|
|
|
 Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: Asim Fageary)
|
يا معاوية في إنتظار مداخلتك بعد أن تقف على المداخلة التي ذكرت أنها ببوست مجاور!!
تعرف حسنة إنك إكتسبت عضوية سودانيز أونلاين شنو يا معاوية
لأن أسلوبك البتمارسو في حياتك الفعلية مع الناس ومنذ أن عرفتك ما كان بيتوثق
وفي ناس كتار في الدنيا دي بيمشوا بمزاجهم
وما بيحبوا يحكوها ويكشفوا مساوئ الناس
لكن إنت في سودانيز أونلاين أصبحت توثق
لكيفية تعاملك مع الناس
وأصبحت توثق لطريقتك في تناول الأمور
ودي هي القشة التي قصمت ظهر البعير بالنسبة ليك
وطالما إنت عاوز كدا بإرادتك
فلك ما أردت
| |
 
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: Asim Fageary)
|
| Quote: حسب ماعرفت ان المرحوم حميد كان في طريقه للخرطوم للمشاركة في احتفالات شركة "زين" للاتصالات بعيد الأم وتدشين ديوان "بحر المودة" للشاعر السر عثمان الطيب. |
والله حيرتونا يا ناس الحكومه
تستثمروا في الموت
امس في قناة النيل الازرق قالوا المرحوم في طريقو للخرطوم عشان يشاركهم في احتفالات تخصهم هسع ظهرت شركة زين
دعوا روح الشاعر ترقد بسلام وادعوا له بالرحمه
العذاب حي وميت من الكيزان
لاحول ولاقوة الابالله
ماغريبه من الحكومه اذا كان استثمروا في الدين المقدس باعوا واشتروا وعرسوا في شهداءهم
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: Haju Muktar)
|
Quote:
الخرطوم: الصحافة : لقي الشاعر محمد الحسن سالم حميد، مصرعه في حادث سير على طريق شريان الشمال صباح امس، وكان الشاعر في طريقه من نوري بالولاية الشمالية إلى الخرطوم، ونقل الجثمان إلى مشرحة أمبدة في أمدرمان. وشيع الجثمان إلى مقابر البنداري بضاحية الحاج يوسف شرقي الخرطوم.
ووقع الحادث عند الكيلو 167 في الطريق القومي «شريان الشمال» وكان الشاعر في طريقه إلى الخرطوم للمشاركة في احتفالات شركة «زين» للاتصالات بعيد الأم وتدشين ديوان «بحر المودة» للشاعر السر عثمان الطيب.
وعرف الشاعر حميد بقصائده التي طوع من خلالها العامية السودانية، متناولاً عبرها مواضيع السلام والحرية والبسطاء.
|
الخبر في جريدة الصحافة
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: عبدالمجيد الكونت)
|
الى كل ابواق النظام نحن لانستبعد من هولاء الفسدة اى نوع من الخساسة و الحطة ..
كلنا تلقينا مثل هذه الاشاعة ولم نتعامل معها لاننا اكثر الناس ايماناً بالقضاء والقدر
ومع عظمة الفقد الا انه كلما مات منا مناضل خرج الف مناضل اخر وتظل القضية
التى مات حميد وهو يحمل رايتها باقية الى ان يصبح الصبح .
هب اننا كتبنا ان هنالك عربة كانت تطارد العربة التى تقل حميد هل هذا مستبعد من
نظام لايعرف الا البطش والتنكيل بالشرفاء؟
معاوية لاتلتفت الى هولاء الوصوليون فقريباً ستشرق شمس السودان..
شكراً للتبصير،،،،
| |
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: صديق الموج)
|
ود الصايم
البركة فينا و فيكم و في شعبنا الصابر.
موت حميد حااااااار لكنه قدر رب العالمين, و كل نفس ذائقة الموت.
المشكلة, ناس الامن ما فاهمين كدة, و قايلين ان الدنيا دايمة للبشير, وزي ما اول امبارح فتحو بوست يتاجروا بالتقرير الطبي خاصة الاستاذ نقد, اكيد هم ورا الاشاعة.
صدقني, هم ما عارفين الصاح من الغلط, و قايلين انه كل موية محل للصيد!
الشعب واعي يا معاوية, و الشعب مؤمن بقضاء الله و قدره, و متاكد انه لم يعقر ولسع خصب, و بدل حميد حايكونوا مليون حميد.
لكن مهم انك نبهت الناس, عشان ما تقع في مصيدة جهاز الامن السعران.
سنحزن على حميد كما ينبغي. و نؤمن بان الموت حق على كل نفس, و ان الحادث و ان كان قضاءا و قدرا, فان للانقاذ يد في قتل الاف الانفس في طريق شريان الشمال, فهم من شيده و تلاعبوا بميزانية الطريق. و شيدوه ضيقا لا يكاد يحتمل عربتين متوسطتين, و لا توجد رقابة على السرعة, او اجراءات سلامة لحفظ ارواح الشعب, لكنهم حولوا ميزانية الطريق لحسابات تدر عليهم الارباح الربوية في بنوك ماليزية و بنغلاديش و غير ذلك.
تاني شكرا كثيرا على التنبيه.
