|
|
 مارس شهر الكوارث ... صلاح غريبة بالخرطوم 23 مارس
|
وصلتنا دعوة كريمة من زميل المنبر الاستاذ والصحفي الكبير صلاح غريبة تفيد باستقباله بمطار الخرطوم في 23 مارس .. لو حاجز بالسودانية ممكن يكون في خلل في دقة التاريخ ...
المهم بورداب الخرطوم هلموا للاستقبال الاستاذ الكبير صلاح غريبة :
Quote: تواجدي برحاب الوطن بعد غياب 13 عاما ضمن غربة استمرت 30 عاما
Public Event for السياحة السودانية Sudan Tourism · من قبل صلاح غريبة |
تصل بالسلامة اخونا صلاح ...
____________________________________
علاء الدين حيموره ( قائد حملة حشد المستقبلين ) ... الخرطوم
|
|
  
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: علاء الدين حيموره)
|
الانباء تصلنا تباعا من الاستاذ صلاح غريبة :
Quote: مارس، 2012
من 03:00 مساءً حتى 06:00 مساءً
عنواني بالخرطوم مؤقتا عند وصولي :
00249183465608
مطار الخرطوم الدولي Khartoum International Air Port
عرض الخريطة · الحصول على الاتجاهات |
مرفقة خريطة مطار الخرطوم للاخوة المستقبلين والذين سيزورون الخرطوم لاول مرة لاستقبال الاخ صلاح غريبة ....
________________
علاء الدين حيمورة __ الخرطوم
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: علاء الدين حيموره)
|
ياعلاء
تحياتي
والله حظكم الزول ده طلائع استقباله شغالة منذ أكثر من سنة .. غايتو نحن عندنا باقي غربة عشرين سنة وكده خايفين الزول ده يشتغل شغل العودة الطوعية ويقوم يجرنا معاه في عشرة يوم ... أصلو عندو حاجات واهتمامات ونشاطات وهوايات متعددة ومتنوعة بين الرياض وأبها والطائف والقاهرة والخرطوم .. سيكون يوم تأريخي وحدث أكبر من عودة قرنق بعد اتفاقية السلام ...
الشفيع
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: Alshafea Ibrahim)
|
| Quote: سيكون يوم تأريخي وحدث أكبر من عودة قرنق بعد اتفاقية السلام ... |
فعلا سيكون يوم تاريخي يا اخوي الشفيع ...
حتى انا متردد في مسألة اختيار اللجان دي .. لانو انا عايز اكون رئيس لجنة الذبائح .. اصلو طولت شوية من اكل اللحم ..
______________
علاء الدين حيموره .. البوابة الداخلية لمطار الخرطوم ..
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: Alshafea Ibrahim)
|
| Quote: سيكون يوم تأريخي وحدث أكبر من عودة قرنق بعد اتفاقية السلام ... |
فعلا سيكون يوم تاريخي يا اخوي الشفيع ...
حتى انا متردد في مسألة اختيار اللجان دي .. لانو انا عايز اكون رئيس لجنة الذبائح .. اصلو طولت شوية من اكل اللحم ..
______________
علاء الدين حيموره .. البوابة الداخلية لمطار الخرطوم ..
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: قاسم المهداوى)
|
اخوي قاسم ازيك ... واريتك طيب
Quote: الحمد لله انو الواحد يوم ميلادو 21 مارس
باقى الموضوع
لا يسعنى الا وان اقول
قلبى معكم
شدو حيلكم وربنا معاكم |
مواليد شهر مارس هم زاتهم كوارث ... الله يعينك غايتو ...
اما مسألة شد الحيل دي اهو نحن بنعمل والباقي يتمو لينا صلاح غريبة ... المهم حا نرسل ليه الميزانية ...
_______________
علاء الدين حيموره __ بالقرب من سلم الطائرة
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: mohmmed said ahmed)
|
اخونا محمد ... كيفنك
Quote: ظروف قاهرة تحرمنى من المشاركة معكم فى هذا الحدث التاريخى
بعد يوم 27 مارس
يمكننى المشاركة فى الاحتفالات والكرنفالات |
مقدرين للظروف ولكن هنالك مساهمات يجب ان تشارك بها في الاستقبال .. لذا قررت لجنة الذبائح بان مساهمتك ثور حنيذ او قيمته ...
