|
|
|
 Re: الانتباهه .. أمر طؤارى !! (Re: محمد حامد جمعه)
|
رغما عن كثرة الاسئلة التى يوجهها الطيب مصطفى للحكومة والمؤتمر الوطنى الا ان ثمة اسئلة اكبر ثقلا ووزنا تقول الان بحيرة ودهشة ان كثير مما تقوله الانتباهه وكثير من النعوت التى تطلقها ضد بعض الناس والجهات والمسئولين لو ان صحيفة اخرى نطقت بها لجرجرت الى الحبوس وظلمات الاغلاق
الحق والعدل حتى فى ظلم المساءلة يجب ان يتساوى فيه الجميع
التيار والوان والجريدة وصحف اخرى وصحافيون تعرضوا للفت النظر والتوقيف لانهم تجاوزا وفق السلطات خطوطا ما وافرطوا فى القول والافادة ، وفى تقديرى ان مخاطر خطاب هذه الصحيفة (الانتباهه ) لا تقل عن ذات الاخطار المفترضة التى بسببها عوقبت تلك الصحف ،
واذا كان البرفسور زين العابدين (كاتب التيار الشهير ) قد اوقف واعتقل لانه كتب قولا مس مؤسسة مثل القوات المسلحة فان الطيب مصطفى يقول الان ان الوفد الحكومى المفاوض خائن و(منبطح ) وما بين القوسين لا ادرى هل يدرج ضمن مواصفات الخيانة ام العمالة ام الجبن الصريح
| |
  
|
|
|
|
|
|
|
|
Re: الانتباهه .. أمر طؤارى !! (Re: Alshafea Ibrahim)
|
| Quote: مين قدك ياعم ... (تيس الخليفة) |
للذين لا يعرفون تيس الخليفة
Quote: بعض المناطق ما زالت تعيش على تمر الخليفة .. وتراب الخليفة وجنينة الخليفة .. لكن ما اظنكم سمعتو بي « تيس » الخليفة .. ايوه والله .. في منطقة من مناطق الشايقيه في تيس ما في زول بيسألو لانو حق الخليفة ..(خلفاء الختميه) يجوط « يلعلع » .. يدفق ملاحك .. ي###### ليك الحوش .. ياكل الملايات .. يأكل البرسيم ويفعل ما يحلو له وانت ماسك خشمك .. ليه ؟؟ لانو تيس الخليفة .. اكان هشيتو واللا دقشتو .. الخلفاء يسختوك .. ويمكن تخش النار ذاتو ..
* ذات مرة دخل اخونا التيس جنينة واحد الحكاية دي ما واقعة ليهو .. لما ليك في الزراعة قرض بتاع غتاتة تقول عارف الزول دا معارض .. قرم البرسيم والشتل و اشتغل خرمجة قرش ونص .. وكلما صاحب الحديقة يشيل عكازو يدور يقوم عليهو .. الناس تمسكو عيب يا زول انت ما عارفو دا تيس منو ؟ والتيس مدور قرش ونص .. خسارات تقيلة لحدي ما قال بس براه .. وجاء ماشي يتقدل شاقي الناس يمشي الهوينى كما يمشي الوجي الوحل .. وصاحبنا ما فضل ليهو علا يجعّر وهمس للتيس في حنق : ما بدري .. يالخليفة تعال النسوي ليك شاي ولقيمات !! تعرفو لى تيس الخليفه الزمن ده حق منو؟؟؟؟؟؟؟؟؟؟؟؟؟؟؟؟؟؟؟ |
م ح ج سلام لك ولضيوفك الكرام
| |
|
|
|
|
|
|
|
|
|
Re: الانتباهه .. أمر طؤارى !! (Re: محمد حامد جمعه)
|