ولن يجد ناس الامن و اذنابهم طريقة ليفسدوا علينا الوقوف امام جلال من رحل.
--------------
بعدين ياخ خليك من عاصم فقيري ياخ, يمكن يكون قاعد يدفع ليك اشتراكات سودانيز, عشان كدة عايزك تفوت.
عاصم دا زولنا و لو تشابهت عليه البقر!
| |
|
|
|
|
|
|
|
|
 Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: بدر الدين احمد موسى)
|
Quote: الناس دي زعلان في شنو
ولا ما تعرف بس مترصدين معاوية ..بي سبب وبدون سبب
|
زعلانين يا كونت لأنو دا غباء حكاية إنك أي إشاعة تجي تنشرها في موقع زي دا...!!!!
أما عن حكاية مترصدين دي أنا عن نفسي مترصدو..... اها إنت رأيك شنو بعد كدا...؟؟؟؟
Quote:
انا أول زول نزل الخبر الفاجعة هنا ... بعد ما تأكدت من موته ... وبرضو الاشاعة جاتني برضو (يمكن بي طريقة تانية )
|
لم وصلتك الإشاعة ما جيت جاري زي الشفع و فتحت بيها بوست ليه ...؟؟؟ ما أهو إنت زيو واحد....!!!!
Quote:
معاوية غلطان في انه حاول ينفي الاشاعة بالبوست ده .... غلطان تكتيكيا وده ما من مصلحة المعارضة (ده رأي الشخصي) ....
|
حلوة تكتيكياً دي لميت فيها وين و جايي تقشر بيها فينا ....
Quote:
انتو زعلانين مالكم وفي شنو |
و إنت دخلك شنو نزعل أو نتُف في البوست دا ...؟؟؟؟
.
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: ABUHUSSEIN)
|
Quote:
زعلانين يا كونت لأنو دا غباء حكاية إنك أي إشاعة تجي تنشرها في موقع زي دا...!!!!
أما عن حكاية مترصدين دي أنا عن نفسي مترصدو..... اها إنت رأيك شنو بعد كدا...؟؟؟؟
لم وصلتك الإشاعة ما جيت جاري زي الشفع و فتحت بيها بوست ليه ...؟؟؟ ما أهو إنت زيو واحد....!!!!
حلوة تكتيكياً دي لميت فيها وين و جايي تقشر بيها فينا ....
و إنت دخلك شنو نزعل أو نتُف في البوست دا ...؟؟؟؟
|
ما عندي شئ اقوله ليك يا ابوحسين ...غير شكرا جزيلا على اللغة دي
ثم ان معركتي ليست معك ,,,,
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: عبدالمجيد الكونت)
|
Quote: ود الصايم
البركة فينا و فيكم و في شعبنا الصابر.
موت حميد حااااااار لكنه قدر رب العالمين, و كل نفس ذائقة الموت.
المشكلة, ناس الامن ما فاهمين كدة, و قايلين ان الدنيا دايمة للبشير, وزي ما اول امبارح فتحو بوست يتاجروا بالتقرير الطبي خاصة الاستاذ نقد, اكيد هم ورا الاشاعة.
صدقني, هم ما عارفين الصاح من الغلط, و قايلين انه كل موية محل للصيد!
الشعب واعي يا معاوية, و الشعب مؤمن بقضاء الله و قدره, و متاكد انه لم يعقر ولسع خصب, و بدل حميد حايكونوا مليون حميد.
لكن مهم انك نبهت الناس, عشان ما تقع في مصيدة جهاز الامن السعران.
سنحزن على حميد كما ينبغي. و نؤمن بان الموت حق على كل نفس, و ان الحادث و ان كان قضاءا و قدرا, فان للانقاذ يد في قتل الاف الانفس في طريق شريان الشمال, فهم من شيده و تلاعبوا بميزانية الطريق. و شيدوه ضيقا لا يكاد يحتمل عربتين متوسطتين, و لا توجد رقابة على السرعة, او اجراءات سلامة لحفظ ارواح الشعب, لكنهم حولوا ميزانية الطريق لحسابات تدر عليهم الارباح الربوية في بنوك ماليزية و بنغلاديش و غير ذلك.
تاني شكرا كثيرا على التنبيه.
ولن يجد ناس الامن و اذنابهم طريقة ليفسدوا علينا الوقوف امام جلال من رحل.
--------------
بعدين ياخ خليك من عاصم فقيري ياخ, يمكن يكون قاعد يدفع ليك اشتراكات سودانيز, عشان كدة عايزك تفوت.
عاصم دا زولنا و لو تشابهت عليه البقر! |
يا بدر الدين
بعد التحية
ياخي ما تخليك حقاني
يعني إنت شايف البوست دا كان في ليهو داعي
؟
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: Asim Fageary)
|
Quote: الناس دي زعلان في شنو
ولا ما تعرف بس مترصدين معاوية ..بي سبب وبدون سبب |
دا ما كلامك يا كونت .....؟؟؟؟؟
و بعدها قلت :-
| Quote: معاوية غلطان في انه حاول ينفي الاشاعة بالبوست ده .... غلطان تكتيكيا وده ما من مصلحة المعارضة (ده رأي الشخصي) .... |
يعني إنت رأيك إنو هو غلطان و قبلها تسأل الناس زعلانين في شنو ... و مترصدنو بي سبب و بدون سبب ....؟؟؟؟
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: د.نجاة محمود)
|
عاصم فقيري
بعد التحية;
"يا بدر الدين
بعد التحية
ياخي ما تخليك حقاني
يعني إنت شايف البوست دا كان في ليهو داعي"
يا عاصم لو اي حاجة الناس شايفة انه مافي ليها داعي بديها حق تدخل و تقرع اي انسان كانت الدنيا جاطت!
