جمهورية وادي النيل الاسلامية

مرحبا Guest
اخر زيارك لك: 09-24-2021, 11:23 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثاني للعام 2012م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-24-2012, 03:53 PM

الشفيع وراق عبد الرحمن
<aالشفيع وراق عبد الرحمن
تاريخ التسجيل: 04-27-2009
مجموع المشاركات: 11387

للتواصل معنا

FaceBook
تويتر Twitter
YouTube

20 عاما من العطاء و الصمود
جمهورية وادي النيل الاسلامية

    تاني ح تشربوا وما ترووا

    وبكرة ليبيا كمان
    عيييييييييييييييييييك
    كمبلت بالجد جد، ما زي حقتكم
                  

06-24-2012, 03:57 PM

محمد النيل
<aمحمد النيل
تاريخ التسجيل: 10-08-2009
مجموع المشاركات: 5853

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: الشفيع وراق عبد الرحمن)

    أنت تحلم يا الشفيع
    اللى فى السودان ديل ليسوا بإخوان وتم طردهم من منظومة الاخوان زماااااان
    حتى لقوا بعض التعاطف من بعض الاخوان
    الترابى من لصوص الدين هو وتلامتذه المجرمين
    لا تفرح كثيرا...
    سوف يزول يزول حكم الكيزان
    والثورة انطلقت
                  

06-24-2012, 04:11 PM

ibrahim alnimma
<aibrahim alnimma
تاريخ التسجيل: 03-28-2008
مجموع المشاركات: 5197

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: محمد النيل)

    الشفيع سلامات ........دولة الاخوان في السودان ،في طريقها للتآكل .......ودولة اخوان مصر حالة تجريب هذا بالاضافة للفرق الكبيير بينهما وطريقة الوصول للسلطة والمناخ الديمقراطي .....هو الكفيل بمعزل الاخوان ان تلاعبو بالثورة ......
    بعدين يالشفيع انا عاوز اسألك سؤال محرج شوية هو انت مع الدولة الدينية ؟
    من مشاركة لي في بوست سابق : وبها جملة من الاسئلة الرجاء محاولة الحوار فيما جاء فيها من اسئلة كاملة لوسمحت ...........
    Quote: الاخ محمد جلال سلام
    لو كنت تؤمن بالديمقراطية ، فانك بالطبع تستحق التهنئة ، اما كنت ممن يعشقون مرسي فقط فانت خلفه ان جاء منتخباً او متسلطاً ، فراجع موقفك من الديمقراطية .....
    وعلي مرسي ان يحترم المؤسسات المصرية والقضاء النزيه الذي اشرف علي كامل العملية ، واؤكد لك ان الاخواني الذي اتي بالانتخابات لن يستطيع ان ينفذ برنامجه كما هو حاصل عنذ شيخنا الكافوري ، فانه صادر كافة الحقوق الشعبية من حقوق في التعليم والعلاج
    فهل تظن انه قادر علي ممارسة هذا المسلك في ظل مناخ مترع بالحرية والديمقراطية وصحافة حرة وقضاء مستقل؟
    ولو ان نداءك هو لعاطف مكاوي ، الا اني لا اجد حرج في ابداء وجهة نظري والتي ربما يوافقني عليها عاطف او يختلف وحتي انت ربما توفقني او تختلف ....دعني اطرح عليك جملة من الاسئلة :
    هل تعتقد ان بمقدور مرسي ان يلغي حق العلاج والتعليم بمصر؟
    هل تعتقد ان بمقدوره مصاردة الصحف والغاء الندوات والتظاهرات والاعتصامات ؟
    هل تعتقد بمقدوره تزوير الانتخابات وخجها ؟
    هل تعتقد ان بمقدوره الانفراد بحكم مصر ومصادرة مظاهر الحريات ، قبولي وقبول المصرين بالنتيجة هو انتصار للديمقراطية قبل انتصار الاخواني مرسي
    وهي تجرية رائدة للمصرين لتعرفو عن كثب بالاخوان المسلمين الذين ظلو لما يقارب القرن من الزمان يبشرون الشعوب بالطهر في الحكم والنزاهة ..الحمدلله انك واني رايناهم بالسودان ..........
                  

