كتب الكاتب الفاتح جبرا المتوفرة بمعرض الدوحة
|
|
 طلب مساعدة عاجل
|
ما لي زول عيان
و الكثيرين قد يرونه طلب مترف مني
أنتِ و لّا اطفال المايقوما و الناس العيانة و جعانة و مالاقية تاكل ديل ؟؟؟
معاكم حق
|
|
 
|
|
|
|
|
|
|
 Re: طلب مساعدة عاجل (Re: سلمى تاور)
|
ما ماتوا
سوسن اختي قالت لي ما تبكي يا سلمى
انت بتكبي ليه ؟؟؟
هم ديل كانوا عاديين زينا عشان يموتوا و نبكي عليهم زي ما بنعمل مع الناس العاديين ؟؟؟
لأ
ديل كدة وصلوا مرحلة الخلود
حنحتفل بخلودهم
و نخلدهم أكتر وأكتر وأكتر
| |
|
|
|
|
|
|
|
|
|
Re: طلب مساعدة عاجل (Re: سلمى تاور)
|
انا عايشة في باكستان
طالبة
لي الناس المابتعرفني
في مدينة حيدراباد الباكستانية
لمن مات ، لأ ما مات
لمن رحل وردي لي مرحلة الخلود كل العملتو اني بكيت
بكيت كتير و لأيام
و بعدها أتملكتني فكرة واحدة بس
أنو ما ممكن باقي الناس تمر على الحدث دة عادي كدة
لأنو حدث ما عادي
ولازم يتخلد في ذاكرة العالم بعمل ما عادي
و بما أني عايشة في بقعة من العالم دة تبقى دي مهمتي في الحتة الانا عايشة فيها
وسط المجتمع الانا عايشة فيهو .
دة كان وردي
أبوي وردي
فكيف لمن يحصلوهو باقي آبائي
ابوي حميد ، و ابوي نقد ؟؟؟
| |
|
|
|
|
|
|
|
|
|
Re: طلب مساعدة عاجل (Re: سلمى تاور)
|
حاولت طرق كتيرة عشان اجمع دعم للعمل دة
بس كلها ما كانت مجدية
ليس لضخامة المبلغ
كل المحتاجين ليهو 2000 دولار
لكن لأن كل الطرق الجربتها بتقيس بمقياس الربح و الخسارة
و مقايسهم للربح و الخسارة مقاييس مادية بحتة
حأستفيد شنو انا لمن ادعم عمل زي دة ؟؟؟
ياااااااااه
السؤال دة سمج .
| |
|
|
|
|
|
|
|
|
|
Re: طلب مساعدة عاجل (Re: سلمى تاور)
|
سلمى يا صديقة
ثلاثتهم احتفوا بنا، حملوا همومنا
وكانوا صوتنا
فإنها لحظة وفاء تندهنا جميعا
" ياااا ثلاثتهم عز المحن"
أدعوكم شعب سودانيز اون لاين لتبني وقفة الوفاء هذه
يا بكري
ياااااااااا كلكم
تعالوا "نحتفي" بارتقاء خيارنا مدارج السماء
| |
|
|
|
|
|
|
|
|
|
Re: طلب مساعدة عاجل (Re: nadus2000)
|
Quote: أدعوكم شعب سودانيز اون لاين لتبني وقفة الوفاء هذه
يا بكري
ياااااااااا كلكم
تعالوا "نحتفي" بارتقاء خيارنا مدارج السماء |
وانا ادعوهم معك يا نادوس
فليس أحق من شعب سودانيزاون لاين للأحتفاء بهم
| |
|
|
|
|
|
|
|
|
|
Re: طلب مساعدة عاجل (Re: مبارك محمد عثمان)
|
سلمى ...
ندعم الفكرة النبيلة، لكن .....
| Quote: لكل من يريد الاستفسار عن تفاصيل العمل |
ليه ما يكون كل شئ هنا ..... تحديداً في هذا البوست ....
تفاصيل العمل ... المقترحات ... المطلوب من كل واحد ... إلخ.