رقم الحساب سوف يصلك في رسالة داخلية ...
نتمنى منك التقيد بمقررات اللجنة وشكرا ..
________________________
علاء الدين حيموره ___________ طلع من المطار حبة وراجع ..
| |
|
|
|
|
|
|
|
|
 Re: مارس شهر الكوارث ... صلاح غريبة بالخرطوم 23 مارس (Re: مزمل خيرى)
|
علاء الدين والمصباح السحري
لووووووووووووولز بوست تحفة
والله ضحكتني يا ابو علوة ياخ
قلت لي ماشي بالعتبة قزاز والسلم نايلو في نايلو لإستقبال صلاحنا الغريب في كل حاجة زاتا
ياخ جننت الحشد والوصف زاتو يا علاء ياخ
والله صحي
اها النجيضة بندور نجلاء سيد أحمد تجي بالكاميرا
ولازما ولا بد يا علاء تكون لابس رسمي
الشيء ده إستقبال ما عادي وفي الحقيقة هو ما إستقبال هو إشتقباااااااااال
والله لكن يا استاذ صلاح جننت الشقلبة زاتا
والله صحي
| Quote: وعاوزين اشتقبال حاشد |
شفت يا علاء ؟ قال ليك إشتقبال يعني معناها تستقبلوه وتشيلوه في الأكتاف
حرف الشين ده جابوا عشان تشيلوه زي العريس
والله صحي
تصل بالسلامة يا استاذ غريبة
وبي كده نكون إرتحنا من كلمة الرياض في نهاية كل خطاب منك
حيث إنك كنت بتكتب لينا في التوقيع دائما
صلاح غريبة الرياض الخرطوم القاهرة
مع إنه مثلثك اخطر من مثلت برمودا زاتو ،لكن برضو كان تاريخ ومرقت منه الرياض بقدرة قادر
والله صحي
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: اسماء الجنيد)
|
الاستاذة / اسماء
تحياتي ليك ...
ياخ لازم تنجدينا بقصيدة عصماء تمجدين فيها اخونا صلاح غريبة وتعددي فضائله على البورداب وعلى الشعب السوداني باكمله ...
Quote: اها النجيضة بندور نجلاء سيد أحمد تجي بالكاميرا
ولازما ولا بد يا علاء تكون لابس رسمي |
التحضيرات على قدم وساق ... استاذة نجلاء دي بتجيب لينا الهواء ساي خاصة وانو اخونا صلاح مؤتمر .... ونحن عايزينو يتوسط لينا كمان فما في اي داعي لاي خشخشة ... خلي الامور تمشي ايزي وننجح فيما نرمي اليه ....
_________________
علاء الدين حيموره ___ المكتب __ الخرطوم
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: مزمل خيرى)
|
علاء الدين ارتاح يا اخوى
غريبة ده سايق معاه المطوف حقو فى يدو من هنا
اصلو هو داير يعرف جهاز المغتربين وعوضية بتاعت السمك
مشكلته فى الدنيا الغمته والعضه...
علاء الدين جهز يافطات الاستقبال بس
واكتبوا على حائط المطار
ياداخل هذا المطار سلم على غريبة المحتال
وادخلوها بسلام غامتين
الحمد لله الذى اذهب عنا الاذى وعافانا،،،
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: صديق الموج)
|
الحاقد صديق الموج
Quote: علاء الدين ارتاح يا اخوى
غريبة ده سايق معاه المطوف حقو فى يدو من هنا
اصلو هو داير يعرف جهاز المغتربين وعوضية بتاعت السمك
مشكلته فى الدنيا الغمته والعضه...
علاء الدين جهز يافطات الاستقبال بس |
ياخ غريبة دا حبيب الشعب انت بس ما بتعرف اصلو من فصلو ....
كلنا سنتجه الى عوضية بعد الاستقبال واكل اللحم وما لذ وطاب ..
الخير على قدوم القادمين من السعودية ....
______________________
علاء الدين حيموره _ مع عوضية سمك لزيادة الكوتة بعد 23 مارس ..
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: Deng)
|
Quote: يا حيمورة.
دي عودة نهائية ولا متاوقة ساكت من غريبة؟
في كل الحالات.
يا الخرطوم جاك بلا |
يا دينق ما تكون راجل حاقد .....