06-24-2012, 04:29 PM

الشفيع وراق عبد الرحمن
<aالشفيع وراق عبد الرحمن
تاريخ التسجيل: 04-27-2009
مجموع المشاركات: 11387

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: ibrahim alnimma)

    طيب ما نحلم يا محمد النيل، هو الحلم بي قروش؟
    ما انت ليكم كم وعشرين بتحلمو بثورة وانتفاضة لا تروها الا في النوم العميق !!!

    عموماً
    حتى ولو كلامك جزئيا صحيح
    مفروض تتفق معاي انهم الاقرب لحكومتنا

    ابراهومة
    ياخي نفس اسئلتك جاوبتها قبل كده

    وانا (بصراحة) لا يهمني كتير ما يحدث في مصر الا بقدر تأثرنا بيهو، وفوز مرسي يصب في مصلحتنا بدون شك
    و (بصراحة) اكتر، لو هم "عاقلين" كان صوتوا لشفيق

    اما طالما جابوا ليكم الكيزان، فيا فرحتنا ويا ويلكم

    -----------
    ما رأيك يا ابراهيم في انو اكتر من 12 مليون (فعلياً) صوتوا لنظام مبارك القلعته الثورة؟
                  

06-24-2012, 04:31 PM

ibrahim alnimma
<aibrahim alnimma
تاريخ التسجيل: 03-28-2008
مجموع المشاركات: 5197

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: الشفيع وراق عبد الرحمن)

    ما جاوبت يالشفيع ........انا ما شفت اجابتك ياراااااااااااااااااااجل
    الاسئلة اعلاه مطروحة لك ولن امل التكرار
                  

06-24-2012, 04:29 PM

عمر صديق
<aعمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: ibrahim alnimma)

    الف الف مبروك ياهندسة

    وعقبال المثلث الذهبي


    بين السودان ومصر وليبيا
                  

06-24-2012, 04:36 PM

رشا احمد
<aرشا احمد
تاريخ التسجيل: 09-18-2010
مجموع المشاركات: 694

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: عمر صديق)

    Quote:
    تاني ح تشربوا وما ترووا



    اتعودنا على الأكسجين الصناعي .. جعله الله كفارة لـ ذنوبنا ... لكن البكفر ذنوب الأنتهازيين شنو!!
                  

06-24-2012, 05:25 PM

الشفيع وراق عبد الرحمن
<aالشفيع وراق عبد الرحمن
تاريخ التسجيل: 04-27-2009
مجموع المشاركات: 11387

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: رشا احمد)

    Quote: ما جاوبت يالشفيع

    الاجابة لكل الـ(هل تعتقد) هي لا يا ابراهيم اذا كانوا دايرين يحكموا لفترة طويلة

    وزي ما قلت ليك ده ما موضوعنا
    بتهمنا مصلحتنا هنا

    سؤال تاني
    الا ترى ان حكم الكيزان لمصر يصب في مصلحة كيزان السودان؟
                  

06-24-2012, 05:44 PM

ibrahim alnimma
<aibrahim alnimma
تاريخ التسجيل: 03-28-2008
مجموع المشاركات: 5197

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: الشفيع وراق عبد الرحمن)

