|
|
|
 Re: حليل حميد (قصيدة ) (Re: عمار محمد ادم)
|
Quote: وجع احشايا يومى يزيد
أسى العمال دموع الغيد
حليل حميد..حليل حميد
ونارا فى حشايا تقيد
تباكى الميناء سكة حديد
دموع القلب كيف بتفيد
أه يادنيا وجعى شديد
امانى الزول ده ماهو فريد
بلبل دوح وكيف غريد
عمرك بالتركتو مديد
تغوصها بحار وتقطع بيد
حليل الكان رسول الريد
يغنى للعيون والجيد
متقل قلبو بالتوحيد
هو لحنا جملو الترديد
محصن بالمبادى عنيد
قاسم امين تصوغو نشيد
درت الموت بخيت وسعيد
اريت الامر كان بالأيد
***
وشوف كرعى الملانى شقوق
اشوفو يخب وشاقى السوق
كايس لى اويضتو عروق
وقالى الامر ما مطلوق
قالى الروح دى دايرى مروق
عجيب وغريب جنس مخلوق
جاء البندارى من لافوق
قدر حميد يموت مفلوق
حزين وحشايا كيف محروق
فى حميد دعابه وذوق
ضمير الصاحى ما بيروق
ناسا عاملى دايرى حقوق
مرتب حبة ما بيحوق
غضب وهتافا شق حلوق
هموم عمال اجر ممحوق
شعب جيعان شباب مسحوق |
يا سلام يا عمار واصل
| |
 
|
|
|
|
|
|
|
|
Re: حليل حميد (قصيدة ) (Re: عمار محمد ادم)
|
جع احشايا يومى يزيد
أسى العمال دموع الغيد
حليل حميد..حليل حميد
ونارا فى حشايا تقيد
تباكى الميناء سكة حديد
دموع القلب كيف بتفيد
أه يادنيا وجعى شديد
امانى الزول ده ماهو فريد
بلبل دوح وكيف غريد
عمرك بالتركتو مديد
تغوصها بحار وتقطع بيد
حليل الكان رسول الريد
يغنى للعيون والجيد
متقل قلبو بالتوحيد
هو لحنا جملو الترديد
محصن بالمبادى عنيد
قاسم امين تصوغو نشيد
درت الموت بخيت وسعيد
اريت الامر كان بالأيد
***
وشوف كرعى الملانى شقوق
اشوفو يخب وشاقى السوق
كايس لى اويضتو عروق
وقالى الامر ما مطلوق
قالى الروح دى دايرى مروق
عجيب وغريب جنس مخلوق
جاء البندارى من لافوق
قدر حميد يموت مفلوق
حزين وحشايا كيف محروق
فى حميد دعابه وذوق
ضمير الصاحى ما بيروق
ناسا عاملى دايرى حقوق
مرتب حبة ما بيحوق
غضب وهتافا شق حلوق
هموم عمال اجر ممحوق
شعب جيعان شباب مسحوق
كلو ضمير وما كان بوق
لا بنساق ولابيسوق
شوق حميدنا للواسوق
وريحة الطين مع الماروق
يعاين فى قمح مدقوق
يتبن فى ملاحو يضوق
مرة يغيب ومرة يفوق
ومنو الليلى مابنشبع
اقول اندله تانى ارجع
فراقو يبكى للشفع
وشكن فى قليبى وجع
مجلبط فى الوغش يقرع
اغبش بى تحت يزرع
ضمير عمالنا فى المصنع
وفيهو اصالة المنبع
حلاتو اتجلى فى المجمع
وكل الامة ليها جمع
قلبو يحن وطرفو دمع
كون عرشو واتربع
وبين الشعراء هو الاروع
اجمل قيمة لينا وضع
لا بيصد ولابيمنع
يعين اليتم الرضع
وكل ما سوا ليهو شفع
غصنوا رطيب ودابو اينع
دا حاجتو قليلى ما بيطمع
ولبنا من قدح كركع
اه الموت ملانى غلب
جوه مشاعرى شايلى سحب
اريتها دموعى مطره تصب
البندارى ريحو تهب
نحو الموت يشدوتخب
نارا فينى تانى تشب
متيم زولى كتلو الحب
فى اعماقنا شادلو نصب
من كلماتو اسكت كب
فى وجدانا روحو تدب
جميل الروح وصافى اللب
جاتو الدنيا قالها ثب
جريفك نورى منو يعب
وبينا وبينو مافى حجب
وفى حميد نسوى كتب
حلات حميدنا فى الونسه
وفيها الفارغى ما جلسا
شيوعى قضيتو فى عبس
فهل ننسى لعل وعسى
انا البطراه ما بنسا
بجيب من ناره قبسا
بكون للصبر ملتمسا
وكل افكارى ملتبسه
وفيهو الحزن منغمسا
حزنى عميق وكلى اسى
مركب عمرو دابو رسى
موت صباح ودفنو مساء
دوت صباح ودفنو مساء
هدوما ضيقى مالبسا
عاشا مبادئو ما انتكسا
تهابو الزعماء والرؤساء
فى حميد بيكمن سر
تبدا برودى تانى تحر
اقولوا خلاص واشوفو مصر
بيجهد فى فعايل البر
قالى الليلى يومى ودر
عن احساسى قوم عبر
وقشقش لى دموع السر
تكركر روحو منو تفر
يبقى الزول نبينا خدر
ويبقى البيت سقوفو تخر
ليها الموييى سووا سعر
وحتى الشعر ما هو شعر
تشوف حيوان تحسبو نمر
تقرب منو يطلع هر
وكل الناس مصيرها شبر
**
وكت مستنى لى جيتو
بياض العمى زى نيتو
يواسى يعزى لى اخيتو
وبادى الحزن فى مشيتو
قتلو تمام قال غايتو
شيوعى وما هزم رايتو
يرتل وصافى فى قرايتو
تقول ياليتو ياليتو
هموم الشعب فى بيتو
نجاملو نعزى فى ميتو
سى حميدنا سى فوقو
ليها الجنى واشوقو
طير الجنة من فوقو
يلم ويلاقى معشوقو
مدد يدينا من ذوقو
قالوا سفرك ابدى وطويل
يا رفاقه كفاى بيهديل
نغنى نبكى نقول حليل
وربى باقى على وكيل
ولى شفاعتك راجى بالحيل
انشاء الله تشرب سلسبيل
بنبقى عشرة وما اظن نميل
والتركتو كتير ما قليل
| |
|
|
|
|
|
| |
عمار محمد ادم
فيس بوك
تويتر
انستقرام
يوتيوب
بنتيريست