|
|
|
 Re: غفوة يا زميل .. ام هو إقتراحك يا منايا بطولة منام؟ (صور العزاء بجد (Re: قيقراوي)
|
[ربما في غفلة وفي تفريط نودع أناساً، رجالا كانوا عمد هذا الوطن. ولفرط ما منح أولئك حياتنا من ظل وريف وراحة فكر، ونعيم علم، نظن أن ظلالهم التي منعت شمس الجهالة أن تهطل علينا، باقية لن تزول، وكنا واهمين. أولئك قوم أدوا رسالتهم وعلمونا أن نقوى، وأن نشتد فكراً وساعداً وثبات قلب.. بصورة أدق، خلفوا علينا عبئاً، ظنوا أننا خليقين بحمله والسير به وتسليمه للأجيال في سباق مبادلة مع زمان أسحم، وعدد مبين جم الترصيد؛ ولكننا كنا دائماً نطلب عونهم و نبكي.. علمونا، فأخفقنا كثير أحيان.. عادوا يصلحون من شأننا فسقط جلنا دون أن يبلغ المراد.. صارعوا الاستعمار والظلم، فصارعنا أنفسنا.. ونسينا هذا الوطن.. آه ما أجل الأسى!]
بروف علي المك
| |
 
|
|
|
|
|
|
|
|
Re: غفوة يا زميل .. ام هو إقتراحك يا منايا بطولة منام؟ (صور العزاء بجد (Re: قيقراوي)
|
السيرة الذاتية: محمد ابراهيم نقد
* من مواليد مدينة القطينة 1930م تلقى تعليمه الاولى والوسطى بالعديد من مدن السودان حيث ظل متنقلاً مع عمه.
شارك في المظاهرات ضد الاستعمار عام 1946م إبان مرحلة الحراك السياسي لمؤتمر الخريجين. تلقى تعليمه الثانوى بحنتوب الثانوية وكان من بين زملاء دفعته الرئيس الاسبق نميرى. وشارك خلال الدراسة في المظاهرات التي كان ينظمها طلاب المدرسة المساندة للحركة الوطنية كالمظاهرات المؤيدة لإضراب الجمعية التشريعية.
* يؤمن بقيام دولة ذات نظام علماني.
* برزت ميوله للأنشطة الثقافية بالجمعية الأدبية، وكان مشرفاً على جمعية التمثيل والمسرح التي قدمت أعمالاً لخالد أبو الروس وشكسبير وجرجي زيدان.
* أكمل دراسته الجامعية ببراغ ( تشيكوسلوفاكيا سابقا) وتخرج من كلية الاقتصاد بعد أن فصل من جامعة الخرطوم كلية الاداب.
* عاد للسودان و تفرغ للعمل السياسى فى سكرتارية الحزب الشيوعى.
* اختفى لمباشرة مهام العمل السياسي السري بعد الإطاحة بالنظام الديمقراطي في 17 نوفمبر 1968م واعتقل لمدة عام.
* انتخب عضواً بالبرلمان عن دوائر الخريجين فى عام 1965م مرشحاً عن الحزب الشيوعي. ولم يكمل الدورة نسبة لصدور قرار حل الحزب الشيوعي وطرد نوابه من البرلمان.
* أصبح سكرتيراً عاماً للحزب الشيوعي السوداني عقب اغتيال عبد الخالق محجوب فى عام 1971م ثم اختفى من نظام مايوحتى انتفاضة ابريل 1985م.
* انتخب عضواً بالبرلمان عن الحزب الشيوعى السودانى عام 1986. وظل يباشر مهام العمل النيابي والسياسي حتى يونيو 1989م.
* باشر العمل السياسي حتى انعقاد المؤتمر العام الخامس للحزب الشيوعي السوداني في يناير 2009م حيث تم انتخابه سكرتيراً سياسياً للحزب الشيوعي.
* له العديد من المؤلفات: "قضايا الديمقراطية في السودان" و"حوار حول النزعات المادية في الفلسفة العربية الإسلامية" و"علاقات الأرض في السودان: هوامش على وثائق تمليك الأرض" و"علاقات الرق في اﻟﻤﺠتمع السوداني" و"حوار حول الدولة المدنية."
من اقوال محمد ابراهيم نقد
| |
|
|
|
|
|
|
|
|
|
Re: غفوة يا زميل .. ام هو إقتراحك يا منايا بطولة منام؟ (صور العزاء بجد (Re: قيقراوي)
|
(1)
الموت ياتو ....
الموت فال الأيام الختفت ريحة الطمى
العاطن صوتك
الموت مقلوب موتك
الموت ياتو .....