بكل امانة انت اتجنيت على معاوية في البوست دا.
كان ممكن تدخل البوست, و لو ما عجبك, تطلع منه و تقرش ليمونة. لكن ما عندك حق انك تقول الكلام الانت كتبته فوق لانك تعديت على حق اساسي من حقوق الانسان; الا وهو حرية التعبير!
بعدين ما متوقعة من زول- في نهاية التحليل- مفروض يكون برضو صاحب وجعة. يعني افهم ناس الامن تكون عندهم مصلحة في منع معاوية من الكتابة, و بكل السبل; من ملاحقته و الاساءة اليه بصورة مستمرة, الي اللجوء لاي من اساليبهم المعروفة لديك و لدى الناس. لكن انت مصلحتك شنو في ان معاوية يتوقف عن الكتابة?
بوستات معاوية مقروءة لعامة الشعب السوداني, وهو قاصد ان يوصل ما يراه مهم للناس, و صدقني ناس الامن اول حاجة بفتحوها في سودانيز دي هي بوستات معاوية الصايم; لانها البوستات تكاد تكون الوحيدة التي تركز على فضح الامن و الكيزان, و لانها ماسكاهم من يدهم البتوجعهم. لذلك يدخلون و يحاولون جر بوستاته للسباب و الشتائم و معاوية زول محترم, و يتغاضى عنهم لذلك يتجرأوون عليه, و انت تعلم بانه لو بادلهم اسلوبهم لتوقفوا من زمن.
لو بوستاته ما بتعجبك ما تدخلها. و ما في داعي لمد يد العون لاعدائك ليخنقوا صوتك بخنق معاوية.
انا مثلا, يا عاصم, في ناس لا ادخل بوستاتهم و الله لو شتتوا فيها الذهب, و ناس لا اتداخل معهم اطلاقا و اكفيهم شري باني لا اتداخل معهم و لا ادخل بوستاتهم, و لو صادفتهم في بوست بوسع اللف,ة و لا اعطي نفسي حق الدخول عليهم و اعطائهم دروس لانهم يكتبون ما لا يعجبني.
يخيل لي انت قلت انك زول ديمقراطي, و حق التعبير من الحقوق التي يحفظها الديمقراطيون لخصومهم, قبل انفسهم.
خلي معاوية في حاله, دا لو ما ساعدته في حملته على الفساد و المفسدين.
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: عبد الصمد محمد)
|
Quote: الفكرة من الاشاعة ان تصل للمنابر ..وتفتح البوستات حولها ليظهر بعد ذلك حماة الفضبلة ونفيها
لتكرار تجربة طالب الاهلية .....عليه كان من الواجب التحذير |
ازيك يا معاويةو ان شا الله البركة فيكم و جبر الله كسركم...
وهو الحصل شنو في تجربة طالب الأهلية؟!
هل خلاص كنفيرمد إنو إشاعة موت الطالب كانت مقلب من الأمن؟ يعني ما في احتمال انها كانت اشاعة عادية من خيال زول عادي ساي ؟
وتوابعها طيب بتاعة حصار المشرحة و شنو ما عارف برضهن من الأمن ولا كيري ساكت كانن؟
ثم نرجع لإشاعة حادث حميد رحمة الله عليه, انت سمعت شنو؟ مطاردة العربية بغرض المتابعة كانت أو الإعتقال ربما ولاّ الغرض الأساسي منها كان تدبير الحادث؟
غايتو كان فعلا الإشاعة مصدرها الأمن يكون بالغوا والله
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: محمد البشرى الخضر)
|
Quote:
Quote: يعني إنت شايف البوست دا كان في ليهو داعي
انت يا عاصم منو البحدد فلان يكتب شنو وبتين؟ |
ما أنا القلت إني تركت المنبر
إنت القلت ليلاً ونسيت كلامك صباحاً
وهذا الرد ليك ولبدر الدين أحمد موسى
الحاجة التانية أنا ردي دا يعتبر المداخلة الوحيدة في بوستات معاوية عبيد
وردي يقرأ مع كثير من بوستات معاوية عبيد
التي تتناول الخاص والعام في قدح واحد
وتخلط بين الأشياء
ولا أريد الذهاب إلى مزيد من التفاصيل
معاوية عبيد أنا بعرفو عن قرب
ومعاوية عارف إني بعرفه
إلا لو عاوز ينكر دي
دا يبقى شيء تاني
وبعدين الإشاعة دي أكثر من يروج لها هو م ينقلها
ما سمعنا إنو في إشاعة بحذروا منها قبل ما تنطلق
ودا السبب الخلاني أسأل هل هنالك داعي لهذا البوست؟
إنشاء الله يكون كلامي مفهوم
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: Asim Fageary)
|
Quote: ما سمعنا إنو في إشاعة بحذروا منها قبل ما تنطلق
|
يعنى يا عاصم الناس الفوق القالوا سمعوا الاشاعة دى برضو سمعوا بيها
قبل ما تنطلق
بعدين وين ان نكرت انى ما بعرفك ...؟؟؟؟؟
ياعاصم الفكرة من البوست ..خوفا من تكرار اشاعة طالب الاهلية...