المهندس الطيب مصطفى الذى ينصح الدنيا والزمان والعالمين يوميا عليه التواضع لنصحنا ، بان اصرة القربى والدم التى تربطه بالبشير تلزمه قبل الاخرين ان ينزه تلك الصلة عن شبهة الاستغلال ، كثيرون بات يقع فى روعهم ان الانتباهه انما تمضى فى خرابها لان احدا لا يجرؤ على مساءلة خال الرئيس ، هذا افتراض قد لا يصح ، قد يكون وهما ، ولكنى لو كنت مكان المهندس الكبير لما تركت ظلالا حوله ، ولقدمت افكارى وعرضت مواقفى فى ثوب من الموضوعية والحيز المتاح لى مثل الاخرين ، دون تفريط فى الحجج ودون افراط فى الاحكام
| |
|
|
|
|
|
|
|
|
|
Re: الانتباهه .. أمر طؤارى !! (Re: عبداللطيف حسن علي)
|
| Quote: المهندس الطيب مصطفى الذى ينصح الدنيا والزمان والعالمين يوميا عليه التواضع لنصحنا ، بان اصرة القربى والدم التى تربطه بالبشير تلزمه قبل الاخرين ان ينزه تلك الصلة عن شبهة الاستغلال ، كثيرون بات يقع فى روعهم ان الانتباهه انما تمضى فى خرابها لان احدا لا يجرؤ على مساءلة خال الرئيس ، هذا افتراض قد لا يصح ، قد يكون وهما ، ولكنى لو كنت مكان المهندس الكبير لما تركت ظلالا حوله ، ولقدمت افكارى وعرضت مواقفى فى ثوب من الموضوعية والحيز المتاح لى مثل الاخرين ، دون تفريط فى الحجج ودون افراط فى الاحكام |
كلام جميل يا محمد, لكن حقيقة الأمر أن (الخال)
يعلم تماماً ماهية عجينة (إبن أخته), وإن كان تظاهر
إبن الأخت على الدنيا جميعاً بأنه (كادر) إسلامى,
وبأن ما (يلقّن) له ويدفع بإتجاهه إنما هو ثمرة فكره
وإنتمائه للكيان الذى صنع الإنقلاب, وصنع من بعده
كل هذه الهيلمانة, فحتماً يعلم (الخال) أن إبن أخته
لا له فى العير ولا فى النفير, لذا فإن (خطابه) الذى
يصدح به دونما تحرّج ولا هيبة ولا خجل إنما هو
الخطاب الحقيقى والقعلى للتنظيم الذى خطط ودبر ونفذ
وثبته الخائنة الغاشمة على السلطة, وإن كانت مقتضيات
السياسة والواقع السياسى الراهن قد حتّمت على القيادة
التحوير فى نهج الإفصاح وفى تنفيذ مخططات وبرامج
ذلك التنظيم الجهنمى بعض الشئ, الآ أن هذا الأمر لم
يعد ملزماً للخال, ولا لمن لفّ لفه من حرس التنظيم,
إذ أنهم إنما يجهرون بحقيقة ألآ سلطة لهم(لا مناصب),
ولا سلطة عليهم(الذى تغير هو خطاب الحكومة لا التنظيم).
لذا فإن الخال يغرد بما يحفظه ويعلمه, ويؤمن به السرب,
سرب جوارح التنظيم, وأن الذى يغرّد خارج السرب هو
الحكومة وسياساتها التى (تنبطح) فى مواجهة الاخر,
الاخر المارق الكافر الآثم الزنديق و و و إلخ إلخ إلخ.
| |
|
|
|
|
|
|
|
|
|
Re: الانتباهه .. أمر طؤارى !! (Re: ياسر مكاوي)
|
الأخ محمد حامد جمعة
تحياتي والله كلامك دا في بطن كلامي وكان ما الكتاب بيته
وجميل أن تختصر منبر السلام العادل في جريدة الإنتباهة التي لعبت وتلعب دوراً سالباً فيما حدث ويحدث بالسودان .