بوصول غريبة الخرطوم بل والسودان كله سيشهد انفراجا كبيرا من كل النواحي الاعلامية والثقافية والماليه ....
سوف نصر عليه بالبقاء في الخرطوم لحين تحسين اوضاع الاعلاميين وزملاء المنبر ( بورداب الخرطوم )
تابع معانا يادينق
_______________
علاء الدين حيموره ___ يستعد للاستقبال وفي انتظار البترول
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: البحيراوي)
|
دكتور علاء ـ أقبض عندك :
Quote:
تشكر اخ علاء الدين
وفعلا ...........
جاي يوم الجمعة 23 مارس
وعاوزين اشتقبال حاشد
وخاصة ( حبوبتي ) معاي
صلاح غريبة - سيشرف الخرطوم يوم 23 مارس |
ودا هنا البوست بتاع حفل تأبين فقد الشعب وردي بالرياض
Quote:
مسقط رأس الفقيد الغالي محمد وردي تدعو كل من غنى له وردي وعزف بوتره أوتاراً
في داوخله لاجتماع لتكوين لجنة قومية يؤسس لحفل التأبين وفعالياته.
الجهات المدعوة ممثلو التنظيمات والفعاليات السودانية.
الزمان الجمعة 23 مارس 2012م.
الساعة : ٨:٣٠ م
المكان :إستراحة الدويش - خلف اكسترا
|
ود كمان صاحبنا غريبة الأكد حضوروا لهذا الإجتماع
Quote:
سنكون حضور باذن الله .. |
دكتور علاء
كان شربتوا مقلب عينة ـ ذبائحكم ولافاتتكم ولمتكم كانت تروح شمار في مرقة
صاحبنا غريبة الظاهر كلما يسمع ليه بخبر أي لمة يقوم يأجل السفر ، عشان كدا ليه أكثر من سنة قال أخلا طرفو ، ولسع أي مناسبة تمشي تلقاه في وشك وأخرا كان تأبين الإتحاديين في قاعة الفخامة أمبارح
شفت يا دكتور علاء أنا عشان كشفت ليكم المقلب دا ـ تقوموا تحولوا كل فعاليات الإستقبال دا لي أنا بعد أجي الخرطوم
ولا شنو يا صديق الموج
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: محمد علي البصير)
|
| Quote: صلاح غريبة - سيشرف الخرطوم يوم 23 مارس |
والله بس إتذكرت عودة الصادق المهدي والشريف حسين الهندي بعد عام 1976.
العودة دي بنتكلم (أقصد غريبة بيتكلم عنها) من كم سنة؟ غايتو أنا متأكد إنو قبل 3 سنوات قال: (قريباً)، والتوقيع زي ما قالت سوما ((صلاح غريبة - الرياض - القاهرة - الخرطوم)).
هذا، وكما لا يفوتني أن أهنئ الأخوة في الرياض بزوال الغمام وأن أقول لهم ((بلا وإنجلا)).
علاء حيمورة .... في طريقة نجي الخرطوم خصيصاً للمشاركة في إحدى اللجان؟
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: محمد أبوالعزائم أبوالريش)
|
هههههههههههه
والله يا علاء حيمورة دي وجعة من أمها
ذكرتني قبل يومين جايبين في قناة الشروق سيرة المحجوب ولمن جا راجع بعد غيبة والناس استقبلوهو في المطار من كل حدب وصوب
انا علي أستدعي ليكم رابطة المعجبات بتاعتي لتساعد في الحشد
وكمان يوم 23 دا يوم جمعة والامة مجتمعة
وبعدين ما تنسي يا علاء في الزحمة دي تكلم ناس الشرطة ومكافحة الشغب والاسعاف المركزي وناس الدفاع الشعبي والشرطة الشعبية وناس الحركة مهمين برضو سمح؟
والوصية بالمهلة عايزين مراسم استقبال علي مستوي عال من الدقة في التنفيذ
وبالله كلم انعام حيمورة تجيب لي معاها قراصة بي تقلية اليوم داك لأني حتما حا اكون بايت في المطار
ولنا عودة
+ مطلوب مناديب من الولايات+
____________________
بكري الخير
رئيس لجنة استقبال صلاح غريبة
قطاع امدرمان
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: بكري الخير)
|
نشيد العوده : مُهدى للأستاذ صلاح غُريبه
هيثم الفضل
الثلاثاء
