شعباً غلب كم جيش يات سلطة تنفيهوا ؟ خضر حسين

Quote: شعباً غلب كم جيش يات سلطة تنفيهوا ؟ الخطوة يوم تمرق لا بد من توصل الممشي بي إحساس الخطوة مدروسة والهبة شعبية الثورة هي الإحساس الثورة أخذ وعطاء الثورة هي المنهج تغيير وما تخدير تعمير وما هو دمار الثورة قوت ودواء تعليم وما تغييب الثورة سترة حال الغبن طاقيتو والدم ده ماهيتو

Quote: خرطومنا يا خرطوم يا كي المدينة براك ضامات جناحيكي زى طير بطير ويرك في الهامش المركز والمركز الهامش سودان مقسم وليش ؟ ليش ليش يجوك جيوش قتلة وحرامية ليش ليش يجوك بنوك بدلاً أفندية ليش ليش يجوك ليش ليش ليش ليش يجيني سكوت ؟

Quote: ليش ليش أقابل الموت ؟ ليش ليش ياخرطوم منك يجيني سكون

Quote: وأنا ماشي في الشارع شارع يخش فيني شارعاً ألاقيهو قدامي هو الممشي وأنا ماشي كم أحلم بلداُ ألا قيهو شارع يخش فيني شارع أخش فيهو وطناً يماسكني بلداً ألاهيبو وطن زي كل بلاد الناس وطن ما فيهو بذرة خوف بلد جواه كم شارع وشارع يرسمك جدول وجدول يسقي كم عطشان وطن زي شتلة نسقيها نصحيها وتصحينا ننوم من بدري نلقاها تضلل شمسنا الحية ونديها وتدينا ونسقيها وتسقينا

Quote: وطن واهب حبال صوتوا وطن مشنقتوا للأعداء وطن مسرح وطن روضة وطن مشفي وطن واهب حبال صوتوا بلد جنحيهوا هيلا هوب يطير ويرك يرك من تاني يبدأ يطير لا تال الغمام مشتاق وطن لو ظرفوا بس بالإيد وطن جنة وطن بستان وطن دوغري وطن قدام وطن صياد وطن شواف وطن ساهل ومتساهل وطن مشتاق وطن صاحي إذا ما الليل دخل آخروا

Quote: وطن نلاقاه يلقنا بلد ممزوج حضارة ونيل ديانة كريمة معتقدات أصالة عراقة مشتبكة ومن علوة ولي سوبا حضارة وأمة وذات تاريخ ومن نبتة ولا مروي ومن سنكات الي طوكر ثقافة ووحدة مشتبكة فيا الفاشر ويا السلطان أيا دارفور برانا النحنا في الأوحال براك هديت سموم الصيف علي نسم الهواء الجاييك ونظل نحلم ونظل نحلم ونظل نحنا نظل نحنا نظل

Quote: كنا ومازلنا وسنكون دوما على جادة الحلم المستقيم .. وطن شامخ وطن عاتى .. وطن خير ديمقراطى ..