعلي ايضا اديتك بهناك حضورها المرح في الذاكرة الطفولية ومورال نياكاما وووووووووووو نياكاما ووووووووو ________________ وعربي جوبا ممتع يا ابو الشوش ولايمل وهكومة تا عمر بشير دي لو جي املو نياكاما نياكاما لبترول تا جنوب دي هو (بي نجورد) وبي نجورد دي برضها كلمة موغلة في الدهشة وكتابتها صعبة زي نياكاما دي وتعني بانها ستواجه مصاعب شتي وح تااااااااااامن
وسنتابع علي قولة صحبك الصادق متي ما توقف الناووووو نيووووو
04-06-2012, 02:51 PM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
يا باشكاتب إذاً النطق الصحيح للكلمة NY a k a m a والـ Y لما تقع بعد الـ N ينطقن اللتنين حرف واحد زي في (ناو بتاعت الكديسة) أذكر مرة محسن خالد حاول يشرح نطق الحرف العجيب دا بالكتابة
المهم: الجماعة شغالين NYــــاكاما تقيلة في بترول الجيران
04-06-2012, 07:20 PM
mustafa bashar mustafa bashar
تاريخ التسجيل: 10-16-2007
مجموع المشاركات: 1145
Quote: النيكاما..هو احد آلهة قبيلة الشلك ويقدمون له قرابين .. ويستعينون به في تحقيق حاجاتهم وحل مشاكلهم ممكن ازيدكم معلومات عن قريب
يا زول الكلام ده متأكد منو وللا كتابة ساي من طرف يا مصطفى بشير؟ نيكاما شنو أحد آلهة الشلك (آلهة كمان ههههههه يعني عندهم كم واحد كده) ... والله لما تتكلم عن ثقافة ناس وكانك بتتكلم عن أي قصة هايفة حاجة مؤلم ومؤلم جداً جداً جداً.
===== كيكي دائماً حاضر بالرباعي بتاعك ورامي قدام ... يديك العافية يا نقوتودوما.
شكراً أشرف علي الرصد والمتابعة.
04-07-2012, 11:50 AM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
هلا يا ابو الشوش وحباب مصطفي واشواقي يا شول ياااخ (واتا ودرو وين يا جك)
ونعم يا اشرف ny ممكن تحل لينا الايكوشن بتاعة (النون) العجيبة في كلمات كثيرة تظهر في عربي جوبا وفيها هذه(النون) معمول فيها العجب ويقال نركوك للطفل الصغير ويقال ايضا ابو نلمة للانسان العندو سنون مكسرة
------------ يا مصطفي لا اعتقد بان (النياكاما) المستخدمة في عربي جوبا راجعة لتلك الجزئية التي ذكرتها فالاستخدام لهذه الكلمة في عربي جوبا ليس له دلالة روحية بل هو توصيف لحالة(الخمش او القلع) وحتي الحليفة في عربي جوبا المربوطة بالسماء فقد تسمع حليفة علي شاكلة (وحياة ربنا) او (وحياة صاعقة) والصاعقة هي الطرنقاعة عند اهل غرب السودان ------------- ويا سسسسسلام ياااخ هنالك حليفة موغلة في المرح وهي (وحياة كراع جدادة في كزرون)
والكزرون هي الحلة
04-07-2012, 04:30 PM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
هلا يا ابوالشوش وازهري دي لازم نديهو مع الكزرون شوية0(لكوري) واللكوري هو اللحم وايضا نديهو (نقونق) ويا سسسسلام علي (النقونق) ده لانو من الكلمات النون العجيبة شغالة فيهو شغل رهيب وهي النملة ام ريش يتم اصطيادها عبر النار ومن ثم يحمر بالزيت ويطلع حكاية ممكن تاكل صوابعك معاها... ومزة اسطورية قادرة علي شفط اي كحول لافة في زمن وجيز وما تقول لي (ام فتفت بالله) -------- نعود الي (كيزان نياكاما) وديل ياخي نكموووووووو بلد كلو وبلد في ظلهم اصبح (ننقورا) والننقورا تعني الحكاية البايظة ومنتهية
04-09-2012, 00:54 AM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
يا كيكي لو لقيت زوغة من ناس أيوتة بالله برنا ببوست خاص بعربي جوبا والشباب هنا ما حيقصروا معاك شفتكم قبل كدا إنت وجعفر أب دقن (لكن ما كوز) داك خاشين ون تو عجيب في اللغة في انتظار البوست
04-09-2012, 01:24 PM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
أقول ليو (أبو الزهرا) يقول لي (أزهري) يا كبتن كورتك فكت وبطريقتك دي حتلحق غنم زهرا قريب ههههههه أبو الزهرا ياخ!! اللسة بكاكي بالعرس والجماعة خشو في التالتة أبو الزهرا شايفو دايماً في بوستاتو بتاعت يوم الخميس بقول عشانا الليلة "حلة كرعين جداد"
04-09-2012, 10:41 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
لوووووووول يا ابو الشوش ياخ كلمناكم وقلنا دفاعنا الاسفيري بقي اخير منو دفاع احمد هارون في (جيبو حي) وما سمعتو الكلام وشبكتونا (كيكي اصحي) وكيكي عيييييك وكيكي عاااااااك اهو حسسع ابو الزهرا ده خشينا فيهو لفت وشبكنا اووووووه ابو الزهور..
الكورة فعلا فكت يا ابو الشوش ولكن قريبا باذن الله وبركات شيخي شكر الله سنعود مثلما يعود طائر السنونو وبوست عربي جوبا حنلقي ليهو مساحة وزمن ومن ثم سنداح
--------------- تعرف الزي ابو الزهرا ده (الهوسا) بقولو عليهو (اوري) وده الزول الجنو (عرس) وونستو كلها (اوري اوري) والاوري هو العرس والعتبي ياااخ (لابو الزهرا اوري )حتي يجد نصفه الحلو
وسنتابع
04-10-2012, 11:58 AM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
يا هندسة أبو الزهرا (أوري) لمن بهناك :) المهم عفيناك من المواصلة في البوست دا طال ما حلفت بـ "كراع جدادة في كزرون" لووووول.. ووعدتنا بواحد مخصوص لما ناس أيوتة ينزلوا إجازة البلد إذاً سنتابع
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Ashraf el-Halabi
عبدالكريم الامين احمد
mustafa bashar
شول اشوانق دينق
فيس بوك
تويتر
انستقرام
يوتيوب
بنتيريست