سلمتي.
| |
|
|
|
|
|
|
|
|
|
Re: طلب مساعدة عاجل (Re: سلمى تاور)
|
Quote: ليه ما يكون كل شئ هنا ..... تحديداً في هذا البوست ....
تفاصيل العمل ... المقترحات ... المطلوب من كل واحد ... إلخ. |
مرحب ابوالريش
أسعدني حماسك جداً
البرنامج لمن بدينا الترتيب ليهو كان لتأبين الراحل وردي
اطلقنا عليه اسم مهرجان الطير المهاجر
لتأبين وردي الوطن
سيحتوي البرنامج على
معرض تشكيلي عن الراحل بمشاركات من تشكيليين من الطلاب
ندوة عن الراحل مقترح الشاعر جمال حسن سعيد لتقديمها
و فقرة غنائية سيحيها الفنان أمير موسى بأداء بعض اعمال الراحل
الميزانية المطلوبة لتغطية كافة تكاليف العمل دة 2600 دولار
تحصلنا لحدي الان على 500 دولار منها فقط .
المطلوب دعمكم المادي لأنجاح هذا العمل و تبنيكم له .
| |
|
|
|
|
|
|
|
|
|
Re: طلب مساعدة عاجل (Re: عاطف عمر)
|
Quote: تحياتي وسلامات عزيزتي سلمى
رحم الله عظامنا الكرام الذين فقدنا وأكرم وفادتهم |
مرحبا عزيزي عاطف
و نحن نحتاج رحمته يا عزيزي ففقدهم أدمى قلوبنا
Quote: مع الصديق أبو الريش في تساؤله المنطقي
فحيث أن الموضوع قد أثير في المنبر العام
فالأصح أن تنشر تفاصيله ويناقش في المنبر العام
سوف يمضي معك من يقتنع بالفكرة
وقد يضيف لكما ثالث أبعاد لم تكن في أساسيات رؤاكم
في تلاقح الأفكار ثراء |
و أنا اتفق مع تساؤلكما و أحيلك لردي على صديقنا أبوالريش
و رقم الهاتف و الايميل لمن يريد التفاصيل المملة و المملة جداً للعمل
اسعدني اهتمامك كثيراً
| |
|
|
|
|
|
|
|
|
|
Re: طلب مساعدة عاجل (Re: زهير الزناتي)
|
العزيزة الدكتورة سلمى تاور ,, لك تحية خاصة على هذا العمل الكبير ونعم هم يستحقو ان نفرد لهم مساحات واسعة في دواخلنا وفي واقعنا فقد قدمو الكثير لذا وجب رد الجميل لهم ,, والشكر لكي وانتي تناضلين في بلاد الغربة وكما قيل ،، الغربة اقسى نضال ،،، على العموم بإذن الله بينا تلفون ونؤكد دعمنا لكم ,,
تحياتي : ياسر العيلفون
| |
|
|
|
|
|
|
|
|
|
Re: طلب مساعدة عاجل (Re: ياسر السر)
|
جهد مقدر وعمل يجب ان ندعمه جميعا كل بما يستطيعه.... وارجو ان تتبني سودانيز اون لاين هذا العمل
فهو عمل يستحق ان تتشرف عضوية سودانيز اون لاين بالعمل علي انجازه بوجه يرفع من قامة هذا المكان
الذي انطلقت منه الفكرة..... اي جنيه دولار ريال درهم يورو او اي عملة اخرى يمكن ان تفعل شيئا مفيدا ليتم
انجاز هذا المشروع بوجه مرض....ارجو من الاخت سلمى تحديد رقم حساب يمكن كل من يرغب في المساهمة
من ارسال مساهمته به.
رحم الله مبدعنا وردي وشاعرنا الجميل حميد ومفكرنا الجليل الاستاذ نقد
شكرا سلمي وشكرا لكل داعم للفكرة
وسلم سوداننا الحبيب بكم
| |
|
|
|
|
|
|
|
|
|
Re: طلب مساعدة عاجل (Re: نوفل عبد الرحيم حسن)
|
زهير
ياسر
الخير
نوفل
شكرا شكرا شكرا على تفاعلكم مع الموضوع
و فرحانة بيكم جدا والله .