الاشاعة التانية كمان ..انو جهاز الامن لعب فى لساتك العربية المعنية
سبب الحادث...يعنى كان ممكن مع انتشار الاشاعة دى وحزن الناس.
مع تاريخ هولاء القتلة ..فى الغدر والخيانة ..يلم فيها زول ويفتح بيها
خيط فى اى منبر وبعد داك تتناقل بين المنابر ....ويظهر امنجية المنابر
صناع الاشاعة ....للنفى ...وضرب مصداقية الناس ....وتبقى الحلقة
التانية لنجاحات ...كـــــــــلاب الامن ....فى (فن) الاشاعة...
دى فكرة يا عاصم ...
اها يا عاصم قلت وغيرت كلامى .وين المشكلة؟
Quote: ما أنا القلت إني تركت المنبر
إنت القلت ليلاً ونسيت كلامك صباحاً
|
دى يا عاصم فقيرى ما سمعتها منك مباشر يطرشنى عديل ..
وبرضو من حقك ما تدخل ...ووين الخاص الانا ..طرحتو ؟
Quote:
وردي يقرأ مع كثير من بوستات معاوية عبيد
التي تتناول الخاص والعام في قدح واحد
وتخلط بين الأشياء
ولا أريد الذهاب إلى مزيد من التفاصيل
|
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: محمد البشرى الخضر)
|
وكانت (حريات) في خضم ذلك الحدث الجلل الذي أحاط بمشاعر السودانيين يوم أمس. وتنقل منه لقطات وعبرات.
احتشد المئات بمشرحة أمدرمان وهم مذهولين محزونين ، وكعادة الأجهزة الأمنية وخوفها من الشرفاء بدأت قواتهم تتدفق على المكان وغالبهم يرتدى الملابس المدنية يضللون الناس حول مكان وتوقيت العزاء لمنع تحول تشييع حميد لتظاهرة ، وقد ابتدرت مجموعة من الشابات الهتاف لتخرج عربة الإسعاف وسط الهتاف بحرية سلام وعدالة إحدى أبيات قصيدة لحميد . وقاطعت العناصر الأمنية المشيعين وبدأوا يصرخون بالناس ان يقرأوا الفاتحة ويهللوا بلا اله الا الله ليوقفوا الهتاف الا ان المشيعين واصلوا طريقهم حتى الشارع الرئيسى وهم يهتفون باكين ، فبحسهم الديني والاخلاقي والانساني عرفوا بان وحدانية الله تتجلى هذه اللحظات في التهليل ضد الاستبداد .
قالوا الدفن بالخامسة في مقابر البنداري بالحاج يوسف، بالخرطوم بحري، المكان بعيد! نعم، المكان البعيد أفضل لهم لأنهم لا يريدون ضجة ويخافون أن ينشأ في موكب التشييع ما لا يحمدونه.
ولكن مشوار البنداري ليس بعيد على حميد! هكذا تقاطر عشرات الآلاف نحو مقابر البنداري، شقوا دروب العاصمة وذهبوا لتشييع شاعرهم المحبوب وإلقاء نظرة أخيرة عليه وجسده الطاهر مسجىً على “عنقريب” أزرق. حملوه من العربة البوكسي التي وصلت البنداري حوالي الخامسة عصرا. وهللوا : لا إله إلا الله، لا إله إلا الله، وساروا خلف نعشه باكين ومهللين.
وهناك حيث غاصت الأرض بالسيارات، فارهات، عاديات، مهترئات، وقفن جنبا إلى جنب. وراكبوها كذلك، رجال مسنين وكهول وشباب ونساء وفتيات كلهم تدافعوا نحو الساحة وسط المقابر حيث أقيمت الصلاة وأم الجمع الأستاذ جعفر الصادق محمد عثمان الميرغني. وحينما اصطف الجمع للصلاة على الجنازة افترعت الأستاذة سارة نقد الله صفا موازيا للنساء، تماما كما فعلت يوم تشييع وردي قبل شهر، واصطفت إلى جانبها عدد من النساء والفتيات مصليات على حميد.
وبعد الصلاة رتلوا على روحه (المولد) وهو من ضمن أوراد الطريقة الختمية، وكانت راياتها ترفرف في المكان. الطريقة الختمية التي تشرّب بها حميد صغيرا وعاد إليها كبيرا، يرفرف مع أعلامها كذلك علم السودان القديم الذي صار شعارا للحزب الاتحادي الديمقراطي بألوانه الأصفر والأزرق والأخضر. حميد شارك قبل سنوات في اجتماع الحزب الشهير باجتماع المرجعيات بالقاهرة. لكن تلك الأعلام المرفوعة لم تكن تكفي للتعبير بصدق عن الجمع الضخم الذي شيع حميد، لأنهم كانوا الشعب السوداني بأسره وكان حضور الحزب الاتحادي الديمقراطي ضمن الآخرين، ها هي كل المشارب والأحزاب والتيارات تصطف باكية ومعزية في حميد، ومن يعزي من؟ كل يعزي نفسه والوطن.