نشيد العوده : مُهدى للأستاذ صلاح غُريبه ( بين أحضان الوطن بعد 13 عام غياب )
****
أولا ترون على عتبات قلبي
فيضَ نورٍ للسنا الوضاح
ومزاميرُ الغناء بالأشواقِ نشوى
رددت نغم الكفاح
ونقاوةُ الرؤيا ستدفعني هُدىً
كيما أُضَـمِّـدُها الجِراح
وطني يداعبهُ خيالي حالماً
في حين أُحظى بالفلاح
والنور من أرضِ إنتمائي
لم يزل يُغازله الصباح
ونداءٌ في فمي يسمو عليّـاً
أنْ تَقدَم يا صلاح
وأبني هواك على أرضِ الحقيقةِ
غازياً لا مُستباح
فالحق للوطنِ الفسيحِ بمجدهِ
والعِزُ في نصبِ الرِماح
مالكُم لا تُرسلون شُعاعَ شمسي
مُشرقاً أو باهراً فضـَّـاح
إرسلوهُ على الأشواقِ مُسجىً
على ثوبٍ نقيٍ بـإنشراح
ثم ضموني إليكم هانئاً
فالحبُ في وطني مُباح
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: mohmmed said ahmed)
|
غايتو لو ماعندكم في الاستقبال زول يقول { تهليل 00 تكبير }
انا جاهز موية ونور
عشان حفظتها في الاجازة الماضية بعد أن وعدوني بوظيفة مرموقة
لكن في النهاية اشتغلت فيها واحدة جميلة
بدون تهليل
وبدون تكبير
اها قلنا الحاجات الحفظناها دي ماتروح سااااااااااااي
ياخي عوداً حميداً
وترجع بالسلامة ياباشمهندس
دي المرة التالتة اقول ليك ترجع بالسلامة
عليك الله بعد ترجع شوف لينا طريقة معاك
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: ابوحراز)
|
يا حيمورة.
وصلتني أخبار شبه مؤكدة تقول أن صلاح غريبة قد صار مقرب جدا لجماعة المؤتمر الشعبي.
وهنالك تاجر كبير من الشعبي، هو الذي أقنع صلاح غريبة بالعودة النهائية للسودان.
وهنالك عرض عمل مغري من هذا التاجر لصلاح غريبة.
يا صلاح غريبة.
القصة بقت صعبة في السودان وبقت فيها شيكات طايرة وصفقات ضاربة وأسواق مواسير.
وأنت ما بتقدر على التلتلة والسجون دي. أحسن تقعد في رياضك دي مع ناس ود الموج وود الباوقة وجماعة السفارة.
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: Deng)
|
الأخ علاء الدين
لك التحية
لا بد أن يكون هنالك إستقبال رسمى وشعبى
على الأقل يكون فى إستقباله وزير الثقافة والإعلام
ووزير الإستثمار ووالى الخرطوم وطبعا الإستقبال
عن طريق صالة كبار الزوار ودى طبعا فيها بساط أحمر
وتفقد حرس الشرف بالنسبة للجانب الشعبى لا بد من حشد
البورداب من جميع أنحاء السودان . وأهم شئ اللافتات
المرحبة تكون مثبتة على أغصان شجرة الجاتروفا.
ولا بد من وجود عدد كبير من الهتيفة المحترفين
ولا بد من توحيد الهتافات وأمثلة لتلك الهتافات
(مرحب مرحب يا غريبة) ( عودة طيبة يا غريبة)
ولا بد من التغطية الصحفية الكاملة للحدث الهام
ويجب أن يتصدر الخبر جميع الصحف وبالبنط العريض
الرياض تودع غريبة بالدموع وتستقبله الخرطوم بالدموع
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: صلاح غريبة)
|
مرحباً بالفاتح الأممي القائد المظفر الهمام أهم أعضاء المنبر وكبير البورداب وخبير الصحافة والسياسة والاقتصاد والتجارة والفيسبوك والجوقل والمنبر والمواقع المجاورة والانترنت والعلاقات الاجتماعية ...
وسنحمل خيامنا إلى المطار ونعتصم حتى يصل القائد ثم نحمله على الأعناق إلى قصر الضيافة .... معلنين على الملأ في شوارع الخرطوم
هو دا هو دا .... هو دا هو دا
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: محمد علي البصير)
|
العزيز / محمد علي البصير عندو مداخلة مهمة يا اخوانا .....