    الشفيع سلام :
    اولاً أرجو ان تلاحظ اني أجيب علي اسئلتك دون اي مرواغة .......لا اعتقد البتة ......لان طريقة الحكم والمناخ السياسي المنفتح والحر يجعل من اي خطوة سياسية في اتجاه التقارب مع النظام السياسي في السودان بما لا يخدم المجتمع المصري لاحظ بما لا يخدم المجتمع المصري، يجعلها خصماً علي الاخوان المصرين ،وعرضة للنقد اللهم الا فيما يتعلق بمصلحة مصر ، وفي مثل هذه الاحوال لن تكون اكثر من اي علاقة مع اي دولة اخري.. تحكمها المصالح.....فالنظام في مصر مراقب بقضاء مستقل ومؤسسات عريقة ومراكز دراسات ، وصحف واعلام ....كلها تجعل من مرسى ان يتصرف كرجل دولة لا كخادم تحت سراية المرشد العام .
    ولذلك لا اتوقع ان تستفيدو من مصر الا بقدر ما استفاد النظام السوداني من تركيا..........
    واستطيع ان اؤكد لك بان النظام السياسي الانقاذي في حاجات لعلاقات سرية ، والديمقراطية لن تسمح بمثل هذا الضرب من العلاقات ........وسيكون كل شي مكشوف ......لزا سيظل حكم الانقاذ هو حكم حزب اقلية جاء عن طريق انقلاب ومازال يستند لنفس منطق الطغاة في ادارة السلطة ....وهذا هو سبب الاستنزاف الاقتصادي ، فالرشاوي وشراء الذمم هو من طبيعة انظمة الاسبتداد ذات الاقلية .........."مادا البنتشتري بيه الزيك " وبطبيعة نظام الاقلية فهو يركز علي الحصانات وتغيب القانون .......
    شوف انا بجاوبك كييييف ؟
    اذن ساطرح عليك الاسئلة التالية .....
    هل تعتقد انه بمقدور مرسي ان يعطل صحيفة بدون محاكمة؟
    هل يمقدروه رفع قيمة الرغيف ؟
    هل بمقدروه اللغاء مجانية التعليم والعلاج ؟
    اقول ليك كلام ، حتي البارات لن يقوى علي ايقافها ؟ ولايمكنه تعطيل كامب ديفيد ، لانه لا يمتلك البدائل التي توفر للشعب حياة رغدة مثل عبدالناصر الذي قام ببعض الاجراءات الاشتراكية الامر الذي يستحيل ان يقوم به مرسي والاخوان المسلمين......علاوة علي ان الاجراءات الاقتصادية ذات الطابع الاشتراكي هي من جعلت من عبدالناصر قائد ملهم ومحبوب وهذا ما يفتقده مرسي ....
    واذا كانت الاجابة بلا ، فهل تعتقد ان الديمقراطية والحريات السياسية تتعتبر عائق وراء هذا الاجراء؟ ولذلك اقول لك باني غير حزين مطلقاً علي فوز مرسي بقدر ما اني حزبين علي ضياع اربعة سنوات من عمر مصر كان يمكن ان يكتب لها التطور .....هذا طبعاً لا يمكن ان يقوم به شفيق " كنت علي وشك ان اكتبها شفيع "
    كن شفاف يالشفيع ودع الهتاف ولك حبي وتقديري

    (عدل بواسطة ibrahim alnimma on 06-24-2012, 05:57 PM)

                  

06-24-2012, 07:53 PM

الشفيع وراق عبد الرحمن
<aالشفيع وراق عبد الرحمن
تاريخ التسجيل: 04-27-2009
مجموع المشاركات: 11387

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: ibrahim alnimma)

    يا ابراهومة
    ياخي قنا ليك كم مرة خليك زول ديموقراطي وما تفرض علي طريقة الاجابة وخلي القارئ هو من يقرر
    اجابتي من البداية كانت كافية
    وزي ما قلت ليك نفس الاسئلة دي جاوبتك عليها قبل كده
    ولو دايرني اشتغل ليك الهومويرك حقك ما عندي مانع امشي للارشيف واجيبها ليك

    والشغلة اولا واخيرا ما عندها علاقة بي ديمقراطية ولّ شمولية
    الدولة بترفع الدعم عن التعليم او العلاج اذا اضطرت لذلك ومافي دولة بتكون عايزة تنكد على مواطنيها حتى ولو كانت شمولية
    ما اهو امريكا بتفرض اكبر ضريبة دخل في العالم وهي دولة ديمقراطية