بعد الفراغ من المولد ألقى المتحدث باسم الحزب الاتحادي الديمقراطي والطريقة الختمية كلمة مستخدما مكبر الصوت المتنقل، أنصت الحشد الضخم للاستماع ولكن مكبر الصوت الضئيل ما كان يقوى لتغطية كل تلك الكتلة الضخمة من البشر، تحدث عن حميد وما يمثله بفكره الثاقب ومواقفه الناصعة، تحدث عن تعبيره عن آمال السودان وآلامهم، ودعا له بالرحمة فرفع الجميع أكفهم.
بعد ذلك بدأت شابة في ترديد بعض مقاطع من قصائد حميد، وبدأ عدد ضخم من الجمع حولها يردد المقاطع التي يحفظها عن ظهر قلب، هنا، برز صوت معارض يقول: قولوا الله أكبر لا إله إلا الله، كان يريد إسكات الشابة المحبة التي رأت أن تشيع حبيب الشعب ببعض كلماته الخالدة، تجمع حولها شباب كثيف وصاروا يرددون كأنما في تظاهرة احتجاجية: حرية سلام حرية والوحدة خيار الشعب.
وفي حين انخرط شباب عديدون في محاولة إثبات الروح الحميدية أمام من يريد كبتها إلى الأبد، جرجر كثيرون أرجلهم إلى خارج المقابر وقد دفنوا إحدى فلذات كبد الوطن النضرات، في ليل مدلهم، مع أن الوقت كان عصرا، حميد لم يدرك حلمه ورحل ولا زال الدرادر والعساكر، وبدلا عن أنشودته: أرضا سلاح، صار تحت الأرض حميد، والوطن لا زال مستجيرا ومستبدا به ومستباحا. هكذا جرجروا خيبتهم واختلطت في حلوقهم غصة الحزن بالوجع وبالغضب.
وفي وسط مشاعر الحزن والحنق والألم، خرج الجميع وهم يدعون للفقيد الكبير بالرحمة والمغفرة، ولوطنه الكليم بحسن العزاء.
قال حميد:
ارضا سلاح
ترحل هموم
تنصان دموم
والبال يرتاح
أرضا سلاح
وينفتح باب الصلاح
ينفرج هم القلوب
تتندى بالامل المباح
ارضا سلاح
يطلع فجر صبح الغلابه
تتمارى أزمان الصحابة
وتلوح بيارق طال طلابه
أرضا سلاح
ايدك معاي
قرب تعال بي جنبي جاي
امسك معاي نبني المهدم
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: عبدالمجيد الكونت)
|
شكرا يا معاوية على نقلك لمقال هريات
من أمس وأنا مستغرب لماذا للآن لم يات من يتاجر بأحزان الناس كما حدث في وفاة وردي
لكن هريات لم تخيّب ظني كالعهد بها
قلت لي ناس الأمن قالوا الدفن في بحري الساعة خمسة عشان يكسّلوا الناس !!
و قالوا لا إله إلاّ الله و كبّروا و شالوا الفاتحة لإفشال الثورة !!
اوعى يكونوا كمان دعوا للفقيد بالرحمة و المغفرة و الثبات عند السؤال لتثبيت أركان نظامن
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: محمد البشرى الخضر)
|
Quote: فلتعلم يا صديق ....
إنك إخترت الطريق الصعب .. ولم تكون الآول وسوف لن تكون الآخير
وحتماً سوف لن يتركونك في حالك .................
وكما تعلم فإن درب النضال شاق وطويل
ولا أظن أنك من العناصر الرخوة التي ستتساقط أثنائه.
كل التحايا لك وللأُسرة الكريمة. |
عاطف مكاوي والله إنت أثبت لي إنك زول طيب جداً
إنت الإتصال الهاتفي العملوا ليك معاوية من جدة خلاك تؤمن بمعاوية قدر كدا
أنا بقول ليك إنت ما عارف حاجة ولا حتعرف إذا كنت بتبني علاقاتك على إتصال بالتلفون
وفي نفس الوقت علاقاتك بمن تعرفهم شخصياً تخسرها ببساطة كما تفعل
أنت وغيرك من زملاء وزميلات كنت أكن لهم إحترام وأحافظ على عشرة معهم
لكن الحق حق
وليس كل من يدعي أنه يناضل سيكون
وليس كل من يدعي أنه يؤيد حزبكم مناضل
وأنت أعرف مني بأمثلة كثيرة
حكم عقلك يا صديق قبل أن تنجر خلف متاهات
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: Asim Fageary)
|
Quote: وليس كل من يدعي أنه يناضل سيكون
وليس كل من يدعي أنه يؤيد حزبكم مناضل |
الاخ عاصم فقيري
وهل اصبح للنضال صكوك توزع ونياشين تعطى وشهادات توقع ...