طيب و عشان نكون عمليين
انا بصراحة ما عندي أي خبرة في التعاملات النقدية دي
بس بالنسبة لباكستان هنا اسهل و اسرع طريقة لتحويل القروش
هي شركات التحويل زي الويسترن يونين و الوول استريت
خصوصا بالنسبة للتحويلات من الخليج
فأنا بقترح أنو من كل دولة يكون في متطوع يشيل المبلغ البتجمع و يرسله
و تترسل المبالغ لي شخصين او تلاتة من اعضاء اللجنة المنظمة للحفل
لسرعة و تسهيل العمل .
| |
|
|
|
|
|
|
|
|
|
Re: طلب مساعدة عاجل (Re: عبدالمجيد الكونت)
|
تسلم لي يا الكونت
حماسك اسعدني جداً
الشكر ايضاً لرجل المهمات الصعبة
الباشمهندس ناصر الامين و الذي تطوع بالقيام بمهمة جمع التبرعات
من البورداب المقيمين في دولة الامارات الراغبين في الدعم و إرسالها
ارجو منهم الاتصال به .
ان شاء الله يوم شكرك ما يجيك يا ناصر
| |
|
|
|
|
|
|
|
|
|
Re: طلب مساعدة عاجل (Re: سلمى تاور)
|
لك التحية يا دكتورة سلمي و انتي تقومين بهذا الجهد المقدر في بلاد الاستان
لنا ان نحتفي بهم و نشكرهم و نرفع صورهم عالية كما كانت هاماتهم في ارجاء كل الكون.
لا يهمنا شئ سوي ان نقول حسن سيرتهم و نذكر عمق حبهم و نضالهم من اجل شعبهم و ندعو بأن رحمة الله تغشاهم.
الي جميع بورداب الامارات: من اراد المساهمة في مشروع سلمي فدونكم رقم هاتفي لنرسل المساهمات مجتمعة. و لكم الشكر.
| |
|
|
|
|
|
|
|
|
|
Re: طلب مساعدة عاجل (Re: ناصر احمد الامين)
|
اها صارت عندك ايادي في كل العواصم الآربعة المستهدفة بالخير وفرصة المشاركة
من الأمارت عندك : ناصر الأمين وده ممكن يغطي أبوظبي
وكلفيه يشوف عبدالله كسلا وعصام علي احمد لدبي
دوحتنا ، عندك نادوس ومحمد ابوالعزائم
لكن بحذرك من كيكي و ابو ساندرا ، بيلهفوا المبلغ
السعودية قسميها لرياض وجدة ، وخلى الفوكالبوينت معاوية عبيد
أنتو صحي ابوشنب الزناتي ده في ياتو بلد ؟
مسقط زمان كان فيها فضيلي جماع و عائشة مبارك ، هسع ماعارف القاعد فيهم منو
| |
|
|
|
|
|
|
|
|
Re: طلب مساعدة عاجل (Re: أبو ساندرا)
|
الاعزاء ناصر و ابو ساندرا
مرحباً بكم
| Quote: مسقط زمان كان فيها فضيلي جماع و عائشة مبارك ، هسع ماعارف القاعد فيهم منو |
مسقط يا ابوساندرا فيها احلى الناس
مولانا ودالمرتضى و د.قرشي و أستاذنا الجمبل الطيب شيقوق
و رائعين غيرهم .