الموت يتشرف بيك
لو ساكت فكر فيك
الموت ياتو ...
الموت الميت حيلو
المخصى فحواه الصوت والضو
الهاو ضهبان في ودرة ليلو
العطشان نيلو..
الباحي صهيلو
الحاضر انت وغايب هو
الموت ياتو!؟
-----
حتى تجهز الصور ..
سأعيد هنا نشر : (حرائق الذات في شتاءات الغربة ..أو عمو الطيب كما غنته الأشجار) لعاطف انيس
| |
|
|
|
|
|
|
|
|
|
Re: غفوة يا زميل .. ام هو إقتراحك يا منايا بطولة منام؟ (صور العزاء بجد (Re: قيقراوي)
|
شايفك في غيمة شفيفة
ترش بيوضة بمطر الليل
في غنوة بتطلع بين رقراق الذكرى رهيفه
تونس كل أطفال الحلة المورودين عن معنى شليل
وكل ما فج عيونهم قبلي
صرّوا الامل
الوطن
العمل
الأسم الحركي لزمنا زين في جوف النيل
او يرشح نهرك عرق اصدافو
كنا نطمن مركب نوح من حلمو الشافو
وكان سورنا الدنيا هديل
شايفك واضح زي النخلة
هداية تقيف زي ألفاً أحمر
ومهما بتقسو عليها رياح الآهه
سبيطها تلمو
وتشر الضل لي زولا طاش
أشوفك باكر
في حالة صفو ألهي اخدر وباش
بتشاغل كل زميلة وجيهة رأي
تريانة وعاجنة العولمة بالقنديل
تقوم من نومها
تضاير يومها
تسن حلقومها
شان ما تجيك وتغني هموما
تخدر فيك الصفق الناشف
ونهش الطير لا ينقد عيشك
يلا يا سانده الله يلون غيمات ريشك .. الكهربا رجعت
شغلي غنية .. تنهر حزن الدنيا .. ورشي الحوش
بتحب ياتو .. كدي وريني؟
مصطفى سيد أحمد ولا أبو عركي؟
فيروز الدم ....
مارسيل الشوق
ولاجراح الطين في وردي الوارد من نيل كوش
ايوة ده كلو
وبرضو بحب غنوات الكاشف ... وتسكت فجاة ..( وحاجة كاشف )
وتكشف مبسوط عن وعي جميل بي بكره الأجمل
وباكر اجمل
باكر فارش في اسواق المعنى ضميرك
ودفء حضورك
يا هداي فلوكة الروح في الريح والعتمة
عارف للحيكون
لمن يصدق حدس الزمن الفيك
وتسأل ملهوف عن ضيفاً جاي
مين بيدق الباب يا هاشم
افتح سرعة ده يمكن هاشم
اسرع لاتكون تسمات الصيف جرحنو
ويجيك ترهاقا ... تيجاتي أشراقة
فاطنة السمحة
قاسم أمين الوعي الجمعي
أدريس جماع الحجز كرسى في رئتك
وراجي ... المطرة ... الهمس ... الأمس الضايع منو
سنوات العمر تجيك معتذرة
فرج فودة .... على القيوم ...... بابلو نيرودا
غارسيا ماركيز ..... عنبر جوده
وتجيك الطبقة العاملة عمايل
وما شاقيها
غير ما توازن شرط العدل المايل
ومين من بعدك
يا هباب الجمر الحي
يسند اوجاع الروح بي شعبو الراسية
أن مالت
وميت حيسرح فينا ضفيرة الغنوة الجاية
أو حيفل زي النيل من حظو العاثر
النيل الساكن جنبك
وجنب الصبر الساكن نيلك
وفارد موجو عليك جنحين
النيل معزوم عندك يوماتي
على خاطر طيب
شاي نديان
نشرة خبر الشوق العاتي
واكل بجيك ودران
بس اوعى تنوم بدري
يا سابق الكون بركعة حب
ده النيل مشتاق لقعدة معاك
لى ونسة تكلكل جلد المغرب ورملة حوشك
تتونس ولا هاميك البحصل
والراديو حوارك بجنبك
بتطوف في الونسة حواري الدنيا محطة .. محطة
تحكي وتحكي
بشجن مفضوح زي ضو بتراقص في النجمات
تحكي وتحكي
عن بذرة وعياً ... نبتت بدري ... في الشيخ البدري
وعن الغنوة الم منضبطة
عن مؤتمر الشهد التالت
عن حلف المانجو
ونادى الطل ... منتدى تلوين للفلاحين
جبهة هيئات الحب والثورة
وعن خرطوم بالليل مرتبطة
عاطف أنيس
فيلادلفيا .. 14 فبراير 2002
-------
منى التجاني يا صديقة البركة فيكم وفي كل الشعب السوداني ..