شخصيا لا يربطني بمعاوية عبيد الا الوطن الواحد ... لا حزب لا اتجاه فكري ... التقيته في هذه الدنيا لمرتين ...مرة ولم اكن اعرفه فيها والثانية التقيته لساعتين ومعي الصديق العزيز فايز ود القاضي ...اصر فيها ان نكون ضيوفا عليه في بيته ... الساعتين دي اتعشيت في بيته فيها وشربنا القهوة واتنااقشنا في عدد من المواضيع ...... ليس فيها الا حب الوطن
خرجت منه وانا احمل انطباعا عنه لن يغيره اي شئ اخر ... هو رجل يحب بلده بطريقة تكاد تشبه بالجنون .... بين جنبيه قلب طفل كبير ... لا يحمل في نفسه الا حب الناس وحب عائلته الصغيرة... هذه شهادتي فيه ...من أجل الوطن ومن التاريخ ...
اختلف مع معاوية في حاجات كتيرة ...واتفق معاه في حاجات اكتر ..... وليه طريقته في توصيل رأيه ومحاربة الشمولية التي تحكم بلده ..ولي طريقتي .... اختلف جدا مع طريقته ولكني احترمها جدا
لكن اكثر ما يسئ هنا حالات الترصد وثقافة (الدافوري) المنبرية ... انت كتبت وانت قلت ..انت كضاب وانت ما كضاب وعوك عاك عوك ....
من جعلكم اوصياء على الناس لتحددوا لهم الطريقة التي يعيشون بها
من اعطاكم الحق في توزيع صكوك النضال والمعارضة في هذا المكان
من اعطاكم الحق في تصنيف الناس .... وتخريب بوستاتهم
تعرف ياعاصم .... انت زاتك انا شايف كتاباتك هنا دي كلها( اي كلام) ... ما مقدمة ولا مؤخرة في حال البلد ... بل اكثر من كده ....لي ملاحظات على شلليتك التي يسموها البعض هنا بثقافة (شيل الابريق) لاعضاء محددين .... لو قالوا اي كلمة ... انت جاي جاري طوالي وداخل وراهم ... ليها ما اترصدناك
كلامي ده بقول ليك ...بس عشان انت طارح نفسك معارض .... اما ...لو احببت ان تطرح نفسك (كلاعب دافوري) ممكن تعتبره ما ليك ... وما تشتغل بيه
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: Asim Fageary)
|
Quote: هل تعتقد إنك بتقول في شيء مفيد هنا
ولا بتتخيل إنك شخص مهم وصاحب فكر
وهل لك معرفة سابقة بي أنت لكي تحكم علي
يا زول أنا ما بعرفك لكن كلامك القاعد تكتب فيهو إنت هنا شايفو
وحالياً إنت الجيت متهجم
أنا لم أتهجم عليك
وأبعاد المضوع دا شنو إنت ما بتعرفها
عشان كدا برضو ارجع أذكرك مداخلتي دي ما كانت ليك لا من قريب ولا من ببعيد موجهة لصاحب الإقتباس
الأنا الختيتو |
بتاع الاقتباس ...ده تخاطبه في الحلة هناك ...ما لينا بيك ... في القهوة في التلفون ...ِشئ بينك وبينه
لكن انت هنا .... بتفرض وصائية لا تملك لها الحق ...لذلك لا استغرب مثل هذا الرد منك ابدا .... فالضجيج الذي احدثته اعلاه مع معاوية كان دليل كافي انك حتواصل فيه معاي .... بس حيلك عليك شوية ..
مافي ندية ,,,,
انا هنا لمجرد توجيه راي عام .... لا استهدفك .... فقط قدرك وضعك امامي ...ويمكنك الهروب منه ... او مواصلة الضجيج
___________________________
معاوية واصل كتابتك يا اخوي بالطريقة التريحك ....حب بلدك بالجنبة التريحك ...... الباقي كله ( قُلاف قُلاق) يروح مع الزمن
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: Asim Fageary)
|
Quote: إنت أصلاً أنا بديك أي وزن
كفاية قلة أدبك مع تيسير عووضة
وهي أدتك على راسك
وعوارتك معاها ما ناسينها
لو إنت نسيت
وإنت غير الكلام الفارغ عندك شنو
بعدين ندية معاك (ياخي دي شتيمة كبيرة خلاص)
أنا لا أتشرف حتى بمعرفة أمثالك
فالتذهب إلى الجحيم |
مش قلت ليك ...مافي ندية ....
كويس هسة وريت الناس دي كلها ابريقك الاسفيري ....مقصود به ياتو عضو .... حياك الله وحياه الغمام
الشتيمة ..حيلة الضعفاء ...
وبرضو ما في شئ يخليك تجي تتوصى على كتابة زول هنا ...خليك في الفيه ....
__________________
معاوية يا صديقي ...مش قلت لك كله (قُلاف قُلاف) يمشي مع الزمن ...اهو صاحبك براه عبر عن نفسه
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: ABUHUSSEIN)
|
| Quote: قول لي الإشاعة موضوع البوست الأمن حا إستفيد منها شنو ....؟؟؟؟ بدون تكتيكياً و غلاف بالله ... |
تمام يا ابو حسين ما دام جيت بي نفس بارد
اول شئ نحن متفقين كلنا انه فاجعة حميد كبيرة ... ونحن كلنا بشر ... يقل ايماننا ونقويه بالاستغفار ...