غايتو شيل شيلتك مع ناس أم شنيني
بحيراوي
| |
|
|
|
|
|
|
|
|
|
Re: الانتباهه .. أمر طؤارى !! (Re: خالد عويس)
|
Quote: لو ان صحيفة اخرى نطقت بها لجرجرت الى الحبوس وظلمات الاغلاق
الحق والعدل حتى فى ظلم المساءلة يجب ان يتساوى فيه الجميع
التيار والوان والجريدة وصحف اخرى وصحافيون تعرضوا للفت النظر والتوقيف لانهم تجاوزا وفق السلطات خطوطا ما وافرطوا فى القول والافادة |
يا محج
انت ما سمعت انو الولد خال
لو بتفتح عمل الشيطان
ولو سرقت فاطمة بنت محمد ...
كم حرامي مسكين ما عندو ضهر جوه السجن
وكم كوز لسه بينهب حر طليق
| |
|
|
|
|
|
|
|
|
|
Re: الانتباهه .. أمر طؤارى !! (Re: خالد العبيد)
|
Quote: رغما عن كثرة الاسئلة التى يوجهها الطيب مصطفى للحكومة والمؤتمر الوطنى الا ان ثمة اسئلة اكبر ثقلا ووزنا تقول الان بحيرة ودهشة ان كثير مما تقوله الانتباهه وكثير من النعوت التى تطلقها ضد بعض الناس والجهات والمسئولين لو ان صحيفة اخرى نطقت بها لجرجرت الى الحبوس وظلمات الاغلاق
الحق والعدل حتى فى ظلم المساءلة يجب ان يتساوى فيه الجميع
التيار والوان والجريدة وصحف اخرى وصحافيون تعرضوا للفت النظر والتوقيف لانهم تجاوزا وفق السلطات خطوطا ما وافرطوا فى القول والافادة ، وفى تقديرى ان مخاطر خطاب هذه الصحيفة (الانتباهه ) لا تقل عن ذات الاخطار المفترضة التى بسببها عوقبت تلك الصحف ،
واذا كان البرفسور زين العابدين (كاتب التيار الشهير ) قد اوقف واعتقل لانه كتب قولا مس مؤسسة مثل القوات المسلحة فان الطيب مصطفى يقول الان ان الوفد الحكومى المفاوض خائن و(منبطح ) وما بين القوسين لا ادرى هل يدرج ضمن مواصفات الخيانة ام العمالة ام الجبن الصريح |
شايفك بتحرض على الخال!
دى امور تلاتة ورقات ورفع العتب على ود الاخت وكانه لا ناقة له ولا جمل
الطيب قايلنا طير داير يدقسنا وهو يعلم ان ابنه المنبطح وهو الذى سيوقع على الاتفاق النهائى والا سيذهب الى لاهاى
جني
| |
|
|
|
|
|
|
|
|
|
Re: الانتباهه .. أمر طؤارى !! (Re: jini)
|
الإنتباهة صوت الكيزان العايشين في أوهام الإستعلاء
نوع وضعنا حيبقى أحسن بعد الإنفصال
والجنوب حيفشل
ونحارب ونهزم كل من يفتح خشمو ولا نفاوض أبدا
الحكومة تمشي بي كلامهم راسها يدق في الحيطة
الجنوب مشى بي بترولو والإقتصاد إنهار
رفضوا اتفاق نافع في أديس وحاربوا عبد العزيز وعقار لغاية هسه ما قادرين يصلوا الكرمك
من الخارج الإتحاد الأفريقي يحجز منهم الدول ويجيب ليهم اتفاقيات
تحسن وضعهم الإقتصادي بالتعامل مع الجنوب والحوار
معسكر أوهام الإستعلاء في الإنتباهة يرفضها ويحرجهم
الحل إلا يدوا الخال دا بي كاكيهو وعصابتو الرابطها فوق راسو دي
يقود القوات يمشي يلاقي عبدالعزيز الحلو بي نفسو!
ويقولوا ليهو بطل الكتابة والسيفو أصدق أنباء من الكوتوبي
| |
|
|
|
|
|
|
| |
محمد حامد جمعه
saadeldin abdelrahman
talha alsayed
عبداللطيف حسن علي
عبدالله شمس الدين مصطفى
حافظ انقابو
ياسر مكاوي
البحيراوي
خالد العبيد
jini
Elbagir Osman
Deng
فيس بوك
تويتر
انستقرام
يوتيوب
بنتيريست