    اذا ده ماهو الفرق، وممكن اجابتي السابقة تكون نعم اذا اضطرت لذلك
    والحرية والديمقراطية قطعا ليست هي العائق

    نعم ممكن ينطبق على حرية الصحافة والحريات بصفة عامة
    وهنا الفرق بين الشمولية والديمقراطية
    وهنا بيجي دور السؤال الفطيتو
    Quote: ما رأيك يا ابراهيم في انو اكتر من 12 مليون (فعلياً) صوتوا لنظام مبارك القلعته الثورة؟

    ده بيوضح بي جلاء انه الشعب لا يريد الحرية والديمقراطية
    كل من صوت لشفيق يبحث عن الاستقرار والامن السياسي والاقتصادي، والديمقراطية والحرية ترف يمكن الاستغناء عنه
    وانا لو كنت مصري كنت ح اصوت لشفيق
    و احمد الله اني ما بقيت مصري
    و احمد الله انهم ما صوتوا لشفيق
                  

06-24-2012, 08:32 PM

رشا احمد
<aرشا احمد
تاريخ التسجيل: 09-18-2010
مجموع المشاركات: 694

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: الشفيع وراق عبد الرحمن)

    Quote: ولايمكنه تعطيل كامب ديفيد


    والرئيس المصري المنتخب قال: " ســ نحافظ على تعهداتنا الدولية مع جميع الدول"

    جميع الدول بما فيها اسرائيل .... ولد دا (صحي أولاد بمبه)
                  

06-24-2012, 08:41 PM

هيثم طه
<aهيثم طه
تاريخ التسجيل: 08-30-2011
مجموع المشاركات: 1153

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: رشا احمد)

    سلامات الشفيع --
    بوستك ذكرني بمساهمة في بوست خالد عبيد
    Quote: والحاجة الرابعة والمهمة -عندي -مراعاة الحذر من الانزلاق بين السياسي والايدلوجي يعني لو في "كوز" هلل لانتصار
    الاخوان في مصر ما نصدقو ونقعد نصارعو ! ولازم نكشف ليهو التدليس بتاعو و انو صراعنا "السياسي" ما مع
    "الاخوان" في مصر البفوزوا بالديمقراطية وهو يقوم يعمل فيها يتماهي سياسيا ويدعي فوز الاخوان امتداد وانتصار
    زي "انتصارو" بالحكم ! (مالم ما يخشوا في الانتخابات ويفوزوا !-وليه نقضوا الديمقراطية ؟؟)وفي نظري الصراع
    المبدئي والجميع في السودان مع "الكيزان" ما "ايدلوجي" -"حق الوجود" - لكن "سياسي" وسرقتهم للديمقراطية و
    الظلم والسرقة والقتل ! بعد داك لو في زول مختلف معاهم ايدلوجيا لله في لله دا موضوع تاني !
    وبالتالي الانزلاق المبسط -في نظري - لاستخدام مثال "السلفي" بتاع مصر لمحاربة
    السلفيين او خصوصا الكيزان "ايدلوجيا" في السودان ! والمنهج دا هو المسبب الفوضي في ضرب الامثال
    في الصراعات وتجاوز السياقات ---والسلفي عندو "حق" بالطريقة دي لامن يضرب المثل بستالين
    لمحاربة تجربة الشوعيين في السودان !

    Re: اضبط ! : فيديو القبض على الشيخ السلفي مع الفتاة المنقبة في وضع مخل

                  

06-24-2012, 08:46 PM

عبد الحي علي موسى
<aعبد الحي علي موسى
تاريخ التسجيل: 07-19-2006
مجموع المشاركات: 2929

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: هيثم طه)

    هي دولة السودان، قدرتوا تسموها (اسلامية)؟!!!!!!
    مرسي ح يستقيل من الحزب ومن الاخوان.
    غايتو جنس بساطة .................................
                  