وترجل فارس آخر
ويبقى الوطن شامخاً كما ارادوا .. ابداً
| |
|
|
|
|
|
|
|
|
|
Re: غفوة يا زميل .. ام هو إقتراحك يا منايا بطولة منام؟ (صور العزاء بجد (Re: Nagat Sid Ahmed Elshiekh)
|
عاش متزن ونبيل
ذيو وذى اى زميل
كالخضرة فى الاشجار والموية جوة النيل
عاش متزن ذى نار خلوية عز الليل
تهدى الضهب واحتار والطاش بقتلو دليل
النار تجيب التار يومها التصير قنديل
زول لى طريقو اختار اختارو دغرى عديل
ماصد...لاوز...تار نفَسو التملى...طويل
وغير الغبش مااختار جيهةً عليها يميل
حياة ضاجة .. مأثرة انسانية باهرة
مثابرة ونبل خرافي .. و اقدام اسطوري
ورحيل هادئ تماماً
يا الله يا نجاة
يا الله ياخ!!
--------
وداعاً حبيب الجماهير
ليرقد جسدك الذي انهكته السنين وجور السلاطين المتسلطين بسلام .. أخيراً
ولتحلق روحك عالياً ..
اقري السلام روح حميد صاحب الابيات .. ولعلي فضل
والى لقاء يا رفاق
| |
|
|
|
|
|
|
|
|
|
Re: غفوة يا زميل .. ام هو إقتراحك يا منايا بطولة منام؟ (صور العزاء بجد (Re: rummana)
|
Quote:
هي الدنيا فانية هم السابقون ونحن اللاحقون وكل ملاقِ ربه يوم القيامة حين تشهد علينا صحائفنا واعمالنا في الدنيا
|
احسن الله عزاء الجميع يا رمانة
يا سلام ياخ على وداع زي :
[ماك الوليد العاق .. لا خنت لا سراق]
"وجبت" على قول الرسول الكريم واضاف "انتم شهود" ..
هنيئاً لما سار على سيرته بنقاء سريرته
----------
إِنَّكَ مَيِّتٌ وَإِنَّهُمْ مَيِّتُونَ(30 الزمر)
مَيِّتٌ (بتشديد الياء) دا تشملنا كلنا (من ننتظر)
نسأل الله حسن الخاتمة
| |
|
|
|
|
|
|
|
|
|
Re: غفوة يا زميل .. ام هو إقتراحك يا منايا بطولة منام؟ (صور العزاء بجد (Re: قيقراوي)
|
عليك صبر السنين الراح
تجر توب الرجوع بشيش
قرب بين خطاويك
إذا كل الأماني صباح
ولا تسأل تقول شقيش
تلاقي القمرا في السهله
ولا تسأل ضمه عن أصلها
لأنك صاح
خاتر في البلود حاقب
دعا الامات قدر حلم
اللي جاي تعيش
سينيك يابا من واقفات
ولا كان الأمل مافيش
قبل ياخ علي وطنك
وخش بشويش علي مهلك
وعيش الجأي من افراح
الجميل قيقراوى عزاءتنا للاهل والعشيرة بالقطينة ولكم ايها الافاضل
نسال الله ان يتقبله وان يسكنه فى علييين .
| |
|
|
|
|
|
|
|
|
|
Re: غفوة يا زميل .. ام هو إقتراحك يا منايا بطولة منام؟ (صور العزاء بجد (Re: حسين يوسف مكى)
|
حسين يوسف يا جميل
بكرة الشفناك طيب .. بي جاي كمان
احسن الله عزاء الجميع
والبركة في البلد
Quote:
عزاءتنا للاهل والعشيرة بالقطينة ولكم ايها الافاضل
نسال الله ان يتقبله وان يسكنه فى علييين .
|
بالمناسبة كان في وفد كبير جداً من رابطة القطينة، حسب معلوماتي انو اقاموا عزاء بحي السامر ..
وحضروا للعزاء بالمها ايضاص .. للاسف يبدو انو الاخ الصور ما اخد صورهم ..
اذكر جيداً انهم غادروا قبل حضور العشاء
ربنا يتقبل من الجميع
وحار عزاءنا لكل اهل الفقيد بالقطينة .. ولكل الشعب السوداني
| |
|
|
|
|
|
|
| |
قيقراوي
الفاتح سليمان
Asim Fageary
سيف النصر محي الدين
Nagat Sid Ahmed Elshiekh
rummana
أمين محمد سليمان
Ashraf el-Halabi
فيس بوك
تويتر
انستقرام
يوتيوب
بنتيريست