جاتني رسالة انه حميد مات في حادث في شريان الشمال ومن زول ثقة جدا جدا بالنسبة لي ...مع ذلك يا ابوحسين انا ما صدقت ...قمت اتصلت كم اتصال ,, لقيت ناس ما عارفة ولقيت ناس أكدوا لي الخبر ...بعدها نزلت الخبر في سودانيز ... وللامانة كنت متمنى بعد نزلت الخبر ... يطلع كذب وكنت حا اجي واعتذر هنا بكل وضوح ...لكن حميد ما هو كتير علي ربه
الكلام ده بداية اليوم يا ابوحسين .... بعد المغرب اتصلت على واحد من اولادنا ...لقيته في حالة من الغضب ويسب ويلعن في الحكومة والكيزان ...
قال لي كتلو حميد ...
قلت له ...ياحبيب حميد اخده ربه ... ولو في حاجة زي دي اكيد حتتعرف بس الحكاية فيها حاجات ما تتصدق
ثم اضفت ...افرض انه ناس الامن طاردوا حميد ؟؟ .... انت تتخيل انه حميد ممكن يهرب ...
قال لي لا ....
قلت ليه ... الجو مشحون ..استغفر ربك ونتلاقى في العزاء ....
اتخيل في كم زول ممكن يكون وصلهم فهم زي ده
حتى البوست الانا فتحته في ناس جاءت وسألت هل المعلومة مؤكدة .... يبقى الجو كان قابل لعدم تصديق الخبر ...او خلق قصص مختلفة عنه ..خاصة في حالة انعدام تفاصيل للخبر.
جهاز الامن ... جسم حكومي ..يقوم بوظيفته بطريقة تعمل على اظهار المعارضة بصورة ضعيفة ولا مصداقية لها .... واخراج اشاعة بهذه الطريقة في هذا الجو المشحون ممكن جدا يخدم خطه
عشان كده لما جاء معاوية قال الكلام ده ...مافي شئ يخلينا نستنكره ...بغض النظر عن فايدته ولا عدمها ...هو حاول يوصل رسالة لمحبي حميد وللسودانيين عموم ...انه حميد مات بقدر الله .... يبقى مافي سبب للتشنج بالطريقة دي يا ابو حسين .... رأيك شنو
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: ABUHUSSEIN)
|
Quote: معاوية عبيد أنا بعرفو عن قرب
ومعاوية عارف إني بعرفه
إلا لو عاوز ينكر دي
دا يبقى شيء تاني
|
ء
الاخ عاصم فقيري
تحياتي
لوسمحت المشكله في انو موضوع البوست ممكن تقراهو من عدة اتجاهات
وانا شايف معاويه عبيد طلع حريف في استفزاز جرابيع الامن مما جعلهم ينبرون
بكل قباحتهم في شكل القراد الذي لايفارق مؤخرة البقره الحايله
سؤالي انت مشكلتك في موضوع البوست
ولا مع معاويه عبيد
عشان نحن معاويه بنعرفو معرفه اسريه من منتصف التمانينات
عشان لو فيهو شي كعب نعمل حسابنا
من هسع والكلام ده علي ذمتك
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: Haju Muktar)
|
Quote: .ويظهر امنجية المنابر
صناع الاشاعة ....للنفى ...وضرب مصداقية الناس ....وتبقى الحلقة
التانية لنجاحات ...كـــــــــلاب الامن ....فى (فن) الاشاعة... |
,سكينة هلال في الامن برضو جات قالت ليك امشي اكتب الكلام القلتو عنها
ووناس الامن قالو ليك بيان دي بتجيب الطلاب تمقلبهم تسجلهم في جامعات غير معترف بها
وناس الامن قالو ليك انه في زول اسمو عادل وليد اسال بيان منهم
وناس الامن قالو ليك تعالي قول ود الباوقة عنده مزرعة قلعها من زول
ما ترميي كذبك وفتلك في ناس الامن
دا نفسك الامارة بالسوء وناصيتك الكاذبة هي البتنجر الكلام دا
والبورد والمعارضة فقدت مصداقيتها الليلة ولا امبارح شكرا ليك وللفطيرين الوراك
مرض يمرضك
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: عبدالمجيد الكونت)
|
يا كونت كيفك و البركة فيكم ان شا الله...