06-24-2012, 10:20 PM

ibrahim alnimma
<aibrahim alnimma
تاريخ التسجيل: 03-28-2008
مجموع المشاركات: 5197

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: عبد الحي علي موسى)

    Quote: ياخي قنا ليك كم مرة خليك زول ديموقراطي وما تفرض علي طريقة الاجابة وخلي القارئ هو من يقرر

    كويس يالشفيع .....هذا كلام جميل جداً وانا ديمقراطي واتمني ان تصوبني في اي وقت رأيتني غير ديمقراطي ، حتي لو في كلامي اعلاه .....ترى اين كنت دكتاتوري او دعمت دكتاتوري ......والطريف يالشفيع ان تكون محتاج لديمقراطي بينما انت صربح في موقفك منها اليس موقفك من الانقاذ كافٍ لتصنفك كغير ديمقراطي بالمرة ؟
    وساعطيك مثل من مداخلتك نفسها يدل علي انك غير ديمقراطي خالص
    Quote: ده بيوضح بي جلاء انه الشعب لا يريد الحرية والديمقراطية
    كل من صوت لشفيق يبحث عن الاستقرار والامن السياسي والاقتصادي، والديمقراطية والحرية ترف يمكن الاستغناء عنه
    وانا لو كنت مصري كنت ح اصوت لشفيق

    فقولك بان الشعب بتصويته لشفيق لا يريد الديمقراطية بقدر ما انه ينشد الاستقرار وستكون في صف شفيق( غير ديمقراطي) ان كنت مصرياً اليس موقف صريح معادي للديقراطية ؟ اذن لماذا تطالبني بان اكون ديمقراطياً ،علماً باني ازعم اني ديمقراطي علي السكين.......
    Quote: الدولة بترفع الدعم عن التعليم او العلاج اذا اضطرت لذلك ومافي دولة بتكون عايزة تنكد على مواطنيها حتى ولو كانت شمولية
    ما اهو امريكا بتفرض اكبر ضريبة دخل في العالم وهي دولة ديمقراطية

    طيب يالشفيع نحن كيف بنعرفها انها اطرت او لم تطر.......الدولة في خدمة المواطن ، وامريكا التي تتحدث عنها فيها مجانية كاملة للتعليم رغم ان امريكا لا تمثل مرجعاً لي علي كل اذا كانت تمثل مرجعاً للاسلامين فقل لي ؟ انا اعرف ان السودان بلد كان المواطن فيه يتمتع بحقه في التعليم والعلاج ولم يستطيع مصادرة هذا الحق حتي المستعمر الانجليزي ، ولكن الاستعمار الانقاذي هو من تجرا علي نزع هذه الحقوق .....ورغم انها تتبجح ايام كانت دولة نفطية تتبجح بتحقيق نمو عال ..."او هكذا يقول امين حسن عمر " الا انها لم ترجع هذا الحق ....وبراي انها لن تستطع ان تصادر هذه الحقوق في وجود حقوق الشعب الديمقراطية ......ولذلك قلت لك ان مرسي لن يستطع ان يصادر هذه الحقوق ، والسبب ليس لانه ود بلد تطربه دخولها وصقيرها حام ، ولا لانه عطوف يحب شعبه ، فهو من نفس طينة البشير الايدلوجية ، ولكن السبب هو وجود المناخ الديمقراطي والمترع بالحريات واستقلالية القضاء ، عشان كدة ما تخوفنا بمرسي باعتباره مساند لكم ، وازيدك علم بان الشي الوحيد الذي لن يستطع مرسي ان يقوم به ، هو ممارسة السياسة الخارجية خارج مصالح مصر العليا وسترى يالشفيع ..........ولكي ادلل لك ببساطة اطلب منه هامساً وقل له " يامرسي يا اخا الاسلام ، نحن الشعب زانقنا خالص ، وعاوزنك ياخي ترجع لينا حلايب دي ولو صورياً لو اداك ليها يالشفيع ، ما عارف اقول ليك شنوووووووووو .
    تتذكر انتفاضة السكر 88؟ كان حكومة الصادق المهدي تود رفع الدعم عن السكر وبعض السلع وكانت للعلم مطرة جداً اذا اخذنا الاطرار كمبرر ، هل استطاعت؟ ياخي انت قايل نحن دايرين الديمقراطية عشان نفوز؟ لا ياخوي الديمقراطية تحفظ للاغلبية حق الحكم ، وتحفظ للاقلية حقوقها الدستورية من حق التعبير والتظاهر والاضراب ، ولذلك لن يكون بمقدور الاغلبية التغول علي حقوق الاخرين بحجة الاغلبية .
    Quote: ما رأيك يا ابراهيم في انو اكتر من 12 مليون (فعلياً) صوتوا لنظام مبارك القلعته الثورة؟