Quote: كان شربتوا مقلب عينة ـ ذبائحكم ولافاتتكم ولمتكم كانت تروح شمار في مرقة
صاحبنا غريبة الظاهر كلما يسمع ليه بخبر أي لمة يقوم يأجل السفر ، عشان كدا ليه أكثر من سنة قال أخلا طرفو ، ولسع أي مناسبة تمشي تلقاه في وشك وأخرا كان تأبين الإتحاديين في قاعة الفخامة أمبارح
شفت يا دكتور علاء أنا عشان كشفت ليكم المقلب دا ـ تقوموا تحولوا كل فعاليات الإستقبال دا لي أنا بعد أجي الخرطوم |
مستشهدا اخونا محمد البصير على مداخلات العصامي غريبة في فعاليات الرياض ولكن فاته ان صلاح غريبة ممكن يكون حاضرا في جميع المحافل في وقت واحد ... !!!!
ليس من الصعب على صلاح غريبة ان يكون في حفل تابين وردي وفي الاجتماع وفي المطار دا لو ما كان في مناسبة رابعة ممنك يكون فيها ايضا ...( الكلام دا طبعا في آن واحد ) ...
شفتو صلاح غريبة دا كيف ؟؟؟
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: علاء الدين حيموره)
|
| Quote: ليس من الصعب على صلاح غريبة ان يكون في حفل تابين وردي وفي الاجتماع وفي المطار دا لو ما كان في مناسبة رابعة ممنك يكون فيها ايضا ...( الكلام دا طبعا في آن واحد ) ... |
تشكر الصديق العزيز علاء
فعلا ... ممكن اكون في كل المناسبات في وقت واحد ويكفى انني كنت عضو فعال ( عضو لجان تنفيذية ) في اكثر
من 16 جمعية ورابطة ومنظمة في الرياض في وقت واحد
صلاح غريبة - قريبا من بورداب الخرطوم ومؤسس لبورداب الخرطوم ( التيار الجديد )
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: صلاح غريبة)
|
اخونا المحتفى به الصديق العزيز صلاح غريبة قال :
| Quote: لاسباب خارجة عن ارادتي سيتاجل سفري من يوم 23 مارس |
يا زول جيت او ما جيت حانكون في المطار بكامل العدة والعتاد لاستقبالك ... تعبنا ما يروح شمار في مرقة ....
تعالوا نستقبل الطائرة التي كانت من المفروض ان تقل الاخ صلاح غريبة ....
ويبقى هذا البوست الى نرى صلاح غريبة بلحمه وشحمه في الخرطوم ....
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: omar arbab)
|
علاء ....سلامات
هل تم تعديل تاريخ وصول وفد المقدمة.....اليوم الاربعاء
يا علاء في اواخر فبراير كنت واحد افراد الاسرة قريبين من جهاز المغتربين والكلام دا بالمساء
وعندما بقينا قريبين من البوابة الغربية نسمع ليك صوت حفلة وغنا ولما قربنا خلاص لقينا الحفلة مدورة داخل مباني جهاز المغتربين
قريبي قال لي يا ربي ديل عندهم شنو وبدون ما احس رديت ليه....يمكن صلاح غريبة رجع ....
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: omar arbab)
|
الاخ الفاضل / عمر ارباب
تحياتي ليك
Quote: علاء سلام
بالله مافي طريقه تاخير شويه |
حتى في سراديق العزاء بل وفي المقابر تجد الحوار في كافة مناحي الحياة ....
هذا لا يمنع الحزن ولكن الاحزان في القلب دائما ...
البركة فيكم والعزاء للشعب السوداني في كل من فقدناهم من مبدعين وغيرهم ....