Quote: جهاز الامن ... جسم حكومي ..يقوم بوظيفته بطريقة تعمل على اظهار المعارضة بصورة ضعيفة ولا مصداقية لها .... واخراج اشاعة بهذه الطريقة في هذا الجو المشحون ممكن جدا يخدم خطه
عشان كده لما جاء معاوية قال الكلام ده ...مافي شئ يخلينا نستنكره ...بغض النظر عن فايدته ولا عدمها ...هو حاول يوصل رسالة لمحبي حميد وللسودانيين عموم ...انه حميد مات بقدر الله .... يبقى مافي سبب للتشنج بالطريقة دي يا ابو حسين .... رأيك شنو |
كلام لا يخلو من وجاهة عن ما ذا يمكن ان يستفيد الأمن من نشر الإشاعة ثم نفيها
وإن كنت ما اتفق معاك فيه للأسباب التالية:
اولا انتشار الاشاعة على ارض الواقع في حين نفيها و بيان كذب المعارضة ح يكون على الأسافير وانت ادرى بالبون الشاسع بين الواقع و الاسافير
بالتالي الضرر منها على الامن اكبر من الفائدة المرجوة
على الواقع مسالة صدق المعارضة من كذبها لا تشغل احد وليست ذات بال كما الحال في المنابر, الناس هناك زهجانين وفلسانين و الحكومة عندهن كذابة ولو صدقت وناسها حرامية وفاسدين والأمن عنيف و بعمل السبعة وذمتها ودي انطباعات تكاد تكون يقين لا تحتاج غلاط حولها و ناس الأمن و الحكومة عموما ما شغالين بتبييض وجههن او تحسين صورتهن
يكفيهن شاغلين الناس بالغلاء و التهديد بغزو الهامش الساعي لذبحهن و سحلهن
فمنطق الأسافير وصراعاتها لا تعني شيئا هناك على ارض الواقع
دا عن فائدة الاشاعة للحكومة , نجي للإشاعة في رقبتها
ليه لابد ان يكون من اطلقها ناس الأمن!! هل هناك وسيلة موثوق بها لتتبع مصدر اشاعة ما؟
كسودانيين نحب ترويج الشائعات و عندما لا نجدها نختلقها دي حاجة فينا كدا لا علاقة لها بتوجه سياسي او واقف وين من قصة حكومة / معارضة
ممكن جدا صاحب الإشاعة يكون زول ساي أو معارض أو موالي أو اي شي
لا يمكن الجزم بصاحب الإشاعة حتى بمسألة المستفيد منها
______________________
حمدالله ع سلامة الكوتة يا كونت :)
| |
|
|
|
|
|
|
|
|
 Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: محمد البشرى الخضر)
|
معاوية كمعارض عارف أن المعارضة بها مجموعة من الملاقيف ومحبى الظهور وعناوين:
عااااااااجل جدا.
فالراجل مشكور قال يحاول ينبه هؤلاء الملاقيف قبل ما الفاس تقع فى الراس ويبقوا مضحكة لناس فلان وفلانة.
وعشان مافى زول يغالط أداكم مثال طالب الأهلية والسنفكوا فيهو ناس المؤتمر الوطنى ناس المعارضة..
هذا.. وأضيف أن أحسن واحد كتب رثاء فى الشاعر حميد (الله يرحمه) حتى الآن هو حسين خوجلى!!
| |
|
|
|
|
|
|
|
|
|
Re: فشلـــــت اشاعة جهاز امن النظام ...لسرقة احزان الغلابة (حميد ) نم (Re: ABUHUSSEIN)
|
عارف يا كونت لأني عارفك حا تكتب لي كلام كتيييييييير لا يسمن و لا يغني عن جوع
علشان كدا قلت ليك :-
| Quote: بدون تكتيكياً و غلاف بالله |
و برضو ما نفع معاك دخلت لي في زقاقات و جخانين علشان تتوهني و تتخارج إنت لأنو كلامك ما منطقي
و مداخلتك دي كان تدخرها لي زول تاني لأنو دُرابك دا كتير علي أنا ...
مداخلتك دي كوووووووووووولها أنا اللي طلبتو منك دا بس :-
| Quote: اخراج اشاعة بهذه الطريقة في هذا الجو المشحون ممكن جدا يخدم خطه |
و برضو ما إجابه كاملة
و شوف كلامك و كلام صاحب البوست :-
Quote: الفكرة من الاشاعة ان تصل للمنابر ..وتفتح البوستات حولها ليظهر بعد ذلك حماة الفضبلة ونفيها
لتكرار تجربة طالب الاهلية .....عليه كان من الواجب التحذير |
يعني يا كونت هاردلك صاحب البوست قال السبب قبلك و إنت ألفت ليك شئ من عندك
و دي ما فهمتها يا كونت :-
| Quote: عشان كده لما جاء معاوية قال الكلام ده ...مافي شئ يخلينا نستنكره ...بغض النظر عن فايدته ولا عدمها |
إذا كان بغض النظر عن فايدته و لا عدمها إنت بتعرض ليك يومين في البوست دا لي شنو .....؟؟؟؟
أوع إكون دا رد جميل للـ| Quote: الساعتين دي اتعشيت في بيته فيها وشربنا القهوة |
| |
|
|
|
|
|
|
| |
معاوية عبيد الصائم
Asim Fageary
محمد عبد الماجد الصايم
معاوية عوض الكريم
محمد فرح
abdelrahim abayazid
فدوى الشريف
saadeldin abdelrahman
ABUHUSSEIN
Haju Muktar
حافظ انقابو
محمد إبراهيم علي
صديق الموج
بدر الدين احمد موسى
عاطف مكاوى
محمد البشرى الخضر
فيس بوك
تويتر
انستقرام
يوتيوب
بنتيريست