    اسف فاتني اناقش معك هذه النقطة ........براي ان عدم تفكيك النظام السابق بشكل كامل قاد لهذه الخطوة .....فاذرع النظام السابق مازالت موجودة ، فحتي مرسي نفسه يعتبر فلول للنظام السابق ....فهو كان في البرلمان المصري منذ 2001 الي 2005 ، قد تقول بانه قد دخل البرلمان عن طريق انتخابات ، ولكن السؤال هل كانت انتخابات حرة ونزيهة ؟ اولم يكن يساعد في تجميل النظام السابق؟
    يالشفيع النظام الانقاذي قد يتنازل جزئياً عن الثروة لقاء صفقات سياسية معينة ،نيفاشا----ابوجا" ولكن الشي الوحيد الذي لا يجامل فيه هو التحول الديمقراطي ، لان هذا هو السبيل الوحيد الذي يحول ضد الفساد وضد البرنامج الطفيلي المعادي للجماهير ، وبراي هذا هو السبب الريئسي في فصل الجنوب وخلق الحروب ....
    اذن الدكتاتورية وتغبيش الوعي الالية الوحيدة التي يحكم ويتحكم بها المؤتمر الوطني في الشعب ......
    اخيراً اقرا هنا شوف مرسي كيف ضمن لا سرائيل كل التعهدات ، وشوف كيف ضمن للسياح مصر كما هي ؟؟؟؟؟اذن اي هي مواقف الاسلامين .....الاسلامين يضحكون علي الشعب فقط للوصول للسلطة وليس هناك اي برنامج استراتيجي واضح ......ولذلك فانهم حينما يتحدثون عن الامية السياسية التي تجعل الديمقراطية تمكن الطائفية في السودان ، فاستطيع ان اقول لك بان الامية السياسية في مصر الضامن الوحيد لوصول الاسلامين الي السلطة ، لذلك فهم يحرصون علي تجهيل الشعب وجعل الدجل والشعوذة هي المسيطرة علي عقول الجماهير ..ولكن بالمقابل فان الديمقراطية هي الضامن الوحيد لنشر الوعي السياسي وسط الجماهير، ولذلك فانهم اعداءها بالضرورة ......
                  

06-25-2012, 02:35 AM

MAHJOOP ALI
<aMAHJOOP ALI
تاريخ التسجيل: 05-19-2004
مجموع المشاركات: 3994

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: ibrahim alnimma)

    ياالشفيع
    طبقا للاعلان الدستوري (الاول والاخير ) رئيسكم دا زي وزراء الجنوب في حكومات الشمال السابقه
    ثروة حيوانية ... ثروة سمكية ... وزارة عمل !!!!!!!!
    يعني ضبان مابهشه !!!! لا وادي ولا سهل ولا هضاب
                  

06-26-2012, 04:34 AM

الشفيع وراق عبد الرحمن
<aالشفيع وراق عبد الرحمن
تاريخ التسجيل: 04-27-2009
مجموع المشاركات: 11387

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: MAHJOOP ALI)

