|
|
 سيناريو غداء اوباما وميديديف فى مطعم سندوتشات نقلا عن نوبيان اونلاين
|
أعجبنى هذا السيناريو لوجبة غداء الرئيس اوباما والرئيس الروسى ميديديف فى مطعم شعبى ... السيناريو من اعداد الاستاذ زمراوى ونلاحظ انه ذكر اسم المناضلة تراجى ضمن السيناريو.. الى الفيديو والسيناريو:
http://www.youtube.com/watch?feature=player_d...ilpage&v=_KR4S4ge114
دعنا من الترجمة الفهمناها من خلال المتابعة ولكن خلونا نعمل الحوار على الطريقة السودانية السمحة
اوباما = ارح نمش ناكل لينا حاجة
ميدف = ارح
اوباما = يا سواق طوالي لمحل اليوم داك عندهم ساندويش كارب
تتوقف السيارة
اوباما = خلي الجاكت اصلو الجو حلو مافي برد
ميدف = اي والله صاح الحو كويس
يودي الجاكت ويرميها في المقعد الخلفي
اوباما للناس الواقفة برا
السلام عليكم ازيكم با شباب
وعليكم السلام
ويدحل الاثنان البوفيه
ازيكم يا شباب
سيدة عجوز اهلين يا اوبي
ودا منو المعاك دا
ما عرفتيهو يا خالة دا الرئيس بتاع روسيا
ايواااا ... من متين هنا
لا بس عندو مأمورية وراجع بكرة
المهم وصلو الكاونتر
امامهم حسناء زي السمك على الكاشير
طبعا الواد ميدف ولد محترم ما زي السكير داك بوريس يلتسن
وما منو خوف ما بقرص الحريم في الصلب
وقف الاثنان وتسألهم الحسناء
ايوا طلباتكم شنو
اوباما= دقيقة نشوف اللافتة ونحتار
اوباما = اها يا فردة انت عايز ياتو من ديل
ميدف = اي حاجة طالما هي الحتختار لينا ولا اقول لك اطلب الاتنين سوا زي بعض
اوباما = طيب يا سارة بالله اثنين همبرقر كاربين
سارة = حتاكلو هنا ولا برا
سارة= طيب ما عايزين حاجة معاها
اوباما= مافي مانع نشرب كولا صناعة امريكية
ميدف = مافي غير الكولا؟
اوباما = ياخي الكولا حلوة
ميدف= مافي مانع طالما في بلدكم
اوباما = الشطة كيف؟
ميدف = اوكي بس خفيف سوية
اوباما = المايونيز كيف؟
ميدف = لا خليها ناشفة ما بحب المايونيز الدكتور قال لي خفف الدهون
واحدة سمراء تظهر مع الاستاف - اوووو يا خالو ازيك
اوباما = اوووو تراجي انتي شغالة هنا وانا كل يوم باكل من البوفيه الجمب المكتب
المهم الطلب جاهز يا اوباما
اوباما= اها الحساب كم؟
الحسناء= 38 ولار و50 سنت
يطلع اوباما الجزلان
مبدف = خلي كل واحد بدفع حقو
اوباما = لا والله على الطلاق انت ما تدفع انا بدفع ياخي انت شيف عندنا لمن نجيك انت ادفع لي
مدير المطعم= سجمنا يا بت انت قاعد تدفعي الرئيس اوباما ؟
اوباما = اووووو ازيك يا فردة ويسلم عليه ويقول خلى عنك يا اوبا
اوباما = حرم انا دافع عشان ما تنزلوا لي بعدين اني اكلت مجانا في المطعم
وجلسوا في طرابيزة لشحصين بالكاد
وعملوا الكاتشب وقرموا ليك الشاندويتش لامن بتاع الكاميرا زاتو آمن.
وهكذا عرفنا ان الرئيس النضيف في الدولة النضيفة لا فاتورة تمشي النثريات الحكومية ولا السواق ياخذ اوفرتايم عشان الرئيس يتعشى في فندق على حساب الدولة
|
|
  
|
|
|
|
Mannan
Zomrawi Alweli
فيس بوك
تويتر
انستقرام
يوتيوب
بنتيريست