سنة الحياة والحياة لا تقف بموت احد
جزيل الشكر
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: صلاح غريبة)
|
القائد / صلاح غريبة
Quote: الاخ علاء
كان من المفترض ان اسافر يوم الخميس ولكن اتضح انه توجد لدى سيارة
لابد من اسقاط لوحاتها من اسمي
وشغال في الاجراءات
نتقابل يوم الاثنين في رحاب الخرطوم |
انت جائي خروج نهائي ؟؟؟
غايتو نحن مستعدين ليوم 23 مارس كدي حاول انك ما تخزلنا ...
| |
|
|
|
|
|
|
|
|
|
Re: مارس شهر الكوارث ... صلاح غريبة بالخرطوم 23 مارس (Re: صلاح غريبة)
|
Quote: الاخ العزيز علاء
كان من الصعب ان اسافر اليوم بسبب الظروف التي ذكرتها لك
ولكن توقع حضوري يوم الاثنين القادم |
ياحليل صلاح الدين المورم كبد المغتربين
ياحليل صلاح الدين الشهانا نوم العين
يا حليل صلاح الدين اب جلدا تخين
ويا حليلى انا الما لقيت لى منو نعلين
يا حليل صلاح الدين بوق الانقاذيين
فراقك علينا ماهين انشاء الله الخروج زى غناء ود الامين
اربعه او خمسه سنين
تفارقنا كيف يا الشين يا اب اضنين
ياحليل ود غريبه صلاح الدين
ويا حليل حبيبنا زفت الطين
وانصحك ما تقعد فى الخرطوم طوالى على فلسطين
بالعدم اغتراب جنوب كردفان او فى الدمازين
هناك الخروف بى جنيهين
والفراوله والخوخ ذات الشمال وذات اليمين
امش ان شاء الله يلاقيك مرفعين
انت وحبوبتك ويلحقك الزينين
ويحقق لينا امنيتنا النهاتى بيها سنين
يا حليل صلاح الدين فراقك صعب يا سمين
والله يشيلك من قلبنا زى ماشالك من العين
يا حليلك يا صلاح الدين
وياحليل طلتك وزى ما بقول طارق جبرين
يا حليلك وحليل بسمتك وانعل ابو الجمكسين
ابكى يا انعام وس###### يا علاء الدين
ان شاء الله صلاح يسكن الصحافه وتبقو متجاورين
وما اوصيك على صحبته ان شاء الله طوالى متقاودين
حاشاهو من العيب غير سغيل ومسيخ وكريه وجلدو تخين
ياحليل صلاح الدين من ما نوى المشية للسودان كمل الزينين
ان شاء الله تتوظف ويعينوك افندى فى جهاز المغتربين
وحلات قدلتك وسط البورداب من حليوة لشارع الستين
واشوفك متجدع من منتدى الاسرة لى بيت طارق اللمين
وتانى مانشوفك الا فى النشرة وهتافك تاصيل تمكين
يا حليل صلاح كبير المنافقين
يا حليل صلاح الدين اريتو بسفر البنزين
خروج بالعادم لما يصل بعد الفرقدين
فراقك علينا حار ان شاء الله ليك دوام مشتاقين
يا الوحدت بى ود الباوقة وابو حسين
يبكيك على الكرار بالدمع السخين
يبكيك حمزاوى وحالف بعد سفرك يضبح تركين
يا حليل صلاح الدين ويا حليل صلاح الدين وعووووووووع على صلاح الدين
علاء الدين اكتب هذه القصيده واكاد ان اشرق بالدمع لتاجيل صلاح السفر حتى يوم الاتنين
ووحات خوتو المافى ليها داعى سيارته دى كان بعدلو على كانت شحنتها ليه فى الطيارة صحبة راكب
يستاهل كل خير غريبة ده الله يقرفه ياخى..
حا يوحشنا بس عليهو..
علاء الدين الوصية فى الذمة وطلبتك بالملح والملاح الزول ده كان نوى يرجع هنا اغشى مايو واشترى ليك قندولين
من وارد واو وختهن ليه فى شنطته وقول ليه ده دواء لصديق الموج وانا بلاقيه بالبلاغ فى المطار جزاه الله خير ،،،
| |
|
|
|
|
|
|
| |
علاء الدين حيموره
قاسم المهداوى
mohmmed said ahmed
ابوعبيدة النعمان
Deng
صلاح غريبة
مزمل خيرى
اسماء الجنيد
صديق الموج
محمد الامين محمد
البحيراوي
محمد علي البصير
محمد أبوالعزائم أبوالريش
بكري الخير
ابوحراز
جمال خضر
Hani Arabi Mohamed
مزاحم الضوي
omar arbab
عباس محمود
قلقو
حافظ انقابو
فيس بوك
تويتر
انستقرام
يوتيوب
بنتيريست