    يا رشا

    هو ح يحافظ عليها مؤقتا، كما العسكر

    ثم يملصهم واحد وااااحد
    كما اردوغان

    Quote: ولازم نكشف ليهو التدليس بتاعو

    هيثم ود طه
    هللت للاخوان ليس لانهم اسلاممين ولا عشان جو بي انتخابات
    عشان جيتهم بتخدم مصالحنا
                  

06-26-2012, 05:03 AM

الشفيع وراق عبد الرحمن
<aالشفيع وراق عبد الرحمن
تاريخ التسجيل: 04-27-2009
مجموع المشاركات: 11387

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: الشفيع وراق عبد الرحمن)

    Quote: وساعطيك مثل من مداخلتك نفسها

    ما محتاج تجيب مثال يا ابراهيم
    وما محتاج تثبت شيء اكدته انا بي نفسي

    انا مع النظام الشمولي وضد الانظمة الديمقراطية، وزي ما قلت ليك قبل كده، الديمقراطية وسيلة وليست غاية، ولم تم تحقيق غاياتها بدونها لكفى
    في ظل النظام الشمولي ممكن يكون في حرية تعبير
    وفي ظل الانظمة الديمقراطية ممكن ان لا توجد
    وعندك اكبر الديمقراطيات وفي ظل قوانين مكافحة الارهاب، منعوا التعبير السلمي
    وكمان اغلقوا قنوات فضائية تبعد هنهم الالف الكيلومترات

    Quote: طيب يالشفيع نحن كيف بنعرفها انها اطرت او لم تطر

    تصدق وتآمن
    ولو عندك اعتراض تكتب
    Quote: التعليم والعلاج

    غايتو في التمانينات لا كان في علاج ولا كان في تعليم
    نسبة القبول للجامعات كانت اقل من 1%
    و 50% كانوا بكملوا تعليمهم بالخارج
    الان
    اي طالب ناجح يجد قبول في التعليم العالي
    جامعاتنا بدل الفين وتلاتة قفزت لمئات الالاف
    في التعليم ما قبل الجامعي، تضاعف عشرات المرات، وما حدث في زمن الانقاذ اكبر بكتير من ما حدث منذ رفاعة الطهطاوي
    Quote: هو ممارسة السياسة الخارجية خارج مصالح مصر العليا وسترى يالشفيع

    لا احتاج لانتظار رؤيتها واتفق معك فيها
    مصلحة مصر مرتبطة بمصلحة السودان
    وده الخلل الاحدثه مبارك وجاب خبره
    Quote: ترجع لينا حلايب

    انت لسه ما قادر تفهم عبارة (اننا استعدنا مصر كلها وليست حلايب فقط)، ومال الجمهورية دي شنو
    بالعكس لن نطالبه بارجاعها اذا كانت ستسبب ليهو مشاكل من شعبه، وجوده افضل لنا من حلايب بدونه
    وانا على يقين من ان كيزان وادي النيل ح يقعدو مع بعض ويصلو لحل يرضي طرفي الوادي
    Quote: تتذكر انتفاضة السكر 88؟

    اتذكرها تمام
    والشيوعيون هم من اسقط الصادق
    مظاهرات واضرابات ومطالب نقابية غير معقولة، ورفض لزيادة سكر منطقية
    ولو كان الشعب واعي ويستحق يحكم ديمقراطيا يا ابراهيم ما كان انساق ورا الشيوعيين الذين لم ينجحوا في دخول البرلمان الا بثلاثة مقاعد

    ------------
    اتفاضة السكر محتاجة كلام كتييير
    وامكن افتح بيها بوست
    هسه وقت الشغل جاء
    تحياتي
                  

06-26-2012, 05:35 AM

فايزودالقاضي
<aفايزودالقاضي
تاريخ التسجيل: 11-27-2007
مجموع المشاركات: 10091

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: الشفيع وراق عبد الرحمن)

    الشفيع ..سلام ..
    Quote: وجوده افضل لنا من حلايب

    وجود مصري في سُلطة بلده افضل ليك من ملكيتك لحلايب ؟!!!!
    معقولة بس !!
    اتمنى ان تنجح الثورة لانها قد تكون اخف الاضرار من حلول التغيير الاخرى ..



