|
|
 الي راشد ود الزين ودحامد.....و التومات
|
حميد مات
و النوباويه اتكتلت بالرصاص
مات مهموم
مأذوم
مسكون
موجوع
شقيقش ما قبل ياها الصوره و ياها الناس
نفس البندق ...... نفس الفاس
نفس الغمة الحابسه العيشه
و كاتمه الانفاس
نفس الورديه الكجراويه
و حبل السلبه معلق فيهو الراس
لا قدر يستحمل عفن الدنيا
لا قدر يستحمل ظلم الانجاس
لا ركب الفاره عربيه
لا عدي الفكه مقاس
لا سكن ا سمنت عماره
لا غصب السلطه دواس
مشغول دايما بالتعبو
مهموم دايما بالناس
شايل شوق الثوره و حايم
ياتو ظلم ما عقبو خلا ص
ياتو زمن دام للانجاس
ياتو زمن دام للانجاس
يا حميد ارقد مطامن
راشد اخد الوعي اساس
يا راشد ما تنزل رايه
و يا تومات ما تبكو عليهو
حميد مضيوف عند رب الناس
حميد مضيوف عند رب الناس
حميد مضيوف عند رب الناس
---------------------------------------------------------------
العزاء موصول لست الدار
و آل عبدالرحيم
وأل العم عجبنا
ولي نورا و نوري
انا لله و ان اليه راجعون
لا حول و لا قوة الا بالله
الموت حق
|
|
 
|
|
|
|
ابراهيم عدلان
فيس بوك
تويتر
انستقرام
يوتيوب
بنتيريست