أتمنى ان يجد هذا البوست حظه في الاطلاع من قبلهم .
| |
|
|
|
|
|
|
|
|
|
Re: طلب مساعدة عاجل (Re: سلمى تاور)
|
جمعية سوداباك الثقافية / طلاب السوادن بباكستان
و أعضاء منبر سودانيز اون لاين دوت كم
وطن من لا وطن له
مهرجان الطير المهاجر لتأبين عظماء الوطن
محمد عثمان وردي
محمد الحسن سالم حميد
و محمد ابراهيم نقد
فقرات البرنامج
معرض تشكيلي
ندوة يقدمها الشاعر جمال حسن سعيد
الفنان أمير موسى و أداء بعض اغنيات الراحل
كورال
تكاليف الحفل
تذكرتين سفر من الخرطوم الى كراتشي و بالعكس_قيمة التذكرة الواحدة $600
إجراءات الفيزا $300
إيجار القاعة + الاجهزة +الالات الموسيقية +التصوير $450
الاعلان للحفل ، بوسترات + مطويات +لوجو لخلفية المسرح $200
المعرض : لوحات فردية + عمل جماعي كبير $150
أخر $200
التكلفة الكلية $2500
| |
|
|
|
|
|
|
|
|
|
Re: طلب مساعدة عاجل (Re: سلمى تاور)
|
وصلني لحد الان مبلغ 500$
و المتبقي 2000$
انا بقترح انو ممكن يتقسم على 4 حتات
و مستهدفة الخليج عشان التحويل لباكستان ساهل
400$ من عمان
400$ من قطر
600$ من الامارات (300 دبي و 300 ابوظبي)
و 600$ من السعودية (300 من جدة و 300 من الرياض)
و طبعا الناس القاعدين في المناطق دي قادرين يعرفو واقعهم اكتر مني وممكن يشوفو شكل التقسيم المناسب
دة كان مجرد مقترح مني .
| |
|
|
|
|
|
|
|
|
|
Re: طلب مساعدة عاجل (Re: سلمى تاور)
|
سلامات يا بتنا
من افضل الحاجات انه المبالغ دي تجمعوها انتو
1- ببيع المشروبات وغسل العربات في الجامعة الخ الخ
2- الشركات مثلا تختاروا الخطوط الجوية الاماراتية تتصلو بيهم توروهم برنامجكم وتكلموهم بالتذاكروسيذكر اسمهم في الحفل او في الخلفية بتاعة التذاكر او المسرح
طبعا الان لضيق الوقت ما عندكم زمن لذلك ولكن من الان فصاعد افضل حاجة هي ان يتشارك كل الطلاب ويعملوا اتصالات بالشركات العايزة تعلن برضو
وشركات الهاتف في السودان..
ونتمنى ليكم التوفيق
| |
|
|
|
|
|
|
|
|
|
Re: طلب مساعدة عاجل (Re: د.نجاة محمود)
|
مرحباً د.نجاة
Quote: من افضل الحاجات انه المبالغ دي تجمعوها انتو
1- ببيع المشروبات وغسل العربات في الجامعة الخ الخ
2- الشركات مثلا تختاروا الخطوط الجوية الاماراتية تتصلو بيهم توروهم برنامجكم وتكلموهم بالتذاكروسيذكر اسمهم في الحفل او في الخلفية بتاعة التذاكر او المسرح
|
عارفة يا دكتورة هي الفكرة ما مجرد دعم بقدر ماهو رغبة مننا في تبني عضوية سودانيز اون لاين لهذا العمل
يعني خلفية المسرح دي لمن يتكتب فيها أعضاء منبر سودانيز اونلاين يحتفلون بالعظماء
اتخيل لي مناسبة مع الحدث اكتر من طيران الامارات او MTN
مقترحك بتاع المشروبات و العربات دة لطيف ، بس للأسف واقع باكستان هنا مختلف عن أي مكان تاني
تفاصيل الجامعات هنا ما بتسمح بمظهر زي دة .
أشكرك جدا على مشاركتك .
| |
|
|
|
|
|
|
| |
سلمى تاور
معاوية عبيد الصائم
nadus2000
مبارك محمد عثمان
محمد أبوالعزائم أبوالريش
عاطف عمر
زهير الزناتي
ياسر السر
الخير محمد عوض
نوفل عبد الرحيم حسن
ناصر احمد الامين
أبو ساندرا
فيس بوك
تويتر
انستقرام
يوتيوب
بنتيريست