    تحياتي ،،
                  

06-26-2012, 05:45 AM

khaleel
<akhaleel
تاريخ التسجيل: 02-16-2002
مجموع المشاركات: 30134

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: فايزودالقاضي)

    شفيع يا هندسة صباحو

    البون شاسع بين شمال الوادي وجنوب الوادي


    هناك اسرائيل والمعونة الامريكية

    وليلي علوي ومني زكي وياسمين عبدالعزيز


    وهنا سفينة الانقاذ سارت لا تبالي بالكتاح اقصد بالرياح
                  

06-26-2012, 09:56 AM

الشفيع وراق عبد الرحمن
<aالشفيع وراق عبد الرحمن
تاريخ التسجيل: 04-27-2009
مجموع المشاركات: 11387

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: khaleel)

    ما شاسع يا خليل
    سيجمع بينهما قريبا تكتل (المغضوب عليهم)، وح تشوف كيف ح بندموهم لعدم تصويتهم لشفيق، مصر راجياها ايام سود


    Quote: معقولة بس !!

    فائز، ده كلام بيني وبين النعمة بس!!
                  

06-26-2012, 10:02 AM

الشفيع وراق عبد الرحمن
<aالشفيع وراق عبد الرحمن
تاريخ التسجيل: 04-27-2009
مجموع المشاركات: 11387

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جمهورية وادي النيل الاسلامية (Re: khaleel)

    رسالة من الاخ/محمد احمد مضوي
    Quote: السيد/ الشفيع وراق رسالتي هذي رداً على بوست بعنوان جمهورية وادي النيل الاسلامية جمهورية وادي النيل الاسلامية
    المنشور بسودانيز اونلاين
    وبعد
    يا الشفيع الكلام دا (كلام الوحده مع مصر) بتعرضوه على الشعب المسكين ولا سكتم بكتم وبعدين فرحان للوحده مع مصر مش مصر دي محتله جزء من بلدنا ولا دي مصر تانيه مش مصر دي كانت محتله مع الانجليز بلدنا كلها ولا دي مصر تانيه مش مصر دي الظلمتنا ولازالت في قسمة موية النيل ولا واحده تانيه مش مصر دي الدعمت اي انقلاب عسكري حصل في السودان ولاغيرها مش مصر التي تبجح رئيسها السادات في يوم ما وقال عن نميري ( هو الجدع دا فاكر نفسو ايه نحن اللي جبناه ونحن اللي حنمشيه) مش مصر التي قال احد صعاليكها في احد القنوات ايام مباراة الجزائر ومصر (حد يصحي الرئيس البشير) الرئيس ال######## الذي لم يستطيع حتى الآن فتح موضوع حلايب بخير او بشر مش مصر التي قتلت اللاجئين السودانيين في ميدان مصطفى محمود مش مصرالتي تعتبر السودان حديقه خلفيه والكثير غير ذلك .
    السيد الشفيع زي ما انت بتهلل للوحده مع مصر انا بشوف انو اي سوداني بدعو للوحده مع مصر (خائن للوطن) صكوك الوطنيه ماحقت زول اي واحد يوزع حسب حجته
    اول يرجعوا لينا ارضنا ومويتنا حتى التي استدانوها منذ بدء اتفاقية مياه النيل وبعدين نتفاهم
    الشئ التاني اوع تعشموا انو رئيس الجمهورية دي يكون سوداني .
    نصيحه لوجه الله استفزاز مشاعر الناس ماكويس .
    اخيراً المصريين ديل لو رجعوا حلايب واعتذروا عن مشاركتهم في الاحتلال الثنائي ممكن اقبل ان تكون بيننا علاقة حسن جوار قائمة علي تبادل المصالح شفت كيف .
    في رعاية الله .
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de